(ភ្នំពេញ)៖ ក្រុមបាល់ទះជម្រើសជាតិកម្ពុជា បានកក់កៅអីវគ្គពាក់កណ្ដាលផ្ដាច់ព្រ័ត្រ លើវិញ្ញាសាបាល់ទះបុរសក្នុងសាល នៃព្រឹត្តិការណ៍កីឡាស៊ីហ្គេម លើកទី៣២ នៅកម្ពុជាហើយ ក្រោយយកឈ្នះដាច់ ៣ប្រកួតជាប់ៗគ្នា ក្នុងពូលA កាលពីថ្មីៗ។ សម្រាប់ប្រកួតទី១ ក្រុមបាល់ទះកម្ពុជា បានយកឈ្នះក្រុមជម្រើសជាតិសិង្ហបុរី ៣-០សិត ជាមួយពិន្ទុ ២៥-១៤, ២៥-១៩ និង ២៥-២០ពិន្ទុ ។ រីឯប្រកួតទី២ កាលពីម្សិលមិញ ក្រុមម្ចាស់ផ្ទះកម្ពុជា បានយកឈ្នះក្រុមជម្រើសជាតិហ្វីលីពីន ៣-០សិត ជាមួយពិន្ទុ ២៥-១៨, ២៥-១៨ និង ២៥-១៧ពិន្ទុ ។ តាមរយៈជ័យជម្នះនេះ នាំឲ្យក្រុមម្ចាស់ផ្ទះកម្ពុជា ឈរកំពូលតារាងពូល A បណ្ដោះអាសន្ន និងមាន ៦ពិន្ទុពេញ ស្មើក្រុមជម្រើសជាតិឥណ្ឌូនេស៊ី ដែលយកឈ្នះគូប្រកួត ២ប្រកួតដូចគ្នា មុនក្រុមទាំងពីរ ត្រូវជួបគ្នាដណ្ដើមលេខ១ ក្នុងពូល នាល្ងាចថ្ងៃទី០៦ ខែឧសភាស្អែក ។ ចំណែកក្រុមសិង្ហបុរី និងហ្វីលីពីន បានធ្លាក់ទៅហើយ ។ ក្រឡេកទៅចាប់អារម្មណ៍ពូល B វិញ […]

(ភ្នំពេញ)៖ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានសហព័ន្ធខ្មែរកីឡាហែលទឹកកម្ពុជា នារសៀលថ្ងៃទី០៤ ខែឧសភា ឆ្នាំ២០២៣នេះ បានអញ្ជើញជួបសំណេះសំណាលជាមួយគ្រូបង្វឹក កីឡាករ កីឡាការិនី ចំនួន ៤៩រូប ដើម្បីផ្តល់កម្លាំងចិត្តជូនដល់កីឡាករ កីឡាការិនី និងគ្រូបង្វឹកនៃសហព័ន្ធខ្មែរកីឡាហែលទឹក ដែលនឹងចូលរួមក្នុងព្រឹត្តិការណ៍ប្រកួតកីឡាស៊ីហ្គេម លើកទី៣២ ឆ្នាំ២០២៣។ លើកឡើងនាឱកាសនោះលោកទេសរដ្ឋមន្ត្រី ស៊ុន ចាន់ថុល ក្នុងនាមប្រធានសហព័ន្ធខ្មែរកីឡាហែលទឹកកម្ពុជា បានថ្លែងកោតសរសើរ និងអំណរគុណដល់កីឡាករ កីឡាការិនី និងគ្រូបង្វឹកគ្រប់រូប ដែលបានចំណាយទាំងកម្លាំងកាយចិត្ត និងពេលវេលាក្នុងការហ្វឹកហាត់តាំងពីដើមរហូតមកដល់ការប្រកួតនាពេលនេះ និងបានប្រកាសលើកទឹកចិត្តបន្ថែមចំនួន ១ម៉ឺនដុល្លារដល់កីឡាករ កីឡាការិនីហែលទឹកកម្ពុជា ដែលដណ្តើមបានមេដាយមាសក្នុងព្រឹត្តិការណ៍ប្រកួតកីឡាស៊ីហ្គេមនេះ។ បន្ថែមពីនេះលោកទេសរដ្ឋមន្ត្រី ស៊ុន ចាន់ថុល ក៏បានបង្ហាញមោទនភាពចំពោះកីឡាករ កីឡាការិនី និងក្រុមគ្រួសារ ដែលជាកូនខ្មែរនៅបរទេស បានខិតខំបញ្ជូនកូន និងសាច់ញាតិឱ្យមកចូលរួមប្រកួតតំណាងឱ្យកម្ពុជា ក្នុងឱកាសព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះនេះ ដែលនេះហើយគឺជាការរួបរួមសាច់ឈាមខ្មែរ បេះដូងជាខ្មែរ ដែលតែងតែមកជួយដល់ជាតិខ្មែរ បើទោះជាមិនបានរស់នៅក្នុងប្រទេសក៏ដោយ។ ជាមួយគ្នាដែរលោកទេសរដ្ឋមន្ត្រី ស៊ុន ចាន់ថុល ក៏បានបញ្ជាក់ដែរថា ដោយសារតែប្រទេសជាតិមានសុខសន្តិភាពពេញលេញ […]

ខេត្តកំពង់ធំ៖ យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា នៅព្រឹកព្រលឹមថ្ងៃទី០៥ ខែឧសភា ឆ្នាំ២០២៣ ក្បួនដង្ហែព្រះអគ្គិជ័យកីទ្បា និងភ្លើងគប់កីឡា ដែលដឹកនាំដោយឯកឧត្តម នី ផល្លី រដ្ឋលេខាធិកាក្រសួងទេសចរណ៍បេសកជនពិសេស CAMSOC ទទួលបន្ទុកក្នុងប្រទេស ឯកឧត្ដម ងួន រតនៈ អភិបាល នៃគណៈអភិបាលខេត្តកំពង់ធំ បានរៀបចំពិធីដង្ហែព្រះអគ្គិជ័យកីទ្បាចាកចេញពីវត្តឥន្រ្ទីសំវរៈ ហៅវត្តកំពង់ធំ បន្តឆ្ពោះទៅរាជធានីភ្នំពេញ ដើម្បីចូលក្នុងពហុកីឡដ្ឋានមរតកតេជោ ដើម្បីបើកកម្មវិធីសម្ពាធជាផ្លូវការនៃព្រឹត្តិការណ៍ សុីហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ សូមបញ្ជាក់ជូនថា បន្ទាប់ពីបញ្ចប់ការរាប់ថយក្រោយ ១០០ថ្ងៃនៃដំណើរឆ្ពោះទៅធ្វើម្ចាស់ផ្ទះ នៃការប្រកួតកីឡាស៊ីហ្គេម លើកទី៣២រួចមក, នៅថ្ងៃទី៥ ខែឧសភា ឆ្នាំ២០២៣នេះ កម្ពុជានឹងត្រូវប្រារព្ធពិធីបើកការប្រកួតជាផ្លូវការ នៃព្រឹត្តិការណ៍កីឡាជាប្រវត្តិសាស្ត្រ នៅល្ងាចនេះ ៕ ប្រភព៖ ក្រសួងព័ត៌មាន

(ភ្នំពេញ)៖ បាល់ទះក្នុងសាលផ្នែកបុរស ក្រុមជម្រើសជាតិកម្ពុជា យកឈ្នះហ្វីលីពីន ៣-0 នៃលំដាប់ពិន្ទុ ២៥-១៨, ២៥-១៨, ២៥-១៧ នេះជាប្រកួតទី២ របស់ក្រុមម្ចាស់ផ្ទះកម្ពុជា ស្ថិតក្នុងពូល A ធ្វើឲ្យកម្ពុជា រកបាន ៦ពិន្ទុបណ្តោះអាសន្ន ដ្បិតសល់ ១ប្រកួតត្រូវជួបក្រុមឥណ្ឌូនេស៊ី។ ឆ្លងកាត់ ២ប្រកួតក្រុមហ្វីលីពីន និងសិង្ហបុរី នៅតែមិនអាចរកបានពិន្ទុរាប់នោះទេ។ ដែលការប្រកួតទទួលបានអ្នកគាំទ្រយ៉ាងច្រើនកុះករចូលទស្សនាការប្រកួតនាកីឡដ្ឋានជាតិអូឡាំពិក នៃព្រឹត្តិការណ៍កីឡាស៊ីហ្គេម២០២៣។ ផ្តល់សិទ្ធិដោយ៖ freshnews

