(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅថ្ងៃទី០៩ ខែឧសភា ឆ្នាំ២០២៥នេះ បានថ្លែងកោតសរសើរ ដល់ព្រះសង្ឃដែលបានជ្រើសយកបណ្តាញសង្គម ទេសនាអប់រំចិត្ត ដើម្បីទេសនាជូនដល់បងប្អូនប្រជាពលរដ្ឋបានស្ដាប់។ ទន្ទឹមគ្នានេះ សម្តេចបវរធិបតី ហ៊ុន ម៉ាណែត បានឲ្យដឹងទៀតថា សូម្បីភរិយាសម្តេច លោកជំទាវ​បណ្ឌិត ពេជ ចន្ទមុន្នី ហ៊ុនម៉ាណែត ក៏ចូលចិត្តស្តាប់ទេសនាដែរ។ ការថ្លែងបែបនេះ ធ្វើឡើងក្នុងឱកាសដែល សម្តេចបវរធិបតី ហ៊ុន ម៉ាណែត អញ្ជើញសម្ពោធដាក់ឱ្យប្រើប្រាស់អគារអន្តេវាសិកដ្ឋាន «តេជោសន្តិភាព» និងសមិទ្ធផលនានា​ក្នុងវត្តស្វាយពពែ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ នាព្រឹកថ្ងៃទី០៩ ខែឧសភា ឆ្នាំ២០២៥។ សម្តេចបវរធិបតី ហ៊ុន ម៉ាណែត បានបញ្ជាក់យ៉ាងដូច្នេះថា «យើងឃើញតាមប្រព័ន្ធប​ណ្ដាញសង្គម មានភាពទំនើបកម្ម ក្នុងការចែករំលែក នៅក្នុងបទពិសោធន៍ ចែករំលែករឿងល្អៗ ចែករំលែកការអប់រំ […] ព្រះតេជគុណ ព្រះសង្ឃគ្រប់ព្រះអង្គ ក៏ដូចជាការអប់រំជាច្រើន បានដាក់ចេញនូវធម៌ទេសនា»។ សម្តេចមហាបវរធិបតី ហ៊ុន ម៉ាណែត បានថ្លែងថា ការអប់រំមនុស្សទាមទារ ឱ្យមានការអប់រំទាំងផ្នែកពុទ្ធចក្រ និងអាណាចក្រ។ […]

(ទីម័រឡេស្តេ)៖ នៅព្រឹកថ្ងៃទី០៩ ខែឧសភា ឆ្នាំ២០២៥នេះ លោក José Ramos-Horta ប្រធានាធិបតី នៃសាធារណរដ្ឋប្រជាធិបតេយ្យទីម័រឡេស្តេ បានអញ្ជើញបំពាក់គ្រឿងឥស្សរិយយស Grand Collar of the Order of Timor-Leste ដែលជាឥស្សរិយយស កម្រិតខ្ពស់បំផុត និងជាការផ្តល់កិត្តិយសដ៏ធំធេងពីភាគីទីម័រឡេស្តេ ជូន សម្តេចតេជោ ហ៊ុន សែន ប្រធានព្រឹទ្ធសភាកម្ពុជា ដែលធ្វើឡើងនៅវិមានប្រធានាធិបតី។ ការបំពាក់គ្រឿងឥស្សរិយយសជូន សម្ដេចតេជោ ប្រធានព្រឹទ្ធសភា ពីសំណាក់ ប្រធានាធិបតី ក៏ដូចជារដ្ឋាភិបាលទីម័រឡេស្តេនាពេលនេះ គឺដើម្បីបង្ហាញនូវកិច្ចតបស្នងទៅនឹងគុណបំណាច់ និងវិភាគទាន ដ៏ធំធេងរបស់ សម្តេចតេជោ ក្នុងការជួយគាំទ្រដល់ទីម័រឡេស្តេជាង២ទសវត្សរ៍កន្លងមក ជាពិសេស ចំពោះការជម្រុញទីម័រឡេស្ដេ ចូលជាសមាជិកពេញសិទ្ធិរបស់អាស៊ាន៕ ផ្ដល់សិទ្ធិដោយ៖ Fresh News

