(ឌូបៃ)៖ ស្ថាបនិកកម្មវិធីផ្ញើសារ Telegram បានឱ្យដឹងកាលពីថ្ងៃអង្គារថា វេទិកាបណ្តាញទំនាក់ទំនងសង្គមដ៏ពេញនិយមបំផុតមួយក្នុងពិភពលោកមួយនេះទំនងជានឹងទទួលបានអ្នកប្រើប្រាស់សកម្មប្រចាំខែចំនួន ១ពាន់លាននាក់ក្នុងរយៈពេលមួយឆ្នាំ។ នេះបើយោងតាមទីភ្នាក់ងារព័ត៌មានរ៉យទ័រ។ នៅក្នុងបទសម្ភាសដ៏កម្រមួយ លោក Pavel Durov បានប្រាប់អ្នកកាសែតអាមេរិក Tucker Carlson ថា ការប្រើប្រាស់កម្មវិធីផ្ញើសារដែលមានមូលដ្ឋានលើខ្លោដឥតគិតថ្លៃនេះកំពុងរីករាលដាលដូច «ភ្លើងឆេះព្រៃ»។ យោងតាមទីភ្នាក់ងារព័ត៌មានរ៉យទ័រ លោក Durov ម្ចាស់ក្រុមហ៊ុន Telegram ដែលមានមូលដ្ឋាននៅទីក្រុងឌូបៃនិងអនុញ្ញាតឱ្យអ្នកប្រើប្រាស់ផ្ញើ និងទទួលសារ ហៅទូរសព្ទ និងផ្ញើឯកសារផ្សេងទៀតបានប្រាប់លោក Tucker ថា៖ «យើងប្រហែលជានឹងទទួលបានអ្នកប្រើប្រាស់សកម្មប្រចាំខែចំនួន ១ពាន់លាននាក់ក្នុងរយៈពេលមួយឆ្នាំឥឡូវនេះ»។ លោក Durov បាននិយាយថា គោលដៅរបស់កម្មវិធីដែលបច្ចុប្បន្នមានអ្នកប្រើប្រាស់សកម្ម ៩០០លាននាក់គឺរក្សានៅជា «វេទិកាអព្យាក្រឹត» និងមិនមែនជា «អ្នកដើរតួនៅក្នុងភូមិសាស្ត្រនយោបាយ» ទេ។ សហគ្រិនដើមកំណើតរុស្សីរូបនេះបាននិយាយថា គាត់បានភៀសខ្លួនចេញពីប្រទេសរុស្ស៊ីក្នុងឆ្នាំ២០១៤ ដោយលើកឡើងពីការជ្រៀតជ្រែករបស់រដ្ឋាភិបាលនៅក្នុងក្រុមហ៊ុនដែលគាត់បានបង្កើត។ គូប្រជែងដ៏សំខាន់មួយរបស់ Telegram គឺ WhatsApp របស់ក្រុមហ៊ុន Meta Platforms មានអ្នកប្រើប្រាស់សកម្មប្រចាំខែច្រើនជាង ២ពាន់លាននាក់។ កាសែត Financial Times បានរាយការណ៍កាលពីខែមីនាថា […]

(វ៉ាស៊ីនតោន)៖ មូលនិធិរូបិយវត្ថុអន្តរជាតិ (IMF) បានឱ្យដឹងនៅថ្ងៃអង្គារថា សេដ្ឋកិច្ចពិភពលោកនឹងជួបប្រទះកំណើនយឺតរយៈពេលឆ្នាំមួយទៀត ប៉ុន្តែជាកំណើនដែលមានស្ថិរភាព។ នេះបើយោងតាមទីភ្នាក់ងារព័ត៌មានរ៉យទ័រ។ មូលនិធិ IMF បានព្យាករណ៍ថា កំណើនផលិតផលក្នុងស្រុកសរុប (GDP) ពិតរបស់ពិភពលោកនឹងមានអត្រា ៣,២ភាគរយសម្រាប់ឆ្នាំ២០២៤ និងឆ្នាំ២០២៥ ដែលជាអត្រាដូចគ្នាទៅនឹងឆ្នាំ២០២៣។ ការព្យាករសម្រាប់ឆ្នាំ២០២៤ នេះត្រូវបានដំឡើងចំនួន ០,១ពិន្ទុភាគរយពីការព្យាករក្នុងរបាយការណ៍ស្តីពីទស្សនវិស័យសេដ្ឋកិច្ចពិភពលោកកាលពីខែមករា ដែលភាគច្រើនដោយសារការដំឡើងការព្យាករកំណើនសេដ្ឋកិច្ចរបស់សហរដ្ឋអាមេរិក។ លោក Pierre-Olivier Gourinchas ប្រធានសេដ្ឋវិទូនៃមូលនិធិ IMF ត្រូវបានដកស្រង់សម្ដីដោយទីភ្នាក់ងារព័ត៌មានរ៉យទ័រខណៈថ្លែងប្រាប់ក្រុមអ្នកសារព័ត៌មានថា៖ «យើងមើលឃើញថា សេដ្ឋកិច្ចពិភពលោកនៅតែមានភាពធន់»។ លោកបានបន្ថែមថា ប្រទេសជាច្រើនបានព្យាយាមជំរុញកំណើនសេដ្ឋកិច្ចរបស់ខ្លួនឱ្យរួចចាកផុតពីការដើរថយក្រោយនៃសេដ្ឋកិច្ច ខណៈដែលធនាគារកណ្តាលបានដំឡើងអត្រាការប្រាក់ដើម្បីទប់ទល់នឹងអតិផរណា។ មូលនិធិ IMF បានឱ្យដឹងនៅក្នុងរបាយការណ៍របស់ខ្លួនថា ប្រទេសជាច្រើនក៏កំពុងបង្ហាញឱ្យឃើញពីផលប៉ះពាល់តិចជាងមុនពីជំងឺរាតត្បាតកូវីដ-១៩ និងភាពធូរស្រាយវិបត្តិចំណាយលើការរស់នៅ ដោយទិន្នផលសេដ្ឋកិច្ចវិលត្រលប់ទៅកម្រិតមុនពេលមានជំងឺរាតត្បាតលឿនជាងការព្យាករពីមុន។ លោក Gourinchas បាននិយាយថា អតិផរណាកំពុងធ្លាក់ចុះ ប៉ុន្តែវឌ្ឍនភាពក្នុងការនាំអតិផរណាឱ្យវិលត្រឡប់ទៅរកគោលដៅរបស់ធនាគារកណ្តាលបានធ្លាក់ចុះក្នុងរយៈពេលប៉ុន្មានខែថ្មីៗនេះ៕ ផ្តល់សិទ្ធិដោយ៖ Fresh News

(បរទេស)៖ ក្រុមហ៊ុនផលិតរថយន្តអគ្គិសនីអាមេរិក Tesla បានប្រកាសពីគម្រោងបញ្ឈប់បុគ្គលិកចំនួន១០% នៃចំនួនកម្លាំងបុគ្គលិកសរុបទូទាំងពិភពលោក ខណៈការបញ្ឈប់បុគ្គលិកដ៏ច្រើននៅពេលនេះ គឺស្របនឹងគោលការណ៍ ដែលនាយកប្រតិបត្តិ Elon Musk ដាក់ចេញ។ នេះបើតាមការចេញផ្សាយដោសសារព័ត៌មាន CNBC។ គ្រាន់តែព័ត៌មាននេះប្រកាសចេញភ្លាមបានធ្វើឲ្យភាគហ៊ុនរបស់ Tesla ធ្លាក់ចុះ ៥% ភ្លាមៗនៅថ្ងៃចន្ទសប្តាហ៍នេះ។ Elon Musk បាននិយាយនៅក្នុងសេចក្តីប្រកាស CNBC ទទួលបានថា «នៅពេលដែលយើងរៀបចំក្រុមហ៊ុនសម្រាប់ដំណាក់កាលបន្ទាប់នៃការរីកចម្រើន វាពិតជាមានសារៈសំខាន់ខ្លាំងណាស់ ក្នុងការពិនិត្យមើលគ្រប់ផ្នែកនៃក្រុមហ៊ុន សម្រាប់ការកាត់បន្ថយការចំណាយ និងការបង្កើនផលិតភាពការងារ។ ជាផ្នែកនៃកិច្ចខិតខំប្រឹងប្រែងនេះ យើងបានធ្វើការពិនិត្យយ៉ាងម៉ត់ចត់អំពីផ្នែកនានា និងបានធ្វើការសម្រេចចិត្តដ៏លំបាក ក្នុងការកាត់បន្ថយចំនួនបុគ្គលិកច្រើនជាង ១០% នៅទូទាំងពិភពលោក»។ គួរជម្រាបថា Tesla មានបុគ្គលិកចំនួន ១៤០,៤៧៣ នាក់គិតត្រឹមខែធ្នូ ឆ្នាំ២០២៣។ ការប្រកាសបញ្ឈប់បុគ្គលិកនៅពេលនេះ គឺដើម្បីកាត់បន្ថយចំណាយក្នុងក្រុមហ៊ុន និងដើម្បីបង្កើនប្រសិទ្ធភាពការងារ ត្បិតបច្ចុប្បន្ននេះ Tesla កំពុងជួបការប្រកួតប្រជែងយ៉ាងស្វិតស្វាញ ក្នុងទីផ្សាររថយន្តសាកល ជាពិសេសដៃគូប្រជែង BYD តែម្តង៕ ផ្តល់សិទ្ធិដោយ៖ Fresh News

(ឌូបៃ)៖ ភ្លៀងធ្លាក់ខ្លាំងបានបង្កជាគ្រោះទឹកជំនន់ ជន់លិចផ្លូវ ផ្ទះ និងផ្សារទំនើបជាច្រើន ព្រមទាំងបង្ខំអាកាសយានដ្ឋានទីក្រុងឌូបៃ ត្រូវផ្អាកប្រតិបត្តិការរបស់ខ្លួនមួយរយៈពេល ខ្លី ខណៈព្យុះភ្លៀងដ៏កម្រមួយបានវាយប្រហារលើផ្នែកខ្លះនៃតំបន់មជ្ឈិមបូព៌ា បន្ទាប់ពីបន្សល់ទុកមនុស្ស១៨នាក់ស្លាប់ក្នុងប្រទេសអូម៉ង់។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ ទីក្រុងឌូបៃ នៃប្រទេសអេមីរ៉ាតអារ៉ាប់រួម ត្រូវបានជន់លិចដោយសារព្យុះភ្លៀង ដែលបង្កជាគ្រោះទឹកជំនន់ក្នុងប្រទេសអេមីរ៉ាតអារ៉ាប់រួម និងបារ៉ែន កាលពីថ្ងៃអង្គារ ទី១៦ ខែមេសា។ ទឹកជំនន់បានជន់លិចផ្សារទំនើប Dubai Mall និង Mall of the Emirates រួមទាំងជន់លិចរថភ្លើងក្រោមដី Dubai Metro។ ចំណែក ផ្លូវ និងផ្ទះជាច្រើនខ្នងក៏ត្រូវបានទឹកជន់លិច ផងដែរ ដោយសារតែព្យុះភ្លៀងដ៏កម្រមួយនេះ។ ប្រឈមមុខនឹងគ្រោះទឹកជំនន់នេះ អាជ្ញាធរក្នុងប្រទេសអេមីរ៉ាតអារ៉ាប់រួម បានបិទសាលារៀនជាបណ្ដោះអាសន្ននៅទូទាំងប្រទេស