ទីក្រុង Xi’an ភាគខាងជើងប្រទេសចិន បានបញ្ជាឱ្យអ្នកស្រុកទាំង ១៣ លាននាក់ ត្រូវស្នាក់នៅក្នុងផ្ទះរបស់ពួកគេ និងរឹតបន្តឹងការធ្វើដំណើរនានា កាលពីថ្ងៃពុធ ទី២២ ខែធ្នូ ឆ្នាំ២០២១ នៅក្នុងកិច្ចខិតខំប្រឹងប្រែងបិទខ្ទប់ទីក្រុង ដើម្បីទប់ស្កាត់ការរីករាលដាលនៃជំងឺ COVID-19។ ជម្រាបដែរថា ទីក្រុងប៉េកាំងនឹងត្រូវរៀបចំធ្វើជាម្ចាស់ផ្ទះកីឡាអូឡាំពិករដូវរងាឆ្នាំ២០២២ នៅខែកុម្ភៈ ដូច្នេះប្រទេសចិនបានដាក់ការប្រុងប្រយ័ត្នរបស់ខ្លួន ស្របពេលដែលទីក្រុងមួយចំនួនក៏កំពុងប្រឈមនឹងការផ្ទុះឡើងថ្មីៗ។ ទីក្រុង Xi’an បានរាយការណ៍ពីករណីឆ្លងមេរោគថ្មីចំនួន ៥២ ករណី កាលពីថ្ងៃពុធ ដែលនាំឱ្យចំនួនសរុបកើនឡើងដល់ ១៤៣ ករណី ចាប់តាំងពីថ្ងៃទី០៩ ខែធ្នូ។ រដ្ឋាភិបាលទីក្រុងបាននិយាយនៅក្នុងសេចក្តីថ្លែងការណ៍មួយក្នុងបណ្ដាញសង្គម Weibo ផ្លូវការរបស់ខ្លួនថា «ចាប់ពីពាក់កណ្តាលអធ្រាត្រថ្ងៃព្រហស្បតិ៍តទៅ គ្រួសារទាំងអស់អាចមានសមាជិកម្នាក់ចេញទៅខាងក្រៅ រៀងរាល់ពីរថ្ងៃម្តង ដើម្បីទិញរបស់ចាំបាច់ ហើយអ្នកផ្សេងទៀតទាំងអស់ត្រូវបានបញ្ជាឱ្យនៅក្នុងផ្ទះ លើកលែងតែករណីសង្គ្រោះបន្ទាន់»។ រដ្ឋាភិបាលបាននិយាយថា អ្នកស្រុកមិនគួរចាកចេញពីទីក្រុងប្រសិនបើចាំបាច់ ដោយបន្ថែមថា អ្នកដែលចង់ចាកចេញនឹងត្រូវផ្តល់ភស្តុតាងនៃ «កាលៈទេសៈពិសេស» និងដាក់ពាក្យសុំការយល់ព្រម។ ការប្រកាសនេះបានកើតឡើងមួយថ្ងៃ បន្ទាប់ពីទីក្រុងបានចាប់ផ្តើមធ្វើតេស្ដសាកល្បងអ្នកស្រុកទាំង ១៣ លាននាក់ របស់ខ្លួន។ បើតាមការជូនដំណឹងរបស់រដ្ឋាភិបាលបានបញ្ជាក់ថា ស្ថានីយ៍រថយន្តក្រុងចម្ងាយឆ្ងាយត្រូវបានបិទ ហើយអាជ្ញាធរបានបង្កើតប៉ុស្តិ៍ត្រួតពិនិត្យជំងឺនៅលើផ្លូវហាយវេចេញពីទីក្រុង Xi’an […]

