(កូរ៉េ)៖ BLACKPINK គឺជាក្រុមចម្រៀងនារីល្បីឈ្មោះប្រចាំវិស័យ K-POP និងមានភាពល្បីល្បាញមានអ្នកគាំទ្រទូទាំងពិភពលោក ខណៈសមាជិកម្នាក់ៗក្នុងក្រុមនេះតែងតែបង្ហាញពីឥទ្ធិពលរបស់ពួកគេ តាមរយៈការចូលរួមព្រឹត្តិការណ៍ធំៗជាច្រើន។ ថ្មីៗនេះ ឥទ្ធិពលរបស់ Blackpink ហាក់កំពុងតែលេចធ្លោ និងក្លាយជាប្រធានបទដ៏ក្តៅគគុក បន្ទាប់ពីការលាលែងពីតំណែងរបស់លោក Kim Sung Han ទីប្រឹក្សាសន្តិសុខជាតិកូរ៉េខាងត្បូង។ នេះបើតាមការចេញផ្សាយរបស់សារព័ត៌មាន Koreaboo។ អ្នកគាំទ្រហាក់ភ្ញាក់ផ្អើល បន្ទាប់ពីសារព័ត៌មានធំៗបានផ្សាយថា លោកស្រី Jill Biden ដែលជាភរិយារបស់លោក Joe Biden ប្រធានាធិបតីសហរដ្ឋអាមេរិក បានផ្ញេីលិខិតអញ្ជេីញ BLACKPINK ទៅច្រៀងនៅសេតវិមានតាំងពីខែមករា យ៉ាងណាមិញនាយកការិយាល័យសន្តិសុខជាតិរបស់ប្រទេសកូរ៉េខាងត្បូង បែរជាមិនបានបញ្ជូនលិខិតអញ្ជេីញនេះ ទៅកាន់ផលិតកម្ម YG និងទុកចោលរហូតដល់ខែមីនា។ ទន្ទឹម​នឹង​នេះ ក៏មានសេចក្តីរាយការណ៍ថា លោក​ប្រធានាធិបតីកូរ៉េខាងត្បូង Yoon Suk Yeol បាន​ដឹង​ដំណឹង​នេះ​តាម​រយៈ​ក្រសួង​ការ​បរទេស ហើយលោកពិតជាខឹងសម្បារជាខ្លាំងទាក់ទងនឹងរឿងនេះ ព្រោះវាអាចធ្វេីឲ្យប៉ះពាល់ដល់ទំនាក់ទំនងនិងភាពជឿជាក់រវាងប្រទេសកូរ៉េខាងត្បូងនិងសហរដ្ឋអាមេរិក។ មូលហេតុទាំងនេះ គឺជាហេតុផល លោក Kim Sung Han ទីប្រឹក្សាសន្តិសុខជាតិកូរ៉េខាងត្បូង បានលាលែងពីតំណែងកាលពីម្សិលមិញ ក្នុងទម្រង់នៃការលាលែងដោយស្ម័គ្រចិត្ត៕ ផ្តល់សិទ្ធិដោយ៖ […]

(ហាណូយ)៖ ទិន្នន័យរដ្ឋាភិបាលវៀតណាមដែលបានចេញផ្សាយកាលពីថ្ងៃពុធបានបង្ហាញថា កំណើនសេដ្ឋកិច្ចរបស់វៀតណាមក្នុងត្រីមាសទីមួយបានថមថយមកនៅត្រឹម ៣,៣២ភាគរយពីអត្រា ៥,០៥ភាគរយក្នុងរយៈពេលដូចគ្នាកាលពីឆ្នាំមុន។ នេះបើយោងតាមទីភ្នាក់ងារព័ត៌មានរ៉យទ័រ។ ប្រទេសអាស៊ីអាគ្នេយ៍ដែលជាមជ្ឈមណ្ឌលផលិតកម្មក្នុងតំបន់មួយនេះបានរាយការណ៍ថា ការនាំចេញរបស់ខ្លួនបានធ្លាក់ចុះ ១១,៩ភាគរយនៅត្រីមាសទី១ ឆ្នាំនេះធៀបនឹងរយៈពេលដូចគ្នាកាលពីឆ្នាំមុន ដោយសារការធ្លាក់ចុះតម្រូវការពិភពលោក។ ទីភ្នាក់ងារព័ត៌មានរ៉យទ័របានរាយការណ៍ដោយដកស្រង់របាយការណ៍មួយដែលចេញផ្សាយដោយការិយាល័យស្ថិតិទូទៅ (GSO) របសវៀតណាមថា ការនាំចេញទូរស័ព្ទស្មាតហ្វូន ដែលជាវិស័យរកប្រាក់ចំណូលបានច្រើនជាងគេបំផុតរបស់ប្រទេសនេះបានធ្លាក់ចុះ ១៥ភាគរយមកនៅត្រឹម ១៣ពាន់លានដុល្លារនៅក្នុងត្រីមាសទីមួយ ខណៈដែលការនាំចេញគ្រឿងអេឡិចត្រូនិកបានធ្លាក់ចុះ ១០,៩ភាគរយ។ ការិយាល័យស្ថិតិទូទៅបានឱ្យដឹងថា ផលិតកម្មឧស្សាហកម្មនៅក្នុងត្រីមាសទីមួយបានធ្លាក់ចុះ ២,៣ភាគរយធៀបនឹងឆ្នាំមុន ខណៈដែលការលក់រាយទំនិញ និងសេវាកម្មក្នុងស្រុកសរុបបានកើនឡើង ១៣,៩ភាគរយ។ ការិយាល័យនេះបានបន្ថែមថា តម្លៃទំនិញប្រើប្រាស់ក្នុងខែមីនាបានធ្លាក់ចុះ ០,២៣ភាគរយធៀបនឹងខែកុម្ភៈ។ តម្លៃទំនិញប្រើប្រាស់ជាមធ្យមនៅក្នុងត្រីមាសទីមួយបានកើនឡើង ៤,១៨ភាគរយធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមទីភ្នាក់ងារព័ត៌មានរ៉យទ័រ៕ ផ្តល់សិទ្ធិដោយ៖ Fresh News

(ញូវយ៉ក)៖ មេដឹកនាំកោះតៃវ៉ាន់ លោក សៃ អ៉ីងវិន បានសម្ដែងការសាទរដល់ទំនាក់ទំនងរបស់ទីក្រុងតៃប៉ិ ជាមួយទីក្រុងវ៉ាស៊ីនតោន កំលុងការឈប់សំចតក្នុងទីក្រុងញូវយ៉ក ក្នុងដំណើរ របស់លោកស្រីឆ្ពោះទៅកាន់តំបន់អាមេរិកកណ្ដាល ជាដំណើរឈប់សំចតមួយលើទឹកដីអាមេរិកដែលរងការថ្កោលទោសពីសំណាក់ទីក្រុងប៉េកាំង។ នេះបើតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃសុក្រ ទី៣១ ខែមីនា ឆ្នាំ២០២៣។ សេចក្ដីថ្លែងការណ៍មួយចេញផ្សាយដោយការិយាល័យរបស់លោកស្រី សៃ អ៉ីងវិន បានឱ្យដឹងទៀតថា កំលុងសុន្ទរកថាបិទទ្វារមួយក្នុងទីក្រុងញូវយ៉ក កាលពីយប់ថ្ងៃពុធសប្ដាហ៍នេះ (ម៉ោងនៅអាមេរិក) លោកស្រី សៃបាននិយាយថាទំនាក់ទំនងរវាងទីក្រុងតៃប៉ិ និងទីក្រុងប៉េកាំង នាពេល បច្ចុប្បន្ន មានភាពស្អិតល្មួតនឹងគ្នាមិនធ្លាប់មានពីមុនមក ហើយក៏បានសង្កត់ធ្ងន់ ពីភាពរីកចម្រើននៅក្នុងកិច្ចសហប្រតិបត្តិការសេដ្ឋកិច្ច និងសន្តិសុខ។ សេចក្ដីថ្លែងការណ៍នេះដដែលបន្ថែមថាលោកស្រី ក៏បានសម្ដែងការពេញចិត្តផងដែរដែលតៃវ៉ាន់បានក្លាយជានិមិត្តរូប