កូរ៉េខាងត្បូង៖ នៅព្រឹកថ្ងៃអង្គារ ទី២៥ ខែមករានេះ អាជ្ញាធរសុខាភិបាលនៃប្រទេសកូរ៉េខាងត្បូងបានប្រកាសពីការរកឃើញអ្នកឆ្លងជំងឺកូវីដ-១៩ ចំនួន ៨,៥៧១នាក់ ដែលនេះជាតួលេខអ្នកឆ្លងក្នុងរយៈពេល ២៤ម៉ោងចុងក្រោយ ហើយវាក៏ជាតួលេខអ្នកឆ្លងច្រើនបំផុតមិនធ្លាប់មានផងដែររាប់ចាប់តាំងពីមានការរាតត្បាតជំងឺកូវីដ-១៩ជាសកលមក។ គេនៅចាំបានថា នាពេលកន្លងមកប្រទេសកូរ៉េខាងត្បូងធ្លាប់កត់ត្រាចំនួនអ្នកឆ្លងជំងឺកូវីដ-១៩ប្រចាំថ្ងៃច្រើនបំផុតក្នុងចំនួន​ត្រឹម ៧,៨៤៨នាក់ប៉ុណ្ណោះកាលពីអំឡុងពាក់កណ្តាលខែធ្នូ ឆ្នាំ២០២១។ បើតាមទីភា្នក់ងារគ្រប់គ្រងនិងបង្ការជំងឺឆ្លងនៃប្រទេសកូរ៉េខាងត្បូងបានឲ្យដឹងថា ការបំបែកកំណត់រកឃើញអ្នកឆ្លងកូវីដ-១៩ក្នុងចំនួនដ៏ច្រើននេះបំផុតនេះគឺត្រូវបានកើតឡើងស្របពេលដែលមេរោគអូមីក្រុងកំពុងតែបង្កការរាតត្បាតយ៉ាងឆាប់រហ័សនៅតាមសហគមន៍​ ហើយភាគច្រើននៃករណីឆ្លងថ្មីនារយៈពេលចុងក្រោយនេះគឺជាការចម្លងមេរោគអូមីក្រុងនេះតែម្តង។ គួរបញ្ជាក់ជូនថា គិតត្រឹមពេលនេះប្រទេសកូរ៉េខាងត្បូងបានរកឃើញអ្នកឆ្លងជំងឺកូវីដ-១៩ សរុបជាង​ ៧៤ម៉ឺននាក់ ស្លាប់ជាង ៦,៥ ពាន់នាក់ ហើយចំពោះផែនការចាក់វ៉ាក់សាំងបង្ការជំងឺកូវីដ-១៩ វិញគឺគិតត្រឹមពេលនេះមានពលរដ្ឋកូរ៉េខាងត្បូង ៨៥%បានចាក់វ៉ាក់សាំងរួចរាល់ចំនួន ២ដូស និង ៤៨% បានចាក់រហូតដល់ដូសជម្រុញ ខណៈកូរ៉េខាងត្បូងមានពលរដ្ឋសរុប ៥២លាននាក់៕ ដោយ៖​ ខ្មែរណូត

យោងតាមការចុះផ្សាយរបស់សារព័ត៌មាន vnexpress បានឱ្យដឹងថា ក្រុមហ៊ុន Hoang Anh Gia Lai Joint Stock Company កំពុងផ្តោតលើការចិញ្ចឹមជ្រូក និងចេកក្នុងប្រទេសវៀតណាម ឡាវ និងកម្ពុជាសម្រាប់ការនាំចេញ នេះបើតាមប្រធានក្រុមហ៊ុន Doan Nguyen Duc ។ លោកបាននិយាយដូច្នេះ ក្នុងអំឡុងពេល​បើក​បរ​ក្នុង​ចំការ​ចេក​ដែល​លាតសន្ធឹង​លើ​ផ្ទៃដី​រាប់​ពាន់​ហិកតាដោយបន្ថែម​ថា​៖ «​កសិកម្ម​គឺជា​ការងារ​លំបាក។ យ៉ាងណាមិញ គម្រោង​នេះ​នឹង​កែលម្អ​ផ្ទៃដី​ចំនួន ១០,០០០ ហិកតា ដើម្បី​ដាំ​ចេក​បន្ថែម​ទៀត​ក្នុង​ឆ្នាំ​នេះ។ គួរបញ្ជាក់ផងដែរថា អស់រយៈពេល ១០ឆ្នាំក្រុមហ៊ុនរបស់គាត់បានដាំដើមដំណាំគ្រប់ប្រភេទ ចាប់ពីផ្លែល្ហុងរហូតដល់ក្រូចថ្លុង ប៉ុន្តែទីបំផុតបានរកឃើញដំណាំដែលល្អបំផុតសម្រាប់ការដាំនោះគឺ ចេក។ បច្ចុប្បន្ននេះ ក្រុមហ៊ុនមានផ្ទៃដីដាំហូបផ្លែប្រមាណ ១ម៉ឺនហិកតា ក្នុងចំនួននោះដំណាំចេកមានពាក់កណ្តាល ហើយនៅសល់រួមមានខ្នុរ ផ្លែបឺរ ទុរេន ស្វាយ និងផ្សេងៗទៀត។ ទន្ទឹមនឹងនេះ ក្រុមហ៊ុនមានផ្ទៃដីដាំចេក ២,៥០០ ហិកតា​នៅ​វៀតណាម ១,៥០០ ហិកតា​នៅ​ឡាវ និង ១,០០០ ហិកតា​នៅ​កម្ពុជា។ ហើយក្រុមហ៊ុនក៏មានកសិដ្ឋានចិញ្ចឹមជ្រូកចំនួនប្រាំពីរដែលមានសមត្ថភាពប្រហែល ៣០០,០០០ ក្បាលក្នុងមួយឆ្នាំ […]

មហាសេដ្ឋីរុស្ស៉ី Alisher Usmanov ជឿជាក់លើលោហៈធាតុមួយប្រភេទ នឹងក្លាយជាមាសទី២ ហើយមានតម្រូវការខ្លាំងនាពេលអនាគត នេះបើយោងតាមការចុះផ្សាយរបស់សារព័ត៌មាន euroweeklynews។ មហាសេដ្ឋីជនជាតិរុស្ស៉ីដែលមានដើមកំណើតនៅ Uzbek រូបនេះ បានចេញផ្សាយអត្ថបទនៅលើគេហទំព័រនៃវេទិកាសេដ្ឋកិច្ចពិភពលោកថា លោហៈធាតុ ទង់ដែង នឹងក្លាយជាមាសថ្មីដោយសារតែការកើនឡើងនៃតម្រូវការសកល។ លោក Alisher Usmanov ជឿថាទង់ដែង គឺជា “លោហៈនៃអនាគត” និងជា “មាសថ្មី” ។ យោងតាមមហាសេដ្ឋីរូបនេះ មានអតុល្យភាពរវាងការផ្តល់ជូន និងតម្រូវការទង់ដែងនៅលើទីផ្សារក្នុងរយៈពេលប៉ុន្មានឆ្នាំចុងក្រោយនេះ។ បន្ទាប់ពីមានការប្រែប្រួលជាច្រើន តម្លៃទង់ដែងមានស្ថិរភាពនៅចន្លោះខែឧសភា និងខែតុលា ឆ្នាំ២០២១ ក្នុងតម្លៃប្រហែល ១១,០០០ ដុល្លារក្នុងមួយតោន។ ទោះជាយ៉ាងណាក៏ដោយ តម្លៃមើលទៅនឹងកើនឡើងក្នុងរយៈពេលប៉ុន្មានឆ្នាំខាងមុខ ដោយសារ “តួនាទីមិនអាចខ្វះបាន” នៃទង់ដែងនៅក្នុងសេដ្ឋកិច្ច និងឧស្សាហកម្មដែលមានកាបូនទាប ដូចជាទូរគមនាគមន៍ រថយន្តអគ្គិសនី ប្រព័ន្ធថាមពលកកើតឡើងវិញ និងការចាប់យកកាបូន និងការផ្ទុក។ គួរបញ្ជាក់ថា តម្លៃនៃទង់ដែងក៏ផ្អែកលើកត្តាផ្សេងទៀតដែរ ហើយវាត្រូវបានគេព្យាករណ៍ថា តម្រូវការទង់ដែងនឹងគុណនឹង ២.៧ នៅឆ្នាំ២០៤០៕ ដោយ៖ ខ្មែរណូត

ស្ដាប់មើលទៅវាដូចជាកំប្លែង និងមិនគួរឱ្យជឿបន្ដិច ប៉ុន្តែលោកគ្រូពេទ្យម្នាក់បានអះអាងថា ការផោមមិនត្រឹមត្រូវអាចធ្វើឱ្យអ្នកងងឹតភ្នែកភ្លាមៗបាន ហើយវាក៏មានមូលហេតុរបស់វាផងដែរ។ វេជ្ជបណ្ឌិត Anthony Youn ដែលជាអ្នកនិពន្ធ និងជាគ្រូពេទ្យវះកាត់កែសម្ផស្ស នៅរដ្ឋ Michigan របស់សហរដ្ឋអាមេរិក ធ្លាប់បានឆ្លើយតបទៅនឹងចម្ងល់របស់អ្នកលេងបណ្ដាញអ៉ីនធើណេតម្នាក់ ដែលបានលើកឡើងថា គាត់បានងងឹតភ្នែកភ្លាមៗអស់រយៈពេល ៣នាទី បន្ទាប់ពីផោមរួច ហើយលោកគ្រូពេទ្យក៏បានពន្យល់ហេតុផលមួយចំនួនទាក់ទងនឹងបញ្ហានេះ។ នៅក្នុងវីដេអូ Tiktok មួយគាត់បាននិយាយថា៖ «ទោះបីវាមិនសូវកើតមានក៏ដោយ ប្រសិនបើផោមដែលអ្នកបញ្ចេញមកដោយការប្រឹងខ្លាំងពេក វាអាចផ្ទុកនូវអ៉ីដ្រូសែនស៊ុលហ្វីតយ៉ាងច្រើន។» លោកបានបន្ដថា៖«ការសិក្សាបង្ហាញថា អ៉ីដ្រូសែនស៊ុលហ្វីតមានអនុភាពខ្លាំងណាស់ក្នុងការកាត់បន្ថយសម្ពាធឈាម។ ប្រសិនបើ [ការផោម] កាត់បន្ថយសម្ពាធឈាមដែលចរន្តទៅកាន់សរសៃឈាមខួរក្បាលកណ្តាល នោះខ្យល់ចេញដ៏ស្ញៀមស្ងាត់ប៉ុន្តែអាចមានគ្រោះថ្នាក់ ដោយតាមទ្រឹស្តីអាចធ្វើឱ្យអ្នកងងឹតភ្នែកបាន។ ដូច្នេះសូមប្រយ័ត្ន ប្រសិនបើអ្នកប្រឹងផោមខ្លាំងពេក!» ឃ្លីបនោះទទួលបានការចូលមើលច្រើនជាង ៣.១ លានដងនៅលើ TikTok ហើយខណៈពេលដែលមនុស្សមួយចំនួនមានការភ្ញាក់ផ្អើលចំពោះរឿងនេះ ក៏មានអ្នកផ្សេងទៀតមិនសូវជាមានការភ្ញាក់ផ្អើលប៉ុន្មានទេ ព្រោះវាជាហេតុផលវិទ្យាសាស្ត្រ។ អ្នកលេងបណ្ដាញម្នាក់បានបញ្ចេញមតិថា៖«ខ្ញុំ​ធ្លាប់​នៅ​ជុំវិញ​អ្នក​ផោមទាំងនោះ ហើយ​ខ្ញុំ​ស្ទើរ​តែ​ធ្លាក់ក្អួត ​វិលមុខខ្លាំងណាស់… ដូច្នេះខ្ញុំជឿថា វាអាចមានលទ្ធភាពដែលយើងងងឹតភ្នែកដោយសារផោម»។ ម្នាក់​ទៀត​ក៏បាននិយាយ​លេង​សើច​ថា៖ “Taco Bell នឹង​មាន​ពាក្យ​បណ្ដឹង​នៅ​ដៃ​ពួក​គេ» ខណៈ​អ្នក​ទី​៣ ទៀត​បាន​បន្ថែម​ថា៖ «OMG ប្តី​ខ្ញុំ​នឹង​ងងឹត​ភ្នែក!» សូមទស្សនាវីដេអូនៅខាងក្រោមនេះ […]

