នាយករដ្ឋមន្ត្រីជប៉ុនលោក Kishida Fumio មានប្រសាសន៍ថា លោកគ្រោងនឹងជូនដំណឹងដល់សាធារណជនអំពីលក្ខណៈនៃជំងឺអុតស្វា monkeypox និងវិធីការពារការរីករាលដាលរបស់វា មួយថ្ងៃបន្ទាប់ពីប្រទេសជប៉ុន បានបញ្ជាក់ពីករណីដំបូងនៃជំងឺនេះ។ លោកបាននិយាយថា លោកនឹងជូនដំណឹងដល់សាធារណជនថា ជំងឺអុតស្វា monkeypox រីករាលដាលតាមរយៈការប៉ះរាងកាយ ហើយថាវ៉ាក់សាំងជំងឺអុតធំ smallpox គឺមានប្រសិទ្ធភាពប្រឆាំងនឹងវាបាន។ ទន្ទឹមនឹងនេះផងដែរ រដ្ឋមន្ត្រីសុខាភិបាលលោក Goto Shigeyuki បាននិយាយថា រដ្ឋាភិបាលបាននិងកំពុងព្យាយាមឆ្លើយតបទៅនឹងស្ថានភាពនេះ។ ថ្លែងទៅកាន់អ្នកសារព័ត៌មាននៅថ្ងៃអង្គារនេះ លោកបាននិយាយថា ប្រព័ន្ធសម្រាប់តាមដានការផ្ទុះឡើងត្រូវបានពង្រឹង ហើយប្រព័ន្ធចាក់វ៉ាក់សាំង និងការព្យាបាលគឺនៅត្រូវបានរៀបចំ។ លោកបាននិយាយថា នាយករងខុទ្ទកាល័យលេខាធិការសម្រាប់ការគ្រប់គ្រងវិបត្តិ លោក Murata Takashi នឹងកោះប្រជុំក្រុមការងារមួយ ដែលមានមន្ត្រីជាន់ខ្ពស់នៃការិយាល័យរដ្ឋាភិបាលដែលពាក់ព័ន្ធនៅថ្ងៃអង្គារនេះ សម្រាប់រយៈពេល ២ ថ្ងៃជាប់ៗគ្នា។ លោកបានមានប្រសាសន៍ថា រដ្ឋាភិបាលនឹងចាត់វិធានការចាំបាច់ និងធានាថា ការិយាល័យរក្សាបណ្តាញទំនាក់ទំនងបើកចំហ ដើម្បីបញ្ឈប់ការឆ្លងពីការរីករាលដាល។ លោកបានបន្ថែមថា រដ្ឋាភិបាលនឹងធ្វើការជាមួយអង្គការសុខភាពពិភពលោក និងតាមដានករណីនៅក្នុងប្រទេសជប៉ុន និងកន្លែងផ្សេងទៀត៕ ផ្តល់សិទ្ធិដោយ៖ ខ្មែរណូត

អឺរ៉ុប៖ ប្រទេសអាឡឺម៉ង់បានចេញសេចក្តីព្រមានមួយអំពីផលិតផលមីកញ្ចប់ដែលជាផលិតផលរបស់ប្រទេសវៀតណាមថាមានផ្ទុកនូវសារធាតុហាមឃាត់មួយប្រភេទលើសកម្រិត នេះបើយោងតាមការចុះផ្សាយរបស់បណ្តាញសារព័ត៌មានវៀតណាម VN Express កាលពីថ្ងៃទី ២៣ ខែកក្កដាកន្លងទៅនេះ។ មីកញ្ចប់ដែលទទួលបានការព្រមានពីអាជ្ញាធរអាឡឺម៉ង់នោះគឺជាមីកញ្ចប់រសជាតិសាច់មាន់ ផលិតដោយក្រុមហ៊ុន Asiafoods Corporation ដែលមានផ្ទុកនូវសារធាតុអេទីឡែនអុកស៊ីដលើសកម្រិតស្តង់ដាសុវត្ថិភាពដែលអនុញ្ញាតដោយអាជ្ញាធរសុខាភិបាលអឺរ៉ុប។ ទន្ទឹមគ្នានេះប្រទេសម៉ាល់តាក៏បានចេញសេចក្តីព្រមានមួយផងដែរចំពោះផលិតផលហ្វឺកញ្ចប់របស់ប្រទេសវៀតណាម ដោយអាជ្ញាធរម៉ាល់តាបញ្ជាក់ថា ហ្វឺនោះត្រូវបានផលិតឡើងពីម្សៅអង្ករដែលមានការកែច្នៃហ្សែន។ ប្រភពខាងលើបានបន្តថា គិតត្រឹមពេលនេះអាជ្ញាធរទទួលបន្ទុកផ្នែកសុវត្ថិភាពចំណីអាហារ ដែលស្ថិតនៅក្រោមក្រសួងកសិកម្មនិងអភិវឌ្ឍន៍ជនបទវៀតណាមបានទទួលលិខិតព្រមានរបស់អាជ្ញាធរអាឡឺម៉ង់រួចហើយ ខណៈមន្ត្រីជំនាញក៏កំពុងត្រួតពិនិត្យបញ្ហានេះឡើងវិញផងដែរ។ បើតាមតំណាងរបស់អាជ្ញាធរវៀតណាមម្នាក់បានប្រាប់ឲ្យដឹងថា ផលិតផលមីកញ្ចប់ដែលទទួលបានការព្រមានពីអាជ្ញាធរអាឡឺម៉ង់នោះទំនងជាត្រូវនាំចេញទៅប្រទេសអាឡឺម៉ង់តាំងពីឆ្នាំមុន​ម្ល៉េះ​ ពោលគឺនៅមុនពេលដែលសភាពអឺរ៉ុបបានដាក់ចេញគោលការណ៍ថ្មីស្តីពីការកំណត់បរិមាណសារធាតុអេទីឡែននៅក្នុងចំណីអាហារ។ គួរបញ្ជាក់ថា ចាប់តាំងពីថ្ងៃទី១៧ ខែកុម្ភៈមក សភាពអឺរ៉ុបបានដាក់ចេញនូវគោលការណ៍ថ្មីមួយចំពោះសុវត្ថិភាពចំណីអាហារដោយកំណត់មិនឲ្យមានសារធាតុអេទីឡែនលើសពី ០,០១មីលីក្រាមនោះទេក្នុងអាហារមួយគីឡូក្រាម៕ ផ្តល់សិទ្ធិដោយ៖ ខ្មែរណូត

(តូក្យូ)៖ អភិបាលក្រុងតូក្យូ លោកស្រី Yuriko Koike បានប្រកាសថា ប្រទេសជប៉ុននៅថ្ងៃចន្ទនេះបានបញ្ជាក់ពី ករណីដំបូងរបស់ខ្លួន នៃជំងឺអុតស្វា ដែលបានរកឃើញនៅលើបុរសម្នាក់អាយុ៣០ឆ្នាំ។ នេះបើយោងតាមការចេញផ្សាយ ដោយសារព័ត៌មាន AFP នៅថ្ងៃចន្ទ ទី២៥ ខែកក្កដា ឆ្នាំ២០២២។ លោកស្រី Koike បានប្រាប់អ្នកយកព័ត៌មានថា «វាជាករណីបុរសដែលមានអាយុ ៣០ឆ្នាំដែលមានប្រវត្តិធ្វើដំណើរទៅក្រៅប្រទេស ដោយបានត្រលប់មកពីអឺរ៉ុប។ នេះជាករណីជំងឺអុតស្វាលើកដំបូងនៅក្នុងប្រទេសជប៉ុន»។ លោកស្រី បាននិយាយថា បុរសនោះកំពុងទទួលការសម្រាកព្យាបាលនៅមន្ទីរពេទ្យក្នុងទីក្រុងតូក្យូ ប៉ុន្តមិនបានផ្តល់ព័ត៌មានលម្អិតបន្ថែមឡើយ។ គួរបញ្ជាក់ថា កាលពីថ្ងៃសៅរ៍កន្លងទៅអង្គការសុខភាពពិភពលោកបានប្រកាសពីស្ថានភាពអាសន្ន នៃការផ្ទុះឡើងនៃជំងឺអុតស្វា៕ ផ្តល់សិទ្ធិដោយ៖ freshnews

