ចិន៖ ទីក្រុងសៀងហៃ ប្រទេសចិន ហាក់កំពុងទទួលរងនូវការគំរាមគំហែងពីព្យុះទីហ្វុង Muifa ក្នុងកម្រិតដ៏ខ្ពស់មួយ ដ្បិតឥទ្ធិពលនៃខ្យល់ព្យុះមួយនេះបានបង្កឲ្យមានគ្រោះធម្មជាតិមួយចំនួនទៀត និងបានធ្វើឲ្យប៉ះពាល់ដល់សកម្មភាពអាជីវកម្មនិងការរស់នៅរបស់ពលរដ្ឋជាច្រើននាក់។ គិតត្រឹមពេលនេះខ្យល់ព្យុះដែលបានបោកបក់ក្នុងល្បឿនរហូតដល់ ១៦០គីឡូម៉ែត្រក្នុងមួយម៉ោងបានជំរុញឲ្យមានភ្លៀងធ្លាក់យ៉ាងខ្លាំង ហើយបរិមាណដ៏ច្រើននៃទឹកភ្លៀងក៏បានបង្កើតឲ្យមានជំនន់ទឹកភ្លៀងជន់លេចនៅក្នុងតំបន់មួយចំនួនផងដែរ ខណៈនៅតាមតំបន់ឆ្នេរសមុទ្រវិញបានកើតមានបញ្ហាបាក់ដីចំនួន ២ដងហើយក្នុងរយៈពេលប៉ុន្មានថ្ងៃចុងក្រោយនេះ។ ឥទ្ធិពលនៃខ្យល់ព្យុះក៏បានបង្ខំឲ្យអាជ្ញាធរអាកាសចរណ៍ចិនត្រូវសម្រេចលុបចោលជាបន្ទាន់ចំពោះជើងហោះហើរជាច្រើនដែលត្រូវធ្វើដំណើរមកកាន់ប្រលានយន្តហោះអន្តរជាតិចំនួន ២ក្នុងទីក្រុងសៀងហៃ ដើម្បីធានាឲ្យបាននូវសុវត្ថិភាពកម្រិតខ្ពស់សម្រាប់អ្នកដំណើរជាតិនិងអន្តរជាតិ។ អ្វីដែលគួរឲ្យកត់សម្គាល់ទៀតនោះគឺយោងតាមការចុះផ្សាយរបស់បណ្តាញសារព័ត៌មាន CNN នៅព្រឹកថ្ងៃព្រហស្បតិ៍ ទី១៥ ខែកញ្ញានេះបានឲ្យដឹង​ថា មានពលរដ្ឋចិនប្រមាណជា ១០លាននាក់កំពុងប្រឈមនឹងហានិភ័យនៃទឹកជំនន់ ខណៈភ្លៀងនឹងបន្តធ្លាក់ខ្លាំងក្នុងរយៈយូរបន្ថែមទៀតផងដែរ។ សូមបញ្ជាក់ជូនថា នៅចំពោះមុខហានិភ័យនៃខ្យល់ព្យុះទីហ្វុង Muifa នេះអាជ្ញាធរគ្រប់គ្រងគ្រោះមហន្តរាយចិនបានសម្រេចទាញសញ្ញាព្រមានកម្រិតខ្ពស់រួចហើយទៅកាន់ប្រជាពលរដ្ឋ ខណៈក្រុមអ្នកជំនាញបានបញ្ជាក់ថា ព្យុះទីហ្វុង Muifa គឺជាព្យុះដែលមានគ្រោះថ្នាក់ខ្ពស់ជាងគេក្នុងចំណោមព្យុះជាច្រើនត្រូវបោកបក់កាត់ប្រទេសចិននៅក្នុងឆ្នាំ ​២០២២នេះ៕ ផ្តល់សិទ្ធិដោយ៖ ខ្មែរណូត