នៃប្រជាធិបតេយ្យក្នុងតំបន់អាស៊ី ហើយថាកោះតៃវ៉ាន់នឹងមិនឯកោឡើយ ទោះជាមានបញ្ហាជាច្រើនកំពុងប្រឈមក៏ដោយ។ គួរបញ្ជាក់ថា នៅក្នុងចំណោមមនុស្សដែលបានចូលរួមក្នុងកិច្ចសន្ទនាជាមួយលោកស្រី សៃ ក្នុងនោះរួមមាន អភិបាលរដ្ឋ New Jersey លោក ហ្វីល មឺហ្វី (Phil Murphy) និងលោកស្រី ឡូរ៉ា រ៉ូសិនប៊ឺហ្គឺ (Laura […]

(ញូវយ៉ក)៖ នៅទីបំផុតទៅ លោក ដូណាល់ ត្រាំ ត្រូវបានគណៈវិនិច្ឆយនៃសង្កាត់ ​Manhattan ទីក្រុងញូវយ៉ក ចោទប្រកាន់ជាផ្លូវការហើយនៅថ្ងៃព្រហស្បតិ៍សប្ដាហ៍នេះ ក្រោយ ការស៊ើបអង្កេតមួយជុំវិញការសូកប៉ាន់បំបិតមាត់តារាភាពយន្ដអាសអាភាសនាង Stormy Daniels។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃសុក្រ ទី៣១ ខែមីនា ឆ្នាំ២០២៣។ តាមរយៈការចោទប្រកាន់ខាងលើ លោក ដូណាល់ ត្រាំ បានក្លាយជាអតីតប្រធានាធិបតីអាមេរិកដំបូងគេបំផុត ដែលត្រូវប្រឈមមុខនឹងការចោទប្រកាន់ពីបទល្មើសព្រហ្មទណ្ឌ និង កើតមានឡើង ខណៈលោកកំពុងព្យាយាមធ្វើយ៉ាងណាអាចក្លាយជាបេក្ខជនប្រធានាធិបតីតំណាងឱ្យគណបក្សសាធារណរដ្ឋសាជាថ្មី សម្រាប់ការបោះឆ្នោតនៅឆ្នាំ២០២៤។ នៅក្នុង សេចក្ដីថ្លែងការណ៍មួយនៅថ្ងៃព្រហស្បតិ៍នោះដែរ លោក ត្រាំ នៅតែប្រកាន់ជំហរបន្តឈរឈ្មោះជាបេក្ខជនប្រធានាធិបតីដដែល ហើយបានអះអាងថាលោកមិនបានប្រព្រឹត្តខុសច្បាប់ ដូចការចោទប្រកាន់នោះទេ។ «នេះជាការធ្វើទុក្ខបុក្ខម្នេញនយោបាយ និងជាការលូកលាន់ការបោះឆ្នោតក្នុងកម្រិតខ្ពស់បំផុតនៅក្នុងប្រវត្តិសាស្ត្រ»។ នេះជាការគូសបញ្ជាក់របស់ លោក ដូណាល់ ត្រាំ ដោយមិនបានផ្ដល់ភស្តុតាងអ្វីឡើយ។ គួរបញ្ជាក់ថា លោក ដូណាល់ ត្រាំ ត្រូវបានគេចោទប្រកាន់ថាបានសូកប៉ាន់ប្រាក់ ១៣០,០០០ដុល្លារ ឱ្យទៅតារាភាពយន្ដអាសអាភាសនាង Stormy Daniels កុំឱ្យនិយាយពី ទំនាក់ទំនងផ្លូវភេទរវាងអ្នកទាំង២ កាលពីឆ្នាំ២០០៦ […]

