ចក្រភពអង់គ្លេសនឹងលុបចោលការធ្វើចត្តាឡីស័កដែលដាក់លើអ្នកដំណើរបរទេស សម្រាប់ប្រទេសគោលដៅចំនួន ៤៧ រួមមាន អាហ្វ្រិកខាងត្បូងនិងថៃ នៅថ្ងៃច័ន្ទ ដែលធ្វើឱ្យអ្នកដំណើរកាន់តែងាយស្រួលនៅពេលពួកគេធ្វើដំណើរមកពីប្រទេសនានារួមមាន ឥណ្ឌា និងទួរគីក្នុងការបន្ធូរបន្ថយច្បាប់ចុងក្រោយនេះ។ កាលពីថ្ងៃព្រហស្បតិ៍រដ្ឋមន្ត្រីដឹកជញ្ជូនលោក Grant Shapps បាននិយាយថា លោកនឹងដកទិសដៅចំនួន ៤៧ ចេញពីបញ្ជីក្រហម ដោយទិសដៅទាំងនោះរួមមាន ប្រទេសថៃ។ លោករដ្ឋមន្រ្តីក្រសួងបាននិយាយនៅលើគេហទំព័រថា៖ ប្រទេសថៃនឹងមិនស្ថិតនៅក្នុងបញ្ជីក្រហមសម្រាប់ចូលរបស់ប្រទេសអង់គ្លេសទៀតទេ។ ជាមួយគ្នានេះ លោកក៏បានបន្ធូរបន្ថយច្បាប់សម្រាប់ប្រទេសមួយចំនួនដូចជា ឥណ្ឌា ទួរគី និងហ្កាណា ដែលនេះមានន័យថា អ្នកដំណើរដែលមកពីប្រទេសទាំងនោះ នឹងត្រូវគោរពតាមវិធានការរបស់អង់គ្លេសទៅតាមស្ថានភាពចាក់វ៉ាក់សាំងរបស់ពួកគេ ដោយអ្នកដំណើរដែលចាក់វ៉ាក់សាំងបានគ្រប់ចំនួនដូស នឹងត្រូវធ្វើតេស្តតែនៅថ្ងៃទី២ ដើម្បីពិនិត្យរកជំងឺកូវីដ-១៩។ គួរបញ្ជាក់ផងដែរថា ការផ្លាស់ប្តូរនេះបានធ្វើឡើងបន្ទាប់ពីចក្រភពអង់គ្លេសបានដកការហាមឃាត់លើការធ្វើដំណើរសម្រាប់ប្រទេសចំនួន ៣២ ។ ប៉ុន្តែទោះជាយ៉ាងណាក្ដី ចក្រភពអង់គ្លេសនៅតែដាក់ការហាមឃាត់លើការធ្វើដំណើរសម្រាប់ប្រទេស និងដែនដីជាច្រើនផ្សេងទៀតនៅក្នុងបញ្ជីក្រហមដដែលរួមមានប្រេស៊ីល ម៉ិកស៊ិក អាហ្វ្រិកខាងត្បូង និងថៃ។ ជាមួយគ្នានេះដែរ ឧស្សាហកម្មទេសចរណ៍របស់ចក្រភពអង់គ្លេសបានបាត់បង់នារដូវក្តៅ បន្ទាប់ពីការរឹតបន្តឹងលើការធ្វើដំណើរដើម្បីទប់ស្កាត់ការរីករាលដាលនៃជំងឺកូវីដ-១៩ ដែលបានរារាំងមនុស្សជាច្រើនមិនឱ្យទៅបរទេស៕ ដោយ៖ ខ្មែរណូត