ប្រធានាធិបតី Joe Biden ប្រកាសផ្ដល់ថវិកា​ ៩០០លានដុល្លារក្នុងការផ្ដល់មូលនិធិសម្រាប់សាងសង់ស្ថានីយ៍សាករថយន្តអគ្គិសនីនៅក្នុងរដ្ឋចំនួន ៣៥។ ការផ្ដល់ថវិកាសាងសង់ស្ថានីយ៍សាករថយន្តអគ្គិសនីនេះ គឺជាផ្នែកមួយនៃគំរោងហេដ្ឋារចនាសម្ព័ន្ធចំនួន ១ពាន់ពាន់លានដុល្លាររបស់លោក។ លោក Biden បាន​កំណត់​គោល​ដៅ​ដើម្បី​ផលិត​បាន​រហូត​ដល់ ៥០% នៃ​រថយន្ត​ទាំង​អស់​ដែល​បាន​លក់នៅសហរដ្ឋ​អាមេរិកជារថយន្ត​អគ្គិសនី​​​ត្រឹម​ឆ្នាំ 2030 ខណៈថវិកាប្រហែល ៥ពាន់លានដុល្លារ ត្រូវបានសភាកំណត់ទុកឱ្យរដ្ឋនានាក្នុងរយៈពេល ៥ឆ្នាំខាងមុខសម្រាប់បណ្តាញសាករថយន្តអគ្គិសនី នៅទូទាំងប្រទេស។ គួរបញ្ជាក់ថា ទីផ្សាររថយន្តអគ្គិសនីនៅសហរដ្ឋអាមេរិកត្រូវបានព្យាករណ៍ថានឹងកើនឡើងពី ២៨.២៤ ពាន់លានដុល្លារក្នុងឆ្នាំ២០២១ ដល់ ១៣៧.៤៣ ពាន់លានដុល្លារក្នុងឆ្នាំ២០២៨ ហើយរដ្ឋាភិបាលសហព័ន្ធកំពុងជួយជំរុញតម្រូវការនោះនៅក្រោមលោក Biden ៕ ផ្តល់សិទ្ធិដោយ៖ ខ្មែរណូត

យោងតាមការចុះផ្សាយរបស់សារព័ត៌មាន Channel News Asia បានឱ្យដឹងថា ក្រុមហ៊ុន Honda Motor Co គ្រោងនឹងដាក់លក់ម៉ូតូអគ្គិសនីជាង ១០ម៉ូដែលនៅទូទាំងពិភពលោកក្នុងរយៈពេល ៣ឆ្នាំខាងមុខ ដែលជាផ្នែកមួយនៃគោលបំណងរបស់ក្រុមហ៊ុនផលិតជប៉ុន ក្នុងការសម្រេចបាននូវអព្យាក្រឹតភាពកាបូនសម្រាប់ម៉ូតូនៅទសវត្សរ៍ឆ្នាំ២០៤០។ ក្រុមហ៊ុន Honda បាននិយាយនៅក្នុងការចេញផ្សាយថា ខ្លួនមានគោលបំណងបង្ហាញម៉ូដែលអគ្គិសនីថ្មីជាង ១០ នៅឆ្នាំ២០២៥ ហើយកំពុងកំណត់គោលដៅលក់ម៉ូតូអគ្គិសនីប្រចាំឆ្នាំចំនួន ១លានគ្រឿងក្នុងរយៈពេល ៥ឆ្នាំខាងមុខ។ មិនតែប៉ុណ្ណោះ ក្រុមហ៊ុនក៏មានគម្រោងលក់ម៉ូតូអគ្គិសនីចំនួន ៣.៥ លានគ្រឿងក្នុងមួយឆ្នាំ ឬប្រហែល ១៥ភាគរយនៃការលក់សរុបនៅឆ្នាំ២០៣០ ផងដែរ។ ទោះបីជាយ៉ាងណាក្ដី ទន្ទឹមនឹងការជំរុញទៅជាអគ្គិសនី ក្រុមហ៊ុន Honda ដែលគ្រប់គ្រងលើអាជីវកម្មម៉ូតូពិភពលោក បាននិយាយថា ខ្លួននឹងមិនបញ្ចប់ការផលិតសម្រាប់ម៉ាស៊ីនចំហេះខាងក្នុងនៅក្នុងម៉ូតូរបស់ខ្លួនឡើយ៕ ផ្តល់សិទ្ធិដោយ៖ ខ្មែរណូត

