ក្រុមហ៊ុនផលិតមីកញ្ចប់ធំចំនួន ៥ នៅក្នុងប្រទេសថៃ កំពុងអង្វររដ្ឋាភិបាលឱ្យអនុញ្ញាតឱ្យពួកគេដំឡើងតម្លៃដល់ ៨បាត (០.២២ដុល្លារ) ក្នុងមួយកញ្ចប់ ខណៈដែលពួកគេបាននិងកំពុងជួបបញ្ហាពាក់ព័ន្ធនឹងការចំណាយច្រើន។ នាយកប្រតិបត្តិនៃក្រុមហ៊ុនចំនួនប្រាំគឺ Thai Preserved Food, Nissin Foods, Thai President Foods, Wan Thai Foods Industry និង Chokchaipibul Co Ltd – កាលពីថ្ងៃចន្ទបានរួមគ្នាស្នើឱ្យរដ្ឋាភិបាលពិចារណាអនុញ្ញាតឱ្យមានការកែសម្រួលតម្លៃសម្រាប់មីកញ្ចប់ ដែលជាអាហារពេញនិយមសម្រាប់ប្រជាជនដែលមានចំណូលទាប។ លោក Weera Naphaphreugchart នាយករងគ្រប់គ្រងនៃ Thai Preserved Food ដែលជាក្រុមហ៊ុនផលិតគុយទាវ “Wai Wai” បាននិយាយថា ក្រុមហ៊ុនបានប្រឈមមុខនឹងអតិផរណា និងថ្លៃដឹកជញ្ជូនកើនឡើងនៅក្នុងឆ្នាំមុន ដែលបណ្តាលឱ្យផលិតផលមួយចំនួនរបស់ខ្លួនខាតបង់។ លោក​បន្ត​ថា​៖ “យើង​មិន​បាន​កែសម្រួល​តម្លៃ​គុយទាវ​របស់​យើង​រយៈពេល ១៤ ឆ្នាំ​មក​ហើយ​ ដោយសារ​គោលនយោបាយ​កំណត់​តម្លៃ​ ដែល​ដាក់​ដោយ​នាយកដ្ឋាន​ពាណិជ្ជកម្ម​ផ្ទៃក្នុង​។ ដូច្នេះ​វា​ជា​ពេល​វេលា​មួយ ដើម្បី​ពិនិត្យ​តម្លៃ​ឡើង​វិញ​ និងដើម្បី​ឆ្លុះ​បញ្ចាំង​ពី​ការ​ចំណាយ​ជាក់ស្តែង”។ ជាមួយគ្នានេះ លោក Kittiphos Charnphaworakit […]

ថៃ៖ ប្រទេសថៃបានរកឃើញអ្នកឆ្លងជំងឺអ៊ុតស្វា Monkeypox​​ មួយករណីបន្ថែមទៀតហើយ ដែលធ្វើឲ្យចំនួនអ្នកឆ្លងជំងឺអ៊ុតស្វា Monkeypox សរុបនៅក្នុងប្រទេសថៃបានកើតដល់ ៥នាក់ បើគិតត្រឹមព្រឹកថ្ងៃអង្គា ទី១៦ ខែសីហានេះ។ បើយោងតាមការចុះផ្សាយរបស់បណ្តាញសារព័ត៌មាន​ បាងកកប៉ុស្តិ៍ បានឲ្យដឹងថា អ្នកជំងឺអ៊ុតស្វា Monkeypox ដែលជាករណីទី ៥របស់អាជ្ញាធរថៃនោះគឺជាស្រ្តីជនជាតិថៃ វ័យ ២៥ឆ្នាំ ដែលទើបធ្វើដំណើរត្រលប់មកពីទីក្រុងឌូបៃ ប្រទេសអារ៉ាប់រួមវិញ។ បើតាមលោកវេជ្ជបណ្ឌិត Opas Karnkawinpong ដែលជាអគ្គនាយកនៃនាយកដ្ឋានគ្រប់គ្រងជំងឺឆ្លងថៃបានឲ្យដឹងថា