(បាងកក)៖ គណៈកម្មការជាតិប្រឆាំងអំពើពុករលួយរបស់ថៃ ហៅកាត់ថា NACC បានទទួលស្គាល់ពីការចាប់ផ្ដើមការស៊ើបអង្កេតបឋមលើខ្សែអាត់សំឡេងកិច្ចសន្ទនា តាមទូរស័ព្ទរវាងនាយករដ្ឋមន្ត្រីលោកស្រី Paetongtarn Shinawatra និងប្រធានព្រឹទ្ធសភាកម្ពុជា សម្ដេចតេជោ ហ៊ុន សែន។ នេះបើតាមការចេញផ្សាយដោយកាសែតថៃ Bangkok Post នៅថ្ងៃព្រហស្បតិ៍ ទី២៦ ខែមិថុនា។ អគ្គលេខាធិការ NACC លោក Saroj Phuengrampan បានទទួលស្គាល់ថាពិតជាមានពាក្យបណ្ដឹងមួយ​ប្រឆាំងនឹងលោកស្រី Paetongtarn ជុំវិញការបែកធ្លាយកិច្ចសន្ទនា ជាមួយសម្ដេចតេជោ ត្រូវបានដាក់ជូនគណៈកម្មការប្រាកដមែន។ លោកសង្កត់ធ្ងន់ទៀតថា វាមិនមែនជារឿងចម្លែកនោះទេដែល NACC ទទួលបានពាក្យបណ្ដឹងបែបនេះ ហើយថារាល់ភស្តុតាងទាំងឡាយនឹងត្រូវដាក់ជូនជាផ្លូវការទៅកាន់ក្រុមប្រឹក្សាភិបាល NACC។ តាមលោក Saroj នេះគ្រាន់តែជាការស៊ើបអង្កេតបឋមប៉ុណ្ណោះ ពោលមិនមែនជាការស៊ើបអង្កេតពេញលេញមួយនោះទេ។ លោកបន្ថែមថាសំណុំរឿងបែកធ្លាយកិច្ចសន្ទនាកំពុង ស្ថិតក្នុងដំណាក់កាលត្រួតពិនិត្យបឋម ដោយក្រុមមន្ត្រីជំនាញនឹងកំណត់ថាតើសំណុំរឿងនេះស្ថិតនៅក្នុងដែនសមត្ថកិច្ចរបស់ NACC ដែរឬក៏យ៉ាងណា៕ ផ្ដល់សិទ្ធិដោយ៖ Fresh News

(ភ្នំពេញ)៖ បន្ទាប់ពីប្រកាសបិទច្រកទាំងអស់ជាមួយកម្ពុជាហើយនោះ នៅពេលនេះ យោធាភូមិភាគ២របស់ថៃ ដែលគេដឹងថា ដឹកនាំដោយ ឧត្តមសេនីយ៍ឯក Boonsin Padklang បានចេញបទបញ្ជាបើកបិទ ដោយមិនខ្វល់ពីរដ្ឋាភិបាលថៃឡើយ។ មណ្ឌលប្រតិបត្តិការកងទ័ពភូមិភាគទី២ របស់ថៃ បានចេញវិធានការអំពីការបើកបិទច្រកជាមួយកម្ពុជា ដោយមានច្រកមួយចំនួន ក្នុងនោះច្រកព្រំដែនអន្តរជាតិឆងចោម ឃុំដាន ស្រុកកានឆឺង ខេត្តសុរិន្ទ (បើក-បិទ) ច្រកព្រំដែនអន្តរជាតិឆងសាង៉ាំ ឃុំប្រៃផាត់ថាណា ស្រុកភូស៊ីង ខេត្តស៊ីសាកេត (បើក-បិទ) ច្រកតំបន់ពាណិជ្ជកម្មសាយតាគូ ឃុំចាន់ថាភេត ស្រុកបានគ្រួត ខេត្តបុរីរ៉ាំ (បើក-បិទ) ទង្វើរបស់ថៃបែបនេះ បង្ហាញពីភាពក្រឡិចក្រឡុចរបស់ថៃ មិនទទួលខុសត្រូវ និងបង្ហាញថា រដ្ឋាភិបាលថៃមិនអាចគ្រប់គ្រងបាន លើថ្នាក់ដឹកនាំជើងក្រោមរបស់ខ្លួន