(CNN)៖ សារព័ត៌មានអាមេរិក CNN នៅព្រឹកថ្ងៃចន្ទ ទី៨ ខែធ្នូនេះបានដាក់ចំណងជើងធំៗថាថៃបានបើកការវាយប្រហារតាមផ្លូវអាកាសលើកម្ពុជា ខណៈភាពតានតឹងនៅតាមបណ្ដោយព្រំដែនរវាងប្រទេសទាំង២ ផ្ទុះឡើងសាជាថ្មីដែលនេះបាន និងកំពុងបង្កហានិភ័យនៃការដួលរលំកិច្ចព្រមព្រៀងសន្តិភាពដែលលោកប្រធានាធិបតីអាមេរិក ដូណាល់ ត្រាំ ជាអ្នកសម្របសម្រួលឡើងកាលជាង២ខែមុន។ ក្រសួងការពារជាតិកម្ពុជា នៅព្រឹកថ្ងៃចន្ទនេះដែរ បានឱ្យដឹងថាចាប់ពីវេលាម៉ោងប្រមាណ ០៥:០៤នាទី យោធាថៃបានបើកការបាញ់ប្រហារមកលើកងកម្លាំងកម្ពុជា នៅក្នុងតំបន់អានសេះ ខេត្តព្រះវិហារ បន្ទាប់មកបាញ់នៅប្រាសាទតាមាន់ធំ ដោយប្រើប្រាស់រថក្រោះបាញ់ចូលជាច្រើន និងនៅតំបន់ប្រាសាទព្រះវិហារ នៅ៥មករា និងនៅចំការចេក និងការបើកការវាយប្រហារនេះ ធ្វើឡើងបន្ទាប់ពីយោធាថៃ បានធ្វើសកម្មភាពបង្កហេតុជាច្រើនរាប់មិនអស់ច្រើនថ្ងៃមកហើយ ជាពិសេសឧបទវហេតុកាលពីម្សិលមិញនៅព្រលានថ្ម ក្នុងចេតនាញុះញង់ដើម្បីនាំដល់ការប៉ះទង្គិចគ្នា។ ដោយឈរលើស្មារតីនៃការគោរពរាល់កិច្ចព្រមព្រៀងដែលបានឯកភាពគ្នា និងការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ នៅក្នុងឧប្បត្តិហេតុលើកទីពីរនោះ កងកម្លាំងកម្ពុជាក៏មិនបានធ្វើការបាញ់តបតឡើយ និងកំពុងបន្តតាមដានលើការវិវត្តនេះយ៉ាងប្រុងប្រយ័ត្ន និងយកចិត្តទុកដាក់ខ្ពស់បំផុត៕ ផ្ដល់សិទ្ធិដោយ៖ Fresh News

(ភ្នំពេញ)៖ ក្រសួងអប់រំ យុវជន និងកីឡា បានបញ្ជាក់ឱ្យដឹងនៅព្រឹកថ្ងៃទី០៨ ខែធ្នូ ឆ្នាំ២០២៥នេះថា សាលារៀននៅស្រុកបន្ទាយអំពិលទាំងអស់ និងសាលាមួយចំនួននៅខេត្តឧត្ដរមានជ័យ នៅតាមបន្ទាត់ព្រំដែន ត្រូវបិទទ្វារដោយសារការវាយប្រហារពីភាគីថៃ។ ក្រសួងការពារជាតិ បានបញ្ជាក់ឱ្យដឹងថា នៅព្រឹកថ្ងៃទី៨ ខែធ្នូ ឆ្នាំ២០២៥ ចាប់ពីវេលាម៉ោងប្រមាណ ០៥:០៤នាទី យោធាថៃបានបើកការបាញ់ប្រហារមកលើកងកម្លាំងកម្ពុជា នៅក្នុងតំបន់អានសេះ ខេត្តព្រះវិហារ បន្ទាប់មកបាញ់នៅប្រាសាទតាមាន់ធំ ដោយប្រើប្រាស់រថក្រោះបាញ់ចូលជាច្រើន និងនៅតំបន់ប្រាសាទព្រះវិហារ នៅ៥មករា និងនៅចំការចេក និងការបើកការវាយប្រហារនេះ ធ្វើឡើងបន្ទាប់ពីយោធាថៃបានធ្វើសកម្មភាពបង្កហេតុជាច្រើន រាប់មិនអស់ច្រើនថ្ងៃមកហើយ ជាពិសេសឧបទវហេតុកាលពីម្សិលមិញនៅព្រលានថ្ម ក្នុងចេតនាញុះញង់ដើម្បីនាំដល់ការប៉ះទង្គិចគ្នា។ ដោយឈរលើស្មារតីនៃការគោរពរាល់កិច្ចព្រមព្រៀង ដែលបានឯកភាពគ្នា និងការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ នៅក្នុងឧប្បត្តិហេតុលើកទីពីរនោះ កងកម្លាំងកម្ពុជាក៏មិនបានធ្វើការបាញ់តបតឡើយ និងកំពុងបន្តតាមដានលើការវិវត្តនេះយ៉ាងប្រុងប្រយ័ត្ន និងយកចិត្តទុកដាក់ខ្ពស់បំផុត៕ ផ្ដល់សិទ្ធិដោយ៖ Fresh News

(សៀមរាប)៖ លោក ហួត ហាក់ រដ្ឋមន្ត្រីក្រសួងទេសចរណ៍ អញ្ជើញជាអធិបតីក្នុងព្រឹត្តិការណ៍ «មហោស្រពតន្ត្រីទេសចរណ៍អន្តរជាតិ កម្ពុជា-ចិន» អមដោយការបង្ហាញវប្បធម៌តន្ត្រីចម្រុះ កម្ពុជា-ចិន ដើម្បីចូលរួមអបអរសាទរ «ឆ្នាំទេសចរណ៍ កម្ពុជា-ចិន ២០២៥» និងដើម្បីអបអរសាទរខួបលើកទី៦៧ឆ្នាំ នៃការបង្កើតចំណងការទូតរវាងប្រទេសកម្ពុជា-ចិន និងបានប្រព្រឹត្តទៅក្នុងបរិការណ៍ដែលទំនាក់ទំនងកម្ពុជា-ចិន កំពុងត្រូវបានពង្រឹងពង្រីកពូនជ្រំ និងធ្វើឱ្យស៊ីជម្រៅថែមទៀតនូវ ភាពជាដៃគូយុទ្ធសាស្រ្តគ្រប់ជ្រុងជ្រោយ និងកិច្ចសហប្រតិបត្តិការឈ្នះ-ឈ្នះរវាងប្រទេសទាំងពីរ។ ក្នុងព្រឹត្តិការណ៍ដ៏អស្ចារ្យនេះ មានការអញ្ជើញចូលរួមពីលោក លូ ឈីជឺ (LU Qizhi) ប្រធានការិយាល័យខេត្តសៀមរាប នៃស្ថានទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា, លោក ឌី រ៉ាដូ អភិបាលរង តំណាងលោក ប្រាក់ សុភ័ណ អភិបាលនៃគណៈអភិបាលខេត្តសៀមរាប, លោក សរ សុពុត្រា អភិបាលនៃគណៈអភិបាលខេត្តស្ទឹងត្រែង, លោក លោកស្រី សិល្បករ សិល្បការិនីកម្ពុជា-ចិនភ្ញៀវកិត្តិយសជាតិ និងអន្តរជាតិសរុបប្រមាណ ១,៥០០នាក់ នៅថ្ងៃទី៦ ខែវិច្ឆិកា ឆ្នាំ២០២៥ នាខេត្តសៀមរាប។ ថ្លែងក្នុងឱកាសនេះ លោករដ្ឋមន្ត្រី បានលើកឡើងថា រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំដ៏ប៉ិនប្រសប់ និងឈ្លាសវៃ ប្រកបដោយចក្ខុវិស័យវែងឆ្ងាយ […]

