(ហ្កាហ្សា)៖ កងកម្លាំងអ៉ីស្រាអែល បានវាយលុកលើទីក្រុងហ្កាហ្សា (Gaza City) នៅព្រឹកថ្ងៃចន្ទ (ម៉ោងក្នុងតំបន់) ហើយរថក្រោះជាច្រើនគ្រឿង បានរុលចូលទៅដល់កណ្តាលទីក្រុង ឆ្ពោះមកពីទិសដៅផ្សេងៗគ្នា ដោយអ្នកស្រុកពិណ៌នាថា ជាការវាយប្រហារដ៏ធ្ងន់ធ្ងរបំផុតមួយ ចាប់តាំងពីថ្ងៃទី៧ ខែតុលា។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី៨ ខែកក្កដា ឆ្នាំ ២០២៤។ សេវាសង្រ្គោះបន្ទាន់ស៉ីវិលនៅតំបន់ហ្កាហ្សានិយាយថា មនុស្សជាច្រើននាក់បានស្លាប់ ប៉ុន្តែក្រុមរបស់ខ្លួនមិនអាចទៅដល់ពួកគេបានទេ ដោយសារការវាយលុកដែលកំពុងបន្តនៅក្នុងសង្កាត់ Daraj និង Tuffah នៅភាគខាងកើត និង Tel Al-Hawa, Sabra និង Rimal នៅឯភាគខាងលិច។ មកទល់នឹងពេលនេះ រថក្រោះអ៉ីស្រាអែល បានឈរជើងនៅទីតាំមួយចំនួននៃសង្កាត់ Tel Al-Hawa និងសង្កាត់ Sabra ប៉ុន្តែមិនទាន់ទៅដល់សង្កាត់ ៣ផ្សេងទៀត ដែលក្រុមអ្នកស្រុកនិយាយថា កំពុងរងការទម្លាក់គ្រាប់បែកចាប់តាំងពី យប់រហូតដល់ព្រឹកព្រលឹមថ្ងៃនេះនោះទេ ស្របពេលដែលអគារច្រើនជាន់ជាច្រើនត្រូវបានបំផ្លាញ។ អ្នកស្រុកបានបន្ថែមថា រថក្រោះអ៉ីស្រាអែលមួយគ្រឿងមកពីទិសខាងកើត កំពុងរុញច្រានមនុស្សឱ្យឆ្ពោះទៅកាន់ផ្លូវនៅភាគខាងលិច ក្បែរតំបន់សមុទ្រមេឌីទែរ៉ាណេ។ គួរបញ្ជាក់ថា យោធាអ៉ីស្រាអែល ក៏បានទទួលស្គាល់ថាខ្លួនបាននិងកំពុងដំណើរការប្រតិបត្តិការ […]

(បរទេស)៖ បន្ទាប់ពី Apple នៅពេលនេះមានសេចក្តីរាយការណ៍មកថា ក្រុមហ៊ុន Google ទំនងជានឹងនាំយកស្មាតហ្វូន Pixel របស់ខ្លួនដេលផលិតនៅក្នុងប្រទេសឥណ្ឌា ដាក់លក់ទៅកាន់អឺរ៉ុប និងសហរដ្ឋអាមេរិកក្នុងពេលឆាប់ៗខាងមុខ។ ត្បិតពេលនេះ Google គ្រោងនឹងដាក់បង្ហាញស៊េរី Pixel 9 របស់ខ្លួន នៅក្នុងប្រទេសឥណ្ឌានៅថ្ងៃទី១៣ ខែសីហា ខាងមុខ។ នេះបើយោងតាមការចេញផ្សាយដោយគេហទំព័រព័ត៌មាន Business Today។ យោងតាមរបាយការណ៍របស់ Moneycontrol បានឲ្យដឹងថាភាគរយនៃឧបករណ៍របស់ក្រមហ៊ុន Google ដែលត្រូវបានផលិតនៅក្នុងប្រទេសឥណ្ឌា