(ភ្នំពេញ)៖ សម្តេចតេជោ ហ៊ុន សែន ប្រធានឧត្តមក្រុមប្រឹក្សាផ្ទាល់ព្រះមហាក្សត្រ និងជាប្រធានព្រឹទ្ធសភា នៅព្រឹកថ្ងៃទី២១ ខែវិច្ឆិកា ឆ្នាំ២០២៤នេះ បានស្នើសុំការយោគយល់ ចំពោះសម្តេចព្រះសង្ឃរាជ ព្រះសង្ឃគ្រប់ព្រះអង្គ និងបងប្អូនជនរួមជាតិទាំងអស់ ដែលមកដល់ពេលនេះ មិនទាន់មានការតែងតាំងសម្តេចព្រះមហាសង្ឃរាជ គណៈមហានិកាយនៃព្រះរាជាណាចក្រកម្ពុជាថ្មី ជំនួសសម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស ដែលយាងចូលទិវង្គត កាលពីខែកុម្ភៈ ឆ្នាំ២០២៤កន្លងទៅ។ សម្តេចតេជោ ស្នើសុំឱ្យបងប្អូនរួមជាតិ ទុកពេលវេលាបន្តិចសិន ព្រោះការតែងតាំងសម្តេចព្រះមហាសង្ឃរាជ មិនមានភាពបន្ទាន់ពេកនោះទេ ខណៈសម្តេចបានទូលថ្វាយព្រះមហាក្សត្រ ដើម្បីសុំនូវការពន្យារពេលនៃការតែងតាំងរួចរាល់ហើយ។ ការថ្លែងរបស់សម្តេចតេជោ ហ៊ុន សែន ធ្វើឡើងក្នុងឱកាសអញ្ជើញជាព្រះរាជតំណាងដ៏ខ្ពង់ខ្ពស់រ បស់ព្រះមហាក្សត្រ បើកអនុសំវច្ឆរមហាសន្និបាត មន្ដ្រីសង្ឃទូទាំងប្រទេសលើកទី៣២ ប្រចាំឆ្នាំ២០២៤ នាព្រឹកថ្ងៃទី២១ ខែវិច្ឆិកា ឆ្នាំ២០២៤។ សម្តេចតេជោ ហ៊ុន សែន បានថ្លែងយ៉ាងដូច្នេះថា «សម្តេចព្រះសង្ឃរាជ ព្រះសង្ឃគ្រប់ព្រះអង្គ និងបងប្អូនជនរួមជាតិ ពិតជាដាក់ជាចម្ងល់ថា សម្តេចព្រះសង្ឃរាជ [សម្តេច ទេព វង្ស] បានសោទិវង្គតទៅហើយ ហេតុអ្វីមកដល់ម៉ោងនេះ មិនទាន់ចាត់តាំងសម្តេចព្រះសង្ឃរាជ? ខ្ញុំព្រះករុណាខ្ញុំ […]

(តាកែវ)៖ លោក វ៉ី សំណាង អភិបាលខេត្តតាកែវ បានអំពាវនាវធនាគារ និងគ្រឹះស្ថានមីក្រូហិរញ្ញវត្ថុទាំងអស់ មុននឹងផ្ដល់ប្រាក់កម្ចីជូនប្រជាពលរដ្ឋ ត្រូវសិក្សាលទ្ធភាពឲ្យបានច្បាស់លាស់ ព្រោះលោកមិនចង់ឃើញមានបញ្ហាកើតឡើង នៅពេលដែលប្រជាពលរដ្ឋមិនមានលទ្ធភាពគ្រប់គ្រាន់ក្នុងការសងប្រាក់ត្រឡប់វិញ។ ក្នុងឱកាសអញ្ជើញចែកប័ណ្ណកម្មសិទ្ធិជូនប្រជាពលរដ្ឋនៅឃុំក្រពុំឈូក ស្រុកកោះអណ្ដែត ខេត្តតាកែវ នាព្រឹកថ្ងៃទី២១ ខែវិច្ឆិកា ឆ្នាំ២០២៤ ដែលមានតំណាងធនាគារ និងគ្រឹះស្ថានមីក្រូហិរញ្ញវត្ថុចូលរួមដែរ លោក វ៉ី សំណាង បានគូសបញ្ជាក់ថា លោកពិតជាមិនចង់ឃើញមានបញ្ហាកើតឡើង