(ភ្នំពេញ)៖ ជនបរទេសម្នាក់ ត្រូវបានសមត្ថកិច្ចក្រសួងមហាផ្ទៃឃាត់ខ្លួន នារាត្រី ថ្ងៃទី១៤ ខែកញ្ញា ឆ្នាំ២០២៥ ពាក់ព័ន្ធនឹងករណីឆបោកប្រាក់ខ្ទង់លានដុល្លារទិញលក់ដីជាង២០០ហិចតា នៅខេត្តកំពត។ បើតាមការឱ្យដឹងរបស់សមត្ថកិច្ច គឺជនសង្ស័យរូបនេះ ឈ្មោះ អូវឺមេតផូលឺសចូហានណេសចូសេភឺស ហៅ Paul ដែលត្រូវបានចាប់ខ្លួនពេលមកដល់កម្ពុជា ពាក់ព័ន្ធនឹងបទឆបោកប្រាក់រាប់សិនលានដុល្លារអាមេរិកពីជនរងគ្រោះជុំវិញការទិញលក់ដី២២១ហិចតា នៅខេត្តកំពត ។ តាមប្រភពព័ត៌មានបានឲ្យដឹងថា ជនសង្ស័យជនបរទេសរូបនេះ បានរៀបចំគម្រោងសហការគ្នាជាមួយជនសង្ស័យម្នាក់ ដែលជាអ្នករកស៊ីដីធ្លីដ៏ល្បីល្បាញនៅខេត្តកំពត ក្នុងការឆបោកប្រាក់ពីជនរងគ្រោះជាច្រើនករណី ពោលគឺលក់ដីខ្យល់ និងរៀបគម្រោងធ្វើស៊ី ជនរងគ្រោះ ដោយទទួលបានប្រាក់ប្រមាណជិត៤០លានដុល្លារអាមេរិក៕ ផ្ដល់សិទ្ធិដោយ៖ Fresh News

ធនាគារ វីង បានចូលរួមគាំទ្រវេទិកាពាណិជ្ជកម្មឌីជីថល ដើម្បីជំរុញការប្រើប្រាស់ថ្នាលពាណិជ្ជកម្មអេឡិចត្រូនិក សំដៅពង្រីកវិសាលភាពនៃការនាំចេញផលិតផលក្នុងស្រុកទៅកាន់ទីផ្សារពិភពលោក។ ធនាគារ វីង បានចូលរួមគាំទ្រក្រសួងពាណិជ្ជកម្មក្នុងការរៀបចំវេទិកាពាណិជ្ជកម្មឌីជីថល និងពិព័រណ៍អនឡាញកម្ពុជាលើកទី២ ដែលជាគំនិតផ្តួចផ្តើមដ៏សំខាន់មួយ ក្នុងកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ដើម្បីពន្លឿនពាណិជ្ជកម្មឌីជីថល សំដៅគាំទ្រសហគ្រាសធុនតូច និងមធ្យម ហើយពង្រីកការនាំចេញផលិតផលកម្ពុជាទៅកាន់ទីផ្សារអន្តរជាតិ។ ព្រឹត្តិការណ៍រយៈពេលពីរថ្ងៃនេះ បានរៀបចំធ្វើឡើងនៅថ្ងៃទី ១២-១៣ ខែកញ្ញា ឆ្នាំ២០២៥ ក្រោមប្រធានបទ៖ “ការកសាងអនាគតកម្ពុជាតាមរយៈពាណិជ្ជកម្មឌីជីថល” ដោយមានការអញ្ជើញចូលរួមពីសំណាក់មន្ត្រីរដ្ឋាភិបាល អ្នកតាក់តែងគោលនយោបាយ និងអ្នកជំនាញមកពីវិស័យពាក់ព័ន្ធ ដើម្បីពិភាក្សាពីរបៀបដែលពាណិជ្ជកម្មអេឡិចត្រូនិក អាចជួយបង្កើនសមត្ថភាពប្រកួតប្រជែង និងពង្រីកសក្ដានុពលនៃការនាំចេញរបស់កម្ពុជា។ លោក ហោ ប៊ុនថែ អគ្គនាយករងធនាគារ វីង បានលើកឡើងថា៖