ឥណ្ឌា៖ បណ្តាញសារព័ត៌មាន Channel News Asia បានរាយការណ៍ថា ប្រទេសឥណ្ឌាគ្រោងនឹងបើកទ្វារទទួលស្វាគមន៍ភ្ញៀវទេសចរណ៍ឡើងវិញនៅត្រឹមថ្ងៃទី ១៥ ខែ តុលា ខាងមុខនេះហើយ ក្រោយស្ថានភាពនៃការរាតត្បាតជំងឺកូវីដ ១៩ នៅក្នុងប្រទេសមួយនេះហាក់មានភាពធូរស្រាលច្រើន បើធៀបទៅនឹងរយៈពេលជាច្រើនខែកន្លងមកដែលប្រទេសមួយនេះត្រូវប្រឈមនឹងការរាតត្បាតជំងឺកូវីដ ១៩ យ៉ាងខ្លាំងរហូតមានតួលេខអ្នកឆ្លងប្រមាណជា ៤សែននាក់និងស្លាប់ប្រហែល ៤ពាន់នាក់ក្នុងមួយថ្ងៃ។ បើតាមក្រសួងកិច្ចការផ្ទៃក្នុងឥណ្ឌាបានបញ្ជាក់ថា អ្នកដំណើរអន្តរជាតិដែលអាចចូលមកកំសាន្តនៅក្នុងប្រទេសឥណ្ឌាត្រូវបានគោរពលក្ខខណ្ឌមួយចំនួន ដូចជាបានចាក់វ៉ាក់សាំងបង្ការជំងឺកូវីដ ១៩រួចរាល់ ត្រូវស្នើសុំទិដ្ឋការថ្មីចំពោះការធ្វើដំណើរកំសាន្តនេះ ហើយអ្នកដំណើរទាំងនោះត្រូវតែធ្វើដំណើរតាមជើងហោះប្រភេទ Charter Flight។ គួរបញ្ជាក់ថា Charter Flight គឺជាជើងហោះហើរពិសេសរៀបចំជាលក្ខណៈឯកជនឬសម្រាប់មនុស្សមួយក្រុមតូច ដែលជាទូទៅជើងហោះហើរនេះគឺមានសុវត្ថិភាព ផាសុខភាព និងទំនើបជាងជើងហោះធម្មតា ហើយជើងហោះហើរនេះមិនបានកំណត់កាលបរិច្ឆេតនៃការហោះហើរដូចជើងហោះហើរទូទៅនោះទេ ពោលគឺទាល់តែមានការចំទុកមុនទើបមានការហោះហើរ។ គួរលឹកថា ប្រទេសឥណ្ឌាបានសម្រេចបិទខ្ទប់ប្រទេសមិនឲ្យភ្ញៀវទេសចរណ៍អន្តរជាតិចូលមកកំសាន្តក្នុងទឹកដីខ្លួនចាប់ពីថ្ងៃទី ៣០ ខែមីនា ឆ្នាំ ២០២០មក ហើយបើគិតជារយៈពេលសរុបមកទល់នឹងពេលនេះគឺការបិទខ្ទប់នេះមានរយៈពេល ១ឆ្នាំកន្លះហើយ។ ការសម្រចបើកទ្វារសម្រាប់ភ្ញៀវទេសចរណ៍អន្តរជាតិនេះគឺភស្តុតាំងមួយបញ្ជាក់ថា អាជ្ញាធរឥណ្ឌាមានសមត្ថភាពគ្រប់គ្រាន់ក្នុងការគ្រប់គ្រងការរាត្បាតនៃជំងឺកូវីដ ១៩ ហើយវាក៏ជាផ្នែកមួយជួយលើកកម្ពស់សេដ្ឋកិច្ចជាតិឥណ្ឌាផងដែរ៕ ដោយ៖ ខ្មែរណូត

(តូក្យូ)៖ ក្រសួងសុខាភិបាលជប៉ុន នៅថ្ងៃសុក្រនេះបានឲ្យដឹងថា ខ្លួនបានឈានដល់កិច្ចព្រមព្រៀង ជាមួយក្រុមហ៊ុនផលិតឱសថអាមេរិក Pfizer រួចហើយ ដើម្បីផ្គត់ផ្គង់វ៉ាក់សាំងបង្ការជំងឺ COVID-19 ចំនួន ១២០លានដូសបន្ថែមទៀតចាប់ពីខែមករា ឆ្នាំ២០២២ ខាងមុខនេះតទៅ។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅរសៀលថ្ងៃសុក្រ ទី០៨ ខែតុលា ឆ្នាំ២០២១។ ប្រទេសជប៉ុនបានចាប់ផ្តើមកិច្ចខិតខំប្រឹងប្រែង ចាក់វ៉ាក់សាំងបង្ការជំងឺ COVID-19 ជូនប្រជាជនចាប់តាំងពីខែកុម្ភៈ ឆ្នាំ២០២១ មកម្ល៉េះ ដោយប្រើប្រាស់វ៉ាក់សាំងដែលអភិវឌ្ឍឡើងដោយក្រុមហ៊ុន Pfizer-BioNTech។ ប្រទេសនេះបានរៀបចំបញ្ជាទិញវ៉ាក់សាំងប្រហែល ១៩៤លានដូស តាំងតែពីឆ្នាំ២០២០ ដែលគ្រប់គ្រាន់សម្រាប់ចាក់ឲ្យមនុស្ស ៩៧លាននាក់។ រហូតមកទល់ពេលនេះ ប្រជាជនប្រមាណ ៦៣% នៅក្នុងប្រទេសជប៉ុន បានទទួលការចាក់វ៉ាក់សាំងពេញលេញ (ចំនួន ០២ដូស) រួចរាល់ហើយ។ ទោះជាយ៉ាងណា ប្រទេសជប៉ុនបាននិងកំពុងព្យាយាមធានាបាន នូវការផ្គត់ផ្គង់វ៉ាក់សាំងបន្ថែមទៀត សម្រាប់ផ្ដល់ការចាក់ដូសជំរុញ (ដូសទី ៣) ចំពេលមានការព្រួយបារម្ភថា ប្រសិទ្ធភាពនៃវ៉ាក់សាំងនឹងថយចុះទៅតាមពេលវេលា ឬប្រសិនបើមានវីរុសបំប្លែងខ្លួនថ្មីកើតឡើង។ គិតត្រឹមថ្ងៃទី០៧ ខែតុលា ឆ្នាំ២០២១ ជប៉ុនមានអ្នកជំងឺ COVID-19 […]

(វ៉ាស៉ីនតោន)៖ ការសិក្សាស្រាវជ្រាវមួយដែលត្រូវបានបោះពុម្ពផ្សាយនៅក្នុងទស្សនាវដ្តីវេជ្ជសាស្ត្រ Pediatrics នៅថ្ងៃព្រហស្បតិ៍សប្ដាហ៍នេះ (ពេលវេលានៅវ៉ាស៉ីនតោន) បានបង្ហាញថា កុមារជាង ១២ម៉ឺននាក់នៅសហរដ្ឋអាមេរិក បានបាត់បង់អ្នកថែទាំបឋម ក៏ដូចជាឪពុក-ម្តាយ ឬជីដូនជីតារបស់ពួកគេ ដែលទទួលខុសត្រូវក្នុងការផ្ដល់លំនៅដ្ឋាន តម្រូវការជាមូលដ្ឋាន និងការថែទាំដល់ពួកគេ ដោយសារការស្លាប់ដោយសារជំងឺ COVID-19។ នេះបើយោងតាមការចេញ ផ្សាយដោយសារព័ត៌មានចិនស៉ីនហួរ នៅថ្ងៃសុក្រ ទី០៨ ខែតុលា ឆ្នាំ២០២១។ បើតាមការសិក្សាស្រាវជ្រាវខាងលើ កុមារចំនួន ១២០,៦៣០នាក់ដែលត្រូវបានគេប៉ាន់ស្មានថា បានបាត់បង់អ្នកថែទាំបឋម ខណៈ ២២,០០៧នាក់ទៀតបានបាត់បង់ អ្នកថែទាំបន្ទាប់បន្សំ ឬជីដូនជីតា ដែលទទួលខុសត្រូវក្នុងការផ្តល់លំនៅដ្ឋានដល់ពួកគេ។ ប៉ុន្តែ មិនមានការផ្ដល់តម្រូវការមូលដ្ឋានទេ នៅចន្លោះថ្ងៃទី០១ ខែមេសាឆ្នាំ២០២០ និងថ្ងៃទី៣០ ខែមិថុនា ឆ្នាំ២០២១។ លោកស្រី Susan Hillis អ្នកស្រាវជ្រាវនៃមជ្ឈមណ្ឌលគ្រប់គ្រង និងបង្ការជំងឺឆ្លងរបស់សហរដ្ឋអាមេរិក (CDC) និងជាអ្នកដឹកនាំការសិក្សាស្រាវជ្រាវខាងលើ បាននិយាយថា «កុមារកំពុងប្រឈមមុខនឹងភាពកំព្រា ដែលជាលទ្ធផលនៃ COVID-19 ជាជំងឺឆ្លងរាតត្បាតសកលដ៏កាចសាហាវ។ យើងទាំងអស់គ្នា ជាពិសេសកូនៗ របស់យើងនឹងមានអារម្មណ៍ប៉ះពាល់ភ្លាមៗ និងរយៈពេលវែងនៃបញ្ហានេះ។ ការដោះស្រាយការបាត់បង់ដែលកុមារទាំងនេះបានជួបប្រទះ […]

(ហ្សឺណែវ)៖ អង្គសុខភាពពិភពលោក (WHO) បានប្រកាសនៅថ្ងៃព្រហស្បតិ៍សប្តាហ៍នេះ (ពេលវេលានៅទីក្រុងហ្សឺណែវ) អំពីគំនិតផ្តួចផ្តើមថ្មីមួយ ក្នុងការជំរុញឲ្យប្រទេសនានាទូទាំងពិភពលោក ចាក់វ៉ាក់សាំងបង្ការជំងឺ COVID-19 ជូនប្រជាជនឲ្យបានយ៉ាងហោចណាស់ ៤០% នៅត្រឹមដំណាច់ឆ្នាំ២០២១ និង ៧០% នៅត្រឹមពាក់កណ្តាលឆ្នាំ២០២២។ នេះបើតាមការចេញផ្សាយដោយ ទីភ្នាក់ងារព័ត៌មានចិនស៊ីនហួរ នាព្រឹកថ្ងៃសុក្រ ទី០៨ ខែតុលា ឆ្នាំ២០២១។ អគ្គនាយក WHO លោក ថេដ្រូស អាដាណម (Tedros Adhanom Ghebreyesus) បានលើកឡើងក្នុងឱកាសនោះថា «ថ្ងៃនេះ, អង្គការសុខភាពពិភពលោក កំពុងដាក់ចេញយុទ្ធសាស្ត្រដើម្បីសម្រេចឲ្យបាននូវគោលដៅ ចាក់វ៉ាក់សាំងបង្ការ COVID-19 ជាសកលរហូតដល់ពាក់កណ្តាលឆ្នាំ២០២២។ យុទ្ធសាស្ត្រនេះបង្ហាញអំពីផ្លូវ ដែលយើងទាំងអស់គ្នាត្រូវរួមគ្នា ដើម្បីសម្រេចបាននូវគោលដៅចាក់វ៉ាក់សាំង ៤០% នៃចំនួនប្រជាជននៅគ្រប់ប្រទេស នៅត្រឹមចុងឆ្នាំនេះ និង ៧០% នៅត្រឹមពាក់កណ្តាលឆ្នាំក្រោយ»។ បើតាម WHO គំនិតផ្តួចផ្តើមនៃការចាក់វ៉ាក់សាំងខាងលើនេះ គឺមានគោលដៅជំរុញការផ្គត់ផ្គង់់វ៉ាក់សាំង ទៅកាន់ប្រទេសក្រីក្រនានា ខណៈប្រទេសអភិវឌ្ឍភាគច្រើន សុទ្ធតែបានចាក់វ៉ាក់សាំងលើសពីកម្រិត ៤០% នៃចំនួនប្រជាជនពួកគេរួចទៅហើយ។ យ៉ាងណាក៏ដោយ […]

(ភ្នំពេញ)៖ នៅទីបំផុតសារព័ត៌មាន The Guardian បានកែអត្ថបទចេញផ្សាយរបស់ខ្លួនឡើងវិញ ក្រោយមានប្រតិកម្មខ្លាំងៗពីរាជរដ្ឋាភិបាលកម្ពុជា ពាក់ព័ន្ធការចេញផ្សាយបំភ្លៃការពិតទាំងស្រុង «សម្តេចតេជោ ហ៊ុន សែន ទទួលបានលិខិតឆ្លងដែនពីប្រទេសស៊ីព្រ»។ សារព័ត៌មាន The Guardian បានកែខ្លឹមសាររបស់ខ្លួនឡើងវិញដែលពីមុនបានសរសេរថា៖ «មេដឹកនាំកម្ពុជាលោក ហ៊ុន សែន ត្រូវបានគេរកឃើញថា ស្ថិតនៅក្នុងចំណោមជនជាតិមិនមែនអឺរ៉ុប រាប់ពាន់នាក់ដែលបានទទួលលិខិតឆ្លងដែនប្រទេសស៉ីព្រ»។ ក្រោយពីមានប្រតិកម្មសារព័ត៌មាន The Guardian បានកែសម្រួលឡើងវិញថា៖ «មន្រ្តីនៅក្បែរមេដឹកនាំកម្ពុជាលោក ហ៊ុន សែន ត្រូវបានគេរកឃើញថា ស្ថិតនៅក្នុងចំណោមជនជាតិមិនមែនអឺរ៉ុប រាប់ពាន់នាក់ដែលបានទទួលលិខិតឆ្លងដែនប្រទេសស៉ីព្រ»។ នៅក្នុងអត្ថបទដដែលនោះក៏បានបញ្ជាក់នៅខាងក្រោមថា៖ «អត្ថបទនេះត្រូវបានធ្វើកែសម្រួលនៅថ្ងៃទី៦ ខែតុលា ឆ្នាំ២០២១។ អត្ថបទមុនបាននិយាយដោយមិនត្រឹមត្រូវថា មេដឹកនាំកម្ពុជាលោក ហ៊ុន សែន ស្ថិតក្នុងចំណោមអ្នកដែលបានទទួលលិខិតឆ្លងដែនប្រទេសស៉ីព្រ»។ កាលពីថ្ងៃទី០៦ ខែតុលា ឆ្នាំ២០២១ មេធាវីរាជរដ្ឋាភិបាលកម្ពុជា បានចេញសេចក្តីថ្លែងការណ៍ ដោយប្រកាសបដិសេធ និងទាត់ចោលទាំងស្រុង នូវការចុះផ្សាយដោយគ្មានសច្ចភាព គ្មានមូលដ្ឋាន និងផ្ទុយពីការពិតរបស់សារព័ត៌មាន The Guardian ដោយផ្សាយបំភ្លៃការពិតថា សម្តេចតេជោ ហ៊ុន […]

