លោក Lee Jung Jae បានក្លាយជាតារាសម្ដែងអាស៊ីដំបូងគេដែលឈ្នះពានតារាសម្ដែងល្អបំផុតនៅក្នុងកម្មវិធី Emmy 2022។ យោងតាម Variety ពិធីប្រគល់ពានរង្វាន់ Emmy លើកទី៧៤ បានប្រព្រឹត្តទៅដោយជោគជ័យនៅទីក្រុង Los Angeles សហរដ្ឋអាមេរិក នាព្រឹកថ្ងៃទី ១៣ កញ្ញា (ម៉ោងនៅភ្នំពេញ)។ តួឯកប្រុសក្នុងរឿង Squid Game លោក Lee Jung Jae បានក្លាយជាតារាសម្តែងអាស៊ីដំបូងគេដែលឈ្នះពានរង្វាន់ជាតួសម្តែងល្អបំផុតក្នុងរឿងភាគ និងជារឿងដែលមិននិយាយជាភាសាអង់គ្លេស។ អ្នកដឹកនាំរឿង Squid Game លោក Hwang Dong Hyuk ក៏បានឈ្នះពាន Emmy ទី២ ក្នុងប្រភេទ Best Director for a Drama៕ ផ្តល់សិទ្ធិដោយ៖ ខ្មែរណូត

តារាចម្រៀង សុវត្ថិឌី ធារិកា ទើបជួបទុក្ខធំព្រោះតែបាត់បង់ឪពុកម្តាយដោយសារតែគ្រោះថ្នាក់ចរាចរណ៍ បន្សល់ទុកឱ្យកញ្ញានិងប្អូនប្រុសក្លាយជាក្មេងកំព្រា។ ក្រោយពីបាត់មុខមួយរយៈថ្មីៗនេះ សុវត្ថិឌី ធារិកា បានចេញបទចម្រៀងថ្មីក្នុងឱកាសពិធីបុណ្យបិណ្ឌភ្ជុំ ដែលមានចំណងជើង «បិណ្ឌភ្ជុំយំនឹកពុកម៉ែ»។ ក្រោយពីបានបញ្ចេញបទចម្រៀងខាងលើនេះរួចមក សុវត្ថិឌី ធារិកា ក៏បានឡើងច្រៀងនៅឆាករបស់ស្ថានីយទូរទស្សន៍បាយ័ន អ្វីដែលគួរឱ្យរំជួលចិត្តនោះ នៅពេលដែលកញ្ញាច្រៀងបទ«បិណ្ឌភ្ជុំយំនឹកពុកម៉ែ» សុវត្ថិឌី ធារិកា បានច្រៀងបណ្តើរយំបណ្តើរនៅលើឆាក ធ្វើឱ្យអ្នកលេងបណ្តាញសង្គមអាណិតខ្លោចចិត្តគ្រប់ៗគ្នា។ តួយ៉ាងគណនីហ្វេសប៊ុកឈ្មោះ Ah Na Paris Salon de Coiffure បានបង្ហោះវីដេអូសម្តែងរបស់សុវត្ថិឌី ធារិកា និងបានសរសេររៀបរាប់ថា ៖ « បទថ្មីរបស់នាងតូច បិណ្ឌភ្ជុំយំនឹកពុកម៉ែ ច្រៀងបណ្តើរយំបណ្តើរ អារម្មណ៍ដឹងត្រឹមតែមើលបណ្តើរ យំតាមប្អូនស្រីបណ្តើរ។ រឹងមាំមើលថែបងប្អូនបន្តទៅមុខទៀតនាងតូចSovathdy Thearyka សូមផ្ញើនាងតូចក្នុងបេះដូងអ្នកទាំងអស់គ្នាផង»៕ ផ្តល់សិទ្ធិដោយ៖ ខ្មែរណូត

