(បាងកក)៖ បេក្ខជននាយករដ្ឋមន្រ្តីថៃនាំមុខគេគឺ លោក ភីថា លឹមចារឿនរ៉ាត់ (Pita Limjaroenrat) បាននិយាយនៅថ្ងៃអង្គារនេះថា លោកមានការគាំទ្រគ្រប់គ្រាន់នៅព្រឹទ្ធសភា ដើម្បីក្លាយជានាយករដ្ឋមន្រ្តីថ្មីរបស់ប្រទេសអាស៊ានមួយនេះ ខណៈនៅប៉ុន្មានថ្ងៃទៀត សភាថៃថ្មីនឹងត្រូវបើកសម័យប្រជុំលើកដំបូងរបស់ខ្លួន។ នេះបើតាមការចេញផ្សាយ ដោយទីភ្នាក់ងារព័ត៌មាន AFP នៅថ្ងៃអង្គារ ទី២៧ ខែមិថុនា ឆ្នាំ២០២៣។ លោក ភីថា ដែលជាប្រធានគណបក្ស Move Forward កំពុងស្ថិតនៅលើផ្លូវមិនច្បាស់លាស់មួយ ក្នុងការឆ្ពោះទៅក្លាយជានាយករដ្ឋមន្រ្តី បើទោះបីជាគណបក្សរបស់លោក ទទួលបានជ័យជម្នះដ៏ភ្ញាក់ផ្អើលមួយ នៅក្នុងការបោះឆ្នោតសកល កាលពីខែឧសភាកន្លងទៅក៏ដោយ។ ក្រុមចម្រុះរបស់លោក ដែលមានគណបក្សចំនួន៨ ចាប់ដៃសហការគ្នា គឺរកបានអាសនៈសរុបត្រឹមតែ៣១២អាសនៈប៉ុណ្ណោះ នៅក្នុងរដ្ឋសភា។ នៅក្រោមរដ្ឋធម្មនុញ្ញនៃប្រទេសថៃ ដើម្បីអាចក្លាយជានាយករដ្ឋមន្រ្តីបាន លោក ភីថា ត្រូវការសំឡេងឆ្នោតគាំទ្រយ៉ាងហោចណាស់ ៣៧៦សំឡេង ពីសំណាក់សមាជិករដ្ឋសភា និងព្រឹទ្ធសភារួមបញ្ចូលគ្នា។ អ្វីដែលជាឧបសគ្គសម្រាប់លោក គឺនៅឯព្រឹទ្ធសភាថៃ មានសមាជិកសរុបចំនួន២៥០នាក់ ដែលភាគច្រើនត្រូវបានតែងតាំង​ដោយអតីតរបបយោធា ដែលបានឡើងគ្រប់គ្រងអំណាច កាលពីឆ្នាំ២០១៤។   គួរបញ្ជាក់ថា មន្ទិលសង្ស័យបានកើតមាន ជុំវិញសំណួរថា តើលោក ភីថា […]

(មូស្គូ)៖ ក្រសួងការពារជាតិរុស្ស៉ីនៅថ្ងៃអង្គារនេះ បានឱ្យដឹងថា ខ្លួនបានចាប់ផ្តើមការធ្វើសមយុទ្ធយន្តហោះចម្បាំង នៅលើសមុទ្របាល់ទិក ជាមួយគោលដៅស្ទាបស្ទង់ ការត្រៀមលក្ខណៈសម្រាប់ប្រតិបត្តិការប្រយុទ្ធ និងកិច្ចការពិសេសផ្សេងៗទៀត។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃអង្គារ ទី២៧ ខែមិថុនា ឆ្នាំ២០២៣។   ក្រសួងការពារជាតិរុស្ស៉ី បាននិយាយក្នុងសេចក្តីថ្លែងការណ៍ថា កំលុងសមយុទ្ធខាងលើ ក្រុមយន្តហោះចម្បាំង Su-27 បានហាត់សមប្រើអាវុធបាញ់​ទៅលើ មីស៉ីលគ្រូសនិងយន្តហោះសត្រូវ ហើយក្រសួងក៏បានបន្ថែមទៀតថា ក្រុមពីឡុតយន្តហោះចម្បាំងរុស្ស៉ី កំពុងខិតខំ​ដុសខាតជំនាញរបស់ពួកគេ និងកំពុងស្ថិតក្រោមការអនុវត្តភារកិច្ចយ៉ាងជាប់លាប់ ក្នុងការការពារដែនអាកាស នៃតំបន់កាលីនីនក្រាដ (Kaliningrad) របស់​រុស្ស៉ី ដែលស្ថិតនៅចន្លោះប្រទេសប៉ូឡូញនិងលីទុយអានី ជាប់សមុទ្របាល់ទិក។   ដោយឡែក កាលពីថ្ងៃចន្ទសប្តាហ៍នេះ ក្រសួងការពារជាតិរុស្ស៉ី បាននិយាយថា ខ្លួនបានចល័តយន្តហោះចម្បាំង២គ្រឿង នៅពេលដែល​ក្រុមយន្តហោះចម្បាំង Typhoon របស់ចក្រភពអង់គ្លេស បានហោះមកក្បែរព្រំប្រទល់រុស្ស៉ី នៅលើតំបន់សមុទ្រខ្មៅ។ បើតាមទីក្រុងមូស្គូ យន្តហោះចម្បាំង Typhoon ទាំងនោះ បានអមដំណើរ យន្តហោះឈ្លបការណ៍មួយគ្រឿងធុន RC-135។   គួរបញ្ជាក់ថា អំលុងពេលប៉ុន្មានឆ្នាំចុងក្រោយនេះ ការហោះស្ទាក់ដែលពាក់ព័ន្ធជាមួយយន្តហោះយោធារុស្ស៉ី និងក្រុមលោកខាងលិច […]

(មូស្គូ)៖ លោក ឡេអូនីត ស្លាត់ស្គី (Leonid Slutsky) ដែលជាសមាជិកសភាជាន់ខ្ពស់មួយរូបរបស់រុស្ស៉ី នៅថ្ងៃចន្ទសប្តាហ៍នេះបានអំពាវនាវឲ្យមាន ការបង្កើនកងទ័ពជំនាញដល់ចំនួន ៧លាននាក់ ដើម្បីធានាថាក្រុមទាហានស៉ីឈ្នួលគ្មានភាពចាំបាច់ក្នុងភារកិច្ចការពារសន្តិសុខរបស់ប្រទេស។ នេះបើ យោងតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃអង្គារ ទី២៧ ខែមិថុនា ឆ្នាំ២០២៣។   ប្រទេសរុស្ស៉ី ត្រូវបានរង្គោះរង្គើដោយការបះបោរដែលបរាជ័យរបស់លោក យេវហ្គីនី ព្រីហ្គោហ្ស៉ីន (Yevgeny Prigozhin) ថៅកែក្រុមហ៊ុនទាហានស៉ីឈ្នួល Wagner កាលចុងសប្តាហ៍មុន។ លោក ស្លាត់ស្គី ដែលធ្លាប់ចូលរួមក្នុងការចរចាជាច្រើនទាក់ទងនឹងយុទ្ធនាការរបស់ទីក្រុងមូស្គូក្នុងប្រទេសអ៊ុយក្រែន បាននិយាយថា រុស្ស៉ីត្រូវការកងទ័ពជំនាញយ៉ាងហោចណាស់ ៧លាននាក់ និងបុគ្គលិកស៉ីវិលបម្រើការក្នុងជួរទាហានបច្ចុប្បន្ន។ លោក ស្លាត់ស្គី បានគូសបញ្ជាក់ថា «រុស្ស៉ីមិនត្រូវការក្រុមហ៊ុនយោធាឯកជន និងការចូលចិត្តពីពួកគេនោះទេ។ មានបញ្ហាខ្លះនៅក្នុងជួរកងទ័ព ប៉ុន្តែក្រុមហ៊ុនយោធាឯកជន មិនអាចដោះស្រាយវាបានទេ។   គួរបញ្ជាក់ថា នៅចុងឆ្នាំ២០២២ លោក ពូទីន បានគាំទ្រការបង្កើនកងទ័ពប្រយុទ្ធឲ្យដល់ចំនួន ១.