(សិង្ហបុរី)៖ ការិយាល័យអង្គការសុខភាពពិភពលោក (WHO) ប្រចាំតំបន់អាស៉ីអាគ្នេយ៍ បានអំពាវនាវដល់បណ្តាប្រទេសនានា ឲ្យពង្រឹងការតាមដាន និងដាក់ចេញនូវិធានការសុខភាពសាធារណៈ ចំពោះបញ្ហានៃការរីករាលដាលជំងឺអុតស្វា (monkeypox) ដែល WHO ទើបនឹងបានប្រកាសភាពអាសន្នផ្នែកសុខភាពសាធារណៈសកល នាពេលថ្មីៗនេះ។ នេះបើយោងតាមការចុះផ្សាយ ដោយសារព័ត៌មាន CNA នៅថ្ងៃចន្ទ ទី២៥ ខែកក្កដា ឆ្នាំ២០២២។ នៅក្នុងសេចក្តីប្រកាសព័ត៌មានមួយ កាលពីថ្ងៃអាទិត្យចុងសប្តាហ៍កន្លងទៅនេះ នាយក WHO ប្រចាំតំបន់អាស៉ីអាគ្នេយ៍ លោកស្រីវេជ្ជបណ្ឌិត ពូណាម ខេត្រាប៉ាល ស៉ីញ (Poonam Khetrapal Singh) បានស្នើឲ្យមានការបង្កើនការស្រាវជ្រាវវ៉ាក់សាំង រួមទាំងការពារ និងគ្រប់គ្រងការឆ្លងមេរោគ នៅតាមមន្ទីរពេទ្យ ឬគ្លីនិក ជាដើម។ យោងតាម ការិយាល័យអង្គការសុខភាពពិភពលោក ប្រចាំតំបន់អាស៉ីអាគ្នេយ៍ ជំងឺអុតស្វាចំនួន ៤ករណី ត្រូវបានរកឃើញ ដែលក្នុងនោះមកពីប្រទេសឥណ្ឌាចំនួន ៣ករណី និងប្រទេសថៃចំនួន ១ករណី ខណៈប្រទេសចំនួន ៩ផ្សេងទៀត មានដូចជា បង់ក្លាដែស, ប៊ូតង់, កូរ៉េខាងជើង, ឥណ្ឌូណេស៉ី, […]

សហស្ថាបនិកក្រុមហ៊ុន Microsoft លោក Bill Gates បានព្រមានពីជំងឺដ៏កាចសាហាវមួយដែលបាត់វត្តមានអស់ជាច្រើនឆ្នាំមកហើយ នោះគឺជំងឺ “ប៉ូលីយ៉ូ” ឬជាធម្មតាគេតែងហៅថាជំងឺ “គ្រុនស្វិតដៃជើង”។ មហាសេដ្ឋីរូបនេះ បានលើកឡើងពីការព្រមាននេះ បន្ទាប់ពីសហរដ្ឋអាមេរិកបានរកឃើញករណីអ្នកឆ្លងជំងឺ “គ្រុនស្វិតដៃជើង” ជាលើកដំបូងក្នុងរយៈពេលជិតមួយទសវត្សរ៍ចុងក្រោយនេះ កាលពីថ្ងៃទី២១​ ខែកក្កដា ឆ្នាំ២០២២។ មិនរង់ចាំយូរលោក Gates បានព្រមានភ្លាមៗនៅក្នុងការបង្ហោះនៅលើ Twitter នៅថ្ងៃទី២២ ខែកក្កដាថា “ការរកឃើញករណីថ្មីនៃជំងឺគ្រុនស្វិតដៃជើង​ គឺរំលឹកយើងថា