(ភ្នំពេញ)៖ បុរសម្នាក់ត្រូវបានកម្លាំងនគរបាលចាប់ខ្លួន បន្ទាប់ពីគំរាមបង្ហោះវីដេអូអាក្រាតកាយរបស់នារីម្នាក់ ដែលធ្លាប់ផ្ញើឲ្យខ្លួនមើលតាម Facebook។ ការគំរាមបង្ហោះនេះ ធ្វើឡើងដោយសារតែខឹងនារីរងគ្រោះ ឈប់ផ្ញើវីដេអូអាក្រាតកាយឲ្យខ្លួនមើលទៀត។ របាយការណ៍របស់នាយកដ្ឋាននគរបាលព្រហ្មទណ្ឌ ដែលបណ្ដាញព័ត៌មាន Fresh News ទទួលបាននៅថ្ងៃទី៣០ ខែមីនា ឆ្នាំ២០២៣នេះ បានឲ្យដឹងថា ជនសង្ស័យដែលគំរាមបង្ហោះវីដេអូអាក្រាតកាយនារីរងគ្រោះនេះ ឈ្មោះ នៅ ចិន្តា អាយុ៣១ឆ្នាំ។ ការចាប់ខ្លួននេះ ធ្វើឡើងនៅថ្ងៃទី២៨ ខែមីនា ឆ្នាំ២០២៣ នៅចំណុចហ្គារ៉ាសសាំង PTT ព្រែកអញ្ចាញ ភូមិចំបកមាស ឃុំចំបកចាស់ ស្រុកមុខកំពូល។ ចម្លើយសារភាពរបស់ជនសង្ស័យ បានអះអាងថា អំឡុងឆ្នាំ២០២០ ខ្លួនប្រើប្រាស់គណនី Facebook ឈ្មោះ Hea Da បានទាក់ទងស្គាល់គ្នា ព្រមទាំងលេងឆាតជាមួយជនរងគ្រោះអាយុ១៦ឆ្នាំ រស់នៅស្រុកស្វាយចេក ខេត្តបន្ទាយមានជ័យ។ បន្ទាប់ខ្លួនបានលួងលោមឲ្យជនរងគ្រោះថតវីដេអូអាសអាភាសផ្ញើឲ្យមើល។ លុះមកដល់ថ្ងៃទី២០ ខែមីនា ឆ្នាំ២០២៣ ជនសង្ស័យបានគំរាមឲ្យជនរងគ្រោះថតជាវីដេអូអាសអាភាសផ្ញើឲ្យខ្លួនមើលបន្តទៀត ប៉ុន្តែត្រូវបានជនរងគ្រោះបានបដិសេធ។ នៅពេលនោះ បានគំរាមជនរងគ្រោះជាបន្តបន្ទាប់ថា (បើជនរងគ្រោះពុំធ្វើតាមសំណើរបស់ខ្លួននោះទេ នឹងយកវីដេអូអាសអាភាសរបស់ជនរងគ្រោះបង្ហោះជាសាធារណៈតែម្ដង)។ ក្រោយចាប់ខ្លួនជនសង្ស័យ ត្រូវបានបញ្ជូនទៅនាយកដ្ឋាននគរបាលព្រហ្មទណ្ឌ […]

(ថៃ)៖ ភ្លើងឆេះព្រៃដែលបានចាប់ផ្តើមនៅលើភ្នំ Khao Chaplu ក្នុងខេត្ត Nakhon Nayok ភាគឦសានប្រទេសថៃកាលពីថ្ងៃអង្គារ បានរាលដាលដល់ផ្ទៃដីចំនួន ៧០០ រ៉ៃ ឬប្រមាណ ២៨០ អាក្រេ ទៅលើភ្នំជាច្រើនដូចជា៖ Khao Laem, Khao Kaew និង Khao Tabak។ ខ្យល់បក់ខ្លាំងបាននាំយកអណ្តាតភ្លើងទៅកាន់កំពូលភ្នំ Khao Laem កាលពីម្សិលមិញ ដែលមើលទៅដូចជាភ្នំភ្លើងផ្ទុះ នៅក្នុងរូបថតដែលថតពីខាងក្រោយសាលារាជបណ្ឌិត្យសភាយោធា Chulachomkhlao ក្នុងស្រុក Muang។ អភិបាលខេត្ត Nakhon Nayok លោក Bancha Chaowarin បាននិយាយថា ឧទ្ធម្ភាគចក្រ KA-32 មកពីនាយកដ្ឋានបង្ការ និងកាត់បន្ថយគ្រោះមហន្តរាយ នឹងព្យាយាមពន្លត់ភ្លើងភ្នំ Khao Laem នៅថ្ងៃនេះ ហើយត្រូវបានគេរំពឹងថា នឹងមកដល់នៅម៉ោង ១ រសៀល។ លោកអភិបាលបាននិយាយថា កាលពីយប់មិញ រថយន្តពន្លត់អគ្គីភ័យចំនួន ១០គ្រឿង ត្រូវបានដាក់ពង្រាយ […]

(មូស្គូ)៖ មន្រ្តីជាន់ខ្ពស់រុស្ស៉ីម្នាក់កាលពីថ្ងៃពុធសប្តាហ៍នេះ បាននិយាយថា ប្រទេសរុស្ស៉ីនឹងលែងផ្តល់ការជូនដំណឹងជាមុនទៀតហើយ ដល់សហរដ្ឋអាមេរិក អំពីការធ្វើតេស្តមីស៉ីលបាលិស្ទីគរបស់ខ្លួន ដូចមានចែងនៅក្រោមសន្ធិសញ្ញានុយក្លេអ៊ែរ ដែលរុស្ស៉ីបានព្យួរការចូលរួម បន្ទាប់ពីទីក្រុងវ៉ាស៉ីនតោនទើបតែបានប្រកាស ឈប់ដោះដូរទិន្នន័យកងកម្លាំងនុយក្លេអ៊ែរ ជាមួយវិមានក្រឹមឡាំង។ នេះបើតាមការចេញផ្សាយ ដោយទីភ្នាក់ងារព័ត៌មាន AFP នៅថ្ងៃព្រហស្បតិ៍ ទី៣០ ខែមីនា ឆ្នាំ២០២៣។ អនុរដ្ឋមន្រ្តីការបរទេសរុស្ស៉ី លោក សឺហ្គៃ រីយ៉ាបកូវ (Sergei Ryabkov) បានប្រាប់បណ្តាទីភ្នាក់ងារព័ត៌មានក្នុងស្រុករបស់រុស្ស៉ីថា ទីក្រុងមូស្គូបានបញ្ឈប់ការដោះដូរ ព័ត៌មានគ្រប់បែបយ៉ាងជាមួយទីក្រុងវ៉ាស៉ីនតោន នៅក្រោមសន្ធិសញ្ញា New START ជាមួយអាមេរិក ដែលខ្លួនបានផ្អាកការចូលរួមកាលពីខែកុម្ភៈ។ កាលពីថ្ងៃអង្គារសប្តាហ៍នេះ សេតវិមានបានឱ្យដឹងថា ទីក្រុងវ៉ាស៉ីនតោននឹងបញ្ឈប់ការដោះដូរ​ទិន្នន័យមួយចំនួន ស្តីពីកងកម្លាំងនុយក្លេអ៊ែររបស់ខ្លួន ជាការឆ្លើយតបទៅនឹងការសម្រេចចិត្តរបស់​រុស្ស៉ី ក្នុងការព្យួរការចូលរួមសន្ធិសញ្ញានោះ។ កន្លងមកដោយអនុលោមតាមសន្ធិសញ្ញា New START ជារៀងរាល់៦ខែម្តង ភាគីទាំងពីរតែងដោះដូរទិន្នន័យទៅវិញទៅមកជាប្រចាំ អំពីស្ថានភាពបច្ចុប្បន្ន​នៃកងកម្លាំងនុយក្លេអ៊ែររបស់ប្រទេសនីមួយៗ រួមជាមួយការជូនដំណឹងឱ្យដឹងជាមុន អំពីការធ្វើតេស្តក៏ដូចជាការដាក់​ពង្រាយនៃអាវុធនុយក្លេអ៊ែររបស់ពួកគេ។ ការជូនដំណឹងបែបនេះបានដើរតួនាទីយ៉ាងសំខាន់ នៅក្នុងការរក្សាស្ថិរភាពយុទ្ធសាស្រ្តរយៈពេល​រាប់ទសវត្សរ៍មកហើយ។ វាអនុញ្ញាតឱ្យរុស្ស៉ីនិងសហរដ្ឋអាមេរិក អាចបកប្រែបានត្រឹមត្រូវចំពោះសកម្មភាពភាគីម្ខាងៗ ហើយធានាថា មិន​មានភាគីណាមួយច្រឡំចាត់ទុកការបាញ់តេស្តមីស៉ីល ជាការវាយប្រហារឡើយ។ ការកាត់ផ្តាច់ការដោះដូរទិន្នន័យខាងលើនេះ ត្រូវគេមើលឃើញថា […]