(បាងកក)៖ មន្រ្តីថៃម្នាក់នៅថ្ងៃចន្ទ ទី០៤ ខែតុលា ឆ្នាំ២០២១ នេះបាននិយាយថា រដ្ឋាភិបាលថៃកំពុងពិភាក្សាជាមួយក្រុមហ៊ុនផលិតឱសថអាមេរិក មើក (Merck) ដើម្បីទិញថ្នាំគ្រាប់សម្រាប់ព្យាបាលជំងឺ COVID-19 របស់ក្រុមហ៊ុនចំនួន ២០ម៉ឺនគ្រាប់។ នេះបើយោងតាមការចេញផ្សាយ ទីភ្នាក់ងារដោយសារព័ត៌មាន Reuters។ អគ្គនាយកនៃនាយកដ្ឋានសេវាកម្មវេជ្ជសាស្ត្រថៃ (DMS) លោក សុមសាក់ អាកស៊ីល (Somsak Akksilp) បានគូសបញ្ជាក់ប្រាប់ Reuters ថា នាពេលបច្ចុប្បន្ននេះ ប្រទេសថៃកំពុងធ្វើការលើកិច្ចព្រមព្រៀងទិញ ថ្នាំគ្រាប់សម្រាប់ព្យាបាលជំងឺ COVID-19 ដែលមានឈ្មោះថា ម៉ុលនីភីរ៉ាវា (molnupiravir) ពីក្រុមហ៊ុនផលិតឱសថអាមេរិក Merck ចំនួន ២០ម៉ឺនគ្រាប់ ដែលត្រូវបានរំពឹងថា នឹងបញ្ចប់នៅសប្តាហ៍នេះ។ លោក Somsak Akksilp បានគូសបញ្ជាក់ប្រាប់បន្ថែមថា ថ្នាំគ្រាប់ molnupiravir ប្រហែលជាអាចមកដល់ប្រទេសថៃ ក្នុងអំឡុងខែធ្នូខាងមុខនេះ បើទោះបីជាកិច្ចព្រមព្រៀងនេះ ត្រូវស្ថិតនៅក្រោមការអនុម័តដោយរដ្ឋបាលចំណីអាហារ និងឱសថអាមេរិក (FDA) និងនិយតករថៃក៏ដោយ។ គួរបញ្ជាក់តាម ក្រុមហ៊ុនផលិតឱសថនៅសហរដ្ឋអាមេរិក មើក […]

(បាងកក)៖ ក្រសួងទេសចរណ៍ និងកីឡារបស់ប្រទេសថៃ គ្រោងនឹងចាប់ផ្តើមប្រមូលកម្រៃទេសចរណ៍ចំនួន ៥០០បាត (ប្រហែល ១៤,៨៥ដុល្លារ) សម្រាប់ «មូលនិធិផ្លាស់ប្តូរទេសចរណ៍» ឆ្នាំក្រោយ។ នេះបើយោងតាមសេចក្តីរាយការណ៍របស់កាសែតបាងកកប៉ុស្តិ៍។ មជ្ឈមណ្ឌលរដ្ឋបាលស្ថានភាពសេដ្ឋកិច្ចរបស់ប្រទេសថៃ កាលពីសប្តាហ៍មុនបានអនុម័តដល់ការបង្កើតមូលនិធិនេះឡើង ដែលត្រូវបានរំពឹងថានឹងផ្តល់ឧបត្ថម្ភធនដល់គម្រោងនានាដែលផ្លាស់ប្តូរឧស្សាហកម្មនេះ ដោយផ្តោតលើទេសចរណ៍តម្លៃខ្ពស់ និងប្រកបដោយនិរន្តរភាព។ លោក Yuthasak Supasorn ក្រុមប្រឹក្សាភិបាលអាជ្ញាធរទេសចរណ៍ថៃ (TAT) បានថ្លែងថា ការប្រមូលកម្រៃចំនួន ៥០០បាតក្នុងមនុស្សម្នាក់នេះ គួរចាប់ផ្តើមពីឆ្នាំក្រោយទៅដែលមានបំណងប្រមូលឱ្យបាន ៥ពាន់លានបាត (ប្រហែល ១៤៨លានដុល្លារ) នៅឆ្នាំដំបូងពីភ្ញៀវទេសចរបរទេសដែលសន្មត់ថានឹងមានចំនួន ១០លាននាក់នៅឆ្នាំ២០២២។ គណៈកម្មការគោលនយោបាយទេសចរណ៍ជាតិ កាលពីដើមឆ្នាំនេះបានអនុម័តរួចហើយឱ្យចាប់ផ្តើមមូលនិធិនេះដោយស្នើឱ្យយកកម្រៃចំនួន ៣០០បាតក្នុងមនុស្សម្នាក់។ លោក Yuthasak បានថ្លែងប្រាប់កាសែតបាងកកប៉ុស្តិ៍ថា កម្រៃបន្ថែមចំនួន ២០០បាតផ្សេងទៀតដែលនឹងនាំឱ្យកម្រៃនេះកើនឡើងដល់ ៥០០បាតនោះ នឹងត្រូវបានរក្សាទុកសម្រាប់គម្រោងនានាដែលផ្តួចផ្តើមដោយវិស័យឯកជន សហគ្រាសសហគមន៍ ឬសហគ្រាសសង្គម ដែលចង់ផ្លាស់ប្តូរអាជីវកម្មរបស់ពួកគេដើម្បីឆ្លើយតបទៅនឹងយុទ្ធសាស្រ្តរបស់មូលនិធិនេះ ដែលជួយប្រទេសថៃឱ្យរៀបចំរចនាសម្ព័ន្ធឡើងវិញពីទេសចរណ៍ប្រមូលផ្តុំច្រើនទៅជាទេសចរណ៍តម្លៃខ្ពស់ ឬគំរូទេសចរណ៍បៃតង និងទេសចរណ៍បរិស្ថាន។ លោកមានប្រសាសន៍ថា៖ «គម្រោងទាំងនេះគួរតែជាគម្រោងដែលបង្កើតរួមគ្នា ហើយរដ្ឋាភិបាលគួរប្រើប្រាស់មូលនិធិនេះដើម្បីគាំទ្រដល់គម្រោងនានាដែលអាចបង្កើតឥទ្ធិពលដល់សេដ្ឋកិច្ចបាន។ សមាសមាត្រនៃការគាំទ្រផ្នែកហិរញ្ញវត្ថុរវាងសាធារណៈនិងឯកជនគួរតែជា ៥០៖៥០ ឬ ៦០៖៤០ ឬ ៧០៖៣០ […]

(តូក្យូ)៖ នៅទីបំផុតប្រធានគណបក្សប្រជាធិបតេយ្យសេរី (LDP) ដែលកំពុងកាន់អំណាចនៅប្រទេសជប៉ុន លោក ហ្វ៊ូមីអុ គីហ្ស៊ីដា (Fumio Kishida) ត្រូវបានសភាជប៉ុនបោះឆ្នោតគាំទ្រជាផ្លូវការហើយ ក្នុងការឡើងកាន់តំណែងជានាយករដ្ឋមន្ត្រីថ្មី បន្ទាប់ពីលោក ស៊ូហ្គា យ៉ូស៊ីហ៊ីដេ (Suga Yoshihide) បានសម្រេចចិត្តលាលែងចេញពីតំណែងនេះ កាលពីខែកញ្ញា។ នេះបើតាមការចេញផ្សាយដោយ ទីភ្នាក់ងារព័ត៌មានចិនស៊ីនហួរ នៅមុននេះបន្តិចនារសៀលថ្ងៃចន្ទ ទី០៤ ខែតុលា ឆ្នាំ២០២១។ ដោយសារគណបក្សចំរុះរបស់ LDP មានសំឡេងភាគច្រើនស្រាប់ នៅក្នុងសភាទាំងពីរជាន់ថ្នាក់របស់ប្រទេសជប៉ុន