(វ៉ាស៉ីនតោន)៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បាននិយាយកាលពីថ្ងៃសុក្រ ទី២២ ខែសីហា ថា ក្នុងរយៈពេល​២សប្តាហ៍ លោកគួរតែអាចដឹងច្បាស់ថា តើនឹងអាចមានភាពរីកចម្រើនដែរឬក៏អត់ ក្នុងកិច្ចប្រឹងប្រែងរបស់លោ កដើម្បីបញ្ចប់សង្រ្គាម​របស់រុស្ស៉ីនៅអ៊ុយក្រែន ហើយជាថ្មីម្តងទៀតលោកបានលើកឡើង អំពីលទ្ធភាពនៃការដាក់ទណ្ឌកម្មបន្ថែមលើទីក្រុងមូស្គូ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ ថ្លែងប្រាប់ក្រុមអ្នកសារព័ត៌មាននៅសេតវិមាន លោក ត្រាំ បាននិយាយថា លោកមិនសប្បាញចិត្តទេ ជុំវិញស្ថានភាពនៃកិច្ចប្រឹងប្រែង ដើម្បីស្វែងរកសន្តិភាពនៅអ៊ុយក្រែន នាពេលនេះ។ កាលពីមួយសប្តាហ៍មុន លោក ត្រាំ​ បានបើកកិច្ចពិភាក្សានៅរដ្ឋ Alaska ជាមួយ​ប្រធានាធិបតីរុស្ស៉ី លោក វ៉្លាឌីមៀ ពូទីន ហើយមកទល់នឹងពេលនេះ លោកមិនទាន់អាចជំរុញឱ្យលោក ពូទីន ជួបចរចាគ្នាជាមួយ​ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី នៅឡើយទេ។ លោកប្រធានាធិបតីអាមេរិក បានគូសបញ្ជាក់យ៉ាងដូច្នេះថា «ទោះជាយ៉ាងណាក៏ដោយ យើងមើលឃើញអ្វីដែលនឹងកើតឡើង។ ខ្ញុំគិតថា ក្នុងរយៈពេល២សប្តាហ៍ទៀត ពួកយើងនឹងដឹងថា ខ្ញុំនឹងឆ្ពោះទៅផ្លូវណា»។ បើតាមការបញ្ជាក់របស់លោក ត្រាំ គឺរូបលោក អាចនឹងសម្រេចចិត្តថា តើត្រូវដាក់ទណ្ឌកម្មបន្ថែមក្នុងទ្រង់ទ្រាយធំលើរុស្ស៉ី […]

(តូក្យូ,​ ជប៉ុន)៖ នៅថ្ងៃព្រហស្បតិ៍ ទី២១ ខែសីហា អគ្គលេខាធិការនៃអង្គការសហប្រជាជាតិ (UN) លោក Antonio Guterres បានអំពាវនាវរកបទឈប់បាញ់បន្ទាន់ បន្ទាប់ពីអ៉ីស្រាអែល ប្រកាសផែនការចង់កាន់កាប់ទីក្រុងហ្កាហ្សា (Gaza City)។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។ នៅពេលចូលរួមសន្និសីទអន្តរជាតិស្តីពីការអភិវឌ្ឍអាហ្រ្វិក ក្នុងទីក្រុងតូក្យូ ប្រទេសជប៉ុន លោក Guterres ថ្លែងថា «វាមានសារៈសំខាន់ណាស់ ក្នុងការឈានដល់បទឈប់បាញ់ហ្កាហ្សាភ្លាមៗ ដែលចាំបាច់ដើម្បីបញ្ចៀសការស្លាប់ និងការបំផ្លិចបំផ្លាញដោយប្រតិបត្តិការយោធាប្រឆាំងនឹងទីក្រុងហ្កាហ្សា»។ លោក Guterres ក៏បានអំពាវនាវឱ្យមាន ការដោះលែងចំណាប់ខ្មាំង ដោយឥតលក្ខខណ្ឌពីក្រុមហាម៉ាសផងដែរ ខណៈជំរុញឱ្យអ៉ីស្រាអែល ប្តូរចិត្តឈប់ពង្រីកការសាងសង់ លំនៅដ្ឋានខុសច្បាប់ ក្នុងតំបន់ West Bank។ គួរបញ្ជាក់ថា អ៉ីស្រាអែល កំពុងបន្តឆ្ពោះទៅមុខជាមួយនិងផែនការរបស់ខ្លួន ដើម្បីគ្រប់គ្រងទីក្រុងធំបំផុតរបស់តំបន់ហ្កាហ្សា ទោះបីជាមានការរិះគន់ពីអន្តរជាតិ ជុំវិញប្រតិបត្តិការដែលទំនងជាបង្ខំឱ្យមានការផ្លាស់ទីលំនៅ ប្រជាជនប៉ាឡេស្ទីនជាច្រើនក៏ដោយ៕ ផ្ដល់សិទ្ធិដោយ៖ Fresh News

(វ៉ាស៉ីនតោន)៖ កាលពីថ្ងៃពុធ ទី២០ ខែសីហា រដ្ឋបាលប្រធានាធិបតីសហរដ្ឋអាមេរិក លោក ដូណាល់ ត្រាំ បានដាក់ទណ្ឌកម្មលើ​ចៅក្រម២រូបនិងរដ្ឋអាជ្ញា២រូប នៅតុលាការព្រហ្មទណ្ឌអន្តរជាតិ ICC សម្រាប់ការកំណត់គោលដៅលើមេដឹកនាំអ៉ីស្រាអែល និងលើ​មន្រ្តីអាមេរិក។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ ក្នុងសេចក្តីថ្លែងការណ៍ រដ្ឋមន្រ្តីការបរទេសអាមេរិក លោក Marco Rubio ថែមទាំងបានហៅតុលាការអន្តរជាតិនេះថា ជាការគំរាមកំហែងសន្តិសុខ ដែលត្រូវបានប្រើប្រាស់ សម្រាប់ធ្វើសង្រ្គាមផ្លូវច្បាប់ ប្រឆាំងសហរដ្ឋអាមេរិកនិងអ៉ីស្រាអែល។ បើតាម​ក្រសួងហិរញ្ញវត្ថុអាមេរិក ទីក្រុងវ៉ាស៉ីនតោន បានដាក់ទណ្ឌកម្មលើចៅក្រមបារាំង លោក Nicolas Yann Guillou, រដ្ឋអាជ្ញាហ្វីជី លោកស្រី Nazhat Shameem Khan, រដ្ឋអាជ្ញាសេណេហ្កាល់ លោក Mame Mandiaye Niang និងចៅក្រមកាណាដា លោកស្រី Kimberly Prost។ មន្រ្តី ICC ទាំង៤រូប សុទ្ធតែធ្លាប់ធ្វើការក្នុងសំណុំរឿង ដែលទាក់ទងជាមួយអាមេរិក និងអ៉ីស្រាអែល។ គួរបញ្ជាក់ថា វាគឺជាការដាក់ទណ្ឌកម្មលើកទី២ហើយរបស់អាមេរិក លើតុលាការ […]

(វ៉ាស៉ីនតោន)៖ កាលពីថ្ងៃពុធ ទី២០ ខែសីហា អនុប្រធានាធិបតីសហរដ្ឋអាមេរិក លោក JD Vance បាននិយាយថា ក្រុមប្រទេសអឺរ៉ុបនឹងចាំបាច់ត្រូវតែជាអ្នកទទួលបន្ទុកធំជាងគេ នៃការធានាសន្តិសុខសម្រាប់អ៊ុយក្រែន។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ ថ្លែងក្នុងកិច្ចសម្ភាសមួយជាមួយបណ្តាញព័ត៌មានអាមេរិក Fox News លោក Vance បានលើកឡើងដូច្នេះថា «ខ្ញុំមិនយល់ថា ពួកយើងគួរតែជាអ្នកទទួលបន្ទុកលើរឿងនេះឡើយ លោកប្រធានាធិបតី ត្រាំ រំពឹងអឺរ៉ុបដើរតួនាទីនាំមុខក្នុងបញ្ហានេះ។ ទោះបីជា