ភ្នំ Fuji មិន​បាន​ផ្ទុះក្នុង​រយៈពេល​ជាង ៣០០ ឆ្នាំ​មក​ហើយ ប៉ុន្តែ​ប្រទេស​ជប៉ុន​កំពុងមាន​យុទ្ធសាស្ត្រ​ថ្មី ​ក្នុង​ករណី​ដែល​ការ​ផ្ទុះ​នឹងជិត​កើត​មានឡើង។ ពោលគឺប្រសិនបើមានការផ្ទុះដ៏ធំមួយកើតឡើង វានឹងបង្កមហន្តរាយសម្រាប់សហគមន៍ជិតខាង និងធ្វើឱ្យប៉ះពាល់ជីវិតប្រចាំថ្ងៃនៅក្នុងទីក្រុងតូក្យូ ឬតំបន់លើសពីនេះ។ ផែនការជម្លៀសចេញត្រូវបានបង្ហាញកាលពីថ្ងៃពុធ ហើយវាត្រូវបានរៀបចំដោយខេត្តចំនួន ៣ រួមជាមួយរដ្ឋាភិបាលកណ្តាលរបស់ជប៉ុន។ មនុស្សប្រហែល ៨០០,០០០ នាក់ ដែលរស់នៅក្នុងខេត្ត Shizuoka, Yamanashi និង Kanagawa ត្រូវរំពឹងនឹងជម្លៀសចេញ។ ផែនការនេះមានគោលបំណងរាប់បញ្ចូលមនុស្សគ្រប់គ្នា ដោយមិនចោលនរណាម្នាក់ឡើយ រួមទាំងអ្នកឡើងភ្នំ និងអ្នកទេសចរជុំវិញភ្នំដ៏ខ្ពស់បំផុតរបស់ប្រទេសជប៉ុនមួយនេះ។ ប្រជាជននឹងត្រូវបានស្នើសុំឱ្យជម្លៀសដោយស្ម័គ្រចិត្ត មុនពេលមានការផ្ទុះដែលអាចកើតមាន អាស្រ័យលើកម្រិតប្រកាសអាសន្ន និងទីតាំងរបស់ពួកគេនៅពេលនោះ។ ផេះភ្នំភ្លើងអាចសាយភាយទៅឆ្ងាយដល់កណ្តាលទីក្រុងតូក្យូ អាស្រ័យលើលក្ខខណ្ឌអាកាសធាតុ ហើយវាក៏អាចបណ្តាលឱ្យមានការបិទផ្លូវ ប៉ះពាល់ការដឹកជញ្ជូនទំនិញ និងពាណិជ្ជកម្មយ៉ាងខ្លាំង។ ផែនការនេះស្នើឱ្យមនុស្សនៅក្នុងផ្ទះ ដើម្បីជៀសវាងពីផេះ ហើយត្រូវប្រាកដថា ពួកគេមានអាហារ និងទឹកគ្រប់គ្រាន់ក្នុងដៃ ដើម្បីប្រើប្រាស់បានយ៉ាងហោចណាស់មួយសប្តាហ៍។ ឥឡូវនេះ មន្ត្រីសាលាក្រុងកំពុងរៀបចំផែនការលម្អិតបន្ថែមទៀត ដើម្បីឱ្យសមស្របនឹងសហគមន៍របស់ពួកគេកាន់តែប្រសើរឡើង៕ ផ្តល់សិទ្ធិដោយ៖ ខ្មែរណូត

យោងតាមការចុះផ្សាយដោយ Yahoo News បានឱ្យដឹងថា វិទ្យាស្ថានសាកលវិទ្យាល័យមួយក្នុងទីក្រុង Kyiv បាននិយាយថា ការខូចខាតសរុបដែលបង្កឡើងដោយរុស្ស៊ីចំពោះហេដ្ឋារចនាសម្ព័ន្ធរបស់អ៊ុយក្រែន ត្រូវបានប៉ាន់ប្រមាណថាមានចំនួន ១៤៣.