៥លាននាក់ ដោយក្នុងនោះរួមទាំងទាហានជាប់កិច្ចសន្យា ពីចំនួន ៦៩៥,០០០នាក់រហូតដល់ចំនួន ១.១៥លាននាក់។ ការបង្កើតកងទ័ពកិច្ចសន្យាចំនួន ៧លាននឹងត្រូវការប្រាក់ឧបត្ថម្ភថវិកាយ៉ាងច្រើន […]

(វ៉ាស៊ីនតោន)៖ ប្រធានាធិបតីអាមេរិក លោក ចូ បៃដិន នៅថ្ងៃចន្ទសប្ដាហ៍នេះបាននិយាយថាការបះបោររបស់ក្រុមទាហានស៊ីឈ្នួល Wagner ប្រឆាំង នឹងវិមានក្រឹមឡាំង គឺជាជម្លោះផ្ទៃក្នុងរបស់រុស្ស៉ី ហើយសហរដ្ឋអាមេរិក និងសម្ព័ន្ធមិត្តមិនមានជាប់ពាក់ព័ន្ធ ឬចូលរួមក្នុងអំពើបះបោរនេះនោះទេ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃអង្គារ ទី២៧ ខែមិថុនា ឆ្នាំ២០២៣។ លោក បៃដិន ធ្វើការកត់សម្គាល់ខាងលើ នៅក្នុងការអត្ថាធិប្បាយមួយពាក់ព័ន្ធនឹងការបះបោររបស់ក្រុមទាហានស៊ីឈ្នួល Wagner កាលពីថ្ងៃសៅរ៍ ចុងសប្ដាហ៍កន្លងទៅ។ លោក បៃដិន បានគូសបញ្ជាក់ដូច្នេះថា «យើងបានបញ្ជាក់យ៉ាងច្បាស់ថាយើងមិនមានជាប់ពាក់ព័ន្ធនោះទេ ហើយក៏មិនបានធ្វើ អ្វីទាំងអស់ពាក់ព័ន្ធនឹងរឿងនេះ (ការបះបោរ)»។ លោកបន្ថែមទៀតថាលោកផ្ទាល់បានបញ្ជាឱ្យក្រុមមន្ត្រីទីប្រឹក្សាសន្តិសុខជាតិរបស់លោកធ្វើបច្ចុប្បន្នភាព ពីស្ថានការណ៍ជាប្រចាំ និងបានត្រៀមលក្ខណៈជាស្រេចចំពោះសេណារីយ៉ូអាក្រក់ តែមិនបានលម្អិតអ្វីបន្ថែមលើសពីនេះទេ។ គួរបញ្ជាក់ថា ការលើកឡើងរបស់លោក ចូ បៃដិន កើតមានឡើងបន្ទាប់ពីប្រព័ន្ធផ្សព្វផ្សាយរុស្ស៉ី បានរាយការណ៍ថាទីភ្នាក់ងារស៊ើបការណ៍សម្ងាត់រុស្ស៉ី កំពុងបើកការស៊ើបអង្កេតថាតើទីភ្នាក់ងារស៊ើបការណ៍សម្ងាត់លោកខាងលិច មានជាប់ពាក់ព័ន្ធនឹងការបះបោរមិនបានសម្រេចរបស់ទាហានស៊ីឈ្នួល Wagner ដែរឬក៏យ៉ាងណា៕ ផ្តល់សិទ្ធិដោយ៖ Fresh News