ការធានាសន្តិសុខនឹងលេចឡើងក្នុងទម្រង់បែបណាក៏ដោយ ក្រុមប្រទេសអឺរ៉ុបចាំបាច់នឹងត្រូវតែជា អ្នកទទួលបន្ទុកធំជាងគេ ព្រោះវាជា​ទ្វីបរបស់ពួកគេ ជាសន្តិសុខរបស់ពួកគេ ហើយលោកប្រធានាធិបតី បានបង្ហាញច្បាស់ណាស់កន្លងមក ដូច្នេះហើយពួកនឹងត្រូវតែជាអ្នករ៉ាប់រងធំ​ក្នុងការទទួលបន្ទុកលើរឿងនេះ»។ ប្រធានាធិបតីអាមេរិក លោក ដូណាល់ ត្រាំ កំពុងបន្តជំរុញឱ្យមានកិច្ចព្រមព្រៀងសន្តិភាព ដើម្បីបញ្ចប់សង្រ្គាមឈ្លានពានរបស់រុស្ស៉ី​នៅអ៊ុយក្រែន ដែលបានអូសបន្លាយជាង ៣ឆ្នាំកន្លះមកហើយ។ អាទិភាពមួយសម្រាប់អ៊ុយក្រែន គឺការធានាសន្តិសុខដល់ខ្លួន ប្រឆាំង​ការឈ្លានពានរបស់រុស្ស៉ីនាពេលក្រោយៗទៀត។ ថ្មីៗនេះលោក ត្រាំ​ បានបង្ហើបថា រូបលោកនឹងមិនបញ្ជូនកងទ័ពផ្ទាល់ទៅអ៊ុយក្រែន​ទេ ប៉ុន្តែអាចចូលរួមផ្តល់ការគាំទ្រតាមផ្លូវអាកាស។ គួរបញ្ជាក់ថា កន្លងមកក្រុមប្រទេសអឺរ៉ុប បានបង្កើតក្រុមប្រទេសដែលមានឆន្ទៈ បញ្ជូនកងទ័ពរបស់ពួកគេដើម្បីទៅធានាសន្តិសុខ​របស់អ៊ុយក្រែន។ ខណៈលោក ត្រាំ មានការមិនពេញចិត្តចំពោះការផ្តល់ជំនួយយោធារាប់សិបពាន់លានដុល្លាររបស់អាមេរិកដល់អ៊ុយក្រែន […]

(បាងកក)៖ យោងតាមនាយកដ្ឋានអង្កេតការរញ្ជួយដីបានឱ្យដឹងថា គ្រោះរញ្ជួយដីកម្រិត ៥.៤រ៉ិចទ័រ បានវាយប្រហារនៅឆ្នេរសមុទ្រភាគខាងត្បូង នៃប្រទេសមីយ៉ាន់ម៉ា នៅព្រឹកថ្ងៃព្រហស្បតិ៍ ទី២១ ខែសីហា ឆ្នាំ២០២៥ ដោយមានការរញ្ជួយនៅក្នុងផ្នែកខ្លះនៃទីក្រុងបាងកក។ នេះបើយោងតាមសារព័ត៌មាន The Nation របស់ថៃ ចេញផ្សាយនៅថ្ងៃនេះ។ យោងតាមនាយកដ្ឋានតាមដានការរញ្ជួយដីនៃនាយកដ្ឋានឧតុនិយម គ្រោះរញ្ជួយដីមួយបានកើតឡើង នៅឆ្នេរសមុទ្រភាគខាងត្បូង នៃប្រទេសមីយ៉ាន់ម៉ា ជាមួយនឹងកម្រិត៥.៤រ៉ិចទ័រ និងជម្រៅ១០គីឡូម៉ែត្រ៕ ផ្ដល់សិទ្ធិដោយ៖ Fresh News

(ថៃ)៖ កសិករថៃ រស់នៅខេត្តពេជ្រឆាបូរណ៍ បានផ្ទុះការតវ៉ាដោយសារខឹងសម្បារជាមួយរដ្ឋាភិបាលរបស់ខ្លួន ជុំវិញការធ្លាក់ចុះនៃតម្លៃកសិផល តែតម្លៃជី និងប្រេងមានការឡើងថ្លៃទៅវិញ ខណៈរដ្ឋាភិបាលសន្យាថា ជួយអន្ដរាគមន៍ដោះស្រាយប្រជាពលរដ្ឋ ប៉ុន្ដែគ្រាន់តែជាការសន្យាមិនឃើញលទ្ធផលជាក់ស្ដែង។ នេះបើតាមសេចក្តីរាយការណ៍តាមការចុះផ្សាយមួយចំនួននៅប្រទេសថៃ។ ការតវ៉ារបស់កសិករជាច្រើននាក់ នៅខេត្តពេជ្រឆាបូរណ៍ បានធ្វើឡើងកាលពីថ្ងៃទី១៨ ខែសីហា ឆ្នាំ២០២៥ម្សិលមិញ ដោយនាំគ្នាលើកបដា និងស្រែកតវ៉ានៅតាមដងផ្លូវ ព្រមទាំងភ្ជាប់ជាមួយរូបភាពពោត ដែលជាកម្មវត្ថុនៃការតវ៉ារបស់ពួកគេ។ តាមរយៈខ្លឹមសារដែលបានបង្ហាញនៅបដាដែលប្រជាពលរដ្ឋលើក ដើម្បីស្រែកតវ៉ានោះ បានសរសេរថា «ជួយអីគេ? ការជួយសង្គ្រោះកសិករ គឺជួយមិនបានសូម្បីតែម្យ៉ាង តម្លៃពោតចុះថោក ជី ប្រេងសាំងមានតំលៃថ្លៃ ឯណាបានមានហូប មានចុក មានរបស់ប្រើប្រាស់ពេលណា? មានកិត្តិយសពេលណា?»។ មួយវិញទៀត អ្វីដែលប្រជាពលរដ្ឋកាន់តែហួសចិត្តនោះ គឺរដ្ឋាភិបាលថៃ បានសន្យាម្ដងហើយម្ដងទៀតថា ជួយដល់ប្រជាពលរដ្ឋនៅពេលមានបញ្ហា ប៉ុន្ដែមកទល់ពេលនេះ មិនបានជួយអ្វីសូម្បីតែម្ដងឡើយ ពោលទុកឲ្យប្រជាពលរដ្ឋនៅជួបការលំបាកលើបញ្ហាទាំងអស់នេះដដែល៕ ផ្ដល់សិទ្ធិដោយ៖ Fresh News

(មីយ៉ាវ៉ាឌី)៖ រថយន្តដឹកទំនិញប្រមាណ ៥០០គ្រឿង ដែលផ្ទុកទៅដោយទំនិញថៃ កំពុងកកស្ទះនៅត្រើយខាងថៃ នៃស្ពានមិត្តភាពទី២ ដែលតភ្ជាប់ទីក្រុងមីយ៉ាវ៉ាឌី (Myawaddy) ក្នុងរដ្ឋការ៉ែន ជាមួយប្រទេសថៃ បន្ទាប់ពីរបបសឹកមីយ៉ាន់ម៉ាបានចេញបម្រាមលើការនាំចូលទំនិញ។ នេះបើយោងតាមការចេញផ្សាយ ដោយសារព័ត៌មាន Burma News International។ ចាប់តាំងពីថ្ងៃទី៥ ខែសីហាមក រថយន្តទាំងនោះបានជាប់គាំងនៅទីក្រុង Mae Sot។ ក្រុមអាជីវករបានឱ្យដឹងថា ការបិទច្រកនេះមានរយៈពេលជាងពីរសប្តាហ៍រួចហើយ ដោយជាប់ពាក់ព័ន្ធនឹងការចាប់ខ្លួនមន្ត្រីមីយ៉ាន់ម៉ាមួយចំនួន ហើយរបបសឹកក៏បានចេញបម្រាមលើទំនិញចំនួន ៣៥ប្រភេទផងដែរ។ ទោះជាយ៉ាងណា ការនាំចេញទំនិញកសិផលពីមីយ៉ាន់ម៉ាមកកាន់ថៃ នៅតែដំណើរការជាធម្មតា។ ផ្ទុយទៅវិញ អាជីវករបានបញ្ជាក់ថា ទំនិញថៃណាមួយដែលព្យាយាមចូលទៅក្នុងមីយ៉ាន់ម៉ា មិនថាតាមច្រកផ្លូវការ ឬច្រករបៀង កំពុងប្រឈមនឹងការរឹបអូសដោយរបបសឹក ដែលធ្វើឱ្យគ្មាននរណាហ៊ានដំណើរការដឹកជញ្ជូនទៀតឡើយ។ គួរបញ្ជាក់ថា ចំណាត់ការនេះកំពុងបង្កការខាតបង់យ៉ាងធ្ងន់ធ្ងរដល់ក្រុមអាជីវករ ដែលត្រូវចំណាយលើជួលឃ្លាំង និងប្រាក់ខែអ្នកបើកបរទាំងដែលគ្មានប្រតិបត្តិការ។ មិនត្រឹមតែប៉ុណ្ណោះ ទំនិញដែលបានឆ្លងទៅដល់មីយ៉ាន់ម៉ារួចហើយ ក៏កំពុងជាប់គាំងនៅទីនោះ ដោយមិនអាចដឹកជញ្ជូនបន្តចូលក្នុងប្រទេសបានឡើយ៕ ផ្ដល់សិទ្ធិដោយ៖ Fresh News

