(លីម៉ា)៖ លោកស្រី ឌីណា បូលូអាត (Dina Boluarte) នៅថ្ងៃពុធសប្ដាហ៍នេះបានស្បថចូលកាន់តំណែងជាប្រធានាធិបតីនៃប្រទេសប៉េរូ តែប៉ុន្មានម៉ោងប៉ុណ្ណោះ បន្ទាប់ពីលោក ប៉េត្រូ កាស្ទីយ៉ូ (Pedro Castillo) ត្រូវបានសភាដកតំណែង។ នេះបើតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃព្រហស្បតិ៍ ទី៨ ខែធ្នូ ឆ្នាំ២០២២។ លោកស្រី បូលូអាត ដែលមានតួនាទីជាអនុប្រធានាធិបតី បានក្លាយជាប្រធានាធិបតីជាស្ត្រីដំបូងបំផុតរបស់ប៉េរូ ក្រោយលោកប្រធានាធិបតី កាស្ទីយ៉ូ ត្រូវបានសមាជិកសភានាំគ្នាបោះឆ្នោតបណ្ដេញចេញពីអំណាច និងចាប់ខ្លួន បន្ទាប់ពីលោកប៉ុនប៉ងរំលាយសភាជាតិ។ ការបោះឆ្នោតទម្លាក់លោក ប៉េត្រូ កាស្ទីយ៉ូ ចេញពីអំណាចធ្វើឡើង បន្ទាប់ពីប្រធានាធិបតីវ័យ ៥៣ឆ្នាំរូបនេះបានប្រកាសនៅក្នុងសុន្ទរកថា មួយតាមកញ្ចក់ទូរទស្សន៍ថាលោក បាន និងកំពុងរំលាយសភាគ្រប់គ្រងដោយគណបក្សប្រឆាំង និងដាក់ចេញបម្រាមគោចរ។ ការប្រកាសនេះបានទទួលរងការរិះគន់យ៉ាងខ្លាំង ហើយសមាជិកសភា បានកោះប្រជុំបន្ទាន់ ដើម្បីជជែកដេញដោលលើការទម្លាក់លោក កាស្ទីយ៉ូ ពីអំណាច និងបានអនុម័តលើសេចក្ដីសម្រេចជាមួយការសំឡេងគាំទ្រ ១០១សំឡេង ក្នុងចំណោមសមាជិកសរុប ១៣០រូប។ សមាជិកសភាមកពីគណបក្សប្រឆាំងបានអះអាងថាលោក កាស្ទីយ៉ូ ត្រូវបានទម្លាក់ចេញពីអំណាចដោយសារអសមត្ថភាព ក្នុងការដឹកនាំប្រទេស និងស្របទៅតាមរដ្ឋធម្មនុញ្ញជាតិដែលអនុញ្ញាតឱ្យដំណើរការនីតិវិធីចោទប្រកាន់ទម្លាក់ប្រធានាធិបតីពីអំណាច៕ […]

(មូស្គូ)៖ ប្រធានាធិបតីរុស្ស៉ី លោក វ្ល៉ាឌីមៀ ពូទីន បាននិយាយថាការគំរាមកំហែង នៃសង្រ្គាមនុយក្លេអ៊ែរកំពុងកើនឡើងជាលំដាប់ ប៉ុន្តែលោកទទូចថាទីក្រុងមូស្គូនឹងមិន ប្រើប្រាស់អាវុធនុយក្លេអ៊ែរមុននោះទេ ខណៈមានការព្រួយបារម្ភកាន់តែច្រើនឡើងពីហានិភ័យផ្ទុះសង្រ្គាមទ្រង់ទ្រាយធំ ក្រោយទីក្រុងមូស្គូចោទប្រកាន់ថាអ៊ុយក្រែន