(ម៉ានីល)៖ ទីភ្នាក់ងាររដ្ឋាភិបាលហ្វីលីពីនបានឱ្យដឹងនៅថ្ងៃចន្ទនេះថា រដ្ឋាភិបាលហ្វីលីពីនបានជម្លៀសមនុស្សយ៉ាងហោចណាស់ ៩២,៣១៩នាក់នៅក្នុងទីក្រុងចំនួនបី ដែលរងគ្រោះដោយទឹកជំនន់នៅភាគនិរតី នៃកោះមីនដាណាវ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នៅថ្ងៃចន្ទ ទី២៦ ខែមិថុនា ឆ្នាំ២០២៣។ នាយកដ្ឋានសុខុមាលភាពសង្គម និងអភិវឌ្ឍន៍ (DSWD) បាននិយាយថា ភ្លៀងធ្លាក់ពេញមួយសប្តាហ៍បានជន់លិចក្រុង Kabacan និងក្រុង Pikit ក្នុងខេត្ត Cotabato ព្រមទាំងក្រុង Glan ក្នុងខេត្ត Sarangani ដែលប៉ះពាល់ដល់គ្រួសារចំនួន ១៩,១២៤គ្រួសារ។ នាយកដ្ឋាននេះបានបន្ថែមថា គិតត្រឹមថ្ងៃចន្ទនេះ ២៥១គ្រួសារត្រូវជម្រៀសឱ្យស្នាក់នៅបណ្តោះអាសន្នក្នុងក្រុង Jalan ក្នុងខេត្ត Sarangani ជាកន្លែងដែលសម្ភារៈសង្គ្រោះ ដូចជាកញ្ចប់អាហារត្រូវបានផ្តល់ដោយរដ្ឋាភិបាលក្នុងតំបន់៕ ផ្តល់សិទ្ធិដោយ៖ freshnews

(ក្វាងស៊ី, ចិន)៖ អំឡុងពេលប្រទេសចិន មានការរីករាលដាលជំងឺកូវីដ១៩ ហើយរដ្ឋាភិបាលចេញវិធានការបិទខ្ទប់យ៉ាងតឹងរឹងនោះ មីខ្យងជូរហឹរ បានរួមចំណែកយ៉ាងសំខាន់ ដែលក្លាយជាអាហារទ្រទ្រង់ដល់ប្រជាពលរដ្ឋ នៅក្នុងខេត្តក្វាងស៊ី ប្រទេសចិន។ អំឡុងពេលទស្សនកិច្ចនៅខេត្តក្វាងស៊ី ប្រទេសចិន កាលពីថ្ងៃទី១៥ ដល់ថ្ងៃទី២០ ខែមិថុនា ឆ្នាំ២០២៣ ក្រុមអ្នកសារព័ត៌មានកម្ពុជា ចំនួន១៤រូប បានធ្វើទស្សនកិច្ចនៅទីក្រុងលីវចូវ ខេត្តក្វាងស៊ី ដែលជាទីក្រុងសំបូរដោយឧស្សាហកម្មផលិតមីខ្យងជូរហឹរនេះ ព្រមទាំងបានធ្វើទស្សនកិច្ចទៅកាន់រោងចក្រផលិតមីខ្យងជូរហឹររបស់ក្រុមហ៊ុន Guangxi Luobawang Technology ដែលជាក្រុមហ៊ុនផលិត និងចែកចាយមីជូរហឹរធំជាងគេក្នុងក្រុងនេះ។ Guangxi Luobawang Technology បានបើកដំណើរការរយៈពេល ៨ឆ្នាំហើយ ដោយការផ្តោតសំខាន់លើការផលិត និងកែច្នៃមីជូរហឹរ។ បច្ចុប្បន្ន ផលិតផលមីជូរហឹររបស់ក្រុមហ៊ុននេះមាន៥រសជាតិ គឺរសជាតិដើម, មានរសជាតិប៉េងប៉ោះ, រសជាតិឆ្អឹងស៊ុប, រសជាតិថែមហឹរ និងរសជាតិថែម(ក្លិន)។ ក្នុងមួយឆ្នាំទៅមួយឆ្នាំ បរិមាណផលិតមីរបស់ក្រុមហ៊ុនគឺកើនឡើង២ខ្ទង់ ខណៈបរិមាណផលិត​ក្នុងឆ្នាំ២០២២ គឺមានចំនួន ១០០លានកញ្ចប់ ខណៈដែលកំណើនផលិតកម្ម នៅក្នុងក្រុមហ៊ុនរបស់ខ្លួនផងដែរ ដោយសារប្រជាប្រិយភាព និងការនិយមចូលចិត្តរបស់អតិថិជន ទាំងក្រុងប្រទេសចិន និងក្រៅប្រទេស។ នេះបើតាមការបញ្ជាក់របស់ អគ្គនាយករងនៃក្រុមហ៊ុន Guangxi […]