ហើយអាចនឹងបន្តបិទទ្វារនៅថ្ងៃពុធសប្ដាហ៍នេះ ខណៈមានការព្យាករថាព្យុះភ្លៀងអាចនឹងកើតមានជាថ្មី។ គួរបញ្ជាក់ថា នៅក្នុងប្រទេសអូម៉ង់ អាជ្ញាធរបានរកឃើញសាកសពក្មេងប្រុសម្នាក់កាលពីថ្ងៃអង្គារ ទី១៦ ខែមេសា ដែលនេះធ្វើឱ្យចំនួនអ្នកស្លាប់ក្នុងគ្រោះទឹកជំនន់ កើនដល់១៨នាក់ និង២នាក់បាត់ខ្លួន៕ ផ្តល់សិទ្ធដោយ៖ Fresh News

(បរទេស)៖ រដ្ឋមន្ត្រីក្រសួងពាណិជ្ជកម្មចិនលោក Wang Wentao បាននិយាយនៅក្នុងកិច្ចពិភាក្សាតុមូលនៅទីក្រុងប៉ារីសនៅថ្ងៃអាទិត្យនេះ ថាក្រុមហ៊ុនផលិតរថយន្តអគ្គិសនីរបស់ប្រទេសចិនរួមទាំង Geely, BYD និង CATL មិនពឹងផ្អែកលើការឧបត្ថម្ភធន ដើម្បីទទួលបានអត្ថប្រយោជន៍ប្រកួតប្រជែងនោះទេ។ នេះបើយោងតាមការចេញផ្សាយដោយ CNA នៅថ្ងៃទី០៨ ខែមេសា ឆ្នាំ២០២៤។ លោក Wang ក៏បាននិយាយផងដែរថា ការចោទប្រកាន់ដោយសហរដ្ឋអាមេរិក និងអឺរ៉ុបអំពីការ «លើសចំណុះ» របស់ប្រទេសចិន គឺគ្មានមូលដ្ឋាននោះទេ នេះបើយោងតាមសេចក្តីថ្លែងការណ៍ របស់ក្រសួងពាណិជ្ជកម្មនៅថ្ងៃចន្ទ។ លោក Wang បានធ្វើការកត់សម្គាល់នៅក្នុងកិច្ចប្រជុំតុមូលមួយរបស់ក្រុមហ៊ុនចិន ដែលជាកន្លែងដែលលោកត្រូវបានកំណត់សម្រាប់កិច្ចពិភាក្សាដែលរំពឹងថា នឹងគ្របដណ្តប់ការនាំចេញរថយន្តអគ្គិសនីរបស់ប្រទេសចិនទៅកាន់ទីផ្សារអឺរ៉ុប។ ខណៈកិច្ចប្រជុំនោះមានតំណាងសហគ្រាសចិនប្រមាណជាង ១០មកពីក្រុមហ៊ុនផ្សេងៗគ្នាបានចូលរួម។ លោក Wang បានគូសបញ្ជាក់ថា «ក្រុមហ៊ុនរថយន្តអគ្គិសនីរបស់ប្រទេសចិន ពឹងផ្អែកលើការច្នៃប្រឌិតបច្ចេកវិទ្យាជាបន្តបន្ទាប់ ប្រព័ន្ធផលិតកម្ម និងខ្សែសង្វាក់ផ្គត់ផ្គង់ដ៏ល្អឥតខ្ចោះ និងការប្រកួតប្រជែងទីផ្សារពេញលេញ សម្រាប់ការអភិវឌ្ឍន៍យ៉ាងឆាប់រហ័ស ដោយមិនពឹងផ្អែកលើការឧបត្ថម្ភធនដើម្បីទទួលបានអត្ថប្រយោជន៍ប្រកួតប្រជែងនោះទេ»។ គួរជម្រាបដែរថា កិច្ចពិភាក្សានាពេលថ្មីៗនេះ គឺផ្តោតសំខាន់ទៅលើការស៊ើបអង្កេតរបស់គណៈកម្មអឺរ៉ុប ថាតើឧស្សាហកម្ម EV របស់ប្រទេសចិន បានទទួលអត្ថប្រយោជន៍ ពីការឧបត្ថម្ភធនមិនយុត្តិធម៌ដែរឬទេ។ ខណៈដែរ គណៈកម្មការបានចាប់ផ្តើមការស៊ើបអង្កេតដើម្បីកំណត់ ថាតើត្រូវដាក់ពន្ធលើការនាំចេញដើម្បីការពារក្រុមហ៊ុនផលិតរថយន្តអឺរ៉ុបដែរឬទេ? […]