តុលាការ​ធម្មនុញ្ញ​របស់ប្រទេសថៃ បាន​ប្រកាស​នៅថ្ងៃ​ពុធនេះ​ថា ខ្លួន​នឹង​ចេញ​សេចក្តី​សម្រេច​ លើតួនាទីក្នុងនាមជានាយករដ្ឋមន្ត្រីរបស់ឧត្តមសេនីយលោក ប្រាយុទ្ធ ចាន់អូចា ​នៅ​ថ្ងៃ​ទី៣០ ខែ​កញ្ញា ខាងមុខនេះ។ តុលាការបានបើកកិច្ចប្រជុំនៅថ្ងៃពុធនេះ ដើម្បីពិចារណាលើឯកសារទាំងអស់ដែលខ្លួនទទួលបាន ហើយបានរកឃើញថា វាមានព័ត៌មានគ្រប់គ្រាន់ ដើម្បីធ្វើការសម្រេចចិត្តក្នុងសំណុំរឿង ដែលត្រូវបានលើកឡើងដោយសមាជិកសភាបក្សប្រឆាំង។ តុលាការបានប្រកាសថា ខ្លួនមិនទាន់បញ្ចប់ដំណើរការស៊ើបសួរនោះទេ ហើយនឹងឱ្យចៅក្រមទាំង ១០ នាក់ ប្រកាសការសម្រេចរបស់ពួកគេទៅតុលាការធម្មនុញ្ញ នៅម៉ោង ៣រសៀល ថ្ងៃទី៣០ ខែកញ្ញា។​ សាលដីកាផ្លូវការរបស់តុលាការនឹងចងក្រងពី យោបល់របស់ចៅក្រមម្នាក់ៗ។ រំលឹកដែរថា តុលាការកាលពីថ្ងៃទី២៤ ខែសីហា បានព្យួរតួនាទីជានាយករដ្ឋមន្ត្រីរបស់លោក ប្រាយុទ្ធ បន្ទាប់ពីខ្លួនបានទទួលយកញត្តិ ដើម្បីពិនិត្យមើលថា តើលោក ប្រាយុទ្ធ ពិតជាអស់កាលកំណត់ធ្វើជានាយករដ្ឋមន្ត្រី ដូចដែលសមាជិកសភាបក្សប្រឆាំងលើកឡើងដែរ ឬទេ។ ជាក់ស្ដែងបើគិតតាមច្បាប់រដ្ឋ​ធម្មនុញ្ញ​ គឺលោក ប្រាយុទ្ធ ត្រូវអស់សិទ្ធិជានាយករដ្ឋមន្ត្រីថៃ នៅត្រឹមថ្ងៃទី២៤ ខែសីហា នោះផ្ទាល់តែម្ដង។ នៅគម្រប់រយៈពេល ៨ឆ្នាំ នៃការកាន់អំណាចរបស់គាត់ ចាប់តាំងពីការធ្វើរដ្ឋប្រហារទម្លាក់លោកស្រី យីងឡាក់ ក្នុងឆ្នាំ២០១៤។ ប៉ុន្តែបើនិយាយឱ្យស្រួលយល់ទៅ គឺកាលនោះគាត់មិនបានឡើងកាន់តំណែង ដោយសារសំឡេងបោះឆ្នោតនោះទេ។ […]

ស្រូវគឺជាដំណាំសំខាន់មួយរបស់ពិភពលោក ជាងពាក់កណ្តាលនៃចំនួនប្រជាជនពិភពលោកប្រើប្រាស់អង្ករជាអាហារប្រចាំថ្ងៃរបស់ពួកគេ។ ចំណែកការ​ដាំដុះ​ស្រូវ​​គឺ​តម្រូវអោយធ្វើ​ស្រែ​ចំការ ប៉ុន្តែតើអ្នកស្រាវជ្រាវបានព្យាយាមសាកល្បងដាំនៅក្នុងធុង ឬនៅតាមទីកន្លែងដែលខុសប្លែកគ្នាទៅតាមវិស័យផ្សេងៗ។​ យោងតាមសារព័ត៌មាន Thairath ដែលបានរាយការណ៍នៅថ្ងៃទី១២ កញ្ញា ២០២២ កន្លងទៅបានអោយដឹងថា៖ កាលពីពេលថ្មីៗនេះ ក្រុមអវកាសយានិកចិនមួយក្រុមធ្វើការនៅមន្ទីរពិសោធន៍អវកាស Wentian ដែលជាម៉ូឌុលនៃស្ថានីយអវកាស Tianong របស់ប្រទេសចិន បាននិយាយថា៖ ស្រូវត្រូវបានដាំក្នុងកម្រិតមីក្រូទំនាញ ហើយស្រូវអាចលូតលាស់បានប្រហែល ១ ម៉ែត្រក្នុងរយៈពេល ៤ខែ ប៉ុន្តែស្រូវដែលដាំនៅលើ Wentian