(ភ្នំពេញ)៖ ក្រសួងការងារ និងបណ្ដុះបណ្ដាលវិជ្ជាជីវៈ បានចូលរួមពិព័រណ៍ពាណិជ្ជកម្មកម្ពុជាលើកទី១៨ ឆ្នាំ២០២៥ ដោយបានរៀបចំស្ដង់បង្ហាញអំពីសមិទ្ធផល និងសេវាសាធារណៈរបស់ក្រសួងផង ក៏ដូចជានាំយកនូវព័ត៌មានអំពីឱកាសការងារ ព័ត៌មានអំពីអត្ថប្រយោជន៍ ប.ស.ស. និងព័ត៌មានអំពីការរៀនជំនាញបច្ចេកទេស និងវិជ្ជាជីវៈ ផងដែរ។ ពិព័រណ៍នេះ រៀបចំដោយក្រសួងពាណិជ្ជកម្ម នៅសាលសន្និបាត ភីអេច ហ្គ្រេនហល បុរីប៉េងហួត បឹងស្នោ រាជធានីភ្នំពេញ ចាប់ពីថ្ងៃទី៤ ដល់ថ្ងៃទី៧ ខែធ្នូ ឆ្នាំ២០២៥ ដោយប្រជាពលរដ្ឋអាចចូលរួមព្រឹត្តិការណ៍នេះដោយសេរី។ លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ មានប្រសាសន៍នៅថ្ងៃទី៦ ខែធ្នូនេះថា ការចូលរួមក្នុងពិព័រណ៍នេះ គឺជាកឱកាសល្អមួយ ដែលអាចឱ្យក្រសួងការងារ និងបណ្ដុះបណ្ដាលវិជ្ជាជីវៈ បង្ហាញអំពីសេវាសាធារណៈរបស់ខ្លួនឱ្យប្រជាពលរដ្ឋ និងសាធារណជនបានដឹងបន្ថែមទៀត។ ម្យ៉ាងទៀត ក៏អាចឱ្យក្រសួងបង្ហាញអំពីសមិទ្ធផល ដែលសម្រេចបានក្នុងរយៈពេលជាង ២ឆ្នាំ នៃរាជរដ្ឋាភិបាល អាណត្តិទី ៧ ថែមទៀតដែរ។ លើសពីនេះទៀត លោក ស៊ុន មេសា ក៏បានចាត់ទុកការចូលរួមរបស់ក្រសួងការងារ និងបណ្ដុះបណ្ដាលវិជ្ជាជីវៈ ក្នុងពិព័រណ៍ពាណិជ្ជកម្មកម្ពុជានេះ ក៏ជាឱកាសដ៏មួយដែរសម្រាប់ប្រជាពលរដ្ឋ ដោយពួកគាត់អាចសាកសួរពីព័ត៌មានឱកាសការងារ […]

(ភ្នំពេញ)៖ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានថ្លែងបញ្ជាក់ថា ក្រសួងបានកំណត់រយៈពេល ៦ខែទៀត លុបបំបាត់ឱ្យអស់អ្នកប្រើលេខទូរស័ព្ទមិនមែនឈ្មោះខ្លួនឯង ជាក់ស្តែងនៅក្នុងខែមិថុនា ឆ្នាំ២០២៦ អ្នកដែលប្រើស៊ីមកាតឈ្មោះគេ គឺលុបចោល លែងឱ្យមានលេខដែលកំពុងប្រើនោះ ដើម្បីប្រើទៀតហើយ។ លោក ជា វ៉ាន់ដេត បានថ្លែងដូចនេះនាថ្ងៃទី០៥ ខែធ្នូ ឆ្នាំ២០២៥ នាឱកាសអញ្ជើញបើក វេទិកាអភិបាលកិច្ចអ៊ីនធឺណិតកម្ពុជា ឆ្នាំ២០២៥ ក្រោមប្រធានបទ៖ ការកសាងសង្គមឌីជីថលកម្ពុជា ប្រកបដោយបរិយាបន្ន» ដែលជាព្រឹត្តិការណ៍អមក្នុងវេទិការដ្ឋាភិបាលឌីជីថល ពិព័រណ៍បច្ចេកវិទ្យាឌីជីថល និងព្រឹត្តិការជាតិ-អន្តរជាតិពាក់ព័ន្ធ។ លោក ជា វ៉ាន់ដេត បានថ្លែងដូចនេះថា «ស៊ីមកាតយើងមានអ្នកខ្លះប្រើតែឈ្មោះរបស់គេនោះទេ ពេលខ្លះលេខយើងប្រើ តែឈ្មោះអ្នកផ្សេង អីចឹងក្រសួងប្រៃសណីយ៍ និងទូរគមនាគមន៍ កំពុងតែធ្វើ ហើយប្រហែលជា ៦ខែទៀតអាចលុបបំបាត់ចោលហើយ អ្នកដែលប្រើប្រាស់ស៊ីមកាត មិនមែនឈ្មោះខ្លួនឯង ទៅប្រើប្រាស់ឈ្មោះគេ»។ លោក ជា វ៉ាន់ដេត បានបន្ថែមថា កាលពីមុនមកប្រតិបត្តិករ ដើម្បីទាក់ទាញប្រជាពលរដ្ឋឱ្យប្រើប្រាស់ច្រើន គឺបានដើរចែកឱ្យតែម្តង ដោយមិនតម្រូវឱ្យប្រើប្រាស់អត្តសញ្ញាណ របស់អ្នកប្រើប្រាស់នោះទេ ដែលពេលខ្លះប្រើប្រាស់អត្តសញ្ញាបណ្ណរបស់អ្នកលក់ម្នាក់ ហើយមានទិញ […]

(ភ្នំពេញ)៖ ក្រសួងបរិស្ថាន បានសម្រេចបិទអាជិវកម្មក្រុមហ៊ុន CAMBODIAN XUAN YI MINERALS CO., LTD. ដែលបង្កឲ្យមានការបំពុលបរិស្ថាននៅតំបន់អូរឬស្សីក្នុងស្រុកទឹកផុស ខេត្តកំពង់ឆ្នាំង។ ការសម្រេចបិទអាជីវកម្ម ក្រុមហ៊ុនខាងលើនេះបន្ទាប់ពីក្រសួងបរិស្ថានបានរកឃើញក្រុមហ៊ុន បានប្រព្រឹត្តល្មើសច្បាប់បរិស្ថាន ដោយបានបញ្ចេញសំណល់រាវមិនត្រឹមត្រូវប៉ះពាល់ទឹកនៅក្នុងប្រព័ន្ធទឹកអូឬស្សី ក្នុងភូមិសាស្ត្រឃុំខ្លុងពពក ឃុំជាប ឃុំអភិវឌ្ឍ និងឃុំតាំងក្រសាំង ស្រុកទឹកផុស ខេត្តកំពង់ឆ្នាំង។ ក្រុមហ៊ុន ត្រូវបានរកឃើញការគ្រប់គ្រងសំណល់រាវពុំបានត្រឹមត្រូវ ដោយអាងស្តុសំណល់រាវជាស្រះស្តុកធម្មតាមិនមានបំពាក់ប្រព័ន្ធសំអាតត្រឹមត្រូវទេ ដោយគ្រប់សំណល់រាវចេញពីទីតាំងកិន និងរែងរ៉ែបានបង្ហូរលាយឡំជាមួយប្រព័ន្ធលូទឹកភ្លៀង។ លើសពីនេះ ក្រុមហ៊ុនមិនមានកន្លែងទុកដាក់គសំណល់រឹង និងសារធាតុគ្រោះថ្នាក់ ត្រឹមត្រូវនៅឡើយទេ។ លើសពីនេះក្រុមហ៊ុនពុំបានអនុវត្តធ្វើរបាយការណ៍បាយតម្លៃហេតុប៉ះពាល់បរិស្ថាន