(ប៉េកាំង)៖ កងទ័ពចិនបានឱ្យដឹងថា ខ្លួននឹងធ្វើសមយុទ្ធយោធា នាថ្ងៃអាទិត្យនេះ នៅតំបន់សមុទ្រចិនខាងត្បូង ដែលមានបញ្ហាវិវាទ ពោលគឺ​ក្នុងថ្ងៃជាមួយគ្នា នៃការធ្វើសមយុទ្ធយោធារួម រវាងសហរដ្ឋអាមេរិក​ ហ្វីលីពីន ជប៉ុន និងអូស្រ្តាលី។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃអាទិត្យ ទី៧ ខែមេសា ឆ្នាំ២០២៤។ កងទ័ពចិនបាននិយាយក្នុងសេចក្តីថ្លែងការណ៍ថា នៅថ្ងៃទី៧ ខែមេសា ទីបញ្ជាការភូមិភាគខាងត្បូងរបស់យោធាចិន នឹងរៀបចំធ្វើសមយុទ្ធរួម រវាងកងកម្លាំងជើងទឹកនិងជើងអាកាស នៅសមុទ្រចិនខាងត្បូង ដែលផ្តោតលើការល្បាតត្រៀមប្រយុទ្ធ។ សេចក្តីប្រកាសនេះ កើតមានឡើង​មួយថ្ងៃបន្ទាប់ពីប្រមុខការពារជាតិអាមេរិក ហ្វីលីពីន ជប៉ុន និងអូស្រ្តាលី បានប្រកាសថា យោធាប្រទេសទាំង៤ នឹងធ្វើសមយុទ្ធរួមគ្នា នៅក្នុងតំបន់សមុទ្រមានជម្លោះនេះ នៅថ្ងៃអាទិត្យដូចគ្នា។ គួរបញ្ជាក់ថា ក្រុមមន្រ្តីជាន់ខ្ពស់អាមេរិក បានអះអាងម្តងហើយម្តងទៀត អំពីការប្តេជ្ញាយ៉ាងមុតមាំបំផុតរបស់ទីក្រុងវ៉ាស៉ីនតោន ក្នុងការពារ​ប្រទេសហ្វីលីពីន ប្រឆាំងនឹងសកម្មភាពវាយប្រហារប្រដាប់អាវុធណាមួយ នៅសមុទ្រចិនខាងត្បូង។ រយៈពេលប្រហែលជាង១ឆ្នាំមកនេះ ហ្វីលីពីនបានមើលឃើញ ការកើនឡើងយ៉ាងខ្លាំង នៃឧប្បត្តិហេតុប្រឈមមុខដាក់គ្នាជាមួយចិន នៅតំបន់វិវាទនៃសមុទ្រចិនខាងត្បូង។ ដោយឡែក ក្នុង​ខែមេសានេះ ប្រធានាធិបតីអាមេរិក លោក ចូ បៃដិន […]