ស្រ្តីជាអ្នកជំងឺរូបនេះបានធ្វើដំណើរមកដល់ទឹកដីថៃតាមរយៈជើងហោះហើរដែលបានចុះចតនៅក្នុងប្រលានយន្តសុវណ្ណភូមិកាលពីថ្ងៃអាទិត្យ ទី១៤ ខែសីហា និងបានតេស្តិ៍វិជ្ជាមានជំងឺ Monkeypox កាលពីថ្ងៃចន្ទ ទី១៥ ខែសីហាម្សិលមិញនេះ។ លោកវេជ្ជបណ្ឌិតរូបនេះបានបន្ត គេបានសម្រេចធ្វើតេស្តិ៍ស្រ្តីរូបនេះភ្លាមៗក្រោយពេលគាត់បានមកទល់ប្រទេសថៃ ដ្បិតនៅពេលគាត់បានដើរចេញពីយន្តហោះមកនោះគេបានពិនិត្យឃើញគាត់មានពងបែកនៅខ្លួនរួចទៅហើយ។ សូមបញ្ជាក់ជូនថា គិតត្រឹមពេលនេះជំងឺអ៊ុតស្វា Monkeypox បានបង្កការចម្លងទៅកាន់មនុស្សជាង ៣០,០០០នាក់ហើយនៅជុំវិញពិភពលោក និងមានមនុស្សចំនួន ៦នាក់បានស្លាប់ផងដែរ៕ ផ្តល់សិទ្ធិដោយ៖ ខ្មែរណូត

ថៃ៖ យោងតាមប្រភពព័ត៌មានថៃបានអោយដឹងថា ផលិតផលឱសថបុរាណរុក្ខជាតិទឹកច្រកដបជាច្រើនយីហោដែលមានផ្ទុកសារធាតុគីមី ដែល​សមត្ថកិច្ច​បង្ក្រាប​បទ​ល្មើស រឹបអូសបាន ក្រោយការស៊ើបអង្កេតជាមួយសមត្ថកិច្ច រដ្ឋបាលចំណីអាហារ និងឱសថ (FDA) បានរកឃើញថា ឱសថបុរាណទាំងនោះមិនមានស្តង់ដារ ថែមទាំងមានសារធាតុ steroid ដែលជាថ្នាំស្ថិតក្រោមការគ្រប់គ្រងពិសេស ព្រោះប្រសិនបើទទួលទានច្រើនពេក នឹងប៉ះពាល់ដល់សុខភាព។ ចំពោះករណីនេះ សមត្ថកិច្ចបាននាំយកដីកាឆែកឆេរ ទៅទីតាំងផលិត និងស្តុកចំណីអាហារ ឱសថបុរាណ នៅខេត្តខុនកែន និងខេត្តរ៉ាយ៉ង សរុបចំនួន៦កន្លែង ហើយរកឃើញឱសថបុរាណ និងថ្នាំគ្រាប់ជាច្រើនទៀត លើសពីនេះសមត្ថកិច្ចក៏អាចឃាត់ខ្លួនជនសង្ស័យ​ចំនួន​៤​នាក់​ ហើយ​មន្ត្រី​ជំនាញ​ក៏បាន​បញ្ជូន​ឱសថបុរាណទាំងនោះទៅពិនិត្យរកសារធាតុគីមីនៅនាយកដ្ឋានវិទ្យាសាស្ត្រវេជ្ជសាស្ត្រ ហើយក៏បានរកឃើញអាស៊ីត benzoic ឬសារធាតុរក្សាទុកបានយូរ នៅបរិមាណដែលលើសការកំណត់។ បន្ទាប់​មក​ប៉ូលិស​ក៏បាន​​ស៊ើបអង្កេតរកឃើញអ្នកលក់សារធាតុស្តេរ៉ូអ៊ីតទៅអោយអ្នកផលិតឱសថបុរាណដែលនៅក្នុងសហគមន៍ និងតំបន់ក្បែរនោះ ដោយបានអះអាង​ថា ​ទិញ​ថ្នាំ​ស្តេរ៉ូអ៊ីត (Steroids) ក្នុង​ហាង​មួយ​ក្នុង​ស្រុក Muang ខេត្ត Khon Kaen។ ចំណែក ឱសថការីលោក Wirachai Nalawachai អគ្គលេខាធិការរងនៃរដ្ឋបាលចំណីអាហារ និងឱសថ (FDA) បាននិយាយថា ខ្លួនបានព្រមានដល់អ្នកប្រើប្រាស់ ជាពិសេសមនុស្សចាស់ ដែលជារឿយៗមិនចូលចិត្តព្យាបាលការឈឺចាប់នៅមន្ទីរពេទ្យ ហើយចូលចិត្តទិញឱសថបុរាណទាំងនោះមកប្រើប្រាស់ ហើយប្រសិនបើវាមានសារធាតុ […]

(បរទេស)៖ កាលពីពេលថ្មីៗនេះក្រុមហ៊ុន Google ដែលជាបុត្រសម្ព័ន្ធរបស់ក្រុមហ៊ុនមេ Alphabet Inc ត្រូវបានបញ្ជាឱ្យបង់ប្រាក់ប្រមាណ ៤២.៧លានដុល្លារអាមេរិក ដោយតុលាការសហព័ន្ធរបស់ប្រទេសអូស្រ្តាលី ក្រោមការផាកពិន័យសម្រាប់ការក្លែងបន្លំអ្នកប្រើប្រាស់ក្នុងការប្រមូលទិន្នន័យទីតាំងផ្ទាល់ខ្លួនរបស់ពួកគេ។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី១៥ ខែសីហា ឆ្នាំ២០២២។ យ៉ាងណាមិញទាក់ទិនទៅនឹងបណ្តឹងនេះ ត្រូវបានតុលាការរកឃើញថា Google បានក្លែងបន្លំអតិថិជនមួយចំនួនអំពីទិន្នន័យទីតាំងផ្ទាល់ខ្លួន ដែលត្រូវបានប្រមូលតាមរយៈឧបករណ៍ស្មាតហ្វូន Android របស់ពួកគេនៅចន្លោះខែមករា ឆ្នាំ២០១៧ ដល់ខែធ្នូ ឆ្នាំ២០១៨។ ខណៈដែលបញ្ហានេះក៏ធ្លាប់បានគណៈកម្មការប្រកួតប្រជែង និងអ្នកប្រើប្រាស់អូស្រ្តាលី (ACCC) លើកឡើងកាលពីឆ្នាំ ២០២១កន្លងទៅដែរថា ខ្លួនកំពុងស្វែងរកការប្រកាស និងការពិន័យពី Google ចំពោះបញ្ហាមិនច្បាស់លាស់មួយចំនួន។ ដោយឡែកនៅក្នុងការចេញផ្សាយថ្មីនេះ ACCC ក៏បានបញ្ជាក់បន្ថែមដែរថា Google បានបំភាន់អ្នកប្រើប្រាស់ឱ្យជឿលើការកំណត់ប្រវត្តិទីតាំង «location history» នៅលើស្មាតហ្វូន Android របស់ពួកគេ ដែលជាវិធីតែមួយគត់ដែលទិន្នន័យទីតាំងអាចត្រូវបានប្រមូល ខណៈដែលមុខងារដ៏សំខាន់មួយដើម្បីត្រួតពិនិត្យគេហទំព័រ និងសកម្មភាពកម្មវិធីក៏បានអនុញ្ញាតឱ្យប្រមូល និងរក្សាទុកទិន្នន័យមូលដ្ឋានផងដែរ។ ម្យ៉ាងវិញទៀតបើយោងតាមអង្គការឃ្លាំមើលបានឱ្យដឹងថា អ្នកប្រើប្រាស់គណនី Google ប្រមាណ ១.៣លាននាក់ នៅក្នុងប្រទេសអូស្រ្តាលីដែលបានរងផលប៉ះពាល់ ហើយបានចាប់ផ្តើមដំណើរការនីតិវិធីប្រឆាំងនឹងក្រុមហ៊ុន […]

