ហ្វីលីពីន៖ ហ្វីលីពីនបានចេញសេចក្តីសម្រេចអនុញ្ញាតឲ្យមានការបិទសាលារៀនជាបណ្តោះអាសន្នបានដើម្បីឆ្លើយតបនឹងបញ្ហារលកកម្តៅ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time។ សេចក្តីសម្រេចខាងលើនេះត្រូវបានធ្វើឡើងក្រោយសីតុណ្ហភាពនៅក្នុងប្រទេសហ្វីលីពីនបានកើនឡើងក្នុងកម្រិតដ៏ខ្ពស់មួយកាលពីពេលថ្មីៗនេះ ខណៈកាលពីខែមុនអាកាសធាតុក្តៅក្នុងកម្រិតដូចគ្នានេះបានធ្វើឲ្យកូនសិស្សតូចៗចំនួន ៨៣ កើតមានបញ្ហាសុខភាពធ្ងន់ធ្ងរនិងត្រូវបញ្ជូនទៅកាន់មន្ទីរពេទ្យផងដែរ។ បើតាមក្រសួងអប់រំហ្វីលីពីនបានបញ្ជាក់ថា សេចក្តីសម្រេចខាងលើនេះត្រូវបានធ្វើឡើងក្រោមហេតុផលថា ដើម្បីរក្សាសុវត្ថិភាពរបស់កូនសិស្សនិងគ្រូបង្រៀនពីការកើតមានបញ្ហាសុខភាពណាមួយ ដ្បិតនៅតាមសាលារៀនក្នុងទីជនបទមួយចំនួនពុំបានបំពាក់នូវឧបករណ៍អេឡិចត្រូនិចទំនើបៗសម្រាប់ទប់ទល់នឹងបញ្ហារលកកម្តៅនោះទេ។ យ៉ាងណាក្តី ក្រសួងអប់រំហ្វីលីពីនបានបញ្ជាក់ថា ការសម្រេចខាងលើនេះគឺមិនមែនសម្រាប់អនុវត្តជាទូទៅគ្រប់សាលារៀននោះទេ តែអាជ្ញាធរតំបន់អាចយកទៅអនុវត្តបានដោយអាស្រ័យទៅតាមកម្រិតសីតុណ្ហភាពជាក់ស្តែងនៅតាមតំបន់នីមួយៗ ដោយមានការជូនដំណឹងមកថ្នាក់លើមុនផងដែរ៕ ផ្តល់សិទ្ធិដោយ៖ ខ្មែរណូត

បុកល្ហុង ជាអាហារសម្រន់ដ៏ពេញនិយមមួយមិនថាចំពោះតែយុវវ័យប៉ុណ្ណោះទេ តែក៏សម្រាប់មនុស្សចាស់ផងដែរ។ អ្វីដែលកាន់តែគួរឲ្យកត់សម្គាល់ទៀតនោះ គឺម្ហូបខ្មែរមួយមុខនេះក៏កំពុងតែមានការទទួលស្គាល់នៅលើពិភពលោកផងដែរ ពោលគឺបុកល្ហុងខ្មែរបានជាប់ចំណាត់ថ្នាក់លេខ ២៨ ជាប្រភេទអាហារបែបញាំបន្លែដែលមានរសជាតិឆ្ងាញ់បំផុតនៅលើពិភពលោក។ យោងតាមការចុះផ្សាយរបស់បណ្តាញសារព័ត៌មាន National Thailand នៅព្រឹកថ្ងៃចន្ទ ទី២៤ ខែមេសានេះបានបញ្ជាក់ថា ចំណាត់ថ្នាក់ខាងលើនេះត្រូវបានកំណត់ដោយគេហទំព័រ TasteAtlas ដែលបានដើរពិនិត្យនិងភ្លក់រសជាតិអាហារបែបញាំបន្លែជាច្រើនមុខនៅជុំវិញពិភពលោក។ ដោយឡែកចំពោះប្រធានបទ “Best Rated SALADS in the World” ដែលគេហទំព័រជំនាញផ្នែកចំណីអាហារមួយនេះទើបធ្វើការចេញផ្សាយកាលពីពេលថ្មីៗនេះបាន​បង្ហាញថា “បុកល្ហុងខ្មែរ” ជាប់ចំណាត់ថ្នាក់លេខ ២៨ ក្នុងចំណោមអាហារល្បីៗ ៥០ មុខ ជាមួយលំដាប់ពិន្ទុ ៤,២ ក្នុងចំណោមពិន្ទុខ្ពស់បំផុត ៤,៧ ៕  ផ្តល់សិទ្ធិដោយ៖ ខ្មែរណូត