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី៩ ខែឧសភា ឆ្នាំ២០២៥ បានថ្លែងថា អ្នកលេងបណ្ដាញសង្គមខ្លះសុខចិត្តធ្វើអ្វីៗគ្រប់យ៉ាង ទោះបីបំពានសិទ្ធិអ្នកដទៃ ប្រាសចាកពីសីលធម៌ វប្បធម៌ បាត់បង់តម្លៃជាស្ដ្រីខ្មែរ ព្រោះតែចង់បានចំនួនអ្នកមើលច្រើន។ ការថ្លែងបែបនេះរបស់សម្ដេច បានធ្វើឡើងនាឱកាសដែលសម្ដេច អញ្ជើញជាអធិបតីភាពដ៏ខ្ពង់ខ្ពស់សម្ពោធដាក់ឱ្យប្រើប្រាស់អគារអន្តេវាសិកដ្ឋាន «តេជោសន្តិភាព» និងសមិទ្ធផលនានា​ក្នុងវត្តស្វាយពពែ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ចំពោះមុខអង្គពិធីនេះ សម្ដេចនាយករដ្ឋមន្ត្រី បានបង្ហាញពីភាពអនាធិបតេយ្យនៅបណ្ដាញសង្គម ដោយមនុស្សមួយចំនួនហាក់ធ្វើសកម្មភាពនានាប្រាសចាកសីលធម៌ ប្រពៃណីទំនៀមទម្លាប់ខ្មែរ បំពានសិទ្ធិអ្នកដទៃ ដើម្បីតែចំនួនអ្នកចូលទស្សនាលើវីដេអូរបស់ខ្លួន គោលបំណងស្វែងរកចំណូល ខណៈដែលហ៊ានសូម្បីតែធ្វើទង្វើអសីលធម៌។ ត្រង់នេះ សម្ដេចបវរធិបតី បានគូសបញ្ជាក់យ៉ាងដូច្នេះថា៖ «បើយើងលែងគិតពីរឿងអសីលធម៌ គុណធម៌អីហើយ ហើយគិតតែពីជ្រុងមួយហ្នឹងប្រហែលជាតិចទៀតរប៉ាតរប៉ាយហើយ។ រាប់ពាន់ឆ្នាំមុន ក៏មានប្រជាពលរដ្ឋខ្លះធ្វើសកម្មភាពរកស៊ីដូចឥឡូវ តែគេមានក្រមមួយដែលគ្រប់គ្រងដោយការអប់រំ និងសីលធម៌ គុណធម៌..តែបច្ចុប្បន្នអ្នកប្រើប្រាស់ហ្វេកប៊ុកឥឡូវប្រើជេរគ្នា បញ្ជោរគ្នា ហែកគ្នា ធ្វើអាក្រក់ កាត់តអីផ្សេងៗ…»។ បន្ថែមពីនេះ សម្ដេចនាយករដ្ឋមន្ត្រី បានលើកឡើងពីបញ្ហាផ្សេងទៀតដែលអ្នកលេងបណ្ដាញសង្គមបានបង្កឡើង តួយ៉ាងដូចជាសកម្មភាពខ្លះក្មេងមើលងាយមនុស្សចាស់ ហើយអ្នកនយោបាយមួយចំនួនប្រើប្រាស់មធ្យោបាយអសីលធម៌ជាដើម។ «បើគិតថាប្រជាជនកម្ពុជារាប់លាននាក់ ចូលចិត្តសកម្មភាពអសីលធម៌បែបនេះ ក៏ធ្វើទៅ តែទង្វើបែបនេះ ខ្ញុំគិតថាមិនអាចតំណាងឱ្យប្រទេសទាំងមូល ប្រជាជនយើងទាំងអស់បានទេ»។ […]

(ភ្នំពេញ)៖ ឧបនាយករដ្ឋមន្ដ្រី កើត រិទ្ធ រដ្ឋមន្ដ្រីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បានត្រៀមប្រកាសដាក់ចេញនូវគម្រោង ក្នុងការចុះដោះស្រាយវិវាទជូនដល់ប្រជាពលរដ្ឋនៅតំបន់ជនជាតិដើមភាគតិច និងតំបន់ដាច់ស្រយាល។ គម្រោងនេះ នឹងចាប់ផ្ដើមអនុវត្តនៅខែកក្កដា ឆ្នាំ២០២៥ខាងមុខ។ ការប្រកាសត្រៀមគម្រោងនេះ បានធ្វើឡើងក្នុងឱកាសដែលលោក កើត រិទ្ធ អញ្ជើញដឹកនាំកិច្ចប្រជុំលើកទី១០ នៃ អ.