(រ៉ង់ហ្គូន)៖ នៅថ្ងៃចន្ទនេះ ប្រមុខរដ្ឋាភិបាលយោធាមីយ៉ាន់ម៉ា លោក មីន អោង ហ្លេង (Min Aung Hlaing) បានប្រកាសថា មនុស្សច្រើនជាង ៥,០០០នាក់ ដែលកំពុងជាប់ឃុំខ្លួន ដោយសារសកម្មភាពធ្វើបាតុកម្ម ប្រឆាំងរដ្ឋប្រហារយោធា កាលពីខែកុម្ភៈ ឆ្នាំ២០២១នេះ នឹងត្រូវដោះលែងឲ្យមានសេរីភាពវិញ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃចន្ទ ទី១៨ ខែតុលា ឆ្នាំ២០២១។ លោក មីន អោង ហ្លេង បានថ្លែងថា អ្នកទោសសរុបចំនួន ៥,៦៣៦នាក់ នឹងត្រូវដោះលែង ក្នុងឱកាសពិធីបុណ្យថាឌីងយុត (Thadingyut) ដែលនឹងប្រារព្ធឡើងនៅថ្ងៃទី២០ ខែតុលានេះ។ យោងតាមអង្គការឃ្លាំមើលស្ថានការណ៍ AAPP នៅមីយ៉ាន់ម៉ា ចាប់តាំងពីរដ្ឋប្រហារយោធា ផ្ទុះឡើងកាលពីខែកុម្ភៈ ឆ្នាំ២០២១នេះ ជនស៉ីវិលច្រើនជាង ១,១០០នាក់ បានស្លាប់ ក្នុងការបង្រ្កាបបាតុកម្ម ហើយច្រើនជាង ៨,០០០នាក់ ត្រូវបានចាប់ខ្លួន។ កាលពីខែកក្កដាកន្លងទៅ បាតុករប្រឆាំងរដ្ឋប្រហារចំនួនជាង ២,០០០នាក់ ត្រូវបានដោះលែងពីពន្ធនាគារ […]

អ្នកនាំពាក្យរដ្ឋាភិបាលកំពូលរបស់ប្រទេសជប៉ុនបាននិយាយថា ប្រទេសនេះនឹងបង្កើនសមត្ថភាពការពារមីស៊ីលរបស់ខ្លួន បន្ទាប់ពីរបាយការណ៍របស់កាសែតអង់គ្លេសមួយបានចុះផ្សាយថា ប្រទេសចិនបានបាញ់សាកល្បងមីស៊ីល Hypersonic ថ្មីមួយ។ នៅក្នុងសន្និសីទសារព័ត៌មានមួយនៅថ្ងៃច័ន្ទនេះ ប្រធានលេខាធិការខុទ្ទកាល័យលោក Matsuno Hirokazu បានលើកឡើងពីអត្ថបទមួយរបស់កាសែត Financial Times ដែលបាននិយាយថា ប្រទេសចិនបានធ្វើតេស្តសាកល្បងកាលពីខែសីហា ហើយមីស៊ីល Hypersonic ថ្មីមួយនោះត្រូវបានគេដឹងថា មានល្បឿនលឿនជាងល្បឿនសំឡេងប្រហែល ៥ដង និងពិបាកស្ទាក់ចាប់ខ្លាំងណាស់។ លោក Matsuno បាននិយាយថា គាត់ដឹងអំពីរបាយការណ៍នេះ ហើយជាក់ស្តែងប្រទេសចិនក៏គឺកំពុងបង្កើនល្បឿនអភិវឌ្ឍលើអាវុធល្បឿនលឿននានា ដើម្បីអាចមានសមត្ថភាពគេចពីប្រព័ន្ធការពារមីស៊ីល។ លោកបានគូសបញ្ជាក់ថា ទីក្រុងប៉េកាំងមិនមានតម្លាភាពអំពីការបង្កើនការចំណាយរបស់ខ្លួនក្នុងវិស័យការពារជាតិ រួមទាំងអាវុធនុយក្លេអ៊ែរ និងមីស៊ីល ទាំងគុណភាព និងបរិមាណនោះទេ ហើយថា ការពង្រីកសកម្មភាពយោធារបស់ចិននៅលើសមុទ្រ និងលើអាកាស បានក្លាយជាកង្វល់សន្តិសុខដ៏ធំមួយសម្រាប់សហគមន៍តំបន់ និងពិភពលោក។ លោក Matsuno ក៏បាននិយាយផងដែរថា ការគំរាមកំហែងថ្មីមួយចំនួនត្រូវបានគេនិយាយថា ពិបាកនឹងឆ្លើយតបជាមួយឧបករណ៍ធម្មតាៗណាស់។ លោកបាននិយាយថា ប្រទេសជប៉ុននឹងធ្វើឱ្យប្រសើរឡើងនូវសមត្ថភាពនៃការរកឃើញ តាមដាន និងស្ទាក់ចាប់របស់ខ្លួន ប្រឆាំងនឹងការគំរាមកំហែងណាមួយពីលើអាកាស។ លោកបានបន្ថែមថា ប្រទេសជប៉ុននឹងពង្រឹងសមត្ថភាពការពារអាកាស និងមីស៊ីលដ៏ទូលំទូលាយរបស់ខ្លួន ដែលដំណើរការឧបករណ៍តាមរយៈបណ្តាញកុំព្យូទ័រ៕ ដោយ៖ ខ្មែរណូត

(ស៉ីដនី)៖ កុមាររាប់ពាន់នាក់ បានវិលត្រឡប់មករៀននៅសាលារៀនវិញ នៅទីក្រុងស៊ីដនី នៅថ្ងៃចន្ទ ទី១៨ ខែតុលា ឆ្នាំ២០២១ បន្ទាប់ពីការរៀននៅផ្ទះ អស់រយៈពេលជិត ៤ខែ ខណៈទីក្រុងដ៏ធំបំផុតរបស់ប្រទេសអូស្រ្តាលីមួយនេះ បានបន្ធូរបន្ថយវិធានការរឹតត្បិតបន្ថែមទៀតត្រឹមរយៈពេលតែ ១សប្តាហ៍ប៉ុណ្ណោះ ក្រោយការដកចេញនូវវិធានការបិទខ្ទប់ ដើម្បីទប់ស្កាត់ការឆ្លងរីករាលដាលនៃជំងឺ COVID-19 របស់ខ្លួនចំពេលមានការកើនឡើងនៃអត្រាចាក់វ៉ាក់សាំង។ នេះបើយោងតាមការចេញផ្សាយដោយសារព័ត៌មាន Reuters។ ការចាក់វ៉ាក់សាំងលឿនជាងការរំពឹងទុក បាននាំមកនូវការបន្ធូរបន្ធយវិធានការរឹតត្បឹតបន្ថែមទៀត នៅរដ្ឋញូសោតវែលស៍ (New South Wales ឬ NSW) ដែលមានទីក្រុងស៊ីដនី ជារដ្ឋធានី ដែលប្រជាជនមានអាយុលើសពី ១៦ឆ្នាំបានទទួលការចាក់វ៉ាក់សាំងពេញលេញ (ចំនួន ០២ដូស) លើស ៨០ភាគរយហើយនៅចុងសប្តាហ៍នេះ។ ការពាក់ម៉ាស់ នឹងមិនត្រូវតម្រូវឱ្យអនុវត្តទៀតទេនៅក្នុងការិយាល័យ ហើយមនុស្សកាន់តែច្រើនបន្ថែមទៀត អាចប្រមូលផ្តុំគ្នាបានទាំងនៅក្នុង និងក្រៅផ្ទះ ខណៈទីក្រុងស៊ីដនី បានត្រៀមខ្លួនរួចជាស្រេច ដើម្បីរស់នៅជាមួយជំងឺ COVID-19។ ហាងលក់ទំនិញ ហាងស្រា និងកន្លែងហាត់ប្រាណអាចអនុញ្ញាត ទទួលស្វាគមន៍អ្នកដែលបានទទួលការចាក់វ៉ាក់សាំងពេញលេញរួចរាល់ ហើយក្លឹបរាត្រីអាចបើកដំណើរការឡើងវិញ សម្រាប់ការអង្គុយផឹកស្រា ខណៈពិធីមង្គលការអាចទទួលភ្ញៀវចូលរួមដោយគ្មានការកំណត់ចំនួនមនុស្សឡើយ។ រីឯសិស្សថ្នាក់មត្តេយ្យ ថ្នាក់ទី ១ […]

(អាមេរិក)៖ ក្រុមការងារសុខាភិបាលអន្តរជាតិបាននិយាយថា ផែនការដាក់ចេញថ្នាំគ្រាប់ព្យាបាលជំងឺ COVID-19 របស់ក្រុមហ៊ុន Merck ដើម្បីកាត់បន្ថយហានិភ័យនៃការស្លាប់ និងធ្លាក់ខ្លួនឈឺធ្ងន់ កំពុងតែរំលឹកឡើងវិញនូវ «វិសមភាព» នៃការចែកចាយវ៉ាក់សាំង ដែលប្រទេសមានតម្រូវការចាំបាច់ ឬប្រទេសក្រក្រី នឹងត្រូវស្ថិតនៅចុងខ្សែបន្ទាត់នៃឱកាសទទួលបានថ្នាំនេះ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាព្រឹកថ្ងៃចន្ទ ទី១៨ ខែតុលា ឆ្នាំ២០២១។ ក្រុមការងារអន្តរជាតិខាងលើនេះ បានលើកជាឧទាហរណ៍ជាក់ស្តែង អំពីអ្វីដែលបានកើតមានឡើងរួចទៅហើយ នោះគឺប្រជាជនអាហ្វ្រិកតែ «៥ភាគរយ» ប៉ុណ្ណោះ ដែលត្រូវបានចាក់វ៉ាក់សាំងបង្ការ COVID-19 បើប្រៀបធៀបជាមួយអត្រាចាក់វ៉ាក់សាំងជាង «៧០ភាគរយ» ដែលសម្រេចបាននៅក្នុងបណ្តាប្រទេសអ្នកមានភាគច្រើន។ ក្រុមហ៊ុនផលិតឱសថ Merck ដែលមានមូលដ្ឋាននៅសហរដ្ឋអាមេរិក និងប្រទេសកាណាដា កាលពីថ្ងៃទី១១ ខែតុលា កន្លងទៅថ្មីៗនេះ បានដាក់ពាក្យស្នើសុំការប្រើប្រាស់ថ្នាំគ្រាប់ ម៉ុលនូភីរ៉ាវៀរ (molnupiravir) ក្នុងករណីបន្ទាន់ ទៅកាន់រដ្ឋបាលឱសថ និងចំណីអាហារ (FDA) នៃសហរដ្ឋអាមេរិក បន្ទាប់ពីការធ្វើតេស្តទ្រង់ទ្រាយធំលើមនុស្សបានបង្ហាញថា ថ្នាំគ្រាប់នេះអាចកាត់បន្ថយការចូលសម្រាកមន្ទីរពេទ្យ និងអ្នកជំងឺបាត់បង់ជីវិត ដោយសារ COVID-19 បានរហូតដល់ទៅ ៥០%។ ទោះជាយ៉ាងណា […]