(ស្ដុកខុល)៖ ក្រុមហ៊ុនបច្ចេកវិទ្យាមួយនៅក្នុងប្រទេសស៊ុយអែត ដែលបានផលិតបន្ទះឈីបដ៏តូចល្អិតមួយបង្កប់នៅក្រោមស្បែក បាន និងកំពុងធ្វើការផ្សព្វផ្សាយឧបករណ៍មួយនេះ សម្រាប់ការប្រើប្រាស់ជំនួសឱ្យបណ្ណចាក់វ៉ាក់សាំងបង្ការ ឬលិខិតបញ្ជាក់ពីលទ្ធផលតេស្ដអវិជ្ជមាន COVID-19 ដើម្បីងាយស្រួលក្នុងការធ្វើដំណើរ ទៅកាន់ទីសាធារណៈនានានៅក្នុងប្រទេស។ នេះបើតាមការចេញផ្សាយដោយទីភ្នាក់ងាសារព័ត៌មាន AFP នៅថ្ងៃព្រហស្បតិ៍ ទី២៣ ខែធ្នូ ឆ្នាំ២០២១។ ការបង្កប់បន្ទះឈីបនៅក្រោមស្បែក គឺជារឿងដ៏កម្រមួយ ប៉ុន្តែបច្ចុប្បន្នមានប្រជាជនស៊ុយអែតកាន់តែច្រើនឡើង សម្រេចចិត្តជ្រើសរើសប្រើប្រាស់បច្ចេកវិទ្យាមួយនេះ នារយៈពេលប៉ុន្មានឆ្នាំចុងក្រោយនេះដើម្បីចៀសវាងការភ្លេចភ្លាំងយកតាមខ្លួន ឬជំនួសឱ្យបណ្ណអាជីវកម្ម, បណ្ណសេវាដឹកជញ្ជូន និងថ្មីចុងក្រោយនោះគឺបណ្ណចាក់វ៉ាក់សាំង បង្ការ COVID-19 តែម្ដង។ បន្ទះឈីបបង្កប់នៅក្រោមស្បែកខាងលើអភិវឌ្ឍឡើងដោយក្រុមហ៊ុនស៊ុយអែត DSruptive Subdermals និងត្រូវបានគេរាយការណ៍មានផ្ទុកទិន្នន័យផ្ទាល់ខ្លួនរបស់ អ្នកប្រើប្រាស់។ ថ្លែងប្រាប់ទីភ្នាក់ងារសារព័ត៌មាន AFP លោក Hannes Sjoblad ជានាយកគ្រប់គ្រងមកពីក្រុមហ៊ុន DSruptive Subdermals បានលើកឡើងដូច្នេះថា «ខ្ញុំបានបង្កប់បន្ទះឈីបមួយនៅក្នុងដៃរបស់ខ្ញុំ… ខ្ញុំមានលិខិតឆ្លងដែន COVID-19 នៅលើបន្ទះឈីបនេះ ហើយនៅពេលខ្ញុំយកទូរស័ព្ទដៃស្កែនលើបន្ទះឈីប នោះវានឹងបញ្ចេញឯកសារ PDF មួយបញ្ជាក់បណ្ណចាក់វ៉ាក់សាំងនៅលើទូរស័ព្ទដៃរបស់ខ្ញុំ»។ តែទោះជាយ៉ាងនេះក្ដី នៅតែមានការព្រួយបារម្ភជាច្រើនពីការបាត់បង់ទិន្នន័យផ្ទាល់ខ្លួន ឬការតាមដានណាមួយលើអ្នកប្រើប្រាស់ បើទោះជាខាងក្រុមហ៊ុនធានាថាការពារ ទិន្នន័យឯកជនរបស់អ្នកប្រើប្រាស់ក៏ដោយ៕ ផ្តល់សិទ្ធិដោយ៖ […]

ប្រទេសចិន បានបញ្ជាឱ្យបិទប៉ុស្តិ៍ត្រួតពិនិត្យ និងហាមឃាត់រថយន្តដឹកទំនិញជាង ៦០០០គ្រឿងមិនឱ្យចូល និងចាកចេញពីប៉ុស្តិ៍ត្រួតពិនិត្យចំនួន ៣ នៅភាគខាងជើងប្រទេសវៀតណាម ជាពិសេសនៅក្នុងខេត្ត Lang Son។ មូលហេតុដែលនាំឱ្យបិទប៉ុស្តិ៍ត្រួតពិនិត្យ គឺ ដើម្បីទប់ស្កាត់ការរីករាលដាលនៃជម្ងឺកូវីដ នៅប្រទេសវៀតណាម ដែលមានចំនួនខ្ពស់រហូតដល់ ១៦,០០០ករណីក្នុងមួយថ្ងៃ។ ជាលទ្ធផល ផលិតផលកសិកម្មនៅក្នុងរថយន្តដឹកទំនិញជាច្រើនគ្រឿង បានចាប់ផ្តើមខូច ស្អុយ រលួយជាបណ្ដើរៗ ហើយត្រូវបានដាក់លក់ក្នុងតម្លៃទាប។ គួរឱ្យដឹងថា នាពេលថ្មីៗនេះ ប្រទេសចិនបានរឹតបន្តឹងការចូល និងចេញនៃរថយន្តទំនិញ និងអ្នកបើកបរ។ ជាមួយគ្នានេះ ប្រទេសចិនបានយកគំរូផលិតផលចំនួន ៣,២០០ ដើម្បីធ្វើតេស្តរកមេរោគ និងបានរកឃើញសារធាតុកខ្វក់ចំនួន ៤៤៩ ដូច្នេះ ខ្លួនបានផ្អាកការនាំចូលអាហារសមុទ្រក្លាសេយ៉ាងហោចណាស់ ១៥ថ្ងៃ៕ ដោយ៖ ខ្មែរណូត

រដ្ឋបាលចំណីអាហារ និងឱសថសហរដ្ឋអាមេរិក (FDA) បានសម្រេចផ្តល់ការអនុញ្ញាតឱ្យមានការប្រើប្រាស់ជាបន្ទាន់ លើថ្នាំគ្រាប់ Paxlovid របស់ក្រុមហ៊ុន Pfizer ។ វាជាថ្នាំគ្រាប់សម្រាប់ព្យាបាលជំងឺ COVID-19 ដំបូងបំផុត ដែលអាចប្រើប្រាស់បានចំពោះអ្នកមានហានិភ័យខ្ពស់ ដែលមានអាយុចាប់ពី ១២ ឆ្នាំឡើងទៅ។ វេជ្ជបណ្ឌិត Patrizia Cavazzoni នាយកមជ្ឈមណ្ឌល FDA សម្រាប់ការវាយតម្លៃ និងស្រាវជ្រាវឱសថ បាននិយាយថា៖«ការអនុញ្ញាតនៅថ្ងៃនេះ ជាការណែនាំការព្យាបាលដំបូងបំផុតសម្រាប់ជំងឺ COVID-19 ដែលមានទម្រង់ជាថ្នាំគ្រាប់លេបដោយផ្ទាល់មាត់ ដែលជាជំហានដ៏សំខាន់ឆ្ពោះទៅមុខក្នុងការប្រយុទ្ធប្រឆាំងនឹងជំងឺរាតត្បាតសកល»។ FDA បាននិយាយថា ការរួមបញ្ចូលគ្នារវាង nirmatrelvir និង ritonavir នឹងមានសម្រាប់ការព្យាបាលជំងឺ COVID-19 កម្រិតស្រាលទៅមធ្យម ចំពោះមនុស្សដែលធ្វើតេស្តវិជ្ជមាន និងមានហានិភ័យខ្ពស់ក្នុងការវិវត្តទៅជាជំងឺធ្ងន់ធ្ងរ រួមទាំងការធ្លាក់ខ្លួនចូលមន្ទីរពេទ្យ ឬមរណភាព។ ថ្នាំនេះអាចប្រើបានតាមវេជ្ជបញ្ជាតែប៉ុណ្ណោះ ហើយគួរតែលេបតាមវេជ្ជបញ្ជាឱ្យបានឆាប់តាមដែលអាចធ្វើទៅបាន បន្ទាប់ពីការធ្វើរោគវិនិច្ឆ័យរួច និងក្នុងរយៈពេល ៥ថ្ងៃ បន្ទាប់ពីការចាប់ផ្តើមនៃរោគសញ្ញា។ វាមិនត្រូវបានអនុញ្ញាតសម្រាប់ការការពារជាមុន ឬក្រោយការប៉ះពាល់ទៅនឹងមេរោគនោះទេ ហើយក៏មិនត្រូវបានចាត់ទុកថា ជាការជំនួសសម្រាប់វ៉ាក់សាំងបង្ការដែរ។ យោងតាមទីភ្នាក់ងារ FDA ការព្យាបាលគឺមានរយៈពេលមិនលើសពី ៥ថ្ងៃទេ […]

(ហ្សឺណែវ)៖ លទ្ធផលសិក្សាថ្មីមួយដោយក្រុមអ្នកវិទ្យាសាស្ត្រ នៅប្រទេសអាហ្វ្រិកខាងត្បូង បានបង្ហាញនូវក្តីសង្ឃឹមបន្តិច ពាក់ព័ន្ធនឹងក្តីព្រួយបារម្ភអំពីភាពធ្ងន់់ធ្ងរ ដែលអាចបង្កឡើងដោយ វីរុស COVID-19 បំប្លែងថ្មី Omicron ប៉ុន្តែអង្គការសុខភាពពិភពលោក (WHO) នៅតែបន្តក្រើនរំលឹកថា វាហាក់ដូចជាលឿនពេកក្នុងការសន្មត់ អំពីឥទ្ធិពលពិតប្រាកដនៃវីរុសបំប្លែងថ្មីនេះ ខណៈវាកំពុងរាតត្បាតទូទាំងពិភពលោករួចទៅហើយ។ នេះបើតាមការចេញផ្សាយដោយ ទីភ្នាក់់ងារសារព័ត៌មាន Reuters នាព្រឹកថ្ងៃព្រហស្បតិ៍ ទី២៣ ខែធ្នូ ឆ្នាំ២០២១។ ខណៈការរឹតត្បិតនៅតាមបណ្តាប្រទេសអឺរ៉ុប និងអាស៊ី បាននិងកំពុងកើនឡើងនោះ ការសិក្សាអំពីឥទ្ធិពលពិតប្រាកដរបស់ Omicron ក៏នៅតែកំពុងបន្តផងដែរ។ ចាប់តាំងពីវាត្រូវបានរកឃើញជាលើកដំបូង នៅប្រទេសអាហ្វ្រិកខាងត្បូង ក្រុមអ្នកវិទ្យាសាស្ត្រទាំងមកពី WHO, អង់គ្លេស, អាមេរិក និងសូម្បីតែនៅអាហ្វ្រិកខាងត្បូងខ្លួនឯងផ្ទាល់ សុទ្ធតែបានអះអាងស្រដៀងៗគ្នាថា Omicron មានសមត្ថភាពចម្លងយ៉ាងឆាប់រហ័សជាង Delta ប៉ុន្តែវាទំនងជាមិនអាចបង្កឲ្យអ្នកជំងឺឈឺធ្ងន់ ដូចជាវីរុស Delta នោះឡើយ។ ដោយឡែកការសិក្សាថ្មីចុងក្រោយ ធ្វើឡើងដោយវិទ្យាស្ថានស្រាវជ្រាវជំងឺជាតិ (NICD) នៃប្រទេសអាហ្វ្រិកខាងត្បូង បានបង្ហាញលទ្ធផលឲ្យឃើញថា «អ្នកឆ្លងវីរុស Omicron ទំនងជាមិនមានភាពធ្ងន់ធ្ងរ ដល់ថ្នាក់ត្រូវចូលសម្រាកមន្ទីរពេទ្យ ដូចជាអ្នកដែលបានឆ្លងវីរុស Delta […]

អភិបាលនៃខេត្តភាគខាងលិចនៃទីក្រុង Osaka របស់ប្រទេសជប៉ុនបាននិយាយថា មនុស្ស ៣នាក់ ដែលបានធ្វើតេស្តវិជ្ជមានចំពោះជំងឺ COVID-19 វ៉ារ្យ៉ង់ Omicron ដែលពួកគេបានរកឃើញនាពេលថ្មីៗនេះ គឺបានឆ្លងតាមរយៈការឆ្លងក្នុងសហគមន៍។ ក្រសួងសុខាភិបាលនិយាយថា ពួកគេទំនងជាករណី Omicron ដំបូងបង្អស់នៅក្នុងប្រទេសជប៉ុន ដែលការឆ្លងគឺបណ្តាលមកពីការរីករាលដាលនៅតាមសហគមន៍។ អភិបាលខេត្ត Yoshimura Hirofumi