(ភ្នំពេញ)៖ លោកបណ្ឌិត ថោង ខុន ទេសរដ្ឋមន្ដ្រី និងជាប្រធានគណៈកម្មាធិការជាតិអូឡាំពិកកម្ពុជា (NOCC) បានបង្ហាញការគាំទ្រ ចំពោះការរៀបចំព្រឹត្តិការណ៍ប្រកួតក្បាច់គុនខ្មែរ និងក្បាច់គុនកុងហ្វូ “សៅលីន” (Kun Khmer Kung Fu) នាថ្ងៃទី១៩ ខែមករា ឆ្នាំ២០២៤ ដើម្បីជំរុញការផ្សព្វផ្សាយគុនខ្មែរលើឆាកអន្ដរជាតិ ក៏ដូចជាចូលរួមអបអរសាទរ “ឆ្នាំនៃការផ្លាស់ប្ដូរប្រជាជន និងប្រជាជន កម្ពុជា-ចិន ឆ្នាំ២០២៤” ផងដែរ។ ការគូសបញ្ជាក់នេះ បន្ទាប់ពីលោកទេសរដ្ឋមន្ដ្រី ថោង ខុន បានអនុញ្ញាតឲ្យលោក វ៉ា សុធា ថ្នាក់ដឹកនាំស្ថានីយ៍ទូរទស្សន៍ ថោន និងលោក Tang Hua ថ្នាក់ដឹកនាំទូរទស្សន៍ ហាយណាន ចូលជួបសម្ដែងការគួរសម នៅថ្ងៃទី១៨ ខែមករានេះ នៅទីស្នាក់ការគណៈកម្មាធិការជាតិអូឡាំពិកកម្ពុជា និងដើម្បីរាយការណ៍ជូនអំពីកិច្ចសហការរវាងស្ថានីយ៍ទូរទស្សន៍ទាំងពីរ លើការរៀបចំព្រឹត្តិការណ៍ Kun Khmer Kung Fu នាថ្ងៃស្អែក។ ចំពោះកិច្ចសហការរៀបចំកម្មវិធីខាងលើ រវាងស្ថានីយ៍ទូរទស្សន៍នៅកម្ពុជា និងស្ថានីយ៍ទូរទស្សន៍ដ៏មានប្រជាប្រិយមកពីខេត្ត Hainan ប្រទេសចិននេះ […]

ដើម្បីជ្រើសរើសយុវជនដាក់បញ្ចូលបន្ថែមជាមួយយុវជនអាយុក្រោម ១៥ឆ្នាំនៃសាលាបាល់ទាត់ជាតិ (បាទី)។ សហព័ន្ធកីឡាបាល់ទាត់កម្ពុជា បានបញ្ជាក់ថា ការជ្រើសរើសនេះប្រព្រឹត្តទៅចាប់ពីថ្ងៃទី១៦ ដល់ថ្ងៃទី១៨ ខែមករា ឆ្នាំ២០២៤ នៅមជ្ឈមណ្ឌល និងសាលាកីឡាបាល់ទាត់ជាតិ (បាទី)៕   ផ្តល់សិទ្ធិដោយ៖ freshnews

(ភ្នំពេញ)៖ ក្នុងឆ្នាំ២០២៣ កម្ពុជារកចំណូលបានជាង៥៣៧លានដុល្លារអាមេរិក ពីការលក់ផលិតផលកៅស៊ូ កើនឡើង១.២% បើធៀបនឹងឆ្នាំ២០២២។ នេះបើតាមការបញ្ជាក់ឲ្យដឹងពី លោក ហ៊ឹម អូន ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានកៅស៊ូ។ ថ្លែងប្រាប់បណ្ដាញព័ត៌មាន Fresh News នៅថ្ងៃទី១៧ ខែមករា ឆ្នាំ២០២៤នេះ លោក ហ៊ឹម អូន បានបញ្ជាក់ថា «ក្នុងឆ្នាំ២០២៣ ចំណូលសរុបទទួលបាន ពីការលក់ផលិតផលកៅស៊ូ មានប្រមាណចំនួន៥៣៧.៩លានដុល្លារអាមេរិក កើនឡើងប្រមាណចំនួន៦.២លានដុល្លាអាមេរិក ស្មើនឹង១.២% ធៀបឆ្នាំ២០២២»។ លោក ហ៊ឹម អូន បានបញ្ជាក់ថា នៅក្នុងឆ្នាំ២០២៣ ការនាំចេញកៅស៊ូ សម្រេចបានចំនួន ៣៦៨,០៤៨តោន គិតជាទឹកប្រាក់ប្រមាណចំនួន ៤៩០.៦លានដុល្លារអាមេរិក ថយចុះប្រមាណចំនួន ៤,៨៥៥តោន ស្មើនឹង-១.៣% ធៀបឆ្នាំ២០២២ និងប្រាក់ចំណូល ពីការនាំចេញកៅស៊ូថយ ចុះប្រមាណចំនួន ៣៧លានដុល្លារសហរដ្ឋអាមេរិក ស្មើនឹង-៧% ដោយសារមានការប្រើប្រាស់ផលិតផលកៅស៊ូនៅក្នុងស្រុក។ ដោយឡែក ចំពោះការនាំចេញឈើកៅស៊ូ មានចំនួន ៩,៤១១ម៉ែត្រគូប គិតជាទឹកប្រាក់ប្រមាណចំនួន […]

