វិមានក្រឹមឡាំងបានប្រាប់ទៅកាន់អាមេរិកថា លោកប្រធានាធិបតីអាមេរិក ចូ បៃឌិន គ្មានសិទ្ធបង្រៀនរុស្ស៊ីអំពីឧក្រិដ្ឋកម្មសង្គ្រាមនោះទេ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសុក្រ ទី១៨ ខែមីនានេះ។ ការថ្លែងរបស់វិមានក្រឹមឡាំងដូចខាងលើនេះត្រូវបានធ្វើឡើងបន្ទាប់ពីលោក ចូ បៃឌិន កាលពីថ្ងៃពុធ កន្លងទៅបានអះអាងថា លោកប្រធានាធិបតីរុស្ស៊ី វ្ល៉ាឌីមៀ ពូទីន គឺជាឧក្រិដ្ឋជនសង្គ្រាម ព្រោះរូបលោកជាអ្នក​បញ្ជាឲ្យមានការឈ្លានពានដោយកម្លាំងយោធាចូលទៅក្នុងប្រទេសអ៊ុយក្រែនដែលបង្កឲ្យមានអ្នកបាត់បង់ជិវិតនិងបញ្ហាជាច្រើននៅជុំវិញពិភពលោក។ គួរបញ្ជាក់ជូន គិតត្រឹមពេលនេះសង្គ្រាមរបស់រុស្ស៊ីនៅលើទឹកដីអ៊ុយក្រែនបានបង្កឲ្យមានមនុស្សរាប់ពាន់នាក់បានបាត់បង់ជីវិត ពលរដ្ឋប្រមា​ណជា ៣លាននាក់ត្រូវបង្ខំចិត្តជម្លៀសខ្លួនទៅកាន់តំបន់មានសុវត្ថិភាពឬភៀសខ្លួនទៅកាន់ប្រទេសទី២ ខណៈពលរដ្ឋអ៊ុយក្រែនជាច្រើននាក់ផ្សេងទៀតកំពុងតែរស់នៅក្នុងភាពភ័យខ្លាចជាទីបំផុត។ នៅចំពោះមុខសកម្មភាពឈ្លានពានរបស់រុស្ស៊ីនេះ ពិភពលោកបាននាំគ្នាថ្កោលទោសនិងដាក់ទណ្ឌកម្មចំពោះប្រទេសរុស្ស៊ីតាមរូបភាពផ្សេងៗជាបន្តបន្ទាប់ តែប៉ុន្តែរុស្ស៊ីហាក់មិនបន្ទន់ឥរិយាបថទាល់តែសោះចំពោះសង្គ្រាមមួយនេះ៕ ដោយ៖ ខ្មែរណូត

រដ្ឋាភិបាលរុស្សីកំពុងរឹបអូសយកយន្តហោះពាណិជ្ជកម្មរាប់រយគ្រឿង ដែលជាកម្មសិទ្ធិរបស់ក្រុមហ៊ុនអាមេរិក និងអឺរ៉ុប នេះបើតាមការចុះផ្សាយរបស់សារព័ត៌មាន CNN ។ វាគឺជាសកម្មភាពថ្មីមួយទៀតរបស់រុស្ស៊ី នៅពេលដែលឧស្សាហកម្មអាកាសចរណ៍របស់ខ្លួនប្រឈមនឹងភាពតានតឹង ដោយសារការដាក់ទណ្ឌកម្មបរទេស បន្ទាប់ពីការលុកលុយរបស់រុស្ស៊ីទៅលើប្រទេសអ៊ុយក្រែន។ ប្រធានាធិបតីលោក វ្ល៉ាឌីមៀ ពូទីន បានចុះហត្ថលេខាលើច្បាប់មួយកាលពីថ្ងៃចន្ទ ដែលជាផ្នែកមួយនៃវិធានការប្រឆាំងនឹងទណ្ឌកម្មបរទេស ដែលនឹងអនុញ្ញាតឱ្យក្រុមហ៊ុនអាកាសចរណ៍រុស្ស៊ី មានសិទ្ធិចុះបញ្ជីលើយន្តហោះ ដែលខ្លួនជួលពីក្រុមហ៊ុនបរទេសនៅក្នុងប្រទេសរុស្ស៊ី។ ដូច្នេះច្បាប់នេះនឹងធ្វើក្រុមហ៊ុនអាកាសចរណ៍រុស្ស៊ី