បានប្រាប់កិច្ចប្រជុំមួយរបស់ក្រុមការងារការពារមេរោគឆ្លងនៃខេត្តកាលពីថ្ងៃពុធថា អ្នកទាំង ៣ គឺជាអ្នករស់នៅក្នុងទីក្រុង Osaka ដែលមិនមានកំណត់ត្រាថ្មីៗនៃការធ្វើដំណើរទៅបរទេសទេ ហើយលោក​ថា​ របៀបនៃ​ការ​ឆ្លង​គឺនៅ​មិន​ទាន់​ដឹង​នៅឡើយ​ទេ​។ លោក Yoshimura បាននិយាយថា ពួកគេទាំងអស់សុទ្ធតែជាគ្រួសារតែមួយ ហើយបច្ចុប្បន្នកំពុងសម្រាកនៅមន្ទីរពេទ្យ ដោយមានរោគសញ្ញាស្រាល។ ក្រសួង​សុខាភិបាល​និយាយ​ថា ២នាក់ ​ក្នុង​ចំណោម ៣​នាក់​ មាន​អាយុ​ខ្ទង់ ៣០ ឆ្នាំ និង​ម្នាក់​ជា​ក្មេង​ស្រី​អាយុ​ក្រោម ១០ ឆ្នាំ៕ ដោយ៖ ខ្មែរណូត

(ប៉ារីស)៖ រដ្ឋមន្ត្រីសុខាភិបាលបារាំងលោក អូលីវីយែ វែរ៉ង់ (Olivier Veran) បានព្រមានថា ប្រទេសអឺរ៉ុបមួយនេះនឹងមើលឃើញ ចំនួនករណីឆ្លងជំងឺ COVID-19 រហូតដល់ខ្ទង់ ១០០,០០០នាក់ក្នុងមួយថ្ងៃ ក្នុងពេលឆាប់ៗខាងមុខនេះ ខណៈខ្លួនកំពុងព្យាយាមប្រយុទ្ធនឹងរលកទី ៥ នៃការឆ្លងរាតត្បាត។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នារសៀលថ្ងៃពុធ ទី២២ ខែធ្នូ ឆ្នាំ២០២១។ លោក Olivier Veran បានរំលឹកឡើងវិញទៀតថា វីរុស COVID-19 បំប្លែងថ្មី Omicron នឹងក្លាយជាមេរោគរាតត្បាតចម្បងបំផុត ទូទាំងប្រទេសបារាំង នៅអំលុងដើមឆ្នាំ ២០២២។ យ៉ាងណាក៏ដោយ មិនមានផែនការរឹតត្បិតថ្មីណាមួយ ត្រូវបានដាក់លើតុនៅឡើយទេ ដោយអាជ្ញាធរសុខាភិបាលបារាំងនៅតែរំពឹងថា ការបង្កើនចំនួនប្រជាជន ដែលបានចាក់វ៉ាក់សាំងបង្ការរួចរាល់ នឹងនៅតែអាចបន្តឲ្យប្រទេសអឺរ៉ុបមួយនេះ ទប់ទល់នឹងវីរុស Omicron បាន។ គួរបញ្ជាក់ថា កាលពីថ្ងៃអង្គារកន្លងទៅនេះ បារាំងបានកត់ត្រាករណីឆ្លងជំងឺ COVID-19 ថ្មីៗសរុប ៧២,៨៣២ករណី និងអ្នកជំងឺ ២១០នាក់ទៀតស្លាប់ ក្នុងរយៈពេល ២៤។ […]

(ហ្សេរុយសាឡឹម)៖ អ៊ីស្រាអែលនៅថ្ងៃអង្គារសប្ដាហ៍នេះបានប្រកាសថា ខ្លួននឹងផ្តល់ការចាក់វ៉ាក់សាំងបង្ការ COVID-19 «ដូសទី៤» ជូនដល់មនុស្សដែលមានអាយុលើសពី ៦០ឆ្នាំ ចំពេលមានការព្រួយបារម្ភកាន់តែខ្លាំង អំពីការឆ្លងរាតត្បាតនៃវីរុសបំប្លែងថ្មី Omicron។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅព្រឹកថ្ងៃពុធ ទី២២ ខែធ្នូ ឆ្នាំ២០២១។ ក្រុមអ្នកជំនាញរបស់ក្រសួងសុខាភិបាលអ៊ីស្រាអែល បានផ្តល់អនុសាសន៍ឱ្យផ្ដល់ការចាក់វ៉ាក់សាំងបង្ការ COVID-19 «ដូសទី៤» ដែលជាការសម្រេចចិត្តមួយ ត្រូវបានស្វាគមន៍យ៉ាងឆាប់រហ័សដោយ នាយករដ្ឋមន្ត្រីអ៊ីស្រាអែល លោក ណាហ្វថាលី ប៊ែនណេត (Naftali Bennett) ថា ជា «ព័ត៌មានដ៏អស្ចារ្យ ដែលនឹងជួយយើងយកឈ្នះលើ រលកឆ្លងនៃវីរុសបំប្លែងថ្មី Omicron ដែលកំពុងឆ្លងរីករាលដាលយ៉ាងឆាប់រហ័ស នៅជុំវិញពិភពលោក»។ ទោះបីជាការសម្រេចចិត្តនេះ កំពុងរង់ចាំការអនុម័តជាផ្លូវការ ពីក្រុមមន្ត្រីសុខាភិបាលជាន់ខ្ពស់ក៏ដោយ លោក Naftali Bennett បានជំរុញប្រជាជនអ៊ីស្រាអែល ទៅទទួលការចាក់វ៉ាក់សាំងបង្ការ COVID-19 ដូសទី៤ ឱ្យបានឆាប់តាមដែលអាចធ្វើទៅបាន ដោយនិយាយថា «សាររបស់ខ្ញុំគឺ កុំខ្ជះខ្ជាយពេលវេលា… សូមទៅទទួលការចាក់វ៉ាក់សាំង»។ គួរបញ្ជាក់ថា ការសម្រេចចិត្តខាងលើនេះ បានកើតឡើងបន្ទាប់ពីការស្លាប់ […]

(ហ្សឺណែវ)៖ នាយកអង្គការសុខភាពពិភពលោក (WHO) ប្រចាំតំបន់អឺរ៉ុប លោក ហាន ក្លាហ្គ (Hans Kluge) នៅថ្ងៃអង្គារសប្ដាហ៍នេះ បានព្រមានប្រទេសនានាឱ្យត្រៀមលក្ខណៈសម្រាប់ «ការកើនឡើងគួរឱ្យកត់សម្គាល់» នៃករណីឆ្លង COVID-19 ដែលបង្កឡើងដោយវីរុសបំប្លែងថ្មី Omicron ហើយបានណែនាំឱ្យមានការចាក់វ៉ាក់សាំងដូសទី ៣ ឬដូសជំរុញដើម្បីទប់ទល់។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅព្រឹកថ្ងៃពុធ ទី២២ ខែធ្នូ ឆ្នាំ២០២១។ លោក Hans Kluge បានគូសបញ្ជាក់ប្រាប់សន្និសីទសារព័ត៌មានមួយ នៅឯងទីក្រុងវីយែន (Vienna) ប្រទេសអូទ្រីសថា ចាប់តាំងពីវីរុសបំប្លែងថ្មី Omicron បានលេចឡើងកាលពីចុងខែវិច្ឆិកាកន្លងទៅនេះ វាត្រូវបានគេរកឃើញនៅក្នុងយ៉ាងហោចណាស់ ៣៨ប្រទេសហើយ ក្នុងចំណោម ៥៣ប្រទេសនៃតំបន់អឺរ៉ុប ក្នុងនោះរួមទាំងប្រទេសរុស្ស៊ី