(ក្រុងឡុងដ៏)៖ ធនាគារធំបំផុតរបស់ប្រទេសស៊្វីស UBS បានយល់ព្រមទិញធនាគារក្ស័យធន Credit Suisse ដែលជាគូប្រជែងរបស់ខ្លួននៅក្នុងកិច្ចព្រមព្រៀងសង្គ្រោះបន្ទាន់មួយក្នុងគោលបំណងលុបបំបាត់ការភ័យស្លន់ស្លោក្នុងទីផ្សារហិរញ្ញវត្ថុដោយសារការក្ស័យធនរបស់ធនាគារអាមេរិកចំនួនពីរកាលពីដើមខែនេះ។ នេះបើយោងតាមទីភ្នាក់ងារព័ត៌មានអាមេរិក CNN។ CNN បានរាយការណ៍ដោយដកស្រង់សេចក្តីថ្លែងការណ៍មួយដែលចេញផ្សាយកាលពីថ្ងៃអាទិត្យដោយធនាគារកណ្តាលស៊្វីស Swiss National Bank ថា៖ «ធនាគារ UBS ថ្ងៃនេះបានប្រកាសពីការចូលកាន់កាប់ធនាគារ Credit Suisse»។ ធនាគារកណ្តាលស៊្វីសបានបន្តថា ការសង្គ្រោះនឹង «ធានាស្ថិរភាពហិរញ្ញវត្ថុនិងការពារសេដ្ឋកិច្ចស៊្វីស»។ យោងតាម CNN ធនាគារ UBS ត្រូវចំណាយប្រាក់ ៣ពាន់លានហ្វ្រង់ស៊្វីស (៣,២៥ពាន់លានដុល្លារ) សម្រាប់ការទិញយកធនាគារ Credit Suisse ពោលគឺទាបជាងតម្លៃនៅពេលទីផ្សារបិទការជួញដូរភាគហ៊ុនកាលពីថ្ងៃសុក្រប្រហែល ៦០%។ ម្ចាស់ភាគហ៊ុនរបស់ធនាគារ Credit Suisse នឹងត្រូវខាងបង់ច្រើន ដោយទទួលបានតម្លៃត្រឹមតែ ០,៧៦ហ្វ្រង់ស៊្វីសក្នុងមួយភាគហ៊ុនធៀបនឹងតម្លៃ ១,៨៦ហ្វ្រង់ស៊្វីសក្នុងមួយភាគហ៊ុនកាលពីថ្ងៃសុក្រ។ និយ័តករស្វ៊ីសបានឱ្យដឹងថា ម្ចាស់មូលបត្របំណុលបន្ថែមកម្រិតទីមួយ (additional tier one) ដែលជាប្រភេទមូលបត្រមានហានិភ័យនៃមូលបត្របំណុលធនាគារសរុបតម្លៃ ១៧ពាន់លានដុល្លារ នឹងត្រូវខាតបង់ប្រាក់នេះទាំងអស់។ លើសពីនេះទៀត កិច្ចព្រមព្រៀងនេះនឹងមិនត្រូវការការយល់ព្រមពីម្ចាស់ភាគហ៊ុនឡើយ បន្ទាប់ពីរដ្ឋាភិបាលស៊្វីសបានយល់ព្រមផ្លាស់ប្តូរច្បាប់ដើម្បីដកចេញនូវភាពមិនច្បាស់លាស់ណាមួយអំពីកិច្ចព្រមព្រៀងនេះ។ ធនាគារ Credit […]

(តូក្យូ)៖ ក្រសួងការបរទេសជប៉ុន នៅថ្ងៃអង្គារនេះបានទទួលស្គាល់ថាលោកនាយករដ្ឋមន្ត្រី ហ្វូមីអុ គីស៉ីដា (Fumio Kishida) នឹងត្រូវជួបជាមួយលោកប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី កំឡុងការបំពេញទស្សនកិច្ចដ៏ភ្ញាក់ផ្អើលមួយទៅកាន់ទីក្រុងកៀវ នៅថ្ងៃអង្គារនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃអង្គារ ទី២១ ខែមីនា ឆ្នាំ២០២៣។ នៅក្នុងសេចក្ដីថ្លែងការណ៍របស់ខ្លួន ក្រសួងការបរទេសជប៉ុនបានគូសបញ្ជាក់ឱ្យដឹងថា «លោក គីស៉ីដា នឹងផ្ដាំផ្ញើដោយផ្ទាល់ទៅកាន់លោក ហ្សេលេនស្គី ពីការគោរពដល់ ភាពក្លាហាន និងឆន្ទៈតស៊ូយ៉ាងមុះមុតរបស់ប្រជាជនអ៊ុយក្រែន ដែលបានក្រោកឈរឡើងដើម្បីការពារប្រទេសជាតិរបស់ខ្លួន នៅក្រោមការដឹកនាំរបស់លោក ហ្សេលេនស្គី»។ បើតាមសេចក្ដីថ្លែងការណ៍ដដែល លោក គីស៉ីដា ក៏នឹងបង្ហាញផងដែរពីសាមគ្គីភាព និងការគាំទ្រឥតងាករេរបស់ជប៉ុន និងក្រុមប្រទេស G7 ចំពោះអ៊ុយក្រែន។ គួរបញ្ជាក់ថា ការទទួលស្គាល់របស់ក្រសួងការបរទេសជប៉ុន ធ្វើឡើងក្រោយទីភ្នាក់ងារសារព័ត៌មាន​ជប៉ុន Kyodo នាយករដ្ឋមន្ត្រីជប៉ុន លោក ហ្វូមីអុ គីស៉ីដា (Fumio Kishida) នឹងបំពេញទស្សនកិច្ចទៅកាន់ប្រទេសអ៊ុយក្រែន នៅថ្ងៃអង្គារ ទី២១ ខែមីនានេះ មួយថ្ងៃបន្ទាប់ពីលោកបាន ជួបពិភាក្សាការងារជាមួយនាយករដ្ឋមន្ត្រីឥណ្ឌា […]

(វ៉ាស៊ីនតោន)៖ នាយកប្រតិបត្តិក្រុមហ៊ុន Amazon លោក Andy Jassy បានប្រកាសនៅក្នុងសេចក្តីថ្លែងការណ៍មួយកាលពីព្រឹកថ្ងៃចន្ទនេះថា ក្រុមហ៊ុន Amazon នឹងកាត់បន្ថយបុគ្គលិកចំនួន ៩,០០០នាក់នៅក្នុងសប្តាហ៍ខាងមុខនេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃចន្ទ ទី២០ ខែមីនា​ ឆ្នាំ២០២៣។ ការកាត់បន្ថយបុគ្គលិកលើកនេះ គឺជាជុំទី៣ របស់ក្រុមហ៊ុនហើយចាប់តាំងពីខែវិច្ឆិកា បន្ទាប់ពីក្រុមហ៊ុន Meta ដែលជាក្រុមហ៊ុនមេរបស់ Facebook និង Instagram បានកាត់បន្ថយបុគ្គលិកយ៉ាងច្រើនកាលពីសប្តាហ៍មុន៕ ផ្តល់សិទ្ធិដោយ៖ Fresh News