(ហាណូយ)៖ ក្រុមហ៊ុនអាកាសចរណ៍ជាតិវៀតណាម (វៀតណាមអ៊ែរឡាញ) បានប្រកាសពីផែនការរបស់ខ្លួន ក្នុងការបន្តជើងហោះហើរទៀងទាត់រវាងវៀតណាម និងរុស្ស៊ី ចក្រភពអង់គ្លេស បារាំង និងអាល្លឺម៉ង់ឡើងវិញ។ នេះបើយោងតាមការចេញផ្សាយដោយ សារព័ត៌មាន Viet Nam News នៅថ្ងៃអាទិត្យ ទី២៣ ខែមករា ឆ្នាំ២០២២។ ជើងហោះហើរដំបូងនឹងចេញនៅសប្តាហ៍ក្រោយ ដោយចាប់ផ្តើមពីថ្ងៃទី២៤ ខែមករានេះតែម្តង។ ដោយឡែកផែនការប្រតិបត្តិការចុងក្រោយ នឹងត្រូវមានការយល់ព្រមពីអាជ្ញាធរ ហើយនឹងត្រូវបានធ្វើបច្ចុប្បន្នភាពដោយក្រុមហ៊ុនអាកាសចរណ៍វៀតណាមចំពោះអ្នកដំណើរក្នុងករណីមានការផ្លាស់ប្តូរណាមួយ។ ក្រុមហ៊ុនអាកាសចរណ៍វៀតណាម គ្រោងនឹងចាប់ផ្តើមជើងហោះហើរទៀងទាត់រវាងទីក្រុងហាណូយ និងទីក្រុងមូស្គូក្នុងមួយសប្តាហ៍ម្តង ដោយគ្រោងនឹងចេញដំណើរលើកដំបូងនៅថ្ងៃទី២៩ ខែមករា។ ហើយចាប់ពីថ្ងៃទី ០៨ខែកុម្ភៈទៅ ជើងហោះហើរពីទីក្រុងហាណូយទៅទីក្រុងមូស្គូ នឹងចេញដំណើររៀងរាល់ថ្ងៃសុក្រ ហើយត្រឡប់មកវិញនៅថ្ងៃសៅរ៍។ សម្រាប់ទិសដៅទៅទ្វីបអឺរ៉ុប នៅថ្ងៃទី២៤ ខែមករាស្អែក ក្រុមហ៊ុនអាកាសចរណ៍វៀតណាម គ្រោងនឹងធ្វើការហោះហើរធម្មតាដំបូងពីទីក្រុងហាណូយទៅកាន់ទីក្រុងឡុងដ៍ ដែលនឹងឆ្លងកាត់ទីក្រុងប៉ារីស បន្ទាប់មកត្រឡប់ទៅទីក្រុងហាណូយវិញ៕ ផ្តល់សិទ្ធិដោយ៖ freshnews

សិង្ហបុរី៖ អាជ្ញាធរសិង្ហបុរីនៅព្រឹកថ្ងៃចន្ទ ទី២៤ ខែមករានេះ បានសម្រេចចោទប្រកាន់ពលរដ្ឋចំនួន ៤នាក់ ថាបានធ្វើសកម្មភាពបំពាននឹងវិធានការទប់ស្កាត់ការរាត្បាតជំងឺកូវីដ-១៩របស់អាជ្ញាធរ ហើយពលរដ្ឋទាំង ៤នាក់នោះនឹងត្រូវទទួលការពិន័យទៅតាមច្បាប់ដែលបានកំណត់ដោយគ្មានការលើកលែងនោះដើម្បីទុកធ្វើជាគំរូសម្រាប់ពលរដ្ឋផ្សេងទៀត។ បើយោងតាមការចុះផ្សាយនៅក្នុងបណ្តាញសារព័ត៌មាន Channel News Asia បានបញ្ជាក់ថា ពលពលរដ្ឋសិង្ហបុរីទាំង​ ៤នាក់នោះមានអាយុចន្លោះពី ១៩ ដល់ ២២ ឆ្នាំ ហើយសកម្មភាពដែលពួកគាត់បានធ្វើខុសនោះគឺបានកើតឡើងកាលពីអំឡុងពេលនៃពិធីបុណ្យឆ្លងឆ្នាំ ២០២១ ចូលឆ្នាំ ២០២២ កន្លងមកនេះ។ តាមរយៈវីដេអូដែលអាជ្ញធរសិង្ហបុរីបានប្រើប្រាស់ជាភស្តុតាងនៅក្នុងការចោទប្រកាន់នេះ គឺបានបង្ហាញយ៉ាងច្បាស់ថាពលរដ្ឋទាំង ៤នាក់នោះបានធ្វើការប្រមូលផ្តុំគ្នានៅទីសាធារណៈដោយមិនបានពាក់ម៉ាស់តាមការណែនាំរបស់អាជ្ញាធរនោះទេ។ យោងតាមបទបញ្ជារបស់អាជ្ញាធរសិង្ហបុរីគឺពលរដ្ឋទាំងនាក់ ៤នាក់នេះនឹងត្រូវពិនិយជាប្រាក់ម្នាក់ៗចំនួន ១,០០០ ដុល្លារសិង្ហបុរី (៧៤៣ ដុល្លារអាមេរិក)។ បើតាមអាជ្ញាធរសិង្ហបុរីបានបញ្ជាក់ផងដែរថា ការសម្រេចពិន័យពលរដ្ឋទាំង ៤នាក់នៅពេលនេះក៏ជាការព្រមានមួយទៅកាន់ពលរដ្ឋផ្សេងទៀតកុំឲ្យភ្លេចអនុវត្តវិធានការទប់ស្កាត់ជំងឺកូវីដ-១៩ នៅក្នុងអំឡុងពេលនៃពិធីបុណ្យចូលឆ្នាំប្រពៃណីចិនដែលនឹងត្រូវរៀបចំឡើងនៅចុងខែមករានេះ៕​ ដោយ៖ ខ្មែរណូត

សត្វតោ និងសត្វពូម៉ា នៅសួនសត្វឯកជនមួយក្នុងប្រទេសអាហ្រ្វិកខាងត្បូង បានឆ្លងជំងឺ COVID-19 យ៉ាងធ្ងន់ធ្ងរពីអ្នកគ្រប់គ្រងសួនសត្វ ដែលបានឆ្លងជំងឺប៉ុន្តែមិនមានចេញរោគសញ្ញា ដែលនាំឱ្យមានការព្រួយបានរម្ភថា វ៉ារ្យ៉ង់ថ្មីៗអាចនាំឱ្យមានការឆ្លងរាតត្បាតនៅក្នុងចំណោមសត្វ។ សាកលវិទ្យាល័យ Pretoria នៅក្នុងសេចក្តីថ្លែងការណ៍មួយ កាលពីថ្ងៃអង្គារ ទី១៨ ខែមករា ឆ្នាំ២០២២ បាននិយាយថា ការសិក្សារបស់ពួកគេក្នុងឆ្នាំ២០២០ ដោយពិនិត្យមើលលើលាមកសត្វពូម៉ា ២ក្បាល ដែលមានជំងឺរាគរូស ហៀរសំបោរតាមច្រមុះ និងមិនឃ្លានអាហារ បានបង្ហាញថា សត្វពូម៉ាទាំងនោះបានឆ្លងជំងឺ COVID-19 ហើយបានជាសះស្បើយពេញលេញឡើងវិញ បន្ទាប់ពីរយៈពេល ២៣ ថ្ងៃ។ មួយឆ្នាំក្រោយមកទៀត នៅអំឡុងពេលមានរលកទី៣ ដែលជំរុញឱ្យមានវ៉ារ្យ៉ង់ ដែលតា ចម្លងរាតត្បាតនៅអាហ្វ្រិកខាងត្បូង គេបានសិក្សាលើសត្វតោ ៣ក្បាល ហើយបានរកឃើញថា ១ ក្នុងចំណោមនោះមានជំងឺរលាកសួត និងបានធ្វើតេស្តវិជ្ជមានជាមួយជំងឺ COVID-19 ។ ការសិក្សានោះបានពន្យល់ដែរថា ពីមុនមកមានការសង្ស័យថាសត្វជាអ្នកចម្លងជំងឺ COVID-19 មកមនុស្ស ប៉ុន្តែការពិតទៅវាអាចបញ្ច្រាស់គ្នាវិញ ដោយសារតាមការមើលឃើញកន្លងមក គឺមនុស្សជាអ្នកចម្លងទៅសត្វ។ ទិន្នន័យក៏បានបង្ហាញដែរថា ជំងឺ COVID-19 កំពុងចរាចរក្នុងចំណោមបុគ្គលិក នៅសត្វតោនោះកំពុងឈឺ […]

ការសិក្សាមួយបានរកឃើញថា ការចាក់វ៉ាក់សាំងបង្ការជំងឺកូវីដ-១៩ របស់ប្រទេសចិន Sinovac ជាដូសមូលដ្ឋានហើយបន្តចាក់វ៉ាក់សាំងប្រភេទផ្សេងទៀតនៅដូសជម្រុញ នោះវានឹងជួយបង្កើតប្រព័ន្ធការពាររាងកាយបានយ៉ាងរឹងមាំសម្រាប់ប្រឆាំងទល់នឹងវ៉ារ៉្យង់ដែលតានិងអូមីក្រុង។ ការសិក្សាមួយនេះត្រូវបានធ្វើឡើងដោយក្រុមអ្នកវិទ្យាសាស្រ្តមកពីប្រទេសប្រេស៊ីលសហការណ៍ជាមួយក្រុមអ្នកវិទ្យាសាស្រ្តមកពីសាកលវិទ្យាល័យ Oxford។ ក្នុងការសិក្សានោះគេបានពិសោធន៍ទៅលើពលរដ្ឋប្រេស៊ីលចំនួន ១,២៤០នាក់ ដែលមានអាយុលើសពី ១៨ ឆ្នាំឡើងទៅ ហើយលទ្ធផលនៃការសិក្សាត្រូវបានចុះផ្សាយបន្តដោយបណ្តាញសារព័ត៌មាន Straits Times ។ លទ្ធផលនៃការសិក្សាបានបង្ហាញថា សម្រាប់អ្នកជ្រើសរើសចាក់វ៉ាក់សាំង Sinovac ជាដូសជម្រុញ គឺប្រព័ន្ធការពាររាងកាយរបស់ពួកគេនឹងកើតឡើងក្នុងរយៈ ២៨ថ្ងៃក្រោយពីការចាក់រួច ហើយកម្រិតនៃការកើនឡើងហាក់មិនច្រើននោះទេ។ ផ្ទុយទៅវិញសម្រាប់អ្នកធ្លាប់ចាក់វ៉ាក់សាំង Sinovac នៅដូសមូលដ្ឋានហើយបន្តចាក់វ៉ាក់សាំងប្រភេទផ្សេងទៀតជាដូសជម្រុញដូចជា Pfizer, AstraZeneca, ឬ Johnson & Johnson នោះប្រព័ន្ធការពាររាងកាយរបស់ពួកគេនឹងកើនឡើងយ៉ាងឆាប់រហ័សនិងកើនឡើងក្នុងកម្រិតដ៏ខ្ពស់។ ការសិក្សាក៏បានបញ្ជាក់ទៀតថា ក្នុងចំណោមវ៉ាក់សាំងផ្សេងៗដែលគេអាចចាក់ជាដូសជម្រុញនោះទៀតសោធ គឺការចាក់វ៉ាក់សាំងប្រភេទ Pfizer នឹងបង្កើតបានប្រព័ន្ធការពាររាងកាយខ្លាំងជាងគេបំផុត៕ ដោយ៖ ខ្មែរណូត