ស្របតាមក្រមបរិស្ថាននិងធនធានធម្មជាតិ និងបទដ្ឋានគតិយុត្តជាធរមាន។ សូមបញ្ជាក់ថា យោងតាមលទ្ធផលសំណាកទឹកទាំង៦ទីតាំងខាងលើ គឺមានស្ថានភាពគុណភាពទឹកមិនអនុលោម តាមស្តង់ដារទឹកសាធារណៈ ជាពិសេសប៉ារ៉ាមែត្រ Cyanide នៅចំនួន៥ទីតាំង មានកំហាប់ប្រែប្រួល ទាប់ ខ្ពស់។ សារធាតុ Cyanide នេះត្រូវបានគេប្រើប្រាស់ជាទូទៅនៅក្នុងវិស័យឧស្សាហកម្ម សម្រាប់ចម្រាញ់រ៉ែមាស។ ចំពោះប៉ារ៉ាមែត្រ CODCr ជាប៉ារ៉ាមែត្របញ្ជាក់ពីសាធាតុគីមីចេញពីរោងចក្រ ដែលជាធម្មតាមិនអាចរកឃើញនៅក្នុងទឹកធម្មជាតិ គឺត្រូវបានរកឃើញគ្រប់ទីតាំងយកសំណាកទាំងអស់ ទោះបីជាស្ថិតក្នុងកម្រិតទាបក៏ដោយ។ ក្រសួងបរិស្ថាន បានចាត់វិធានការបន្ទាន់ដោយស្នើដល់ប្រជាពលរដ្ឋដែលពាក់ព័ន្ធនៅក្នុងតំបន់ប្រើប្រាស់ទឹកអូរឬស្សី ក្នុងស្រុកទឹកផុស […]

(ភ្នំពេញ)៖ នៅព្រឹកថ្ងៃអាទិត្យ ទី៧ ខែធ្នូ ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អនុញ្ញាត ឱ្យនាយឧត្តមសេនីយ៍ Tan Sri Hj Mohd Nizam bin Hj Jaffar អគ្គមេបញ្ជាការកងទ័ពម៉ាឡេស៊ី ជួបសម្តែងការគួរសម និងពិភាក្សាការងារ នៅវិមានសន្តិភាព៕ ផ្ដល់សិទ្ធិដោយ៖ Freshnews

(ភ្នំពេញ)៖ លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានបង្ហាញមោទនភាព ចំពោះសមិទ្ធផលដ៏អស្ចារ្យ នៃទិវារត់ប្រណាំងពាក់កណ្ដាលម៉ារ៉ាតុងអន្តរជាតិ នៅអង្គរវត្ត ដែលមានភាពរីកចម្រើនគួរឲ្យកត់សម្គាល់ និងល្បីល្បាញ រហូតក្លាយជាពិធីបុណ្យដ៏ធំមួយ ពិសេសកំណើនអ្នកចូលរួមដ៏ច្រើន ដ្បិតពីមុនមានអ្នករត់មិនលើស ៥០០នាក់ តែនៅថ្ងៃអាទិត្យចុងសប្ដាហ៍នេះ មានអត្តពលិកជាតិ-អន្ដរជាតិជាង ១៦,០០០នាក់ចូលរួម។ ការគូសបញ្ជាក់នេះ បន្ទាប់ពីលោកឧបនាយករដ្ឋមន្ដ្រី បានអញ្ជើញជាអធិបតីភាព ក្នុងកម្មវិធីលៀងសាយភោជន៍ ក្នុងនាមតំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅល្ងាចថ្ងៃសៅរ៍នេះ នៅប្រាសាទក្រវ៉ាន់ ដើម្បីអបអរសាទរខួបលើកទី៣០ នៃទិវារត់ប្រណាំងពាក់កណ្ដាលម៉ារ៉ាតុងអន្តរជាតិអង្គរ ឆ្នាំ២០២៥ ដែលនឹងប្រព្រឹត្តទៅ នាព្រឹកថ្ងៃទី៧ ខែធ្នូស្អែក នៅតំបន់អង្គរខេត្តសៀមរាប។ កម្មវិធីដ៏មានអត្ថន័យនេះ ក៏មានការចូលរួមពីថ្នាក់ដឹកនាំ មន្ដ្រីទូត និងតំណាងដៃគូសហការរៀបចំជាច្រើនផងដែរ។ លោកឧបនាយករដ្ឋមន្ដ្រី ស៊ុន ចាន់ថុល មានប្រសាសន៍ថា «រយៈពេល ៣០ឆ្នាំកន្លងមក ចាប់ពីឆ្នាំ១៩៩៦ សមិទ្ធផលដ៏អស្ចារ្យ និងល្បីល្បាញនេះ ពិតជាបានកើតឡើងចេញពីការខិតខំប្រឹងប្រែង ក្នុងការធ្វើឲ្យព្រឹត្តិការណ៍កីឡាមហាជន និងកីឡាទេសចរណ៍មួយនេះ ក្លាយជាពិធីបុណ្យដ៏ធំប្រចាំឆ្នាំ ដែលមានទេសចរណ៍ជាតិ […]

(ភ្នំពេញ)៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅថ្ងៃទី៧ ខែធ្នូ ឆ្នាំ២០២៥នេះ បានបង្ហោះសារ សូមអបអរសាទរ ទិវាជាតិអ្នកនិពន្ធ លើកទី២ ឆ្នាំ២០២៥ ក្រោមប្រធានបទ «អ្នកនិពន្ធគឺជាទូតសុឆន្ទៈ ក្នុងការអភិរក្សនិងអភិវឌ្ឍវប្បធម៌ដើម្បីសន្តិភាព» ជាមួយអ្នកនិពន្ធ កវីនិពន្ធ និងជនរួមជាតិទាំងអស់ ក្នុងទិសដៅ បន្តពង្រឹងគុណតម្លៃរបស់អ្នកនិពន្ធដែលត្រូវបានចាត់ទុកថាជាវិស្វករព្រលឹងនិងជាអ្នកបង្កើតប្រតិដ្ឋញាណ ជាអ្នកថែរក្សា និងពន្យល់ប្រវត្តិសាស្ត្រ ការពារអត្តសញ្ញាណជាតិ ចែកចាយចំណេះដឹង បំផុសគំនិត និងលើកទឹកចិត្ត មនុស្សជាតិ ក្នុងការស្រាវជ្រាវតាក់តែងនិងផ្សព្វផ្សាយ។ ការប្រារព្ធ ទិវាជាតិអ្នកនិពន្ធ ជារៀងរាល់ឆ្នាំក៏សំដៅដល់ការជំរុញវប្បធម៌តែងនិពន្ធនៅកម្ពុជា លើកកម្ពស់សមត្ថភាពអ្នកនិពន្ធ ដើម្បីប្រមូលផ្តុំ រួបរួមកម្លាំងសាមគ្គីភាពរវាងអ្នកនិពន្ធគ្រប់និន្នាការ ដោយសុច្ឆន្ទៈមនសិការនៃវប្បធម៌សន្តិភាព ក្នុងគោលដៅ អភិវឌ្ឍប្រកបដោយចីរភាពដែលធានាគុណភាពតែងនិពន្ធប្រកបដោយសច្ចធម៌ បរិយាបន្ន និងលើកកម្ពស់គុណតម្លៃ នៃស្មារតីប៉ាកកាសន្តិភាពពេញមួយជីវិតដើម្បីទាំងអស់គ្នា៕ ផ្ដល់សិទ្ធិដោយ៖ Freshnews