វៀតណាមកំពុងលេចធ្លោខ្លាំងចំពេលមានតម្រូវការខ្លាំងសម្រាប់បន្ទះឈីបនៅលើពិភពលោក ខណៈក្រុមហ៊ុនផលិតគ្រឿងអេឡិចត្រូនិកឈានមុខគេកំពុងពង្រីកប្រតិបត្តិការរបស់ពួកគេកាន់តែខ្លាំងឡើងក្នុងប្រទេសវៀតណាម។ ប្រទេសមួយនេះ បានឈានចូលទៅក្នុងការចាប់អារម្មណ៍បន្ទាប់ពីក្រុមហ៊ុន Samsung ដែលជាក្រុមហ៊ុនកំពូលមួយ បានប្រកាសពីផែនការចាប់ផ្តើមផលិតបន្ទះឈីបនៅក្នុងរោងចក្ររបស់ខ្លួននៅខេត្ត Thai Nguyen ភាគខាងជើងក្នុងខែកក្កដា ឆ្នាំ២០២៣។ លោក Gu Wenjun ប្រធានអ្នកវិភាគនៅក្រុមហ៊ុនស្រាវជ្រាវទីផ្សារសៀងហៃ ICwise បានប្រាប់កាសែតចិន Global Times ថា “វៀតណាមកំពុងក្លាយជាទិសដៅថ្មី សម្រាប់ឧស្សាហកម្ម microconductor ដោយសារតំបន់ឧស្សាហកម្មរបស់ខ្លួន ដែលមានឯកទេសក្នុងការធ្វើតេស្ត និងការវេចខ្ចប់សៀគ្វី។ ជាមួយគ្នានេះ ក្រុមហ៊ុនស្រាវជ្រាវទីផ្សាររបស់សហរដ្ឋអាមេរិក Technavio បាននិយាយថា ទីផ្សារបន្ទះឈីបផ្ទាល់ខ្លួនរបស់វៀតណាមមានសក្តានុពលកើនឡើងចំនួន ១.៦៥ ពាន់លានដុល្លារនៅឆ្នាំ២០២៥។ មិនតែប៉ុណ្ណោះ ប្រទេសវៀតណាមក៏ជាទីតាំងរបស់រោងចក្រ Intel តម្លៃ ១.៥ ពាន់លានដុល្លារ ដែលជារោងចក្រដ៏ធំបំផុតនៅក្នុងបណ្តាញផលិតកម្មទូទាំងពិភពលោករបស់បច្ចេកវិទ្យាយក្សរបស់សហរដ្ឋអាមេរិក៕ ផ្តល់សិទ្ធិដោយ៖ ខ្មែរណូត

ប្រទេសឥណ្ឌូនេស៊ី ដែលជាប្រទេសមួយកំពុងឡើងកូតស្រើតៗក្នុងពេលបច្ចុប្បន្ននេះ បាននាំចេញយន្តហោះទៅកាន់ប្រទេសថៃ។ ក្រុមហ៊ុន PT Dirgantara Indonesia (PTDI) ដែលជាក្រុមហ៊ុនអាកាសចរណ៍ឥណ្ឌូណេស៊ី បានដឹកជញ្ជូនយន្តហោះ NC212i មួយគ្រឿង ដល់នាយកដ្ឋានអាកាសចរណ៍ទឹកភ្លៀង និងកសិកម្មថៃ (DRRAA)។ លោក Wildan Arief នាយកផ្នែកហិរញ្ញវត្ថុ ការគ្រប់គ្រងហានិភ័យ និងធនធានមនុស្សរបស់ PTDI បាននិយាយថា យន្តហោះដែលមានលេខកន្ទុយ AX-2129 បានហោះចេញពីអាកាសយានដ្ឋាន Husein Sastranegara ក្នុងខេត្ត West Java ទៅកាន់មូលដ្ឋានអាកាស Nakhon Sawan ក្នុងប្រទេសថៃ។ យោងតាម ​​Arief យន្តហោះ NC212i គឺជាយន្តហោះពហុមុខងារដែលអាចប្រើបានសម្រាប់ការដឹកជញ្ជូនអ្នកដំណើរ ដឹកទំនិញ ការផលិតទឹកភ្លៀង ការដឹកជញ្ជូនទាហាន/ឆ័ត្រយោង និងប្រតិបត្តិការជម្លៀសវេជ្ជសាស្រ្ត។ លោកបានកត់សម្គាល់ថា លក្ខណៈបច្ចេកទេសនៃ NC212i នេះ គឺល្អសម្រាប់លក្ខខណ្ឌភូមិសាស្រ្តរបស់ប្រទេសថៃ។ មិនតែប៉ុណ្ណោះយន្តហោះប្រភេទមួយទៀត ដែលសាកសមនឹងភូមិសាស្ត្ររបស់ប្រទេសថៃ គឺ N219 ដែលត្រូវបានគេរំពឹងថា នឹងក្លាយជាយន្តហោះបន្ទាប់ដែលប្រទេសថៃទិញ […]

(សេអ៊ូល)៖ ប្រធានាធិបតីរុស្ស៉ី លោក វ្ល៉ាឌីមៀ ពូទីន បានប្រាប់មេដឹកនាំកូរ៉េខាងជើង លោក គីម ជុងអ៊ុនថាប្រទេសទាំង២ នឹងពង្រីក ទំនាក់ទំនងទេ្វភាគីគ្រប់ជ្រុងជ្រោយ និងប្រកបដោយលក្ខណៈស្ថាបនាក្រោមកិច្ចខិតខំប្រឹងប្រែងរួមគ្នា។ នេះបើតាមប្រព័ន្ធផ្សព្វផ្សាយរដ្ឋកូរ៉េខាងជើង ដកស្រង់ចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី១៥ ខែសីហា ឆ្នាំ២០២២។ នៅក្នុងសេចក្ដីរាយការណ៍របស់ខ្លួននៅថ្ងៃចន្ទនេះ ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានឱ្យដឹងទៀតថានៅក្នុងលិខិតមួយច្បាប់ ផ្ញើជូនលោក គីម ជុងអ៊ុន នាឱកាសប្រារព្ធទិវារំដោះកូរ៉េ លោក ពូទីន បានសង្កត់ធ្ងន់ថាទំនាក់ទំនងជិតស្និទ្ធមិនត្រឹមតែជាផលប្រយោជន៍ សម្រាប់ប្រទេសទាំង២ប៉ុណ្ណោះទេ តែវាក៏នឹងជួយពង្រឹងផងដែរនូវសន្តិសុខ និងស្ថិរភាពនៅក្នុងតំបន់ឧបទ្វីបកូរ៉េ ព្រមទាំងតំបន់អាស៊ីភាគឦសានទាំងមូល។ បើតាម KCNA លោក គីម ជុងអ៊ុន ក៏បានផ្ញើលិខិតមួយច្បាប់តបទៅកាន់លោក ពូទីន ផងដែរដោយនិយាយថាទំនាក់ទំនងមិត្តភាពរវាង រុស្ស៉ី និងកូរ៉េខាងជើងមានភាពរឹងមាំតាំងតែពីសម័យសង្រ្គាមលោកលើកទី២ មកម្ល៉េះ ហើយសាមគ្គីភាពនឹងគ្នាបានឈានដល់កម្រិតថ្មីមួយ នៅក្រោមកិច្ចខិតខំប្រឹងប្រែងទប់ស្កាត់ការគំរាមកំហែង និងរារាំងការបង្កហេតុយោធាណាមួយពីសត្រូវ។ លោក គីម មិនបានបញ្ជាក់លម្អិតថាតើសត្រូវមួយណានោះទេ ប៉ុន្តែជារឿយៗពាក្យថាសត្រូវនេះគឺសំដៅលើសហរដ្ឋអាមេរិក និងសម្ព័ន្ធមិត្តរបស់អាមេរិក៕ ផ្តល់សិទ្ធិដោយ៖ freshnews

រដ្ឋាភិបាលវៀតណាម បាននិយាយនៅថ្ងៃអាទិត្យ ទី១៤ ខែសីហា នេះថា ប្រទេសវៀតណាមកំពុងពិចារណាសាងសង់ផ្លូវរថភ្លើងល្បឿនលឿន ដែលមានតម្លៃរហូតដល់ ៥៨.៧ ពាន់លានដុល្លារ។ រដ្ឋាភិបាលបាននិយាយនៅក្នុងសេចក្តីប្រកាសព័ត៌មានមួយថា ក្រសួងដឹកជញ្ជូនរបស់ប្រទេសអាស៊ីអាគ្នេយ៍មួយនេះ នៅខែក្រោយនឹងដាក់សំណើសាងសង់ផ្លូវដែកប្រវែង ១,៥៤៥ គីឡូម៉ែត្រ ទៅកាន់ការិយាល័យនយោបាយ ដែលជាស្ថាប័នធ្វើការសម្រេចចិត្តដ៏មានឥទ្ធិពលបំផុត របស់បក្សកុម្មុយនិស្តវៀតណាមដែលកំពុងកាន់អំណាច។ ប្រទេសវៀតណាម ដែលជាមជ្ឈមណ្ឌលផលិតកម្មក្នុងតំបន់ កំពុងបង្កើនការវិនិយោគរបស់ខ្លួនលើហេដ្ឋារចនាសម្ព័ន្ធដឹកជញ្ជូន  ដើម្បីគាំទ្រដល់សេដ្ឋកិច្ចដែលកំពុងរីកចម្រើនយ៉ាងឆាប់រហ័សរបស់ខ្លួន។ រដ្ឋាភិបាលបាននិយាយថា ផ្នែកចំនួន ២ ដំបូងដែលមានប្រវែងសរុប ៦៦៥ គីឡូម៉ែត្រ និងការវិនិយោគសរុបចំនួន ២៤.៧២ ពាន់លានដុល្លារអាមេរិក នឹងបើកឱ្យធ្វើចរាចរនៅឆ្នាំ ២០៣២ ដោយបន្ថែមថា គម្រោងទាំងមូលនឹងត្រូវបញ្ចប់នៅឆ្នាំ២០៤៥ ដល់ឆ្នាំ២០៥០៕ ផ្តល់សិទ្ធិដោយ៖ ខ្មែរណូត

ថៃបានជាប់ចំណាត់ថ្នាក់កំពូលក្នុងបញ្ជីប្រទេសនាំចេញកៅស៊ូទៅកាន់ទីផ្សារពិភពលោក ខណៈក្នុងឆមាសទី១ នៃឆ្នាំនេះ ថៃបាននាំចេញកៅស៊ូចំនួន ២.១៩លានតោន ដែលមានតម្លៃ ៧០.៥ពាន់លានបាត (ប្រមាណ ២ពាន់លានដុល្លារអាមេរិក)។ នេះបើយោងតាមការបង្ហាញរបស់ទីប្រឹក្សារដ្ឋមន្រ្តីក្រសួងកសិកម្ម និងសហករណ៍លោក Alongkorn Ponlaboot ។ លោក Alongkorn បាន​ដក​ស្រង់​ទិន្នន័យ​ពី​អាជ្ញាធរ​កៅស៊ូ​ថៃ​ ហើយនិយាយ​ថា ការ​នាំ​ចេញ​កៅស៊ូ​ធម្មជាតិ​សរុប​ក្នុង​ឆ្នាំ​នេះ ​ត្រូវ​បាន​គេ​រំពឹង​ថា ​នឹង​កើន​ដល់ ៤.