រហូតត្រូវរឹបអូសទ្រព្យសម្បត្តិ ឬផ្ទះសម្បែងរបស់ពលរដ្ឋឡើយ។ បើតាមលោក វ៉ី សំណាង, បន្ទាប់ពីអាជ្ញាធរចែកប្លង់កម្មសិទ្ធដីធ្លីជូនប្រជាពលរដ្ឋ ពិតជាមានប្រជាពលរដ្ឋមួយចំនួនយកប្លង់កម្មសិទ្ធិទៅដាក់បញ្ចាំនៅធនាគារ ឬគ្រឹះស្ថានមីក្រូហិរញ្ញវត្ថុ ដើម្បីខ្ចីប្រាក់បង្កើនមុខរបរ រួមទាំងការទិញសម្ភារបម្រើឲ្យវិស័យ កសិកកម្ម ដូចជាជីជាដើម ប៉ុន្តែមុននឹងឲ្យខ្ចីប្រាក់ ធនាគារ ឬគ្រឹះស្ថានមីក្រូហិរញ្ញវត្ថុ ត្រូវសិក្សាឲ្យបានច្បាស់លាស់ ចៀសវាមានបញ្ហាសងប្រាក់ត្រលប់មកវិញយឺតយ៉ាវ ឬគ្មានប្រាក់សង ដែលនាំឲ្យមានការប្ដឹងផ្ដល់ទៅតុលាការ រឹបអូសយកដីធ្លីប្រជាពលរដ្ឋ។ លោកបានអះអាងថា អាជ្ញាធរមិនគាំទ្រការប្ដឹងរឹបអូសយកដីធ្លី ឬផ្ទះសម្បែងប្រជាពលរដ្ឋនោះទេ ព្រោះបើមានបញ្ហាអ្នកដែលរងគ្រោះមុនគេគឺរាជរដ្ឋាភិបាល។ ពោលក្រុមប្រឆាំងនឹងធ្វើការវាយប្រហាររាជរដ្ឋាភិបាលថា ដឹកនាំប្រទេសឲ្យគេរឹបអូសផ្ទះ ប្រជាពលរដ្ឋ ដូច្នោះពេលមានបញ្ហាការសងប្រាក់ ធនាគារ ឬគ្រឹះស្ថានមីក្រូហិរញ្ញវត្ថុ ត្រូវដោះស្រាយគ្នាក្រៅប្រព័ន្ធតុលាការឲ្យអស់លទ្ធភាព៕ ផ្ដល់សិទ្ធិដោយ៖ […]

(ភ្នំពេញ)៖ លោក វ៉ាស៊ឹម សុរិយា អនុរដ្ឋលេខាធិការក្រសួងសាធារណការ និងដឹកជញ្ជូន នាថ្ងៃទី២០ ខែវិច្ឆិកា ឆ្នាំ២០២៤ បានទទួលជួបសម្តែងការគួរសម និងពិភាក្សាការងារជាមួយគណៈប្រតិភូក្រុមហ៊ុន Yunnan Linkun Investment Group Co., LTD ដឹកនាំដោយ លោក YUAN LINKUN ប្រធានក្រុមហ៊ុន ដោយមានការអញ្ជើញចូលរួមពីលោកប្រធាន អនុប្រធាននាយកដ្ឋានផ្លូវដែក នាយកដ្ឋានអង្កេត និងបូកសរុបភស្តុភារកម្ម និងមន្រ្តីជំនាញពាក់ព័ន្ធផងដែរ។ ជំនួបនេះធ្វើឡើង ក្នុងគោលបំណងដើម្បីសិក្សាស្វែងយល់បន្ថែម ពីឱកាសវិនិយោគលើវិស័យហេដ្ឋារចនាសម្ព័ន្ធដឹកជញ្ជូនផ្លូវដែក និងគម្រោងសំខាន់ៗទាក់ទងនឹងផែនការមេអភិវឌ្ឍន៍ផ្លូវដែកនៅកម្ពុជា។ លោក វ៉ាស៊ឹម សុរិយា បានលើកឡើងពីបច្ចុប្បន្នភាព នៃខ្សែផ្លូវដែកទាំងពីរខ្សែដែលមានស្រាប់ នៃការអភិវឌ្ឍហេដ្ឋារចនាសម្ព័ន្ធផ្លូវដែក និងគម្រោងសំខាន់ៗមួយចំនួន ដែលក្រសួងបាន