(បាងកក)៖ កាលពីយប់ថ្ងៃទី០៩ ខែកញ្ញា ឆ្នាំ២០២២ ស្ថាប័ន Miss grand Thailand បានបង្ហាញឈុតតំណាងជាតិដែលបវកញ្ញារបស់ខ្លួននឹងគ្រងក្នុងពេលប្រកួតលើឆាកអន្តរជាតិ។ ដោយឈុតហនុមានប្រដាល់ថៃ Hanuman Thai boxing ត្រូវបានជ្រើសរើសជាឈុតសម្រាប់តំណាងជាតិ Miss grand Thailand 2022 យកទៅប្រកួតបវរកញ្ញា Miss Grand International ក្នុងឆ្នាំ២០២២ នេះ។ ឈុតហនុមានប្រដាល់ថៃ Hanuman Thai boxing បានច្នៃប្រឌិតប្រកបដោយ ភាពប្រណិតរួមបញ្ចូល ប្រពៃណី វប្បធម៌ សិល្បៈប្រដាល់ និងភាពទាន់សម័យ។ សូមរំលឹកថា កញ្ញា Engfa Waraha នឹងតំណាងប្រទេសថៃ ចូលរួមប្រកួតកញ្ញា Miss Grand International ក្នុងឆ្នាំ២០២២ នៅប្រទេសឥណ្ឌូនេស៊ី៕ ផ្តល់សិទ្ធិដោយ៖ ខ្មែរណូត ​

កាលពីម្សិលមិញនេះបវកញ្ញាចក្រវាលកម្ពុជាឆ្នាំ២០២២ ហង្ស ម៉ានីតា បានអញ្ជើញជាភ្ញៀវកិត្តិយសក្នុងកម្មវិធី Sashing Ceremony Mister International Philippines 2022 មានការទទួលស្វាគមន៍យ៉ាងកក់ក្តៅពីសំណាក់ប្រជាជនហ្វីលីពីននៅទីនោះ។ ហើយនៅរសៀលនេះបវរកញ្ញាចក្រវាលកម្ពុជាឆ្នាំ២០២២ បានចាកចេញពីទីក្រុងម៉ានីល ទៅកាន់ទីក្រុងសេប៊ូ ហើយបានជួបសម្តែងការគួរសមជាមួយអភិបាលក្រុងសេប៊ូ លោក Mike Rama។ បវកញ្ញាចក្រវាលកម្ពុជា ២០២២ ហង្ស ម៉ានីតានឹងបង្ហាញមុខក្នុងព្រឹត្តិការណ៍ Iconique Mall Colon នៅថ្ងៃនេះ។ សូមរំលឹកថា បវរកញ្ញាចក្រវាលកម្ពុជាឆ្នាំ២០២២ ហង្ស ម៉ានីតា បានចេញទៅហ្វឹកហាត់នៅប្រទេសហ្វីលីពីនដើម្បីត្រៀមខ្លួនប្រកួតកម្មវិធីថ្នាក់អន្តរជាតិគឺ Miss Universe នៅឆ្នាំក្រោយ៕ ផ្តល់សិទ្ធិដោយ៖ ខ្មែរណូត

ស្ថាប័ន Miss Grand Cambodia បានប្រកាសជាផ្លូវការថា ឈុតតំណាងខេត្តមណ្ឌលគិរី គោព្រៃ គឺជាឈុតតំណាងជាតិ Miss Grand Cambodia 2022 ឆ្នាំនេះ សម្រាប់ការចូលរួមប្រកួតប្រជែង Miss Grand International 2022 នៅប្រទេស Indonesia។ ក្រោយពីមានការប្រកាសនេះមក មានមហាជនជាច្រើនបានសម្តែងការមិនពេញចិត្តចំពោះឈុតតំណាងជាតិមួយនេះ ដោយមានការលើកឡើងថា ឈុតនេះពុំសូវមានភាពច្នៃប្រឌិត ប៉ុន្តែក៏មានមហាជនមួយចំនួនទៀតបានធ្វើការគាំទ្រ និងថាឈុតនេះត្រូវនឹងconcept របស់កម្មវិធី Miss Grand International។ តួយ៉ាងកញ្ញា ចៅ សុខុម លីម៉ី Miss Grand តំណាងឱ្យខេត្តមណ្ឌលគិរី ដែលបានដើរបង្ហាញឈុត គោព្រៃ និងឈ្នះជាឈុតល្អដាច់គេក្នុងកម្មវិធី Miss Grand Cambodia បានចេញវីដេអូឆ្លើយតប ទៅនឹងការរិះគន់ដូចខាងក្រោមនេះ៖ ផ្តល់សិទ្ធិដោយ៖ ខ្មែរណូត