យោងតាមការចុះផ្សាយរបស់សារព័ត៌មាន រ៉យទ័រ បានរាយការណ៍ថា ក្រុមហ៊ុន AstraZeneca បានស្នើសុំការយល់ព្រមជាបន្ទាន់ ពីរដ្ឋបាលចំណីអាហារនិងឱសថអាមេរិកអាមេរិក (FDA) សម្រាប់ថ្នាំចាក់ប្រឆាំងនឹងជំងឺ COVID-19 របស់ខ្លួន ដែលជាជំហានដ៏សំខាន់មួយទៀតនៅក្នុងការប្រយុទ្ធប្រឆាំងនឹងរោគរាតត្បាត។ សមាសធាតុជីវសាស្ត្ររបស់ AstraZeneca ដែលត្រូវបានគេស្គាល់ថា AZD7442 មានអង្គទីករដែលផលិតដោយមន្ទីរពិសោធន៍ ហើយវាត្រូវបានរចនាសម្រាប់រស់នៅក្នុងខ្លួនអ្នកប្រើប្រាស់ជាច្រើនខែ ដើម្បីការពារមេរោគក្នុងករណីមានការឆ្លងជំងឺនេះ។ ថ្នាំព្យាបាលជំងឺ COVID-19 មួយនេះ គឺផ្អែកលើ Monoclonal ដែលជាអង្គធាតុអង្គទីករតែមួយ ដែលដូចទៅនឹងថ្នាំព្យាបាលរបស់គូប្រជែងខ្លួនគឺ Regeneron, Eli Lilly, និង GlaxoSmithKline និងដៃគូរបស់ខ្លួនឈ្មោះ Vir ដើម្បីបញ្ឈប់ជំងឺ COVID-19 ពីការរីករាលដាលនៅដំណាក់កាលដំបូងនៃការឆ្លងមេរោគ។ ថ្នាំចាក់របស់ AstraZeneca មានប្រសិទ្ធភាពបានរយៈពេលពីច្រើនខែទៅមួយឆ្នាំ ក៏ដូចជាការពារមនុស្សដែលមិនមានភាពស៊ាំខ្លាំងក្រោយពីចាក់វ៉ាក់សាំង COVID-19 ដោយសារតែការប្រើគីមី ឬថ្នាំច្រើននៃអ្នកដែលធ្លាប់ប្តូរសរីរាង្គ។ រំលឹកដែរថា FDA អាមេរិកបានអនុញ្ញាតឱ្យប្រើថ្នាំ Regeneron កាលពីខែកញ្ញា សម្រាប់ប្រើប្រាស់ក្នុងការការពារជំងឺ COVID-19 បន្ទាប់ពីប៉ះពាល់ជាមួយមនុស្សដែលឆ្លង។ ទោះយ៉ាងណាក៏ដោយការដាក់ពាក្យរបស់ AstraZeneca គឺសម្រាប់ការការពារជាមុន នៅមុនពេលមានការប៉ះពាល់ណាមួយ […]

(ណៃពិដោ)៖ បើតាមការចេញផ្សាយដោយ ស្ថានទូតចិនប្រចាំប្រទេសមីយ៉ាន់ម៉ា បានឱ្យដឹងថា វ៉ាក់សាំងបង្ការជំងឺ COVID-19 របស់ក្រុមហ៊ុនចិន Sinopharm ចំនួន ៤លានដូសបន្ថែមទៀត ដែលប្រទេសមីយ៉ាន់ម៉ាបានបញ្ជាទិញ ត្រូវបានដឹកមកដល់ទីក្រុងរ៉ង់ហ្គូន (Yangon) នៃប្រទេសមីយ៉ាន់ម៉ាហើយ កាលពីថ្ងៃសុក្រម្សិលមិញនេះ។ នេះបើយោងតាមការចេញផ្សាយដោយសារព័ត៌មានចិនស៉ីនហួរ នៅថ្ងៃសៅរ៍ ទី១៦ ខែតុលា ឆ្នាំ២០២១។ គិតត្រឹមថ្ងៃសុក្រម្សិលមិញនេះ ប្រទេសចិនបានផ្តល់វ៉ាក់សាំងបង្ការជំងឺ COVID-19 ចំនួន ២៦.៦លានដូសហើយ ដល់ប្រទេសមីយ៉ាន់ម៉ា ដែលក្នុងនោះមាន ៥.