(ស៊ីអាន)៖ លោក យៀ នីវពីង (Mr. YE Niuping) អភិបាលក្រុងស៊ីអាន សាធារណរដ្ឋប្រជាមានិតចិន នាព្រឹកថ្ងៃទី១៥ ខែមករា ឆ្នាំ២០២៤ បានអនុញ្ញាតឲ្យលោក ហេង ពៅ អគ្គកុងស៊ុលកម្ពុជា ប្រចាំទីក្រុងស៊ីអាន ចូលជួបសម្តែងការគួរសម និងពិភាក្សាការងារ ដែលផ្តោតសំខាន់ធ្វើការរួមគ្នា ដើម្បីលើកកម្ពស់ និងពង្រឹងកិច្ចសហប្រតិបត្តិការសេដ្ឋកិច្ច វប្បធម៌ និងទេសចរណ៍រវាងភាគីទាំងពីរ។   លោក ហេង ពៅ បានលើកឡើងអំពីសេដ្ឋកិច្ចរវាងប្រទេសទាំងពីរជារួម និងទីក្រុងស៊ីអាន និយាយដោយឡែក ក្នុងគោលបំណង សុំឲ្យមានការបើកជើងហោះហើរត្រង់ ពីស៊ីអានមកកម្ពុជា ដើម្បីផ្លាស់ប្តូរវិស័យទេសចរណ៍រួមគ្នា លើកកម្ពស់សេដ្ឋកិច្ចរវាងប្រជាជនទាំងពីរ។ អគ្គកុងស៊ុលកម្ពុជា បានបន្តទៀតថា កម្ពុជាបន្តទំនាក់ទំនងឲ្យកាន់តែស៊ីជម្រៅនូវការផ្លាស់ប្តូរ និងកិច្ចសហប្រតិបត្តិការ ក្នុងការវិនិយោគ ពាណិជ្ជកម្ម និងសេដ្ឋកិច្ច រវាងទីក្រុងស៊ីអាន ជារួមរវាងកម្ពុជា-សាធារណរដ្ឋប្រជាមានិតចិន ដ៏យូរអង្វែង និងជាមិត្តដែកថែប ស្របតាមគោលនយោបាយរបស់រាជរដ្ឋាភិបាលកម្ពុជា ដែលដឹកនាំដោយសម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ អគ្គកុងស៊ុលកម្ពុជា បានស្នើឲ្យមានការគាំទ្រផែនការសកម្មភាពឆ្នាំ២០២៤ ដែលជាឆ្នាំផ្លាស់ប្តូរប្រជាជន […]