អាចរក្សាយន្តហោះដែលខ្លួនជួលពីក្រុមហ៊ុនបរទេស និងដំណើរការយន្តហោះនៅលើផ្លូវក្នុងស្រុក ប៉ុន្តែនឹងធ្វើឱ្យក្រុមហ៊ុនបរទេសកាន់តែពិបាកក្នុងការទាមទារយកយន្តហោះមកវិញ ប្រសិនគ្មានការយល់ព្រមពីរដ្ឋាភិបាលរុស្ស៊ី។ វាដូចជាការវាយបករបស់លោក ពូទីន ចំពោះទណ្ឌកម្មរបស់សហរដ្ឋអាមេរិក និងតំបន់អឺរ៉ុប នៅពេលដែលទាំងសហរដ្ឋអាមេរិក និងតំបន់អឺរ៉ុប កំពុងតម្រូវឱ្យក្រុមហ៊ុនជួលរបស់ខ្លួននៅក្នុងប្រទេសរុស្ស៊ី ដកហូតយន្តហោះដែលពួកគេជួលឱ្យក្រុមហ៊ុនអាកាសចរណ៍រុស្ស៊ីទាំងអស់ នៅចុងខែនេះ។ ជាក់ស្ដែងក្រុមហ៊ុនផលិតយន្តហោះបរទេសដូចជា Airbus (EADSF) និង Boeing (BA) ក៏បានកាត់ផ្តាច់គ្រឿងបន្លាស់ចាំបាច់ សម្រាប់ការថែទាំយន្តហោះ និងហោះហើរដោយសុវត្ថិភាព របស់ក្រុមហ៊ុនអាកាសចរណ៍រុស្ស៊ីរួចហើយដែរ។ គួរឱ្យដឹងដែរថា ក្រុមហ៊ុនអាកាសចរណ៍រុស្ស៊ីដំណើរការយន្តហោះ Airbus ចំនួន ៣០៥ គ្រឿង និងយន្តហោះ Boeing ចំនួន ៣៣២ គ្រឿង នេះបើយោងតាមទិន្នន័យដែលផ្តល់ដោយក្រុមហ៊ុនវិភាគអាកាសចរណ៍ Cirium […]

(ប្រាទីស្លាវ៉ា)៖ រដ្ឋមន្ត្រីការពារជាតិស្លូវ៉ាគី លោក ហ្សារ៉ូស្លាវ ណាដ (Jaroslav Nad) បានអះអាងនៅថ្ងៃព្រហស្បតិ៍សប្ដាហ៍នេះថា ប្រទេសរបស់លោក មានបំណងផ្ដល់ប្រព័ន្ធមីស៊ីលការពារដែនអាកាស S-300 ឱ្យអ៊ុយក្រែន ប្រសិនបើសម្ព័ន្ធមិត្ត NATO អាចរកអ្វីផ្សេងមកជំនួសឱ្យស្លូវ៉ាគីវិញ។ នេះបើតាម ការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី១៨ ខែមីនា ឆ្នាំ២០២២។ លោក ហ្សារ៉ូស្លាវ ណាដ ធ្វើការកត់សម្គាល់ខាងលើនៅក្នុងសន្និសីទសារព័ត៌មានរួមគ្នា ជាមួយសមភាគីអាមេរិក លោក ឡយដ៍ អូស្ទីន (Lloyd Austin) នៅឯក្រសួងការពារជាតិស្លូវ៉ាគី ក្នុងរដ្ឋធានីបា្រទីស្លាវ៉ា (Bratislava)។ លោក ហ្សារ៉ូស្លាវ បានបញ្ជាក់ដូច្នេះថា «យើងបាន និងកំពុងស្ថិតនៅក្នុង កិច្ចពិភាក្សាជាមួយសហរដ្ឋអាមេរិក អ៊ុយក្រែន រួមទាំងសម្ព័ន្ធមិត្តដទៃស្ដីពីលទ្ធភាពក្នុងការដាក់ពង្រាយ, បញ្ជូន ឬផ្ដល់ប្រព័ន្ធមីស៊ីលការពារដែនអាកាស S-300 ឱ្យអ៊ុយក្រែន ហើយយើងពិតជាមានបំណងធ្វើដូច្នេះ»។ ប៉ុន្តែ ជាមួយគ្នានោះដែរ រដ្ឋមន្ត្រីការពារជាតិអាមេរិក លោក អូស្ទីន មិនបានឆ្លើយតបថាតើសហរដ្ឋអាមេរិកមានបំណង ឬទទួលយកសំណើរបស់ស្លួវ៉ាគី […]

បើតាមការបោះឆ្នោតនៅលើគេហទំព័រ StadiumDB បានបង្ហាញថា ពហុកីឡដ្ឋានជាតិមរតកតេជោ (Morodok Techo National Stadium) របស់ប្រទេសកម្ពុជា បានជាប់ចំណាត់ថ្នាក់លេខ៦ ជាកីឡដ្ឋានល្អបំផុតប្រចាំឆ្នាំ២០២១ ឬ Stadium of the Year 2021 នៅក្នុងការបោះឆ្នោតជំនាន់១២ របស់ខ្លួន។ វាគឺជាការស្ទង់មតិបើកចំហដ៏ធំ និងយូរអង្វែងបំផុត ហើយសម្រាប់ឆ្នាំនេះផ្ទាល់ គិតត្រឹមថ្ងៃទី១៤ ខែមីនា ឆ្នាំ២០២២ មានសំឡេងបោះឆ្នោះចំនួន ១២ ៨៧៣ ត្រូវបានរាប់បញ្ចូលជាផ្លូរការ។ ជម្រាបផងដែរថា ពហុកីឡដ្ឋានជាតិមរតកតេជោ ត្រូវបានបើកការដ្ឋានសាងសង់កាលពីថ្ងៃទី០៤ ខែមេសា ឆ្នាំ២០១៧ នៅលើទំហំផ្ទៃដីប្រមាណ ១៦.២២ ហិកតា សំណង់ទំហំប្រហែល ៨.២៤ ម៉ឺនម៉ែត្រការ៉េ ដែលអាចផ្ទុកអ្នកទស្សនាបានរហូតដល់ ៦០,០០០ នាក់ ដោយត្រូវចំណាយថវិកានៃការសាងសង់ប្រមាណ ១.០៥០ លានយ័ន ឬ ប្រមាណជា ១៦០ ទៅ ១៧០ លានដុល្លារអាមេរិក ដែលជាជំនួយឥតសំណងពីមហាមិត្តចិន ហើយអាចរៀបចំព្រឹត្តិការណ៍ប្រកួតកីឡាថ្នាក់ជាតិ និងអន្តរជាតិកម្រិតពិភពលោក៕ […]

(ហ្សឺណែវ)៖ អង្គការសុខភាពពិភពលោក (WHO) កាលពីថ្ងៃពុធសប្តាហ៍នេះ បានប្រកាសថា ដំណើរការវាយតម្លៃលើវ៉ាក់សាំងបង្ការជំងឺ COVID-19 ឈ្មោះថា Sputnik V របស់ប្រទេសរុស្ស៉ី ត្រូវបានពន្យារពេលជាបណ្តោះអាសន្នសិន ដោយសារតែបញ្ហាជម្លោះរវាងរុស្ស៉ីនិងអ៊ុយក្រែន។ នេះបើតាមការចេញផ្សាយដោយ សារព័ត៌មាន CGTN នៅថ្ងៃព្រហស្បតិ៍ ទី១៧ ខែមីនា ឆ្នាំ២០២២។ មន្រ្តីជំនាញផ្នែកវ៉ាក់សាំងរបស់ WHO លោកស្រី ម៉ារីអាន់ចេឡា សីម៉ាវ (Mariangela Simao) បាននិយាយថា ក្រុមមន្រ្តី WHO ដំបូងឡើយ គ្រោងធ្វើដំណើរទស្សនកិច្ចទៅកាន់ប្រទេសរុស្ស៉ី នៅថ្ងៃទី០៧ ខែមីនា ដើម្បីធ្វើការពិនិត្យវាយតម្លៃទៅលើមូលដ្ឋានផលិតវ៉ាក់សាំង Sputnik V។ បើតាមលោកស្រី Simao ការពន្យារពេលនេះ គឺដោយសារបញ្ហាមួយចំនួន