(គ័ងចូវ)៖ រដ្ឋមន្ត្រីក្រសួងរតនាគារសហរដ្ឋអាមេរិកអ្នកស្រី Janet Yellen បានឱ្យដឹងនៅថ្ងៃសុក្រថា សេដ្ឋកិច្ចចិនមានទំហំធំពេក ដែលមិនអាចយកការនាំចេញរបស់ខ្លួន ដើម្បីជំរុញកំណើនសេដ្ឋកិច្ចឱ្យកើនឡើងឆាប់រហ័សឡើយ ហើយចិននឹងទទួលបានអត្ថប្រយោជន៍ ពីការកាត់បន្ថយសមត្ថភាពឧស្សាហកម្មលើសកម្រិត ដែលកំពុងដាក់សម្ពាធលើប្រទេសផ្សេងទៀត។ យោងតាមទីភ្នាក់ងារព័ត៌មានរ៉យទ័រ ការថ្លែងរបស់អ្នកស្រី Yellen ធ្វើឡើងក្នុងសុន្ទរកថា ថ្លែងទៅកាន់សភាពាណិជ្ជកម្មអាមេរិក ក្នុងអំឡុងពេលដំណើរទស្សនកិច្ច ទៅកាន់ប្រទេសចិន។ ក្នុងសុន្ទរកថានោះ លោកស្រីដឹងថា ការគាំទ្រដោយផ្ទាល់ និងដោយប្រយោលរបស់ពីរដ្ឋាភិបាលទីក្រុងប៉េកាំង ដល់ផលិតកម្មត្រូវបានផ្សារភ្ជាប់ទៅនឹងគោលបំណង អភិវឌ្ឍន៍ក្នុងស្រុក។ ប៉ុន្តែអ្នកស្រីបានមានប្រសាសន៍ថា សមត្ថភាពផលិតនេះ «បច្ចុប្បន្នកំពុងនាំមុខគេ ដែលលើសតម្រូវការក្នុងស្រុក របស់ប្រទេសចិនយ៉ាងខ្លាំង និងលើសពីអ្វីដែលទីផ្សារពិភពលោក អាចទទួលបាន»។ ការអត្ថាធិប្បាយរបស់អ្នកស្រី Yellen បានគូសបញ្ជាក់អំពីគោលបំណងចម្បងរបស់អ្នកស្រី នៅក្នុងកិច្ចពិភាក្សានៅពេលក្រោយមកកាលពីថ្ងៃសុក្រជាមួយឧបនាយករដ្ឋមន្ត្រីចិនលោក He Lifeng ដើម្បីចង្អុលបង្ហាញពីបញ្ហា ដែលសមត្ថភាពរោងចក្រលើសចំណុះ និងការកើនឡើងការនាំចេញរបស់ប្រទេសចិន កំពុងបង្កបញ្ហានៅក្រៅប្រទេស ដែលជំរុញឱ្យមានភាពតានតឹងពាណិជ្ជកម្ម។ នាយករដ្ឋមន្ត្រីចិនលោក លី ឈាំង (Li Qiang) កាលពីខែមីនាបានកំណត់គោលដៅកំណើន ប្រកបដោយមហិច្ឆតាក្នុងអត្រា ៥ភាគរយសម្រាប់ឆ្នាំ២០២៤ ដែលជំរុញមួយផ្នែកដោយការវិនិយោគកាន់តែច្រើន នៅក្នុងវិស័យបច្ចេកវិទ្យាខ្ពស់ថ្មីៗ ខណៈដែលប្រទេសចិនកំពុងតស៊ូជម្នះវិបត្តិអចលនទ្រព្យ និងតម្រូវការអ្នកប្រើប្រាស់ខ្សោយ។ មូលនិធិរូបិយវត្ថុអន្តរជាតិ […]

(បរទេស)៖ ក្រុមហ៊ុនបច្ចេកវិទ្យាយក្សអាមេរិក Apple បានប្រកាសពីការបញ្ឈប់បុគ្គលិកចំនួន៦១៤នាក់ នៅក្នុងរដ្ឋកាលីហ្វ័រញ៉ា ខណៈការប្រកាសបញ្ឈប់បុគ្គលិកនៅពេលនេះ គឺបន្ទាប់ពីក្រុមហ៊ុនយក្សនេះ សម្រេចលុបចោលគម្រោងរថយន្តអគ្គិសនី។ នេះជាកាត់ផ្តាច់ការងាររបស់បុគ្គលិកលើកដំបូងរបស់ក្រុមហ៊ុន Apple