អៀរឡង់៖ អៀរឡង់បានក្លាយជាប្រទេសនៅតំបន់អឺរ៉ុបមួយទៀតហើយដែលបានបង្ហាញនិន្នាការអវិជ្ជមានចំពោះកម្មវិធី TikTok ដែលជាបណ្តាញសង្គមកំសាន្តកំពុងមានប្រជាប្រិយភាពបំផុតនៅលើពិភពលោកនាពេលបច្ចុប្បន្ននេះ។ បើយោងតាមការចុះផ្សាយរបស់បណ្តាញសារព័ត៌មាន The Strait Time នៅថ្ងៃសៅរ៍ ទី ២២ ខែមេសានេះបានបញ្ជាក់ថា រដ្ឋាភិបាលនៃប្រទេសអៀរឡង់កាលពីថ្ងៃម្សិលមិញនេះបានណែនាំឲ្យមន្ត្រីរាជការនៅក្រោមឱវាទរបស់ខ្លួនទាំងអស់ត្រូវតែលុបកម្មវិធី TikTok ចេញពីឧបករណ៍អេឡិចត្រូនិចទាំងឡាយណាដែលជាកម្មសិទ្ធរបស់រដ្ឋ។ ចំពោះហេតុផលនៅពីក្រោយការសម្រេចដ៏តឹងរឹងនេះ គឺមិនខុសពីហេតុរបស់ប្រទេសធំៗមួយចំ​នួនដែលបានសម្រេចហាមឃាត់កម្មវិធី TikTok កាលពីពេលថ្មីៗនេះនោះទេ​ ពោលគឺវាត្រូវបានធ្វើឡើងក្រោមហេតុផលថា ដើម្បីការពារសុវត្ថិភាពទិន្នន័យរបស់រដ្ឋាភិបាលពីការលួចតាមដានរបស់កម្មវិធី​ TikTok ដែលគេសង្ស័យថា​ ជាកម្មវិធីចារកម្មរបស់រដ្ឋាភិបាលចិន។ គួរបញ្ជាក់ជូនថា គិតត្រឹមពេលនេះប្រទេសដែលបានសម្រេចហាមខាតកម្មវិធី TikTok មានដូចជា ប្រទេសអាហ្វហ្គានីស្ថាន អូស្រ្តាលី កាណាដា ដាណឺម៉ាក បារាំង ឥណ្ឌា ឡាតវី ហូឡង់ នូវែលសេឡង់ ន័រវែស ប៉ាគីស្ថាន តៃវ៉ាន់ អង់គ្លេស អាមេរិក និងសហភាពអឺរ៉ុបផងដែរ៕ ផ្តល់សិទ្ធិដោយ៖ ខ្មែរណូត

ប្រទេសថៃកាលពីថ្ងៃសុក្រ ទី២១ ខែមេសា ឆ្នាំ២០២៣ បានចេញការព្រមានពាក់ព័ន្ធនឹងសីតុណ្ហភាពក្តៅខ្លាំង ខណៈដែលតំបន់មួយចំនួនបានហក់ឡើងដល់ជាង ៥០ អង្សាសេ ស្របពេលដែលកាលពីចុងសប្តាហ៍មុន សីតុណ្ហភាពរបស់ប្រទេសនេះបានកើនឡើងដល់ ៤៥ អង្សាសេ ជាលើកដំបូងក្នុងប្រវត្តិសាស្ត្ររបស់ខ្លួន។ នាយកដ្ឋានឧតុនិយមបានព្រមានថា សន្ទស្សន៍កម្ដៅក្ដៅខ្លាំង នឹងឈានដល់កម្រិតគ្រោះថ្នាក់នៅក្នុងទីក្រុងបាងកក និងខេត្តចំនួន ៣ ផ្សេងទៀត នេះបើតាមការឱ្យដឹងពី The Nation Thailand។ តំបន់ដែលរងការព្រមានចំពោះសីតុណ្ហភាពក្តៅខ្លាំងមានដូចជា៖ ខេត្តពេជ្របូរណ៍ ៤៨.