កំពូលតារា YouTube គឺលោក Jimmy Donaldson ហៅ MrBeast កាលពីយប់ថ្ងៃអាទិត្យបាននិយាយថា គាត់ធ្លាប់ត្រូវបានគេអញ្ជើញឱ្យទៅចូលរួមក្នុងដំណើរកម្សាន្តក្រោមបាតសមុទ្រ ទៅកាន់ខ្មោចកប៉ាល់ទីតានិក ប៉ុន្តែគាត់បានបដិសេធការអញ្ជើញមួយនោះ។ MrBeast បានសរសេរនៅលើបណ្ដាញ Twitter របស់គាត់ថា៖«ខ្ញុំត្រូវបានគេអញ្ជើញកាលពីដើមខែនេះ ឱ្យជិះនាវាមុជទឹកទៅកាន់កប៉ាល់ទីតានិក ខ្ញុំបាននិយាយថាទេ វាគួរឱ្យខ្លាចដែលខ្ញុំអាចនឹងនៅលើនាវានោះ»។ ទោះបីជា MrBeast មិនបានបញ្ជាក់ថា តើការអញ្ជើញនេះគឺសម្រាប់ដំណើរកម្សាន្តរបស់ Titan ដែលបានបញ្ចប់ជីវិតអ្នកដំណើរដោយការផ្ទុះដ៏មហន្តរាយមួយក៏ដោយ ប៉ុន្តែគាត់នៅតែចង់ចែករំលែក screenshot ដែលមិត្តរបស់គាត់បានផ្ញើឱ្យគាត់ឱ្យអ្នកគាំទ្ររបស់គាត់បានដឹង។ នៅក្នុងនោះមិត្តរបស់គាត់ក៏បានសរសេរថា៖«ខ្ញុំនឹងជិះនាវាមុជទឹកទៅកាន់កប៉ាល់ទីតានិក នៅក្នុងនៅចុងខែនេះ។ ក្រុមទាំងមូល​នឹង​មាន​ការ​រំភើប​ចិត្ត​ បើមាន​​អ្នក​ទៅជាមួយ»​។ ជាមួយគ្នានេះ CNN ក៏បានទាក់ទងទៅតំណាងរបស់លោក Donaldson ដើម្បីសុំការអត្ថាធិប្បាយបញ្ជាក់ផងដែរ៕ ផ្តល់សិទ្ធិដោយ៖ ខ្មែរណូត

ឆ្មាំឆ្នេរសមុទ្រអាមេរិកបាននិយាយថា ខ្លួនកំពុងបើកការស៊ើបអង្កេតលើមូលហេតុនៃការផ្ទុះរបស់នាវាមុជទឹក Titan ដែលបានដឹកមនុស្ស ៥នាក់ ទៅទស្សនាកប៉ាល់ទីតានិក ខណៈការស្វែងរកមនុស្សដែលនៅក្នុងនាវាត្រូវបានបញ្ចប់។ ឆ្មាំឆ្នេរសមុទ្របានបង្ហាញកាលពីថ្ងៃអាទិត្យថា ខ្លួនបានកោះប្រជុំក្រុមប្រឹក្សាស៊ើបអង្កេតសមុទ្រ ឬ MBI ដើម្បីធ្វើការស៊ើបអង្កេតលើការបាត់បង់នាវាមុជទឹក Titan។ ជម្រាបផងដែរថា MBI គឺជាថ្នាក់ជាន់ខ្ពស់បំផុតនៃការស៊ើបអង្កេតរបស់ឆ្មាំឆ្នេរសមុទ្រ។ ឆ្មាំឆ្នេរសមុទ្របានឱ្យដឹងថា