(វ៉ាស៉ីនតោន)៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានឱ្យដឹងថា កិច្ចប្រជុំជាមួយលោក វ៉ូឡូឌីមៀ ហ្សេលេនស្គី ប្រធានាធិបតីអ៊ុយក្រែន និងបណ្តាមេដឹកនាំអឺរ៉ុប នៅក្នុងទីក្រុងវ៉ាស៉ីតោន នាថ្ងៃចន្ទ ទី១៨ ខែសីហា បានប្រព្រឹត្តយ៉ាងល្អ​ ជាមួយនិងការរៀបចំសម្រាបជំនួបរវាងមេដឹកនាំរុស្ស៉ី-អ៊ុយក្រែននាពេលបន្ទាប់។ នេះបេីតាមការបង្ហោះនៅលេីបណ្តាញសង្គម Truth Social និងគណនីហ្វេសប៊ុករបស់លោក។ លោក ត្រាំ គូសបញ្ជាក់ថា «ខ្ញុំមានជំនួបដ៏ល្អជាមួយភ្ញៀវកិត្តិយស លោកប្រធានាធិបតី ហ្សេលេនស្គី នៃអ៊ុយក្រែន លោកប្រធានាធិបតី Emmanuel Macron នៃប្រទេសបារាំង លោកប្រធានាធិបតី Alexander Stubb នៃប្រទេសហ្វាំងឡង់ នាយករដ្ឋមន្រ្តី Giorgia Meloni នៃប្រទេសអ៉ីតាលី នាយករដ្ឋមន្រ្តី Keir Starmer នៃចក្រភពអង់គ្លេស អធិការបតីនៃសាធារណរដ្ឋសហព័ន្ធអាល្លឺម៉ង់ Friedrich Merz ប្រធានគណៈកម្មការអឺរ៉ុប លោកស្រី​ Ursula von der Leyen អគ្គលេខាធិកាណាតូ Mark Rutte នៅក្នុងសេតវិមាន […]

(ប៉េកាំង)៖ ប្រព័ន្ធផ្សព្វផ្សាយក្នុងស្រុកនៅប្រទេសចិន នាថ្ងៃអាទិត្យ ទី១៧ ខែសីហា បានរាយការណ៍ថា គ្រោះទឹកជំនន់កើតឡើងភ្លាមៗ នៅតំបន់ Inner Mongolia ភាគខាងជើង បានផ្តាច់ជីវិតមនុស្ស៨នាក់ និងបណ្តាលឱ្យ ៤នាក់ផ្សេងទៀតបាត់ខ្លួន។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ មនុស្សសរុប ១៣នាក់ ត្រូវបានរាយការណ៍ថា កំពុងតែស្ថិតក្នុងដំណើរកម្សាន្តបោះជំរំ ក្នុងស្រុក Urat Rear Banner នៃតំបន់ inner Mongolia នៅពេលដែលទឹកជំនន់ បានកើតឡើងភ្លាមៗ កាលពីខ្ទង់ម៉ោង១០យប់ថ្ងៃសៅរ៍។ គិតត្រឹមព្រឹកថ្ងៃអាទិត្យនេះ មនុស្សម្នាក់ត្រូវបានជួយសង្រ្គោះ ខណៈប្រតិបត្តិការរុករកនិងជួយសង្រ្គោះ កំពុងបន្តសម្រាប់អ្នកដែលនៅបាត់ខ្លួន។ គួរបញ្ជាក់ថា គ្រោះធម្មជាតិជារឿងកើតមានឡើងញឹកញាប់ នៅទូទាំងប្រទេសចិន ជាពិសេសអំឡុងរដូវនេះ នៅពេលតំបន់មួយចំនួន ទទួលរងបាតុភូតភ្លៀងធ្លាក់ខ្លាំង រីឯតំបន់ខ្លះទៀតទទួលការកើនឡើងសីតុណ្ហភាពខ្ពស់។ កាលពីពេលកន្លងទៅក្នុងខែសីហានេះ ទឹកជំនន់និង​គ្រោះរអិលបាក់ដី នៅភាគពាយព្យប្រទេសចិន បានបណ្តាលឱ្យមនុស្សយ៉ាងហោច១៣នាក់បាត់បង់ជីវិត។ រីឯការធ្លាក់ភ្លៀងខ្លាំងនៅរដ្ឋធានីប៉េកាំង បានសម្លាប់មនុស្ស៤៤នាក់កាលពីខែកក្កដា ហើយ៨នាក់ទៀតបានស្លាប់ ក្នុងគ្រោះបំណាក់ដី នៅខេត្ត Hebei ដែលស្ថិតនៅក្បែរគ្នា៕ ផ្ដល់សិទ្ធិដោយ៖ Freshnews