នៅរសៀលថ្ងៃទី០៨ ខែកញ្ញានេះ ស្ថាប័ន Miss Grand Cambodia បានប្រកាសជាផ្លូវការថា ឈុតតំណាងខេត្តមណ្ឌលគិរី គោព្រៃ គឺជាឈុតតំណាងជាតិ Miss Grand Cambodia 2022 ឆ្នាំនេះ សម្រាប់ការចូលរួមប្រកួតប្រជែង Miss Grand International 2022 នៅប្រទេស Indonesia។ សូមរំលឹកថាកញ្ញា ពេជ្រ វត្តីសារ៉ាឌ្ឍី អាយុ២២ឆ្នាំ កម្ពស់ ១.៧៧ម៉ែត្រ សព្វថ្ងៃជាតារាសម្តែងនិងម៉ូដែល។ កញ្ញានឹងតំណាងកម្ពុជាចូលរួមប្រកួត Miss Grand International 2022 នៅកោះបាលី ប្រទេសឥណ្ឌូនេស៊ី នៅខែតុលា ខាងមុខនេះ៕ ផ្តល់សិទ្ធិដោយ៖ ខ្មែរណូត

ម៉ា រ៉ាស្ទីណា ក្មួយស្រីរបស់តារាសម្តែង ឆៃលី ដាឡែន ដែលជាបេក្ខភាព The Voice Kids Cambodia ឆ្នាំ២០១៧ ក្រោយពីបានប្រកួតកម្មវិធីមួយនេះចប់ កញ្ញាក៏បាត់មុខពីវិស័យសិល្បៈតែម្តង ពោលគឺមិនចូលប្រកួតក្នុងកម្មវិធីប្រឡងចម្រៀងនានាទៀតឡើយ។ ទោះជាយ៉ាងណាថ្មីៗនេះក៏មានការចែករំលែកជាថ្មីនូវវីដេអូដែល ម៉ា រ៉ាស្ទីណា បានច្រៀងបទ Saxophone បាត់ស្នេហ៍ ក្នុងការប្រកួត The Voice Kids Cambodia វគ្គ The Blind Audition ដោយរយៈពេលខ្លីសោះ មានអ្នកចូលមើលរហូតដល់ជាង១លានដង។ ហើយបើក្រឡេកមកមើលរូបសម្រស់វិញ ម៉ា រ៉ាស្ទីណា ក្នុងវ័យ២១ឆ្នាំនេះ គឺខុសប្លែកគ្នាកាលពី៥ឆ្នាំមុននៅពេលដែលប្អូនបានចូលប្រឡង The Voice Kids Cambodia 2017 ឥឡូវនេះប្រែរូបសម្រស់៣៦០ដឺក្រេ មើលសឹងមិនស្គាល់។ ថ្ងៃនេះ ម៉ា រ៉ាស្ទីណា បានផ្តល់បទសម្ភាសន៍ជាមួយនឹងក្រុមការងារខ្មែរណូត ថា សព្វថ្ងៃកញ្ញាមានវ័យ២១ឆ្នាំហើយ កំពុងសិក្សាឆ្នាំទី១ នៅសកលវិទ្យាល័យបៀលប្រាយ ផ្នែកច្បាប់។ ជាមួយនឹងមូលហេតុដែលធ្វើឱ្យ ម៉ា រ៉ាស្ទីណា […]

(ភ្នំពេញ)៖ កាលពីយប់ថ្ងៃទី០៧ ខែកញ្ញា ឆ្នាំ២០២២ បេក្ខភាព TOP4 នៃកម្មវិធី Cambodian Idol រដូវកាលទី៤ មាន លីម តិចម៉េង ដែលជាម្ចាស់ពាន, ថុល សុភិទិ, ស៊ឹម ច័ន្ទពន្លឺ​ និងនាង ដាវីន បានធ្វើកម្មវិធីជួបជុំអ្នកគាំទ្រ នៅមុខអគារវឌ្ឍនៈ ដោយមានការចូលរួមពីមហាជនយ៉ាងច្រើនកុះករ។ ក្រោយពីការច្រៀង អ្នកទាំង៤ ក៏ធ្វើការអង្គុយជជែកគ្នាជាមួយនឹងអ្នកគាំទ្រនៅលើឆាក ដែលញុាំងឱ្យបរិយាកាសកាន់តែរីករាយ។ តួយ៉ាងនៅយប់ថ្ងៃដដែលក៏មានការចែករំលែកពេញបណ្តាញសង្គមនូវខ្លីបវីដេអូមួយដែល ថុល សុភិទិ និង ស៊ឹម ច័ន្ទពន្លឺ និយាយលេងសើចដាក់គ្នាទៅមក ដោយថុល សុភិទិ បានលើកឡើងថាស៊ឹម ច័ន្ទពន្លឺ ស្រលាញ់ភេទដូចគ្នា ធ្វើឱ្យមហាជនសម្តែងការមិនពេញចិត្តជាខ្លាំង។ ដោយមានអ្នកលេងបណ្តាញសង្គមម្នាក់បានសរសេររៀបរាប់ថា៖ «Dude u’re so disrespect យ៉ាងណាក៏មិនគួរលើកយកមកនិយាយទាំងកណ្តាលឆាកបែបនេះដែរ គាត់ស្រលាញ់អី គាត់ចង់បានអីវាជារឿងរបស់គាត់ទេ ហើយរឿងបែបនេះយើងក៏ពុំគួរនិយាយជំនួសសាមីខ្លួនគេដែរ»៕​ ផ្តល់សិទ្ធិដោយ៖ ខ្មែរណូត