បានវាយប្រហារលើមូលដ្ឋានទ័ពស្ថិតនៅយ៉ាងជ្រៅក្នុងទឹកដីរុស្ស៉ី។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃព្រហស្បតិ៍ ទី៨ ខែធ្នូ ឆ្នាំ២០២២។ លោក ពូទីន ធ្វើការកត់សម្គាល់ខាងលើ នៅក្នុងកិច្ចប្រជុំមួយកាលពីថ្ងៃពុធសប្ដាហ៍នេះក្រុមប្រឹក្សាសិទ្ធិមនុស្សរុស្ស៉ី ជាមួយការសង្កត់ធ្ងន់ដែរថារុស្ស៉ីនឹងការពារខ្លួនឯង ដោយប្រើប្រាស់គ្រប់មធ្យោបាយដែលខ្លួនមាន។ លោក ពូទីន បានបញ្ជាក់ដូច្នេះថា «យើងនឹងមិនខឹងរហូតដល់គ្រប់គ្រងខ្លួនឯងមិនបាននោះទេ។ យើងដឹងច្បាស់ថាអ្វីទៅ ជាអាវុធនុយក្លេអ៊ែរ។ យើងមានអាវុធទំនើបៗជាច្រើនដែលប្រទេសដទៃគ្មាន…ប៉ុន្តែយើងនឹងមិនប្រើអាវុធនុយក្លេអ៊ែរមុននោះទេ លុះត្រាតែយើងត្រូវបានវាយប្រហារមុន»។ គួរបញ្ជាក់ថា បើតាមលោក ពូទីន រុស្ស៉ីក៏អាចនឹងត្រូវប្រយុទ្ធនៅក្នុងសង្រ្គាមនៅអ៊ុយក្រែន សម្រាប់រយៈពេលវែងផងដែរ ខណៈពន្លឺនៃកិច្ចចរចាស្វែងរកសន្តិភាព បញ្ចប់សង្រ្គាម កំពុងស្ថិតនៅក្នុងភាពស្រពិចស្រពិល៕ ផ្តល់សិទ្ធិដោយ៖ freshnews

សភាឥណ្ឌូណេស៊ីបានអនុម័តច្បាប់ក្រមព្រហ្មទណ្ឌថ្មីមួយ ដែលហាមប្រាមពលរដ្ឋពីការរួមភេទមុនពេលរៀបអាពាហ៍ពិពាហ៍ និងរឹតត្បិតសេរីភាពនយោបាយ នេះបើតាមការចុះផ្សាយរបស់សារព័ត៌មាន BBC ។ ការ​រួម​ភេទ​ក្រៅ​អាពាហ៍ពិពាហ៍​នឹង​ត្រូវ​ជាប់​ពន្ធនាគារ​រហូត​ដល់​ ១ឆ្នាំ​ ក្រោម​ច្បាប់​ថ្មី​ ដែល​នឹងចូល​ជា​ធរមាន​ក្នុង​រយៈពេល​ ៣ ឆ្នាំទៀត។ ការផ្លាស់ប្តូរនេះបានកើតឡើង បន្ទាប់ពីការអភិរក្សសាសនាមានការកើនឡើង ខណៈប្រទេសនេះភាគច្រើនគឺជាអ្នកកាន់សាសនាអ៊ីស្លាម។ អ្នករិះគន់ចាត់ទុកច្បាប់នេះថាជា «គ្រោះមហន្តរាយ» លើសិទ្ធិមនុស្ស និងជាផលប៉ះពាល់ដល់វិស័យទេសចរណ៍ និងការវិនិយោគ។ ក្រុមយុវជនជាច្រើនក្រុមភាគច្រើនបានតវ៉ាប្រឆាំងនឹងច្បាប់នេះ នៅខាងក្រៅសភាក្នុងទីក្រុងហ្សាកាតាក្នុងសប្តាហ៍នេះ។ គេ​រំពឹង​ថា ​ច្បាប់​ថ្មី​នេះ​នឹងមានការតវ៉ាឡើងដល់តុលាការ។ ច្បាប់នេះនឹងអនុវត្តស្មើៗគ្នាចំពោះអ្នកស្រុក