នឹងមាននៅទីផ្សារអឺរ៉ុបឆាប់។ ឧបករណ៍ទាំងអស់នោះ គឺត្រូវបានយកចិត្តទុកដាក់ដោយក្រុមហ៊ុនផលិតចំនួនពីរគឺ Foxconn និង Dixon Technologies នៅក្នុងប្រទេសឥណ្ឌា។ ការប្រកាសជាផ្លូវការពី Google ក៏ត្រូវបានរំពឹងទុកក្នុងពេលឆាប់ៗនេះផងដែរ។ គួរជម្រាបថា ស្មាតហ្វូន Pixel ប្រភេទ base នឹងធ្វើការផលិតដោយក្រុមហ៊ុន Dixon Technologies ខណៈពេលដែលក្រុមហ៊ុន Foxconn នឹងទទួលខុសត្រូវទៅលើការផលិតស្មាតហ្វូន high-end PRO។ ក្រុមហ៊ុន Google នៅមិនទាន់ប្រកាសជាផ្លូវការទៅលើរឿងនេះទេ ប៉ុន្តែវាអាចនឹងប្រកាសជាផ្លូវការនៅក្នុងឆមាសទី២ […]

(បរទេស)៖ ក្រសួងផែនការ និងវិនិយោគរបស់ប្រទេសវៀតណាមបាននិយាយនៅក្នុងសេចក្តីថ្លែងការណ៍មួយ ត្រូវបានចេញផ្សាយដោយ Reuters ថាប្រទេសវៀតណាមបានបាត់បង់ឱកាសដើម្បីទាក់ទាញការវិនិយោគដែលមានតម្លៃរាប់ពាន់លានដុល្លារ ដោយក្រុមហ៊ុនពហុជាតិដូចជា Intel និង LG Chem ខណៈដែលប្រទេសអាស៊ីអាគ្នេយ៍មួយនេះខ្វះការលើកទឹកចិត្តក្នុងការវិនិយោគ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃទី០៦ ខែកក្កដា ឆ្នាំ២០២៤។ តាមការបញ្ជាក់របស់ក្រសួងនៅក្នុងឯកសារចុះថ្ងៃទី២៩ ខែមិថុនាថា ក្រុមហ៊ុន Intel បានស្នើសុំបណ្តាក់ទុនចំនួន ៣.៣ ពាន់លានដុល្លារនៅក្នុងគម្រោងផលិតបន្ទះឈីបមួយនៅក្នុងប្រទេសវៀតណាម ហើយបានស្នើសុំឱ្យប្រទេសនេះ «ជំនួយជាសាច់ប្រាក់» ចំនួន ១៥ភាគរយ ប៉ុន្តែក្រោយមកបានសម្រេចចិត្តផ្លាស់ប្តូរគម្រោងនេះទៅប្រទេសប៉ូឡូញ។ ក្រុមហ៊ុន LG Chem ក៏បានរំលងវៀតណាមក្នុងការវិនិយោគលើគម្រោងផលិតថាមពលថ្មផងដែរ បន្ទាប់ពីបានស្នើសុំឱ្យវៀតណាមគ្របដណ្តប់ ៣០ភាគរយនៃតម្លៃវិនិយោគ។ ផ្ទុយទៅវិញក្រុមហ៊ុន LG Chem បានសម្រេចជ្រើសរើសវិនិយោគនៅប្រទេសឥណ្ឌូនេស៊ីជំនួសវិញ។ ឯកសាររបស់ក្រសួងផែនការ និងវិនិយោគបានបញ្ជាក់ថា «ក្រុមហ៊ុនធំៗជាច្រើនបានមកស្វែងរកឱកាសវិនិយោគនៅវៀតណាម ប៉ុន្តែក្រោយមកបានសម្រេចចិត្តផ្លាស់ទៅប្រទេសផ្សេងទៀត ទាំងនេះក៏ដោយសារតែវៀតណាមខ្វះបទប្បញ្ញត្តិស្តីពីការគាំទ្រការវិនិយោគ»៕ ផ្ដល់សិទ្ធិដោយ៖ Fresh News