ណាក់ ស្រីណា តារាសម្តែង ដែលបងប្អូនភាគច្រើនស្គាល់ច្បាស់ថាមានរូបសម្រស់ស្រស់ស្អាត ចូលចិត្តតុបតែងខ្លួនបែបសាមញ្ញស្អាតតាមបែបធម្មជាតិ។ គេសង្កេតឃើញថាតារាស្រីរូបនេះហាក់មមាញឹកជាខ្លាំងជាមួយអាជីពសិល្បៈ ដោយនាងបានចេញថតសម្តែងជាច្រើនទាំងខ្សែភាពយន្តភាគទូរទស្សន៍ កាយវិការចម្រៀង និងឃោសនាផលិតផលផ្សេងៗ។ ថ្មីៗនេះ ណាក់ ស្រីណា ក៏បានបង្ហាញស្នាដៃសម្តែងថ្មីថែមទៀត នៅក្នុងរឿងភាគបុរាណរបស់ស្ថានីយទូរទស្សន៍ហង្សមាសដែលមានចំណងជើង «ខោល» ដែលនឹងចាក់បញ្ជាំងក្នុងពេលឆាប់នេះ។ ណាក់ ស្រីណា បានដើរតួឈ្មោះ កង ស្ថិតនៅក្នុងឈុតបុរាណធ្វើឱ្យទស្សនិកជនកោតសរសើរ រូបសម្រស់ស្រស់សោភាព ជាពិសេសការសម្តែងបានយ៉ាងល្អទាំង ទឹកមុខ ខ្សែភ្នែក អារម្មណ៍ គឺស័ក្ដិសមឥតខ្ចោះ៕ ផ្តល់សិទ្ធិដោយ៖ ខ្មែរណូត

(ភ្នំពេញ)៖ បន្ទាប់ពីជោគជ័យការប្រគំតន្រ្ដី SKULL TOUR នៅតាមបណ្តាខេត្តក្នុងប្រទេសកម្ពុជា ពេលនេះ តារាចម្រៀងប្រចាំផលិតកម្ម Baramey គឺ លោក វណ្ណដា កញ្ញា កៅ សុភា និងលោក វណ្ណថាន ក៏នឹងត្រូវតំណាងកម្ពុជា ចូលរួមសម្តែងក្នុងមហោស្រពតន្ត្រីអាស៊ាន (ASEAN Music Showcase Festival) ដែលនឹងធ្វើឡើងនៅក្នុងប្រទេសសឹង្ហបុរី។ យោងតាមការបង្ហោះពីហ្វេសប៊ុកផ្លូវការរបស់ផលិតកម្ម baramey បានបង្ហោះរូបភាព លោក វណ្ណដា កញ្ញា កៅ សុភា និងលោក វណ្ណថាន ដោយបានភ្ជាប់ជាមួយនឹងសំណេរថា ៖ «សិង្ហបុរី ជួបគ្នាឆាប់ៗនេះណា! នេះគឺជាកិតិ្ដយសរបស់ពួកយើងដែលអាចធ្វើការតំណាងឱ្យប្រទេសកម្ពុជាលើកដំបូងនៅលើឆាកអន្ដរជាតិនៅឯប្រទេសសិង្ហបុរីដោយផ្ទាល់»។ សូមបញ្ចាក់ថា កម្មវិធី ASEAN Music Showcase Festival នឹងធ្វើឡើងរយៈពេល២ថ្ងៃ នៅថ្ងៃទី១០ និង១១ ខែកញ្ញា ឆ្នាំ២០២២ នៅប្រទេសសិង្ហបុរី មានការចូលរួមពីសិល្បករ សិល្បការិនីជាង៤០រូប មកពី១១ប្រទេស៕ ផ្តល់សិទ្ធិដោយ៖ ខ្មែរណូត​