នៅមិនអាចលូតលាស់បានពេញលេញទេ ចាប់តាំងពីការពិសោធន៍បានចាប់ផ្តើមកាលពីខែកក្កដា។ ហើយតាមពិតទៅ គឺមានអង្ករពីរប្រភេទដែលត្រូវបានយកទៅសាកល្បងដាំ លុះក្រោយមកក្រុមអវកាសក៏បានរកឃើញថា ក្រុមស្រូវដែលមានកម្ពស់ខ្ពស់នោះ គឺមានកម្ពស់ជិត ៣០ សង់ទីម៉ែត្រនៅក្នុងខែដំបូងនៃការលូតលាស់។ ចំណែកកម្ពស់របស់ដើមស្រូវដែលតឿនោះ មានកម្ពស់ប្រមាណ ៥ សង់ទីម៉ែត្រ ដែលទំហំលូតលាស់នៃពូជទាំងពីរនេះគឺអាចប្រៀបធៀបទៅនឹងពូជស្រូវដាំដុះនៅលើពិភពលោក។ ទោះយ៉ាងណាក៏ដោយ ស្រូវមិនមែនជាវត្ថុតែមួយគត់នៅក្នុងការពិសោធន៍នោះទេ។ អវកាសយានិក​ចិន​បាន​សាកល្បង​ដាំ​ផ្កា Ara bidopsis thaliana ជា​រុក្ខជាតិ​ផ្កា​ទូទៅ​ដែល​គេ​ប្រើ​ញឹកញាប់​ក្នុង​ការសិក្សា​អំពី​ការ​ផ្លាស់ប្តូរ​ហ្សែន។ គួរបញ្ជាក់អោយដឹងផងដែរថា៖ នេះមិនមែនជាលើកទីមួយទេដែលការដាំដុះស្រូវត្រូវបានសម្រេចក្នុងលំហអាកាស ខណៈដែលក្រុមនិស្សិតមកពីប្រទេសឥណ្ឌូនេស៊ីក្នុងឆ្នាំ ២០១៦ បានសាកល្បងឥទ្ធិពលនៃការដាំដុះស្រូវខ្នាតតូចនៅលើស្ថានីយអវកាសអន្តរជាតិ។ ចំណែកការដាំដុះស្រូវរបស់អវកាសយានិកចិន ភាគីចិនក៏សង្ឃឹមថានឹងប្រមូលគ្រាប់ពូជស្រូវដែលដាំដុះនៅក្នុងមន្ទីរពិសោធន៍អវកាសរបស់ពួកគេ ត្រឡប់ទៅផែនដីវិញដើម្បីសិក្សាថាតើមានភាពខុសប្លែកគ្នាយ៉ាងសំខាន់នៅក្នុងមីក្រូទំនាញដែរឬទេ ៕ […]

យោងតាមការចុះផ្សាយរបស់សារពត៌មាន BBC បានឱ្យដឹងថា តុលាការរបស់ប្រទេសថៃ បានកាត់ទោសអ្នកតវ៉ាម្នាក់ឱ្យជាប់ពន្ធនាគាររយៈពេល ២ឆ្នាំ ពីបទប្រមាថព្រះមហាក្សត្រ ដោយការស្លៀកសំលៀកបំពាក់ប្រពៃណីនៅក្នុងបាតុកម្ម ដែលជាទង្វើគេមើលឃើញថា ជាការចំអកដល់ព្រះមហាក្សត្រីរបស់ថៃ។ កាលពីថ្ងៃច័ន្ទនេះ តុលាការព្រហ្មទណ្ឌបានកាត់ទោសលោក Jatuporn Saeoueng ហៅ New ដែលទើបតែមានអាយុ ២៣ឆ្នាំ ពីបទចូលរួមក្នុងកម្មវិធីបង្ហាញម៉ូដបែបចំអក នៅទីក្រុងបាងកក ក្នុងខែតុលា កាលពីឆ្នាំ២០២០ ខណៈព្រឹត្តិការណ៍នោះផ្ទាល់ គឺជាអំពាវនាវឱ្យមានកំណែទម្រង់របបរាជានិយមរបស់ប្រទេសថៃ។ ក្រុមបាតុករប្រឆាំងរដ្ឋាភិបាលរាប់ពាន់នាក់បានពេញផ្លូវក្នុងប្រទេសថៃ បន្ទាប់ពីខែកក្កដា ឆ្នាំ២០២០ ដោយទាមទារឱ្យនាយករដ្ឋមន្ត្រីលោក ប្រាយុទ្ធ ចាន់អូចា ដែលឡើងកាន់អំណាចក្រោយដឹកនាំរដ្ឋប្រហារកាលពីឆ្នាំ២០១៤ ត្រូវតែចុះចេញពីតំណែង។ មនុស្សមួយចំនួនក៏បានរិះគន់របបរាជានិយម ចំពេលមានស្ថានភាពធ្ងន់ធ្ងរកំឡុងពេលមានវិបត្តិជំងឺរាតត្បាត COVID-19 ។ ក្រុមមេធាវីថៃដើម្បីសិទ្ធិមនុស្សបាននិយាយថា សកម្មជនជាង ២០០នាក់ ត្រូវបានចោទប្រកាន់ពីបទប្រមាថព្រះមហាក្សត្រ ក្នុងរយៈពេល ២ឆ្នាំ ចុងក្រោយនេះ៕ អត្ថបទ៖ លីដា ប្រភព៖ BBC

អាមេរិក៖ យោងតាមការចុះផ្សាយរបស់បណ្តាញសារព័ត៌មាន The Strait Times នៅព្រឹកថ្ងៃអង្គារ ទី១៣ ខែកញ្ញានេះបានឲ្យដឹង​ថា ជំងឺអុតស្វា Monkeypox  ហាក់កំពុងរាតត្បាតខ្លាំងឡើងវិញជាថ្មីម្តងទៀតនៅសហរដ្ឋអាមេរិក ខណៈការរាតត្បាតលើនេះមិនជាការរាតត្បាតនៅក្នុងសហគមន៍ចំពោះពលរដ្ឋទូទៅឡើយ តែវាជារាតត្បាតនៅក្នុងចំណោមក្រុមនិស្សិតនៅតាមសាកលវិទ្យាល័យ។ គេនៅចាំបានថា កាលពីអំឡុងពេលប្រហែលជាមួយខែមុនគឺមានករណីឆ្លងជំងឺអុតស្វា Monkeypox មួយករណីត្រូវបានរកឃើញចំពោះនិស្សិតម្នាក់នៅក្នុងសាកលវិទ្យាល័យ Pennsylvania State University  តែគិតត្រឹមពេលនេះមេរោគបានបន្តចម្លងទៅកាន់ក្រុមនិស្សិតនៅតាមសាកលវិទ្យាមួយចំនួនហើយនៅទូទាំងសហរដ្ឋអាមេរិក។ គួរបញ្ជាក់ជូនថា អាមេរិកគឺជាប្រទេសដែលមានករណីឆ្លងជំងឺអុតស្វា Monkeypox ច្រើនជាងគេនៅលើពិភពលោក ដោយមានតួលេខអ្នកឆ្លងសរុបប្រមាណជា ២០,០០០នាក់ ក្នុងចំណោមករណីឆ្លងសរុបនៅទូទាំងពិភពលោក។ កាលពីសប្តាហ៍មុនអាជ្ញាធរសុខាភិបាលអាមេរិកប្រកាសថា ការរាតត្បាតអ៊ុតស្វា Monkeypox នៅអាមេរិកបានធ្លាក់ចុះប្រមាណជា ២១% ម្តងហើយ ដែលវាជាសញ្ញាដ៏ល្អប្រសើរមួយសម្រាប់ទាំងអាជ្ញាធរនិងពលរដ្ឋនៅតាមសហគមន៍។ យ៉ាងណាក្តី នៅពេលនេះអាជ្ញាធរសុខាភិបាលអាមេរិកត្រូវប្រឈមនឹងបញ្ហារសើបថ្មីមួយទៀត នោះគឺការយកឈ្នះលើការរាតត្បាតជំងឺអ៊ុតស្វានៅក្នុងចំណោមក្រុមនិស្សិតនៅតាមសាកលវិទ្យាល័យវិញម្តង។ សូមបញ្ជាក់ជូនថា គិតត្រឹមពេលនេះជំងឺអ៊ុតស្វា Monkeypox បានបង្កការចម្លងទៅកាន់មនុស្សជាង ៥៧,០០០នាក់ នៅក្នុងប្រទេសចំនួន ៩៦ផ្សេងគ្នាដោយមិនគិតប្រទេសនៅក្នុងតំបន់អាហ្រ្វិកដែលជាកន្លែងធ្លាប់មានការរាតត្បាតមេរោគជាធម្មតានោះទេ៕ ផ្តល់សិទ្ធិដោយ៖ ខ្មែរណូត