១ អង្សាសេ, ខេត្តមហាសារខាម ៤៤.៥ អង្សាសេ, ទីក្រុងបាងកក ៥៤ អង្សាសេ, ខេត្តឈុនបុរី ៥៤ អង្សាសេ និង ខេត្តភូកេត ៥៤ អង្សាសេ។ ជាមួយគ្នានេះ ប្រទេសថៃក៏បានបែងចែកកម្រិតគ្រោះថ្នាក់ដូចជា៖ កម្រិតត្រូវតាមដាន (២៧-៣២ អង្សាសេ)៖ វាអាចនាំឱ្យមានការអស់កម្លាំង វិលមុខ ចង្អោរ ក្អួត ឈឺក្បាល និងឈឺសាច់ដុំ ដោយសារការប៉ះពាល់នឹងកម្ដៅ ឬសកម្មភាពរាងកាយក្នុងលក្ខខណ្ឌអាកាសធាតុក្តៅ។ កម្រិតប្រុងប្រយ័ត្ន (៣២-៤១ […]

ហុងកុង៖ លោកមហាសេដ្ឋី Jack Ma បានសម្រេចទទួលយកតួនាទីជាសាស្រ្តាចារ្យនៅក្នុងសាកលវិទ្យាល័យហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃសុក្រ ទី២១ ខែមេសានេះ។ សាកលវិទ្យាល័យដែលស្ថាបនិកក្រុមហ៊ុន Alibaba រូបនេះនឹងទៅ​បង្រៀននោះគឺសាកលវិទ្យាល័យហុងកុង (Hong Kong University) ហើយមុខវិជ្ជាដែលរូបគាត់បង្រៀននោះគឺមុខវិជ្ជាពាណិជ្ជកម្ម។ គួររម្លឹកជូនថា លោកមហាសេដ្ឋី Jack Ma បានខកខាន​ក្នុងការបង្ហាញខ្លួនជាសាធារណៈអស់រយៈពេលប្រមាណជា ២ឆ្នាំមកហើយ ក្រោយក្រុមហ៊ុនលក់ទំនិញ Online របស់លោកបានជួបប្រទះនឹងរឿងចម្រូងចម្រាសក្នុងការបង់ពន្ធមួយចំនួនជាមួយនិងរដ្ឋាភិបាលចិន។ លោកមហាសេដ្ឋី Jack Ma បច្ចុប្បន្នមានអាយុ ៥៨ ឆ្នាំ ហើយរូបគាត់ត្រូវបានគេប៉ាន់ប្រមាណថាមានទ្រព្យសម្បត្តិប្រហែលជា ៣៤,១ ពាន់លានដុល្លារ ខណៈមុនពេលជោគជ័យក្នុងវិស័យជំ​នួញរូបគាត់ក៏ធ្លាប់ធ្វើការងារជាគ្រូបង្រៀនភាសាអង់គ្លេសផងដែរ៕ ផ្តល់សិទ្ធិដោយ៖ ខ្មែរណូត