(សិង្ហបុរី)៖ ប្រទេសសិង្ហបុរីបានរាយការណ៍ពីករណីឆ្លងកូវីដ១៩ថ្មីៗចំនួន៣,៤៩៦ករណីបន្ថែមទៀត គិតត្រឹមថ្ងៃអាទិត្យ ទី២៣ ខែមករា ឆ្នាំ២០២២នេះ។ នេះបើយោងតាមការចេញផ្សាយដោយសារព័ត៌មាន CNA ចេញផ្សាយយប់ថ្ងៃសៅរ៍នេះ។ ក្នុងចំណោមករណីឆ្លងខាងលើមាន៤៣៩នាក់ជាករណីនាំចូល ក្រៅពីនោះជាករណីឆ្លងក្នុងស្រុក។ ចំណែកអ្នកស្លាប់សរុបនៅទូទាំងប្រទេសបានកើនដល់៨៤៨នាក់ បន្ទាប់ពីបានរាយការណ៍ថា មានករណីស្លាប់ម្នាក់ទៀតនៅថ្ងៃនេះ ខណៈករណីឆ្លងកូវីដ១៩សរុបកើនដល់ ៣១៣,៧៧២ករណី៕ ផ្តល់សិទ្ធិដោយ៖ freshnews

(អាមេរិក)៖ លទ្ធផលផលសិក្សាថ្មីៗចំនួន ៣ នៅសហរដ្ឋអាមេរិកបានបង្ហាញថា ការចាក់វ៉ាក់សាំងបង្ការ COVID-19 «ដូសជំរុញ» ដែលប្រើប្រាស់បច្ចេកវិទ្យា mRNA អាចការពារអ្នកឆ្លងវីរុសបំប្លែងថ្មី អូមីក្រុង (Omicron) មិនឲ្យធ្លាក់ខ្លួនឈឺដល់ថ្នាក់ចូលសម្រាកក្នុងមន្ទីរពេទ្យ បានរហូតដល់ទៅ ៩០% ឯណោះ។ នេះបើតាមសេចក្តីប្រកាសដោយ មជ្ឈមណ្ឌលបង្ការ និងគ្រប់គ្រងជំងឺ (CDC) នៃសហរដ្ឋអាមេរិក ដែលទីភ្នាក់ងារសារព័ត៌មាន Reuters ដកស្រង់នៅរសៀលថ្ងៃសៅរ៍ ទី២២ ខែមករា ឆ្នាំ២០២២។ ការសិក្សាទាំង ៣ ដែលដឹកនាំដោយស្ថាប័ន CDC ខាងលើនេះ គឺជាលើកដំបូងហើយ ទៅលើការតាមដានអំពីប្រសិទ្ធភាព នៃវ៉ាក់សាំងដូសជំរុញ នៅក្នុងការទប់ទល់វីរុស Omicron ដែលត្រូវបានក្រុមអ្នកវិទ្យាសាស្ត្រអន្តរជាតិដឹងថា វាវីរុសចម្លងលឿនរហ័សជាង វីរុសបំប្លែងខ្លួនពីមុនៗទៀត។ បច្ចុប្បន្ននេះ ករណីឆ្លងវីរុស Omicron បានរ៉ាប់រងរហូតដល់ទៅ ៩៩% នៃចំនួនករណីឆ្លង COVID-19 សរុប នៅទូទាំងសហរដ្ឋអាមេរិកទៅហើយ។ គួរបញ្ជាក់ថា បើតាមលទ្ធផលសិក្សាខាងលើនេះ វ៉ាក់សាំងដូសជំរុញ មិនត្រឹមតែអាចជួយប្រជាជនអាមេរិក ដែលឆ្លង អូមីក្រុង […]