ពោលគឺកងទ័ពធ្វើអ្វីស្រេចតែចិត្ត មិនស្តាប់បង្គាប់រដ្ឋាភិបាល។ ការបិទបើកព្រំដែនស្រេចតែចិត្តរបស់កងទ័ពថៃ ដែលមិនស្តាប់បង្គាប់បញ្ជារបស់រដ្ឋាភិបាល បានបង្កឱ្យមានផលប៉ះពាល់ខ្លាំងដល់សេដ្ឋកិច្ចថៃ និងដល់ផលដំណាំថៃ ដែលដល់រដូវប្រមូលផល នេះជាការទទួលខុសត្រូវរបស់កងទ័ព។ សូមបញ្ជាក់ថា កាលពីថ្ងៃទី២៣ ខែមិថុនា ឆ្នាំ២០២៥ យោធាភូមិភាគី២របស់ថៃ បានចេញបញ្ជាឱ្យបិទច្រកព្រំដែនទាំងអស់ជាមួយកម្ពុជា ដោយអនុញ្ញាតឱ្យចេញចូលតែ សិស្សានុសិស្ស និងអ្នកជំងឺដែលត្រូវការការព្យាបាលបន្ទាន់តែប៉ុណ្ណោះ។ ទោះជាយ៉ាងនេះក្តី មជ្ឈមណ្ឌលគ្រប់គ្រងព្រំដែនរបស់ថៃ បែរជាចេញមកបញ្ជាក់ថា […]

(ណៃពិដោ)៖ កាលពីថ្ងៃអង្គារ ទី២៤ ខែមិថុនា ការវាយប្រយុទ្ធគ្នាយ៉ាងខ្លាំងក្លា បានផ្ទុះឡើងនៅតំបន់ Hsai Kheung ឬហៅថា Phai Khun ក្នុងស្រុក Si Hseng នៃរដ្ឋ Shan ប្រទេសមីយ៉ាន់ម៉ា ក្បែរព្រំប្រទល់ជាមួយប្រទេសថៃ។ កងកម្លាំងនៃរបបយោធាមីយ៉ាន់ម៉ា គាំទ្រដោយក្រុមប្រដាប់អាវុធ Pa-O National Organisation (PNO) បានបើកការវាយលុកលើ កងកម្លាំងក្រុមឧទ្ទាម ដែលបានប្រមូលផ្តុំនៅតំបន់នោះ។ ការប៉ះទង្គិចគ្នាយ៉ាងក្តៅគគុកនេះ បានចាប់ផ្តើមកាលពីខ្ទង់ម៉ោង៥ល្ងាចថ្ងៃអង្គារ នៅពេលកងទ័ពមីយ៉ាន់ម៉ាជាច្រើនកងពល គាំទ្រដោយក្រុមអ្នកប្រយុទ្ធរបស់ PNO ប្រហែល ១០០០នាក់ បានរួមគ្នាឆ្មក់បើកការវាយលុកទៅលើទីតាំង ដែលគ្រប់គ្រងដោយកងកម្លាំងក្រុមឧទ្ទាម Karenni National Defence Force (KNDF) និង Pa-O National Liberation Army (PNLA)។ ស្ថានការណ៍បានកាន់តែតានតឹងឡើងយ៉ាងឆាប់រហ័សថែមទៀត ខណៈកងទ័ពអាកាសមីយ៉ាន់ម៉ា បានធ្វើសកម្មភាពទម្លាក់គ្រាប់បែក ទៅលើតំបន់ស៉ីវិល ដោយកំណត់គោលដៅ ដាក់លំនៅដ្ឋាន ទីអារាម និងប្រាសាទ។ ការវាយប្រហារតាមផ្លូវអាកាសទាំងនោះ […]