(បរទរស)៖​ រដ្ឋបាលប្រធានាធិបតីដូណាល់ ត្រាំ កំពុងរៀបចំពន្យារពេលកំណត់ម្តងទៀត សម្រាប់ក្រុមហ៊ុន ByteDance មេធំរបស់ TikTok ដើម្បីលក់ ឬបោះបង់កម្មសិទ្ធិប្រតិបត្តិការនៅសហរដ្ឋអាមេរិក មុនពេលត្រូវប្រឈមមុខនឹងការបិទកម្មវិធីនេះ​ ដែលកំណត់នៅថ្ងៃទី១៧​ ខែកញ្ញា ឆ្នាំ២០២៥។ នេះជាការពន្យារពេលលើកទី៤ចាប់តាំងពីត្រាំឡើងកាន់អំណាចនៅខែមករា។ ច្បាប់ PAFACA ដែលបានអនុម័តដោយសភា គឺកំណត់ឱ្យក្រុមហ៊ុន​ ByteDance ត្រូវលក់ TikTok ឬប្រឈមនឹងការហាមឃាត់ ចាប់ពីដើមឆ្នាំ២០២៥។ ត្រាំបាននិយាយថា មានក្រុមហ៊ុនអាមេរិកចង់ទិញ TikTok ប៉ុន្តែការចរចាបានពន្យារពេល ពីព្រោះចិនមិនទាន់អនុម័តលើលក្ខខណ្ឌសំខាន់ៗ ដូចជា ការគ្រប់គ្រង algorithm និងរចនាសម្ព័ន្ធម្ចាស់កម្មសិទ្ធិ។​ ពេលនេះ អាមេរិក

(បរទេស)៖ ក្នុង​ជំហាន​បដិវត្តន៍​មួយ​សម្រាប់​វិស័យ​វេជ្ជសាស្ត្រ ក្រុម​អ្នក​វិទ្យាសាស្ត្រ​នៅ​សហរដ្ឋអាមេរិក​បាន​បង្កើត​វ៉ាក់សាំង​សកល​មួយ​ដែល​បង្ហាត់​ប្រព័ន្ធ​ភាពស៊ាំ​ឲ្យ​ស្គាល់ និង​បំផ្លាញ​មហារីក​គ្រប់​ប្រភេទ។ ការ​ច្នៃប្រឌិត​ដ៏​អស្ចារ្យ​នេះ​អាច​ផ្លាស់ប្ដូរ​របៀប​ដែល​យើង​ប្រយុទ្ធ​ប្រឆាំង​នឹង​ជំងឺ​មហារីក​ជា​រៀង​រហូត។ មិន​ដូច​ការព្យាបាល​តាម​បែប​ប្រពៃណី​ដូចជា​ការ​ព្យាបាល​ដោយ​គីមី (chemotherapy) និង​កាំរស្មី (radiation) ដែល​តែងតែ​បំផ្លាញ​កោសិកា​ដែល​មាន​សុខភាព​ល្អ​នោះ វ៉ាក់សាំង​នេះ​ជួយ​ពង្រឹង​ប្រព័ន្ធ​ការពារ​ធម្មជាតិ​របស់​រាងកាយ​ឲ្យ​ទៅ​ស្វែងរក និង​កម្ចាត់​កោសិកា​មហារីក​យ៉ាង​ជាក់លាក់។ ការ​ស្រាវជ្រាវ​ដំបូង​បាន​បង្ហាញ​ថា វា​អាច​បង្ក​ឲ្យ​មាន​ប្រតិកម្ម​ភាពស៊ាំ​ដ៏​ខ្លាំងក្លា​ប្រឆាំង​នឹង​ដុំ​សាច់​មហារីក​ជាច្រើន​ប្រភេទ ដែល​ផ្ដល់​ក្ដី​សង្ឃឹម​សម្រាប់​ការ​ព្យាបាល​សកល​ពិត​ប្រាកដ​មួយ។ ប្រសិនបើ​ការ​សាកល្បង​លើ​មនុស្ស​ទទួល​បាន​ជោគជ័យ នេះ​អាច​ជា​ការ​ចាប់ផ្ដើម​នៃ​យុគសម័យ​ថ្មី​មួយ​ក្នុង​ផ្នែក​ជំងឺ​មហារីក ដែល​ជំងឺ​មហារីក​លែង​ជា​ជំងឺ​ដែល​ត្រូវ​គ្រប់គ្រង​ទៀត​ហើយ ប៉ុន្តែ​ជា​ការ​គំរាមកំហែង​ដែល​រាងកាយ​អាច​ប្រយុទ្ធ និង​យកឈ្នះ​ដោយ​ផ្ទាល់។ អ្នក​វិទ្យាសាស្ត្រ​មាន​សុទិដ្ឋិនិយម​ថា វ៉ាក់សាំង​នេះ​អាច​កាត់បន្ថយ​អត្រា​មរណភាព​យ៉ាង​សំខាន់ និង​ផ្លាស់ប្ដូរ​ការ​ព្យាបាល​ជំងឺ​មហារីក​ទូទាំង​ពិភពលោក។ អនាគត​នៃ​វេជ្ជសាស្ត្រ​អាច​នឹង​ជិត​ដល់​ទី​បំផុត ដែល​ផ្ដល់​ឲ្យ​មនុស្សជាតិ​នូវ​អាវុធ​ដ៏​មាន​ឥទ្ធិពល​មួយ​ប្រឆាំង​នឹង​សត្រូវ​ដ៏​សាហាវ​បំផុត​មួយ​នេះ។ គួរបញ្ជាក់ផងដែរថា ថ្មីៗនេះ រុស្ស៊ីបានប្រកាសពីការត្រៀមខ្លួនប្រើប្រាស់វ៉ាក់សាំងប្រឆាំងជំងឺមហារីកផ្ទាល់ខ្លួន ឈ្មោះ «Enteromix» សម្រាប់កម្មវិធីព្យាបាលតាមគ្លីនិក ដោយឥតគិតថ្លៃដល់អ្នកជំងឺ បន្ទាប់ពីទទួលបានការអនុម័តជាផ្លូវការ៕ ផ្ដល់សិទ្ធិដោយ៖ Fresh News