និងកំពុងអនុវត្តជាមួយក្រុមហ៊ុនដៃគូក្នុងប្រទេសនឹងទិសដៅរបស់ រាជរដ្ឋាភិបាលអាណត្តិទី៧ ក្នុងការជំរុញ និងលើកកម្រិតគុណភាពផ្លូវទាំងពីរខ្សែនេះឱ្យមានសមត្ថភាពស្មើគ្នាដល់កម្រិតល្បឿន 80 km/h និងជំរុញនូវការចចារបញ្ចប់កិច្ចសន្យាសម្បទានផ្លូវដែកថ្មី ឱ្យបានរួចរាល់ក្នុងពេលឆាប់ៗនេះ សំដៅចូលរួម ចំណែកដល់ការអភិវឌ្ឍសេដ្ឋកិច្ចកម្ពុជាឱ្យកាន់តែមានការរីកចម្រើនបន្ថែមទៀត។ ក្នុងជំនួបនេះ គណៈប្រតិភូក្រុមហ៊ុន បានអរគុណថ្នាក់ដឹកនាំក្រសួង ដែលបានផ្ដល់អនុសាសន៍ល្អៗដល់ក្រុមហ៊ុនក្នុងការស្វែងយល់បន្ថែមក្នុងការវិនិយោគលើខ្សែផ្លូវដែកថ្មីនៅកម្ពុជា ក្នុងការតភ្ជាប់ពីកម្ពុជាទៅវៀតណាម និងកម្ពុជាទៅឡាវ ជាមួយនឹងទស្សនទាន […]

(ភ្នំពេញ)៖ ក្រសួងទេសចរណ៍ បានចេញសេចក្ដីណែនាំ ស្ដីពីការពង្រឹងគុណភាពសេវាកម្មទេសចរណ៍ ដើម្បីអបអរពិធីបុណ្យសមុទ្រលើកទី១១ ជុំទី៣ ឆ្នាំ២០២៤ ក្រោមប្រធានបទ «អបអរបេតិកភណ្ឌ និងចីរភាពនៃ តំបន់ឆ្នេរ» ដែលនឹងប្រព្រឹត្តទៅចាប់ពីថ្ងៃទី១៣-១៥ ខែធ្នូ ឆ្នាំ២០២៤ នៅខេត្តកំពត៕ ផ្ដល់សិទ្ធិដោយ៖ Fresh News

(ភ្នំពេញ)៖ សម្ដេចតេជោ ហ៊ុន សែន ប្រធានព្រឹទ្ធសភា បានថ្លែងស្នើឱ្យក្រសួងធម្មការ និងសាសនា និងក្រុមពិធីការរៀបចំឡើងវិញនូវអាសនៈក្រមសង្ឃ ដោយហេតុថា អាសនៈក្រមសង្ឃដែលកំពុងរៀបចំ​​សព្វថ្ងៃនេះមិនត្រូវទាល់តែសោះ ដោយសារការរៀបចំទៅតាមគោរមងារ មិនមែនការរៀបចំទៅតាមតួនាទីនោះទេ។ សម្ដេចតេជោ ហ៊ុន សែន បានស្នើដូចនេះនៅព្រឹកថ្ងៃទី២១ ខែវិច្ឆិកា ឆ្នាំ២០២៤នេះ នាឱកាសដែលសម្តេចអញ្ជើញជាព្រះរាជតំណាងដ៏ខ្ពង់ខ្ពស់ព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងពិធីបើកអនុសំវច្ឆរមហាសន្និបាតមន្ដ្រីសង្ឃទូទាំងប្រទេស លើកទី៣២ នៅវិទ្យាស្ថានជាតិអប់រំ។ សម្ដេចតេជោ ហ៊ុន សែន បានថ្លែងដូចនេះថា «​ខ្ញុំព្រះករុណាខ្ញុំ ស្នើឱ្យក្រសួងធម្មការ និងសាសនា ក៏ដូចជាពិធីការរៀបចំឡើងវិញនូវអាសនៈក្រមសង្ឃ ដោយសារការរៀបចំពិធីការសព្វថ្ងៃនេះ​កំពុងរៀបចំពិធីការ​ទៅតាមគោរពងារ មិនមែនរៀបចំពិធីការតាមតួនាទីនោះទេ […] ខ្ញុំសូមធ្វើការកែតម្រូវ ត្រង់ថាអាសនៈក្រមសង្ឃដែលកំពុងរៀបចំគឺរៀបចំតាមគោរពងារ មិនមែនរៀបចំតាមតួនាទីនោះទេ ដែលនេះមិនត្រូវទាល់តែសោះ»។ សម្ដេចតេជោ ហ៊ុន សែន បាន​បន្ថែមថា សព្វថ្ងៃនេះសម្តេចមើលឃើញថា អាសនៈក្រមសង្ឃ ពេលខ្លះគឺបានឱ្យព្រះអនុគណ នៅមុខព្រះមេគណ គឺមិនត្រូវទាល់តែសោះ, សម្តេចបានលើកឡើងថា នៅពេលដែល​សម្តេចចូលទៅក្នុងព្រះបរមរាជវាំង បានសង្គេតឃើញសម្ដេចព្រះធម្មលិខិតបណ្ឌិត សៅរ៏ ចន្ទថុល […]

(ភ្នំពេញ)៖ សម្ដេចតេជោ ហ៊ុន សែន ប្រធានព្រឹទ្ធសភា បានថ្លែងផ្ដាំផ្ញើដល់អាចារ្យទាំងអស់ថា ក្នុងរដូវកាលនេះជារដូវកាលរៀបអាពាពិពាហ៍​ ដូច្នេះសូមអាចារ្យទាំងអស់ស្ដាប់នូវ ការសម្រេចចិត្តរបស់មេបា ចំពោះរឿងដាក់កូនកម្លោះនៅខាងឆ្វេង ឬនៅខាងស្ដាំ សូមកុំតវ៉ាប្រឆាំងជាមួយម្ចាស់ដើមការ។ ការថ្លែងរបស់សម្ដេចតេជោ ហ៊ុន សែន ធ្វើឡើងក្នុងឱកាសម្ដេចតេជោបានអញ្ជើញជា ព្រះរាជតំណាងដ៏ខ្ពង់ខ្ពស់ព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងពិធីបើកអនុសំវច្ឆរមហាសន្និបាតមន្ដ្រីសង្ឃទូទាំងប្រទេស លើកទី៣២។ ពិធីនេះត្រូវបានរៀបចំធ្វើឡើងនៅវិទ្យាស្ថានជាតិអប់រំ នៅថ្ងៃទី២១ ខែវិច្ឆិកា ឆ្នាំ២០២៤។ សម្ដេចតេជោ ហ៊ុន សែន បានថ្លែងថា «សូមផ្ដាំផ្ញើលោកអាចារ្យថា ពេលនេះជាពេលរៀបអាពាពិពាហ៍ តែងតែលឺការជជែកគ្នារឿងថា ដាក់កូនប្រុសខាងស្ដាំ ឬដាក់កូនប្រុសខាងឆ្វេង រឿងនេះនៅតែជាប្រធានបទដដែល ក្នុងពេលដែលខ្ញុំព្រះករុណាខ្ញុំ ធ្លាប់បានទៅជួបអាចារ្យម្ដងក្នុងពេលជជែកគ្នា ក្នុងនោះអាចារ្យ ញៀន ភឿន និងអាចារ្យមួយចំនួនទៀត និងការអនុវត្តន៍ជាក់ស្ដែង។ ដោយអាចារ្យ គុណ និងអាចារ្យមួយចំនួនផ្សេងទៀត ដែលជាទម្លាប់ ខាងផ្នែកអាចារ្យ ញៀន ភឿន ថា កូនកម្លោះត្រូវតែដាក់ខាងឆ្វេងដៃ មុនពេលផ្ទឹម ចំណែកកូនក្រមុំនៅខាងស្ដាំដៃ […]