៩លានដូស ត្រូវបានបរិច្ចាគដោយប្រទេសចិន។ គួរបញ្ជាក់ថា បើតាមតួលេខរបស់ក្រសួងសុខាភិបាលមីយ៉ាន់ម៉ា រហូតមកទល់ពេលនេះ ចំនួនករណីឆ្លងជំងឺ COVID-19 សរុបនៅទូទាំងប្រទេសបានកើនឡើងដល់ ៤៨៥,៦៤៦ករណីហើយ ក្នុងនោះមានអ្នកស្លាប់ ១៨,២៩៧នាក់ និងអ្នកជាសះស្បើយ ៤៣៧,៨៥៥នាក់៕ ផ្តល់សិទ្ធិដោយ៖ freshnews

យោងតាមការចុះផ្សាយរបស់សារព័ត៌មាន The Nation Thailand បានឱ្យដឹងថា ប្រទេសថៃនឹងបើកដំណើរការខេត្ត-ក្រុង ចំនួន ១៥ ស្វាគមន៍ភ្ញៀវទេសចរបរទេសចាប់ពីខែវិច្ឆិកាតទៅ។ អ្នកនាំពាក្យវេជ្ជបណ្ឌិត Taweesilp Visanuyothin បានប្រកាសនៅព្រឹកថ្ងៃព្រហស្បតិ៍ ថ្មីៗនេះថា មជ្ឈមណ្ឌលគ្រប់គ្រងស្ថានភាព Covid-19 (CCSA) បានយល់ព្រមបើកខេត្ត ក្រុងចំនួន ១៥ បន្ថែមទៀតសម្រាប់ភ្ញៀវទេសចរបរទេសចាប់ពីថ្ងៃទី ១ ដល់ថ្ងៃទី ៣០ ខែវិច្ឆិកា។ ខេត្តដែលត្រូវបានគេរំពឹងថានឹងបើកឡើងវិញសម្រាប់ភ្ញៀវទេសចរបរទេសរួមមាន៖ ទីក្រុងបាងកក ,សាមុតប្រាកាន (អាកាសយានដ្ឋានសុវណ្ណភូមិ), ក្រាប៊ី (ខេត្តទាំងមូល) ,ផាំង-ង៉ា (ខេត្តទាំងមូល) ,ប្រាហួឃីរីខាន់ (ហួហ៊ីន, នងកា) ,ភេតឆាបូរី (ឆា- អាំ) ,ឈុនបុរី (ប៉ាតាយ៉ា, បាំងឡាមាំង, ណាចាមធៀន, បាងសារ៉ាយ, កោះស៊ីចាង, ស៊ីរ៉ាចា) រ៉ាណុង (កោះផៃយ៉ាំ) ឈៀងម៉ៃ (ស្រុកមឿង, រីម, ម៉ៃតាំង, ដយតាវ) ឡយ (ឈៀងខាន់) […]

ឥណ្ឌា៖ ការទិញទំនិញតាម Online គឺជាជម្រើសដ៏ពេញនិយមមួយក្នុងពេលបច្ចុប្បន្ននេះ ព្រោះតែវាបានផ្តល់ភាពងាយស្រួលយ៉ាងខ្លាំងសម្រាប់អតិថិជន ពោលគឺពួកគេអាចទិញទំនិញបានគ្រប់មុខដោយមិនចាំបាច់ចំណាយពេលចេញពីផ្ទះនោះទេ។ យ៉ាងណាក្តី ការបោកប្រាស់ក៏តែងកើតមានជារឿយៗផងដែរ ដោយអតិថិជនមួយចំនួនមិនបានទទួលទំ​និញតាមការរំពឹងទុករបស់ពួកគេនោះទេ។ ជាក់ស្តែងបើយោងតាមការចុះផ្សាយនៅក្នុងបណ្តាញសារព័ត៌មាន World of Buzz បានឲ្យដឹងថា មានបុរសជនជាតិឥណ្ឌាម្នាក់បានបញ្ជាទិញទូរស័ព្ទ iPhone 12 មួយគ្រឿងក្នុងតម្លៃ ៥៣,០០០ រូពី (៧០៦ ដុល្លារអាមេរិក) តាមរយៈគេហទំព័រ Flipkart