(ភ្នំពេញ)៖ អគ្គលេខាធិការដ្ឋាន នៃគណៈកម្មការគ្រប់គ្រងល្បែងពាណិជ្ជកម្មកម្ពុជា បានពិនិត្យឃើញមានការផ្សព្វផ្សាយពាណិជ្ជកម្មអំពីល្បែងកាស៊ីណូអនឡាញ ល្បែងភ្នាល់អនឡាញ និងឆ្នោតកន្ទុយលេខ ដែលជាល្បែងស៊ីសងខុសច្បាប់តាម Facebook ប្រព័ន្ធតេលេក្រាម និងបណ្តាញសង្គមយូធូប (Youtube) ចំនួន២១ទំព័រ ដែលជាសកម្មភាពល្មើសនឹងច្បាប់ស្តីពីការគ្រប់គ្រងល្បែងពាណិជ្ជកម្ម និងច្បាប់ស្ដីពីការបង្រ្កាបល្បែងស៊ីសង។ Facebook, ប្រព័ន្ធតេលេក្រាម និង Youtube ទាំង២១ រួមមាន៖ ១៖ Flyzz News, ២៖ Aa2888 Official, ៣៖ Vivendo a vida, ៤៖ Xylophone Marketing, ៥៖ ពិភពបាល់ទាត់ និងហ្គេមកាស៊ីណូ, ៦៖ VVIP CAM, ៧៖ Fa Fa Galaxy7 ជាហ្គេមអនឡាញល្បីនៅអាស៊ី, ៨៖ FAFA365-khcs ៩៖ FAFAJOKER_Official, ១០៖ SBC369-Agency 1, ១១៖ FAFA666, ១២៖ បាល់ […]

(ភ្នំពេញ)៖ សមត្ថកិច្ចគយ និងរដ្ឋាករ ប្រចាំអាកាសយានដ្ឋានអន្តរជាតិភ្នំពេញ បានសហការជាមួយកម្លាំងជំនាញមន្ទីរប្រឆាំងគ្រឿងញៀន ដោយមានការសម្របសម្រួលពីលោក ច្រឹង ខ្មៅ ព្រះរាជអាជ្ញាអមសាលាដំបូងរាជធានីភ្នំពេញ ឃាត់ខ្លួនអ្នកដំណើរចំនួន ២នាក់ ប៉ុនប៉ងដឹកជញ្ជូនគ្រឿងញៀន តាមជើងយន្តហោះពីកម្ពុជាទៅកាន់ប្រទេសកូរ៉េខាងត្បូង។ មន្ត្រីជាន់ខ្ពស់មន្ទីរប្រឆាំងគ្រឿងញៀន បានប្រាប់បណ្តាញព័ត៌មាន Fresh News នៅព្រឹកថ្ងៃទី៦ ខែមីនា ឆ្នាំ២០២៤នេះថា ការបង្ក្រាបនេះធ្វើឡើងនៅថ្ងៃទី៣ ខែមីនា ឆ្នាំ២០២៤ ដោយឃាត់ខ្លួនជនល្មើស ២នាក់ គឺឈ្មោះ Kim jangeun ភេទប្រុស ជនជាតិកូរ៉េ (ប្ដី) និងឈ្មោះ Lee hyeran ភេទស្រី ជនជាតិកូរ៉េ (ប្រពន្ធ)។ ចំណែកថ្នាំញៀន ដែលឃាត់យកបានរួមមាន៖ សារធាតុញៀនប្រភេទ មេតំហ្វេតាមីន (ICE) ទម្ងន់ ១២៩០.៧៩ក្រាម (ប្ដី) និងសារធាតុញៀនប្រភេទ កេតាមីន(Ketamine) ទម្ងន់ ៩៨៧.៤២ក្រាម (ប្រពន្ធ)។ សរុបទម្ងន់ ២២៧៩.២១ក្រាម (២គីឡូក្រាម និង២៧៩,២១ក្រាម)។ បច្ចុប្បន្នជនសង្ស័យ […]