ដ.ក. ដោយមានការអញ្ជើញចូលរួមពីថ្នាក់ដឹកនាំ និងសមាជិកនៃ អ.ដ.ក. ព្រមទាំងថ្នាក់ដឹកនាំ និងមន្ត្រីនៃអគ្គលេខាធិការដ្ឋាននៃ​ អ.ដ.ក. នាថ្ងៃទី៨ ខែឧសភា ឆ្នាំ២០២៥។ ផ្អែកតាមរយ:កិច្ចប្រជុំ​នេះ​ អ.ដ.ក.​ បានវាយតម្លៃខ្ពស់លេីវឌ្ឍនភាពការងាររបស់​ អ.ដ.ក.​ និងបានឯកភាពជាគោលការណ៍ លេីការរៀបចំគម្រោងចុះដោះស្រាយវិវាទជូនប្រជាពលរដ្ឋ នៅតំបន់ជនជាតិដេីមភាគតិច​ និងតំបន់ដាច់ស្រយាល​ តាមរយៈ​ការបង្កេីតឲ្យមាននូវការិយាល័យ​តំណាង​ អ.ដ.ក.​ នៅតាមបណ្តាខេត្តចំនួន​៤​ នៅភូមិភាគឦសាន ដើម្បីងាយស្រួលក្នុងការទទួលពាក្យបណ្ដឹងពីប្រជាពលរដ្ឋ។ សូមជម្រាបថា ក្នុងកិច្ចប្រជុំខាងលើនេះ ឧបនាយករដ្ឋមន្ដ្រី កើត រិទ្ធ ក៏បានពិនិត្យវឌ្ឍនភាពការងារដោះស្រាយវិវាទជូនប្រជាពលរដ្ឋក្នុងក្របខ័ណ្ឌនៃ អ.ដ.ក. ដែលសម្រេចបាននៅចន្លោះកិច្ចប្រជុំលេីកទី៩ និងលើកទី១០ នៃ អ.ដ.ក.ផងដែរ៕ ផ្ដល់សិទ្ធិដោយ៖ Fresh News

(វ៉ាទីកង់)៖ កាឌីណាល់​ Robert Prevost ត្រូវបានជ្រេីសរេីសឱ្យក្លាយជាមេដឹកនាំកាតូលិករបស់ពិភពលោក សម្តេចប៉ាប ឡេអូ​ ទី១៤ ដើម្បីបម្រើដល់សាសនាគ្រិស្តដែលមានសមាជិក ១.៤ពាន់លាននាក់។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី៩ ខែឧសភា ឆ្នាំ ២០២៥។ កាឌីណាល់ Robert Prevost គឺជាសម្តេចប៉ាបទីមួយមកពីសហរដ្ឋអាមេរិក អាយុ ៦៩ឆ្នាំ និងបានចំណាយពេលភាគច្រើនធ្វេីជាអ្នកផ្សព្វផ្សាយសាសនានៅប្រទេសប៉េរូ ហើយបានក្លាយជាកាឌីណាល់នៅក្នុងឆ្នាំ ២០២៣។ លោកត្រូវបានបោះឆ្នោតជ្រើសរើស កាលពីថ្ងៃព្រហស្បតិ៍ ជាសម្តេចប៉ាបថ្មីនៅថ្ងៃទីពីរនៃសន្និបាតដើម្បីជ្រេីសរេីសអ្នកស្នងតំណែងសម្តេចប៉ាប ហ្រ្វង់ស៉ីស ដែលយាងចូលទីវង្គត់កាលពីខែមុន។ គួរបញ្ជាក់ថា សម្តេចប៉ាបចុងក្រោយដែលយកព្រះនាម ឡេអូ​ គឺសម្តេចប៉ាប ឡេអូ ទី១៣ បានផ្តោតភាគច្រើនលើការតស៊ូមតិដើម្បីសិទ្ធិកម្មករ ប្រាក់ឈ្នួល និងលក្ខខណ្ឌការងារសមរម្យ ក៏ដូចជាសិទ្ធិចូលរួមជាសហជីព ក្នុងពេលដែលទ្រង់ដឹកនាំពិភពកាតូលិក ពីឆ្នាំ ១៨៧៨ ដល់ឆ្នាំ ១៩០៣៕ ផ្ដល់សិទ្ធិដោយ៖ Fresh News