(នីញ៉ាម៉េ)៖ កងទ័ពអាមេរិក បានដកចេញទាំងស្រុងពីមូលដ្ឋានរបស់ខ្លួន ក្នុងរដ្ឋធានីនីញ៉ាម៉េ នៃប្រទេសនីហ្សេហើយ ព្រមទាំងនឹងចាកចេញពីមូលដ្ឋានទ័ពក្នុងទីក្រុង Agadez ស្ថិតនៅភាគខាងជើងនៃប្រទេស នៅមុនថ្ងៃទី១៥ ខែកញ្ញា ដែលជាកាលបរិច្ឆេទកំណត់ដោយរបបសឹកនីហ្សេ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ មេដឹកនាំយោធានៃប្រទេសនីហ្សេ បានលុបចោលកិច្ចព្រមព្រៀងសហប្រតិបត្តិការយោធាជាមួយសហរដ្ឋអាមេរិក កាលពីខែមីនាកន្លងទៅ បន្ទាប់ពីឡើងគ្រប់គ្រងអំណាចដឹកនាំ ប្រទេស តាមរយៈការធ្វើរដ្ឋប្រហារកាលពីខែកក្កដា ឆ្នាំ២០២៣។ សហរដ្ឋអាមេរិកត្រូវបានរាយការណ៍ថាមានកងទ័ព ៦៥០នាក់ ឈរជើងនៅក្នុងប្រទេសនីហ្សេ ក្រោមបេសកកម្ម ប្រយុទ្ធប្រឆាំងនឹងក្រុមភេរវករ នៅតាមបណ្ដាប្រទេសក្នុងតំបន់ Sahel នៃតំបន់អាហ្វ្រិកភាគខាងលិច។ នៅក្នុងសេចក្ដីថ្លែងការណ៍មួយ នីហ្សេ និងសហរដ្ឋអាមេរិក បានគូសបញ្ជាក់ដូច្នេះថា «ក្រសួងការពារជាតិនីហ្សេ និងក្រសួងការពារជាតិអាមេរិក សូមប្រកាសថាការដក កងទ័ពអាមេរិក និងបរិក្ខារចេញពីមូលដ្ឋានទ័ពលេខ១០១ ក្នុងរដ្ឋធានី នីញ៉ាម៉េ ត្រូវបានបញ្ចប់ជាសា្ថពរ»។ សេចក្តីថ្លែងការណ៍ដដែលបន្ថែមថាជើងហោះហើរចុងក្រោយដឹក កងទ័ពអាមេរិក បានចាកចេញពីរដ្ឋធានី នីញ៉ាម៉េ នៅល្ងាចថ្ងៃអាទិត្យ ទី៧ ខែកក្កដា (ម៉ោងក្នុងតំបន់)។ គួរបញ្ជាក់ថា កាលពីថ្ងៃសៅរ៍សប្ដាហ៍មុន ក្រសួងការពារជាតិអាល្លឺម៉ង់ ក៏បានប្រកាសដែរថានឹងបញ្ចប់ប្រតិបត្តិការនៅឯមូលដ្ឋានទ័ពអាកាសរបស់ខ្លួនក្នុងប្រទេសនីហ្សេ នៅថ្ងៃទី៣១ ខែសីហា ចំពោះមុខការកើនឡើងឥទ្ធិពលរបស់រុស្ស៉ី ក្នុងប្រទេសមួយនេះ៕ ផ្ដល់សិទ្ធិដោយ៖ […]