(ប៊ែកឡាំង)៖ ប្រធានគណៈកម្មការអឺរ៉ុប លោកស្រី Ursula von der Leyen បាននិយាយនៅថ្ងៃចន្ទនេះថា ដៃប្រតិបត្តិរបស់សហភាពអឺរ៉ុបនឹងផ្តល់ប្រាក់ចំនួន ១ពាន់លានអឺរ៉ូ ដើម្បីជួយប្រទេសតួកគីក្នុងការកសាងឡើងវិញ បន្ទាប់ពីគ្រោះរញ្ជួយដីដ៏បំផ្លិចបំផ្លាញកាលពីខែមុន។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃចន្ទ ទី២០ ខែមីនា​ ឆ្នាំ២០២៣។ លោកស្រីបានប្រាប់សន្និសីទថា គណៈកម្មការក៏នឹងផ្តល់ជំនួយមនុស្សធម៌ចំនួន ១០៨លានអឺរ៉ូ (១១៥លានដុល្លារ)ផងដែរ សម្រាប់ជំនួយមនុស្សធម៌ និងការស្តារឡើងវិញនៅដំណាក់កាលដំបូងនៅក្នុងប្រទេសស៊ីរី ដែលសហភាពអឺរ៉ុបមិនមានទំនាក់ទំនងការទូតជាមួយប្រធានាធិបតីស៊ីរី លោក Bashar al-Assad ទេ ជុំវិញសង្រ្គាមដែលបានចាប់ផ្តើមក្នុងឆ្នាំ ២០១១។ កម្មវិធីអភិវឌ្ឍន៍របស់អង្គការសហប្រជាជាតិ (UNDP) បានប៉ាន់ប្រមាណថា «បន្ទុកហិរញ្ញវត្ថុសរុបនៃគ្រោះមហន្តរាយរញ្ជួយដី» សម្រាប់ប្រទេសតួកគីមានរហូតដល់ ១០៣.៦ ពាន់លានដុល្លារ ហើយបាននិយាយថា វាស្មើនឹង ៩% នៃផលិតផលក្នុងស្រុកសរុប ដែលបានព្យាករណ៍សម្រាប់ឆ្នាំ ២០២៣៕ ផ្តល់សិទ្ធិដោយ៖ freshnews

(មូស្គូ)៖ រដ្ឋបាលប្រធានាធិបតីរុស្ស៊ីនៅថ្ងៃចន្ទនេះ បានស្នើឱ្យមន្ត្រីឱ្យឈប់ប្រើប្រាស់ទូរសព្ទ iPhone របស់ក្រុមហ៊ុន Apple ដោយសារការព្រួយបារម្ភថាឧបករណ៍ទាំងនេះងាយរងគ្រោះដោយភ្នាក់ងារស៊ើបការណ៍លោកខាងលិច។ នេះបើយោងតាមកាសែត Kommersant ដកស្រង់ចេញផ្សាយដោយទីភ្នាក់ងារសារព័ត៌មាន AFP នៅថ្ងៃចន្ទ ទី២០ ខែមីនា​ ឆ្នាំ២០២៣។ នៅក្នុងសិក្ខាសាលាមួយដែលរៀបចំឡើង ដោយវិមានក្រឹមឡាំងសម្រាប់មន្ត្រីពាក់ព័ន្ធនឹងគោលនយោបាយក្នុងស្រុក លោក Sergei Kiriyenko អនុប្រធានទីមួយនៃរដ្ឋបាលប្រធានាធិបតី បានសុំឱ្យមន្ត្រីផ្លាស់ប្តូរទូរសព្ទរបស់ពួកគេត្រឹមថ្ងៃទី០១ ខែមេសា។ កាសែត Kommersant បាន​ដក​ស្រង់​សម្តី​អ្នក​ចូល​រួម​ក្នុង​កិច្ច​ប្រជុំ​មួយ​រូប​ដែល​បាន​និយាយ​ថា​ «អ្វី​គ្រប់​យ៉ាង​គឺ​ចប់​ហើយ សម្រាប់ iPhone។ បោះ​វា​ចោល ឬ​ប្រគល់​វា​ទៅ​ឲ្យ​ក្មេងៗ។ អ្នក​រាល់​គ្នា​នឹង​ត្រូវ​ធ្វើ​វា​នៅ​ខែ​មីនានេះ»។ ប្រភពដដែលនេះបានគូសបញ្ជាក់ថា វិមានក្រឹមឡាំងអាចនឹងផ្តល់ឧបករណ៍ផ្សេងទៀត ជាមួយនឹងប្រព័ន្ធប្រតិបត្តិការផ្សេងគ្នាដើម្បីជំនួសទូរសព្ទ iPhone ។ អ្នកនាំពាក្យវិមានក្រឹមឡាំង លោក Dmitry Peskov បាននិយាយថា លោកមិនអាចបញ្ជាក់របាយការណ៍នេះបានទេ ដោយគូសបញ្ជាក់ថាស្មាតហ្វូនមិនអាចប្រើប្រាស់សម្រាប់គោលបំណងផ្លូវការណាមួយឡើយ។ ទោះជាយ៉ាងណា ក្រុមហ៊ុន Apple មិន​បាន​ឆ្លើយ​តប​ភ្លាមៗ​ចំពោះ​សំណើ​សុំ​ការ​អត្ថាធិប្បាយ​ជុំវិញបញ្ហានេះទេ៕ ផ្តល់សិទ្ធិដោយ៖ Fresh News

(បាងកក)៖ នាយករដ្ឋមន្រ្តីថៃ លោក ប្រាយុទ្ធ ចាន់អូចា នៅថ្ងៃចន្ទនេះបានរំលាយសភា ដើម្បីឆ្ពោះទៅរៀបចំការបោះឆ្នោតសកលអាណត្តិថ្មី នៅខែឧសភាខាងមុខ ដែលជាការបោះឆ្នោតសកលលើកទី២ ក្នុងប្រទេសថៃ គិតចាប់តាំងពីរូបលោកបានឡើងកាន់អំណាចដំបូង តាមរយៈការធ្វើរដ្ឋប្រហារយោធា កាលពីឆ្នាំ២០១៤។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃចន្ទ ទី២០ ខែមីនា ឆ្នាំ២០២៣។ ការបោះឆ្នោតក្នុងពេលប៉ុន្មានខែខាងមុខនេះ នឹងមើលឃើញលោក ប្រាយុទ្ធ ត្រូវប្រកួតប្រជែងជាចម្បង ជាមួយកូនស្រីពៅរបស់អតីតនាយករដ្ឋមន្រ្តីថៃ លោក ថាក់ស៉ីន ស៉ីណាវ៉ាត់ គឺអ្នកនាង ផែថោងថាន ស៉ីណាវ៉ាត់ ដែលត្រូវគេរំពឹងជាបេក្ខភាពនាយករដ្ឋមន្រ្តី របស់គណបក្សប្រឆាំងធំបំផុតនៅក្នុងប្រទេសថៃ គឺគណបក្ស​ភឿថៃ។ ការស្ទង់មតិថ្មីចុងក្រោយបង្អស់ ដែលទើបចេញផ្សាយកាលពីថ្ងៃអាទិត្យកន្លងទៅនេះ បានបង្ហាញថា អ្នកនាង ផែថោងថាន កំពុងមានសំឡេងគាំទ្រនាំមុខលោក ប្រាយុទ្ធ ដាច់កាន់តែឆ្ងាយ។ យ៉ាងណាមិញ រដ្ឋធម្មនុញ្ញដែលត្រូវបានធ្វើវិសោធនកម្មកាលពីឆ្នាំ២០១៧ ក្រោមអតីតរបបដឹកនាំយោធា នឹងបង្កភាពលំបាក បើទោះបីជាបក្សភឿថៃ ទទួលសំឡេងគាំទ្របានច្រើន ក្នុងការបោះឆ្នោតក៏ដោយ។ គួរបញ្ជាក់ថា ក្រោយការប្រកាសរំលាយសភាខាងលើ គណៈកម្មការរៀបចំការបោះឆ្នោតថៃ នឹងប្រកាសពីកាលបរិច្ឆេទជាក់លាក់នៃការបោះឆ្នោត ខណៈកន្លង​មកនេះ ធ្លាប់មានការបង្ហើបឱ្យដឹងថា […]