(កំំពង់ចាម)៖ មន្ទីរធម្មការ និងសាសនាខេត្តកំពង់ចាម នៅថ្ងៃទី៥ ខែមីនា ឆ្នាំ២០២៤នេះ បានចេញប្រកាសព័ត៌មានពាក់ព័ន្ធសំណង់ «មហាកុដិ» នៅវត្តគិរីសាលវ័ន ហៅវត្តថ្មី ស្ថិតនៅភូមិទួលត្រាច ឃុំទ្រាន ស្រុកកំពង់សៀម ដែលសាងសង់ខុសរចនាបថខ្មែរ ក្រោយព័ត៌មាន និងរូបភាពកុដិនេះត្រូវបានចែកចាយព្រោងព្រាតតាមបណ្តាញសង្គម។ ក្រោយទទួលបានព័ត៌មាននេះ, មន្ទីរធម្មការ និងសាសនាខេត្តកំពង់ចាម បានដឹកនាំក្រុមការងារ សហការជាមួយមន្ទីរវប្បធម៌ និងវិចិត្រសិល្បៈខេត្តកំពង់ចាម សាលាគណខេត្តកំពង់ចាម រដ្ឋបាលស្រុកកំពង់សៀម សាលាអនុគណ ស្រុកកំពង់សៀម និងអាជ្ញាធរមូលដ្ឋាន បានចុះទៅពិនិត្យ និងជួបប្រជុំពិភាក្សាជាមួយព្រះ ចៅអធិការ អាចារ្យ គណៈកម្មការវត្ត បានពិនិត្យឃើញថា៖ សំណង់មហាកុដិនេះ នៅផ្ទៃខាងមុខមានរចនាបថមិនសមស្របជា លក្ខណៈខ្មែរពិតប្រាកដមែន។ សំណង់នេះ ត្រូវបានដំណើរការសាងសង់ចាប់តាំងពីឆ្នាំ២០១៨ មកម្ល៉េះ ដោយពុំមានការសុំច្បាប់អនុញ្ញាតសាងសង់នោះឡើយ ហើយនៅពេលចាប់ផ្តើមគម្រោងសាងសង់ដំបូង ព្រះគ្រូចៅអធិការវត្ត ពិតជាបានសិក្សាគំនូសប្លង់ ស្ថាបត្យកម្ម ជាមួយនឹងវិស្វករជំនាញត្រឹមត្រូវតាមរចនាបថខ្មែរ ប៉ុន្តែលុះក្រោយមក ព្រះចៅអធិការវត្ត និងជាងបានកែប្រែរចនាបថនេះ ខុសពីប្លង់ដើម នៅផ្នែកខាងមុខ។ សំណង់នេះ ពុំមែនគ្រាន់តែជាកុដិសម្រាប់ព្រះគ្រូចៅអធិការវត្ត និងព្រះសង្ឃគង់នៅប៉ុណ្ណោះទេ តែជាសំណង់ជាពហុបំណង កម្ពស់៣ជាន់ […]

(ភ្នំពេញ)៖ ក្រសួងពាណិជ្ជកម្ម នឹងបន្ដខិតខំសម្របសម្រួលតម្លៃលក់រាយប្រេងឥន្ទនៈ និងថ្លៃទំនិញមួយចំនួនទៀត ដើម្បីធ្វើយ៉ាងណាឲ្យប្រជាពលរដ្ឋអាចទទួលទិញ យកទៅប្រើប្រាស់បាន។ នេះបើតាមលោក ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម ថ្លែងឲ្យដឹងនៅសន្និសីទសារព័ត៌មាន នៅថ្ងៃទី៤ ខែមីនា ឆ្នាំ២០២៤។ លោកបានបន្ដថា ក្រុមការងារតាមដានថ្លៃទំនិញក្នុងអាណត្តិនេះ បានពិភាក្សាលើការវិភាគថ្លៃ កាន់តែលម្អិតទៀត លើទំនិញសម្រាប់ប្រើប្រាស់ប្រចាំថ្ងៃ សម្រាប់បម្រើជីវភាព និងទំនិញយុទ្ធសាស្រ្ដ សម្រាប់បម្រើឧស្សាហកម្មផង និងបម្រើជីវភាពផង ដើម្បីធ្វើយ៉ាងណាលៃលកឲ្យមានប្រេងលក់, មានប្រេងតម្លៃសមរម្យ អាចឲ្យពលរដ្ឋទទួលទិញប្រើប្រាស់បាន ក៏ដូចគ្នាចំពោះទំនិញបម្រើជីវភាពដទៃទៀត គឺយើងខិតខំធ្វើយ៉ាងណា អាចឲ្យពលរដ្ឋទទួលទិញប្រើប្រាស់បាន។ លោក ប៉ែន សុវិជាតិ បានថ្លែងថា «ក្រសួងពាណិជ្ជកម្មនៅតែបន្ដ សម្របសម្រួលចំពោះការលក់រាយប្រេងឥន្ទនៈតាមស្ថានីយ ហើយក្រសួងបានបន្ដរហូតមកដល់ពេលនេះ លើសពីនេះក្រសួងក៏បាន និងកំពុងគិតគូរពិចារណា មើលទៅលើទំនិញយុទ្ធសាស្រ្ដដទៃទៀត (ទំនិញបម្រើជីវភាពប្រចាំថ្ងៃ និងទំនិញយុទ្ធសាស្រ្ដ)»។ លោក ប៉ែន សុវិជាតិ បានបញ្ជាក់ថា ក្នុងក្របខណ្ឌពាណិជ្ជកម្ម ក្នុងប្រទេសយើងបានធ្វើកិច្ចការសំខាន់ៗទាំងអស់នេះ ដែលជាស្នាដៃនៃអាណតិ្តថ្មី រាប់តាំងពីការចុះអនុស្សរណៈកែច្នៃផលិតផល ក្នុងនោះមានគោលនយោបាយសំខាន់ៗពីរ លើទំនិញសំខាន់ គឺគោលនយោបាយស្វាយចន្ទី និងគោលនយោបាយដំឡូងមី ក៏ត្រូវបានជំរុញអនុវត្តន៍ផងដែរ៕ […]

(ភ្នំពេញ)៖ ក្នុងគោលបំណងដើម្បីពង្រឹងកិច្ចសហប្រតិបត្តិការ និងទំនាក់ទំនងផ្នែកវប្បធម៌ រាជរដ្ឋាភិបាលកម្ពុជា បានស្នើទៅរដ្ឋាភិបាលអង់គ្លេស ពិនិត្យលទ្ធភាពក្នុងការចុះអនុស្សរណ:នៃការយោគយល់ (MOU) ស្តីពីការទប់ស្កាត់ការចរាចរវត្ថុបុរាណដោយខុសច្បាប់។ នេះបើតាមក្រុមអ្នកនាំពាក្យក្រសួងវប្បធម៌ និងវិចិត្រសិល្បៈ ថ្លែងប្រាប់បណ្តាញព័ត៌មាន Fresh News ។ ការស្នើនេះ បានធ្វើឡើងក្នុងឱកាសលោកស្រី Anne-Marie Trevelyan រដ្ឋលេខាធិការទទួលបន្ទុកកិច្ចការឥណ្ឌូ-ប៉ាស៊ីហ្វិក នៃក្រសួងការបរទេសអង់គ្លេស ជួបប្រជុំជាមួយលោកស្រីបណ្ឌិតសភាចារ្យ ភឿង សកុណា​ រដ្ឋមន្ត្រីក្រសួងវប្បធម៌និងវិចិត្រសិល្បៈ នៅថ្ងៃទី៤ ខែមីនា ឆ្នាំ២០២៤ម្សិលមិញ។ ក្នុងឱកាសនោះ ថ្នាក់ដឹកនាំជាន់ខ្ពស់ទាំងពីររូប បានប្រជុំពិភាក្សាការងារបន្ថែម ផ្តោតចំណុចសំខាន់ៗមួយចំនួនដូចជា៖ * ១៖ ពិនិត្យលទ្ធភាពក្នុងការចុះអនុស្សរណ:នៃការយោគយល់ (MOU) ស្តីពីការទប់ស្កាត់ការចរាចរវត្ថុបុរាណដោយខុសច្បាប់ * ២៖ ជួយសម្របសម្រួលក្នុងការបញ្ជូនអ្នកជំនាញមកជួយអភិរក្សសមុច្ច័យអំពីមាស និងជួយផ្តល់គំនិតយោបល់ក្នុងការរៀបចំដាក់តាំងសមុច្ច័យទាំងនោះឱ្យបានត្រឹមត្រូវតាមបទដ្ឋានបច្ចេកទេស ពោលគឺការរក្សាការពារមិនឱ្យមានការឡើងស្នឹមនិងខូចខាតពីសំណើមក្នុងពេលដាក់តាំងបង្ហាញ * ៣៖ ពិនិត្យលទ្ធភាពនៃការបញ្ជូនមន្ត្រីជំនាញទៅសិក្សាវគ្គបណ្តុះបណ្តាលខ្លី ឬ វែងនៅចក្រភពអង់គ្លេសបន្ថែមទៀត ជាពិសេសគឺនៅសាកលវិទ្យាល័យ SOAS នៃចក្រភពអង់គ្លេស(SOAS University of London)។ លោក ស៊ុំ ម៉ាប់ […]

(ព្រះសីហនុ)៖ ស្នងការដ្ឋាននគរបាលខេត្តព្រះសីហនុ បានចេញសេចក្ដីប្រកាសព័ត៌មាន ប្រកាសដល់ប្រជាពលរដ្ឋ បើសិនសង្ស័យ មានជនបន្លំជាសមត្ថកិច្ចចុះបង្ក្រាប តាមផ្លូវសូមទាក់ទងលេខទូរស័ព្ទ: 097 778 0008។ នេះបើតាមសេចក្ដីប្រកាសព័ត៌មាន ដែលបណ្ដាញព័ត៌មាន Fresh News ទទួលបាននៅទី០៥ ខែមីនា ឆ្នាំ២០២៤។ (រូបតំណាង) ស្នងការដ្ឋាននគរបាលខេត្តព្រះសីហនុ បានឲ្យដឹងថា បច្ចុប្បន្ននេះ ស្ថានភាពសន្តិសុខ សុវត្ថិភាព និងសណ្តាប់ធ្នាប់សាធារណៈសង្គម នៅខេត្តព្រះសីហនុ គឺមានភាពល្អប្រសើរ និងសូមបញ្ជាក់ជូនសាធារណជនថា៖ * ស្នងការដ្ឋាននគរបាលខេត្តព្រះសីហនុ បានដាក់កម្លាំងសមត្ថកិច្ចជំនាញ ឲ្យចុះធ្វើការអនុវត្តវិធាន ការរឹតបន្ដឹងច្បាប់ចរាចរណ៍ តាមដងផ្លូវសាធារណៈ ដោយពុំមានការចូលរួមសហការពីសមត្ថកិច្ច បរទេស ឬស្ថាប័នអន្តរជាតិណាមួយឡើយ ដែលផ្ទុយពីរដ្ឋធម្មនុញ្ញ នៃព្រះរាជាណាចក្រកម្ពុជា។ * ស្នងការដ្ឋាននគរបាលខេត្តព្រះសីហនុ ខិតខំយកចិត្តទុកដាក់ការពារសន្តិសុខ សុវត្ថិភាព និងសណ្តាប់ធ្នាប់សាធារណៈនៅខេត្តព្រះសីហនុ ជូនប្រជាពលរដ្ឋក្នុងប្រទេស និងក្រៅប្រទេសអ្នកវិនិយោគ និងភ្ញៀវទេសចរណ៍ជាតិ-អន្តរជាតិ ដែលកំពុងរស់នៅ និងមកលេងកម្សាន្ត នៅក្នុងខេត្តព្រះសីហនុ គ្រប់កាលៈទេសៈទាំងអស់។ ស្នងការដ្ឋាននគរបាលខេត្តព្រះសីហនុ សូមអំពាវនាវដល់បងប្អូនប្រជាពលរដ្ឋ អ្នកវិនិយោគគិន ភ្ញៀវទេសចរណ៍ជាតិ និងអន្តរជាតិទាំងអស់ […]

(ភ្នំពេញ)៖ រដ្ឋបាលខេត្តសៀមរាប បានចេញសេចក្តីប្រកាសព័ត៌មាន ករណីឆេះផ្ទះរថយន្តដឹក ភ្ញៀវទេសចរ ៤៥កៅអី ១គ្រឿង នៅទីតាំងចំណតរថយន្តមុខប្រាសាទអង្គរវត្ត នៅព្រឹកថ្ងៃទី០៥ ខែមីនា ឆ្នាំ២០២៤ វេលាម៉ោង ០៥៖៥០នាទី។ តាមរយៈរបាយការណ៍ស្រាវជ្រាវបឋមរបស់សមត្ថកិច្ច រថយន្ត ៤៥កៅអី មួយគ្រឿងខាងលើនេះ បានដឹកភ្ញៀវទេសចរឱ្យចូលមើលថ្ងៃរះក្នុងបរិវេណប្រាសាទអង្គរវត្ត រួចចូលចំណតចតជាធម្មតា ដោយមានរថយន្តចតក្បែរផងដែរ។ មូលហេតុនៃការឆេះផ្ទះនេះ គឺជាឧបទ្ទវហេតុបណ្តាលមកពីលក្ខណៈបច្ចេកទេសរបស់រថយន្ត ៤៥កៅអីមួយគ្រឿង ដែលមានស្លាកលេខ ភ្នំពេញ 3E-4674 រហូតដល់ឆេះរាលដាលដល់រថយន្តចតក្បែរ ២គ្រឿងទៀត។ គណៈបញ្ជាការឯកភាពរដ្ឋបាលខេត្ត បាននិងកំពុងសហការជាមួយក្រសួង ស្ថាប័នពាក់ព័ន្ធ និងបានណែនាំដល់សមត្ថកិច្ចជំនាញរបស់ រដ្ឋបាលខេត្ត ដើម្បីស្រាវជ្រាវបន្ថែមទៀតអំពីហេតុការណ៍ដែលបានកើតឡើងនេះ។ ករណីគ្រោះថ្នាក់នេះមិនបានបង្កឱ្យរងរបួសដល់ភ្ញៀវ- ទេសចរនោះទេ ដោយបានបង្កការខូចខាតរថយន្តចំនួន ៣គ្រឿង ក្នុងនោះរថយន្តប្រភេទ ៤៥កៅអី ២ គ្រឿង រថយន្ត ២៤កៅអី ១គ្រឿង និងបណ្តាលឱ្យរងរបួសមនុស្ស ២នាក់។ រដ្ឋបាលខេត្ត ស្នើដល់សារព័ត៌មានជាតិ អន្តរជាតិ និងបងប្អូនប្រជាពលរដ្ឋ ចៀសវាងការ ផ្សព្វផ្សាយព័ត៌មាន ដោយធ្វើការសន្និដ្ឋាន ឬដោយការយល់ឃើញណាមួយផ្ទាល់ខ្លួន […]