ដែលជាផ្សារ Online មានប្រជាប្រិយភាពបំផុតនៅក្នុងប្រទេសឥណ្ឌា តែអ្វីដែលគាត់ទទួលបានជាក់ស្តែងនោះគឺជាសាប៊ូចំនួន ២ដុំទៅវិញ។ ប្រភពខាងលើបានបន្តថា ការបោកប្រាក់ក្នុងករណីខាងលើនេះគឺបានកើតឡើងក្នុងអំឡុងពេលដឹកជញ្ជូន ដោយអ្នកដឹកជញ្ជូនបានបន្លំយកទូរស័ព្ទពិតចេញពីក្នុងប្រអប់និងដាក់ជំនួសវិញដោយសាប៊ូដុសខ្លួនចំនួន ២ ដុំ ពេលយកទៅឲ្យអតិថិជន។ ជាសំណាងល្អ ពេលបើកប្រអប់ទូរស័ព្ទនោះបុរសជាអតិថិជនបានថតជាវីដេអូអំពីសកម្មភាពរបស់គាត់ក្នុងគោលបំណងទុកបង្ហោះក្នុងបណ្តាញសង្គម ហើយក្រោយទទួលបានទំនិញក្លែងក្លាយដូចនេះគាត់ក៏បានទាក់ទងទៅកាន់អ្នកលក់ភ្លាមៗដើម្បីធ្វើការតវ៉ា ដោយប្រើប្រាស់វីដេអូដែលគាត់បានថតទុកនោះជាភស្តុតាងតែម្តង។ ក្រោយមានការតវ៉ាដោយមានភស្តុតាងត្រឹមត្រូវនោះ ខាងអ្នកលក់ក៏បានផ្ញើលុយគ្រប់ចំនួនមកឲ្យគាត់វិញផងដែរ ខណៈខាងអ្នកលក់ត្រូវដោះស្រាយបញ្ហានេះជាមួយភ្នាក់ងារដឹកជញ្ជូនជាបន្តទៀតដើម្បីតាមយកទូរស័ព្ទមកវិញ៕ ដោយ៖ ខ្មែរណូត

កាណាដា៖ ក្រុមអ្នកជំនាញកាណាដាបានព្រមានថា សំលៀកបំពាក់មួយចំនួនដែលពលរដ្ឋកាណាដាបានទិញតាម Online ក្នុងតម្លៃថោកៗនោះគឺមានផ្ទុកនូវសារធាតុគីមីដែលអាចបង្កឲ្យមានគ្រោះថ្នាក់យ៉ាងខ្លាំងចំពោះសុខភាព។ គួរបញ្ជាក់ជូនថា នាពេលបច្ចុប្បន្ននេះមានពលរដ្ឋកាណាដាជាច្រើនកំពុងតែរីករាយក្នុងការទិញទំនិញពីប្រទេសចិនតាមរយៈគេហទំព័រ AliExpress ឬ Shein ព្រោះទំនិញនៅក្នុងផ្សារ Online ទាំងនេះហាក់មានតម្លៃថោក ខណៈការដឹកជញ្ជូនទំនិញវិញគឺមានភាពឆាប់រហ័សនិងងាយស្រួលទៀតផង។ ទំនិញដែលពលរដ្ឋកាណាដាបានបញ្ជាទិញភាគច្រើននោះគឺសំលៀកបំពាក់ដែលមានតាំងពីខោអាវសម្រាប់ទារក កូនក្មេង មនុស្សពេញវ័យ រហូតដល់មនុស្សចាស់ និងសម្ភារសម្រាប់តុបតែងខ្លួនមួយចំនួនផងដែរ។ យ៉ាងណាក្តី បើតាមលោក Miriam Diamond ដែលជាអ្នកជំនាញផ្នែកសារធាតុគីមីនិងជាសាស្រ្តាចារ្យម្នាក់ប្រចាំនៅសាកលវិទ្យាល័យ Toronto និងបានដឹកនាំការសិក្សាមួយចំពោះសំលៀកបំពាក់ទាំងអស់នោះបានរកឃើញថា សំលៀកបំពាក់ ១​ ក្នុងចំណោម ៥ គឺមានផ្ទុកនូវសារធាតុគីមី ដែលអាចបង្កឲ្យមានជំងឺមហារីកស្បែក បេះដូង និងបញ្ហាសុខភាពផ្សេងៗជាច្រើនទៀតផងដែរ។ ក្រោយការរកឃើញនេះ លោក Miriam Diamond បានអំពាវនាវឲ្យពលរដ្ឋគ្រប់រូបត្រូវចេះប្រុងប្រយ័ត្នចំពោះបញ្ហានេះ ពោលគឺត្រូវចេះជ្រើសរើសសំលៀកបំពាក់ដែលមានគុណភាពខ្ពស់ ជាជាងជ្រើសរើសសំលៀកបំពាក់ដែលមានតម្លៃថោក។ ជាងនេះទៅទៀតលោក Miriam Diamond ក៏បានស្នើឲ្យអាជ្ញាធរកាណាដាត្រូវធ្វើការរឹតបន្តឹងការនាំទំនិញមកពីប្រទេសចិនផងដែរ ដោយត្រូវពិនិត្យអំពីគុណភាពនៃទំនិញឲ្យបានច្បាស់លាស់មុននឹងសម្រចឲ្យទំនិញទាំងនោះចូលមកក្នុងទឹកដីកាណាដា៕ ដោយ៖ ខ្មែរណូត

(បាងកក)៖ ក្រសួងសុខាភិបាលថៃនៅថ្ងៃសៅរ៍ ទី១៦ ខែតុលា ឆ្នាំ២០២១នេះ បានរាយការណ៍ពីការរកឃើញករណីឆ្លងជំងឺ COVID-19 ថ្មីៗចំនួន ១០,៦៤៨ករណីបន្ថែមទៀត ក្នុងរយៈពេល ២៤ម៉ោងចុងក្រោយនេះ។ នេះបើតាមការចេញផ្សាយដោយ សារព័ត៌មានថៃ Bangkok Post។ បើតាមក្រសួងសុខាភិបាលថៃ ក្នុងចំណោមករណីឆ្លងថ្មីៗខាងលើនេះ មាន ១០,៥៧៣ករណី ត្រូវបានរកឃើញនៅលើប្រជាជនថៃទូទៅ និង ១១១ករណីទៀត ត្រូវបានរកឃើញនៅលើអ្នកទោសតាមពន្ធនាគារ។ ក្រៅពីការរកឃើញករណីឆ្លងថ្មីៗខាងលើនេះ អ្នកជំងឺចំនួន ៨២នាក់បន្ថែមទៀត ក៏ត្រូវបានរាយការណ៍ថាស្លាប់ផងដែរ ក្នុងរយៈពេល ២៤ម៉ោងចុងក្រោយដូចគ្នា។ ដោយឡែកអ្នកជំងឺចំនួន ១០,៧៩៤នាក់ផ្សេងទៀត ទើបតែត្រូវបានអនុញ្ញាតឱ្យចាកចេញពីមន្ទីរពេទ្យ ក្រោយជាសះស្បើយ។ គួរបញ្ជាក់ថា រហូតមកទល់ពេលនេះ ប្រទេសថៃបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេសចំនួន ១,៧៧២,៨៣៨ករណី ក្នុងនោះមានអ្នកស្លាប់ ១៨,២០៥នាក់ និងអ្នកជាសះស្បើយឡើងវិញ ១,៦៤៧,២៥៥នាក់។ គិតត្រឹមពេលនេះ ប្រទេសថៃមានអ្នកចាក់វ៉ាក់សាំងបង្ការ COVID-19 សរុប ៦៣.៧១លានដូស ក្នុងនោះប្រជាជន ២៥.១៤លាននាក់ (៣៥.៩៥% នៃចំនួនប្រជាជនសរុប) បានទទួលការចាក់គ្រប់ដូស៕ ផ្តល់សិទ្ធិដោយ៖ freshnews