(បរទេស)៖ ក្រុមហ៊ុនបច្ចេកវិទ្យាយក្ស Microsoft បានបញ្ជាក់ថា ខ្លួនបានរៀបចំការបញ្ឈប់ការងារមួយជុំទៀតក្នុងសប្តាហ៍នេះ។ យោងតាមការរាយការណ៍ដោយ Wired Geek ការបញ្ឈប់ការងារនឹងប៉ះពាល់ដល់អង្គភាពអាជីវកម្ម នាយកដ្ឋាន និងទីតាំងផ្សេងគ្នាជាច្រើននៅទូទាំងក្រុមហ៊ុន។ នេះបើយោងតាមការចេញផ្សាយដោយ apb LIVE នៅថ្ងៃទី០៥ ខែកក្កដា ឆ្នាំ២០២៤។ តាមរយៈការបង្ហោះនៅលើ LinkedIn បានបង្ហាញថា ការបញ្ឈប់បុគ្គលិកជុំនេះ នឹងរងផលប៉ះពាល់ជាចម្បងនៅក្នុងតួនាទីគ្រប់គ្រងផលិតផល និងកម្មវិធី (Product and Program management)។ ក្រុមហ៊ុន Microsoft មិនបានបង្ហាញពីចំនួនពិតប្រាកដនៃបុគ្គលិកដែលត្រូវបានបញ្ឈប់នោះទេ ប៉ុន្តែរបាយការណ៍បង្ហាញថាវា គឺជាការកាត់បន្ថយមួយផ្សេងទៀតបន្ទាប់ពីការកាត់បន្ថយពីមុនក្នុងឆ្នាំ ២០២៣ និងដើមឆ្នាំ ២០២៤។ អ្នកនាំពាក្យក្រុមហ៊ុន Microsoft បាននិយាយនៅក្នុងសេចក្តីថ្លែងការណ៍មួយថា «ការកែសម្រួលអង្គភាព និងកម្លាំងពលកម្ម គឺជាផ្នែកចាំបាច់ និងទៀងទាត់នៃការគ្រប់គ្រងអាជីវកម្មរបស់យើង។ យើងនឹងបន្តផ្តល់អាទិភាព និងវិនិយោគលើវិស័យកំណើនជាយុទ្ធសាស្រ្តសម្រាប់អនាគតរបស់យើង និងជាការគាំទ្រដល់អតិថិជន និងដៃគូរបស់យើង»។ គួរជម្រាបដែរថា ការកាត់បន្ថយការងារទាំងនេះនៅក្រុមហ៊ុន Microsoft គឺជាផ្នែកមួយនៃនិន្នាការ នៃការបញ្ឈប់ការងារនៅទូទាំងឧស្សាហកម្មបច្ចេកវិទ្យាក្នុងឆ្នាំ២០២៤ ដោយបុគ្គលិកជិត ១០០,០០០ នាក់ត្រូវបានបញ្ឈប់ពីការងាររហូតមកដល់ពេលនេះ នេះបើយោងតាមគេហទំព័រតាមដានការបញ្ឈប់ការងារ layoffs.fyi។ […]

(បរទេស)៖ នេះមិនមែនជារឿងចម្លែកទេ សម្រាប់អ្នកប្រើប្រាស់ផលិតផលរបស់ក្រុមហ៊ុន Apple ព្រោះរាល់ឧបករណ៍របស់ក្រុមហ៊ុននេះតែងតែកំណត់ថ្ងៃប្រើលែងបាន ពោលគឺលែងមានការអាប់ដេតបន្ថែម ដែលភាគច្រើនផ្តោតទៅលើផលិតផលបញ្ចេញយូរឆ្នាំមកហើយ។ ជាក់ស្តែងនៅពេលនេះ Apple បានចាត់ថ្នាក់ iPhone X, HomePod ជំនាន់ទីមួយ និង AirPods ជំនាន់ទី១ របស់ខ្លួនជា «ផលិតផលលែងប្រើបាន» (Obsolete Products)។ នេះបើតាមការចេញផ្សាយពីគេហទំព័រ Intrepreneur។ យោងតាមស្ដង់ដារចាត់ថ្នាក់របស់ Apple