(ណៃពិដោ)៖ ប្រព័ន្ធផ្សព្វផ្សាយរដ្ឋនៅមីយ៉ាន់ម៉ា នាថ្ងៃសៅរ៍នេះ បានរាយការណ៍ថា ប្រមុខរដ្ឋាភិបាលយោធា បានអំពាវនាវរកជំនួយពីបរទេស បន្ទាប់ពីគ្រោះទឹកជំនន់ បានវាយប្រហារ ប្រទេសដែលហែកហួរដោយសារជម្លោះមួយនេះ ហើយបង្ខំឱ្យមនុស្សសរុបជាង ២៣៥,០០០នាក់ ត្រូវជម្លៀសខ្លួន។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃសៅរ៍ ទី១៤ ខែកញ្ញា ឆ្នាំ២០២៤។ មេដឹកនាំរបបសឹកមីយ៉ាន់ម៉ា លោក Min Aung Hlaing បាននិយាយដូច្នេះថា «ក្រុមមន្រ្តីរដ្ឋាភិបាល ចាំបាច់ត្រូវធ្វើការទាក់ទង​ទៅកាន់ប្រទេសដទៃ ក្នុងបំណងស្វែងរកការផ្តល់ជំនួយ ដើម្បីយកទៅជួយជនរងគ្រោះ»។ កាលពីថ្ងៃសុក្រសប្តាហ៍នេះ យោធាមីយ៉ាន់ម៉ា បានឱ្យដឹងថា មនុស្សច្រើនជាង២៣៥,០០០នាក់ ត្រូវបានបង្ខំឱ្យចាកចេញពីផ្ទះសម្បែងរបស់ពួកគេ ដោយសារទឹកជំនន់បង្កឡើង​ដោយព្យុះទីហ្វុងដ៏កំណាច Yagi ហើយមនុស្សកើនដល់៣៣នាក់ បានបាត់បង់ជីវិត។ គួរបញ្ជាក់ថា ប្រជាជននៅក្នុងប្រទេសវៀតណាម ឡាវ ថៃ និងមីយ៉ាន់ម៉ា បាននិងកំពុងទទួលរងគ្រោះទឹកជំនន់ និងរអិលបាក់ដី បន្ទាប់ពី​ព្យុះ Yagi បានវាយប្រហារមកលើតំបន់ កាលពីចុងសប្តាហ៍មុន។ ក្នុងចំណោមនោះ ប្រទេសវៀតណាម បានរងគ្រោះខ្លាំងក្លា​ជាងគេបំផុត ដោយមានមនុស្សស្លាប់លើស២៥០នាក់ រួមជាមួយការបំផ្លិចបំផ្លាញយ៉ាងធ្ងន់ធ្ងរ។ មុនពេលមកដល់វៀតណាម ព្យុះទីហ្វុងនេះ ក៏បានវាយប្រហារប្រទេសហ្វីលីពីន […]

(ណៃពិដោ)៖ មនុស្សយ៉ាងហោច១៩នាក់ បានបាត់បង់ជីវិត បន្ទាប់ពីភ្លៀងធ្លាក់ខ្លាំង បានបង្កជាគ្រោះទឹកជំនន់ នៅក្នុងនិងជុំវិញ រដ្ឋធានីណៃពិដោ នៃប្រទេសមីយ៉ាន់ម៉ា ខណៈក្រុមអ្នកសង្រ្គោះ បាននិងកំពុងព្យាយាមជម្លៀសមនុស្សប្រហែល ៣,៦០០នាក់ តាមទូកនៅកាន់កន្លែងសុវត្ថិភាព។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃសុក្រ ទី១៣ ខែកញ្ញា ឆ្នាំ២០២៤។ អាជ្ញាធរមីយ៉ាន់ម៉ា បានឱ្យដឹងថា មនុស្សចំនួន៣,៦០២នាក់ ដែលរងផលប៉ះពាល់ពីគ្រោះទឹកជំនន់ នៅទីតាំងសរុប៣០កន្លែង ត្រូវបានជួយសង្រ្គោះ និងកំពុងជម្លៀសទៅកាន់កន្លែងសុវត្ថិភាព ហើយមនុស្ស១៩នាក់ បានស្លាប់។ តំបន់មានផ្ទៃក្រឡាប្រហែល​១៦២គីឡូម៉ែត្រក្រឡា នៅជុំវិញទីក្រុងណៃពិដោ ត្រូវបានជន់លិច គិតត្រឹមថ្ងៃព្រហស្បតិ៍សប្តាហ៍នេះ ខណៈប្រហែល៣៦៦ គីឡូម៉ែត្រក្រឡាទៀត នៅជុំវិញ Mandalay ដែលជាទីក្រុងធំលំដាប់ទី២ របស់មីយ៉ាន់ម៉ា ក៏ស្ថិតក្រោមផ្ទៃទឹក ផងដែរ។ មីយ៉ាន់ម៉ា បានធ្លាក់ទៅក្នុងភាពចលាចល ចាប់តាំងពីរដ្ឋប្រហារយោធា កាលពីខែកុម្ភៈ ឆ្នាំ២០២១ ហើយអំពើហិង្សា បាននិងកំពុងផ្ទុះរាលដាល នៅផ្នែកជាច្រើននៃប្រទេសអាស៊ានមួយនេះ។ ប្រហែលជា១ភាគ៣ នៃប្រជាជន៥៥លាននាក់ នៅមីយ៉ាន់ម៉ា គឺត្រូវការជំនួយមនុស្សធម៌ ប៉ុន្តែទីភ្នាក់ងារផ្តល់ជំនួយជាច្រើន ដូចជាអង្គការកាកបាទក្រហម ជាដើម មិនអាចធ្វើការបានឡើយ […]

(បរទេស)៖ កម្មវិធីទិញទំនិញតាមអនឡាញដ៏ពេញនិយម Taobao ដែលជាកម្មសិទ្ធរបស់ក្រុមហ៊ុន Alibaba នោះ ត្រូវបានរាយការណ៍មកថា ឈរនៅលំដាប់កំពូលលើ App Store ក្នុងប្រទេសសិង្ហបុរី មានអ្នកទាញយកច្រើនបំផុត បន្ទាប់ពីកម្មវិធីនេះបានអាប់ដេតឲ្យមានជាអង់គ្លេស ខណៈកន្លងទៅមានតែភាសាចិនប៉ុណ្ណោះ។ តាមការចេញផ្សាយដោយសារៈព័ត៌មាន CNBC នៅថ្ងៃទី១៣ ខែកញ្ញា ឆ្នាំ២០២៤ បានឲ្យដឹងថា Taobao បាន​ជាប់​ចំណាត់ថ្នាក់​លេខ​១​នៅក្នុង App Store សិង្ហបុរី​ គិត​ត្រឹម​ថ្ងៃទី១១ ខែកញ្ញា ជា​ថ្ងៃ​ដែលកម្មវិធីនេះបានធ្វើ​កំណែ​ថ្មីឲ្យមានជា​ភាសា​អង់គ្លេស ​និងធ្វើឲ្យមានអ្នកប្រើប្រាស់ទាញយកកាន់តែច្រើន ត្បិតកាលមុនឈរនៅចំណាត់ថ្នាក់លេខ៥ ហើយពេលនេះលោតមកលេខ១តែម្តង។ ការធ្វើឲ្យមានជាភាសាអង់គ្លេសនេះ គឺដើម្បីសម្រួលដល់អ្នកប្រើប្រាស់ ដែលមិនមែនជាជនជាតិចិន ដោយពុំចាំបាច់ប្រើប្រាស់កម្មវិធីបកប្រែពីភាសាចិនមកអង់គ្លេសទៀតនោះទេ ហើយភាសាអង់គ្លេសដែលមានក្នុងកម្មវិធី Taobao នៅពេលនេះ គឺប្រើជំនួយពីបច្ចេកវិទ្យា AI ដែលក្រុមហ៊ុនអភិវឌ្ឈន៍ផ្ទាល់។ Alibaba ម្ចាស់កម្មវិធី Taobao បាននិយាយនៅក្នុងសេចក្តីប្រកាសព័ត៌មានកាលពីថ្ងៃអង្គារថា ការអាប់ដេតថ្មីនេះ គូសបញ្ជាក់ពីការយកចិត្តទុកដាក់របស់ Taobao ក្នុងការបម្រើដល់អ្នកប្រើប្រាស់សិង្ហបុរីរបស់ខ្លួន ដែលបានបង្ហាញពីបំណងប្រាថ្នាចង់ឲ្យមានជាភាសាអង់គ្លេស….។ សិង្ហបុរី គឺជាទីផ្សារដំបូងដែល Taobao អាប់ដេតមានជាភាសាអង់គ្លេស បន្ទាប់មកប្រទេសម៉ាឡេស៊ី […]

(តូក្យូ)៖ ក្រសួងការពារជាតិជប៉ុន នៅថ្ងៃសុក្រ ទី១៣ ខែកញ្ញានេះបានឱ្យដឹងថាខ្លួនបានចល័តយន្ដហោះចម្បាំងភ្លាមៗ បន្ទាប់ពីយន្ដហោះយោធារុស្ស៉ីហោះក្រវែលជុំវិញប្រទេសជប៉ុន ជាលើកដំបូងក្នុងរយៈពេល ៥ឆ្នាំមកនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ តាមក្រសួងការពារជាតិជប៉ុន ចាប់ពីព្រឹក រហូតដល់រសៀលកាលពីថ្ងៃព្រហស្បតិ៍ម្សិលមិញ យន្ដហោះរុស្ស៉ី Tu-142 បានហោះចេញពីសមុទ្រស្ថិតនៅចន្លោះរវាងជប៉ុន និងកូរ៉េខាងត្បូង ឆ្ពោះទៅកាន់កោះអូគីណាវ៉ា នៃភាគខាងត្បូងប្រទេសជប៉ុន។ បន្ទាប់មក យន្ដហោះរុស្ស៉ីបានហោះក្នុងទិសដៅឆ្ពោះទៅទិសខាងជើងលើ មហាសមុទ្រប៉ាស៊ីហ្វិក ហើយបញ្ចប់ការហោះហើរនៅកោះហុកកៃដូ នៃភាគខាងជើងប្រទេស។ ក្រុមមន្ត្រីជប៉ុនបាននិយាយថាយន្ដហោះនេះមិនបានហោះចូលក្នុងដែនអាកាសជប៉ុន នោះទេ ប៉ុន្តែបានហោះពីលើតំបន់វិវាទដែនទឹករវាងជប៉ុន និងរុស្ស៉ី។ ក្រសួងការពារជាតិជប៉ុនបានបន្ថែមថាជាការឆ្លើយតប ខាងក្រសួងបានចល័តយន្ដហោះចម្បាំង ក្រោមស្ថានការណ៍បន្ទាន់។ គួរបញ្ជាក់ថា លើកចុងក្រោយបំផុតដែលយន្ដហោះយោធារុស្ស៉ីហោះក្រវែលជុំវិញប្រទេសជប៉ុន គឺកើតឡើងក្នុងឆ្នាំ២០១៩ តែយន្ដហោះទម្លាក់គ្រាប់បែករុស្ស៉ីនៅពេលនោះ ក៏មិនបាន ហោះចូលក្នុងដែនអាកាសជប៉ុននោះដែរ។ កាលពីដើមសប្ដាហ៍នេះ នាវាចម្បាំងរុស្ស៉ី និងចិនក៏បានចាប់ផ្ដើមផងដែរការធ្វើសមយុទ្ធយោធារួមគ្នានៅឯតំបន់សមុទ្រជប៉ុន៕ ផ្ដល់សិទ្ធិដោយ៖ Fresh News

(ហាណូយ)៖ ទីភ្នាក់ងារគ្រោះមហន្តរាយរបស់រដ្ឋាភិបាល បានឱ្យដឹងថា អ្នកស្លាប់ក្នុងប្រទេសវៀតណាម ដោយសារតែព្យុះទីហ្វុង Yagi ដែលបង្កការរអិលបាក់ដី និងទឹកជំនន់ភ្លាមៗ បានកើនឡើងដល់ ២២៦នាក់ហើយ គិតត្រឹមថ្ងៃព្រហស្បតិ៍សប្តាហ៍នេះ ខណៈទឹកជំនន់ក្នុងរដ្ឋធានីហាណូយ កំពុងចាប់ផ្តើមស្រកចុះ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី១៣ ខែកញ្ញា ឆ្នាំ ២០២៤។ ប្រទេសអាស៊ានមួយនេះ បានធូរស្បើយខ្លះហើយពីឥទ្ធិពលនៃព្យុះទីហ្វុង Yagi ដែលជាព្យុះដ៏ខ្លាំងបំផុតបោកបក់មកលើ តំបន់អាស៉ី ក្នុងឆ្នាំនេះ និងបានវាយលុកលើឆ្នេរសមុទ្រភាគឦសានប្រទេសវៀតណាម កាលពីថ្ងៃសៅរ៍សប្តាហ៍មុន។ មនុស្សជាង ១០០នាក់កំពុងបាត់ខ្លួននៅឡើយ ខណៈ ៨០០នាក់រងរបួស។ គិតត្រឹមថ្ងៃព្រហស្បតិ៍ សង្កាត់មួយចំនួន ក្នុងរដ្ឋធានីហាណូយ នៅបន្តជន់លិចដោយទឹកជំនន់ ប៉ុន្តែទីភ្នាក់ងារឧតុនិយមនិយាយថា ទឹកកំពុងស្រកចុះខ្លះៗហើយ ប៉ុន្តែទឹកជំនន់ភ្លាមៗ និងការរអិលបាក់ដី នៅតែបន្តប៉ះពាល់ទូទាំងភាគខាងជើងប្រទេសវៀតណាម។ តាមទីភ្នាក់ងារគ្រប់គ្រងគ្រោះមហន្តរាយ ទឹកជំនន់ បានជន់លិចស្រូវ និងដំណាំលើផ្ទៃដីសរុបជាង ២០០,០០០ហិកតា នៅទូទាំងតំបន់ភាគខាងជើង។ ព្យុះទីហ្វុងនេះ ក៏បានរំខាន់ដល់បណ្តាញផ្គត់ផ្គង់ថាមពលអគ្គិសនី និងធ្វើឱ្យខូចខាតរោងចក្រមួយចំនួន នៅឯខេត្ត Haiphong និង Quang Ninh ប៉ះពាល់ដល់ផលិតកម្ម។ […]

(ហាណូយ)៖ ក្រុមហ៊ុនធានារ៉ាប់រងនៅប្រទេសវៀតណាមបានទទួលសំណើទាមទារសំណងដែលមានទឹកប្រាក់យ៉ាងហោចណាស់ ២,៧៦ពាន់ពាន់លានដុង (១១២លានដុល្លារ) បន្ទាប់ពីគ្រោះមហន្តរាយព្យុះយ៉ាហ្គី។ នេះបើយោងតាមកាសែត VnExpress របស់វៀតណាម។ កាសែត VnExpress បានរាយការណ៍ថា ក្រុមហ៊ុនធានារ៉ាប់រង PVI Insurance Corp ដែលជាក្រុមហ៊ុនឈាមមុខគេក្នុងទីផ្សារធានារ៉ាប់រងមិនមែនអាយុជីវិតបានទទួលសំណើទាមទារសំណងជាង ៥០០សំណើដែលមានតម្លៃ ២ពាន់ពាន់លានដុង (ប្រហែល ៨១,៣៣លានដុល្លារ) សម្រាប់ទ្រព្យសម្បត្តិដែលរងការខូចខាតដោយព្យុះយ៉ាហ្គី។ តួលេខនេះមិនរាប់បញ្ចូលសំណើទូទាត់ប្រាក់សម្រាប់មនុស្ស និងយានជំនិះដែលរងគ្រោះដោយខ្យល់ព្យុះទេ។ ក្រុមហ៊ុន PVI បានឱ្យដឹងថា៖ «នេះអាចជាទឹកប្រាក់សំណងសងការខូចខាតជាប្រវត្តិសាស្ត្រសម្រាប់ក្រុមហ៊ុន PVI និងក្រុមហ៊ុនធានារ៉ាប់រងផ្សេងទៀតក្នុងប្រទេសវៀតណាម។ ក្រុមហ៊ុនបានបន្ថែមថា វានឹងធានាបាននូវអត្ថប្រយោជន៍អតិបរមាសម្រាប់អតិថិជនរបស់ខ្លួនក្នុងរយៈពេលដ៏ខ្លីបំផុត។ ក្រុមហ៊ុនធានារ៉ាប់រង Military Insurance Corp ទទួលបានសំណើទាមទារសំណងចំនួន ៩០០សំណើដែលមានតម្លៃ ២៣០ពាន់លានដុង (ប្រហែល ៩,៣៥លានដុល្លារ) សម្រាប់ការខូចខាតលើទ្រព្យសម្បត្តិ និងយានយន្ត ខណៈដែលអតិថិជនរបស់ក្រុមហ៊ុនធានារ៉ាប់រង BIDV បានធ្វើសំណើទាមទារសំណើចំនួន ៥០០សំណើ ដែលមានតម្លៃ ២០០ពាន់លានដុង (ប្រហែល ៨,១៣លានដុល្លារ) ។ គ្រោះថ្នាក់ភាគច្រើនពាក់ព័ន្ធនឹងទ្រព្យសម្បត្តិឯកជន និងយានយន្ត។ លោក Ngo Trung […]

(បរទេស)៖ ក្រុមហ៊ុន Samsung Electronics ដែលជាក្រុមហ៊ុនផលិតស្មាតហ្វូន គ្រឿងអេឡិចត្រូនិក និងបន្ទះឈីបមេម៉ូរីលំដាប់កំពូលរបស់ពិភពលោកនោះ បានប្រកាសពីការកាត់បន្ថយបុគ្គលិកសលករបស់ខ្លួនរហូតដល់ ៣០%។ Samsung ដែលមានមូលដ្ឋាននៅកូរ៉េខាងត្បូង បានណែនាំក្រុមហ៊ុនបុត្រសម្ព័ន្ធនៅទូទាំងពិភពលោក ឱ្យកាត់បន្ថយបុគ្គលិកផ្នែកលក់ និងទីផ្សារប្រហែល ១៥% និងបុគ្គលិករដ្ឋបាលរហូតដល់ ៣០%។ បើតាមការចេញផ្សាយដោយសារព័ត៌មាន Reuters បានឲ្យដឹងថា ផែនការកាត់បន្ថយបុគ្គលិក​នេះ​នឹង​ត្រូវ​អនុវត្ត​នៅ​ចុង​ឆ្នាំ​២០២៤នេះ ហើយ​នឹង​ប៉ះពាល់​ដល់​ការងារ​នៅ​ទូទាំង​អាមេរិក អឺរ៉ុប អាស៊ី និង​អាហ្វ្រិក។ ទោះយ៉ាងណាក៏ដោយ នៅមិនច្បាស់ទេថា តើមានមនុស្សប៉ុន្មាននាក់នឹងរងផលប៉ះពាល់ពីការកាត់បន្ថយការងារនៅពេលនេះ។ នៅក្នុងសេចក្តីថ្លែងការណ៍មួយ ក្រុមហ៊ុន Samsung បាននិយាយថា ការកែសម្រួលកម្លាំងពលកម្មដែលធ្វើឡើងនៅប្រតិបត្តិការក្រៅប្រទេសមួយចំនួនគឺបានកើតឡើងជាទម្លាប់ទៅហើយ ហើយមានគោលបំណងធ្វើឱ្យប្រសើរឡើងនូវប្រសិទ្ធភាពការងារ។ ក្រុមហ៊ុន Samsung មានបុគ្គលិកសរុបចំនួន ២៦៧,៨០០ នាក់គិតត្រឹមដំណាច់ឆ្នាំ២០២៣ ហើយជាងពាក់កណ្តាល ឬស្មើនឹង ១៤៧,០០០នាក់ ជាបុគ្គលិកមានមូលដ្ឋាននៅក្រៅប្រទេស។ បុគ្គលិក​សរុប​ដែល​អាច​នឹង​ត្រូវ​ចាក​ចេញ​ពីក្រុមហ៊ុនមានមូលដ្ឋាននៅ​ប្រទេស​ឥណ្ឌា​អាច​កើន​ដល់ ១,០០០នាក់​ ខណៈ Samsung មានបុគ្គលិកប្រហែល ២៥,០០០នាក់នៅក្នុងប្រទេសឥណ្ឌា។ នៅក្នុងប្រទេសចិន ក្រុមហ៊ុន Samsung បានជូនដំណឹងដល់បុគ្គលិករបស់ខ្លួនអំពីការកាត់បន្ថយការងារនេះ ដែលត្រូវបានគេរំពឹងថានឹងប៉ះពាល់ដល់បុគ្គលិកប្រហែល ៣០% នៅក្នុងប្រតិបត្តិការលក់របស់ខ្លួន។ […]

(ហាណូយ)៖ ព្យុះយ៉ាហ្គីបានបំផ្លាញយ៉ាងធ្ងន់ធ្ងរដល់រោងចក្រមួយចំនួនធំ និងជន់លិចឃ្លាំងស្តុកទំនិញនៅក្នុងមជ្ឈមណ្ឌលឧស្សាហកម្មសម្រាប់នាំចេញ ស្ថិតនៅភាគខាងត្បូងប្រទេសវៀតណាម ដែលបង្ខំឱ្យរោងចក្រជាច្រើនបិទទ្វារ ដោយរោងចក្រខ្លះរំពឹងថា នឹងចំណាយពេលច្រើនសប្តាហ៍ដើម្បីអាចដំណើរការឡើងវិញបាន។ នេះបើយោងតាមទីភ្នាក់ងារព័ត៌មានរ៉យទ័រ។ ទីភ្នាក់ងារព័ត៌មានរ៉យទ័របានរាយការណ៍ថា ព្យុះត្រូពិចយ៉ាហ្គីដែលជាព្យុះខ្លាំងបំផុត នៅអាស៊ីក្នុងឆ្នាំនេះ បានបោកបក់ទៅលើឆ្នេរសមុទ្រភាគខាងជើងប្រទេសវៀតណាម កាលពីថ្ងៃសៅរ៍សប្តាហ៍មុន ហើយនៅតែបណ្តាលឱ្យមានទឹកជំនន់ និងការបាក់ដីយ៉ាងធ្ងន់ធ្ងរកាលពីថ្ងៃពុធ ដែលបានសម្លាប់មនុស្សរាប់សិបនាក់ និងបំផ្លាញហេដ្ឋារចនាសម្ព័ន្ធសំខាន់ៗ រួមទាំងបណ្តាញអគ្គិសនី និងផ្លូវថ្នល់ផងដែរ។ ការអាក់ខានទាំងនេះអាចប៉ះពាល់ដល់ខ្សែច្រវាក់ផ្គត់ផ្គង់សកលដោយសារវៀតណាម គឺជាទីតាំងប្រតិបត្តិការមួយនៃក្រុមហុនអន្តរជាតិធំៗ ដែលភាគច្រើននាំចេញផលិតផលរបស់ពួកគេទៅកាន់សហរដ្ឋអាមេរិក អឺរ៉ុប និងប្រទេសអភិវឌ្ឍន៍ផ្សេងទៀត។ យោងតាមទីភ្នាក់ងារព័ត៌មានរ៉យទ័រ ប្រតិបត្តិករគ្រប់គ្រងតំបន់ឧស្សាហកម្មហៃហ្វុង (Haiphong) បានឱ្យដឹងនៅលើគេហទំព័ររបស់ខ្លួនថា នៅទីក្រុងឆ្នេរសមុទ្រហៃហ្វុង ដែលជាតំបន់មួយក្នុងចំណោមតំបន់ដែលរងគ្រោះខ្លាំងបំផុតដោយសារព្យុះនេះ ក្រុមហ៊ុនអាជីវកម្ម ៩៥ភាគរយត្រូវបានរំពឹងថានឹងចាប់ផ្តើមសកម្មភាពមួយចំនួនឡើងវិញនៅថ្ងៃអង្គារ។ សេចក្តីប្រកាសមួយដែលចេញផ្សាយនៅលើគេហទំព័ររបស់ប្រតិបត្តិករនេះបានឱ្យដឹងថា៖ «ក្រុមហ៊ុនអាជីវកម្មជាច្រើនបានបាក់ដំបូល ជញ្ជាំងខ្លះរហែក និងដួលរលំ ទ្វារ របង ផ្លាកសញ្ញា ប្រព័ន្ធកាមេរ៉ា យានដ្ឋាន និងទ្វារដែកបាក់រលំ ទឹកបានជន់លិចចូលទៅក្នុងរោងចក្រ»។ លោក Bruno Jaspaert ប្រធានតំបន់ឧស្សាហកម្ម DEEP C បានប្រាប់ទីភ្នាក់ងារព័ត៌មានរ៉យទ័រថា នៅក្នុងតំបន់ឧស្សាហកម្ម DEEP C ដែលជាទីតាំងរបស់រោងចក្រជាច្រើននៅក្នុងទីក្រុងហៃហ្វុង និងខេត្តជាប់ខាងកាងនិញ (Quang Ninh) […]

(បរទេស)៖ ត្រកូល iPhone 16, iPhone 16 Plus, iPhone 16 Pro, និង iPhone 16 Pro Max ដែលទើបតែប្រកាសបង្ហាញថ្មីៗនេះ ត្រូវបានរាយការណ៍មកថា មានអេក្រង់បំពាក់ដោយស្រទាប់សេរ៉ាមិកជំនាន់ថ្មី ដែលជាកញ្ចក់និងសេរ៉ាមិកប្រភេទ Hybrid ជួយការពារអេក្រង់របស់ iPhone រហូតដល់ ៥០% ដោយសារភាពរឹងរបស់វា។ ក្រុមហ៊ុន Apple ក៏បានឲ្យដឹងដែរថា ស្រទាប់សេរ៉ាមិកជំនាន់ថ្មីរបស់ខ្លួនមានលក្ខណៈពិសេសបំផុត ព្រោះវាមានភាពរឹងជាងម៉ូដែលមុនៗរហូតដល់ ៥០ភាគរយ ។ ត្បិតថា Apple នៅមិនទាន់ចេញមកបញ្ជាក់ច្បាស់ពីរឿងនេះក៏ដោយ ស្មាតហ្វូនជំនាន់ថ្មីត្រកូល iPhone 16 នេះ ត្រូវបានគេជឿជាក់ថា នឹងមានភាពរឹងមាំខ្លាំងជាងមុន ដោយសារតែនៅក្នុងការផ្សព្វផ្សាយពាណិជ្ជកម្មវីដេអូកន្លងមក មានការបញ្ជាក់ច្បាស់ថា ក្រុមហ៊ុននេះ បានធ្វើការយកចិត្តទុកដាក់ខ្លាំងមែនទែនទៅលើការធ្វើតេស្តភាពធន់។ គួរជម្រាបថា Apple បានចាប់ផ្តើមប្រើប្រាស់សម្ភារៈស្រទាប់សេរ៉ាមិកលើអេក្រង់ជាលើកដំបូងក្នុងឆ្នាំ២០២០ លើម៉ូដែល iPhone 12 ហើយនៅពេលនោះ Apple បាននិយាយថា វាត្រូវបានបង្កើតឡើងដោយភាពជាដៃគូជាមួយ Corning […]

(គែរ)៖ ក្រុមហាម៉ាសប៉ាឡេស្ទីន កាលពីថ្ងៃពុធ ទី១១ ខែកញ្ញា បាននិយាយថាក្រុមអ្នកចរចារបស់ខ្លួន បានបញ្ជាក់ឡើងវិញពីការត្រៀមលក្ខណៈរួចជាស្រេច ដើម្បីអនុវត្តបទឈប់បាញ់បន្ទាន់ ជាមួយអ៉ីស្រាអែល នៅក្នុងតំបន់ហ្កាហ្សា ឈរលើមូលដ្ឋាននៃផែនការបទឈប់បាញ់របស់សហរដ្ឋអាមេរិក ដោយមិនមានលក្ខខណ្ឌថ្មីពីភាគីណាមួយនោះទេ។ នេះបើតាមការចេញផ្សាយ ដោយទីភ្នាក់ងារសារព័ត៌មាន Reuters។ នៅក្នុងសេចក្ដីថ្លែងការណ៍មួយ ក្រុមហាម៉ាសបានឱ្យដឹងទៀតថាក្រុមអ្នកចរចារបស់ខ្លួនដឹកនាំដោយមន្ត្រីជាន់ខ្ពស់ លោក Khalil al-Hayya បានជួបជាមួយក្រុមអ្នកសម្របសម្រួល កាលពី ថ្ងៃពុធ ក្នុងនោះរួមមាននាយករដ្ឋមន្ត្រីកាតា ព្រះអង្គម្ចាស់ Sheikh Mohammed bin Abdulrahman Al Thani និងប្រមុខចារកម្មអេហ្ស៉ីប លោក Abbas Kamel ក្នុងទីក្រុងដូហា ដើម្បី ពិភាក្សាគ្នាពីស្ថានការណ៍វិវត្តន៍ចុងក្រោយក្នុងតំបន់ហ្កាហ្សា។ គួរបញ្ជាក់ថា កិច្ចចរចាស្វែងរកបទឈប់បាញ់សម្រាប់សង្រ្គាមហ្កាហ្សា បានបរាជ័យជាច្រើនលើក ដោយសារតែការខ្វែងគំនិតគ្នារវាងអ៉ីស្រាអែល និងក្រុមហាម៉ាស លើបញ្ហាមួយចំនួន ជាពិសេសគឺពាក់ព័ន្ធនឹងការគ្រប់គ្រងរបស់អ៉ីស្រាអែលលើច្រករបៀង Philadelphi ស្ថិតនៅចន្លោះរវាងព្រំដែនតំបន់ហ្កាហ្សា និងអេហ្ស៉ីប។ ប្រមុខចារកម្មអាមេរិក លោក William Burns ដែលជាប្រធានក្រុមអ្នកចរចាអាមេរិកស្ដីពីសង្រ្គាមហ្កាហ្សាផងនោះ បាននិយាយកាលពីថ្ងៃសៅរ៍សប្ដាហ៍មុនថាសេចក្ដីលម្អិតបន្ថែមអំពីសំណើបទឈប់បាញ់អាចនឹងត្រូវធ្វើឡើង ក្នុងពេលជា ច្រើនថ្ងៃខាងមុខ។ […]