(កំពង់ឆ្នាំង)៖ នៅ​ថ្ងៃ​ទី​៥ ខែធ្នូ​ ឆ្នាំ២០២៥ សិប្បកម្ម​កែ​ច្នៃ​លៀស​មួយ​កន្លែង មា​នទី​តាំងនៅ​ភូមិ​ព្រៃ​លាក់​នាង ឃុំ​ជ្រៃ​បាក់ ស្រុក​រលាប្អៀរ ត្រូវ​បាន​សមត្ថកិច្ច​ចម្រុះ​ចុះ​បិទ​ផ្អាក​មិន​ឲ្យ​ដំណើរការ ដោយសារ​តែ​គ្មាន​ច្បាប់​អនុញ្ញាត​ពី​មន្ត្រី​ជំនាញរបស់ក្រសួងកសិកម្ម រុក្ខាប្រមាញ់ និងនេសាទ។ កិច្ច​ប្រតិបត្តិការ​បង្ក្រាប​នេះ​ដឹកនាំ​ដោយ​លោកស្រី ស្រ៊ី​ម ស៊ា​ង​ភា​ជ ព្រះរាជអាជ្ញា​រងអម​សាលាដំបូង​ខេត្តកំពង់ឆ្នាំង ដោយ​មានការ​ចូលរួម​ពី​អធិ​ការដ្ឋាន​ខាងត្បូង​បឹង​ទន្លេសាប ខណ្ឌ​រដ្ឋបាល​ជលផល​កំពង់ឆ្នាំង​ នគរបាល​ប្រឆាំង​បទល្មើស​សេដ្ឋកិច្ច​នៃ​ស្នងការដ្ឋាន​នគរបាល​ខេត្ត ​ព្រមទាំង​កម្លាំង​អធិការដ្ឋាន​នគរបាល​ស្រុក​រលា​​ប្អៀ​រសរុប​ចំនួន​១៩​នាក់។ តាម​ការ​បញ្ជាក់​ពី​មន្ត្រី​ខណ្ឌ​រដ្ឋបាល​ជលផល​ខេត្តកំពង់​ឆ្នាំង ទីតាំង​សហគ្រាស​ខាងលើមានឈ្មោះ «ជេ​វ៉ាង អេ​ហ្គ្រី​ខ​ល​ឆី​រ័ល អេ​ន​សាយ​ឡាយ ប្រដាក់ ប្រូសេ​ស៊ី​ង ឯ​.​ក» បាន​បើក​ការ​កែ​ច្នៃ​លៀស​ដោយ​ខុសច្បាប់ ​ដែល​មាន​អ្នកគ្រប់គ្រង​ជនជាតិ​ចិន​ឈ្មោះ Wang Liangcao។​ បន្ទាប់​ពី​ត្រួតពិនិត្យ​ជាក់ស្ដែង​ មន្រ្តីបានឃើញ​​លិខិត​បទដ្ឋាន​ពាក់ព័ន្ធ ក្នុង​ការ​បង្កើត​ទីតាំង​កែ​ច្នៃ​នេះ​ឃើញ​ថា​ សហគ្រាស​ខាងលើ​ទទួល​បានការ​អនុញ្ញាត​ពី​ក្រសួង​ឧស្សាហកម្ម វិទ្យាសាស្ត្រ​ បច្ចេក​ទេស និង​នវានុវត្តន៍ និង​មាន​ឯកសារ​ពាក់ព័ន្ធ​មួយ​ចំនួន​ទៀតរបស់​ក្រសួងពាណិជ្ជកម្ម​ អគ្គនាយកដ្ឋាន​ពន្ធដារ ​ប៉ុន្តែ​មិន​មាន​លិខិតអនុញ្ញាត​ពី​ក្រសួងកសិកម្ម រុក្ខា​ប្រមាញ់ និង​នេសាទ​ឡើយ​។ ដោយសារតែសំណុំ​ឯកសារ​ដែល​មិន​ទាន់​មាន​លក្ខណៈ​គ្រប់គ្រាន់​សម្រាប់​ដំណើរការ​ការ​កែ​ច្នៃ ផល​ផលិតផល ជលផលនៅឡើយ​ ទើបក្រុមមន្រ្តីសម្រេច​បិទ​បញ្ឈប់​សកម្មភាព​របស់​សហ​គ្រាស​នេះ​​មិន​ឲ្យ​ដំណើរការ​បន្ត​ទៀត​ឡើយ​ និង​បាន​ណែនាំ​ឲ្យ​ម្ចាស់​សហគ្រាស​ធ្វើ​លិខិត​សុំ​អនុ​ញ្ញាត​ពី​ក្រសួងកសិកម្ម ​រុក្ខា​ប្រមាញ់​ និង​នេសាទ ​ដើម្បី​ទទួល​បាន​សិទ្ធិ​ស្របច្បាប់៕ ផ្ដល់សិទ្ធិដោយ៖ Fresh News