និងជនបរទេស ដែលរស់នៅក្នុងប្រទេសឥណ្ឌូនេស៊ី ឬអ្នកទៅលេងកន្លែងកម្សាន្ត ដូចជាកោះបាលីជាដើម។ ពោលគឺគូស្នេហ៍ដែលរួមភេទ ខណៈមិនទាន់បានរៀបការ អាចត្រូវជាប់គុករហូតដល់ ១ ឆ្នាំ។ ច្បាប់នេះក៏ហាមឃាត់មិនឱ្យគូស្នេហ៍រស់នៅជាមួយគ្នាមុនរៀបការផងដែរ ហើយទោសអាចមានរហូតដល់ ៦ខែ។ អំពើ​ផិត​ក្បត់​ក៏​នឹង​ក្លាយ​ជា​បទ​ល្មើស​ដែល​អាចជាប់ពន្ធនាគារផងដែរ។ ការពិតទៅការរួមភេទមុនពេលរៀបការត្រូវបានហាមឃាត់ជាយូរមកហើយ មុនពេលការអនុម័តនៃក្រមព្រហ្មទណ្ឌថ្មីនេះ ប៉ុន្តែជារឿយៗច្បាប់នេះមិនត្រូវបានអនុវត្តជាក់ស្ដែងទេ។ ច្បាប់ចាស់បានកំណត់ការរួមភេទរវាងបុរសដែលរៀបការហើយ និងអ្នកដែលមិនមែនជាប្រពន្ធរបស់គាត់ ជាការផិតក្បត់ ខណៈដែលច្បាប់ថ្មីបានហាមប្រាមការរួមភេទទាំងអស់ ឱ្យតែក្រៅអាពាហ៍ពិពាហ៍ រួមទាំងរវាងគូស្នេហ៍មិនទាន់រៀបការ។ ច្បាប់ថ្មីបាន​បង្កើន​ទោសពី ៩​ខែ ​ទៅ​ដល់ ១​ឆ្នាំ ពីច្បាប់ចាស់៕ ផ្តល់សិទ្ធិដោយ៖ ខ្មែរណូត

(ប៉េកាំង)៖ នៅថ្ងៃពុធនេះ រដ្ឋាភិបាលចិនបានសម្រេចបន្ធូរបន្ថយច្បាប់ប្រឆាំងកូវីដ-១៩ ដែលជាការផ្លាស់ប្តូរមួយដ៏ធំ គិតចាប់តាំងជំងឺនេះបានរាតត្បាត រយៈពេល៣ឆ្នាំមកនេះ។ នេះបើយោងតាមការចុះផ្សាយដោយទីភ្នាក់ងារសារព័ត៌មាន AFP នៅថ្ងៃពុធ ទី៧ ខែធ្នូ ឆ្នាំ២០២២។ ការបន្ធូរបន្ថយនេះរួមមានទាំងការអនុញ្ញាតឲ្យអ្នកជំងឺកូវីដ-១៩ ដែលមានរោគសញ្ញាស្រាល ឬគ្មានរោគសញ្ញាអាចស្នាក់នៅក្នុងផ្ទះ ហើយលុបចោលនូវការធ្វើតេស្តសម្រាប់អ្នកដំណើរក្នុងប្រទេស ចំពេលដែលទីក្រុងប៉េកាំងកំពុងរៀបចំឲ្យមនុស្ស ១.៤ពាន់លាននាក់ រៀនរស់នៅជាមួយកូវីដ-១៩។ ទោះបីជាព្រំដែនច្រើននៅតែបិទក៏ដោយ តែប្រជាពលរដ្ឋបានអបអរសាទរ ចំពោះលទ្ធភាពនៃការផ្លាស់ប្តូរ ដែលអាចមើលឃើញថា ចិននឹងងើបឡើងវិញបន្តិចម្តងៗ ចូលទៅក្នុងពិភពលោកឡើងវិញ គិតចាប់តាំងពីមេរោគនេះ ត្រូវបានរកឃើញដំបូងនៅទីក្រុងវូហាន (Wuhan)។ កាសែត Beijing Daily របស់រដ្ឋចិន បានរាយការណ៍ដោយដកស្រង់សម្តីរបស់ លោក គូ សៅហុង (Gu Xiaohong) មន្ត្រីជាន់ខ្ពស់ផ្នែកឱសថបុរាណចិនដែលបាននិយាយថា ប្រទេសចិនគួរតែផ្លាស់ប្តូរឈ្មោះផ្លូវការនៃជំងឺកូវីដ-១៩ ដើម្បីឆ្លុះបញ្ចាំងថាអ្នកជំងឺដែលមានរោគសញ្ញាស្រាល អាចជាសះស្បើយនៅផ្ទះបាន។ ប៉ុន្តែការបន្ធូរបន្ថយច្បាប់នេះ អាចនាំដល់ការប្រញាប់ប្រញាល់ ចាក់វ៉ាក់សាំងកូវីដ-១៩ ដល់ពលរដ្ឋជាពិសេសមនុស្សចាស់ ឬអ្នកដែលមានសុខភាពខ្សោយ។ គួរបញ្ជាក់ថា ការប្រកាសនេះបានធ្វើឡើងបន្ទាប់ពីប្រធានាធិបតីចិន លោក ស៉ី ជិនពីង បានធ្វើជាប្រធានកិច្ចប្រជុំនៃការិយាល័យនយោបាយរបស់បក្សកុម្មុយនិស្ត កាលពីថ្ងៃអង្គារសប្តាហ៍នេះ៕ ផ្តល់សិទ្ធិដោយ៖ […]

វៀតណាម៖ ស្ត្រីវ័យ ៥៦ឆ្នាំម្នាក់ រស់នៅទីក្រុងហាណូយ ត្រូវបានបញ្ជូនទៅកាន់មន្ទីរពេទ្យភ្លាមៗ បន្ទាប់ពីគាត់មានអាការក្អួត និងវិលមុខ ក្រោយទទួលទានពោតលីងត្រឹម ២ដុំតូច ខណៈការធ្វើតេស្តបង្ហាញថា គាត់ក៏មានសារធាតុកញ្ឆា THC នៅក្នុងខ្លួនផងដែរ។ វេជ្ជបណ្ឌិត ង្វៀន ទ្រុងង្វៀន (Nguyen Trung Nguyen) ប្រធាននាយកដ្ឋានគ្រប់គ្រងជាតិពុលបាននិយាយកាលពីថ្ងៃច័ន្ទថា ស្ត្រីម្នាក់នោះត្រូវបានបញ្ជូនទៅកាន់មន្ទីរពេទ្យ Bach Mai ដោយមានអាការរវើរវាយ។ គ្រួសាររបស់គាត់បាននិយាយថា ប្រហែលមួយម៉ោងបន្ទាប់ពីស្ត្រីនោះបានទទួលទានពោតលីងដែលកូនរបស់គាត់ទិញពីអនឡាញ គាត់ក៏ចាប់ផ្តើមបង្ហាញរោគសញ្ញាវិលមុខ និងក្អួត។ គ្រូពេទ្យ​បាន​ធ្វើ​រោគ​វិនិច្ឆ័យ​ឱ្យគាត់ថា​ គាត់ពុល​អាហារ ហើយ​បន្ទាប់​ពី​ព្យាបាល​រួច ឥឡូវ​នេះគាត់​កំពុង​ស្ថិត​ក្នុង​ការ​មើល​ថែ​យ៉ាង​យក​ចិត្ត​ទុក​ដាក់។ លោក ង្វៀន បាននិយាយថា វាជាលើកទីមួយហើយ ដែលមន្ទីរពេទ្យបានទទួលករណីពុល ទាក់ទងនឹងកញ្ឆា បន្ទាប់ពីទទួលទានពោតលីង។ លោក​បាន​បន្ថែម​ថា ករណី​មុនៗ​នៃ​ការ​ពុល​កញ្ឆា មាន​ជាប់​ពាក់ព័ន្ធ​នឹង​អាហារ និង​អាហារ​សម្រន់​ផ្សេង​ទៀត ​ដូច​ជា នំ​ខេក នំ និង​ស្ករ​គ្រាប់ជាដើម។ លោក ង្វៀន បាននិយាយថា