២៧ លាន​តោន កើន​ឡើង ៣.៤១% ​ធៀប​នឹង​ឆ្នាំ​មុន។ លោកបានបន្ថែមថា នៅក្នុងឆមាសទីមួយ ប្រទេសថៃ បាននាំចេញកៅស៊ូធម្មជាតិ និងផលិតផលកៅស៊ូមានតម្លៃ ១៦៧.២ ពាន់លានបាត។ ក្នុងនោះ ស្ទើរតែពាក់កណ្តាលនៃការនាំចេញគឺទៅកាន់ប្រទេសចិន ដែលជាទីផ្សារដ៏ធំបំផុតសម្រាប់ផលិតផលកៅស៊ូ និងកៅស៊ូរបស់ប្រទេសថៃ។ គួរឱ្យដឹងថា ថៃបានជាប់ចំណាត់កំពូលក្នុងការនាំចេញកាស៊ូ ដោយទម្លាក់ប្រទេសម៉ាឡេស៊ីទៅចំណាត់ថ្នាក់ទី២ ក្នុងបញ្ជីដែលតាមពីក្រោយដោយសហរដ្ឋអាមេរិក ជប៉ុន និងសាធារណរដ្ឋកូរ៉េ ៕ ផ្តល់សិទ្ធិដោយ៖ ខ្មែរណូត

ចិន៖ ប្រទេសចិនបានសម្រេចដាក់ទណ្ឌកម្មចំពោះមន្ត្រីជាន់ខ្ពស់នៃប្រទេសលីទុយអានីម្នាក់ ដែលបានធ្វើទស្សនកិច្ចទៅកាន់កោះតៃវ៉ាន់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសៅរ៍ ទី១៣ ខែសីហានេះ។ មន្ត្រីជាន់ខ្ពស់របស់រដ្ឋាភិបាលនៃប្រទេសលីទុយអានីរូបនោះមានឈ្មោះថា Agne Vaiciukeviciute ដែលមានតួនាទីជាឧបនាយករដ្ឋមន្ត្រីនៃក្រសួងសាធារណការនិងដឹកជញ្ជូន ហើយលោកស្រីបានអញ្ជើញទៅធ្វើទស្សនកិច្ចនៅកោះតៃវ៉ាន់កាលពីពាក់កណ្តាលសប្តាហ៍នេះ ពោលគឺចំពេលដែលចិនកំពុងខឹងតៃវ៉ាន់ជុំវិញដំណើរទស្សនកិច្ចរបស់ប្រធានរដ្ឋសភាអាមេរិកផងដែរ។ លោកស្រី Agne Vaiciukeviciute  តាមរយៈការដាក់ទណ្ឌកម្មខាងលើនេះគឺប្រទេសចិននឹងផ្អាកធ្វើការទំនាក់ទំនងផ្ទាល់ជាមួយលោកស្រី Agne Vaiciukeviciute និងផ្អាកកិច្ចសហប្រតិបត្តិលើការដឹកជញ្ជូនមួយចំនួនរវាងរដ្ឋាភិបាលចិននិងរដ្ឋាភិបាលលីទុយអានីផងដែរ។ ភ្លាមៗក្រោយពីបានរងនូវទណ្ឌកម្មពីរដ្ឋាភិបាលចិន លោកស្រី Agne Vaiciukeviciute បានថ្លែងថា គាត់ពិតជាសោកស្តាយដែលប្រទេសចិនបានសម្រេចផ្តាច់ទំនាក់ទំនងចំពោះរូបលោកស្រីនិងប្រទេសលីទុយអានីដូចនេះ។ សូមបញ្ជាក់ជូនថា ការដាក់ទណ្ឌកម្មរបស់ចិននៅពេលនេះគឺត្រូវបានគេមើលឃើញថា គឺជាការព្រមានមួយទៅកាន់បណ្តាប្រទេសនៅតំបន់អឺរ៉ុបជុំវិញសំណុំរឿងកោះតៃវ៉ាន់៕ ផ្តល់សិទ្ធិដោយ៖ ខ្មែរណូត