(ភ្នំពេញ)៖ បង្អែម «ពងក្នុងសំបុក» របស់មេចុងភៅ សៅ សុភ័ក្ត្រ ដែលជាចុងភៅនៅសណ្ឋាគារក្នុងខេត្តសៀមរាប ទទួលបានពានរង្វាន់លេខ១ ក្នុងការប្រកួតនៅពិព័រណ៍ម្ហូបអាហារអន្តរជាតិ (Village international de la Gastronomie) នៅទីក្រុងប៉ារីស ប្រទេសបារាំង។ បារាំង បានរៀបចំព្រឹត្តិការណ៍តាំងពិព័រណ៍ម្ហូបអាហារអន្តរជាតិ ចាប់ពីថ្ងៃទី១១ ដល់ថ្ងៃទី១៤ ខែកញ្ញា តាមដងទន្លេសែន ទល់មុខ Tour Eiffel ដោយមានការចូលរួមពីប្រទេសចំនួន៦២ មកពីជុំវិញពិភពលោក។ ក្នុងព្រឹត្តិការណ៍នេះ ប្រទេសកម្ពុជា ត្រូវបានជ្រើសរើសជាប្រទេសកិត្តិយស នៅក្នុងឱកាសនោះ កម្ពុជាបានដាក់តាំងផលិតផលក្នុងស្រុក មានដូចជា ម្រេចខ្មៅកំពត គ្រាប់ស្វាយចន្ទី ដំណាប់ស្វាយ ស្ករត្នោត

(ភ្នំពេញ)៖ ខុសពីឆ្នាំរាល់ដង ដែលមានការប្រកាសលទ្ធផលសញ្ញាបត្របាក់ឌុប រយៈពេល២ថ្ងៃ ដោយថ្ងៃទី១ សម្រាប់រាជធានីភ្នំពេញ និងខេត្ដកណ្ដាល និងថ្ងៃទី២ សម្រាប់បណ្ដាខេត្ដផ្សេងៗ ប៉ុន្ដែនៅក្នុងឆ្នាំ២០២៥នេះ ក្រសួងអប់រំ យុវជន និងកីឡា នឹងប្រកាសលទ្ធផលទាំងអស់តែម្ដងទូទាំងប្រទេស តែមួយថ្ងៃប៉ុណ្ណោះ គឺថ្ងៃទី២០ ខែកញ្ញា ឆ្នាំ២០២៥។ នេះតាមសេចក្តីប្រកាសព័ត៌មានរបស់ក្រសួងអប់រំ ដែលបានប្រកាសនាពេលកន្លងមក។ សូមជម្រាបថា ដំណើរការសំណេរនៃការប្រឡង សញ្ញាបត្រមធ្យមសិក្សាទុតិយភូមិ សម័យប្រឡង ៖ ២៨ សីហា ២០២៥ បានប្រព្រឹត្តទៅរយៈពេលពីរថ្ងៃគឺ ថ្ងៃទី២៨ និងថ្ងៃទី២៩ ខែសីហា ឆ្នាំ២០២៥ ដែលមានបេក្ខជនចុះឈ្មោះប្រឡងសរុប ១៤៦,៧២០នាក់