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ នៅតែទទូចថាការវាយប្រហារទម្លាក់គ្រាប់បែករបស់សហរដ្ឋអាមេរិក បានបំផ្លាញទីតាំងនុយក្លេអ៊ែរអ៉ីរ៉ង់ទាំងស្រុង ដោយច្រានចោល ការចេញផ្សាយរបស់ប្រព័ន្ធផ្សព្វផ្សាយអាមេរិកដែលថាសហរដ្ឋអាមេរិកបានបរាជ័យក្នុងការបំផ្លាញទីតាំងនុយក្លេអ៊ែរអ៉ីរ៉ង់។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ នៅក្នុងការបង្ហោះមួយលើបណ្ដាញទំនាក់ទំនងសង្គម Truth Social នៅថ្ងៃអង្គារ ទី២៤ ខែមិថុនា លោក ត្រាំ បានលើកឡើងដូច្នេះថា «ទីតាំងនុយក្លេអ៊ែរក្នុងប្រទេសអ៉ីរ៉ង់ត្រូវបានបំផ្លាញ ទាំងស្រុង»។ គួរបញ្ជាក់ថា ប្រព័ន្ធផ្សព្វផ្សាយអាមេរិកដោយផ្អែកលើក្រុមមន្ត្រីចារកម្មអាមេរិកក្នុងលក្ខខណ្ឌមិនបញ្ចេញឈ្មោះ បានរាយការណ៍ថាការវាយប្រហាររបស់សហរដ្ឋអាមេរិក មិនបានកម្ទេចម៉ាស៊ីន ចម្រាញ់អ៊ុយរ៉ាញ៉ូម centrifuges ឬស្ដុកអ៊ុយរ៉ាញ៉ូមចម្រាញ់រួចរបស់អ៉ីរ៉ង់ទាំងស្រុងនោះទេ។ ពោលបើតាមចារកម្មអាមេរិក ការវាយប្រហារទម្លាក់គ្រាប់បែករបស់អាមេរិកបានបង្អាក់ ភាពរីកចម្រើននៃកម្មវិធីនុយក្លេអ៊ែរអ៉ីរ៉ង់បានត្រឹមតែប៉ុន្មានខែ និងគ្រាន់តែបានបិទផ្លូវចូលទៅកាន់រោងចក្រនុយក្លេអ៊ែរមួយចំនួនតែប៉ុណ្ណោះ ដោយមិនបានបំផ្លាញអគារដែលអ៉ីរ៉ង់សង់ នៅក្រោមដីឡើយ៕ ផ្ដល់សិទ្ធិដោយ៖ Fresh News

(អូតាវ៉ា)៖ រដ្ឋាភិបាលកាណាដា​ បានចេញសេចក្ដីប្រកាសអាសន្នបន្ទាន់មួយ ព្រមានពលរដ្ឋរបស់ខ្លួនឲ្យជៀសវាងការធ្វើដំណើរទៅកាន់ខេត្តភាគខាងត្បូងរបស់ប្រទេសថៃ និងត្រូវរក្សាការប្រុងប្រយ័ត្នខ្ពស់ ចំពេលមានអស្ថិរភាព និងភាពតានតឹងដែលកំពុងកើនឡើង។ នេះបើយោងតាមការចេញផ្សាយដោយ គេហទំព័រ​​ Travel​ and Tour world នៅថ្ងៃទី១៩ ខែមិថុនា ឆ្នាំ២០២៥។ បន្ទាប់ពីបានធ្វើបច្ចុប្បន្នភាពការណែនាំអំពីការធ្វើដំណើរនៅមជ្ឈិមបូព៌ា រដ្ឋាភិបាលកាណាដាបានបង្វែរការយកចិត្តទុកដាក់របស់ខ្លួនមកអាស៊ីអាគ្នេយ៍វិញ ដោយបានចេញការព្រមានថ្មីសម្រាប់ប្រទេសថៃ ដែលជាគោលដៅទេសចរណ៍ដ៏ពេញនិយមមួយនៅក្នុងតំបន់។ ការព្រមាននេះបានបញ្ជាក់ថា ទោះបីជាថៃមានកន្លែងទាក់ទាញជាច្រើនក៏ដោយ ក៏ហានិភ័យផ្នែកសុវត្ថិភាពនៅតែកើតមាននៅក្នុងផ្នែកខ្លះនៃប្រទេសនេះ។ សេចក្ដីប្រកាសអាសន្ននោះបានសង្កត់ធ្ងន់ជាពិសេសលើខេត្តភាគខាងត្បូង​​ ដែលជាប់ព្រំដែនជាមួយប្រទេសម៉ាឡេស៊ី ដោយសារតែការកើនឡើងនៃអំពើហិង្សា