ផលិតផលត្រូវបានបញ្ឈប់ការផលិតលើសពី៥ឆ្នាំ ឬ តិចជាង ៧ឆ្នាំត្រូវបានចាត់ទុកថា «ផលិតផលលែងប្រើបាន» ខណៈការកំណត់នេះមានន័យថា Apple Store និងអ្នកផ្តល់សេវាដែលមានការអនុញ្ញាតពីក្រុមហ៊ុន នឹងបន្តផ្តល់សេវាកម្មជួសជុលសម្រាប់ផលិតផលទាំងនេះរហូតដល់២ឆ្នាំ ប្រសិនបើវាមានការផ្គត់ផ្គង់គ្រឿងបន្លាស់គ្រប់គ្រាន់។  ដូចដែលប្រិយមិត្តបានដឹងហើយថា iPhone X ត្រូវបានក្រុមហ៊ុន Apple ធ្វើការប្រកាសចេញដំបូងក្នុងខែកញ្ញា ឆ្នាំ 2017 និងមានលក់នៅ Apple Store នៅថ្ងៃទី03 ខែវិច្ឆិការ ឆ្នាំដដែល។ ងាកមក HomePod ដែលជា Speaker ដំបូងរបស់ Apple […]

(ឡុងដ៍)៖ លោក Keir Starmer នឹងក្លាយជានាយករដ្ឋមន្រ្តីថ្មីនៃចក្រភពអង់គ្លេស ស្របពេលដែលនៅថ្ងៃសុក្រនេះ គណបក្សប្រឆាំង Labour របស់លោក បានទទួលជ័យជម្នះភ្លូកទឹកភ្លូកដី នៅក្នុងការបោះឆ្នោតសកល ហើយវាបិទបញ្ចប់ការគ្រប់គ្រងអំណាចរយៈពេល១៤ឆ្នាំ របស់គណបក្ស Conservative។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃសុក្រ ទី៥ ខែកក្កដា ឆ្នាំ២០២៤។ នាយករដ្ឋមន្រ្តីអង់គ្លេសបច្ចុប្បន្ន ដែលមកពីបក្ស Conservative គឺលោក Rishi Sunak បានចេញមុខទទួលស្គាល់ភាពបរាជ័យ ដោយនិយាយថា គណបក្ស Labour បានទទួលជ័យជម្នះ ក្នុងការបោះឆ្នោតសកលនេះ ហើយលោកបានទូរស័ព្ទទៅកាន់លោក Kier Starmer ដើម្បីអបអរសាទរជ័យជម្នះរបស់លោក។ បក្ស Labour ឈ្នះបានអាសនៈលើស៣២៦អាសនៈ ដែលចាំបាច់ដើម្បីក្តោបក្តាប់​សំឡេងភាគច្រើន នៅក្នុងរដ្ឋសភាអង់គ្លេស ដែលមានអាសនៈសរុបចំនួន៦៥០។ រីឯបក្ស Conservative ទទួលបានត្រឹម១៣១អាសនៈប៉ុណ្ណោះ ដែលជាចំនួនដ៏ទាបបំផុតមួយ។ គួរបញ្ជាក់ថា នៅថ្ងៃសុក្រនេះ លោក Sunak នឹងដាក់ពាក្យលាលែងពីតួនាទី ទៅកាន់ព្រះមហាក្សត្រអង់គ្លេស គឺព្រះអង្គ Charles III […]