និងបណ្ដាប្រទេសដែលជាអតីតដែនដីសហភាពសូវៀតផ្សេងៗទៀត ក៏ដូចជាប្រទេសតួកគីផងដែរ ហើយមានការឆ្លងរីករាលដាលយ៉ាងខ្លាំង នៅក្នុងប្រទេសមួយចំនួន ក្នុងនោះរួមមានប្រទេសដាណឺម៉ាក ព័រទុយហ្គាល់ និងចក្រភពអង់គ្លេស។ លោក Hans Kluge បាននិយាយថា «យើងអាចឃើញព្យុះមួយទៀតកំពុងបក់មក។ ក្នុងរយៈពេលប៉ុន្មានសប្តាហ៍ទៀត វីរុសបំប្លែងថ្មី […]

យោងតាមការចុះផ្សាយរបស់សារព័ត៌មាន Bangkok Post បានឱ្យដឹងថា រដ្ឋាភិបាលថៃ បានសម្រេចចិត្តផ្អាកជាបណ្តោះអាសន្នការចូលរបស់ជនជាតិថៃ និងអ្នកមកដល់បរទេស ក្រោមគ្រោងការណ៍ “Test & Go” និងកំពុងដាក់ឱ្យប្រើប្រាស់ការធ្វើចត្តាឡីស័កឡើងវិញ សម្រាប់ភ្ញៀវទេសចរអន្តរជាតិទាំងអស់នៅពេលមកដល់ ដោយសារតែការរីករាលដាលនៃវ៉ារ្យ៉ង់ Omicron ។ នាយករដ្ឋមន្ត្រី Prayut Chan-o-cha បាននិយាយថា រដ្ឋាភិបាលនឹងបញ្ឈប់ការអនុម័តកម្មវិធីថ្មីសម្រាប់ការបញ្ចូល Test & Go លើកលែងតែគម្រោង “Phuket Sandbox” ចាប់ពីថ្ងៃអង្គារ រហូតដល់ថ្ងៃទី៤ ខែមករា ប៉ុន្តែសម្រាប់ទេសចរដែលមានពាក្យស្នើសុំត្រូវបានអនុម័តពីមុន នឹងត្រូវបានអនុញ្ញាតឱ្យចូលប្រទេសថៃដូចដូចបានគ្រោងទុក។ ថ្លែងបន្ទាប់ពីធ្វើជាប្រធានកិច្ចប្រជុំនៃមជ្ឈមណ្ឌលសម្រាប់ការគ្រប់គ្រងស្ថានភាពកូវីដ-១៩ (CCSA) ឧត្តមសេនីយ៍ Prayut បាននិយាយថា ការសម្រេចចិត្តនេះ គឺផ្អែកលើការភ័យខ្លាចជុំវិញការរីករាលដាលនៃវ៉ារ្យ៉ង់ Omicron និង សុវត្ថិភាពរបស់សាធារណជនទូទៅ។ លោកបានបាននិយាយកាលពីថ្ងៃអង្គារថា អ្នកមកដល់ថ្មីនឹងឆ្លងកាត់ការធ្វើតេស្ត RT-PCR ហើយត្រូវដាក់ឱ្យធ្វើចត្តាឡីស័កក្នុងរយៈពេលពី៧ ទៅ១០ថ្ងៃ។ គួរបញ្ជាក់ផងដែរថា កាលពីខែវិច្ឆិកា រដ្ឋាភិបាលថៃបានដកតម្រូវការឱ្យធ្វើចត្តាឡីស័កសម្រាប់ភ្ញៀវទេសចរមកពីប្រទេស និងតំបន់ចំនួន ៦៣ ក្នុងកិច្ចខិតខំប្រឹងប្រែងដើម្បីកសាងឡើងវិញនូវសេដ្ឋកិច្ចដែលរងគ្រោះដោយជំងឺរាតត្បាត។ ក្នុងនោះមាន​តែ​អ្នក​ដែល​បាន​ទទួល​ថ្នាំ​បង្ការ​ពេញលេញ​ប៉ុណ្ណោះ​ ដែល​មាន​សិទ្ធិ​ស្នើសុំ​ការ​លើក​លែង​នេះ៕ […]