(ភ្នំពេញ)៖ សម្ដេចតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ បានលើកឡើងអំពីបញ្ហាកោះគុត ដែលជាចំណុចត្រួតស៊ីគ្នារវាងព្រំដែនកម្ពុជា-ថៃ ដោយសម្តេចបានបញ្ជាក់ថា រហូតដល់ពេលនេះ ភាគីរដ្ឋាភិបាលកម្ពុជា-ថៃ នៅតែបន្តចរចាគ្នាទ្វេភាគី ដោយមិនទាន់ឯកភាពគ្នានៅឡើយ។ សម្តេចតេជោ បានឆ្លៀតយកឱកាសនេះ ព្រមានទៅក្រុមប្រឆាំងជ្រុលនិយមកម្ពុជាដែលនៅក្រៅប្រទេស កុំឱ្យព្យាយាមយកបញ្ហានេះ កេងចំណេញនយោបាយ ហើយចង់រុញប្រជាពលរដ្ឋឱ្យបះបោរ។ សម្តេចក៏បានប្រាប់ទៅក្រុមប្រឆាំងថៃ ឱ្យទុកលទ្ធភាពឱ្យរដ្ឋាភិបាលថៃ ចរចាជាមួយកម្ពុជាដោយសន្តិវិធីផងដែរ។ ទន្ទឹងនឹងនេះ សម្តេចក៏បំផុសថា តើដល់ពេលវេលាដែលត្រូវរៀបចំច្បាប់ ដាក់ក្រុមប្រឆាំងជ្រុលនិយមកម្ពុជាដែលនៅក្រៅប្រទេសជាក្រុមភេរវករឬយ៉ាងណា ដោយសារតែក្រុមនេះចេះតែញុះញង់អុចអាល ឱ្យប្រជាពលរដ្ឋបះបោរ និងរុញបង្កើតជម្លោះជាមួយប្រទេសជិតខាងរហូតមក។ ការលើកឡើងរបស់ សម្តេចតេជោ ហ៊ុន សែន បានធ្វើឡើងក្នុងឱកាសដែលសម្តេចអញ្ជើញជាព្រះរាជតំណាងដ៏ខ្ពង់ខ្ពស់របស់ព្រះមហាក្សត្រ បើកអនុសំវច្ឆរមហាសន្និបាតមន្ដ្រីសង្ឃទូទាំងប្រទេសលើកទី៣២ ប្រចាំឆ្នាំ២០២៤ នាព្រឹកថ្ងៃទី២១ ខែវិច្ឆិកា ឆ្នាំ២០២៤។ រយៈពេលប៉ុន្មានថ្ងៃនេះ ក្រុមជ្រុលនិយមមួយចំនួន នៅក្នុងប្រទេសថៃ និងក្រុមជ្រុលនិយមកម្ពុជានៅក្រៅប្រទេស បានបំផុសបំផុលអំពីបញ្ហាកោះគុតឡើងវិញ​ ដើម្បីធ្វើឱ្យប្រជាជនប្រទេសទាំងពីរ ជាពិសេសអ្នកជាតិនិយម ផ្ទុះជម្លោះទៅវិញទៅមក បង្កបញ្ហាស្មុគស្មាញសម្រាប់រដ្ឋាភិបាលប្រទេសទាំងពីរ។ «នៅក្នុងប្រទេសថៃ ក៏មានក្រុមជ្រុលនិយមមួយក្រុម បង្កើតឡើងរឿងកោះគុត ឥឡូវនៅនៅក្នុងប្រទេសរបស់យើង ត្រូវបានក្រុមនិយមជ្រុលនៅក្រៅប្រទេសអំពាវនាវ ឱ្យធ្វើបាតុកម្ម ដើម្បីទាមទារយកកោះគុត»។ នេះជាការបញ្ជាក់របស់ […]

(ភ្នំពេញ)៖ ជាមួយនឹងលើកឡើងអំពីបញ្ហាគុត ដែលជាចំណុចត្រួតស៊ីគ្នារវាងកម្ពុជា-ថៃ ហើយកំពុងត្រូវបានបំផុសបំផុលបង្កើតជម្លើយដោយក្រុមជ្រុលនិយម សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសជំហរជាថ្មីថា រាជរដ្ឋាភិបាលកម្ពុជា នឹងមិនធ្វើឱ្យបាត់បង់ទឹកដីនោះឡើយ។ ការប្រកាសនេះ បានធ្វើឡើងក្នុងឱកាសដែលសម្តេចមហាបវរធិបតី អញ្ជើញចែកសញ្ញាបត្រនិស្សិតសាកលវិទ្យាលយ័ភូមិន្ទភ្នំពេញ នៅកោះពេជ្រ នាព្រឹកថ្ងៃទី២១ ខែវិច្ឆិកា ឆ្នាំ២០២៤។ សម្តេចបវរធិបតី បានលើកឡើងដូច្នេះថា៖ «ការចរចាព្រំដែនេះ គឺយើងត្រូវការពេលវេលា និងត្រៀមលក្ខណៈគ្រប់ពេល នេះគឺជាការទទួលខុសត្រូវរបស់យើង ហើយយើងមិនធ្វើឱ្យបាត់នូវដែនដីរបស់យើង ឬអធិបតេយ្យភាពរបស់យើងទេ កិច្ចការព្រំដែន និងសូមការធានាមួយនេះ សូមបងប្អូនជឿទុកចិត្តចុះ»។ សម្តេចបានថ្លែងថា អ្នកដែលស្រែកថា រាជរដ្ឋាភិបាលមិនមាត់មិនអើពើ គឺយើងចង់ប្រាប់ត្រឡប់ទៅវិញថា គឺរាជរដ្ឋាភិបាលប្រកាន់យកជំហរចាស់ទុំ មិនចេះតែលោតលិចកើតតាមគេនោះទេ ​បើអ្នកនយោបាយចាស់វស្សាដែលបន្តិចលោតចុះលោតឡើង សូមកុំឱ្យក្មេងលោតតាម ទុកចរិតនេះសម្រាប់ប្រើខ្លួនឯងទៅបានហើយ។ សម្តេចបានលើកឡើងដែរថា ពាក់ព័ន្ធនឹងបញ្ហាកោះគុត គឺរដ្ឋាភិបាលប្រទេសទាំងពីរ កំពុងចរចា ហើយមិនទាន់មានឯកភាពគ្នានៅឡើយ។ ដូច្នេះការនិយាយថា កោះគុតបាត់​បង់ទៅខាងភាគីថៃនោះ គឺជារឿងមិនត្រឹមត្រូវ តើបាត់ទៅណាបើភាគីទាំងពីរមិនទាន់ឯកភាពគ្នាផងនោះ។​ សម្តេចបានបន្តបញ្ជាក់ថា រឿងរដ្ឋាភិបាលមិនប្រតិកម្ម ដោយសារតែរដ្ឋាភិបាលមានភាពចាស់ទុំ ដែលដោះស្រាយតាមយន្តការរដ្ឋ និងរដ្ឋ ហើយមិនយកភ្លើងខាងក្រៅចូលមកក្នុង ហើយធ្វើសកម្មភាពផ្អែកលើគោលការណ៍ប្រាកដប្រជា។ សម្តេចបានបញ្ជាក់ទៀតថា ចំពោះបញ្ហាក្រុមប្រឆាំងមួយចំនួនដែលចង់ឱ្យគណៈកម្មការព្រំដែនចេញមុខបកស្រាយតាមបច្ចេកទេសនោះ ក៏ពុំទាន់ចាំបាច់នោះដែរ […]

(ភ្នំពេញ)៖ ក្រោមកិច្ចសហការរវាងស្ថាប័នបវរកញ្ញាភពផែនដីអន្តរជាតិ ដែលបានបង្កើតឡើងដោយកូនខ្មែរ ជាមួយនឹងក្រសួងទេសចរណ៍ កម្ពុជាបានរៀបចំកម្មវិធីបង្ហាញសម្រស់មួយដ៏អស្ចារ្យ គឺកម្មវិធីបវរកញ្ញាឯក​ភពផែនដីអន្តរជាតិឆ្នាំ២០២៤(Miss Planet International 2024)​ ជាលើកទី៤ ដែលបានចាប់ផ្តើមពីថ្ងៃទី១៩ ដល់ថ្ងៃទី២៧ ខែវិច្ឆិកា ឆ្នាំ២០២៤ ដើម្បីចូលរួមជួយផ្សព្វផ្សាយពីតំបន់អរិយធម៍ វប្បធម៍ ប្រពៃណី និងតំបន់ទេសចរណ៍របស់កម្ពុជាទៅកាន់ពិភពលោក។ ជាក់ស្តែងគិតត្រឹមល្ងាចថ្ងៃទី២០ ខែវិច្ឆិកា ឆ្នាំ២០២៤នេះ បេក្ខភាពប្រកួតបវរកញ្ញាឯកភពផែនដីអន្តរជាតិ​ ឆ្នាំ២០២៤ ទាំង ៦៨ប្រទេស បានមកដល់កម្ពុជាហើយ។ នេះបើតាមការបញ្ជាក់ឱ្យដឹងពីលោកស្រី Halley Amin ប្រធានស្ថាប័ន​ Miss Planet International ។ លោកស្រី Halley Amin បានបន្ថែមថា បវរកញ្ញាទាំង ៦៨ប្រទេស នៅថ្ងៃទី២១ ខែវិច្ឆិកា ស្អែកនេះនឹងទៅទស្សនកិច្ចនៅវិមានឈ្នះឈ្នះ និងពហុកីឡដ្ឋានមរតតេជោ, នៅថ្ងៃទី២២ និងធ្វើដំណើរទៅ​កាន់ខេត្តសៀមរាប ដើម្បីរៀបចំកម្មវិធីពាក់ព័ន្ធនឹងបរិស្ថាន, នៅថ្ងៃទី២៤ ធ្វើដំណើរទៅទស្សកិច្ចនៅប្រាសាទអង្គរវត្ត ជាមួយគ្នានោះបវរកញ្ញាទាំងអស់ក៏នឹងចូលរួមដាំកូនត្នោតប្រមាណ ២ពាន់ដើមផងដែរ។ សូមបញ្ជាក់ដែរថា បវរកញ្ញាឯកភពផែនដីឆ្នាំ២០២៤ ទាំង ៦៨ប្រទេសមានមកពីប្រទេសដូចជា៖ MISS PLANET […]

(ភ្នំពេញ)៖ កម្លាំងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានបង្ក្រាបក្មេងទំនើងឈ្មោះក្រុមដើមពោធិ៍ DP ចំនួន១០នាក់ ពាក់ព័ន្ធករណីព្រួតគ្នាកាប់ប្រហារទៅលើជនរងគ្រោះ ចំនួន៣ករណី ក្នុងនោះបណ្ដាលឲ្យស្លាប់ និងរបួស នៅមូលដ្ឋានខណ្ឌពោធិ៍សែនជ័យ និងខណ្ឌសែនសុខ។ ប្រតិបត្តិការនេះធ្វើឡើងដោយអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កាលពីថ្ងៃទី១៨ ខែវិច្ឆិកា ឆ្នាំ២០២៤ នៅចំណុចលើផ្លូវលំ ភូមិថ្មគោល២ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។ របាយការណ៍របស់ស្នងការដ្ឋាននគរបាលរាជធានីភ្នំពេញ ដែលបណ្ដាញព័ត៌មាន Fresh News ទទួលបាននៅរសៀលថ្ងៃទី២០ ខែវិច្ឆិកា ឆ្នាំ២០២៤នេះ បានឲ្យដឹងថា ក្រុមក្មេងទំនើងទាំង១០នាក់ដែលកម្លាំងជំនាញចាប់ខ្លួនបាននេះ ពាក់ព័ន្ធប្រព្រឹត្តបទល្មើសអំពើហិង្សាដោយចេតនាមានស្ថានទម្ងន់ទោស (ព្រួតគ្នាយកដាវចំនួន០២ដើមកាប់ជនរងគ្រោះឲ្យរងរបួស) ចំនួន៣ករណី។ ក្នុងនោះរួមមាន ប្រព្រឹត្តនៅចំណុចផ្លូវបេតុង ភូមិចំការឪឡឹក សង្កាត់កាកាប១ ខណ្ឌពោធិ៍សែនជ័យ កាលពីថ្ងៃទី១៦ ខែវិច្ឆិកា ឆ្នាំ២០២៤ (ជនរងគ្រោះស្លាប់), ប្រព្រឹត្តនៅចំណុចស្ថានីយ៍ប្រេងឥន្ធនៈតេលា ផ្លូវលេខ២០០៤ សង្កាត់អូរបែកក្អម ខណ្ឌសែនសុខ កាលពីថ្ងៃទី១៧ ខែវិច្ឆិកា ឆ្នាំ២០២៤ (រងរបួសធ្ងន់) និងប្រព្រឹត្តនៅចំណុចផ្លូវបេតុង សង្កាត់ចោមចៅ៣ […]