(បរទេស)៖ បន្ទាប់ពីការស៊ើបអង្កេតមួយរយៈពេលមកនេះ អាជ្ញាធរគយ និងការពារព្រំដែនសហរដ្ឋអាមេរិកបានកំណត់ថា Apple Watch Series 9 ទាំងពីរម៉ូដែលដែលបានធ្វើការឌីហ្សាញឡើងវិញរបស់ក្រុមហ៊ុន Apple គឺមិនស្ថិតនៅក្រោមការហាមឃាត់ដែលដាក់ដោយគណៈកម្មការពាណិជ្ជកម្មអន្តរជាតិសហរដ្ឋអាមេរិក (ITC) នោះទេ។ ពោលគឺ Apple អាចដាក់លក់បានធម្មតានៅទូទាំងទីផ្សារសហរដ្ឋអាមេរិកដូចដើម។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី១៦ ខែមករា ឆ្នាំ២០២៤។ ការហាមឃាត់ការនាំចូល ដែលអនុវត្តចំពោះ Apple Watch Series 9 និង Ultra 2 បច្ចុប្បន្ននេះគឺ ផ្តើមចេញពីជម្លោះការរំលោភប៉ាតង់បច្ចេកវិទ្យាជាមួយនឹងក្រុមហ៊ុន Masimo។ ប៉ុន្តែ Apple បានបញ្ចុះបញ្ចូល និងអង្វករតុលាការឧទ្ធរណ៍របស់សហរដ្ឋអាមេរិកឱ្យផ្អាកការហាមឃាត់នេះ ហើយចាប់តាំងពីពេលនោះមក Apple បានបន្តលក់ Apple Watch របស់ខ្លួនឡើងវិញជាធម្មតា។ យ៉ាងណាមិញចំពោះការកំណត់ពីអាជ្ញាធរគយ និងការពារព្រំដែនសហរដ្ឋអាមេរិកនេះ អាចនឹងត្រូវបានបដិសេធ ប្រសិនបើ ITC មិនយល់ស្រប។ ដោយឡែកជុំវិញព័ត៌មានលម្អិតនៃការឌីហ្សាញ Apple Watch ទាំងពីរម៉ូដែលនេះឡើងវិញមិនត្រូវបានបានបង្ហាញជាសាធារណៈនោះទេ ថា Apple គួរតែធ្វើបែបណាខ្លះ […]

(ក្រុងរ៉ូម)៖ អំពើហឹង្សាមួយបានកើតមានឡើងសំណាក់ក្រុមអ្នកគាំទ្រ ដែលបណ្តាលឲ្យកីឡាករ Edoardo Bove ត្រូវមួយដបស្រាបៀរចំខ្នងពីក្រោយ នឹងមានកីឡាករ ៣រូប ត្រូវបានបណ្តេញចេញពីទីលាន ក្នុងជំនួបដែលក្រុម Roma លេងចាញ់ក្រុម Lazio នៃពានរង្វាន់ Coppa Italia ស្ថិតក្នុងវគ្គ ៨ក្រុមចុងក្រោយ។ ស្ថិតនៅក្នុងនាទីចុងម៉ោងនៃការប្រកួត ដឹកនាំការប្រកួតដោយលោកអាជ្ញាកណ្តាល Daniele Orsato សញ្ជាតិអ៊ីតាលី ក៏បានចាយកាត់ក្រហម ៣សន្លឹកបណ្តេញកីឡាករ ៣រូបចេញពីទីលាន ដោយមានការផ្តល់ជួនកីឡាករក្រុម Roma ២សន្លឹកទៅកាន់កីឡាករ Azmoun និង Mancini ហើយមាន ១សន្លឹកឲ្យទៅកាន់កីឡាករ Pedro របស់ក្រុម Lazio ។ កីឡាករវ័យ ២២ឆ្នាំ Edoardo Bove ត្រូវបានគេគប់ដបស្រាបៀរ ចំខ្នងពីខាងក្រោយ ហើយក៏ត្រូវបានប្តូរចេញពីទីលាននៅនាទី៧៦ ជំនួសដោយកីឡាករ Stephan El Shaarawy ខណៈក្រុម Lazio រកបានជ័យជម្នះ ១គ្រាប់ពីការធ្វើបានដោយកីឡាករ Mattia Zaccagni ដោយស៊ុតបាល់ពិន័យ […]

ដោយសារមានសន្ទុះនៃការគាំទ្រ និងសំណូមពរពីសំណាក់ទស្សនិកជនគ្រប់មជ្ឈដ្ឋាន ដូចនេះ នាយកដ្ឋានសិល្បៈ ទស្សនីយភាព នៃក្រសួងវប្បធម៌ និងវិចិត្រសិល្បៈ បានសហការជាមួយ ស.ស.យ.ក វិស័យវប្បធម៌ និងវិចិត្រសិល្បៈ រួមជាមួយ ស.ស.យ.ក រាជធានីភ្នំពេញ ដើម្បីរៀបចំទស្សនីយភាពល្ខោននិយាយ រឿងផ្កាស្រពោន ឡើងវិញ នេះបើយោងតាមការចុះផ្សាយរបស់ក្រសួងព័ត៌មាន។ យោងតាមប្រភពពីទំព័រហ្វេសប៊ុកផ្លូវការរបស់ ក្រសួងវប្បធម៌ និងវិចិត្រសិល្បៈ បានឱ្យដឹងថា ទស្សនីយភាពល្ខោននិយាយរឿង “ផ្កាស្រពោន” បានត្រឡប់មកបង្ហាញវត្តមានឡើងវិញ ដោយមានការសម្ដែងផ្ទាល់រយៈពេល៣ថ្ងៃ ចាប់ពីថ្ងៃទី២-៤ ខែកុម្ភៈ ឆ្នាំ២០២៤ នៅសាលសន្និសីទចតុម្មុខ ។ សូមបញ្ជាក់ថា រឿង “ផ្កាស្រពោន” គឺជាប្រលោមលោកដ៏មានប្រជាប្រិយមួយនៅប្រទេសកម្ពុជា ជាស្នាដៃដ៏ឆ្នើមរបស់កវីនិពន្ធ នូហាច ដែលបាននិពន្ធឡើងនៅព.ស.២៤៩០ ត្រូវនឹងគ.ស.១៩៣៨ ៕ សម្រួលផ្សាយដោយ៖ ប៉ោ កុសល ប្រភព៖ ក្រសួងព័ត៌មាន