វានៅតែជាជំងឺគំរាមកំហែងដល់យើងទាំងអស់គ្នា លុះត្រាតែយើងអាចលុបបំបាត់វាបានទើបជាការប្រសើរ”។ គួរបញ្ជាក់ផងដែរថា មហាសេដ្ឋីចិត្តធម៌ Bill Gates បានធ្វើការជាច្រើនឆ្នាំ ដើម្បីលុបបំបាត់ជំងឺមួយចំនួននៅជុំវិញពិភពលោក។ គាត់តែងតែត្រូវបានគេហៅថា ជាវេជ្ជបណ្ឌិតដ៏មានឥទ្ធិពលបំផុតនៅក្នុងពិភពលោក។ ការដាក់ងារនេះ គឺព្រោះតែលោក Gates បានលះបង់ការខិតខំប្រឹងប្រែងរបស់គាត់ទៅលើបញ្ហាសុខភាពរបស់ប្រជាជននៅលើពិភពលោក។ មិនតែប៉ុណ្ណោះមហាសេដ្ឋីរូបនេះបានក្លាយ ជាម្ចាស់ជំនួយដ៏ធំបំផុតមួយដល់អង្គការសុខភាពពិភពលោក (WHO)។ ហើយតាមរយៈមូលនិធិ Bill and Melinda Gates ដែលជាសហស្ថាបនិកជាមួយអតីតភរិយារបស់គាត់ Melinda French Gates គាត់ផ្តល់មូលនិធិដល់គម្រោងសុខភាព និងភាពក្រីក្រនៅក្នុងប្រទេសកំពុងអភិវឌ្ឍន៍ រួមទាំងកម្មវិធីស្រាវជ្រាវជំងឺគ្រុនចាញ់ […]

សិង្ហបុរី៖ អាជ្ញាធរសុខាភិបាលនៃប្រទេសសិង្ហបុរីបានប្រកាសពីការរកឃើញអ្នកឆ្លងជំងឺអុតស្វា Monkeypox ចំនួន ២ករណីបន្ថែមទៀត នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃចន្ទ ទី២៥ ខែកក្កដានេះ។ បើតាមក្រសួងសុខាភិបានសិង្ហបុរីបានបញ្ជាក់ថា ករណីឆ្លងជំងឺអុតស្វា Monkeypox ទាំង ២ករណីនេះគឺមិនជាប់ពាក់ព័ន្ធជាមួយករណីឆ្លងលើកមុនឡើយ ពោលគឺវាមិនមែនករណីចម្លងបន្តឡើយ តែជាករណីឆ្លងថ្មីដាច់ដោយឡែកតែម្តង។ ប្រភពខាងលើបានបន្តថា ក្នុងចំណោមករណីឆ្លងថ្មីទាំង ២នេះគឺមានមួយករណីត្រូបានរកឃើញចំពោះបុរសជនជាតិអេស្តូនីម្នាក់អាយុ ៤៦ឆ្នាំ ដែលបានធ្វើដំណើរមកពីទីក្រុងឡុងដ៍ហើយបានមកដល់ប្រទេសសិង្ហបុរីកាលពីថ្ងៃទី ២១ ខែកក្កដា និងត្រូវបានធ្វើតេស្តវិជ្ជមានជំងឺអុតស្វា Monkeypox ​នៅក្នុងថ្ងៃទី ២៤ ខែកក្កដា។ ដោយឡែកករណីឆ្លងមួយទៀតគឺត្រូវបានរកឃើញចំពោះបុរសជនជាតិសិង្ហបុរីម្នាក់ អាយុ ២៦ឆ្នាំ ខណៈគេមិនបានដឹងពីប្រភពនៃការចម្លងរបស់គាត់នោះទេ។ សូមបញ្ជាក់ជូនថា គិតត្រឹមពេលនេះប្រទេសសិង្ហបុរីបានរកឃើញអ្នកឆ្លងជំងឺអុតស្វា Monkeypox សរុបចំនួន ៨ករណីហើយ៕