ដែលបានលេចឡើង ក្រោយវិបត្តិសង្រ្គាមរវាងរុស្ស៉ីនិងអ៊ុយក្រែន ដូចជាការកក់ជើងហោះហើរ និងការប្រើប្រាស់ក្រេឌីតកាតជាដើម បូករួមជាមួយបញ្ហាផ្សេងៗទៀត ទាក់ទងនឹងការធ្វើប្រតិបត្តិការ។ គួរបញ្ជាក់ថា WHO បានបន្តធ្វើការវាយតម្លៃលើវ៉ាក់សាំង Sputnik V ដើម្បីឱ្យវ៉ាក់សាំងនេះ មានការទទួលស្គាល់ តាំងតែពីឆ្នាំមុនមកម្ល៉េះ។ […]

តម្លៃប្រេងបានកើនឡើងកាលពីព្រឹកថ្ងៃពុធ (១៦ ខែមីនា) ដោយបានស្ទុះឡើងមកវិញ បន្ទាប់ពីធ្លាក់ចុះ ១ដុល្លារក្នុងមួយបារ៉ែលកាលពីប៉ុន្មានថ្ងៃមុននេះ។ ការឡើងថ្លៃជាថ្មីម្ដងទៀតនេះ ខណៈពេលដែលការលុកលុយរបស់រុស្ស៊ីលើអ៊ុយក្រែន នៅតែបន្តគ្របដណ្តប់លើការជួញដូរដែលប្រែប្រួល ទៅតាមការចរចាបទឈប់បា..ញ់។ អនាគតប្រេងឆៅរបស់ Brent​ បានកើនឡើងវិញ ៨៣សេន ឬ ០.៨% នៅតម្លៃ ១០០.៧៤ ដុល្លារក្នុង​មួយបារ៉ែល នៅម៉ោង ១ និង ២០នាទី ព្រឹក GMT (៩ និង ២០នាទីព្រឹក ម៉ោងនៅប្រទេសសិង្ហបុរី)។ ជាមួយគ្នានេះ ប្រេងឆៅរបស់អាមេរិក West Texas Intermediate (WTI) បានកើនឡើង ៥៨ សេន ឬ ០.៦ ភាគរយនៅតម្លៃ ៩៧.០២ ដុល្លារក្នុងមួយបារ៉ែល ខណៈតម្លៃនៃប្រេងទាំងនេះ កាលពីប៉ុន្មានថ្ងៃមុន បានធ្លាក់ចុះ ច្រើនជាង ១ដុល្លារអាមេរិក ដោយ Brent បានធ្លាក់ចុះមកនៅត្រឹម ៩៨.៨៦ ដុល្លារក្នុងមួយបារ៉ែល ហើយ WTI […]

(ប៉ារីស)៖ រដ្ឋមន្រ្តីការបរទេសបារំាងលោក ហ្សង់ អ៊ីវ ឡឺឌ្រីយ៉ង់ (Jean-Yves Le Drian) បានប្រាប់កាសែតបារាំង ឡឺ ប៉ារីហ្សៀង (Le Parisien) ក្នុងបទសម្ភាសន៍មួយនៅថ្ងៃពុធសប្តាហ៍នេះថា ប្រទេសបារំាងនឹងពិចារណាឲ្យរុស្ស៊ីទទួលខុសត្រូវ ចំពោះការប្រើប្រាស់អាវុធគីមី ឬអាវុធជីវសាស្រ្ត ក្នុងសង្រ្គាមនៅអ៊ុយក្រែន។ នេះបើយោងតាមការចុះផ្សាយរបស់សារព័ត៌មាន Reuters នៅថ្ងៃព្រហស្បតិ៍ ទី១៧ ខែមីនា ឆ្នាំ២០២២។ លោក ឡឺឌ្រីយ៉ង់ បាននិយាយថា «ប្រសិនបើមានការវាយប្រហារដោយសារធាតុគីមី ឬអាវុធជីវសាស្រ្ត នៅក្នុងប្រទេសអ៊ុយក្រែន យើងនឹងដឹងយ៉ាងច្បាស់ថា អ្នកណាជាអ្នកទទួលខុសត្រូវចំពោះពួកវា»។ លោកថា ការប្រើប្រាស់អាវុធគីមី ឬអាវុធជីវសាស្រ្តនេះ ជារឿងដែលមិនអាចអត់ឱនឲ្យបាន ហើយវានឹងនាំទៅរកការដាក់ទណ្ឌកម្មសេដ្ឋកិច្ចកាន់តែធំនិងធ្ងន់ធ្ងរ និងគ្មានការលើកលែងអ្វី ទាំងអស់ ទៅលើប្រទេសរុស្ស៊ី។ បើទោះបីជាយ៉ាងណា លោករដ្ឋមន្រ្តីការបរទេសបារាំង មិនបានបកស្រាយវែងឆ្ងាយអំពីទណ្ឌកម្ម ដែលត្រូវដាក់ក្នុងកាលៈទេសៈបែបនោះទេ។ គួរបញ្ជាក់ថា ក្នុងបទសម្ភាសន៍ជាមួយកាសែតអាល្លឺម៉ង់ វែល អាំ ស្ស៊ុនថាក (Welt am Sonntag) កាលពីចុងសប្តាហ៍កន្លងទៅ ប្រមុខអង្គការណាតូ (NATO) […]

សារព័ត៌មាន Business Insider បានចុះផ្សាយថា ប្រធានាធិបតីអ៊ុយក្រែនលោក Volodymyr Zelenskyy បាននិយាយថា វាអាចទៅរួចដែលថា ការឈ្លានពានរបស់ប្រធានាធិបតីរុស្ស៊ីលោក Vladimir Putin មកលើប្រទេសអ៊ុយក្រែន អាចឈានទៅដល់ការចាប់ផ្តើមនៃសង្គ្រាមលោកលើកទី៣។ លោក Zelenskyy បានប្រាប់ទៅ NBC Nightly News ថា៖«គ្មាននរណាម្នាក់អាចដឹងថា តើវាបានចាប់ផ្តើមមែនទេ ហើយតើអ្វីទៅជាលទ្ធភាពនៃសង្រ្គាមនេះ ប្រសិនបើអ៊ុយក្រែននឹងដួលរលំ ឬក្នុងករណីដែលអ៊ុយក្រែននឹងដួលរលំមែន? វាពិបាកនិយាយខ្លាំងណាស់»។ លោកបានបន្ថែមថា ៖«យើងបានឃើញរឿងនេះកាលពី ៨០ ឆ្នាំមុន នៅពេលដែលសង្រ្គាមលោកលើកទី២ បានចាប់ផ្តើម … ​​គ្មាននរណាម្នាក់នឹងអាចទស្សន៍ទាយថា តើសង្រ្គាមពេញលេញនឹងចាប់ផ្តើមនៅពេលណាទេ»។ រំលឹកផងដែរថា កាលពីថ្ងៃទី២៤ ខែកុម្ភៈ ឆ្នាំ២០២២ លោក Vladimir Putin បានចាប់ផ្តើមអ្វីដែលលោកបានហៅថា «ប្រតិបត្តិការយោធាពិសេស» នៅក្នុងប្រទេសអ៊ុយក្រែន ដែលជំរុញឱ្យមានការព្រួយបារម្ភជាសកលថា វានឹងនាំឱ្យមានសង្គ្រាមលោកលើកទី៣។ ទស្សនខ្លះយល់ថា ប្រសិនបើសហរដ្ឋអាមេរិកមិនលូកដៃចូលក្នុងបញ្ហារុស្ស៊ីឈ្លានពានអ៊ុយក្រែននោះទេ វាអាចនឹងធ្វើឱ្យសង្គ្រាមលោកលើកទី៣ កើតមានឡើង ប៉ុន្តែមានអ្នកខ្លះជំទាស់នឹងទស្សននោះ បូករួមទាំងអតីប្រធានាធិបតី Donald Trump […]