អាជ្ញាធរ​តៃវ៉ាន់​គ្រោង​ពង្រឹង​ទំនាក់ទំនង​ឌីជីថលនៅ​ក្នុង​តំបន់​ជិត​នឹង​ចិនដីគោក ដោយកាលពីថ្ងៃសុក្រម្សិលមិញនេះ វិស្វករដែលធ្វើការជាមួយក្រសួងកិច្ចការឌីជីថល បានសាកល្បងភ្ជាប់ផ្កាយរណបជាមួយនឹងកោះ Matsu ដែលស្ថិតនៅចម្ងាយ ២០០ គីឡូម៉ែត្រពីកោះតៃវ៉ាន់ ប៉ុន្តែមានចម្ងាយត្រឹមតែ ២០ គីឡូម៉ែត្រពីខេត្ត Fujian របស់ប្រទេសចិនប៉ុណ្ណោះ។ កាលពីខែកុម្ភៈ ខ្សែកាបក្រោមបាតសមុទ្រចំនួន ២ ដែលតភ្ជាប់កោះ Matsu ជាមួយកោះតៃវ៉ាន់ត្រូវបានកាត់ផ្តាច់ក្នុងរយៈពេលមួយសប្តាហ៍ ហើយធ្វើឱ្យមានការលំបាកក្នុងការចូលប្រើអ៊ីនធឺណិតអស់រយៈពេលជាងមួយខែក្រោយមក។ អាជ្ញាធរ​សង្ស័យ​ថា ខ្សែកាប​ទាំងនោះ​ត្រូវ​បាន​កាត់​ដោយ​នាវា​ដឹក​ទំនិញ​របស់​ចិន ឬ​ទូក​ដឹកទំនិញ​ដែល​ប្រតិបត្តិការ​នៅ​តំបន់​នោះ។ នៅក្នុងការធ្វើតេស្តកាលពីថ្ងៃសុក្រ ក្រុមមន្ត្រីបានប្រើប្រាស់ផ្កាយរណប ដើម្បីភ្ជាប់ជាមួយកោះ Matsu តាមរយៈតំណភ្ជាប់វីដេអូ។ អាជ្ញាធរតៃវ៉ាន់បាននិយាយថា ការភ្ជាប់អ៊ីនធឺណិតដែលមានសុវត្ថិភាព គឺមានសារៈសំខាន់ក្នុងករណីមានគ្រោះមហន្តរាយ ឬគ្រោះអាសន្ន។ ពួកគេមានគម្រោងដំឡើងស្ថានីយទំនាក់ទំនងផ្កាយរណបជាច្រើន នៅលើកោះដាច់ស្រយាលដទៃទៀត៕ ផ្តល់សិទ្ធិដោយ៖ ខ្មែរណូត

(កូរ៉េ)៖ ប្រៀបដូចជាការបញ្ចប់នៃយុគសម័យមួយ សម្រាប់អ្នកប្រើប្រាប់ Twitter រួមទាំងអ្នកធ្លាប់ប្រើកម្មវិធីនេះជាយូរមកហើយ ដូចជា BTS ជាដើម ខណៈថ្មីៗនេះគណនី Twitter ល្បីៗមួយចំនួនកំពុងបាត់បង់សញ្ញាធីកពណ៌ខៀវ។ សូម្បីតែក្រុមចម្រៀងល្បី BTS ដែលមានអ្នកតាមដាន Twitter ចំនួន ៤៨.៣លាននាក់ ក៏បានបាត់សញ្ញាធីកនេះដែរ។ នេះបើតាមការចេញផ្សាយ របស់សារព័ត៌មាន Koreaboo នៅថ្ងៃទី២១ ខែមេសា ឆ្នាំ២០២៣។ នៅថ្ងៃទី១៩ ខែមេសា ឆ្នាំ២០២១ Twitter បានប្រកាសថាខ្លួននឹងដកចេញនូវសញ្ញាធីក នៅថ្ងៃទី២០ ខែមេសា។ ឥឡូវនេះ អ្នកប្រើប្រាស់នឹងត្រូវចុះឈ្មោះប្រើប្រាស់ Twitter Blue ដែលគិតថ្លៃ ពី៨ដុល្លារក្នុងមួយខែឡើងទៅ ទៅតាមប្រភេទគណនី។ បន្ថែមពីលើការទទួលបានសញ្ញាធីក អ្នកប្រើប្រាស់ Twitter Blue មានអាទិភាពក្នុងការសន្ទនា និងការស្វែងរកថែមទៀតផង។ អ្វីដែលពិសេសនឹងឃើញការផ្សាយពាណិជ្ជកម្មតិចជាងមុន អាចបង្ហោះវីដេអូដែលវែងជាងមុន និងគុណភាពខ្ពស់។ ងាកមកគណនី Twitter របស់ BTS ដែលបានបាត់សញ្ញាធីកពណ៌ខៀវ មានអ្នកគាំទ្រខ្លះភ្ញាក់ផ្អើល ហើយចង់ឲ្យ Twitter […]