(ភ្នំពេញ)៖ ការរៀបចំតាំងពិព័រណ៍សៀវភៅនឹងត្រឡប់មកជាថ្មីម្ដងទៀតដើម្បីអបអរសាទរទិវាជាតិអំណានលើកទី៩ ដោយប្រារព្ធឡើង ចំនួន៣ថ្ងៃ។ សូមចូលរួមឱ្យបានកុះករទាំងអស់គ្នាណា ដើម្បីជាចំណែកក្នុងការលើកស្ទួយដល់ការអាន និងតែងនិពន្ធសៀវភៅនៅកម្ពុជា និងដើម្បីចូលរួមលើកទឹកចិត្តដល់បេក្ខជនដែលមកពីទូទាំងប្រទេសក្នុងការប្រកួតប្រជែងផ្នែកអំណាន តែងនិពន្ធ សូត្រកំណាព្យ និងស្មូត្រផងដែរ។ ការរៀបចំពិព័រណ៍សៀវភៅលើកទី៩នេះនឹងធ្វើឡើងនៅថ្ងៃទី០៩ ដល់ថ្ងៃទី១០ និងទី១១ ខែមីនា ឆ្នាំ២០២៤ (សៅរ៍-អាទិត្យ-ចន្ទ) នៅវិទ្យាស្ថានបច្ចេកវិទ្យាកម្ពុជា (សាលាតិចណូ)៕ ផ្តល់សិទ្ធិដោយ៖ freshnews

(អូស្ត្រាលី)៖ ប្រមុខនៃរាជរដ្ឋាភិបាលកម្ពុជា សម្តេចធិបតី ហ៊ុន ម៉ាណែត បានឱ្យដឹងថា សហគមន៍ខ្មែរ-អូស្ត្រាលី ដ៏រស់រវើកដើរតួជាស្ពាន និងដើរតួនាទីយ៉ាងសំខាន់ក្នុងការពង្រឹងចំណងមិត្តភាពរវាងប្រជាជាតិទាំងពីរ។ បើយោងតាមជំរឿនអូស្ត្រាលីឆ្នាំ២០២១ ប្រជាពលរដ្ឋខ្មែរជាង ៥៧,០០០នាក់ ហៅអូស្ត្រាលីថាជាផ្ទះរបស់ពួកគេ។ ការលើកឡើងបែបនេះ របស់សម្តេចធិបតី ហ៊ុន ម៉ាណែត បានធ្វើឡើងក្នុងឱកាសដែលសម្តេចបានអញ្ជើញជាអធិបតីភាពក្នុងពិធីបើកវេទិកាធុរកិច្ចកម្ពុជា-អូស្ត្រាលី នាព្រឹកថ្ងៃទី០៥ ខែមីនា ឆ្នាំ២០២៤នេះ។ ក្នុងសន្ទរកថាថ្លែងជាភាសាអង់គ្លេស សម្តេចធិបតី ហ៊ុន ម៉ាណែត បានឱ្យដឹងយ៉ាងដូច្នេះថា៖ «លើសពីនេះសហគមន៍ខ្មែរ-អូស្ត្រាលីដ៏រស់រវើក ដើរតួជាស្ពាន និងដើរតួនាទីយ៉ាងសំខាន់ក្នុងការពង្រឹងចំណងមិត្តភាពរវាងប្រជាជាតិយើង។ យោងតាមជំរឿនអូស្ត្រាលីឆ្នាំ ២០២១ ប្រជាពលរដ្ឋខ្មែរជាង ៥៧,០០០នាក់ ហៅអូស្ត្រាលីថាជាផ្ទះរបស់ពួកគេ»។ នាឱកាសនោះដែរ សម្តេចធិបតី ហ៊ុន ម៉ាណែត បានលើកឡើងថា ជនជាតិខ្មែរ-អូស្ត្រាលីជំនាន់ទី២ ត្រូវបានដាក់បញ្ចូលទៅក្នុងសង្គមអូស្ត្រាលី ខណៈពេលដែលមានការកោតសរសើរចំពោះឫសគល់វប្បធម៌របស់ពួកគេ។ រឿងរ៉ាវរបស់ពួកគេគឺជារឿងមួយនៃការជម្នះឧបសគ្គ កសាងជីវិតឱ្យកាន់តែប្រសើរឡើង និងជំរុញឱ្យមានមរតកដ៏រស់រវើក។ ទន្ទឹមនឹងនេះដែរ សម្តេចប្រមុខនៃរាជរដ្ឋាភិបាលកម្ពុជា បានបញ្ជាក់ថា នៅថ្នាក់តំបន់តួនាទីសកម្មរបស់កម្ពុជាក្នុងអាស៊ាន បានដើរតួនាទីជាកាតាលីករសម្រាប់ពង្រឹងទំនាក់ទំនងជាមួយប្រទេសអូស្ត្រាលី។ យុទ្ធសាស្ត្រសេដ្ឋកិច្ចអាស៊ីអាគ្នេយ៍ដល់ឆ្នាំ២០៤០ របស់រដ្ឋាភិបាលអូស្ត្រាលីពង្រឹងសន្ទុះនេះ ដោយត្រួសត្រាយផ្លូវសម្រាប់ការចូលរួមសេដ្ឋកិច្ចកាន់តែច្រើនជាមួយកម្ពុជា។ សម្តេចធិបតី ហ៊ុន […]

