(ភ្នំពេញ)៖ លោក សួន សេរីរដ្ឋា ប្រធានក្រុមប្រឹក្សាភិបាលនៃវេទិកាសន្តិភាពកម្ពុជា បានស្នើឲ្យសមត្ថកិច្ចស្រាវជ្រាវជនទុច្ចរិតដែលប្រើប្រាស់ហ្វេសប៊ុក យករូបថតលោកទៅកែច្នៃ ហើយរៃអង្គាសលុយពីប្រជាពលរដ្ឋ។ លោក សួន សេរីរដ្ឋា បានបញ្ជាក់ប្រាប់ Fresh News ឱ្យដឹងថា៖ «ខ្ញុំសូមប្រកាសថា ថ្ងៃនេះ មាន Account Facebook ឈ្មោះ Phorn Sophary បានយករូបថតខ្ញុំ និងភរិយាខ្ញុំ (ថតពេលអុចធូបគោរពវិញ្ញាណក្ខន្ធរៀមច្បង សំបូរ ម៉ាណ្ណារ៉ា) យកទៅកាត់តដាក់រូបថតកូនក្មេងណាមិនដឹងទេ(?) ដែលខ្ញុំមិនដែលស្គាល់ រួចយកមកផុសដាក់ផ្សាយបោកប្រាស់ រៃអង្គាសសុំលុយសាធារណជន ឲ្យខូចកិត្តិយស និងសេចក្តីថ្លៃថ្នូររបស់ខ្ញុំ និងភរិយា។ នេះជាទង្វើទុច្ចរឹតខុសច្បាប់ ដែលខ្ញុំសូមអំពាវនាវឲ្យអាជ្ញាធរសមត្ថកិច្ចស៊ើបអង្កេត ចាត់ការលើបុគ្គលម្ចាស់ Account នេះតាមច្បាប់ជាបន្ទាន់»។ លោក សួន សេរីរដ្ឋា បានបន្ថែមទៀតថា៖ «ជូនបងប្អូនអ្នកដែលចូលមក Comments ទាំងអស់មេត្តាជ្រាបថា ជាពលរដ្ឋសាមញ្ញម្នាក់ ខ្ញុំពិតជាគ្មានសមត្ថភាពវាយតម្លៃបានថាជា Account ក្លែងក្លាយឬមិនក្លែងក្លាយនោះទេ។ ដូចនេះដើម្បីរកការពិតមានតែសមត្ថកិច្ចខាង “ប្រឆាំងបទល្មើសបច្ចេកវិទ្យា” ទេដែលលោកអាចស្រាវជ្រាវរកការពិតឃើញ ហើយអាចរកឃើញអ្នកប្រើប្រាស់ […]

(ភ្នំពេញ)៖ គួរឲ្យសង្វេគជាខ្លាំង អ្នកនាង ចន្ទ សិរីរដ្ឋ អតីតសិស្សពូកែទូទាំងប្រទេស ផ្នែកអក្សរសាស្ត្រខ្មែរ និងត្រូវបានគេស្គាល់ថា ជាអ្នកនិពន្ធកម្រងបទចម្រៀងស្នាដៃសម្តេចតេជោ និងសៀវភៅ «សម្តេចពុកសន្តិភាព» បានជួបគ្រោះថ្នាក់ចរាចរណ៍រងរបួសធ្ងន់ សន្លប់បាត់មានបាត់ក កាលពីរាត្រីថ្ងៃទី២៨ ខែមករា ឆ្នាំ២០២៤ ត្រង់ចំណុចផ្លូវ ៦០ម៉ែត្រ ក្រោយពេលចេញពីបំពេញការងារ ហើយត្រូវបានបញ្ជូនមកព្យាបាល និងសង្គ្រោះបន្ទាន់ នៅមន្ទីរមិត្តភាពកម្ពុជា-ចិន ព្រះពេទ្យកុសុមៈ (មន្ទីរពេទ្យលោកសង្ឃ)។ ដោយសារតែកត្តាជីវភាពលំបាក ត្រូវទទួលបន្ទុកចិញ្ចឹមកូនស្រីតូច និងប្តីមានបញ្ហាសុខភាព អ្នកនិពន្ធចម្រៀងស្នាដៃសម្តេចតេជោ ចន្ទ សិរីរដ្ឋ រូបនេះ បានប្រឹងប្រែងធ្វើការ ដោយអ្នកនាងក៏បានលើកឡើងដែរថា អ្នកនាង មិនមានផ្ទះសម្បែងនៅទេ (ស្នាក់នៅបន្ទប់ជួល) ទើបខំប្រឹងទាំងថ្ងៃយប់ ដើម្បីសន្សំប្រាក់ទិញផ្ទះតូចល្មម នៅជាមួយនឹងកូនតូច និងគ្រួសារ។ យ៉ាងណាមិញ ក្រោយពីអ្នកនាងបានជួបហេតុការណ៍គ្រោះថ្នាក់ចរាចរណ៍នេះហើយ គឺបានបណ្តាលឲ្យខ្លួនត្រូវប៉ះទង្គិចជាមួយផ្នែកខាង ក្នុងនៃរាងកាយមួយចំនួនយ៉ាងដំណំ។ ជាមួយគ្នានេះដែរ អ្នកនាង ចន្ទ សិរីរដ្ឋ អ្នកនិពន្ធ ស្នាដៃចម្រៀងសម្តេចតេជោ និងសៀវភៅ «សម្តេចពុកសន្តិភាព» សូមគោរពសំពះសុំក្តីសណ្ដោស ក្តីអាណិត ពីសម្តេចអគ្គមហាសេនាបតីតេជោ […]

(ស្វាយរៀង)៖ សមត្ថកិច្ចនគរបាលស្រុកស្វាយជ្រំ ខេត្តស្វាយរៀង បានឃាត់ខ្លួនក្មេងទំនើងចំនួន៨នាក់ ដែលដើរអុកឡុក កាន់ដាវ និងបង្ហោះម៉ូតូបង្កការរំខានដល់ពលរដ្ឋនៅមូលដ្ឋាន យកមកអប់រំ និងសូមទោសឪពុកម្តាយ។ លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានឱ្យដឹងថា កាលពីវេលាម៉ោង ១៤៖៣០នាទីថ្ងៃទី២១ ខែមករា ឆ្នាំ២០២៤ លោកបានដឹកនាំកម្លាំងជំនាញស្រុក និងប៉ុស្តិ៍នគរបាលរដ្ឋបាលអង្គតាសូ បានកោះហៅក្មេងទំនើង១ក្រុម ដែលដើរកាន់ដាវ និងបង្ហោះម៉ូតូបង្កអុកឡុក ក្នុងភូមិសាស្ត្រ ឃុំអង្គតាសូ ស្រុកស្វាយជ្រំ។ លោកអធិការស្រុកបានបន្តថា នៅពេលសមត្ថកិច្ចកោះហៅក្មេងទំនើងមកអប់រំនោះ ក៏បានហៅអាណាព្យាបាលមកប៉ុស្តិ៍នគរបាលរដ្ឋបាលអង្គតាសូ ដើម្បីអប់រំឱ្យយល់ដឹងអំពីកំហុស តាមផ្លូវច្បាប់ផងដែរ។ លោកបានបញ្ជាក់ថា ក្រោយពីធ្វើការអប់រំរួចសមត្ថកិច្ច បានឱ្យអាណាព្យាបាលធ្វើលិខិតធានាយកកូនទៅផ្ទះវិញដើម្បីអប់រំបន្ត៕ ផ្តល់សិទ្ធិដោយ៖ freshnews

ជារឿងដ៏គួរឱ្យស្ញប់ស្ញែង និង ស្ញើចសរសើរបំផុត នូវការរកឃើញខ្លួនឯងដ៏ពិតនៃអ្នកផលិតមាតិកាវីដេអូធ្វើម្ហូបចំនួន ១ រូបទៀតនៅកម្ពុជា អ្នកនាង ឃុន គឹមហៃ ដែលតែងធ្វើម្ហូបប្លែកៗគួរឱ្យចង់ធ្វើតាម និងគួរឱ្យចង់ហូប កំពុងឆាបឆក់បេះដូងអ្នកលេងបណ្ដាញសង្គមឱ្យទស្សនាមិនជិនណាយ តាមរយៈវីដេអូធ្វើម្ហូបយ៉ាងស្ទាត់ជំនាញ និងទាក់ទាញបំផុតរបស់អ្នកផលិតមាតិការូបនេះ។ ផេកធ្វើម្ហូបដែលកំពុងទទួលបានការចាប់អារម្មណ៍នោះ មានឈ្មោះថា Khun Kimhai ដែលអ្នកនាង ឃុន គឹមហៃ ជាម្ចាស់ទំព័រហ្វេសប៊ុក តែងតែផលិតវីដេអូធ្វើម្ហូបទាក់ភ្នែកមហាជនមិនឱ្យអូសរំលងនោះឡើយ តាមរយៈមីនុយម្ហូបប្លែកៗដែល ទស្សនិកជន និងប្រិយមិត្តជាច្រើនពុំធ្លាប់ដឹង និងពុំធ្លាប់ឃើញមុខម្ហូបនោះពីមុនមក ។ គួររំលឹកផងដែរថា អ្នកនាង ឃុន គឹមហៃ ជា Content Creator ដ៍មានប្រជាប្រិយភាពម្នាក់ក្នុងចំណោម Content Creator ជាច្រើនអ្នកទៀត បានចូលរួមផ្សព្វផ្សាយវិស័យម្ហូបអាហារខ្មែរអោយពិភពលោកបានដឹង នឹងចង់មកភ្លក់រសជាតិនៃម្ហូបអាហាររបស់ប្រជាជនខ្មែរ តាមរយៈការផលិតវីដេអូនៃការធ្វើម្ហូបប្លែកៗ ដ៍គួរអោយទាក់ទាញរបស់អ្នកនាងផងដែរ ។ សូមជម្រាបថា អ្នកនាង ឃុន គឹមហៃ ចាប់បង្កើតវីដេអូតាំងពីឆ្នាំ២០១៧ មកម្ល៉េះ និងបានរកឃើញភាព unique របស់ខ្លួនឯងក្នុងនាមជាអ្នកបង្កើតមាតិកាម្ហូបអាហារ ។ បច្ចុប្បន្ន […]

យោងតាមគណនីហ្វេសប៊ុកផ្ទាល់របស់ ឈុន សុជាតិ ដែលជាកូនខ្មែរ រៀននៅប្រទេសអូស្ត្រាលី បានបង្កើតវីដេអូថ្មីមួយ ដោយបាននាំយកបង្អែមប្រពៃណីខ្មែរ ដែលជានំល្ពៅផ្សព្វផ្សាយដល់ជនបរទេសនៅប្រទេសអូស្ត្រាលី កំពុងផ្ទុះការសរសើរ និងចែករំលែកពេញបណ្ដាសង្គម។ តាមការបង្ហោះរបស់ ឈុន សុជាតិ នៅថ្ងៃទី០២ ខែធ្នូ ឆ្នាំ២០២៣ បានសរសេររៀបរាប់យ៉ាងដូច្នេះថា៖ «បរទេសសាកនំល្ពៅខ្មែរលើកដំបូង! Australian Taste Cambodian Pumpkin Cake For The First Time នៅក្នុងបេសកកម្មរបស់ខ្ញុំក្នុងការផ្សព្វផ្សាយវប្បធម៌កម្ពុជាដល់ជនបរទេសនៅប្រទេសអូស្ត្រាលី ខ្ញុំបានដើរជុំវិញស៊ីដនីអូប៉េរ៉ាហូស ដើម្បីសុំឱ្យមនុស្សមកសាកល្បងបង្អែមប្រពៃណីខ្មែររបស់យើង គឺនំល្ពៅ។ លទ្ធផលគឺមានការចូលចិត្តនិងការមិនចូលចិត្តចម្រុះ ដោយអ្នកខ្លះបាននិយាយថាពួកគេនឹងញុំាម្ដងទៀត តែអ្នកខ្លះនិយាយថាវាមិនមែនជាប្រភេទអាហារគេនោះទេ » ៕ ទស្សនាវីដេអូខាងក្រោម៖ ប្រភព៖ Chhun Socheat ឈុន សុជាតិ ​

(ភ្នំពេញ)៖ នៅថ្ងៃទី២ ខែធ្នូ ឆ្នាំ២០២៣ យោងតាមការចុះផ្សាយរបស់ ស្នងការដ្ឋាននគរបាលរាជធានីភ្នំពេញ បានឱ្យដឹងថា កងកម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ស្រាវជ្រាវឃាត់ខ្លួនជនសង្ស័យចំនួន០១នាក់ ក្នុងចំណោមបក្ខពួកចំនួន០២នាក់ ពាក់ព័ន្ធករណីលួចម៉ូតូ និងរក្សាទុកដោយខុសច្បាប់ នូវសារធាតុញៀន និងប្រើប្រាស់ដោយខុសច្បាប់ នូវសារធាតុញៀន។ បន្ថែមផងដែរថា ជនសង្ស័យចំនួន០១នាក់ ក្នុងចំណោមបក្ខពួកចំនួន០២នាក់ ពាក់ព័ន្ធករណីលួចម៉ូតូ និងរក្សាទុកដោយខុសច្បាប់ នូវសារធាតុញៀន និងប្រើប្រាស់ដោយខុសច្បាប់ នូវសារធាតុញៀន ត្រូវបានកម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ស្រាវជ្រាវឃាត់ខ្លួន នៅថ្ងៃទី០១ ខែធ្នូ ឆ្នាំ២០២៣ វេលាម៉ោង១៦:២០នាទី កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ដឹកនាំដោយលោកវរសេនីយ៍ឯក ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ និងលោកឧត្តមសេនីយ៍ត្រី លី ប៊ុនអេង ស្នងការរង ទទួលដឹកនាំការិយាល័យ បានស្រាវជ្រាវឃាត់ខ្លួនជនសង្ស័យចំនួន០១នាក់ ក្នុងចំណោមបក្ខពួកចំនួន០២នាក់ នៅចំណុចផ្សារចិន ផ្លូវលំ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ពាក់ព័ន្ធករណីលួចម៉ូតូ និងរក្សាទុកដោយខុសច្បាប់ នូវសារធាតុញៀន និងប្រើប្រាស់ដោយខុសច្បាប់ នូវសារធាតុញៀន ប្រព្រឹត្តនៅចំណុចមុខបន្ទប់ជួលលេខ១២បេ ផ្លូវលេខ៧០ ក្រុម២៤១ ភូមិ២៤ […]

(អារ៉ាប៊ីសាអូឌីត)៖ អាចនិយាយបានថា ជាមោទនភាពមួយសម្រាប់ប្រជាជនកម្ពុជា បន្ទាប់ពីស្ត្រីខ្មែរមួយរូប ដែលអ្នកលេងបណ្តាញសង្គមស្គាល់ឈ្មោះថា ចុងភៅ ណាក់ (Chet Nak) និងក្រុមការងារ ជាអ្នកផលិតវីដេអូ ក្នុងន័យអភិរក្ស អភិវឌ្ឍ និងផ្សព្វផ្សាយម្ហូបខ្មែរទាំងក្នុងស្រុក និងលើឆាកអន្តរជាតិនោះ នាពេលថ្មីៗនេះ បានទទួលជ័យលាភីដ៏ធំមួយ គឺ «សៀវភៅធ្វើម្ហូបល្អបំផុតនៅលើពិភពលោក» តាមរយៈស្នាដៃសៀវភៅចំណងជើងថា «សោយ»។ កម្មវិធីប្រគល់ពានរង្វាន់នេះ គឺត្រូវបានធ្វើឡើងនៅក្នុងប្រទេសអារ៉ាប៊ីសាអូឌីត។ ក្នុងចំណោមប្រទេសចូលរួមចំនួន២០៥ ស្នាដៃសៀវភៅចំណងជើងថា «សោយ» បានទទួលនូវកិត្តិយស ដែលត្រូវបានទទួលស្គាល់ថាជាស្នាដៃ «សៀវភៅធ្វើម្ហូបល្អបំផុតនៅលើពិភពលោក» ដែលនេះជាសក្ខីភាពមួយ បង្ហាញពីភាពសម្បូរបែបនៃវប្បធម៌របស់កម្ពុជា។ ក្រោយទទួលបានជ័យលាភីនេះហើយ ចុងភៅ ណាក់ បានបង្ហោះវីដេអូភ្ជាប់ជាមួយសារថា «ខ្មែរធ្វើបានហើយ! យើងទទួលបានជ័យលាភី សៀវភៅធ្វើម្ហូបល្អបំផុតនៅលើពិភពលោក ដែលនេះជាមោទនភាពដ៏អស្ចារ្យ សម្រាប់ប្រជាជនកម្ពុជាយើងទាំងអស់គ្នា។ ខ្ញុំមានសេចក្តីសោមនស្សរីករាយ ដែលសៀវភៅធ្វើម្ហូបខ្មែររបស់យើង សោយ ដែលជាស្នាដៃរបស់ខ្មែរ បានទទួលពានរង្វាន់ Gourmand Award ដែលសារព័ត៌មានអន្តរជាតិដាក់រហស្សនាមថា ជាពានរង្វាន់អូស្ការ ក្នុងវិស័យពានរង្វាន់ធ្វើម្ហូបអាហារ»។ ងាកមកក្រុមការងាររបស់ចុងភៅ ណាក់ មានឈ្មោះថា លោក សុត […]

(ភ្នំពេញ)៖ លោកស្រី ហែម ស៊ីណាត អាយុ ៥៦ឆ្នាំ ដែលជាបេក្ខជនប្រលងមធ្យមសិក្សាទុតិយភូមិ (បាក់ឌុប) ដែលមានវ័យចំណាស់ជាងគេនោះ មិនទទួលបានជោគជ័យនោះឡើយសម្រាប់ការប្រលងឆ្នាំ២០២៣នេះ។ សូមបញ្ជាក់ថា លោកស្រី ហែម ស៊ីណាត គឺជាគ្រូអក្ខរកម្ម មកពីភូមិថ្នរមៀល ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។ លោកស្រីបានចូលរួមប្រលងបាក់ឌុប ព្រោះចង់បានសញ្ញាបត្រមធ្យមសិក្សាទុតិយភូមិ ដែលអាចឱ្យលោកស្រីក្លាយជាគ្រូបង្រៀនយ៉ាងពិតប្រាកដ។ កាលពីឆ្នាំទៅលោកស្រី ទទួលបានការឧបត្ថម្ភប្រាក់លើកចិត្តពីសម្តេចតេជោ ហ៊ុន សែន ចំពោះការតស៊ូមិនបោះបង់របស់លោកស្រី៕​ ផ្តល់សិទ្ធិដោយ៖ freshnews

កាលពីយប់ថ្ងៃទី០៧ ខែវិច្ឆិកា ឆ្នាំ២០២៣ យោងតាមគណនីហ្វេសប៊ុកផ្ទាល់របស់អ្នកនាង ស្រួង ភាវី ម្ចាស់មេដាយមាស លើវិញ្ញាសាប៊ីយ៉ាការ៉ុម (៣បាំង) ក្នុងព្រឹត្តិការណ៍ស៊ីហ្គេមលើកទី៣២ បានឱ្យដឹងថា អ្នកនាង ត្រូវបានជ្រើសរើសឱ្យទទួលពានរង្វាន់ Asia Special Award 2023 ដែលរៀបចំដោយ Asia Model Festival នៅប្រទេសកូរ៉េខាងត្បូង​ ដែលជាកម្មវិធីអស្ចារ្យលំដាប់ប្រទេស។ តាមរយៈខ្លឹមសារបង្ហោះក្នុងគណនីហ្វេសប៊ុករបស់ អ្នកនាង ស្រួង ភាវី បានសរសេរៀបរាប់យ៉ាងដូច្នេះថា៖ « សូមជម្រាបពុកម៉ែបងប្អូន នាងខ្ញុំត្រូវបានជ្រើសរើសឱ្យទទួលពានរង្វាន់ Asia Special Award 2023 ដែលរៀបចំដោយAsia Model Festival នៅថ្ងៃទី 05 ខែវិច្ឆិកា ឆ្នាំ 2023 ពីកម្មវិធី Asia Model Festival នៅប្រទេសកូរ៉េខាងត្បូង។» អ្នកនាង ស្រួង ភាវី បានបន្ថែមថា៖ « ពុកម៉ែបងប្អូនជាទីគោរព សម្រាប់រូបនាងខ្ញុំផ្ទាល់ […]

(ភ្នំពេញ)៖ ទឹកដីកំពង់ភ្លុក និងប្រាសាទមួយចំនួនក្នុងខេត្តសៀមរាប បានក្លាយជាទីតាំងមួយសម្រាប់ថតភាពយន្តមានចំណងជើងថា The Creator របស់ Hollywood ដែលជាភាពយន្តល្បី និងបានចាក់បញ្ចាំងនៅរោងភាពយន្តនានាទូទាំងពិភពលោក។ ក្រសួងវប្បធម៌ និងវិចិត្រសិល្បៈបានឱ្យដឹងថា ដោយមានការអនុញ្ញាតថតពីក្រសួងវប្បធម៌និងវិចិត្រសិល្បៈ និងដោយមានការសម្របសម្រួលពីអជ្ញាធរពាក់ព័ន្ធ ភាពយន្តខ្នាតវែងមានចំណងជើងថា The Creator ដែលជាភាពយន្តបែបវិទ្យាសាស្ត្ររបស់អាម៉េរិក ផលិតនិងដឹកនាំដោយលោក Gareth Edwards បានថតឈុតឆាកមួយចំនួននៅកំពង់ភ្លុក និងប្រាសាទមួយចំនួនទៀតក្នុងខេត្តសៀមរាប កាលពីឆ្នាំ២០២២ កន្លងមក។ ភាពយន្តនេះ មានការចូលរួមសម្តែងពីតារាភាពយន្តល្បីៗមួយចំនួន ក្នុងនោះមានតួក្មេងស្រីសំខាន់ម្នាក់ អាយុ៩ឆ្នាំ គឺជាកូនកាត់ខ្មែរ។ សូមបញ្ជាក់ថា The Creator ត្រូវបានចាប់ផ្តើមចាក់បញ្ចាំងកាលពីថ្ងៃទី២៩ ខែកញ្ញា ឆ្នាំ២០២៣ ហើយត្រឹមតែថ្ងៃទី០៥ ខែតុលានេះ ភាពយន្តនេះទទួលបានចំណូលពីការចាក់បញ្ចាំងទូទាំងពិភពលោករហូតដល់ ៣៧លានដុល្លារសហរដ្ឋអាម៉េរិក៕ ផ្តល់សិទ្ធិដោយ៖ freshnews