(សៀមរាប)៖ អាជ្ញាធរជាតិអប្សរា បានចេញសេចក្តីជូនដំណឹង ស្តីពីការដាក់ឱ្យដំណើរការ ខ្សែទស្សនាថ្មីនៅប្រាសាទមួយចំនួន នៃរមណីយដ្ឋានអង្គរ។ នេះបើតាមសេចក្ដីជូនដំណឹង ដែលបណ្ដាញព័ត៌មាន Fresh News ទទួលបាននៅថ្ងៃទី២៧ ខែតុលា ឆ្នាំ២០២៥។

សេចក្ដីជូនដំណឹង បានឲ្យដឹងថា ក្នុងគោលដៅផ្តល់នូវបទពិសោធន៍ទស្សនាថ្មី ឱ្យកាន់តែសម្បូរបែបជូនភ្ញៀវទេសចរជាតិ និងអន្តរជាតិ ក៏ដូចជាក្នុងគោលបំណង ដើម្បីលើកតម្កើងតម្លៃលេចធ្លោជាសកល នៃរមណីយដ្ឋានអង្គរ អាជ្ញាធរជាតិអប្សរា បានរៀបចំខ្សែទស្សនាថ្មី នៅតាមទីតាំងប្រាសាទមួយចំនួន ដូចខាងក្រោម៖

* ១៖ ប្រាសាទអង្គរវត្ត
ខ្សែទស្សនាមានចំនួន០៣ជម្រើស ក្នុងនោះមានដូចជា៖
ទី១ «ទិសដៅទស្សនាបែបទេសចរ» រយៈពេល ០២ម៉ោង
ទី២ «ទិសដៅទស្សនាបែបជំនឿ និងសាសនា» រយៈពេល ២ម៉ោង ៣០នាទី
និងទី៣ «ទិសដៅទស្សនាបែបប្រវត្តិសាស្ត្រ» រយៈពេល ០៣ម៉ោង

* ២៖ ប្រាសាទតាព្រហ្ម
ខ្សែទស្សនាមានចំនួន០២ជម្រើស ក្នុងនោះមានដូចជា៖
ទី១ «ខ្សែទស្សនាចូលតាមខ្លោងទ្វារខាងកើត» រយៈពេល ១ម៉ោង ១០នាទី
និងទី២ «ខ្សែទស្សនាចូលតាមខ្លោងទ្វារខាងលិច» រយៈពេល ១ម៉ោង ២៥នាទី

* ៣៖​ ប្រាសាទបន្ទាយស្រី
ខ្សែទស្សនាមានចំនួន០២ជម្រើស ក្នុងនោះមានដូចជា៖
ទី១ «ខ្សែទស្សនាខ្លី» រយៈពេល ១ម៉ោង ២០នាទី
និងទី២ «ខ្សែទស្សនាវែង» រយៈពេល ១ម៉ោង ៤០នាទី

* ៤៖ ប្រាសាទចៅសាយទេវតា និងប្រាសាទធម្មនន្ន
ខ្សែទស្សនាមានចំនួន០២ជម្រើស ក្នុងនោះមានដូចជា៖
ទី១ «ខ្សែទស្សនាខ្លី» រយៈពេល ៣០នាទី
និងទី២ «ខ្សែទស្សនាវែង» រយៈពេល ៧០នាទី

* ៥៖ ប្រាសាទនាគព័ន្ធ
ខ្សែទស្សនាមានចំនួន០៣ជម្រើស ក្នុងនោះមានដូចជា៖
ទី១ «ខ្សែទស្សនាក្រៅប្រាសាទ» រយៈពេល ១ម៉ោង ១៥នាទី
ទី២ «ខ្សែទស្សនាក្នុងប្រាសាទ» រយៈពេល១ម៉ោង
និងទី៣ «ខ្សែទស្សនាសម្រាប់អ្នកជិះទូក» រយៈពេល ១ម៉ោង ៤៥នាទី

* ៦៖ ប្រាសាទភ្នំក្រោម
ខ្សែទស្សនាមានរយៈពេល៣០នាទី។

អាជ្ញាធរជាតិអប្សរា សូមបញ្ជាក់ជូនបន្ថែមថា ការរៀបចំខ្សែទស្សនាថ្មីនេះ គឺដើម្បីលើកទឹកចិត្តឱ្យភ្ញៀវទេសចរ អាចទស្សនាចំណុចសំខាន់ៗ នៃប្រាសាទតាមរយៈបទពិសោធន៍ដំបូង ជាមួយផ្ទាំងព័ត៌មានប្រវត្តិសាស្ត្រ និងជាបន្ត បន្ទាប់ ដូចជាផ្ទាំងព័ត៌មានចម្លាក់រឿងតាមថែវ និងទីតាំងថតរូបស្អាតៗជាដើម -ល-។

អាជ្ញាធរជាតិអប្សរា បានបញ្ជាក់ថា ខ្សែទស្សនាថ្មីដូចមានក្នុងផែនទីភ្ជាប់ជូនមកជាមួយ នឹងចាប់ផ្តើមអនុវត្តគិតចាប់ពីថ្ងៃជូនដំណឹងនេះតទៅ៕ ផ្ដល់សិទ្ធិដោយ៖ Fresh News