(ភ្នំពេញ)៖ លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិល បានបញ្ជាក់ថា រយៈពេល៤ខែ ឆ្នាំ២០២៥នេះ ការដឹកជញ្ជូនតាមផ្លូវអាកាសនៅកម្ពុជា មានជាង២ម៉ឺនជើង កើនឡើងជាង១៧% ខណៈអ្នកដំណើរចេញ-ចូលមានជាង ២.៥លាននាក់ កើនឡើងជាង១៨% បើធៀបទៅនឹងរយៈពេល៤ខែ ដូចគ្នាទៅនឹងឆ្នាំ២០២៤។ ថ្លែងប្រាប់បណ្ដាញព័ត៌មាន Fresh News នៅថ្ងៃទី០៨ ខែឧសភា ឆ្នាំ២០២៥នេះ លោក ស៊ីន ចាន់សិរីវុត្ថា បានបញ្ជាក់ឲ្យដឹងថា គិតចាប់ពីខែមករា ដល់ខែមេសា ឆ្នាំ២០២៥ (រយៈពេល៤ខែ) ស្ថានភាពវិស័យដឹកជញ្ជូន តាមផ្លូវអាកាសសម្រាប់ អាកាសយានដ្ឋានអន្តរជាតិទាំង (ភ្នំពេញ-សៀមរាបអង្គរ-ព្រះសីហនុ) មាន៖ * ជើងហោះហើរ ចេញ-ចូល (ទ្វេទិស) មានចំនួនជាង២ម៉ឺនជើង (២២,៦៨៦ជើង) មានការកើនឡើងជាង១៧% បើធៀបទៅនឹងរយៈពេល៤ខែ ដូចគ្នាទៅនឹងឆ្នាំ២០២៤* អ្នកដំណើរ ចេញ-ចូល (ទ្វេទិស) មានចំនួនជាង២.៥លាននាក់ (២,៥២៥,២០៨នាក់) មានការកើនឡើងជាង១៨% បើធៀបទៅនឹងរយៈពេល៤ខែ ដូចគ្នាទៅនឹងឆ្នាំ២០២៤* ទំនិញតាមផ្លូវអាកាស ចេញ-ចូល (ទ្វេទិស) […]

(ភ្នំពេញ)៖ លោកស្រីបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចត្រិសិល្បៈ បានអញ្ជើញដឹកនាំកិច្ចប្រជុំអន្តរក្រសួងលើកទី១ ស្ដីពីការរៀបចំឯកសារដាក់បញ្ចូលភ្នំដា និងអង្គរបុរី ក្នុងបញ្ជីបេតិកភណ្ឌវប្បធម៌ពិភពលោកនៃអង្គការយូណេស្កូ។ កិច្ចប្រជុំត្រូវបានរៀបចំនៅរសៀលថ្ងៃពុធ ទី៧ ខែឧសភា ឆ្នាំ២០២៥ នៅទីស្ដីការក្រសួងវប្បធម៌និងវិចិត្រសិល្បៈ ដោយមានការចូលរួមពីសមាភាពនៃក្រសួងនិងស្ថាប័នចំនួន១១ ដែលមាន រដ្ឋលេខាធិការតំណាងក្រសួងពាក់ព័ន្ធ និងការចូលរួមពីលោកគណៈអភិបាលនៃអភិបាលខេត្តតាកែវ។ គោលបំណងនៃកិច្ចប្រជុំនេះ គឺដើម្បីណែនាំសមាសភាពក្រុមកាងារ និងស្តាប់របាយការណ៍បច្ចុប្បន្នភាពនៃការដាក់បញ្ចូលស្ថានីយភ្នំដា និងអង្គរបុរី ទៅក្នុងបញ្ជីបេតិកភណ្ឌវប្បធម៌ពិភពលោករបស់អង្គការយូណេស្កូនាពេលខាងមុខ។ លោក ស៊ុំ ម៉ាប់ រដ្ឋលេខាធិការ និងជាអ្នកនាំពាក្យក្រសួងវប្បធម៌ បានឲ្យដឹងថា ដំណើរការស្នើនៃការរៀបចំឯកសារដាក់បញ្ចូលភ្នំដា និងអង្គរបុរី ក្នុងបញ្ជីបេតិកភណ្ឌវប្បធម៌ពិភពលោកនៃអង្គការយូណេស្កូ ត្រូវចំណាយពេលបន្តទៀត ជាពិសេសការកំណត់ទីតាំង ដែលត្រូវការពារ។ គួរជម្រាបដែរថា ប្រាសាទភ្នំដា ក្នុងខេត្តតាកែវ គឺជាប្រាសាទមួយ ស្ថិតនៅក្នុងបញ្ជីត្រៀមរបស់កម្ពុជា សម្រាប់ដាក់ស្នើជាតំបន់បេតិកភណ្ឌពិភពលោក ក្នុងចំណោមស្ថានីយ៍សំខាន់ៗចំនួន៧ ដូចជា៖ សារមន្ទីរទួលស្លែង (ដាក់ជាកញ្ចប់ជាមួយបឹងជើងឯក និងមន្ទីរម១៣) ប្រាសាទបន្ទាយឆ្មារ ភ្នំឧត្តុង្គ ភ្នំគូលែន ព្រះខណ្ឌស្រុកកំពង់ស្វាយ និងប្រាសាទបេងមាលា ជាដើម។ បើគេទៅលេងតំបន់ប្រាសាទភ្នំដា គេនឹងឃើញប្រាសាទភ្នំដា ដែលសង់នៅសម័យអង្គរផង និងប្រាសាទចាស់មួយទៀត […]

(ព្រុចសែល)៖ គណៈកម្មការអឺរ៉ុប (EC) បានឱ្យដឹងថា ក្រុមអ្នកផលិត នៅក្នុងឧស្សាហកម្មដែកថែប និងលោហធាតុរបស់អឺរ៉ុប កំពុងទទួលរងនូវការកើនឡើងនៃតម្លៃអគ្គិសនី និងសមត្ថភាពផលិតច្រើនហួសជាសកល។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន CNA នៅថ្ងៃព្រហស្បតិ៍ ទី៨ ខែឧសភា ឆ្នាំ ២០២៥។ ក្រុមមន្រ្តីប៉ាន់ស្មានថា ការរួមចំណែករបស់សហភាពអឺរ៉ុប (EU) នៅក្នុងផលិតកម្មដែកពិភពលោក បានធ្លាក់ចុះក្នុងរយៈពេលមួយទសវត្សរ៍កន្លងមក។ ឥឡូវនេះគឺមានតិចជាង ៨ភាគរយប៉ុណ្ណោះ ចំពោះមុខការប្រកួតប្រជែងកាន់តែខ្លាំង ពីប្រទេសដូចជាចិន និងឥណ្ឌា។ EC បានដាក់ចេញនូវផែនការសកម្មភាពលើផលិតផលដែកថែប និងលោហធាតុ ដើម្បីបង្កើនការប្រកួតប្រជែង និងដោះស្រាយការចំណាយផ្នែកថាមពល រួមទាំងសមត្ថភាពលើសចំណុះក្នុងវិស័យនេះ។ EC ក៏មានបំណងរឹតបន្តឹងការគ្រប់គ្រង លើការនាំចូលផងដែរ ខណៈស្វែងរកការពង្រឹងឧស្សាហកម្ម។ គួរបញ្ជាក់ថា តាមការប៉ាន់ប្រមាណរបស់ EU ពន្ធគយលើដែកថែប និងអាលុយមីញ៉ូមមានតម្លៃ ២៨ពាន់លានដុល្លារ គ្រាដែរមានក្តីថា​ពន្ធគយ​របស់សហរដ្ឋអាមេរិក អាច​ឱ្យ​ប្រទេស​នាំ​ចេញ​លោហៈ​ផ្សេង​ទៀត​ បង្វែរ​ការ​ផ្គត់ផ្គង់​របស់​ខ្លួន​ចេញពី​ទីផ្សារ​អឺរ៉ុប៕ ផ្ដល់សិទ្ធិដោយ៖ Fresh News

(ភ្នំពេញ)៖ ជនសង្ស័យ២៩នាក់ ពាក់ព័ន្ធបទល្មើស១១ករណី មានប្លន់, ហិង្សា, លួច, ជួញដូរមនុស្ស និងចាប់បង្ខាំងដោយខុសច្បាប់ ត្រូវបានកម្លាំងស្នងការដ្ឋាននគរបាលរាជធានីភ្នំពេញ បង្ក្រាបបាន និងយកមកបង្ហាញមុខ ជាសាធារណៈ។ សន្និសីទសារព័ត៌មានបង្ហាញមុខនេះ បានធ្វើឡើងនៅព្រឹកថ្ងៃទី៨ ខែឧសភា ឆ្នាំ២០២៥ នៅស្នងការដ្ឋាននគរបាលរាជធានីភ្នំពេញ។ លោកឧត្តមសេនីយ៍ត្រី ប៊ុត សត្យា