ហេតុដូច្នេះការបោះឆ្នោតគាំទ្រលោក Fumio Kishida ឲ្យឡើងកាន់តំណែងនាយករដ្ឋមន្ត្រីជាផ្លូវការនោះ ត្រូវបានគេមើលឃើញតាំងពីដើមរួចមកហើយថា នឹងប្រព្រឹត្តទៅដោយរលូន។ លោក គីហ្ស៊ីដា ដែលបច្ចុប្បន្នមានវ័យ ៦៤ឆ្នាំ នឹងត្រូវស្បថឡើងកាន់តំណែងជាផ្លូវការ នៅក្នុងព្រះបរមរាជវាំងជប៉ុននៅល្ងាចថ្ងៃចន្ទនេះ (ម៉ោងនៅទីក្រុងតូក្យូ) ហើយក៏នឹងធ្វើសន្និសីទសារព័ត៌មាន បន្ទាប់ពីពេលនោះផងដែរ។ គួរបញ្ជាក់ថា មុននឹងចូលទៅស្បថឡើងកាន់តំណែងនាយករដ្ឋមន្ត្រីថ្មី នៅព្រះបរមរាជវាំង លោក គីហ្ស៊ីដា នៅរសៀលថ្ងៃចន្ទនេះ នឹងត្រូវប្រកាសឈ្មោះសមាជិកសំខាន់ៗ ក្នុងជួរគណៈរដ្ឋមន្ត្រីថ្មីរបស់លោកជាមុនសិន។ លោក Fumio Kishida ដែលធ្លាប់កាន់តំណែងជារដ្ឋមន្ត្រីការបរទេស […]

ប្រទេសថៃ គ្រោងនឹងបើកតំបន់ទេសចរណ៍ឡើងវិញ សម្រាប់ភ្ញៀវទេសចរដែលបានចាក់វ៉ាក់សាំងគ្រប់ដូស ចាប់ពីខែវិច្ឆិកា ខាងមុខនេះតទៅ។ តំបន់ទេសចរណ៍ដែលនឹងត្រូវបើកឡើងវិញ​រួមមាន ទីក្រុងបាងកក និងគោលដៅទេសចរណ៍មួយចំនួនទៀតដូចជា ក្រាប៊ី ហួហ៊ីន ប៉ាតាយ៉ា និងកោះផៃយ៉ាំ។ ជាមួយគ្នានេះ ប្រទេសថៃបានប្រកាសពីផែនការមួយដើម្បីលើកលែងការធ្វើចត្តាឡីស័កសម្រាប់ភ្ញៀវទេសចរដែលបានចាក់វ៉ាក់សាំងពេញលេញ ដែលនឹងមកដល់ចាប់ពីខែវិច្ឆិកា នៅក្នុងទីក្រុងបាងកក និងតំបន់ទេសចរណ៍មួយចំនួននៅក្នុងតំបន់ចំនួន ៩ ផ្សេងទៀត ដើម្បីប្រឹងប្រែងស្តារវិស័យទេសចរណ៍ និងកំណើនសេដ្ឋកិច្ចឡើងវិញ។ គួរបញ្ជាក់ផងដែរថា ប្រទេសក្នុងតំបន់អាស៊ីអាគ្នេយ៍មួយនេះ គ្រោងនឹងបើកឡើងវិញនូវទីក្រុងបាងកក និងគោលដៅទេសចរណ៍មួយចំនួនដូចជា ក្រាប៊ី ហួហ៊ីន ប៉ាតាយ៉ានិងកោះផៃយ៉ាំ បន្ទាប់ពីការបើកកោះភូកេតនិងកោះសាមុយឡើងវិញក្នុងផែនការសាកល្បងចាប់តាំងពីខែកក្កដា នេះបើយោងតាមមជ្ឈមណ្ឌលគ្រប់គ្រងស្ថានភាពកូវីដ-១៩ (CCSA)៕ ដោយ៖ ខ្មែរណូត