ថៃ៖ គិតត្រឹមល្ងាចម៉ោង ៥ នៃថ្ងៃចន្ទ ទី១២ ខែកញ្ញាម្សិលម្សិលមិញនេះជំនន់ទឹកភ្លៀងលេចចូលលើដងផ្លូវសំខាន់ៗចំនួននៅក្នុងទីក្រុងបាងកកហើយ នេះបើយោងតាមសេចក្តីរាយការណ៍របស់បណ្តាញសារព័ត៌មាន បាងកកប៉ុស្តិ៍។ ទឹកដែលបានជន់លេចលើដងផ្លូវក្នុងទីក្រុងបាងកកកនោះគឺមានកម្រិតកម្ពស់ផ្សេងៗគ្នា ដូចជានៅលើដងផ្លូវ Din Daeng និង ផ្លូវSri Ayutthaya ទឹកមានកម្ពស់រហូតដល់ ២៤សង់ទីម៉ែត្រ ផ្លូវ Thesaban Songkhro និង ផ្លូវ Sena Nikhom ទឹកមានកម្ពស់ ១៨សង់ទីម៉ែត្រ នៅលើដងផ្លូវ Ratchada-Lat Phrao​ ផ្លូវBanthat ផ្លូវPradiphat 2 ផ្លូវ Inthamara 53 និង ផ្លូវ Sailom គឺទឹកមានកម្ពស់ចន្លោះពី ១៥-១៦ សង់ទីម៉ែត្រ។ ប្រភពខាងលើបានបន្តថា ក្រៅតែពីមានការជន់លេចលើដងផ្លូវសំខាន់ៗខាងលើនេះហើយជំនន់ទឹកភ្លៀងក៏បានជន់លេចលើដងផ្លូវតូចៗមួយចំនួនទៀតផងដែរ ដោយកម្រិតកម្ពស់ទឹកមានក្នុងចន្លោះពី ១១-១៤ សង់ទីម៉ែត្រ ខណៈផ្លូវខ្លះទឹកមានកម្ពស់ត្រឹម ៣-៤សង់ទីម៉ែត្រប៉ុណ្ណោះ។ យ៉ាងណាក្តី សាលាក្រុងបាងកកបានជូនដំណឹងឲ្យពលរដ្ឋត្រូវចេះប្រុងប្រយ័ត្ននិងត្រៀមការពារខ្លួនពីជំនន់ទឹកភ្លៀងនេះក្នុងរយៈពេលច្រើនថ្ងៃបន្ថែមទៀត ដ្បិតយោងតាមការព្យាករណ៍របស់មន្ទីរឧតុនិយមថៃបានបង្ហាញថា ភ្លៀងនឹងបន្តធ្លាក់ក្នុងទីក្រុងបាងកកក្នុងបរិមាណដ៏ច្រើនបន្ថែមទៀតចាប់ពីថ្ងៃនេះរហូត​ដល់ថ្ងៃអាទិត្យចុងសប្តាហ៍នេះផងដែរ។ យ៉ាងណាក្តី ជំនន់ទឹកភ្លៀងខាងលើនេះមិនបានបង្កឲ្យមានគ្រោះថ្នាក់អ្វីមួយធ្ងន់ធ្ងរគួរឲ្យកត់សម្គាល់នោះទេ គ្រាន់តែវាបានបង្កការលំបាកក្នុងការធ្វើដំណើរកម្រិតស្រាលប៉ុណ្ណោះ៕ […]