(សេអ៊ូល)៖ ទីភ្នាក់ងារសារព័ត៌មាន Yonhap នៅថ្ងៃសុក្រ ទី៥ ខែកក្កដានេះបានរាយការណ៍ថាបុរសម្នាក់មានអាយុ៦៧ឆ្នាំ ដែលបានយកកាំបិតចាក់មេដឹកនាំគណបក្សប្រជាធិបតេយ្យដែលជា បក្សប្រឆាំងនៅកូរ៉េខាងត្បូង កាលពីខែមករា ត្រូវបានតុលាការផ្តន្ទាទោសដាក់ពន្ធនាគារ១៥ឆ្នាំ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ នៅក្នុងការប្រកាសសាលក្រមកាត់ទោស ចៅក្រមម្នាក់មកពីតុលាការមួយក្នុងទីក្រុង Busan បាននិយាយថាបទឧក្រិដ្ឋដែលបានកើតឡើង នៅមុនការបោះឆ្នោតសកលគឺជាបញ្ហាប្រឈមធ្ងន់ធ្ងរ និងការជាការប៉ុនប៉ងបំផ្លាញប្រជាធិបតេយ្យ។ បើតាម Yonhap ក្រុមរដ្ឋអាជ្ញាកូរ៉េខាងត្បូងបានស្នើឱ្យតុលាការផ្តន្ទាទោសជនល្មើសមាននាមត្រកូលគីម ដាក់ពន្ធនាគារ២០ឆ្នាំ។ គួរបញ្ជាក់ថា លោក Lee Jae-myung ដែលទើបតែលាលែងចេញពីតំណែងជាប្រធានគណបក្សប្រជាធិបតេយ្យកាលពីពេលថ្មីៗនេះ ត្រូវបានជនល្មើសខាងលើចាក់ឱ្យរងរបួសធ្ងន់ធ្ងរ អំឡុង ធ្វើទស្សនកិច្ចទៅកាន់ទីក្រុង Busan កាលពីខែមករាកន្លងទៅ។ គណបក្សរបស់លោក Lee បានទទួលជ័យជម្នះភ្លូកទឹកភ្លូកដីក្នុងការបោះឆ្នោតសភាកាលពីខែមេសា៕ ផ្ដល់សិទ្ធិដោយ៖ Fresh news

(កូឡាឡាំពួរ)៖ នៅថ្ងៃព្រហស្បតិ៍នេះ មានមនុស្សប្រមាណ ២០នាក់នៅអាកាសយានដ្ឋានអន្តរជាតិកូឡាឡាំពួរប្រទេសម៉ាឡេស៊ី ត្រូវបានបញ្ជូនទៅកាន់មន្ទីរពេទ្យសម្រាប់ការព្យាបាល បន្ទាប់ពីមានឧស្ម័នលេចធ្លាយនៅឯមណ្ឌលថែទាំយន្តហោះមួយកន្លែង។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃទី០៤ ខែកក្កដា ឆ្នាំ២០២៤។ ទោះយ៉ាងណាក៏ដោយ ឧប្បទិវហេតុនេះមិនបានបង្កឲ្យមានការរំខាន ដល់ប្រតិបត្តិការអាកាសយានដ្ឋាននោះទេ នេះបើតាមការបញ្ជាក់ពីនាយកដ្ឋានពន្លត់អគ្គីភ័យ។ នាយកដ្ឋានពន្លត់អគ្គីភ័យរដ្ឋសេឡង្គរ (Selangor) បាននិយាយថា ខ្លួនបានទទួលការហៅទូរសព្ទជាបន្ទាន់ ទាក់ទងនឹងការលេចធ្លាយសារធាតុគីមីនៅមណ្ឌលថែទាំយន្តហោះ Southern Support Zone Sepang នៅម៉ោង ១១:២៣ព្រឹក (ម៉ោងក្នុងស្រុក) ហើយបានបញ្ជូនបុគ្គលិករបស់ខ្លួន រួមជាមួយក្រុមសម្ភារៈគ្រោះថ្នាក់ទៅកាន់កន្លែងកើតហេតុភ្លាមៗ។ សារធាតុគីមីនោះក្រោយមកត្រូវបានកំណត់អត្តសញ្ញាណថាជា methyl