ចាប់តាំងពីជំងឺរាតត្បាតរាតត្បាតកូវិដ១៩។ នេះបើតាមការចេញផ្សាយដោយសារព័ត៌មាន CNBC នៅថ្ងៃទី០៥ ខែមេសា ឆ្នាំ២០២៤។ បុគ្គលិក Apple ដែលរងផលប៉ះពាល់ គឺជាអ្នកដែលបានធ្វើការនៅរោងចក្រចំនួនប្រាំបីផ្សេងគ្នានៅ Santa Clara។ នេះបើយោងតាមការជូនដំណឹងរបស់ WARN ដែលបង្ហោះដោយរដ្ឋកាលីហ្វ័រញ៉ា។ ឯកសារបាននិយាយថា កម្មករត្រូវបានជូនដំណឹងជាផ្លូវការអំពីការកាត់បន្ថយនៅថ្ងៃទី២៨ ខែមីនា ហើយពួកគេនឹងអាចនៅបន្តការងាររហូតដល់ ថ្ងៃទី២៧ ខែឧសភា។ ការប្រកាសបញ្ឈប់បុគ្គលោកនៅពេលនេះ កើតឡើងប៉ុន្មានសប្តាហ៍ប៉ុណ្ណោះ បន្ទាប់ពីក្រុមហ៊ុន Apple បានលុបចោលគម្រោងដ៏យូរអង្វែងមួយរបស់ខ្លួន ក្នុងការបង្កើតរថយន្តដែលបើកបរដោយស្វ័យប្រវត្តិ។ ទោះជាយ៉ាងណាក៏ដោយ សម្រាប់ការបញ្ឈប់បុគ្គលិកពី Apple នៅពេលនេះមិនបាននិយាយអំពីមូលហេតុជាក់លាក់នោះទេ។ យោងតាមឯកសារ បានឱ្យដឹងថា មុខតំណែងដែលត្រូវបានកាត់រួមមាន អ្នកគ្រប់គ្រងហាងម៉ាស៊ីន វិស្វករ និងអ្នករចនាផលិតផល។ ជុំវិញបញ្ហានេះ អ្នកតំណាងរបស់ក្រុមហ៊ុន Apple បានបដិសេធមិនធ្វើអត្ថាធិប្បាយទេ៕ ផ្តល់សិទ្ធិដោយ៖ freshnews

(បរទេស)៖ ក្រុមហ៊ុនផលិតរថយន្តអគ្គិសនីរបស់ចិន BYD គ្រោងនឹងដាក់លក់រថយន្តភីកអាប់ដំបូងរបស់ខ្លួន សម្រាប់ទីផ្សារពិភពលោកនៅចុងឆ្នាំនេះ ដែលត្រូវបានគេមើលឃើញថា ទំនងជាចូលខ្លួនមកប្រជែងជាមួយរថយន្ត Pickup ផ្សេងទៀតម៉ាករថយន្តដ៏ពេញនិយមរបស់ Toyota Motor,Ford Motor’s Ranger និង D-Max របស់ Isuzu Motors ជាដើម។ នេះបើតាមការចេញផ្សាយដោយសារព័ត៌មាន The Business Times នៅថ្ងៃទី០៥ ខែមេសា ឆ្នាំ២០២៤។ ក្រុមហ៊ុន BYD បានធ្វើការចែករំលែកនូវរូបភាពថ្មីរបស់គំរូរថយន្ត Pickup Truck របស់ខ្លួន ដោយម៉ូដែលនេះគឺជាប្រភេទ Plug-in Hybrid ដែលមានទំហំខ្លួនដូចគ្នាជាមួយនិងរថយន្ត Toyota Hilux អញ្ចឹងដែរ។ ក្រុមហ៊ុននេះ បញ្ជាក់ថា រថយន្ត Pickup Truck នឹងមានការប្រកាសដាក់នៅលើទីផ្សារសកលនាពេលខាងមុខនេះ។ សម្រាប់រូបភាពដែលក្រុហ៊ុន BYD បញ្ចេញនៅពេលនេះ គឺមានការបិតពណ៌ទៅលើរថយន្ត Pick Up នេះ ជាមួយនិងពណ៌ ខៀវ និងទឹកក្រូច […]