ថៃ៖ រដ្ឋាភិបាលនៃប្រទេសថៃបានសម្រេចអនុញ្ញាតឲ្យគ្រប់អ្នកដំណើរទាំងអស់អាចធ្វើដំណើរចូលទៅក្នុងប្រទេសខ្លួនបានដោយមិនចាំបាច់ធ្វើតេស្តរកជំងឺកូវីដ-១៩ ដោយម៉ាស៊ីនធំ (PCR) នោះទេ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃព្រហស្បតិ៍ ទី១៧ ខែមីនានេះ។ យ៉ាងណាក្តី អ្នកដំណើរត្រូវតម្រូវឲ្យអនុវត្តវិធានការ Test & Go ពោលគឺពេលមកដល់ទឹកដីថៃភ្លាមត្រូវធ្វើតេស្តដោយឧបករណ៍រហ័ស ហើយបើគ្មានលទ្ធផលវិជ្ជមានទេគឺពួកគេអាចបន្តដំណើរគ្រប់ទីកន្លែងក្នុងប្រទេសថៃបានភ្លាមតែម្តង។ គួររម្លឹកជូនថា នាពេលកន្លងអ្នកដំណើរអន្តរជាតិដែលចង់ទៅប្រទេសថៃត្រូវតែបង្ហាញលទ្ធផលតេស្តកូវីដ-១៩ ដោយម៉ាស៊ីនធំដែលបានធ្វើក្នុងរយៈពេលយ៉ាងតិចណាស់ ៧២ម៉ោងមុនពេលចេញដំណើរមកកាន់ប្រទេសថៃ។ ក្រោយពេលមកដល់ប្រទេសថៃភ្លាមពួកគេក៏តម្រូវឲ្យធ្វើតេស្តដោយម៉ាស៊ីនធំនៅក្នុងប្រទេសថៃម្តងទៀតផងដែរ និងត្រូវចំណាយពេលស្នាក់នៅក្នុងសណ្ឋាគារមួយយប់ដើម្បីរង់ចាំមើលលទ្ធផលតេស្តមុននឹងអាជ្ញាធរថៃអនុញ្ញាតឲ្យបន្តដំណើរទៅកាន់កន្លែងផ្សេងទៀត៕ ដោយ៖ ខ្មែរណូត

(ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅថ្ងៃទី១៧ ខែមីនា ឆ្នាំ២០២២នេះ បានបញ្ជាក់ជាថ្មីថា កម្ពុជា មិនគាំទ្រការស្ម័គ្រចិត្ត ទៅធ្វើសង្គ្រាមនៅអ៊ុយក្រែនឡើយ។ ការបញ្ជាក់ជាថ្មីបែបនេះ ធ្វើឡើងក្នុងឱកាសដែល សម្ដេចតេជោ ហ៊ុន សែន អញ្ជើញសម្ពោធដាក់ឲ្យប្រើប្រាស់ «ភូមិកុមារ SOS» ស្ថិតនៅក្នុងខេត្តព្រៃវែង នាព្រឹកថ្ងៃទី១៧ ខែមីនា ឆ្នាំ២០២២នេះ។ សម្ដេចតេជោ ហ៊ុន សែន បានបញ្ជាក់យ៉ាងដូច្នេះថា «ខ្ញុំនៅតែបញ្ជាក់ យើងចុះចិត្ដទទួលប្រជាពលរដ្ឋ មកពីអាហ្គានីស្ថាន ប៉ុន្ដែខ្ញុំនៅតែមិនអនុញ្ញាត ឲ្យប្រជាពលរដ្ឋកម្ពុជា ធ្វើទាហានស្ម័គ្រចិត្ដទៅច្បាំងនៅអ៊ុយក្រែន»។ សម្ដេចតេជោ ហ៊ុន សែន បានគូសបញ្ជាក់ថា ប្រទេសណាចង់ទៅសូមទៅៗ សូមអញ្ជើញប៉ុន្ដែពលរដ្ឋកម្ពុជាហាម ដោយសម្ដេចបញ្ជាក់ថា ការធ្វើបែបនេះ ដូចជាការយកសាំង ទៅចាក់លើភ្លើងអីចឹង។ សម្ដេចតេជោ បន្ដថា ទុកឲ្យគេចរចា ទុកឲ្យគេស្វែងរកដំណោះស្រាយទៅ ប៉ុន្តែដល់ថ្នាក់ស្ម័គ្រចិត្ត ដើម្បីទៅធ្វើទាហាន នៅអ៊ុយក្រែន និងទទួលបានសញ្ជាតិអ៊ុយក្រែនទៀតនោះ គឺសម្ដេចមិនលើកទឹកចិត្ដនោះឡើយ។ ទន្ទឹមគ្នានេះ សម្ដេចតេជោ […]