mercaptan ដែលជាឧស្ម័នគ្មានពណ៌ងាយឆេះ មានក្លិនស្អុយ ដែលជួនកាលត្រូវបានប្រើប្រាស់ក្នុងការផលិតប្រេងឥន្ធនៈយន្តហោះ។ បុគ្គលទាំង ២០នាក់ដែលរងផលប៉ះពាល់ ដែលសុទ្ធសឹងជាបុគ្គលិកអាកាសយានដ្ឋាន បានត្អូញត្អែរពីអាការៈវិលមុខ នេះបើយោងតាមនាយកដ្ឋាន។ អ្នកនាំពាក្យម្នាក់មកពីនាយកដ្ឋានពន្លត់អគ្គីភ័យបានបញ្ជាក់ថា គ្មានហានិភ័យទូលំទូលាយចំពោះសុវត្ថិភាពសាធារណៈនោះទេ៕ ផ្ដល់សិទ្ធិដោយ៖ Fresh News

(បរទេស)៖ ក្រុមហ៊ុនស្រាវជ្រាវទីផ្សារ Counterpoint Research បានបង្ហាញរបាយការណ៍ថា ក្រុមហ៊ុនផលិតរថយន្តអគ្គិសនីចិន BYD និងវ៉ាដាច់ក្រុមហ៊ុនលំដាប់ខ្នាតយក្ស Tesla ដំណ្តើមបានតំណែងកំពូល តាមរយៈការលក់រថយន្តអគ្គិសនីនៅក្នុងឆ្នាំនេះ។ Tesla បានរក្សាតំណែងរបស់ខ្លួនជាច្រើនទសវត្សរ៍មកហើយ ជាអ្នកផលិតរថយន្តអគ្គិសនីសុទ្ធ (EV) ដ៏ធំបំផុតរបស់ពិភពលោក និងបានយកឈ្នះលើការព្យាករណ៍នៃការលក់ក្នុងអំឡុងខែមេសា ដល់ ខែមិថុនា ប៉ុន្តែការនាំមុខរបស់ខ្លួនលើគូប្រជែងហាក់កំពុងរួមតូច ខណៈដែលក្រុមហ៊ុនផលិតរបស់ចិនផ្ទុះការគាំទ្រកាន់តែខ្លាំង។ នេះបើយោងតាមការចេញផ្សាយដោយ CNBC។ អ្នកវិភាគ Counterpoint បាននិយាយនៅក្នុងរបាយការណ៍ដែលបានចេញផ្សាយនៅថ្ងៃអង្គារថា «ការផ្លាស់ប្តូរនេះបញ្ជាក់ពីការវិវឌ្ឍតាមពេលវេលា នៃទីផ្សាររថយន្តអគ្គិសនី (EV) សកល»។ នៅក្នុងត្រីមាសទី២ ចំនួននៃការលក់អាគុយរថយន្តអគ្គិសនី (battery EV) របស់ក្រុមហ៊ុន BYD បានកើនឡើងជិត ២១ភាគរយពីមួយឆ្នាំទៅមួយឆ្នាំដល់ ៤២៦,០៣៩គ្រឿង នេះបើយោងតាមការគណនារបស់ CNBC។ ដោយឡែកចំពោះការចែកចាយនៅត្រីមាសទី២ ដូចគ្នារបស់ Tesla បានធ្លាក់ចុះ ៤.៨ភាគរយមកនៅត្រឹម ៤៤៣,៩៥៦គ្រឿង។ យោងតាមរបាយការណ៍កាលពីឆ្នាំមុន ផលិតកម្មសរុបរបស់ BYD ដែលរួមមានរថយន្តអគ្គិសនីសុទ្ធ ក៏ដូចជារថយន្តកូនកាត់មានចំនួនច្រើនជាង ៣លានគ្រឿង និងលើសពីតួរលេខផលិតកម្មរបស់ក្រុមហ៊ុន Tesla ប្រមាណ ១.៨៤លានគ្រឿងក្នុងរយៈពេលពីរឆ្នាំជាប់គ្នា។ […]