(ហ៊្សេរុយសាឡិម)៖ កាលពីថ្ងៃសៅរ៍ ទី១៦ ខែសីហា យោធាអ៉ីស្រាអែលបានប្រកាសថា ប្រជាជនប៉ាឡេស្ទីននៅតំបន់ហ្កាហ្សា នឹងទទួលបានតង់ស្នាក់នៅព្រមទាំងសម្ភារផ្សេងៗទៀត ចាប់ផ្តើមពីថ្ងៃអាទិត្យនេះ មុនការជម្លៀសពួកគេចេញពីតំបន់ប្រយុទ្ធទៅកាន់​ភាគខាងត្បូងនៃដែនដីនេះ ក្រោមការអះអាងថា ដើម្បីធានាសុវត្ថិភាពរបស់អ្នកទាំងនោះ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ ការប្រកាសនេះ គឺនៅប៉ុន្មានថ្ងៃបន្ទាប់ពីអ៉ីស្រាអែល បាននិយាយថា ខ្លួនបានបំណងបើកប្រតិបត្តិការវាយលុកថ្មី ដើម្បីចូលកាន់កាប់​ទីក្រុង Gaza City នៅភាគខាងជើង ដែលជាទីក្រុងធំបំផុតរបស់តំបន់ហ្កាហ្សា។ ផែនការរបស់អ៉ីស្រាអែល បានបង្កក្តីបារម្ភជាខ្លាំង ក្នុងចំណោមសហគមន៍អន្តរជាតិ ជុំវិញជោគវាសនារបស់តំបន់ហ្កាហ្សា ដែលបានរងការបំផ្លិចបំផ្លាញហិនហោចដោយសារសង្រ្គាម និង​ជាកន្លែងជ្រកកោនរបស់ជនជាតិប៉ាឡេស្ទីនសរុបប្រហែល២.២លាននាក់។ កាលពីថ្ងៃអាទិត្យសប្តាហ៍មុន នាយករដ្ឋមន្រ្តីអ៉ីស្រាអែល បាននិយាយថា មុនបើកប្រតិបត្តិការវាយលុកថ្មី ជនស៉ីវិលទាំងអស់នឹងត្រូវ​ជម្លៀសទៅកាន់កន្លែងដែលលោកហៅថា តំបន់សុវត្ថិភាព ចេញពីទីក្រុង Gaza City ដែលរូបលោកអះអាងថា ជាសំបុកចុងក្រោយរបស់ក្រុមសកម្មប្រយុទ្ធប៉ាឡេស្ទីន ហាម៉ាស។ គួរបញ្ជាក់ថា អ្នកនាំពាក្យការិយាល័យកិច្ចការមនុស្សធម៌របស់អង្គការសហប្រជាជាតិ (UN) បានបង្ហាញក្តីបារម្ភ ជុំវិញផែនការរបស់អ៉ីស្រាអែល ក្នុងការផ្លាស់ទីប្រជាជនទៅកាន់ភាគខាងត្បូងតំបន់ហ្កាហ្សា ដោយនិយាយថា វានឹងមានតែបង្កើនទុក្ខវេទនាសម្រាប់ពួកគេប៉ុណ្ណោះ។ កាលពីថ្ងៃព្រហស្បតិ៍សប្តាហ៍នេះ UN ក៏បានព្រមានដែរថា ជនជាតិប៉ាឡេស្ទីនរាប់ពាន់គ្រួសារ ដែលកំពុងទទួលរងស្ថានភាពមនុស្សធម៌ដ៏អាក្រក់រួចស្រេចទៅហើយ អាចនឹងត្រូវរុញច្រានទៅដល់មាត់ជ្រោះតែម្តង ប្រសិនបើផែនការវាយគ្រប់គ្រងទីក្រុង […]