កង្វះខាតក្នុងការគ្រប់គ្រងទំនិញតាមអនឡាញ អនុញ្ញាតឱ្យផលិតផលអាហារដែលផ្ទុកសារធាតុញៀន រីករាលដាលយ៉ាងឆាប់រហ័សនៅលើទីផ្សារ។ លោក​បាន​បន្ត​ថា​៖«​ប្រជាជន​គួរ​តែ​ទិញ​ផលិតផល​ដែល​មាន​ប្រភព​ច្បាស់លាស់ និង​ស្លាក​សញ្ញា​ដែល​គួរ​ឱ្យ​ទុក​ចិត្ត​ប៉ុណ្ណោះ​»​។ កាលពីខែមិថុនា ប៉ូលីសទីក្រុងហាណូយក៏បានរឹបអូសបាននូវប្រភេទគ្រឿងញៀនមួយចំនួន […]

សមាជិកសភាសហរដ្ឋអាមេរិក បានយល់ព្រមផ្តល់ជំនួយផ្នែកសន្តិសុខបន្ថែមដល់អ៊ុយក្រែនយ៉ាងហោចណាស់ ៨០០ លានដុល្លារនៅឆ្នាំក្រោយ និងគាំទ្រកោះតៃវ៉ាន់ជាមួយនឹងជំនួយរាប់ពាន់លានក្នុងរយៈពេលប៉ុន្មានឆ្នាំខាងមុខ នេះបើយោងតាមច្បាប់គោលនយោបាយការពារជាតិ $៨៥៨ ពាន់លានដុល្លារ ដែលបានបង្ហាញកាលពីថ្ងៃអង្គារ។ ជម្រាបដែរថា ច្បាប់សារពើពន្ធឆ្នាំ២០២៣ សម្រាប់ការការពារជាតិ ឬ NDAA បានផ្តល់សិទ្ធិដល់ការចំណាយបន្ថែមសម្រាប់ជំនួយសន្តិសុខនៅអ៊ុយក្រែន ដែលនេះជាការកើនឡើង ៥០០ លានដុល្លារ លើសំណើរបស់ប្រធានាធិបតី ចូ បៃដិន កាលពីដើមឆ្នាំ។ វិក័យប័ត្រនេះក៏ពង្រឹងដល់ Pacific Deterrence Initiative ជាមួយនឹងការវិនិយោគថ្មីចំនួន ១១.៥ ពាន់លានដុល្លារ ហើយវាក៏ផ្តល់សិទ្ធិដល់ច្បាប់ស្តីពីការពង្រឹងភាពធន់របស់តៃវ៉ាន់ឆ្នាំ២០២២ ដែលជាច្បាប់ដើម្បីបង្កើនកិច្ចសហប្រតិបត្តិការផ្នែកសន្តិសុខជាមួយតៃវ៉ាន់ ជាមួយនឹងការចំណាយរហូតដល់ ១០ ពាន់លានដុល្លារក្នុងរយៈពេល ៥ឆ្នាំ។ កំណែសម្របសម្រួលនៃ NDAA ដែលជាគោលនយោបាយកំណត់វិក្កយបត្រដែលត្រូវតែឆ្លងកាត់មន្ទីរបញ្ចកោណ គឺជាលទ្ធផលនៃការចរចាជាច្រើនខែរវាងគណបក្សសាធារណរដ្ឋ និងគណបក្សប្រជាធិបតេយ្យនៅក្នុងព្រឹទ្ធសភា និងសភាតំណាងរាស្រ្ត។ វិក័យប័ត្រទាំងមូលអនុញ្ញាតឱ្យចំណាយលើវិស័យការពារជាតិចំនួន ៤៥ ពាន់លានដុល្លារ ច្រើនជាងលោក បៃដិន បានស្នើសុំ ខណៈដែលអ្នកចរចាសភាបានព្យាយាមដោះស្រាយផលប៉ះពាល់នៃអតិផរណាពិភពលោក និងផ្តល់ជំនួយសន្តិសុខបន្ថែមសម្រាប់អ៊ុយក្រែនជាដើម៕ ផ្តល់សិទ្ធិដោយ៖ ខ្មែរណូត