(អូស្រ្តាលី)៖ លោក Neil Brimacombe ប្រធានក្រុមហ៊ុន SPC Group ដែលជាក្រុមហ៊ុនឧស្សាហកម្មម្ហូបអាហារ និងភេសជ្ជៈដ៏ធំរបស់អូស្ត្រាលី បានបង្ហាញបំណងចង់វិនិយោគលើវិស័យឧស្សាហកម្មចំណីអាហារនៅកម្ពុជា។ ការបញ្ជាក់នេះ បានធ្វើឡើងនាព្រឹកថ្ងៃទី៥ ខែមីនា ឆ្នាំ២០២៤ ក្នុងឱកាសដែលលោកជួបពិភាក្សាជាមួយ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ក្នុងឱកាសចូលរួមកិច្ចប្រជុំកំពូលពិសេស អាស៊ាន-អូស្រ្តាលី នៅទីក្រុងម៉ែលប៊ន ប្រទេសអូស្ត្រាលី។ ក្នុងឱកាសនៃជំនួប លោកប្រធានក្រុមហ៊ុន បានថ្លែងអំណរគុណចំពោះ សម្តេចធិបតី ដែលបានឆ្លៀតពេលដ៏មមាញឹកអនុញ្ញាតឱ្យរូបលោក និងសហការី បានចូលជួបសម្តែងការគួរសម និងពិភាក្សាការងារ ព្រមទាំងបានគោរពជម្រាបជូន សម្ដេចធិបតី ថា ក្រុមហ៊ុនមានមូលដ្ឋាននៅប្រទេសអូស្ត្រាលី ហើយក៏មានប្រតិបត្តិការអាជីវកម្មនៅតាមបណ្ដាប្រទេសជាច្រើនលើពិភពលោក រួមទាំងតំបន់អាស៊ាន។ លោកប្រធានក្រុមហ៊ុន បានបន្ថែមទៀតថា ក្រុមហ៊ុនផ្ដោតលើវិស័យកសិ-ឧស្សាហកម្ម ហើយមានជំនាញលើការផលិតចំណីអាហារ និងការកែច្នៃវេចខ្ចប់ផ្លែឈើ ដែលបច្ចុប្បន្ននេះក្រុមហ៊ុនក៏មានរោងចក្រក្នុងការកែច្នៃផលិតផលពីផ្លែឈើដើម្បីនាំចេញទៅបណ្តាទីផ្សារទាំងនៅក្នុងតំបន់អាស៊ី និងពិភពលោកផងដែរ ហើយក្រុមហ៊ុនក៏មាននាំចូលនូវវត្ថុធាតុដើមពីបណ្ដាប្រទេសមួយចំនួន ដើម្បីគាំទ្រដល់ខ្សែច្រវាក់ផលិតកម្មរបស់ខ្លួន។ ជាមួយគ្នានេះ លោកនាយកប្រតិបត្តិ ក៏បានបង្ហាញបំណងវិនិយោគលើវិស័យឧស្សាហកម្មចំណីអាហារនៅកម្ពុជា ដែលជាជំនាញរបស់ក្រុមហ៊ុន SPC Group។ ជាការឆ្លើយតប សម្តេចធិបតី បានសម្តែងនូវការស្វាគមន៍ […]