អ្នកនាំពាក្យក្រសួងការពារជាតិ ទាមទារឱ្យសារព័ត៌មាន និងអ្នកប្រើប្រាស់បណ្តាញសង្គមថៃ កុំចែកចាយព័ត៌មានមិនពិត ដែលនាំឱ្យស្ថានការណ៍មានភាពតានតឹង

(ភ្នំពេញ)៖ អ្នកនាំពាក្យក្រសួងការពារជាតិ លោកស្រី ម៉ាលី សុជាតិ បានអំពាវនាវដល់អ្នកសារព័ត៌មាន និងអ្នកប្រើប្រាស់បណ្តាញសង្គម កុំចែកចាយរូបភាព និងវីដេអូ ដែលគ្មានប្រភពច្បាស់លាស់។

លោកស្រីបានថ្លែងបែបនេះ ក្នុងឱកាសអ្នកនាំពាក្យរាជរដ្ឋាភិបាលកម្ពុជា រៀបចំសង្ខេបព័ត៌មានស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» គិតត្រឹមម៉ោង១១ព្រឹកថ្ងៃទី០១ ខែសីហា ឆ្នាំ២០២៥។

អ្នកនាំពាក្យបានបញ្ជាក់យ៉ាងដូច្នេះ «ក្រសួងការពារជាតិ សូមអំពាវនាវដល់បងប្អូនអ្នកសារព័ត៌មាន និងអ្នកប្រើប្រាប់បណ្តាញសង្គមគ្រប់ប្រភេទ សូមកុំចែកចាយព័ត៌មាន រូបភាព និងវិដេអូ ដែលគ្មានប្រភពច្បាស់លាស់ ។

អ្នកនាំពាក្យក្រសួងការពារជាតិ ក៏បានទាមទារឱ្យសារព័ត៌មាន និងអ្នកប្រើប្រាស់បណ្តាញសង្គមថៃ កុំចែកចាយព័ត៌មានមិនពិត ដែលនាំឱ្យស្ថានការណ៍មានភាពតានតឹង ខណៈដែលភាគីទាំងពីរកំពុងដោះស្រាយ៕ ផ្ដល់សិទ្ធិដោយ៖ Fresh News