កម្ពុជាដណ្ដើមបានមេដាយមាសទី៣ នៃការប្រកួតតេក្វាន់ដូ ITF ជើងឯកអាស៊ី នៅឥណ្ឌា

(ភ្នំពេញ)៖ ក្រុមកីឡាតេក្វាន់ដូ ITF កម្ពុជា ដណ្ដើមបានមេដាយមាស ១គ្រឿងទៀតហើយ នៅក្នុងការប្រកួតកីឡាតេក្វាន់ដូ ITF ជើងឯកអាស៊ី លើកទី១០ នៅប្រទេសឥណ្ឌា នៅល្ងាចថ្ងៃទី២៤ ខែសីហានេះ ក្រុមបុរស លើវិញ្ញាសាបច្ចេកទេសពិសេស ខណៈមេដាយប្រាក់ បានទៅកូរ៉េខាងជើង និងមេដាយសំរឺទ្ធ បានទៅក្រុមកាហ្សាក់ស្ថាន ។

គិតត្រឹមល្ងាចថ្ងៃសៅរ៍នេះ នាំឲ្យក្រុមកីឡាតេក្វាន់ដូ ITF កម្ពុជា ដណ្ដើមបានមេដាយសរុប ២២គ្រឿង រួមមានមេដាយមាស ៣ មេដាយប្រាក់ ៧ និងមេដាយសំរឹទ្ធ ១២ ៕ ផ្ដល់សិទ្ធិដោយ៖ Fresh News