៨ ពាន់លានដុល្លារ គិតត្រឹមខែកុម្ភៈ មួយឆ្នាំបន្ទាប់ពីការលុកលុយរបស់រុស្ស៊ីមកលើប្រទេសខ្លួន។ វិទ្យាស្ថានមួយនៅសាលាសេដ្ឋកិច្ច Kyiv បានចេញផ្សាយរបាយការណ៍កាលពីថ្ងៃពុធសប្តាហ៍មុន។ វិទ្យាស្ថាននិយាយថា ចំនួននៃការខូចខាតដ៏ធំបំផុតគឺពីការបំផ្លិចបំផ្លាញដល់លំនៅដ្ឋាន ដែលបានប៉ាន់ស្មានថា មានចំនួន ៥៣.៦ ពាន់លានដុល្លារ។ អគារលំនៅដ្ឋានជាង ១៥០,០០០ ត្រូវបានខូចខាត ឬបំផ្លាញ។ ចំនួន​នៃ​ការ​ខូច​ខាត​ផ្លូវ​ថ្នល់ និង​ស្ពាន​ គឺ​ធំ​ជាង​គេ​ទី​ពីរ​គឺមានតម្លៃ ៣៦.២ ​ពាន់​លាន​ដុល្លារ។ ចំណែកផ្លូវរដ្ឋ និងក្នុងស្រុកជាង ២៥,០០០ គីឡូម៉ែត្រ ព្រមទាំងស្ពាន និងផ្លូវឆ្លងកាត់ចំនួន ៣៤៤ ត្រូវបានបំផ្លាញ ឬខូចខាត៕ ផ្តល់សិទ្ធិដោយ៖ ខ្មែរណូត

(វ៉ាស៊ីនតោន)៖ សេតវិមាន នៅថ្ងៃពុធសប្ដាហ៍នេះ (ម៉ោងនៅវ៉ាស៊ីនតោន) បានជំរុញឱ្យចិនកុំបញ្ចេញប្រតិកម្មជ្រុលហួសហេតុ ឬប្រើប្រាស់ការឈប់សំចតជាធម្មតារបស់មេដឹកនាំតៃវ៉ាន់ នៅលើទឹកដីអាមេរិក ជាលេសបង្កើនការដាក់សម្ពាធលើតៃវ៉ាន់។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី៣០ ខែមីនា ឆ្នាំ២០២៣។ ថ្លែងប្រាប់អ្នកសារព័ត៌មាន អ្នកនាំពាក្យសន្តិសុខជាតិសេតវិមាន លោក John Kirby បានលើកឡើងថាដំណើរទស្សនកិច្ចឈប់សំចតរបស់មេដឹកនាំតៃវ៉ាន់ លោកស្រី សៃ អ៉ីងវិន គ្រាន់តែជា ដំណើរឆ្លងកាត់ធម្មតាមួយតែប៉ុណ្ណោះ។ អ្នកនាំពាក្យរូបនេះបានគូសបញ្ជាក់ដូច្នេះថា «សាធារណរដ្ឋប្រជាមានិតចិន មិនគួរប្រើប្រាស់ការឈប់សំចតនេះជាលេសដើម្បីបង្កើនសកម្មភាព ណាមួយនៅជុំវិញតំបន់ច្រកសមុទ្រតៃវ៉ាន់នោះទេ…យើងដឹងច្បាស់ថាទំនាក់ទំនងរវាងចិន និងសហរដ្ឋអាមេរិកកំពុងតានតឹង ប៉ុន្តែយើងនៅតែជំរុញឱ្យទីក្រុងប៉េកាំងបន្តបើកចំហបណ្ដាញ ទំនាក់ទំនង»។ គួរបញ្ជាក់ថា ក្នុងដំណើរផ្លូវឆ្ពោះទៅកាន់ប្រទេសក្វាតេម៉ាឡា និងបេលី ក្នុងតំបន់អាមេរិកកណ្ដាល ដោយចាប់ផ្ដើមកាលពីថ្ងៃពុធសប្ដាហ៍នេះ លោកស្រី សៃ អ៉ីងវិន មានគម្រោងឈប់សំចត នៅក្នុងទីក្រុងញូវយ៉ក និងទីក្រុង ឡូស អាន់ជែលឡែស ហើយគ្រោងត្រឡប់ទៅកាន់ទីក្រុងតៃប៉ិ វិញនៅថ្ងៃទី៧ ខែមេសា។ នៅឯទីក្រុង ឡូស អាន់ជែលឡែស លោកស្រី សៃ ត្រូវបានគេរំពឹង ថានឹងជួបជាមួយប្រធានសភាតំណាងរាស្ត្រអាមេរិក […]