នៅក្នុងរយៈពេលប៉ុន្មានឆ្នាំចុងក្រោយនេះពិភពលោកទាំងមូលហាក់មានរឿងរ៉ាវចម្លែកៗជាច្រើនបានកើតឡើង ដែលបានជះឥទ្ធិពលអាក្រក់យ៉ាងខ្លាំងចំពោះជីវិតរស់នៅប្រចាំថ្ងៃរបស់ពលរដ្ឋទូទៅ និងការធ្វើពាណិជ្ជកម្មខ្នាតធំនៅក្នុងវិស័យជាច្រើននៅជុំវិញពិភពលោក។ ជាក់ស្តែងបើយោងតាមការចុះផ្សាយរបស់បណ្តាញសារព័ត៌មាន South China Morning Post នៅព្រឹកថ្ងៃពុធ​ ទី៧ ខែធ្នូនេះបានឲ្យដឹងថា គិតត្រឹមតែនៅក្នុងឆ្នាំ ២០២២ នេះ មហាសេដ្ឋីចំនួន ៥០០នាក់នៅលើពិភពលោកបានខាតបង់ប្រាក់ចំណូលអស់ជាច្រើន ហើយគិតជាសរុបរួមទឹកប្រាក់ដែលបានបាត់បង់នោះមានចំនួនប្រមាណជា ១,៤ ទ្រីលានដុល្លារឯណោះ។ នៅក្នុងចំណោមមហាសេដ្ឋីទាំងអស់នោះគេកត់សម្គាល់ថា មហាសេដ្ឋីដែលបានខាតបង់ប្រាក់ច្រើនជាងគេមានចំនួន ១០រូប ដូចខាងក្រោមនេះ៖ ១០៖ លោក Bill Gates អគ្គនាយកក្រុមហ៊ុន Microsoft បានខាតបង់ចំនួន ២៧,៣ ពាន់លានដុល្លារ។ ៩៖ លោកស្រី Françoise Bettencourt Meyers ចៅស្រីស្ថាបនិកក្រុមហ៊ុនផលិតគ្រឿងសម្អាង L’Oréal បានខាតអស់ប្រាក់ចំនួន ៣០,៧ ពាន់លានដុល្លារ។ ៨៖ លោកស្រី MacKenzie Scott ម្ចាស់ភាគហ៊ុនក្រុមហ៊ុន Amazon បានខាតអស់ប្រាក់ចំនួន ៣១,៧ ពាន់លានដុល្លារ។ ៧៖ លោក Sergey Brin សហស្ថានិកក្រុមហ៊ុន Google បានបាត់បង់ប្រាក់ចំណូលចំនួន ៣៨,១ ពាន់លានដុល្លារ។ ៦៖ […]

យោងតាមប្រភព All Football បានឱ្យដឹងថា កីឡាកររបស់ជម្រើសជាតិអ៉េស្បាញ និងក្លឹបបាសេឡូណា Gavi អាចនឹងចូលនិវត្តន៍ពីអាជីពបាល់ទាត់ទាំងវ័យក្មេង ប្រសិនបើគាត់នឹងត្រូវរៀបការជាមួយព្រះនាងម្ចាស់ Leonor របស់អេស្ប៉ាញ។ រឿងរ៉ាវបានចាប់ផ្ដើមប៉ុន្មានសប្ដាហ៍មកហើយ នៅពេលដែលបណ្ដាញ Socialit បានបង្ហាញថា ព្រះនាង Leonor គឺទំនងជាសព្វព្រះហរទ័យជាមួយកីឡាករ Gavi ហើយពាក្យចចាមអារ៉ាមអំពីអនាគតដ៏របស់ពួកគេមិនបានស្ងប់ស្ងាត់ឡើយ។ លើសពីនេះ ស្តេច Felipe