(ភ្នំពេញ)៖ លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញចូលរួមជាអធិបតីក្នុង «កម្មវិធីសក់ និងសម្រស់មិត្តយើង» ដើម្បីផ្តល់ជូនការកាត់សក់បង្កក់សិរីក្នុងឱកាសភ្ជុំបិណ្ឌ ដោយឥតគិតថ្លៃដល់បងប្អូនកម្មករ និងប្រជាពលរដ្ឋ នៅផ្សារត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ក្រោមកិច្ចសហការរវាងក្រសួងការងារ និងបណ្តុះបណ្តាលវិជ្ជាជីវៈ និងសមាគមមិត្តយើង នាព្រឹកថ្ងៃទី១៤ ខែកញ្ញា ឆ្នាំ២០២៥។ ថ្លែងទៅកាន់អ្នកចូលរួមនាឱកាសនោះ លោករដ្ឋមន្ត្រីបានលើកឡើងថា ពិធីកាត់សក់ដែលធ្វើឡើងនាពេលនេះ ជាការបង្កើតភាពជិតស្និទ្ធ និងបង្ខិតទំនាក់ទំនងរវាងមន្ត្រីរាជរដ្ឋាភិបាល អាជ្ញាធរមូលដ្ឋាន ជាមួយនឹងប្រជាពលរដ្ឋនៅមូលដ្ឋាន ជាពិសេសជាការរួមចំណែកកាត់បន្ថយការចំណាយមួយផ្នែករបស់ បងប្អូនប្រជាពលរដ្ឋ និងជាការលើកសម្រស់និងសិរីសួស្តីដល់អ្នកចូលរួមផងដែរ។ ឆ្លៀតឱកាសនោះ លោករដ្ឋមន្ត្រី បានផ្តាំផ្ញើដល់បងប្អូនកម្មករដែលនឹងត្រឡប់ទៅស្រុកកំណើតក្នុងឱកាសឈប់សម្រាកបុណ្យភ្ជុំបិណ្ឌខាងមុខនេះ បើបានជួបបងប្អូនពលករដែលទើបត្រឡប់មកពីថៃ សូមចូលរួមផ្សព្វផ្សាយឱកាសការងារទៅដល់ពួកគាត់

(សិង្ហបុរី)៖ ក្រុមធនាគារពិភពលោក បានតែងតាំង លោក Carlos Felipe Jaramillo ជាអនុប្រធានសម្រាប់តំបន់អាស៊ីបូព៌ា និងប៉ាស៊ីហ្វិក (EAP) ដែលមាន​អានុភាព​ចាប់ពីថ្ងៃទី១៥ ខែកញ្ញា ឆ្នាំ២០២៥ នេះតទៅ។ នេះបើតាមសេចក្ដីប្រកាសព័ត៌មាន របស់ធនាគារពិភពលោក ដែលបណ្ដាញព័ត៌មាន Fresh News ទទួលបាននៅថ្ងៃទី១៥ ខែកញ្ញា ឆ្នាំ២០២៥។ លោក Jaramillo បាននាំមកជាមួយ​នូវ​សមត្ថភាព​ដឹកនាំ ជាក់ស្តែង​អស់​ពេលជាងពីរទសវត្សរ៍ នៅ​តាម​តំបន់ និងកម្មវិធីអនុវត្ត​សកលជាច្រើន ដែលធ្វើ​ឱ្យលោកមានបទពិសោធន៍រឹងមាំក្នុង​ការ​ដឹកនាំរបៀបវារៈផ្តោតលើការអភិវឌ្ឍការងារ​ របស់​ធនាគារ​ពិភពលោក នៅ​ក្នុងតំបន់មួយពោរពេញដោយថាមវន្តដ៏អស្ចារ្យបំផុត របស់ពិភពលោក។ ក្នុងនាមជាអនុប្រធានសម្រាប់តំបន់អាស៊ីបូព៌ា និងប៉ាស៊ីហ្វិក លោក

(ភ្នំពេញ)៖ លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជានៅថ្ងៃទី១៤ ខែកញ្ញា ឆ្នាំ២០២៥ បានចេញប្រកាសបដិសេធទាំងស្រុងចំពោះការចោទប្រកាន់ដោយគ្មានមូលដ្ឋាន និងគ្មានភស្តុតាងរបស់ភាគីថៃនាពេលកន្លងមកថា កម្ពុជាបានបង្ហោះដ្រូននៅតំបន់តាមបណ្តោយព្រំដែន នៃប្រទេសទាំងពីរ។ អ្នកនាំពាក្យក្រសួងការពារជាតិកម្ពុជា បានចាត់ទុកការចោទប្រកាន់បំភ្លៃខុសពីការពិតទាំងនេះរបស់ភាគីថៃ មិនត្រឹមតែធ្វើឱ្យកើនឡើងភាពតានតឹងប៉ុណ្ណោះទេ ប៉ុន្តែក៏បានធ្វើឱ្យប៉ះពាល់យ៉ាងខ្លាំងទៅដល់ជំនឿទុកចិត្តគ្នាទៅវិញទៅមក។ ក្រសួងការពារជាតិ សូមគូសបញ្ជាក់ថា កម្ពុជាមិនបានបង្ហោះដ្រូនចូលដែនអធិបតេយ្យភាពថៃដូចការចោទប្រកាន់ដែលគ្មានការពិតនេះឡើយ និងសូមស្នើភាគីថៃប្រកាន់ខ្ជាប់នូវគោលការណ៍ដែលភាគីកម្ពុជាថៃបានឯកភាពគ្នាចៀសវាងការចែកចាយព័ត៌មានមិនពិត ឬព័ត៌មានក្លែងក្លាយដើម្បីកាត់បន្ថយភាពតានតឹង កាត់បន្ថយសាធារណមតិអវិជ្ជមាន និងលើកកម្ពស់បរិយាកាសអំណោយផលសម្រាប់កិច្ចសន្ទនាដោយសន្តិវិធីដែលជាចំណែកមួយក្នុងការអនុវត្តបទឈប់បាញ់ឱ្យបានពេញលេញ មានប្រសិទ្ធភាព និងការត្រឡប់មកប្រក្រតីភាពឡើងវិញ។ ជាមួយគ្នានេះ ក្រសួងការពារជាតិ នៃព្រះរាជាណាចក្រកម្ពុជា សូមបញ្ជាក់សាជាថ្មីនូវការប្តេជ្ញាចិត្តយ៉ាងម៉ឺងម៉ាត់ នៅក្នុងការគោរពបទឈប់បាញ់ដែលភាគីទាំងពីរបានឯកភាពគ្នានៅក្នុងកិច្ចប្រជុំពិសេស កាលពីថ្ងៃទី២៨ ខែកក្កដា ឆ្នាំ២០២៥ នៅទីក្រុងពូត្រាចាយ៉ា ក៏ដូចជាការអនុវត្តឱ្យបានពេញលេញ

(ព្រះវិហារ)៖ ឧត្តមសេនីយ៍ឯក គឹម វណ្ណា នាយកមជ្ឈមណ្ឌលស្រាវជ្រាវយុទ្ធសាស្ត្រយោធា អគ្គបញ្ជាការ និងលោកស្រី ព្រមទាំងសហការី នាព្រឹកថ្ងៃទី១៤ ខែកញ្ញា ឆ្នាំ២០២៥ បាននាំយកគោយន្ត និងអាវក្រោះ មកប្រគល់ជូនដល់កងកម្លាំងនៅវរសេនាតូចលេខ៣៧៣ ចំណុះកងពលតូចអន្តរាគមន៍លេខ៧ ដែលកំពុងឈរជើងការពារយ៉ាងរឹងមាំដែនអធិបតេយ្យភាពកម្ពុជាទិសព្រះវិហារ ដើម្បីចូលរួមជួយសម្រួលការលំបាក ក្នុងការដឹកជញ្ជូនស្បៀងឡើងភ្នំ និងការពារអាយុជីវិតវីរកងទ័ព។ ឧត្តមសេនីយ៍ឯក គឹម វណ្ណា បានពាំនាំការផ្ដាំសួរសុខទុក្ខ និងកោតសរសើរពីសំណាក់នាយឧត្តមសេនីយ៍ អគ្គមេបញ្ជាការ នាយឧត្តមសេនីយ៍ អគ្គមេបញ្ជាការរងនាយសេនាធិការចម្រុះនៃកងយោធពលខេមរភូមិន្ទ ជាពិសេសសម្តេចតេជោ ហ៊ុន សែន ប្រធានព្រឹទ្ធសភា, សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន