កាលពីវេលាម៉ោង២២ និង១០នាទីយប់ថ្ងៃទី២៨ ខែកុម្ភៈ ឆ្នាំ២០២២ ស្ថិតនៅផ្លូវជាតិលេខ៤ អូឌឹម រាជធានីភ្នំពេញ មានករណីគ្រោះថ្នាក់ចរាចរណ៍មួយបានកើតឡើង ដោយរថយន្តមួយគ្រឿងបេីកបរជ្រុលចូលផ្លូវរថភ្លើង ស្របពេលដែលរថភ្លេីងកំពុងឆ្លងកាត់ ក៏បណ្តាលឲ្យរថភ្លើងបើកបុកតែម្តង ប៉ុន្តែសំណាងល្អមិនបណ្តាលឲ្យនរណាម្នាក់រងរបួសឡើយ គ្រាន់តែខូចខាតរថយន្តតែប៉ុណ្ណោះ។ ជុំវិញករណីនេះផងដែរ ភាគីសាច់ញាតិររថយន្ត Ford រងគ្រោះ ដែលត្រូវរថភ្លើងបើកបុក បានធ្វើការបញ្ជាក់ថា រថយន្តរបស់ពួកគាត់បានដេញតាមរថយន្តនៅពីមុខ ដែលបើកបុករថយន្តបងប្អូនគាត់ ដើម្បីឲ្យឈប់ដោះស្រាយគ្នា ទើបធ្វេសប្រហែសត្រូវរថភ្លើងបុកតែម្តង។ ម្ចាស់គណនីហ្វេសប៊ុករូបនោះបានរៀបរាប់ឲ្យដឹងថា៖ «រថយន្តបង្ក Mitsubishi Triton ស្លាកលេខ ភ្នំពេញ2T. 0300 បានបង្កគ្រោះថ្នាក់ចរារចរ ជាមួយឡាន ហាយឡេនឌឺ តែមិនបានឈប់ដោះស្រាយ ទើបធ្វើអោយរថយន្ត Ford ពណ៌ស ដែលត្រូវជាសាច់ញាតិព្យាយាមតាមឃាត់រថយន្ត Mitsubishi Triton នោះមកដោះស្រាយ ដែលធ្វើអោយរថយន្ត Ford មានការធ្វេសប្រហែសធ្វើអោយរថភ្លើងដែលធ្វើដំណើរបុកត្រូវក្បាលឡាន ត្រង់ម្តុំផ្លូវរថភ្លើង នៅលើកំណាត់ផ្លូវជាតិលេខ៤ ម្តុំ អូឌឹម។ សូមជួយស៊ែរអោយខាងរថយន្តបង្ក Mitsubishi Triton ដែលមានស្លាកលេខ ភ្នំពេញ2T. 0300 ចូលខ្លូនមកដោះស្រាយតាមផ្លូវច្បាប់ជាមួយនឹងរថយន្តហាយឡេនឌឺដែលរងគ្រោះ […]

រាជធានីភ្នំពេញ៖ មានករណីគ្រោះថ្នាក់ចរាចរណ៍មួយកើតឡើង ដោយរថយន្តមួយគ្រឿងបេីកបរជ្រុលចូលផ្លូវរថភ្លើង ស្របពេលដែលរថភ្លេីងកំពុងឆ្លងកាត់ ក៏បណ្តាលឲ្យរថភ្លើងបើកបុកតែម្តង ប៉ុន្តែសំណាងល្អមិនបណ្តាលឲ្យនរណាម្នាក់រងរបួសឡើយ គ្រាន់តែខូចខាតរថយន្តតែប៉ុណ្ណោះ។ ហេតុការណ៍នេះបានកើតឡើងកាលពីវេលាម៉ោង២២ និង១០នាទីយប់ថ្ងៃទី២៨ ខែកុម្ភៈ ឆ្នាំ២០២២ ស្ថិតនៅផ្លូវជាតិលេខ៤ អូឌឹម រាជធានីភ្នំពេញ។ សូមទស្សនាវីដេអូនៅកន្លែងកើតហេតុខាងក្រោម៖ ដោយ៖ ខ្មែរណូត

កាលពីពេលថ្មីៗនេះ មានការចែករំលែកនៅក្នុងបណ្តាញសង្គមហ្វេសប៊ុក ទាក់ទងនឹងលោកយាយម្នាក់មានវ័យចាស់ជរាហើយ ប៉ុន្តែលោកយាយនៅតែខិតខំប្រឹងប្រែងរត់កង់៣ ដើម្បីយកប្រាក់មកចិញ្ចឹមម្តាយជរាអាយុ៨៥ឆ្នាំ។ យោងតាមការចែករំលែកនៅលើបណ្តាញសង្គមហ្វេសប៊ុករបស់ម្ចាស់គណនីឈ្មោះ Sothy Daly បានឲ្យដឹងថា “ចូលរួមជួយដល់គាត់ផង អ៊ុំស្រីអាយុ 60ឆ្នាំរត់ Passapp នៅពេលយប់ ចិញ្ចឹមម្តាយអាយុ៨៥ឆ្នាំ ជួយជិះគាត់ផងបងប្អូន គាត់អត់កូន អត់ប្តី រាល់ថ្ងៃចិញ្ចឹមម្តាយ គាត់រត់ម៉ោង ៤ល្ងាច ដល់ព្រឹក លេខគាត់ ☎️ 0968453960 ទីតាំងគាត់ ម្តុំបាក់ទូក និងផ្សារដេប៉ូ”។ មានការ comment សួរមកកាន់ម្ចាស់គណនីហ្វេសប៊ុកខាងលើថា “គាត់រត់ដល់ព្រឹកមែនបង?​ ម៉េចបានសំរាកទៅចឹង​ អាណិតគាត់ណាស់” ហើយលោកក៏បាន comment តបវិញថា “សួរហើយគាត់គេងពេលថ្ងៃ និងមើលថែម្តាយ”៕ ដោយ៖ ខ្មែរណូត

ករណីគ្រោះថ្នាក់ចរាចរណ៍មួយបានកើតឡើងរវាងរថយន្ត Lexus RX300 បានបុករថយន្ត Lexus LX570 ស៊េរីទំនើបមួយគ្រឿងបណ្តាលអោយក្រឡាប់នៅលើផ្លូវមួយកន្លែងនៅតំបន់បឹងកក់ តែមិនបណ្តាលអោយមានមនុស្សរងរបួសនោះទេ។ ក្នុងករណីនោះដែរ ម្ចាស់ឡាន RX300 និងសាក្សីម្នាក់បានអះអាងថាម្ចាស់រថយន្ត Lexus LX570 បានបើកបរបញ្ច្រាស់ផ្លូវ ហើយរូបគាត់បានបើកបរត្រឹមល្បឿនប្រមាណ 20 ទៅ 30 គីឡូម៉ែត្រក្នុងមួយម៉ោងប៉ុណ្ណោះ។ ការចោទប្រកាន់របស់ម្ចាស់រថយន្ត RX300 និងសាក្សីមួយរូបនោះ ត្រូវបានអ្នកលេងបណ្តាញសង្គម រិះគន់យ៉ាងខ្លាំងក្រោយបានឃើញវិដេអូចេញពីកាមេរ៉ា សុវត្ថិភាព ដោយរថយន្ត LEXUS 570 មិនបានបើកបរបញ្ច្រាស់ផ្លូវនោះទេ។ ទោះជាយ៉ាងណាក្តីម្ចាស់គណនី Facebook ឈ្មោះថា Nary Bunnarath អះអាងខ្លួនថាជាម្ចាស់រថយន្ត Lexus 570 បានចេញមុខមកបញ្ជាក់ថាខ្លួនមិនទាមទារសំណងពីម្ចាស់រថយន្ត RX300 ឡើយតែទុកអោយច្បាប់ជាអ្នកចាត់ការ ហើយប្រកាសអោយម្ចាស់រថយន្ត RX300 និងសាក្សីរូបនោះចេញមុខសុំទោសរូបគាត់ជាសាធារណៈ៕ ដោយ៖ ខ្មែរណូត

នៅក្នុងវេទិការមួយដែលបានធ្វើឡើងនៅក្នុងខេត្តសៀមរាប រៀបចំឡើងដោយក្រុមហ៊ុនអចលនទ្រព្យ KW របស់លោកបណ្ឌិត គីម ហ៊ាង មានការចូលរួមពីសំណាក់ភ្នាក់ងារអចលទ្រព្យក៏ដូចជាភ្ញៀវកិត្តិយសជាច្រើន។ នៅក្នុងវេទិការនោះដែរ លោកបណ្ឌិត គីម ហ៊ាង បានលើកឡើងអំពីចំណុចខ្លាំងនិងចំណុចខ្សោយមួយចំនួនរបស់ខេត្តសៀមរាប ដោយក្នុងនោះអ្វីដែលគេចាប់អារម្មណ៍ខ្លាំងគឺការលើកឡើងពីចំណុចខ្សោយរបស់ខេត្តសៀមរាប ដោយលោកបណ្ឌិតអចលនទ្រព្យរូបនេះបានរិះគន់ចំៗថា ខេត្តសៀមរាបកំណត់កំពស់សាងសង់អគារខ្លាំងពេក និងមានវប្បធម៌អភិរក្សច្រើនពេក ដែលធ្វើអោយមានការលំបាកក្នុងការវិនិយោគលើវិស័យមួយនេះ។ ដោយសារតែការបញ្ចេញមតិមួយនេះដែរ លោកបណ្ឌិត គីម ហ៊ាង ត្រូវបានឯកឧត្តម ហ៊ុន ម៉ានី ចេញមុខប្រតិកម្មយ៉ាងខ្លាំងនៅលើបណ្តាញសង្គម Facebook ផងដែរ។ ដើម្បីជ្រាបច្បាស់សូមទស្សនាវិដេអូខាងក្រោម៖ ដោយ៖ ខ្មែរណូត

កាលពីពេលថ្មីៗឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ដែលហៅកាត់ថា “សសយក” និងជាតំណាងរាស្ត្រមួយរូបផងដែរ បានបង្ហោះសារប្រតិកម្មចំពោះការបញ្ចេញមតិរបស់លោកបណ្ឌិត គីម ហ៊ាង ដែលគេស្គាល់ថាអ្នកវិនិយោគវិស័យអចលទ្រព្យដ៏ល្បីឈ្មោះមួយរូប ដែលលោកបានរៀបចំកម្មវិធីមួយនៅក្នុងខេត្តសៀមរាប និងលើកយកចំណុចខ្សោយមួយចំនួនរបស់ខេត្តសៀមរាបមកនិយាយជាសាធារណៈ។ ឯកឧត្តម ហ៊ុន ម៉ានី បានលើកឡើងថា៖ “សិទ្ធិក្នុងការបញ្ចេញមតិ និងគំនិត វាមិនខុសអ្វីទេ ប៉ុន្តែ ទី១ មិនគួឲ្យសិទ្ធិនោះ មានការប៉ះពាល់ដល់កិត្តិយសបុគ្គល ឬប្រមាទដល់ស្ថាប័ន ឬមន្រ្តីរាជការសាធារណៈ (អជ្ញាធរអប្សារា) រាប់រយនាក់ ដែលបាន និងកំពុងបំពេញភារកិច្ចក្នុងការថែរក្សាកេរ្ត៏មរតកដូនតាយើង ក្នុងក្របខណ្ឌដែលកំណត់ដោយច្បាប់។ ទី២ គំនិត ដែលចេញមកពីតែពីជ្រុងតែមួយ មិនបានឆ្លុះបញ្ចាំងពីតថភាពជាក់ស្តែងនៃស្ថានភាព ដែលតោងអ្នកបញ្ចេញមតិ (ដោយគ្មានការទទួលខុសត្រូវនេះ) ពិចារណា។ កុំគិតថា មានតែគំនិតលោក ដែលត្រូវ។ ការគិតគូរបស់រាជរដ្ឋាភិបាល មានលក្ខណៈគ្របដណ្តប់ និងគ្រប់ជ្រុងជ្រោយ ដែលផលនៃការសម្រេច បានជះជាវិជ្ជមានទៅដល់មនុស្សគ្រប់ស្រទាប់ក្នុងសង្គម មិនសំដៅតែលើក្រុមណាមួយឡើយ។ ទី៣ ពាក្យថាស្រឡាញ់ជាតិ មានន័យ និងស្មារតីខ្ពង់ខ្ពស់ណាស់ គួរណាយើងលើកតម្កើងអោយបានច្រើន និងរាល់ពេលវេលា។ វាមិនត្រឹមតែជាពាក្យសំដី ប៉ុន្តែជាការប្រតិបត្តិជាក់ស្តែង។” […]

ខេត្តសៀមរាប៖ កាលពីដើមឆ្នាំ២០២២ កន្លងទៅ ក្រុងសៀមរាប បានបញ្ចប់នូវសមិទ្ធិផលគម្រោងរៀបចំកែលម្អផ្លូវចំនួន ៣៨ខ្សែ ដើម្បីជួយសម្រួលចរាចរណ៍ បង្កើនសោភ័ណភាពទីក្រុង និងដើម្បីធ្វើឲ្យប្រសើរឡើងនូវការប្រើប្រាស់ផ្លូវផងដែរ ហើយគម្រោងកែលម្អផ្លូវនេះបានលើកមុខមាត់ក្រុងសៀមរាបថែមមួយកំរិតទៀត។ ក្នុងចំណោមផ្លូវទាំង៣៨ខ្សែនោះ អាជ្ញាធរក៏បានគិតគូរដល់ផ្លូវសម្រាប់អ្នកថ្មើរជើង និងផ្លូវអ្នកជិះកង់ផងដែរ ដើម្បីផ្តល់ភាពងាយស្រួលដល់បងប្អូនប្រជាពលរដ្ឋ អាចដើរ និងជិះកង់ហាត់ប្រាណ ដើម្បីសុខភាពទៀតផង។ ប៉ុន្តែនាពេលថ្មីៗនេះ មានការចែកចាយនៅក្នុងបណ្តាញសង្គមហ្វេសប៊ុក ដែលបង្ហាញពីរូបភាពម្ចាស់យានយន្តមួយចំនួនបានយកយានជំនិះរបស់ខ្លួនមកចតបិទផ្លូវសម្រាប់អ្នកជិះកង់ ដែលធ្វើឲ្យបាត់បង់សណ្តាប់ធ្នាប់ និងសោភ័ណភាពទីក្រុងផងដែរ។ ប្រជាពលរដ្ឋនៅទីនោះក៏បានសំណូមពរឲ្យម្ចាស់យានយន្តធ្វើការចតយានជំនិះរបស់ខ្លួនឲ្យមានសណ្តាប់ធ្នាប់ ចៀសវាងការបិទផ្លូវសម្រាប់អ្នកជិះកង់ ដែលជាការរំខានដល់ការធ្វើដំណើររបស់បងប្អូនប្រជាពលរដ្ឋ និងភ្ញៀវទេសចរជិះកង់ធ្វើលំហាត់ប្រាណ និងលេងកម្សាន្ត៕ ដោយ៖ ខ្មែរណូត

កាលពីថ្ងៃទី០១​ ខែវិច្ឆិកា ឆ្នាំ ២០២០ លោកស្រី ម៉ម សុម៉ាលី ស្ថាបនិកមជ្ឈមណ្ឌលបណ្តុះបណ្តាលវិជ្ជាជីវៈ និង ស្តារនិតិសម្បទា អាហ្វេស៊ីប ទុំឌី ដែលមជ្ឈមណ្ឌលនេះបានមើលថែទាំក្មេងកំព្រា និងរងគ្រោះដោយសារតែអំពើរំលោ.ភ ហើយជនរ.ងគ្រោះភាគច្រើនគឺជាកុមារីតូចៗ ដែលមិនទាន់ដឹងដឹងក្តី។​​​​​​​​​​​​​​​​​​​​​​​​​​​​ អ្នកស្រីមានក្តីស្រមៃថាចង់បានឡាន pick up ដេីម្បីចុះតាមខេត្ត ស្រុកភូម៌ដាច់ស្រយាល ដេីម្បីងាយស្រួលក្នុងការទៅយកកូនៗជនរង.គ្រោះ ពេលនេះបានសម្រេចបំណងហួសពីរក្តីស្រមៃ​​​​​​​​​​​​​​​​​​​​​​​​​​​​។ ស្រាប់តែអ្នកនាងស្រីអូន សម្រស់ធម្មជាតិ បានទិញជូនរថយន្តខ្លាញ់គោ មួយគ្រឿង សម្រាប់ទៅយកក្មេងៗរងគ្រោះ និងជូនទៅតុលាការ។ រហូតមកដល់ពេលនេះលោកស្រី ម៉ម សុម៉ាលី បានរៀបរាប់ពីអត្ថប្រយោជន៍របស់រថយន្តមួយគ្រឿងនេះ និងបានប្រាប់ថា រយៈពេល 15 ខែ ក្រោយពេលទទួលបានរថយន្តគឺបានសង្គ្រោះក្មួយៗរងគ្រោះប្រមាណ ៣៥នាក់ ។ លោកស្រីបានរៀបរាប់ថា៖ “នេះជាឡានក្នុងក្តីស្រមៃជាយូរឆ្នាំ ខ្ញុំចង់បានឡាន (កាបាក់) ពីរបាំងកន្លះ ឬ ហៅថា pick up ព្រោះវាពិតជាងាយស្រួលក្នុងការចុះតាមខេត្តដាច់ស្រយ៉ាល (ទៅយកជនរងគ្រោះ) រយៈពេល 15 ខែហេីយដែលខ្ញុំបានទទួលឡាននេះពី ប្អូនប្រុស […]

ភ្នំពេញ៖ អ្នកនាង ស្រីអូន ដែលប្រិយមិត្តស្គាល់ថាជាម្ចាស់ក្រុមហ៊ុនសម្រស់ធម្មជាតិ និងជាម្ចាស់បុរីបុស្បា កាលពីពេលថ្មីៗនេះបានបបង្ហោះឲ្យដឹងពីអត្តចរិកដ៏ល្អរបស់ក្មេងៗបីនាក់ដែលមករើសសំបកកំប៉ុងក្នុងកម្មវិធីសម្ពោធបុរីបុស្បា ដោយ សំពះសុំរេីសសំបកកំប៉ុង និងសំពះអរគុណពេលរើសរួច ធ្វើឲ្យអ្នកនាងចាប់អារម្មណ៍ជាខ្លាំង រហូតសួរឪពុកម្តាយរបស់ក្មេងៗទើបដឹងថា ពួកគាត់ជាអ្នកទូន្មានកូនៗឲ្យចេះសំពះអរគុណ និងសុំតែមិនឲ្យលួចទេ។ អ្នកនាងបានបង្ហោះថា៖ ” សំពះសុំរេីសសំបកកំប៉ុងកូនអេីយដេីម្បីក្រពះ🥺ជូនអាំងប៉ាវអោយកូនញាំឆ្ងាញ់🙏🏾 ចេះគួរសមណាស់🙏🏾អាណិតកូនគេកូនយេីងម៉ោង2យប់នៅប្រឹងរកលុយ”។ នៅក្នុងអាំងប៉ាវអ្នកនាងបានជូនម្នាក់ ១០០$ សរុប ១០០$ ទុកទិញម្ហូបឆ្ងាញ់ៗទទួលទានក្នុងគ្រួសារ។ អរគុណសម្រាប់ការចែករំលែកស្នាមញញឹមសម្រាប់ក្មេងទាំង ៣ នាក់៕  

ឧកញ៉ាបណ្ឌិត ម៉ុង ឬទ្ធី ដែលប្រជាពលរដ្ឋជាច្រើនបានស្គាល់ ដោយសារតែលោកល្បីល្បាញមានចិត្តសប្បុរស ជួយអ្នកក្រីក្រ ដូចជាបង្កើតការងារទាក់ទងនឹងវិស័យកសិកម្ម ធ្វើផ្ទះ និងបង្កើតសាលារៀន មន្ទីរពេទ្យ ផ្លូវថ្នល់ជាច្រើនជួយដល់សង្គមជាតិ។ កាលពីពេលថ្មីៗនេះលោកឧកញ៉ាបានបង្ហោះនៅលើបណ្តាញសង្គមហ្វេសបុកទាក់ទងនឹងចំការដូងប្រេង និងចំការកៅស៊ូរបស់លោកឧកញ៉ា ដែលខិតខំចំណាយកម្លាំងកាយចិត្តថែទាំ បែរជាមានមនុស្សមកចូលលេងកម្សាន្ត ហើយបោះសំរាមចោលពាសវាលពាសកាល ថែមទាំងថ្មីៗនេះមានគេលួចដុតថែមទៀត។ លោកឧកញ៉ា បានមានប្រសាសន៍ឲ្យដឹងថា៖ «ថ្ងៃនេះខ្ញុំសូមទាញអារម្មណ៍របស់ប្រិយមិត្តយើង អោយក្រឡេកមកមើលជីវិតអ្នកចំការវិញម្តង ខ្ញុំលើកយកតែជ្រុងមួយតូចនៃជីវិតអ្នកចំការ ដើម្បីអោយប្រីយមិត្តយើងទាំងអស់គ្នាបានយល់ដឹងខ្លះៗ ចំការដូងប្រេងនិងចំការកៅស៊ូទំរាំតែដាំបានពីឆ្នាំ១៩៩៦-២០២២=២៦ឆ្នាំ ត្រូវចំណាយអស់កម្លាំងកាយចិត្តរួមជាមួយនិងថវិការយ៉ាងច្រើនសន្ធឹកសន្ធាប់ផងដែ ទំរាំតែដាំបានអោយបងប្អូនទាំងអស់គ្នាបានចូលជ្រកម្លប់ សម្រាកកម្សាន្តហូបអាហារមានអ្នកខ្លះបានប្រមូលសំរាមវេចខ្ចប់ទុកដាក់ស្រួលបួល ខ្លះទៀតមុខដ៏ដែលៗបោះសំរាមចោលពាស់វាលពាស់កាល ប្រហែលជាគាត់គឹតស្មានថាមានជំនួយពីខាងណាបានផ្តល់ថវិការ មកបើកអោយកម្មករទាំងជាង២០នាក់ដែលដើរើសសំរាមរាល់ថ្ងៃនេះហើយមើលទៅ សូមបញ្ជាក់ថា២៦ឆ្នាំបានកន្លងផុតទៅហើយមិនដែលមានជំនួយទេ ចាប់តាំងពីដើមរដូវប្រាំងមកមានអ្នកលួចដុតចំការជាបន្តបន្ទាប់ នៅថ្ងៃទី២៤ខែមករាឆ្នាំ២០២២នេះចំការដូងប្រេងនឹងចំការកៅស៊ូ ត្រូវបានភ្លើងឆាបឆេះជាបន្តបន្ទាប់គួអោយសោកស្តាយជាពន់ពេកក្រៃ ខ្ញុំគ្រាន់តែនិយាយអោយដឹងដោយមិនមានសំណូមពរទេ ព្រោះអីមនុស្សដែលប្រព្រឹត្តិសុតតែចេះបើកឡានមិនមែនកូនក្មេងនោះទេ»៕ ដោយ៖ ខ្មែរណូត