និងការប្រកាសដាក់តំបន់ទាំងនោះក្រោមច្បាប់អាជ្ញាសឹក។ អាជ្ញាធរកាណាដាបានណែនាំពលរដ្ឋរបស់ខ្លួនឲ្យចៀសវាងការធ្វើដំណើរដែលមិនចាំបាច់ទៅកាន់តំបន់ទាំងនោះ។ ទន្ទឹមគ្នានេះ រដ្ឋាភិបាលកាណាដាក៏បានជំរុញឲ្យពលរដ្ឋរបស់ខ្លួនដែលកំពុងស្ថិតនៅក្នុងប្រទេសថៃ ឬគ្រោងនឹងទៅទស្សនា ត្រូវចុះឈ្មោះជាមួយស្ថានទូត និងតាមដានព័ត៌មានក្នុងស្រុកយ៉ាងប្រុងប្រញ័ត្ត ដើម្បីទទួលបានព័ត៌មានថ្មីៗអំពីស្ថានភាពសន្តិសុខ។ គួរ​បញ្ជាក់​ថា​ ការព្រមាននេះ កើតឡើងចំពេលដែលប្រទេសថៃកំពុងប្រឈមមុខនឹងភាពតានតឹងផ្នែកនយោបាយផ្ទៃក្នុង បន្ទាប់ពីមានការបែកធ្លាយឃ្លីបសំឡេង ដែលនាំឲ្យគណបក្សមួយដកខ្លួនចេញពីសម្ព័ន្ធរដ្ឋាភិបាល និងមានការអំពាវនាវឲ្យមានការតវ៉ាប្រឆាំងនឹងនាយករដ្ឋមន្ត្រី៕ ផ្ដល់សិទ្ធិដោយ៖ Fresh News

(ហ៊្សេរុយសាឡិម)៖ នៅថ្ងៃអង្គារនេះ អ៉ីស្រាអែលបាននិយាយថា ខ្លួនទទួលយកបទឈប់បាញ់ទ្វេភាគីជាមួយអ៉ីរ៉ង់ ដែលស្នើឡើងដោយប្រធានាធិបតីអាមេរិក លោក ដូណាល់ ត្រាំ ក្រោយការធ្វើសង្រ្គាមអស់រយៈពេល១២ថ្ងៃ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃអង្គារ ទី២៤ ខែមិថុនា ឆ្នាំ២០២៥។ រដ្ឋាភិបាលអ៉ីស្រាអែល បានចេញសេចក្តីថ្លែងការណ៍ថា «លោកនាយករដ្ឋមន្រ្តី Benjamin Netanyahu បានកោះប្រជុំគណៈរដ្ឋមន្រ្តី ដើម្បីប្រកាសថា អ៉ីស្រាអែលសម្រេចកម្មវត្ថុទាំងអស់នៃប្រតិបត្តិការ Rising Lion ហើយច្រើនលើសពីនេះថែមទៀត។ អ៉ីស្រាអែល បានលុបបំបាត់ចោលការគំរាមកំហែងដ៏ធំនិងភ្លាមៗ នៃមីស៉ីលបាលិស្ទីគ និងអាវុធនុយក្លេអ៊ែររបស់ប្រទេសអ៉ីរ៉ង់»។ សេចក្តីថ្លែងការណ៍បានបន្តថា «អ៉ីស្រាអែលអរគុណលោកប្រធានាធិបតី ត្រាំ និងសហរដ្ឋអាមេរិក សម្រាប់ការគាំទ្រក្នុងការការពារអ៉ីស្រាអែល និងសម្រាប់ការចូលរួមក្នុងកិច្ចប្រឹងប្រែង កម្ចាត់ការគំរាមកំហែងនុយក្លេអ៊ែររបស់អ៉ីរ៉ង់។ ទោះជាបែបនេះក្តី អ៉ីស្រាអែលនឹងឆ្លើយតបយ៉ាងខ្លាំងក្លា ចំពោះការរំលោភបំពានណាមួយលើបទឈប់បាញ់»។ គួរបញ្ជាក់ថា បើតាមលោក ត្រាំ នាពេលនេះ បទឈប់បាញ់អ៉ីស្រាអែល-អ៉ីរ៉ង់ បានចាប់ផ្តើមចូលជាធរមានហើយ។ អ៉ីស្រាអែលនិងអ៉ីរ៉ង់ បានធ្វើសង្រ្គាមផ្លូវអាកាសដាក់គ្នាអស់រយៈពេល១២ថ្ងៃ ចាប់តាំងពីអ៉ីស្រាអែល បានបើកការវាយប្រហារទ្រង់ទ្រាយធំប្រឆាំងនឹងអ៉ីរ៉ង់ កាលពីថ្ងៃទី១៣ ខែមិថុនា ដោយកំណត់គោលដៅលើទីតាំងនុយក្លេអ៊ែរ និងទីតាំងយោធា។ ការប្រយុទ្ធគ្នាជាច្រើនថ្ងៃមកនេះ បានបង្កឱ្យពិភពលោកព្រួយបារម្ភជាខ្លាំង ជាពិសេសនៅពេលដែលអាមេរិក […]

(គូឡាឡាំពួ)៖ ក្រសួងមហាផ្ទៃនៃប្រទេសម៉ាឡេស៉ី កំពុងពិចារណាសាងសង់ជញ្ជាំងអចិន្រ្តៃយ៍មួយ នៅបណ្តោយព្រំប្រទល់ជាមួយថៃ ក្នុងរដ្ឋ Kelantan ដើម្បីបម្រើជាផ្នែកមួយ នៃកិច្ចប្រឹងប្រែងរឹតបន្តឹងសន្តិសុខព្រំដែន នៅតាមតំបន់ដែលមានហានិភ័យខ្ពស់។ នេះបើតាមការចេញផ្សាយដោយ សារព័ត៌មាន The Nation នាថ្ងៃអង្គារ ទី២៤ ខែមិថុនា ឆ្នាំ២០២៥។ ទីភ្នាក់ងារព័ត៌មានម៉ាឡេស៉ី Bernama បានរាយការណ៍ថា អនុរដ្ឋមន្រ្តីមហាផ្ទៃម៉ាឡេស៉ី លោក Shamsul Anuar Nasarah ធ្លាប់បាន​សង្កត់ធ្ងន់ថា រដ្ឋាភិបាលយកចិត្តទុកជាខ្លាំងលើសុវត្ថិភាពព្រំដែន ជាពិសេសនៅតាមតំបន់ដែលងាយទទួលរងសកម្មភាពរត់ពន្ធផ្សេងៗ រួមមានទាំងការរត់ពន្ធគ្រឿងញៀន។ លោកបានព្រមានថា បរាជ័យក្នុងការធានាសុវត្ថិភាពតំបន់ទាំងនេះ អាចនាំទៅរកការគំរាមកំហែងសន្តិសុខកាន់តែធ្ងន់ធ្ងរ។ លោកអនុរដ្ឋមន្រ្តីបន្តថា ខាងក្រសួងមហាផ្ទៃម៉ាឡេស៉ី កំពុងធ្វើការជិតស្និទ្ធជាមួយប៉ូលិស និងស្ថាប័នអនុវត្តច្បាប់ផ្សេងៗទៀត ដើម្បីវិភាគទិន្នន័យ និងកំណត់ទីតាំង ដែលត្រូវការចាំបាច់នូវហេដ្ឋារចនាសម្ព័ន្ធសន្តិសុខប្រសើរជាងមុន ដូចជាប្រព័ន្ធឃ្លាំមើល និងរនាំងឬជញ្ជាំងព្រំដែន។ គួរបញ្ជាក់ថា បើតាមលោក Shamsul Anuar ចំណាត់ការសន្តិសុខព្រំដែននេះ នឹងមិនមែនត្រឹមតែនៅរដ្ឋ Kelantan ប៉ុណ្ណោះទេ ប៉ុន្តែនឹងអាចដាក់ចេញនៅទូទាំងប្រទេសតែម្តង ដោយអាស្រ័យលើដំណើរការវាយតម្លៃការគំរាមកំហែងនិងហានិភ័យ ព្រោះអ្វីដែលសំខាន់បំផុតនោះ គឺធានាឱ្យបានថា ព្រំដែនជាតិរបស់ម៉ាឡេស៉ី មានសុវត្ថិភាពយ៉ាងពិតប្រាកដ មានការឃ្លាំមើលដិតដល់ […]