ឥណ្ឌា៖ វីដេអូមួយដែលបង្ហាញថា គេអាចចម្អិនស៊ុតទានៅក្រោមពន្លឺព្រះអាទិត្យបាននោះ ត្រូវបានគេបង្ហោះនៅលើបណ្តាញសង្គម Facebook និងកំពុងទទួលបានការចាប់អារម្មណ៍យ៉ាងខ្លាំងនៅក្នុងចំណោមអ្នកប្រើប្រាស់បណ្តាញអ៊ីនធឺណិតនៅក្នុងប្រទេសឥណ្ឌា និងនៅតាមបណ្តាប្រទេសមួយចំនួនដែលកំពុងប្រឈមនឹងបញ្ហារលកកម្តៅ។ បើយោងតាមការចុះផ្សាយរបស់បណ្តាញសារព័ត៌មាន The Strait Time បានបញ្ជាក់ថា សកម្មភាពចម្អិនស៊ុតដោយប្រើពន្លឺព្រះអាទិត្យបានកើតឡើងនៅក្នុងរដ្ឋ West Bengal ស្ថិតនៅក្នុងភាគខាងលិចនៃប្រទេសឥណ្ឌា ដែលសីតុណ្ហភាពនៅទីនោះបានកើតឡើងរហូតដល់ជាង ៤០អង្សាសេ។ លោកអ្នកអាចទស្សនាសកម្មភាពដ៏កម្រនេះដូចក្នុងវីដេអូខាងក្រោម៖ ផ្តល់សិទ្ធិដោយ៖ ខ្មែរណូត

(ថៃ)៖ កម្លាំងសមត្ថកិច្ចថៃ នៅថ្ងៃទី២០ ខែមេសា ឆ្នាំ២០២៣នេះ បានបង្រ្កាបសាច់ជ្រូកបង្កខុសច្បាប់ជាង៤លានគីឡូក្រាម នៅក្នុងកំពង់ផែអន្តរជាតិលែមឆបាំង ខេត្តឈុនបូរី ប្រទេសថៃ។ នេះបើតាមការចុះផ្សាយរបស់សារព័ត៌មានថៃ bangkokbiznews។ បើតាមសមត្ថកិច្ច សាច់ជ្រូកបង្កខុសច្បាប់នេះ មានចំនួន១៤០ទូកុងតឺន័រ ដែលរកឃើញថា អាចបង្កឱ្យប៉ះពាល់ដល់សុខភាពរបស់អ្នកទទួលទាន ហើយពេលនេះ សមត្ថកិច្ចថៃ ក៏កំពុងស្រាវជ្រាវ ដើម្បីស្វែងរកប្រភពសាច់ជ្រូកបង្កនេះផងដែរ។ បើតាមសារព័ត៌មាន thaipbsworld បានឱ្យដឹងថា ករណីនេះ កសិករចិញ្ចឹមជ្រូកក្នុងប្រទេសថៃ បានស្នើឱ្យបង្កើតគណៈកម្មការចម្រុះមួយរវាងរដ្ឋាភិបាល និងវិស័យឯកជនជាបន្ទាន់ ដើម្បីដោះស្រាយការរត់ពន្ធជ្រូកដោយខុសច្បាប់ ចូលមកក្នុងប្រទេស បន្ទាប់ពីមន្ត្រីគយនៅឯទីក្រុងកំពង់ផែ Laem Chabang បានរឹបអូសសាច់ជ្រូកក្លាសេនាំចូលដោយខុសច្បាប់ជាង ៤លានគីឡូក្រាម។ តំណាងសមាគម និងក្រុមចិញ្ចឹមជ្រូកទូទាំងប្រទេស កាលពីពេលថ្មីៗនេះ បាននាំគ្នាទៅកាន់ទីក្រុងកំពង់ផែទឹក Laem Chabang