VI ត្រូវបានគេរាយការណ៍ថា បានទៅសួរសុខទុក្ខ Gavi និងប្រគល់អាវដែលមានហត្ថលេខារបស់ Gavi ទៅឱ្យបុត្រីរបស់ទ្រង់ទៀតផង។ យ៉ាងណាក៏ដោយគេនៅមិនទាន់ដឹងថា អនាគតរាស្រ្តសាមញ្ញា និងព្រះនាងម្ចាស់អាចទៅរួចបាន ឬយ៉ាងណា ប៉ុន្តែវាក៏មិនមែនជាលើកទី១ នោះដែរ ដែលគ្រួសាររាជវង្សអេស្ប៉ាញ មានទំនាក់ទំនងស្នេហាជាមួយរាស្ត្រសាមញ្ញ។ គួរឱ្យដឹងដែរថា ព្រះនាង Leonor នៃ Asturias មានព្រះនាមពេញថា Leonor de Todos los Santos de Borbón y Ortiz ហើយទ្រង់មានព្រះជន្ម ១៨ វស្សា ជាបុត្រីច្បងរបស់ស្ដេច Felipe […]

ថៃ៖ ក្រុមហ៊ុនបច្ចេកវិទ្យាខ្នាតយក្សរបស់អាមេរិកគឺក្រុមហ៊ុន Apple ត្រូវបានបណ្តាញសារព័ត៌មាន The Thaiger រាយការណ៍ថា គ្រោងនឹងធ្វើការផ្លាស់ប្តូរទីតាំងផលិតកម្មរបស់ខ្លួន ដោយដកចេញពីប្រទេសចិននិងយកទៅដាក់នៅក្នុងប្រទេសថៃវិញម្តង។ គម្រោងផ្លាស់ប្តូរដ៏ធំមួយនេះបានកើតមានឡើងក្រោយចង្វាក់ផលិតកម្មរបស់ក្រុមហ៊ុន Apple នៅក្នុងប្រទេសចិនហាក់កំពុងមានបញ្ហារាំងស្ទះយ៉ាងខ្លាំង ដែលធ្វើឲ្យក្រុមហ៊ុនមិនអាចទទួលបានផលិតផលស្របតាមការកំណត់ដើម្បីផ្គត់ផ្គង់នៅលើទីផ្សារនោះទេ។ គួរបញ្ជាក់ជូនថា ក្រុមហ៊ុន Apple មានទីតាំងដំឡើងទូរស័ព្ទ iPhone នៅតាមបណ្តាប្រទេសជាច្រើននៅក្នុងតំបន់អាស៊ីមានដូចជា ប្រទេសឥណ្ឌា ប្រទេសចិន និងប្រទេសវៀតណាម។ យ៉ាងណាក្តី ចំពោះទីតាំងដំឡើងទូរស័ព្ទ iPhone នៅក្នុងប្រទសចិននាពេលបច្ចុប្បន្ននេះត្រូវបានគេមើលឃើញថា កំពុងស្ថិតនៅក្នុងភាពច្របូកច្របល់យ៉ាងខ្លាំង ក៏ព្រោះថាអាជ្ញាធរចិននៅតែបន្តអនុវត្តវិធានការទប់ស្កាត់ការរាតត្បាតជំងឺកូវីដ-១៩យ៉ាងតឹងរឹងបំផុត ពោលគឺសម្រេចបិទខ្ទប់ទីក្រុងនិងតំបន់ជាច្រើនជាបន្តបន្ទាប់ ហើយក្នុងនោះក៏មានទីតាំងដែលជាប្រភពដ៏ធំបំផុតសម្រាប់ដំឡើងទូរស័ព្ទ iPhone ផងដែរ។ សូមបញ្ជាក់ផងដែរថា វិធានការដ៏តឹងរឹងរបស់អាជ្ញាធរបានជំរុញឲ្យបុគ្គលិករបស់ក្រុមហ៊ុន Foxconn