បើតាមការចុះផ្សាយរបស់សារព័ត៌មាន Global Times ដោយដកស្រង់សម្តីពីមន្ត្រីសុខាភិបាលជាន់ខ្ពស់របស់ចិនម្នាក់បានឱ្យដឹងថា អត្រាកំណើនប្រជាជនរបស់ប្រទេសចិនបានធ្លាក់ចុះយ៉ាងខ្លាំង ហើយត្រូវបានគេរំពឹងថា នឹងប្រែទៅជាអវិជ្ជមាននៅមុនឆ្នាំ២០២៥។ ទិន្នន័យកំណើតដែលចេញផ្សាយកាលពីល្ងាចថ្ងៃអាទិត្យបានបង្ហាញថា ចំនួនកំណើតថ្មីក្នុងឆ្នាំ២០២១ នៅក្នុងខេត្តមួយចំនួនរបស់ចិន គឺមានទាបបំផុតក្នុងរយៈពេលជាច្រើនទសវត្សរ៍។ ជាក់ស្ដែង ចំនួនកំណើតនៅក្នុងខេត្តហ៊ូណាន បានធ្លាក់ចុះក្រោម ៥០០,០០០ ជាលើកដំបូងក្នុងរយៈពេលជិត ៦០ឆ្នាំ ហើយមាន​តែ​ខេត្ត​ក្វាងទុង​​ប៉ុណ្ណោះ​ ដែល​មាន​កំណើត​ថ្មី​ជាង ១ លាន​នាក់។ ប្រទេសចិនកំពុងប្រយុទ្ធដើម្បីបញ្ច្រាសការធ្លាក់ចុះយ៉ាងឆាប់រហ័សនៃអត្រាកំណើន បូករួមទាំងភាពខុសគ្នារវាងអត្រាកំណើត និងមរណភាព ដោយសារមនុស្សវ័យក្មេងជាច្រើនជ្រើសរើសមិនបង្កើតកូន ព្រោះតែកត្តាមួយចំនួនដូចជា៖ ការចំណាយខ្ពស់ក្នុងការចិញ្ចឹមកូន និងសម្ពាធការងារជាដើម។ បើតាមសម្ដីលោក Yang Wenzhuang ប្រធានផ្នែកប្រជាជន និងគ្រួសារ នៅគណៈកម្មការសុខភាពជាតិបាននិយាយថា ចំនួនប្រជាជនចិនត្រូវបានគេរំពឹងថា នឹងចាប់ផ្តើមធ្លាក់ចុះនៅឆ្នាំ២០២១-២០២៥។ ការផ្លាស់ប្តូរច្បាប់របស់ប្រទេសចិនកាលពីឆ្នាំមុន ក្នុងការអនុញ្ញាតឱ្យស្ត្រីមានកូន ៣នាក់ មិនបានជួយអ្វីនោះទេ ដោយស្ត្រីជាច្រើនបាននិយាយថា ការផ្លាស់ប្តូរនេះវាយឺតពេលពេក ហើយពួកគេមិនមានស្ថិរភាពការងារ និងសមភាពយេនឌ័រគ្រប់គ្រាន់នៅឡើយ៕ ផ្តល់សិទ្ធិដោយ៖ ខ្មែរណូត

ថៃ៖ អាជ្ញាធរសុខាភិបាលថៃបញ្ជាក់ថា គ្មានគម្រោងនាំយកអ្នកជំងឺអុតស្វា Monkeypox ជនជាតិនីហ្សេរីយ៉ា ដែលបានរត់គេចចេញពីប្រទេសថៃចូលមកប្រទេសកម្ពុជាត្រលប់ទៅកាន់ប្រទេសខ្លួនវិញនោះទេ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ កាលពីថ្ងៃអាទិត្យ ទី២៤ ខែកក្កដានេះ។ បើតាមលោក Anutin Charnvirakul ដែលជារដ្ឋមន្ត្រីក្រសួងសុខាភិបាលថៃបានថ្លែងថា៖ “វាគឺជារឿងល្អហើយដែលអ្នកជំងឺទទួលបានការព្យាបាលនៅក្នុងប្រទេសកម្ពុជានោះ ហើយគាត់រំពឹងថាស្ថានភាពរបស់អ្នកជំងឺនឹងល្អប្រសើរឡើងក្នុងពេលឆាប់ៗនេះផងដែរ”។ គួររម្លឹកជូនថា អ្នកជំងឺអុតស្វា Monkeypox ជនជាតិនីហ្សេរីយ៉ារូបនេះមាន​អាយុ ២៧ឆ្នាំបានតេស្តវិជ្ជមានកាលពីថ្ងៃអង្គារសប្តាហ៍មុន តែគាត់បានរត់គេចខ្លួនពីប្រទេសថៃ ហើយក្រោយមកត្រូវបានរកឃើញនៅក្នុងប្រទេសកម្ពុជាកាលពីថ្ងៃសោរ៍ចុងសប្តាហ៍កន្លងទៅនេះ។ បច្ចុប្បន្នអ្នកជំងឺរូបនេះកំពុងសម្រាកព្យាបាលនៅក្នុងមន្ទីរពេទ្យមិត្តភាពខ្មែរ-សូវៀត ហើយរូបគាត់ក៏មានការពាក់ព័ន្ធជាមួយមនុស្សមួយចំនួនផងដែរក្រោយពេលមកដល់ទឹកដីកម្ពុជា។ ដោយឡែកសម្រាប់នៅក្នុងប្រទេសថៃវិញគឺអ្នកជំងឺរូបនេះបានពាក់ព័ន្ធជាមួយនឹងមនុស្ស ១៩នាក់ ដែលបច្ចុប្បន្នអាជ្ញាធរថៃកំពុងតែព្យាយាមធ្វើតេស្ត និងដានសុខភាពរបស់ពួកយ៉ាងយកចិត្តទុកដាក់បំផុតផងដែរ៕ ផ្តល់សិទ្ធិដោយ៖ ខ្មែរណូត

ថៃ៖ អាជ្ញាធរសុខាភិបាលថៃកំពុងពិចារណាអំពីការសម្រេចទាញសញ្ញាអាសន្នចំពោះជំងឺអុតស្វា Monkeypox  នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃចន្ទ ទី២៥ ខែកក្កដានេះ។ បើតាមលោក Anutin Charnvirakul ដែលជារដ្ឋមន្ត្រីក្រសួងសុខាភិបាលថៃបានបញ្ជាក់ថា តាមគម្រោងគឺថៃចង់សម្រេចដាក់បញ្ចូលជំងឺអុតស្វា Monkeypox ក្នុងបញ្ជី “ជំងឺឆ្លងធ្ងន់ធ្ងរ” ដើម្បីឲ្យសាធារណៈជនមានការប្រុងប្រយ័ត្នខ្ពស់ចំពោះមេរោគថ្មីនេះ បើទោះជាគិតត្រឹមពេលនេះថៃមិនទាន់រកឃើញករណីផ្ទុះការរាតត្បាតនៃជំងឺប្រភេទនេះនៅតាមសហគមន៍ក៏ដោយ។ លោក Anutin Charnvirakul រដ្ឋមន្ត្រីក្រសួងសុខាភិបាលថៃ គួររម្លឹកជូនថា កាលពីថ្ងៃសៅរ៍កន្លងទៅនេះអង្គការសុខភាពពិភពលោកក៏បានទាញសញ្ញាអាសន្នមួយចំពោះជំងឺអុតស្វា Monkeypox ផងដែរ ដោយបានកំណត់ប្រភេ​ទជំងឺនេះជា “ការព្រួយបារម្ភកម្រិតអន្តរជាតិចំពោះសុខភាពសាធារណៈ” និងបានជំរុញឲ្យបណ្តាប្រទេសដែលកំពុងមានការចម្លងជំងឺថ្មីនេះត្រូវបង្កើនការការពារនិងប្រុងប្រយ័ត្នក្នុងកម្រិតខ្ពស់ផងដែរ។ សូមបញ្ជាក់ជូនផងដែរថា ​ថ្មីៗនេះថៃបានរកឃើញករណីឆ្លងជំងឺអុតស្វា Monkeypox នៅលើខ្លួនបុរសជនជាតិនីហ្សេរីយ៉ាម្នាក់ ហើយបច្ចុប្បន្នអ្នកជំងឺរូបនោះបានរត់គេចខ្លួនមកដល់ប្រទេសកម្ពុជានិងកំពុងសម្រាកព្យាបាលនៅក្នុងប្រទេសកម្ពុជា៕ ផ្តល់សិទ្ធិដោយ៖ ខ្មែរណូត

បន្ទាប់ពីការប្រកាសព្រឹត្តិការណ៍ Galaxy Unpacked 2022 នៅថ្ងៃទី 10 ខែសីហាខាងមុខនេះ ដែលរំពឹងថានឹងជាថ្ងៃសម្ពោធ Galaxy Z Fold 4 និង Galaxy Z Flip 4 ក្រុមហ៊ុន Samsung បានបង្កើនការពិភាក្សាអំពីស្មាតហ្វូនដែលអាចបត់បាន។ ក្នុងនោះផងដែរក្រុមហ៊ុនក៏បានបង្ហាញចំនួននៃការនាំចេញទូរស័ព្ទដែលអាចបត់បានក្នុងឆ្នាំ២០២១ ដែលមានចំនួនរហូតដល់ជិត ១០លានគ្រឿង។ លោក TM Roh ប្រធាន និងជាប្រធានផ្នែកស្មាតហ្វូននៅ Samsung បង្ហាញតាមរយៈប្លុកផ្លូវការរបស់ Samsung ដែលជាការបង្ហាញពីទំនុកចិត្តថា៖ “ពេលនេះយើងត្រៀមរួចរាល់ហើយសម្រាប់ស្មាតហ្វូនដែលអាចបត់បាន ហើយមនុស្សកាន់តែច្រើននឹងជ្រើសរើសយកទូរសព្ទដៃដែលអាចបត់បាន ដើម្បីប្រើប្រាស់កាន់តែច្រើន”។ លោកបានបន្តទៀតថា៖ «វាមានរយៈពេល ៣ឆ្នាំហើយចាប់តាំងពីក្រុមហ៊ុន Samsung ចេញលក់ស្មាតហ្វូន Galaxy ដែលអាចបត់បាន ដែលបណ្តាលឱ្យមានការផ្លាស់ប្តូរយ៉ាងខ្លាំង។ ហើយវាថែមទាំងបានបង្ហាញអោយឃើញយ៉ាងច្បាស់ថា ការរចនាប្រកបដោយភាពច្នៃប្រឌិត និងអាចបត់បែនបានសមឥតខ្ចោះទៅក្នុងរបៀបរស់នៅសម័យថ្មី។ ជាមួយនឹងលទ្ធផលនេះដែរ ពិតជារឿងមួយដែលចម្លែកកាលពីបីឆ្នាំមុន ប៉ុន្តែឥឡូវនេះវាបានក្លាយជាជម្រើសរបស់មនុស្សរាប់លាននាក់រួចទៅហើយ »។ នៅក្នុងប្លុកដដែលនេះ TM Roh បាននិយាយបន្តថា ឧស្សាហកម្មស្មាតហ្វូនដែលអាចបត់បានបានឈានដល់ចំណុចដែលស្មាតហ្វូនប្រភេទនេះអាចនាំចេញបានដល់ទៅ […]