ស្ដាប់ការពន្យល់ពីសាច់ជ្រូកខុសច្បាប់ខាងលើ។ បើតាមមន្ត្រីគយថៃ នៅក្នុង​ចំណោម​កុងតឺន័រ​ចំនួន ១៨៩ មាន១៤០កុងតឺន័រដែលផ្ទុកសាច់ជ្រូក និងឆ្អឹង​ដែល​ត្រូវ​បាន​គេ​នាំ​ចូល​ក្នុង​ប្រទេស​ដោយ​ខុស​ច្បាប់។ សាច់​ខុសច្បាប់ទាំងនេះត្រូវ​បាន​ប្រគល់​ឱ្យ​នាយកដ្ឋាន​អភិវឌ្ឍន៍​បសុសត្វ ​យក​ទៅ​បំផ្លាញ​ចោល។ លោក Surachai Sutthitham ប្រធានសមាគមអ្នកចិញ្ចឹមជ្រូកក្នុងប្រទេសថៃ ដែលបានដឹកនាំការធ្វើដំណើរទៅកាន់ទីក្រុងកំពង់ផែ Laem Chabang […]

(ស៉ីដនី)៖ នៅថ្ងៃព្រហស្បតិ៍នេះ បាតុភូតសូរ្យគ្រាសបានទាក់ទាញឱ្យមនុស្សរាប់ពាន់នាក់ ធ្វើដំណើរទៅកាន់ក្រុងដាច់ស្រយាលតូចមួយ ស្ថិតនៅបណ្តោយឆ្នេរភាគខាងលិច នៃប្រទេសអូស្រ្តាលី ដើម្បីទស្សនាព្រឹត្តិការណ៍នោះ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃព្រហស្បតិ៍ ទី២០ ខែមេសា ឆ្នាំ២០២៣។ ពួកគេបាននាំគ្នាធ្វើដំណើរទៅកាន់ក្រុងអ៉ិចម៉ោស (Exmouth) ដែលជាក្រុងតូចមួយជាប់មាត់សមុទ្រ ចម្ងាយប្រហែល១,២០០គីឡូម៉ែត្រ ពីទីក្រុងផឺស (Perth) ដែលជារដ្ឋធានីនៃរដ្ឋអូស្រ្តាលីខាងលិច ដើម្បីទស្សនាបាតុភូតសូរ្យគ្រាស ដែលបានលេចឡើងក្នុងលក្ខណៈពេញលេញ ហៅថា total solar eclipse។ បាតុភូតនោះ បានឈានដល់ចំណុចកំពូល កាលពីម៉ោង១១៖២៩ព្រឹកថ្ងៃព្រហស្បតិ៍នេះ (ពេលវេលាក្នុងតំបន់) នៅពេល​ផ្ទៃព្រះចន្ទកំបាំងពីខាងមុខផ្ទៃព្រះអាទិត្យ រយៈពេលប្រមាណ១នាទី រួចធ្វើឱ្យផ្ទៃមេឃស្ថិតក្នុងសភាពងងឹត ហើយសីតុណ្ហភាពថយចុះ។ គួរបញ្ជាក់ថា ខណៈបាតុភូតសូរ្យគ្រាសពេញលេញខាងលើ អាចត្រូវបានមើលឃើញតែពីតំបន់មួយចំនួនតូច នៅប្រទេសអូស្រ្តាលី ឥណ្ឌូណេស៉ី និងទីម័រខាងកើតប៉ុណ្ណោះនោះ វាក៏អាចត្រូវបានមើលឃើញក្នុងលក្ខណៈមិនពេញលេញ នៅពាសពេញប្រទេសទាំង៣ ព្រមទាំងផ្នែកខ្លះ​នៃតំបន់អាស៉ីអាគ្នេយ៍ផងដែរ។ ដោយឡែក នៅពាក់កណ្តាលខែតុលា ឆ្នាំនេះ ព្រឹត្តិការណ៍សូរ្យគ្រាសមួយទៀត ក៏នឹងកើតមានឡើងនៅលើ​ផែនដីយើង ម្តុំតំបន់ទ្វីបអាមេរិកខាងជើងនិងខាងត្បូង ថែមទៀតផង៕ ផ្តល់សិទ្ធិដោយ៖ freshnews