(ភ្នំពេញ)៖ អ្នកស្រី សួន ធីតា (Soun Thida) ដែលជាអ្នកធ្វើ Content ល្បីឈ្មោះមួយរូបនៅលើបណ្ដាញសង្គម និងអ្នកផលិតមាតិកាល្បីឈ្មោះថ្មីៗនេះ បានបង្ហាញការការភ្ញាក់ផ្អើលដល់មហាជន តាមរយៈមានកូនស្រីជាមួយនឹងសមត្ថភាពដើរម៉ូដ។ មកទល់ពេលនេះ កុមារី Kim I Win មានសមត្ថភាព ហើយឆ្អីនទាំងព្រម លើសមត្ថភាព Fashion ហើយអ្វីដែលសំខាន់គឺនាងតូចមានភាពក្លាហាន លើឆាកធំៗ ដោយផ្នែកភាសា និង ជំនាញសិល្បៈក៏ស្ទើរតែពូកែទាំងវ័យក្មេងគ្រប់ទម្រង់ ដែលអាចនិយាយបានថា មិនមែនក្មេងវ័យក្រោម៦ឆ្នាំណា ក៏សុទ្ធតែអាចធ្វើបាន។ ជាមួយនឹងភាពលេចធ្លោខ្លាំងរបស់នេះ អ្នកស្រី សួន ធីតា Soun Thida គឺជាតារា TikTok, តារាសំដែងក្នុងបទចំរៀង, influence និងថតវិដេអូពាណិជ្ជកម្មឱ្យក្រុមហ៊ុនផ្សេងៗជាច្រើនផងដែរ។ អ្នកផលិតមាតិការូបនេះ បានបង្ហោះតាមរយៈបណ្ដាញសង្គមដ៏ពេញនិយមមានដូចជា តិកតុ ហ្វេសប៊ុក និងបណ្ដាញសង្គមផ្សេងៗទៀត កំពុងតែផ្ទុះការចាប់អារម្មណ៍ និងទទួលបានការគាំទ្រលើប្រជាប្រិយភាពខ្លាំង ស្ទើរមិនគួឱ្យជឿ តាមទេពកោសល្យនៃការសម្ដែង ប្រកបដោយភាពប៉ិនប្រសប់ ហើយត្រូវទៅតាមបរិបថសង្គមសព្វថ្ងៃ ដែលមហាជន និងអ្នកគាំទ្រកំពុងជួបប្រទះ។ ថ្លែងប្រាប់ Fresh News […]

