បារាំង៖ ការសិក្សាមួយបានរកឃើញថា យុវជនជាង ១ពាន់លាននាក់នៅជុំវិញពិភពលោកកំពុងព្រឈមនឹងបញ្ហាបាត់បង់សមត្ថភាពនៃការស្តាប់ ឬអាចនិយាយបានថាជាបញ្ហាថ្លង់ ឬស្តាប់លែងសូវឮច្បាស់ នេះបើយោងតាមការចុះផ្សាយរបស់បណ្តាញសារព័ត៌​មាន The Strat Times នៅព្រឹកថ្ងៃពុធ ទី១៦ ខែវិច្ឆិកានេះ។ ការសិក្សាមួយនេះត្រូវបានធ្វើឡើងដោយក្រុមអ្នកជំនាញផ្នែកសោតសាស្រ្តរបស់អង្គការសុខភាពពិភពលោក (WHO) ខណៈលទ្ធផលនៃការសិក្សានេះត្រូវបានចុះផ្សាយជាបន្ទាន់នៅក្នុងរបាយការណ៍សុខភាពនៅក្នុងប្រទេសធំៗជាច្រើនមានដូចជា បារាំង អង់គ្លេស អេស្ប៉ាញ និងរុស្ស៊ីជាដើម។ ប្រភពខាងលើបានបន្តថា នៅក្នុងការសិក្សាខាងលើនេះគឺមានការចូលរួមពីសំណាក់ក្រុមយុវជនអាយុចន្លោះពី ១២ឆ្នាំរហូតដល់ ៣៤ឆ្នាំចំនួន ១៩ ០០០នាក់ ដែលពួកគេគឺក្រុមមនុស្សមានទម្លាប់ស្តាប់តន្ត្រីតាមរយៈកាសនិងឧស្សាហ៍ទៅកន្លែងកំសាន្តដែលមានសំឡេងតន្ត្រីខ្លាំងៗ ដូចជាក្លឹបរាត្រី បា​ ឬចូលរួមពិធីជប់លៀងធំៗជាញឹកញាប់។ លទ្ធផលនៃការសិក្សាបានបង្ហាញថា ក្រុមយុវជនចំនួន ២៤%កំពុងប្រឈមនឹងបញ្ហាបាត់បង់សមត្ថភាពនៃការស្តាប់ដែលបង្កឡើងតាមរយៈនៃសកម្មភាពនៃការស្តាប់តន្ត្រីឮៗតាមរយៈកាស ខណៈ ៤៨%កំពុងប្រឈមនឹងបញ្ហាស្តាប់លែងសូវឮបង្កឡើងដោយការទៅកាន់ទីកន្លែងដែលមានសំឡេងតន្ត្រីខ្លាំងៗ។ ផ្អែកលើលទ្ធផលនៃការសិក្សាខាងលើហើយប្រៀបធៀបទៅនឹងចំនួនយុវជនសុរបនៅលើពិភពលោកគឺគេអាចទាញការសន្និដ្ឋានបានថា នឹងមានយុវជនប្រមាណជា ១,៣ពាន់លាននាក់នៅជុំវិញពិភពដែលត្រូវប្រឈមនឹងបញ្ហាចុះខ្សោយសមត្ថភាពនៃការស្តាប់នៅក្នុងរយៈពេលវែង ឬនៅពេលដែលពួកគេមានអាយុច្រើន ប្រសិនបើពួកគេនៅបន្តរក្សាទម្លាប់ស្ដាប់តន្ត្រីឮៗជាប្រចាំទៀត៕ ផ្តល់សិទ្ធិដោយ៖ ខ្មែរណូត

(បរទេស)៖ បន្ទាប់ពីមានពាក្យចចាមអារ៉ាមជាច្រើនទាក់ទិននឹងការគេចចេញពីកោះតៃវ៉ាន់របស់ក្រុមហ៊ុនផលិតបន្ទះឈីបធំៗមួយចំនួន ពេលនេះមេដឹកនាំកោះតៃវ៉ាន់លោកស្រី Tsai Ing-Wen បានចេញមុខបដិសេធនឹង«ពាក្យចចាមអារ៉ាម» នោះដោយផ្ទាល់ អំពីហានិភ័យនៃការវិនិយោគនៅក្នុងឧស្សាហកម្មផលិតបន្ទះឈីបនៅទីនោះ។ ខណៈលោកស្រីបានលើកឡើងយ៉ាងមុតមាំថា រដ្ឋាភិបាលនឹងមិនមើលនឹងភ្នែកនោះទេ ដោយរដ្ឋាភិបាលកំពុងគិតគូរយ៉ាងខ្លាំងដើម្បីធានាឱ្យមានការវិនិយោគបែបនេះបន្ត។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី១៦ ខែវិច្ឆិកា ឆ្នាំ២០២២។ យោងតាមខ្លឹមសារចេញផ្សាយបានឱ្យដឹងថា កោះតៃវ៉ាន់គឺជាកន្លែងផលិតបន្ទះឈីបកិច្ចសន្យាដ៏ធំជាងគេបំផុតរបស់ពិភពលោក និងជាជម្រកដ៏សំខាន់របស់ក្រុមហ៊ុន TSMC ដែលបានដើរតួនាទីជាអ្នកផ្គត់ផ្គង់បន្ទះឈីបនៅស្ទើតែគ្រប់ផលិតផលទាំងអស់ចាប់ពីរថយន្ត ស្មាតហ្វូន រហូតដល់យន្តហោះចម្បាំង ហើយក៏ជាកន្លែងផ្គត់ផ្គង់ដ៏ធំបំផុតរបស់ Apple ផងដែរ។ ប្រភពបានឱ្យដឹងថា ពាក្យចចាមអារ៉ាមកន្លងមកទាក់ទិននឹងហានិភ័យនៃខ្សែសង្វាក់ផ្គត់ផ្គង់ក្នុងកោះតៃវ៉ាន់នោះគឺ ចាប់តាំងពីយោធាចិនបានគំរាមកំហែងទៅលើកោះនេះដើម្បីទាមទារអធិបតេយ្យភាពទីក្រុងប៉េកាំង ជាពិសេសនោះគឺបន្ទាប់ពីប្រធានសភាអាមេរិកលោកស្រី Nancy Pelosi បានទៅទស្សនាទីក្រុងតៃប៉ិកាលពីខែសីហាកន្លងទៅ ធ្វើឱ្យឧស្សាហកម្មបន្ទះឈីបកាន់តែតានតឹងខ្លាំងឡើងនៅលើកោះនេះ។ ពោលគឺគិតមកទល់ពេលនេះ ក្រុមហ៊ុនអាមេរិកធំៗជាច្រើនកំពុងតែប្រកាសដកខ្លួនចេញពីកោះតៃវ៉ាន់ ដោយកាលពីពេលថ្មីៗកន្លងទៅ សូម្បីតែក្រុមហ៊ុនផ្គត់ផ្គង់បន្ទះឈីបដ៏ធំបំផុតដែលមានដើមកំណើតនៅទីនេះ គឺ Foxconn ក៏បានប្រកាសស្វែងរកទីតាំងប្រទេសផ្សេងដើម្បីឈរជើងផងដែរ។ យ៉ាងណាមិញអ្វីដែលគេកត់សម្គាល់ខ្លាំងចំពោះការលើកឡើងរបស់ មេដឹកនាំកោះតៃវ៉ាន់លោកស្រី Tsai Ing-Wen នៅក្នុងកិច្ចប្រជុំមួយជាមួយលោក Frederic Schneider-Maunoury ដែលជាប្រធានផ្នែកប្រតិបត្តិការនៃ ASML Holding NV និងជាអ្នកផ្គត់ផ្គង់ឧបករណ៍សំខាន់ៗដល់ក្រុមហ៊ុន TSMC នោះគឺលោកស្រី […]

(វ៉ាស៊ីនតោន)៖ លោក ដូណាល់ ត្រាំ បានចុះឈ្មោះជាបេក្ខជនប្រធានាធិបតីអាមេរិក សម្រាប់ការបោះឆ្នោតនៅឆ្នាំ២០២៤ ជាផ្លូវការហើយ ជាមួយគណៈកម្មការរៀបចំ ការបោះឆ្នោតសហព័ន្ធ នៅយប់ថ្ងៃអង្គារសប្ដាហ៍នេះ (ពេលវេលានៅសហរដ្ឋអាមេរិក) ហើយបានបង្កើតគណៈកម្មាធិការធ្វើយុទ្ធនាការឃោសនាបោះឆ្នោតថ្មីមួយ ផងដែរ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃពុធ ទី១៦ ខែវិច្ឆិកា ឆ្នាំ២០២២។ តាមរយៈការចុះឈ្មោះខាងលើ អតីតប្រធានាធិបតីអាមេរិករូបនេះ នឹងក្លាយជាអ្នកសាធារណរដ្ឋដំបូងគេ ដែលបានចុះឈ្មោះជាបេក្ខជនសម្រាប់ការបោះឆ្នោតប្រធានាធិបតី អាមេរិកនៅឆ្នាំ២០២៤ ហើយលោកក៏នឹងក្លាយជាអតីតប្រធានាធិបតីអាមេរិកដំបូងគេម្នាក់ដែលចាញ់ឆ្នោតម្ដងហើយ ហើយចូលរួមប្រកួតប្រជែងសាជាថ្មី ក្នុងរយៈពេល ជាង១ស.វមកនេះដែរ។ គួរបញ្ជាក់ថា លោក ដូណាល់ ត្រាំ បានបង្ហើបពីចេតនាឈរឈ្មោះជាបេក្ខជនប្រធានាធិបតីអាមេរិកតំណាងឱ្យបក្សសាធារណរដ្ឋជាច្រើនលើកមកហើយ ប៉ុន្តែការប្រកាស នៅពេលនេះធ្វើឡើងនៅចំពេលដែលគណបក្សសាធារណរដ្ឋ ទទួលបានលទ្ធផលមិនគាប់ប្រសើរដូចការរំពឹងឡើយ នៅក្នុងការបោះឆ្នោតពាក់កណ្ដាលអាណត្តិ៕ ផ្តល់សិទ្ធិដោយ៖ freshnews

(ឡុងដ៍)៖ ការិយាល័យនាយករដ្ឋមន្រ្តីអង់គ្លេស នៅថ្ងៃអង្គារនេះបានសេចក្តីថ្លែងការណ៍ឱ្យដឹងថា ចក្រភពអង់គ្លេសនឹងចំណាយ ថវិកាចំនួន៤.២ពាន់លានផោន ឬស្មើនឹង៤.៩ពាន់លានដុល្លារអាមេរិក ទៅលើនាវាចម្បាំងថ្មីៗចំនួន៥គ្រឿង ដើម្បីពង្រឹងសន្តិសុខ នៅចំពោះមុខការគំរាមកំហែងកាន់តែកើនឡើង ពីសំណាក់ប្រទេសរុស្ស៉ី។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃអង្គារ ទី១៥ ខែវិច្ឆិកា ឆ្នាំ២០២២។ សេចក្តីថ្លែងការណ៍នោះ បានលើកឡើងដូច្នេះថា «ចក្រភពអង់គ្លេសនិងសម្ព័ន្ធមិត្ត កំពុងចាត់វិធានការពង្រឹងសន្តិសុខរបស់ខ្លួន នៅចំពោះមុខការកើនឡើង នៃការគំរាមកំហែងរបស់រុស្ស៉ី។ សកម្មភាពរបស់រុស្ស៉ីធ្វើឱ្យយើងទាំងអស់គ្នា ប្រឈមនឹងហានិភ័យ។ ខណៈយើងផ្តល់ឱ្យអ៊ុយក្រែននូវការគាំទ្រដែលពួកគេត្រូវការ ពួកយើងផ្ទាល់ក៏កំពុងខិតខំបង្កើនការការពារសម្រាប់ខ្លួនឯងផងដែរ ក្នុងនោះរួមមានទាំងការសាងសង់នាវាចម្បាំងជំនាន់ថ្មី»។ ផែនការចំណាយខាងលើ គឺជាដំណាក់កាលបន្ទាប់ នៃកម្មវិធីមួយដែលក្នុងនោះ នាវាចម្បាំងចំនួន៣គ្រឿង ស្ថិតក្រោមដំណើរការ​សាងសង់រួចជាស្រេច។ បូកបន្ថែមជាមួយនាវាចម្បាំង៥គ្រឿងថ្មី ដែលទើបតែប្រកាសនេះ នាវាចម្បាំងសរុបទាំង៨គ្រឿង ត្រូវរំពឹង​ថានឹងសាងសង់រួចរាល់ជាស្ថាពរទាំងអស់ នៅត្រឹមពាក់កណ្តាលទសវត្សរ៍ឆ្នាំ២០៣០។ គួរបញ្ជាក់ថា បច្ចុប្បន្ននាយករដ្ឋមន្រ្តីអង់គ្លេស លោក រីស៉ី ស៊ូណាក់ (Rishi Sunak) កំពុងស្ថិតនៅកោះបាលីនៃប្រទេសឥណ្ឌូណេស៉ី សម្រាប់កិច្ចប្រជុំកំពូល G20 ជាទីដែលគេរំពឹងថា ទីក្រុងមូស្គូនឹងទទួលរងសម្ពាធក៏ដូចជាការថ្កោលទោស ជុំវិញទង្វើឈ្លានពាន​របស់ខ្លួនលើអ៊ុយក្រែន។ ប្រធានាធិបតីរុស្ស៉ី លោក វ៉្លាឌីមៀ ពូទីន […]

យោងតាមការចុះផ្សាយរបស់សារព័ត៌មាន CNN បានឱ្យដឹងថា ស្បែកជើងម៉ាក Birkenstock កញ្ចាស់មួយគូ ដែលធ្លាប់ប្រើប្រាស់ជាប្រចាំ ដោយអតីតសហស្ថាបនិកក្រុមហ៊ុន Apple គឺលោក Steve Jobs ត្រូវបានគេទិញនៅក្នុងតម្លៃជាង ២០០,០០០ ដុល្លារ ដែលជាកំណត់ត្រាថ្លៃបំផុតសម្រាប់ស្បែកជើងសង្រែក។ ស្បែកជើងនេះធ្លាប់ត្រូវបានរំពឹងថា នឹងមានតម្លៃត្រឹម ៦០,០០០ ដុល្លារប៉ុណ្ណោះ ប៉ុន្តែជាក់ស្ដែង វាត្រូវបានលក់ក្នុងតម្លៃរហូតដល់ ២១៨,៧៥០ ដុល្លារ នៅក្នុងការដាក់បង្ហាញដោយផ្ទះដេញថ្លៃ Julien’s Auctions បូករួមជាមួយនឹងរូប NFT របស់វាមួយផងដែរ។ ស្បែកជើងនេះត្រូវបានលោក Steve Jobs ពាក់កំឡុងទសវត្សរ៍ឆ្នាំ១៩៧០ និង ៨០ ហើយវាមានសភាពដូចជាស្បែកចាស់ទូទៅ ប៉ុន្តែមិនទាន់ខូចទ្រង់ទ្រាយនោះទេ។ ផ្ទះដេញថ្លៃ Julien’s Auctions បានឱ្យដឹងនៅលើគេហទំព័ររបស់ខ្លួនថា បាតរបស់ស្បែកជើងនៅរក្សាបាននូវស្នាមជើងរបស់លោក Steve Jobs បន្ទាប់ពីគាត់បានពាក់វាជាច្រើនឆ្នាំ។ ខ្លួនបាននិយាយថា ស្បែកជើងម៉ាក Birkenstocks មួយគូនេះ ត្រូវបានលោក Mark Sheff ដែលជាអតីតអ្នកចាត់ការផ្ទះរបស់លោក Steve Jobs រើសវាយកមកទុក នៅក្នុងអំឡុងពេលធ្វើការបោសសម្អាតផ្ទះ។ ស្បែកជើងនេះត្រូវបានលក់នៅក្នុងការដេញថ្លៃរបស់ផ្ទះដេញថ្លៃ Julien’s […]

(យូអិន)៖ មហាសន្និបាតអង្គការសហប្រជាជាតិ នៅថ្ងៃចន្ទសប្ដាហ៍នេះបានអនុម័តដំណោះស្រាយមួយ ដែលអំពាវនាវឱ្យរុស្ស៉ីសងថ្លៃខូចខាត សម្រាប់ការបំផ្លិចបំផ្លាញ និងការបាត់បង់អាយុជីវិតមនុស្ស អំឡុងសង្រ្គាមឈ្លានពានរបស់ខ្លួនប្រឆាំងអ៊ុយក្រែន។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃអង្គារ ទី១៥ ខែវិច្ឆិកា ឆ្នាំ២០២២។ ដំណោះស្រាយខាងលើ ដែលត្រូវបានអនុម័តនៅថ្ងៃចន្ទសប្ដាហ៍នេះ ទទួលបានការគាំទ្រពីប្រទេសចំនួន ៩៤ នៅក្នុងចំណោមប្រទេសជាសមាជិក UN ១៩៣ប្រទេស ហើយដំណោះស្រាយនេះ ក៏បានសង្កត់ធ្ងន់ដែរថារុស្ស៉ីដែលបានឈ្លានពានអ៊ុយក្រែនកាលពីខែកុម្ភៈ ត្រូវតែទទួលខុសត្រូវចំពោះមុខច្បាប់ រាល់សកម្មភាពបំពានច្បាប់ អន្តរជាតិ ក្នុងនោះរួមមានទាំងការសងថ្លៃខូចខាតសម្រាប់ស្លាប់ និងអ្នករងរបួស ព្រមទាំងការបំផិ្លចបំផ្លាញនានាដែលបង្កឡើយដោយសកម្មភាពឈ្លានពានរបស់ខ្លួន។ គួរបញ្ជាក់ថា ប្រទេសចំនួន១៤ បានបោះឆ្នោតប្រឆាំងជំទាស់នឹងដំណោះស្រាយខាងលើ រួមមានរុស្ស៉ី ចិន និងអ៉ីរ៉ង់ជាដើម ខណៈប្រទេសចំនួន ៧៣ បានបោះឆ្នោត អនុបវាទ ក្នុងនោះរួមមានប្រេស៊ីល ឥណ្ឌា និងអាហ្វ្រិកខាងត្បូង។ នេះគឺជាកម្រិតគាំទ្រទាបបំផុតនៅក្នុងចំណោមដំណោះស្រាយចំនួន៥ ពាក់ព័ន្ធនឹងអ៊ុយក្រែនដែល ត្រូវបានអនុម័តដោយមហាសន្និបាត UN ចាប់តាំងពីរុស្ស៉ីចូលឈ្លានពានអ៊ុយក្រែនកាលពីថ្ងៃទី២៤ ខែកុម្ភៈមក។ មួយវិញទៀត ដំណោះស្រាយដដែលក៏បានទទួល ស្គាល់ដែរលើភាពចាំបាច់នៃការបង្កើតយន្ដការណ៍ជាលក្ខណៈអន្តរជាតិ ដើម្បីជួសជុលការខូចខាតឡើងវិញរួមទាំងមានការបាត់បង់អាយុជីវិត រងរបួស និងការបំផ្លិចបំផ្លាញ៕ ផ្តល់សិទ្ធិដោយ៖ freshnews

អាមេរិក៖ យោងតា​មការចុះផ្សាយរបស់បណ្តាញសារព័ត៌មាន The Strait Times នៅព្រឹកថ្ងៃអង្គារ ទី១៥ ខែវិច្ឆិកានេះបានឲ្យដឹងថា ក្រុមហ៊ុន Google នឹងត្រូវបង់ប្រាក់រហូតដល់ ៣៩១,៥ លានដុល្លារដើម្បីដោះស្រាយការចោទប្រកាន់មួយដែលគេបានរកឃើញថា ក្រុមហ៊ុនបានលួចតាមដានទីតាំងរបស់ក្រុមអ្នកប្រើប្រាស់ដោយគ្មានការអនុញ្ញាត។ ការសម្រេចចោទប្រកាន់ខាងលើនេះត្រូវបានធ្វើឡើងដោយការិល័យមេធាវីនៃរដ្ឋ​ Michigan សហរដ្ឋអាមេរិកកាលពីថ្ងៃម្សិលមិញនេះ ក្រោយមានការស៊ើបអង្កេតដ៏ល្អិតល្អន់មួយ។ ប្រភពខាងលើបានបន្តថា ការស៊ើបអង្កេតត្រូវបានធ្វើឡើងដោយក្រុមប៉ូលិសជំនាញផ្នែកព័ត៌មានវិទ្យានៅរដ្ឋ Oregon និងរដ្ឋ Nebraska ខណៈនៅក្នុងការស៊ើបអង្កេតនោះគេបានរកឃើញថា ក្រុមហ៊ុន Google បានលួចតាមដានទីតាំងរបស់ក្រុមអ្នកប្រើប្រាស់នៅជាច្រើននាក់នៅក្នុងរដ្ឋចំនួន ៤០ នៅសហរដ្ឋអាមេរិកដោយគ្មានការអនុញ្ញាតពីសាមីខ្លួន ហើយឥរិយាបថនេះត្រូវបានគេចាត់ទុកថា ជាការរំលោភបំពានទាំងស្រុងទៅលើសិទ្ធរបស់អ្នកប្រើប្រាស់។ គួរបញ្ជាក់ជូនថា ក្រៅតែពីត្រូវដោះស្រាយចំពោះការចោទប្រកាន់ខាងលើនេះហើយ ក្រុមហ៊ុន Google ក៏ត្រូវបន្តដោះស្រាយពាក្យបណ្តឹងរបស់រដ្ឋសំខាន់ៗមួយចំនួនទៀតចំពោះករណីដូចគ្នាផងដែរ ដោយក្នុងនោះគេបានកត់សម្គាល់ថា រដ្ឋ Arizona តែម្នាក់ឯងបានទាមទារសំណងជាប្រាក់ចំនួន ៨៥លានដុល្លារឯណោះ៕ ផ្តល់សិទ្ធិដោយ៖ ខ្មែរណូត

អាមេរិក៖ ក្រុមហ៊ុនលក់ផលិតផលតាមបណ្តាញអ៊ីនធឺណិតដ៏ធំនៅលើពិភពលោកគឺក្រុមហ៊ុន Amazon គ្រោងនឹងបញ្ឈប់បុគ្គលិកប្រហែល ១០,០០០នាក់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Times នៅព្រឹកថ្ងៃអង្គារ ទី១៥ ខែវិច្ឆិកានេះ។ តាមគម្រោងគឺការបញ្ឈប់បុគ្គលិកក្នុងចំនួនដ៏ច្រើននេះនឹងត្រូ​វធ្វើឡើងនៅក្នុងសប្តាហ៍នេះ ពោលវាគឺជាការសម្រេចដ៏ឆាប់រហ័សបំផុតមួយពីសំណាក់ក្រុមប្រឹក្សាភិបាលនិងគណៈគ្រប់គ្រងរបស់ក្រុមហ៊ុន។ ប្រភពខាងលើបានបន្តថា បុគ្គលិករបស់ក្រុមហ៊ុន Amazon ដែលស្ថិតនៅក្នុងបញ្ជីនៃការបញ្ឈប់នោះគឺភាគច្រើនជាក្រុមបុគ្គលិកស្ថិតនៅក្នុងវិស័យសារជីវកម្មនិងបច្ចេកវិទ្យា។ គួរបញ្ជាក់ជូនថា ក្រុមបុគ្គលិកប្រហែល ១០,០០០នាក់ដែលគ្រោងនឹងត្រូវបញ្ឈប់ពីការងារនោះគឺមានចំនួនស្នើនឹង ៣%នៃបុគ្គលិកសរុបនៅក្នុងវិស័យសារជីវកម្មនិងបច្ចេកវិទ្យា ឬមានចំនួនតិចជាង ១% បើធៀបនឹងតួលេខបុគ្គលិកសរុបនៅជុំវិញពិភពលោកដែលមានចំនួនសរុបប្រហែល ១,៥លាននាក់៕ ផ្តល់សិទ្ធិដោយ៖ ខ្មែរណូត

(បាលី, ឥណ្ឌូណេស៊ី)៖ រដ្ឋមន្ត្រីការបរទេសរុស្ស៉ី លោក សឺហ្គៃ ឡាវរ៉ូវ ត្រូវបានគេដឹកបញ្ជូនទៅកាន់មន្ទីរពេទ្យ បន្ទាប់ពីលោកបានធ្វើដំណើរទៅដល់កោះបាលី ប្រទេសឥណ្ឌូណេស៊ី ដើម្បីចូលរួមកិច្ចប្រជុំកំពូល G20។ នេះបើតាមការចេញផ្សាយដោយទីភ្នាក់ងារសារព័ត៌មាន AP នៅថ្ងៃចន្ទ ទី១៤ ខែវិច្ឆិកា ឆ្នាំ២០២២។ ទីភ្នាក់ងារសារព័ត៌មាន AP ធ្វើសេចក្ដីរាយការណ៍បែបនេះដោយផ្អែកលើប្រភពដែលខ្លួនទទួលបានពីមន្ត្រីឥណ្ឌូណេស៊ី និងគ្រូពេទ្យចំនួន៣រូប ដែលអះអាងថាលោក ឡាវរ៉ូវ កំពុងទទួលការព្យាបាល នៅឯមន្ទីរពេទ្យមួយលើកោះបាលី។ បន្ថែមពីលើនេះ មន្ត្រី ២រូបក្នុងចំណោម៣រូបខាងលើ ក៏បានអះអាងផងដែរថាលោករដ្ឋមន្ត្រីការបរទេសរុស្ស៉ី បាន និងកំពុងទទួលការព្យាបាលបញ្ហាបេះដូង។ ប៉ុន្តែ ភ្លាមៗក្រោយមានសេចក្ដីរាយការណ៍នេះ អ្នកនាំពាក្យក្រសួងការបរទេសរុស្ស៉ីបានច្រានចោលព័ត៌មានដែលថាលោក ឡាវរ៉ូវត្រូវបានបញ្ជូនទៅកាន់មន្ទីរពេទ្យ ដោយចាត់ទុកថា​ជាព័ត៌មានក្លែងក្លាយ តែក៏មិនបានបញ្ជាក់អ្វីលម្អិតនោះដែរ៕ ផ្តល់សិទ្ធិដោយ៖ freshnews

ខណៈដែល​មនុស្សវ័យចំណាស់ជាច្រើនត្រូវប្រឈមនឹងបញ្ហាសុខភាព ឬត្រូវសម្រាកនៅផ្ទះមិនអាចចេញទៅណារួចនោះ មានស្រ្តីអាយុជាង ៧០ឆ្នាំម្នាក់បានធ្វើរឿងមិនគួរឲ្យជឿមួយគឺរូបគាត់បានជិះកង់កាត់ប្រទេសជាច្រើនដែលមានចម្ងាយរាប់ពាន់គីឡូម៉ែត្រដើម្បីផ្សព្វផ្សាយសារដ៏មានសារៈសំខាន់មួយសម្រាប់ពិភពលោកទាំងមូល។ បើយោងតាមការចុះផ្សាយរបស់បណ្តាញសារព័ត៌មាន South China Moring Post នៅព្រឹកថ្ងៃចន្ទ ទី១៤ ខែវិច្ឆិកានេះបានបញ្ជាក់ថា ស្រ្តីចំណាស់រូបនេះមានឈ្មោះថា Dorothee Hildebrandt បច្ចុប្បន្នមានអាយុ ៧២ឆ្នាំ រស់នៅក្នុងទីក្រុង Katrineholm ភាគខាងត្បូងនៃប្រទេសស៊ុយអែត ខណៈរូបគាត់ត្រូវគេដាក់ឈ្មោះក្រៅឲ្យថា​ Miss Piggy។ ប្រភពខាងលើបានបន្តថា ថ្មីៗនេះលោកស្រី Dorothee Hildebrandt បានធ្វើដំណើរទៅដល់ប្រទេសអេហ្ស៊ីបហើយ ដើម្បីចូលរួមក្នុងកម្មវិធីសន្និសិទ្ធមួយស្តីពីការទប់ស្កាត់ការប្រែប្រួលអាកាសធាតុនៅលើពិភពលោក។ តាមគម្រោងគឺលោកស្រ្តី Dorothee Hildebrandt នឹងធ្វើដំណើរដោយកង់របស់គាត់ឆ្លងកាត់ពីបណ្តាប្រទេសនៅតំបន់អឺរ៉ុបនិងបន្តចូលទៅកាន់ដែនដីនៅតំបន់មជ្ឈិមបូព៌ាដោយប្រើរយៈពេល ៤ខែ ដើម្បីផ្សព្វផ្សាយឲ្យប្រជាពលរដ្ឋនាំគ្នាទប់ស្កាត់ការ​ប្រែប្រួលអាកាសធាតុ។ គិតចាប់តាំងពីពេលចេញដំណើរនៅថ្ងៃទី១ ខែកក្កដារហូតមកដល់ពេលនេះ លោកស្រី Dorothee Hildebrandt បានធ្វើដំណើរឆ្លងកាត់ប្រទេសចំ​នួន ១៧ហើយ ដែលមានចម្ងាយផ្លូវសរុបប្រវែង ៨ ២២៨ គីឡូម៉ែត្រ ខណៈជាមធ្យមគាត់អាចជិះកង់បានចម្ងាយ ៨០គីឡូម៉ែត្រក្នុងមួយថ្ងៃ៕ ផ្តល់សិទ្ធិដោយ៖ ខ្មែរណូត