(បាងកក)៖ ប្រធានអង្គការប្រឆាំងអំពើពុករលួយរបស់ថៃ ACT បាននិយាយថាការពុករលួយជាលក្ខណៈប្រព័ន្ធគឺជាហេតុផលចម្បងមួយនៃការធ្លាក់យន្ដហោះប៉ូលិស២គ្រឿងដែលបានសម្លាប់មន្ត្រីប៉ូលិស ៩នាក់។ នេះបើតាមកាសែតថៃ Bangkok Post។ នៅក្នុងការបង្ហោះមួយលើ​ Facebook កាលពីថ្ងៃចន្ទ ទី២៣ ខែមិថុនា ប្រធាន ACT លោក Mana Nimitmongkol បានអះអាងថាគ្រោះថ្នាក់ធ្លាក់យន្ដហោះប៉ូលិសមិនមែនបណ្ដាលមកពីកំហុសបច្ចេកទេស របស់មនុស្សនោះទេ តែវាជាកំហុសស្ដង់ដារនៃការថែទាំដែលបង្កឡើងដោយអំពើពុករលួយ។ លោក Mana លើកឡើងបែបនេះដោយចង់សំដៅលើគ្រោះថ្នាក់ធ្លាក់យន្ដហោះចំនួន ២គ្រឿងរបស់មន្ត្រីប៉ូលិស កាលពីដើមឆ្នាំកន្លងទៅនេះ។ គ្រោះថ្នាក់ធ្លាក់លើកទី១ បានកើតឡើងកាលពីថ្ងៃទី២៥ ខែមេសា នៅពេលយន្ដហោះខ្នាតតូចធុន DHC-6-400 របស់ប៉ូលិសថៃ បានធ្លាក់ចូលសមុទ្រក្នុងខេត្ត Phetchaburi ដោយសម្លាប់មន្ត្រីប៉ូលិស ៦នាក់។ មួយខែក្រោយមក ឧទ្ធម្ភាគចក្រមួយគ្រឿងធុន Bell-212 ដែលជាកម្មសិទ្ធិរបស់អង្គភាពប៉ូលិស Kanchanaburi Police Aviation Unit បានធ្លាក់ក្នុងស្រុក Muang នៃខេត្ត Prachuap Khiri Khan ដោយសម្លាប់មន្ត្រីប៉ូលិស ៣នាក់៕ ផ្ដល់សិទ្ធិដោយ៖ Fresh News

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ នៅថ្ងៃចន្ទ ២៣ ខែមិថុនា បាននិយាយថាបទឈប់បាញ់ពេញលេញ និងទាំងស្រុងមួយរវាងអ៉ីស្រាអែល និងអ៉ីរ៉ង់ នឹងត្រូវចូលជាធរមាន ដើម្បីបិទបញ្ចប់ជម្លោះរវាងប្រទេសទាំង២។ នេះបើតាមការចេញផ្សាយដោយទីភ្នាក់ងារសារព័ត៌មាន​ Reuters។ ក្នុងការបង្ហោះមួយលើបណ្ដាញទំនាក់ទំនងសង្គម Truth Social លោក ត្រាំ បានគូសបញ្ជាក់ថា «វាមានការព្រមព្រៀងគ្នាពេញលេញរវាងអ៉ីស្រាអែល និងអ៉ីរ៉ង់ថានឹងមានបទឈប់បាញ់ពេញលេញ និងទាំងស្រុងមួយ…ខ្ញុំនឹងសាទរប្រទេសទាំង២ អ៉ីស្រាអែល និងអ៉ីរ៉ង់មានភាពធន់ ក្លាហាន និងឆ្លាតវៃដើម្បីបញ្ចប់សង្រ្គាមដែលគួរតែត្រូវបានហៅថាសង្រ្គាម១២ថ្ងៃ»។ តាមលោក ត្រាំ បទឈប់បាញ់ នឹងចាប់ផ្ដើមដំណើរការជាដំណាក់កាលក្នុងពេល ២៤ម៉ោង នៅថ្ងៃអង្គារនេះ ដោយអ៉ីរ៉ង់នឹងបញ្ឈប់ការវាយប្រហារ ហើយ ១២ម៉ោងក្រោយមក អ៉ីស្រាអែលនឹងបញ្ឈប់ការវាយប្រហារ។ គួរបញ្ជាក់ថា កាលពីថ្ងៃអាទិត្យចុងសប្ដាហ៍កន្លងទៅ នាយករដ្ឋមន្ត្រីអ៉ីស្រាអែល លោក Benjamin Netanyahu ក៏បានលើកឡើងដែរថាអ៉ីស្រាអែលជិតសម្រេចបានគោលដៅរបស់ខ្លួនក្នុងសង្រ្គាម ផ្លូវអាកាសជាមួយអ៉ីរ៉ង់។ ចំណែក មន្ត្រីជាន់ខ្ពស់អ៉ីរ៉ង់ម្នាក់វិញបានប្រាប់ Reuters ថាតេហេរ៉ង់បានឯកភាពលើសំណើបទឈប់បាញ់ស្នើឡើងដោយសហរដ្ឋអាមេរិក៕ ផ្ដល់សិទ្ធិដោយ៖ Fresh News

(បាងកក)៖ ក្រុមអ្នករាយការណ៍ពិសេស UN បានផ្ញើលិខិតមួយទៅកាន់រដ្ឋាភិបាលថៃ ដើម្បីជុំរិញឱ្យមានការបកស្រាយឱ្យលម្អិត អំពីចំណុចសំខាន់ចំនួន១០ ពាក់ព័ន្ធទៅនឹង កិច្ចប្រឹងប្រែងរបស់ប្រទេសថៃ ក្នុងការប្រយុទ្ធប្រឆាំងអំពើជួញដូរមនុស្សឆ្លងព្រំដែន ទាក់ទងនឹង​ប្រតិបត្តិការឆបោកតាមប្រព័ន្ធអនឡាញ នៅក្នុងតំបន់អាស៉ីអាគ្នេយ៍។ នេះបើតាមការចេញផ្សាយដោយ សារព័ត៌មានថៃ The Nation នាថ្ងៃចន្ទ ទី២៣ ខែមិថុនា ឆ្នាំ២០២៥។ លិខិតរបស់ UN បានចង្អុលទៅកាន់តួនាទីដ៏សំខាន់របស់ប្រទេសថៃ ក្នុងនាមជាកន្លែងឆ្លងកាត់សម្រាប់ជនរងគ្រោះនានា ដែលត្រូវនាំយកទៅកាន់មជ្ឈមណ្ឌលឆបោកអនឡាញ នៅឯតាមប្រទេសជិតខាង ជាពិសេសតំបន់ព្រំដែនជាមួយរដ្ឋ Karen នៃប្រទេសមីយ៉ាន់ម៉ា។ អ្វីដែលគួរឱ្យបារម្ភទៅទៀតនោះ គឺប្រតិបត្តិការទាំងអស់នេះមួយចំនួន ត្រូវគេដឹងថា ពឹងផ្អែកលើធនធានមកពី​ខាងថៃ រួមមានទាំងថាមពល ទូរគមនាគមន៍ បណ្តាញហិរញ្ញវត្ថុ ជាដើម។ ក្នុងលិខិតខាងលើ UN បានទាមទារឱ្យទីក្រុងបាងកក ផ្តល់ការបកស្រាយលម្អិតពាក់ព័ន្ធសំណួរបន្ទាន់មួយចំនួន រួមមានដូចជា គោលជំហររបស់រដ្ឋាភិបាល ជុំវិញការចោទប្រកាន់ផ្សេងៗ អំពីបញ្ហាជួញដូរមនុស្ស និងឧក្រិដ្ឋកម្មឆបោកអនឡាញ, ចំណាត់ការទ្វេភាគី/ពហុភាគី, បញ្ហាប្រឈមក្នុងការកំណត់អត្តសញ្ញាណជនរងគ្រោះ, គោលការណ៍មិនដាក់ទោសទណ្ឌជនរងគ្រោះ, ការផ្តល់ការគាំទ្រនិងមើលថែទាំជនរងគ្រោះ, ការទប់ស្កាត់កុំឱ្យប្រើប្រាស់ធនធានក្នុងផ្លូវខុស, ចំណាត់ការឆ្លើយតបថ្នាក់តំបន់និងថ្នាក់ជាតិ និងការការពារសាធារណជន កុំឱ្យក្លាយជាជនរងគ្រោះ។ គួរបញ្ជាក់ថា ក្រុមអ្នករាយការណ៍ពិសេស UN […]