(តូក្យូ)៖ សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ បានប្រកាសស្វាគមន៍សមាគមជប៉ុន-កម្ពុជា ដែលចង់បើកការិយាល័យនៅកម្ពុជា ដើម្បីទាក់ទាញវិនិយោគិនជប៉ុនមកកាន់កម្ពុជាបន្ថែមទៀត។ ការស្វាគមន៍របស់សម្តេចតេជោ បានធ្វើឡើងនៅល្ងាចថ្ងៃទី១០ ខែមករា ឆ្នាំ២០២៤ម្សិលមិញ ពេលអនុញ្ញាតឱ្យលោក តាកាហាសី ហ៊្វូមីអាគី (Takahashi Fumiaki) ប្រធានសមាគមជប៉ុន-កម្ពុជា និងចូលជួបសម្តែងការគួរសម ក្នុងពិធីពិសារអាហារពេលល្ងាច នៅសណ្ឋាគារ New Otani Tokyo ក្នុងឱកាសសម្តេចតេជោ ហ៊ុន សែន អញ្ជើញទស្សនកិច្ចនៅប្រទេសជប៉ុន ចាប់ពីថ្ងៃទី៩ ដល់ថ្ងៃទី១២ ខែមករា ឆ្នាំ២០២៤។ នាឱកាសនោះ លោក តាកាហាសី ហ៊្វូមីអាគី បានគោរពថ្លែងអំណរគុណសម្តេចតេជោ ដែលបានចំណាយពេលទទួលជួបលោក និងគណៈប្រតិភូបន្ទាប់ពីការធ្វើដំណើរនឿយហត់ពីកម្ពុជា។ លោក តាកាហាសី ហ៊្វូមីអាគី ក៏បានសម្តែងនូវការកោតសរសើរពីតួនាទីដ៏សំខាន់របស់ សម្ដេចតេជោ ដែលជាស្ថាបនិកក្នុងការស្វែងរកសន្ដិភាព និងការអភិវឌ្ឍប្រទេសកម្ពុជា ជាពិសេស ក្នុងការពង្រឹងនិងពង្រីកទំនាក់ទំនងទ្វេភាគីកម្ពុជា-ជប៉ុន ក្នុងពេលជាងបីទសវត្សកន្លងមកនេះ។ ជំនួបនេះផ្តោតជាសំខាន់លើការទាក់ទាញវិនិយោគថែមទៀត ពីជប៉ុនមកកម្ពុជា ដោយមានការចូលរួមខិតខំប្រឹងប្រែងរបស់សមាគមជប៉ុន-កម្ពុជា។ ជាក់ស្តែង លោកបានបញ្ជាក់ថា សមាគមនឹងបើកការិយាល័យរបស់ខ្លួននៅកម្ពុជា […]

(បរទេស)៖ វាមិនមែនជារឿងញឹកញ៉ាប់នោះទេសម្រាប់ក្រុមហ៊ុន Honda ក្នុងការផ្ដាស់ប្ដូរ Logo ថ្មីនោះ។ ថ្មីៗនេះ ក្រុមហ៊ុនផលិតរថយន្តរបស់កូរ៉េខាងត្បូងដែលឈានមុខគេមួយនេះ បានប្រកាសបង្ហាញ Logo ថ្មី ដែលមានទម្រង់ប្រហាក់ប្រហែលនឹង Logo ចាស់ដែរ ប៉ុន្តែវារំលេចទៅដោយពន្លឺនៅលើអក្សារ “H” ច្បាស់ជាងមុន ដោយជួយបង្កើននូវភាពស្រស់ស្រាយ។ ចាប់តាំងពីឆ្នាំ ១៩៨១មកដល់ពេលនេះ អស់រយៈពេលប្រមាណជា ៤៣ឆ្នាំហើយ ដែលក្រុមហ៊ុន Honda នៅរក្សា និងប្រើប្រាស់ Logo ចាស់ ហើយសម្រាប់ Logo ថ្មីនេះ ត្រូវបានក្រុមហ៊ុនបញ្ជាក់ថា នឹងប្រើប្រាស់សម្រាប់រថយន្តអគ្គិសនីនាពេលអនាគត។ វាមានន័យថា សម្រាប់រថយន្តប្រើប្រាស់សាំងនាពេលបច្ចុប្បន្ននឹងមិនមាន ឬត្រូវផ្លាស់ប្ដូរទៅប្រើ Logo ថ្មីនេះនោះទេ។ Honda មិនផ្តល់ការពន្យល់ច្រើនសម្រាប់ការរចនាឡូហ្គោនោះទេ ប៉ុន្តែនេះជាអ្វីដែលវានិយាយ៖ «ការបង្ហាញការរចនានេះ ដូចជាដៃដែលលាតសន្ធឹង តំណាងឱ្យការប្តេជ្ញាចិត្តរបស់ Honda ក្នុងការបង្កើនលទ្ធភាពនៃការចល័ត និងបម្រើយ៉ាងស្មោះស្ម័គ្រចំពោះតម្រូវការរបស់អ្នកប្រើប្រាស់ Honda EVs»។ គួរបញ្ជាក់ផងដែរថា ក្រុមហ៊ុន Honda បានដាក់ចេញផែនការណ៍បង្កើនការលក់រថយន្តអគ្គិសនីរបស់ខ្លួនឱ្យបាន ៤០ភាគរយនៃសរុបនៅឆ្នាំ២០៣០ និង ៨០ភាគរយនៅឆ្នាំ២០៣៥ ព្រមទាំងលក់រថយន្តអគ្គិសនីសរុប […]