ស្នងការរងទទួលផែនការងារព្រហ្មទណ្ឌ បានប្រាប់ភ្នាក់ងារ Fresh News ឲ្យដឹងថា ដោយទទួលបទបញ្ជាដ៏ម៉ឺងម៉ាត់ពីលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានឲ្យកម្លាំងសមត្ថកិច្ចជំនាញទាំង១៤ខណ្ឌ ធ្វើការស្រាវជ្រាវបង្រ្កាបបទល្មើស ដែលមានរយៈពេល៣ថ្ងៃ គិតចាប់ពីថ្ងៃ៦ ដល់ថ្ងៃទី៨ ខែឧសភា ឆ្នាំ២០២៥ ដែលជាលទ្ធផល បង្ក្រាបបានសរុប១១ករណី ឃាត់ខ្លួនមនុស្សចំនួន២៩នាក់ សារធាតុញៀន៧នាក់ ក្នុងនោះមាន (លួច៦ករណី ឃាត់៨នាក់, ហិង្សាដោយចេតនាមានស្ថានទម្ងន់ទោស ៣ករណី ឃាត់១២នាក់, ប្លន់១ករណី ឃាត់៣នាក់, អំពើលក់-ដូរមនុស្ស-ចាប់ឃុំឃាំង និងបង្ខាំងមនុស្សដោយខុសច្បាប់១ករណី ឃាត់ខ្លួន៧នាក់។ លោកឧត្តមសេនីយ៍ត្រី ប៊ុន សត្យា បានបញ្ជាក់ទៀតថា […]

(វ៉ាស៉ីនតោន)៖ កាលពីថ្ងៃពុធ ទី៧ ខែឧសភា ប្រធានាធិបតីអាមេរិក លោក ដូណាល់ ត្រាំ បាននិយាយថា ឥណ្ឌានិងប៉ាគីស្ថាន ដែលជាដៃគូនិងសម្ព័ន្ធមិត្តរបស់ទីក្រុងវ៉ាស៉ីនតោន ហាក់បានស៉ីសងគ្នារួចរាល់ហើយ ដូច្នេះរូបលោកសង្ឃឹមថា ប្រទេសទាំងពីរ ដែលសុទ្ធតែមានអាវុធនុយក្លេអ៊ែរដូចគ្នា អាចបិទបញ្ចប់ការបង្កើនភាពតានតឹង នៅត្រឹមនេះ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ លោក ត្រាំ បាននិយាយនៅសេតវិមានថា ប្រទេសទាំងពីរ បានសងសឹកគ្នារួចហើយ ដូច្នេះសង្ឃឹមថា ពួកគេអាចបញ្ចប់ត្រឹមនេះ ហើយលោកប្រធានាធិបតីអាមេរិក បានបន្ថែមថា រូបលោកស្គាល់ភាគីទាំងពីរច្បាស់ណាស់ និងចង់ឃើញពួកគេនិយាយគ្នា ដើម្បីដោះស្រាយជម្លោះដោយសន្តិវិធី»។ លោក ត្រាំ បានបញ្ជាក់ថា ប្រសិនបើមានអ្វីដែលលោកអាចជួយបាន លោកនឹងជួយ ខណៈលោកបានចាត់ទុកការកើនឡើងភាពតានតឹងនេះថា ជារឿងគួរឱ្យសោកស្តាយ។ កាលពីថ្ងៃពុធា ឥណ្ឌាទីបំផុតបានវាយប្រហារមីស៉ីល ចូលក្នុងទឹកដីរបស់ប៉ាគីស្ថាន ហើយបានផ្តាច់ជីវិតមនុស្សជាង៣០នាក់ ខណៈប៉ាគីស្ថានអះអាងថា បានបាញ់ទម្លាក់យន្តហោះចម្បាំងឥណ្ឌាប៉ុន្មានគ្រឿង ហើយបានប្តេជ្ញាថា នឹងឆ្លើយតបទៅវិញ។ ទីក្រុងញូវដែលី បាននិយាយថា ខ្លួនបានវាយប្រហារលើទីតាំងក្រុមភេរវករ ដែលជាប់ពាក់ព័ន្ធក្នុងករណីបាញ់រះដ៏ប្រល័យកាលពី​ថ្ងៃទី២២ ខែមេសា ដោយក្រុមសកម្មប្រយុទ្ធ ដែលបានសម្លាប់មនុស្ស២៦នាក់ នៅតំបន់ Kashmir […]