(បរទេស)៖ តៃវ៉ាន់ គឺជាមូលដ្ឋានផលិតបន្ទះឈីបដ៏ធំរបស់ពិភពលោក និងទើបតែទទួលរងការវាយប្រហារដោយគ្រឿងរញ្ជួយដីដ៏ខ្លាំងបំផុត ដែលបានអង្រួនដែនកោះនេះ គិតក្នុងអំឡុងពេលប្រមាណ២៥ឆ្នាំ។ ងាកមក ក្រុមហ៊ុនបន្ទះឈីបដ៏ធំ TSMC បានប្រកាសឲ្យដឹងថា បុគ្គលិកទាំងអស់របស់ខ្លួន គឺមានសុវត្ថិភាព ហើយអ្នកដែលត្រូវបានជម្លៀសខ្លួនអំឡុងពេលរញ្ជួយដី គឺបានចាប់ផ្តើមត្រឡប់ទៅរោងចក្រមួយចំនួនវិញហើយ។ នេះបើតាមការចេញផ្សាយដោយសារព័ត៌មាន CNBC។ អ្នកនាំពាក្យ TSMC បាននិយាយថា ការដ្ឋានសំណង់មានលក្ខណៈធម្មតានៅពេលត្រួតពិនិត្យដំបូង ប៉ុន្តែក្រុមហ៊ុនបានសម្រេចចិត្តផ្អាកការងារនៅការដ្ឋានសម្រាប់រយៈពេលមួយថ្ងៃ។ តែយ៉ាងណា ខ្លួននឹងត្រួតពិនិត្យបន្ថែម ហើយថា TSMC នៅតែកំពុងវាយតម្លៃព័ត៌មានលម្អិតនៃផលប៉ះពាល់នៃការរញ្ជួយដីនេះ។ ក្រុមហ៊ុនផលិតបន្ទះឈីបបាននិយាយថា ខ្លួនបានជម្លៀសបុគ្គលិកមួយចំនួនចេញពីទីតាំងគ្រោះថ្នាក់ ដោយអនុវត្តន៍ តាមពិធីរក្សារសុវត្ថិភាពរបស់ក្រុមហ៊ុន។ ក្រោយហេតុការណ៍នេះភាគហ៊ុនរបស់ TSMC ក៏បានធ្លាក់ចុះ ១% ផងដែរ។ ទីក្រុង Hualien ជាតំបន់ភ្នំនៅបណ្តោយឆ្នេរភាគខាងកើតនៃកោះតៃវ៉ាន់ ដែលជាចំណុចរំញ័រកណ្តាល នៃគ្រោះរញ្ជួយដីមានកម្រិត៧.៤រ៉ិចទ័រ និងជម្រៅជាង៣០គីឡូម៉ែត្រ។ ហេតុការណ៍រញ្ជួយផែនដីនេះ បានបណ្តាលឱ្យអគារជាច្រើនខ្នងនៅតៃវ៉ាន់ដួលរលំ ហើយជំរុញឱ្យប្រទេសជប៉ុននិងហ្វីលីពីន ដែលនៅក្បែរនោះ នាំគ្នាចេញការប្រកាសអាសន្នព្រមានពីរលកស៊ូណាមិផងដែរ មុនពេលពួកវាត្រូវបានដកចេញទៅវិញ។ បើតាមក្រុមមន្រ្តីតៃវ៉ាន់ វាគឺជាគ្រោះរញ្ជួយដីកម្រិតដ៏ខ្លាំងបំផុត ដែលបានអង្រួនដែនកោះនេះ គិតក្នុងអំឡុងពេលប្រមាណ២៥ឆ្នាំ។ គួរបញ្ជាក់ថា កាលពីខែកញ្ញា ឆ្នាំ១៩៩៩ គ្រោះរញ្ជួយដីកម្រិតធ្ងន់៧.៦រ៉ិចទ័រ […]