(ប៉េកាំង)៖ ចិន មានផែនការបញ្ជូនបេសកកម្មយានរុករកចំនួន៣ ទៅកាន់ឋានព្រះចន្ទ បន្ទាប់ពីបានរកឃើញរ៉ែឋានព្រះចន្ទថ្មីមួយដែលអាចនឹង ត្រូវបានប្រើជាប្រភពថាមពលនៅពេលអនាគត។ នេះបើតាមការដកស្រង់ចេញផ្សាយដោយសារព័ត៌មាន Bloomberg នៅថ្ងៃអង្គារ ទី១៣ ខែកញ្ញា ឆ្នាំ២០២២។ ការប្រជែងគ្នាផ្នែកទីអវកាសរវាងចិន និងសហរដ្ឋអាមេរិក មានសន្ទុះកាន់តែខ្លាំងឡើង ក្រោយរដ្ឋបាលជាតិអវកាសចិន បានយល់ព្រមបញ្ជូន យានរុករកចំនួន៣គ្រឿង ទៅកាន់ឋានព្រះចន្ទក្នុងរយៈពេល១០ឆ្នាំខាងមុខ។ ការសម្រេចចិត្តបែបនេះធ្វើឡើង បន្ទាប់ពីចិនបានក្លាយជា ប្រទេសទី៣ ដែលបានរកឃើញរ៉ែឋានព្រះចន្ទថ្មីមួយ ដែលត្រូវបានគេដាក់ឈ្មោះឱ្យថា ឆាងអឺសាយ (Changesite-(Y))។ គួរបញ្ជាក់ថា បេសកកម្ម ឆាងអឺ៥ (Chang’e-5) របស់ចិនបាននាំយកសំណាកមួយចំនួនពីឋានព្រះចន្ទមកផែនដី កាលពីឆ្នាំ២០២០ ហើយនៅពេលនោះប្រព័ន្ធផ្សព្វផ្សាយរដ្ឋចិន Global Times បានហៅសំណាកទាំងនោះថា «រ៉ែផូស្វាត» ព្រមទាំងមានផ្ទុកសារធាតុអេលីល្យូម ៣ (helium-3) ដែលអាចនឹងត្រូវបានប្រើប្រាស់ជាថាមពលនៅពេលអនាគត៕ ផ្តល់សិទ្ធិដោយ៖ freshnews

លោក Tim Cook ដែលបច្ចុប្បន្នជានាយកប្រតិបត្តិក្រុមហ៊ុន Apple បានបង្ហើបឱ្យដឹងថា គាត់ធ្លាប់មានជម្លោះដ៏ធំបំផុតមួយជាមួយនឹងស្ថាបនិក Apple គឺលោក Steve Jobs។ លោក Tim Cook បាននិយាយនៅក្នុងសន្និសិទកូដប្រចាំឆ្នាំកាលពីថ្ងៃពុធថា ការជជែកគ្នាដ៏តឹងតែងបំផុតរបស់គាត់ជាមួយ Steve Jobs គឺជុំវិញការលក់ iPhone ។ នៅក្នុងសន្និសិទ នាយកប្រតិបត្តិរូបនេះ បានឆ្លើយទៅកាន់អ្នកកាសែតនៅពេលសួរអំពីតើអ្វីជាជម្លោះដ៏ធំបំផុតរបស់គាត់ជាមួយលោក Steve Jobs ថា គឺជាយុទ្ធសាស្ត្រលក់ iPhone របស់ក្រុមហ៊ុនមុនការបង្ហាញខ្លួនជាលើកដំបូងក្នុងឆ្នាំ២០០៧។ លោក Tim Cook រៀបរាប់ថា រូបលោកទាំងពីរបានពិភាក្សាអស់រយៈពេលជាច្រើនឆ្នាំអំពីរបៀបលក់ទូរស័ព្ទដៃ iPhone តាមរយៈគំរូឧបត្ថម្ភធន ឬយុទ្ធសាស្ត្រចែករំលែកចំណូល ដែល Jobs ចង់បាន។ ពោលគឺ កាលនោះ លោក Cook ចង់ទៅតាមផ្លូវឧបត្ថម្ភធន ដែលមានន័យថាក្រុមហ៊ុនទូរស័ព្ទដូចជា AT&T នឹងបង់ប្រាក់ឱ្យ Apple នូវចំណែកនៃថ្លៃដើម iPhone ជាមុន។ ចំណែកឯ Jobs […]