Technology Group ដែលជាក្រុមហ៊ុនផលិតសម្ភារផ្សេងៗសម្រាប់ដំឡើងជាទូរស័ព្ទ iPhone ប្រមាណជា ៣០០ ០០០នាក់នាំគ្នាចុះថ្នល់ធ្វើបាតុកម្មប្រឆាំងជាមួយអាជ្ញាធរជាច្រើនថ្ងៃ ខណៈរឿងរ៉ាវចម្រូងចម្រាសនេះបានធ្វើឲ្យចង្វាក់ផលិតកម្មចំពោះទូរស័ព្ទ iPhone នៅក្នុងប្រទេសចិនត្រូវប៉ះពាល់រហូតដល់ ៨៥%ឯណោះ៕ ផ្តល់សិទ្ធិដោយ៖ ខ្មែរណូត

(បាងកក)៖ នាយករដ្ឋមន្ត្រីថៃ លោក ប្រាយុទ្ធ ចាន់អូចា បាននិយាយនៅថ្ងៃអង្គារនេះថា លោកចង់កាន់អំណាចរហូតដល់ឆ្នាំ២០២៥ ដែលបង្ហាញជាលើកដំបូងថា លោកគ្រោងនឹងឈរឈ្មោះក្នុងការបោះឆ្នោតសកល នាដើមឆ្នាំ២០២៣ខាងមុខនេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃអង្គារ ទី០៦ ខែធ្នូ ឆ្នាំ២០២២។ ប្រទេស​ថៃ​គ្រោង​នឹង​រៀបចំការ​បោះឆ្នោតសកល​នៅ​ដើម​ឆ្នាំ​ក្រោយ ហើយ​នៅ​ថ្ងៃ​អង្គារនេះគណបក្ស​ភឿថៃ​ ដែល​ជា​គណបក្ស​ប្រឆាំង​ដ៏ធំ​បំផុតរបស់ប្រទេសនេះ បាន​ចាប់​ផ្តើម​បង្ហាញប្រធានបទយុទ្ធនាការ​មួយ​ចំនួន​របស់​ខ្លួន។ លោក ប្រាយុទ្ធ បានឡើងកាន់អំណាចក្នុងរដ្ឋប្រហារឆ្នាំ២០១៤ ហើយបានបន្តតំណែងនេះនៅក្នុងការបោះឆ្នោតឆ្នាំ២០១៩ ដ៏ចម្រូងចម្រាស ខណៈប្រជាប្រិយភាពរបស់គាត់ ស្ថិតនៅក្នុងភាពស្រពិចស្រពិល។ គណបក្សភឿថៃជាប់ចំណាត់ថ្នាក់លេខ១ក្នុងការស្ទង់មតិ ប៉ុន្តែ​រដ្ឋធម្មនុញ្ញ​ថៃ​បច្ចុប្បន្ន​ដែល​ព្រាង​ក្រោម​ការគ្រប់គ្រង​របស់​យោធា​ បាន​ដាក់​ប្រព័ន្ធ​នេះ​ឱ្យ​គាំទ្រ​គណបក្ស​ដែល​មាន​ទំនាក់ទំនង​នឹង​យោធា។ កាលពីខែកញ្ញាអាណត្តិប្រាំបីឆ្នាំរបស់ លោក ប្រាយុទ្ធ ត្រូវបានតុលាការធម្មនុញ្ញសម្រេចថា នឹងផុតកំណត់នៅឆ្នាំ២០២៥។ នាយករដ្ឋមន្ត្រីថៃរូបនេះ ត្រូវបានគេរំពឹងខ្ពស់ថា នឹងចាកចេញពីគណបក្ស Palang Parsharath ដែលដឹកនាំក្រុមចម្រុះកំពុងកាន់អំណាចបច្ចុប្បន្ន ហើយចូលរួមជាមួយគណបក្សថ្មីមួយ ដែលត្រូវបានគេជឿថាត្រូវបានបង្កើតឡើងជាពិសេសសម្រាប់គាត់មុនការបោះឆ្នោត៕ ផ្តល់សិទ្ធិដោយ៖ freshnews