(បាងកក)៖ អ្នកនាង ផែថងថាន ស៉ីនណាវ៉ាត់ (Paetongtarn Shinawatra) ដែលជាកូនស្ត្រីពៅរបស់អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ (Thaksin Shinawatra) បាននាំមុខដាច់ លើនាយករដ្ឋមន្ត្រីថៃបច្ចុប្បន្ន លោក បា្រយុទ្ធ ចាន់អូចា នៅក្នុងការស្ទង់មតិថ្មីមួយស្ដីពីជម្រើសកំពូលសម្រាប់តំណែងជានាយករដ្ឋមន្ត្រី។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃអាទិត្យ ទី១៩ ខែមីនា ឆ្នាំ២០២៣។ វិទ្យាស្ថានជាតិអភិវឌ្ឍរដ្ឋបាល NIDA ជាអ្នកដឹកនាំការស្ទង់មតិខាងលើ បានឱ្យដឹងទៀតថាអ្នកនាង ផែថងថាន នៅតែបន្តជាជម្រើសកំពូលក្នុងការកាន់តំណែងជានាយករដ្ឋមន្ត្រីថ្មីរបស់ថៃ សម្រាប់ អ្នកចូលរួមស្ទង់មតិជាង ២,០០០នាក់ ដោយអ្នកនាងទទួលបានសំឡេងគាំទ្រ ៣៨.២ភាគរយ។ អត្រាគាំទ្រនេះមានការកើនឡើង ធៀបទៅនឹងការស្ទង់មតិកាលពីខែធ្នូ ឆ្នាំ២០២២ ដែលអ្នកនាង ទទួលបានសំឡេងគាំទ្រ ៣៤ភាគរយ។ ចំណែកឯ លោក ប្រាយុទ្ធ ចាន់អូចា វិញ ទទួលបានសំឡេងគាំទ្រ ១៥.៤ភាគរយ តែនេះជាអត្រាកើនឡើងបើធៀបទៅនឹងការស្ទង់មតិកាលពីខែធ្នូ ដោយលោកទទួលបាន ១៤ភាគរយ។ គួរបញ្ជាក់ថា ការបោះឆ្នោតសកលនៅក្នុងប្រទេសថៃ ត្រូវបានគេរំពឹងថានឹងប្រព្រឹត្តទៅនៅខែឧសភាខាងមុខ ហើយកាលពីពេលថ្មីៗនេះ […]

(សេអ៊ូល)៖ ប្រព័ន្ធផ្សព្វផ្សាយរដ្ឋកូរ៉េខាងជើង KCNA នៅថ្ងៃចន្ទនេះបានរាយការណ៍ថាមេដឹកនាំកំពូល លោក គីម ជុងអ៊ុន បានអំពាវនាវឱ្យកូរ៉េខាងជើងត្រៀមលក្ខណៈជានិច្ច សម្រាប់ការវាយប្រហារ ដោយប្រើអាវុធនុយក្លេអ៊ែរ នៅគ្រប់កាលៈទេសៈទាំងអស់ ជាការកំញើញដើម្បីបង្ការកុំឱ្យសង្រ្គាមផ្ទុះឡើង ដោយសំអាងថាសហរដ្ឋអាមេរិក និងកូរ៉េខាងត្បូងកំពុងពង្រីកការធ្វើសមយុទ្ធយោធារួមគ្នា ដោយមានពាក់ព័ន្ធនឹងអាវុធនុយក្លេអ៊ែរយុទ្ធសាស្ត្រអាមេរិក។ នេះបើតាមការចេញផ្សាយដោយទីភ្នាក់ងារសារព័ត៌មាន AFP​ នៅថ្ងៃចន្ទ ទី២០ ខែមីនា ឆ្នាំ២០២៣។ ការកត់សម្គាល់របស់លោក គីម ជុងអ៊ុន កើតមានឡើងចំពេលកូរ៉េខាងជើងកំពុងបង្កើនការធ្វើសមយុទ្ធយោធាជាមួយការធ្វើតេស្ដមីស៊ីលជាបន្តបន្ទាប់ ដើម្បីពង្រឹងសមត្ថភាពបង្ការសង្រ្គាម និងសមត្ថភាពវាយប្រហារដោយប្រើប្រាស់អាវុធនុយក្លេអ៊ែរ កាលពីថ្ងៃសៅរ៍ និងថ្ងៃអាទិត្យចុងសប្ដាហ៍កន្លងទៅនេះ ជាការបញ្ជូនសារយ៉ាងរឹងមាំទៅកាន់សហរដ្ឋអាមេរិក និងកូរ៉េខាងត្បូង។ KCNA បានឱ្យដឹងថានៅក្នុងការធ្វើសមយុទ្ធយោធានោះដែរ យោធាកូរ៉េខាងជើងបានដឹកនាំការធ្វើតេស្ដមីស៊ីលបាលិស្ទីគមួយគ្រាប់ដោយមានបំពាក់ «ក្បាលគ្រាប់នុយក្លេអ៊ែរសប្បនិម្មិត» ដោយវាអាចហោះបានចម្ងាយ ៨០០គីឡូម៉ែត្រ មុននឹងធ្លាក់ចំគោលដៅដែលបានកំណត់នៅរយៈកម្ពស់៨០០ម៉ែត្រ ក្រោមសេណារីយ៉ូនៃការវាយប្រហារដោយអាវុធនុយក្លេអ៊ែរតាក់ទិក។ គួរបញ្ជាក់ថា លោក គីម ជុងអ៊ុន ដែលបានចុះត្រួតពិនិត្យ និងការបញ្ជាការធ្វើតេស្តមីស៊ីលដោយផ្ទាល់ បាននិយាយថាសមយុទ្ធយោធាខាងលើ បានធ្វើឱ្យសមត្ថភាពធ្វើសង្រ្គាមនុយក្លេអ៊ែរពិតប្រាកដ របស់កូរ៉េខាងជើងកាន់តែល្អប្រសើរឡើង ជាមួយការសង្កត់ធ្ងន់ពីភាពចាំបាច់ ក្នុងការធានាឱ្យបាននូវការត្រៀមលក្ខណៈជានិច្ច សម្រាប់ហេតុការណ៍បន្ទាន់ និងការដឹកនាំការវាយប្រហារដោយអាវុធ នុយក្លេអ៊ែរ តាមរយៈសមយុទ្ធយោធាបែបនេះ៕ ផ្តល់សិទ្ធិដោយ៖ […]

(បរទេស)៖ កម្មវិធីកម្សាន្ត TikTok កំពុងរងការរឹតបន្តឹងថែមមួយកម្រិតទៀតនៅក្នុងប្រទេសនូវែលសេឡង់ ជុំវិញការហាមឃាត់ការប្រើប្រាស់កម្មវិធី TikTok នៅលើឧបករណ៍ដែលមានសិទ្ធិចូលប្រើបណ្តាញសភាទាំងអស់ បើទោះបីជាកម្មវិធីនេះប្រកាសគ្រោងផ្តាច់ខ្លួនចេញពីក្រុមហ៊ុនមេ ByteDance ក៏ដោយ។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី១៨ ខែមីនា ឆ្នាំ២០២៣។ លោក Rafael Gonzalez-Montero នាយកប្រតិបត្តិសេវាសភា (parliamentary service )​ បាននិយាយថា TikTok នឹងត្រូវបានហាមឃាត់លើឧបករណ៍ទាំងអស់ដែលមានការចូលទៅកាន់បណ្តាញសភារបស់ប្រទេសនូវែលសេឡង់នៅចុងខែមីនាខាងមុខនេះ។ កម្មវិធីកម្សាន្ត TikTok បានស្ថិតនៅក្រោមការត្រួតពិនិត្យកាន់តែខ្លាំងឡើងដោយសារតែការភ័យខ្លាចថាទិន្នន័យអ្នកប្រើប្រាស់ពីកម្មវិធីដែលគ្រប់គ្រងដោយក្រុមហ៊ុន ByteDance ដែលមានមូលដ្ឋាននៅទីក្រុងប៉េកាំង អាចត្រូវបានបញ្ចប់នៅក្នុងដៃរបស់រដ្ឋាភិបាលចិនដែលធ្វើឱ្យប៉ះពាល់ដល់ផលប្រយោជន៍សន្តិសុខលោកខាងលិច។ ប្រភពពី Reuters ដដែលបានឱ្យដឹងថា នៅក្នុងអ៊ីម៉ែលមួយដែលទទួលបានពីលោក Gonzalez-Montero បានបញ្ជាក់ពីការសម្រេចចិត្តនេះបន្ទាប់ពីទទួលបានដំបូន្មានពីអ្នកជំនាញសន្តិសុខអ៊ីនធឺណិត និងការពិភាក្សារនៅក្នុងរដ្ឋាភិបាល និងជាមួយប្រទេសសហភាពអឺរ៉ុបដទៃទៀត។ បើទោះបីជាមានការអះអាងពី TiKTok ថានឹងផ្តាច់ខ្លួនចេញពីក្រុមហ៊ុនចិន ByteDance ក៏ដោយក៏បណ្តាសហភាពអឺរ៉ុបនៅតែកំណត់ថា កម្មវិធីនេះនៅតែមានហានិភ័យ និងមិនអាចទទួលយកបាននៅក្នុងប្រទេសនូវែលសេឡង់៕ ផ្តល់សិទ្ធិដោយ៖ freshnews

ការសិក្សាមួយបានបង្ហាញថា មានពលរដ្ឋប្រភេទ Gen Z នៅតំបន់អាស៊ីជាងពាក់កណ្តាលកំពុងរងផលប៉ះពាល់សតិអារម្មណ៍ ឬមានអារម្មណ៍មិនល្អនៅកន្លែងបំពេញការងារបស់ពួកគេ។ បើយោងតាមការចុះផ្សាយរបស់បណ្តាញសារព័ត៌មាន National Thailand បានបញ្ជាក់ថា ការសិក្សាមួយនេះត្រូវបានធ្វើឡើងដោយក្រុមហ៊ុន AXA ដែលជាប្រភេទក្រុមហ៊ុនធានារ៉ាប់រងមានមូលដ្ឋាននៅក្នុងប្រទេសបារាំង ខណៈការសិក្សាខាងលើនេះត្រូវបានធ្វើឡើងក្រោមប្រធានបទ “សុខភាពផ្លូវចិត្ត និងសុខុមាលភាព ២០២៣”។ ប្រភពខាងលើបានបន្តថា នៅក្នុងការសិក្សារបស់ក្រុមហ៊ុន AXA ខាងលើនេះគឺគេបានផ្តោតយ៉ាងសំខាន់ទៅលើសុខភាពផ្លូវចិត្តរបស់ក្រុមបុគ្គលិក ដែលកំពុងបំពេញការងារនៅតាមក្រុមហ៊ុនក្រោយកើតមានវិបត្តិនៃការរាតត្បាតជំងឺកូវីដ-១៩។ លទ្ធផលនៃការសិក្សាបានបង្ហាញថា ក្រុមបុគ្គលិកប្រភេទ Gen Z នៅក្នុងតំបន់អាស៊ីចំនួន ៥១% កំពុងមានអារម្មណ៍មិនល្អនៅក្នុងការបំពេញការងាររបស់ពួកគេ ខណៈពួកគេក៏កំពុងត្រូវការការលើកទឹកចិត្តជាចាំបាច់ផងដែរ។ របាយការណ៍នៅក្នុងការសិក្សាក៏បានបង្ហាញផងដែរថា នៅក្នុងចំណោមប្រទេសនៅតំបន់អាស៊ីនោះគឺថៃជាប្រទេសដែលមានចំនួនពលរដ្ឋ Gen Z រងផលប៉ះពាល់សតិអារម្មណ៍ច្រើនជាងគេ។ សូមបញ្ជាក់ជូនថា Gen Z គឺជាភាសាបច្ចេកទេស ដែលគេប្រើសំដៅទៅលើក្រុមពលរដ្ឋមានអាយុចន្លោះពី ១៨-២៤ឆ្នាំ៕ ផ្តល់សិទ្ធិដោយ៖ ខ្មែរណូត