អ្នកស៊ើបអង្កេតរបស់ខ្លួនកំពុងស្ថិតក្នុងដំណាក់កាលប្រមូលភស្តុតាងដំបូង រួមទាំងប្រតិបត្តិការស្វែងរកកម្ទេចកំទី ហើយពួកគេកំពុងចាត់វិធានការសំខាន់នានានៅលើគេហទំព័រ ប្រសិនបើសាកសពមនុស្សត្រូវបានជួបប្រទះ។ នាវាមុជទឹកបានបាត់ខ្លួន បន្ទាប់ពីបានជ្រមុជចូលទៅក្នុងមហាសមុទ្រអាត្លង់ទិកខាងជើងកាលពីថ្ងៃទី១៨ ខែមិថុនា។ ក្រុមជួយសង្គ្រោះមកពីសហរដ្ឋអាមេរិក និងកាណាដា បានរកឃើញកម្ទេចកំទីរបស់នាវា ៤ ថ្ងៃក្រោយមក។ ពួកគេនិយាយថា អ្នកស៊ើបអង្កេតរបស់ខ្លួនកំពុងធ្វើការនៅក្នុងការសម្របសម្រួលយ៉ាងជិតស្និទ្ធ ជាមួយអាជ្ញាធរមកពីប្រទេសកាណាដា បារាំង និងអង់គ្លេស ក្នុងគោលបំណងការពារការកើតឡើងស្រដៀងគ្នានេះ៕ ផ្តល់សិទ្ធិដោយ៖ ខ្មែរណូត

រំឭកទៅកាន់អតីតកាល១១១ឆ្នាំមុន តើម្ចាស់នាវាទេសចរណ៍ខ្នាតយក្សទីតានិកនេះជាអ្នកណា? តើវាសនារបស់គាត់ទទួលរងសម្ពាធយ៉ាងណា នៅពេលជួបនៅឧប្បទ្វហេតុដ៏ធំនោះ? រឿងរ៉ាវគឺផ្ដើមឡើងកាលពី១១៧ឆ្នាំមុន ពោលគឺនៅក្នុងឆ្នាំ១៩០៦ ក្រុមហ៊ុន Cunard បានដាក់ចេញនូវខ្សែទស្សនកិច្ចទេសចរណ៍តាមផ្លូវសមុទ្រចំនួន២ខ្សែ គឺតាមរយៈនាវាទេសចរណ៍ RMC Lusitania និងនាវាទេសចរណ៍ RMS Mauretania។ ក្រុមហ៊ុននេះគឺជាគូប្រជែងដ៏ធំជាមួយក្រុមហ៊ុន White Star។ ដោយមើលឃើញថាក្រុមហ៊ុនរបស់ខ្លួនកំពុងជួបគូប្រជែងធំបែបនេះ លោក Ismay ដែលជាប្រធានក្រុមហ៊ុន White Star បានសម្រេចចិត្តរៀបចំខ្សែទស្សនកិច្ចទេសចរណ៍តាមផ្លូវសមុទ្រដ៏អស្ចារ្យបំផុត។ នាវាទេសចរណ៍ខ្នាតយក្ស៣គ្រឿង គឺ RMS Olympic, HMS Britannic និង HMS Titanic គឺជាក្ដីសង្ឃឹមដ៏សំខាន់របស់លោក Ismay ដែលអាចទាក់ទាញអតិថិជនកម្រិតអភិជនជាច្រើនសម្រាប់ដំណើរឆ្លងកាត់មហាសមុទ្រអាត្លង់ទិកក្នុងរយៈពេលខ្លី។ ជាមួយគ្នានោះ កម្មវិធីទេសចរណ៍របស់ក្រុមហ៊ុនលោកក៏មានការផ្គត់ផ្គង់រៀបចំសម្រាប់បណ្ដាអតិថិជនថ្នាក់ទាបផងដែរ។ នាវាទេសចរណព៍ទីតានិក គឺជាគម្រោងការណ៍រៀបចំឡើងដោយលោក Ismay។ យានសមុទ្រដ៏អស្ចារ្យនេះត្រូវបានរចនាឡើងយ៉ាងប្រណីតបំផុតក្នុងចំណោមប្រវត្តិសាស្រ្តរបស់នាវាទាំងអស់ដែលធ្លាប់មាន។ ក្នុងខែមេសា ឆ្នាំ១៩១២ កប៉ាល់ទីតានិកបានចេញដំណើរពីក្រុង Southmton ប្រទេសអង់គ្លេស ក្នុងគ្រានោះទូកសង្គ្រោះគឺមានតែ១៦គ្រឿងប៉ុណ្ណោះ ដោយមានលោក Ismay គឺជាអ្នកកំណត់សម្រេចកាត់បន្ថយចំនួនទូកសង្គ្រោះនេះពីចំនួន៤៦មកនៅតែ១៦។ ទីបំផុត សោកនាដកម្មក៏បានកើតឡើង ខណៈមានមនុស្សប្រមាណជាង១៥០០នាក់ត្រូវបានស្លាប់យ៉ាងអណោចអធមក្នុងព្រឹត្តិការណ៍លិចកប៉ាល់ទីតានិចនោះ។ […]

(អាមេរិក)៖ ឧបករណ៍ក្មេងលេង Baby Shark Bath ជាង៧.៥លាន ត្រូវបានប្រមូលចូលទៅក្នុងរោងចក្រវិញ បន្ទាប់ពីមានក្មេងប្រុសម្នាក់ទទួលរងគ្រោះថ្នាក់ជុងជាមួយហ្នឹងព្រុយត្រីឆ្លាម។ បើយោងតាមគណៈកម្មាធិការសុវត្ថិភាពផលិតផលអ្នកប្រើប្រាស់របស់សហរដ្ឋអាមេរិក បានឱ្យដឹងថា ឧបករណ៍ក្មេងលេង Baby Shark Bath បានបង្កហានិភ័យទៅដល់កុមារដូចជា ការដាច់រលាត់ និងរបួសស្នាមទៅលើកុមារ។ ក្នុងនោះផងដែរគេទទួលបានរបាយការណ៍ថា មានក្មេងៗចំនួន ១២នាក់ធ្លាប់បានទទួលរងគ្រោះ ដោយសារការដួល ឬអង្គុយពីលើ បណ្ដាលឱ្យជុងជាមួយហ្នឹងព្រុយត្រីឆ្លាម ដែលបង្កឱ្យមានរបួសនៅលើផ្ទៃមុខ និងកន្លែងសំខាន់របស់ពួកគេផងដែរ។ លើសពីនេះទៅទៀត នៅក្នុងខែកុម្ភៈ ឆ្នាំ២០២២ កន្លងមកក៏មានគ្រួសាររបស់ក្មេងរងគ្រោះម្នាក់បានរៀបរាប់ថា “កូនរបស់គាត់មានអាយុ ១៩ខែ បានលេងBaby Shark Bath ពេលកំពុងងូតទឹក ហើយចៃដន្យបានដួលទៅលើព្រុយត្រីឆ្លាម ដែលបង្កអោយមានរបួសនៅត្រង់រន្ធគូទ នឹងត្រូវបានយកទៅព្យាបាលនៅមន្ទីរពេទ្យភ្លាមៗ។ ក្នុងនោះក៏មានករណីមួយទៀតដែលកើតទៅលើក្មេងប្រុសអាយុ ៤ឆ្នាំ បានកោសមុខជាមួយហ្នឹងព្រុយត្រីដែលវាមានសភាពរឹងពេក ជាហេតុនាំឱ្យបង្កគ្រោះថ្នាក់ដល់កុមារ”។ ចំពោះការរាយការណ៍ខាងលើទាំង ២ករណី រោងចក្រ Zuru បានឆ្លើយតបថា “រាល់ផលិតផលទាំងអស់តែងមានការធ្វើតេស្ដនៅមន្ទីរពិសោធន៍យ៉ាងម៉ត់ចត់ និងមានបទប្បញ្ញត្តិត្រឹមត្រូវ តែយ៉ាងណាក៏ខាងរោងចក្រនៅតែបន្ដស្វែងរកដំណោះស្រាយទៅលើបញ្ហាខាងលើនេះ”៕ប្រភព៖Dailymail