(ភ្នំពេញ)៖ ប្រមុខរដ្ឋឡាវ លោក ថងលុន ស៊ីសុលីត បានថ្លែងកោតសរសើរការរៀប​ចំ​​ព្រឹត្តិការណ៍ប្រកួតស៊ីហ្គេមលើកទី៣២ នៅកម្ពុជា និងរំពឹងថា កម្ពុជាទទួលបាន​មេដាយច្រើនក្នុងការប្រកួតនេះ។ លោក ថងលុន ស៊ីសុលីត ថ្លែងកោតសរសើរបែបនេះនៅក្នុងជំនួបពិភាក្សាការងារ​ជាមួយសម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃទី០៤ ខែឧសភា ឆ្នាំ២០២៣នេះ។ លោក អ៊ាង សុផល្លែត ជំនួយការផ្ទាល់របស់សម្តេចតេជោ បានឱ្យដឹងថា នៅក្នុង​ជំនួបនេះ លោក ថងលុន បានថ្លែងអំណរគុណសម្ដេចតេជោ ដែល​បាន​អញ្ជើញ​លោកចូលរួមក្នុងពិធីបើកកីឡាស៊ីហ្គេមនៅកម្ពុជា។ លោកបន្តថា លោកពិតជា​មានកិត្តិយស ហើយរីករាយជាមួយការរៀបចំដ៏ល្អរបស់កម្ពុជា។ លោកមានជំនឿ ជឿជាក់ថា កម្ពុជា នឹងទទួលបានជោគជ័យ និងទទួលបានមេដៃមាសច្រើន។ នៅក្នុងជំនួបនេះ លោក ថងលុន បានគោរពថ្លែងអំណរគុណ​សម្ដេចតេជោ ដែល​បានចូលរួមជួយការលំបាករបស់ឡាវ ទាំងវិស័យសុខាភិបាល និងវិស័យសេដ្ឋកិច្ច។ ប្រមុខរដ្ឋឡាវ បានគូសរំលេចដែរថា ទំនាក់ទំនងរវាងកម្ពុជា និងឡាវ កំពុងតែស្ថិត​ដល់ចំណុចកំពូល ហើយអ្វីដែលត្រូវធ្វើបន្ត គឺរួមគ្នាធ្វើឱ្យទំនាក់​ទំនងនេះ ឈានឆ្ពោះ​ឡើងមួយកម្រិតទៀត តាមរយៈការរួមគ្នាអនុវត្តតាមកិច្ចព្រមព្រៀងដែលមានស្រាប់ និងស្វែងរកិច្ចសហប្រតិបត្តិការផ្សេងបន្ថែមទៀត ដូចជា៖ […]

(ភ្នំពេញ)៖ ចំនួនមេដាយ ៩គ្រឿងនឹងធ្វើការបំពាក់ដល់កីឡាករ-កីឡាការិនី ដែលទទួលបានជយលាភី ក្នុងព្រឹត្តិការណ៍ SEA Games 2023 នៅកម្ពុជាលើកដំបូង។ នេះបើយោងតាមកម្មវិធីរបស់ CAMSOC ដែលអង្គភាព Fresh News ទទួលបាន។ ការបំពាក់មេដាយលើកដំបូងនេះនៅ SEA Games លើកទី៣២ នេះដែរនឹងត្រូវរៀបចំឡើង ក្រោយប្រភេទកីឡាមួយចំនួនបានចាប់ផ្តើមប្រកួតតាំងពីថ្ងៃទី២៩ ខែមេសា ឆ្នាំ២០២៣ មក មុនពេលពិធីបើកព្រឹត្តិការណ៍កីឡាចម្រុះនេះ នឹងធ្វើឡើងនៅល្ងាចថ្ងៃទី០៥ ខែឧសភាស្អែកនេះ។ ពិធីបំបាក់មេដាយផ្នែកកីឡាជឺជីតស៊ូ គ្រោងនឹងរៀបចំ ក្រោយបញ្ចប់ការប្រកួតនាល្ងាចនេះតែម្តង នៅមជ្ឈមណ្ឌលសន្និសីទ និងពិព័រណ៌អន្ដរជាតិ ជ្រោយចង្វារ (OCIC) នៅពេលកីឡាការិនីសក្តានុពលកម្ពុជា ខាន់ ចេសា ក៏នឹងប្រកួតនៅថ្ងៃនេះដែរ ក្នុងប្រភេទទម្ងន់ ៥២គីឡូក្រាម៕ ផ្តល់សិទ្ធិដោយ៖ freshnews

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានចេញមកសូម​ការ​យោគ​យល់ និងអធ្យាស្រ័យពីសំណាក់ប្រជាពលរដ្ឋ ពាក់ព័ន្ធនឹងសំបុត្រចូលរួមទស្ស​នា​​ការប្រកួតបាល់ទាត់ ក៏ដូចជាសំបុត្រចូលរួមពិធីបើក និងបិទព្រឹត្តិការណ៍ស៊ីហ្គេម។ ក្នុងសារពិសេសផ្ញើជូនជនរួមជាតិនៅព្រលប់ថ្ងៃទី០៣ ខែឧសភា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា ស្តាតអូឡាំពិក ដែលបម្រើការប្រកួត​បាល់​ទាត់ ក៏ដូចជាវិមានកីឡដ្ឋាន (ស្តាតមរតកតេជោ) បម្រើការរៀបចំពិធីបិទ និង​បើក​ព្រឹត្តិការណ៍ប្រកួតស៊ីហ្គេម ចំនួនកៅអីមានកំណត់ ហើយអ្នកចង់​ចូលរួម​មាន​ចំនួនច្រើន។ សម្តេចតេជោ ហ៊ុន សែន បានមានប្រសាសន៍ថា «ខ្ញុំព្រះករុណា ខ្ញុំ សូមបញ្ជាក់ថា យើងគ្មានជម្រើសឱ្យល្អជាងនេះទៀតទេ។ ទីធ្លាយើង មានត្រឹមប៉ុណ្ណឹង កន្លែងយើង​តូច ប៉ុន្តែមនុស្សចូលមើលច្រើន។ កន្លែងយើងតូច តែមនុស្សចង់ចូលរួមមានច្រើន។ ដូច្នេះយើងមិនអាចបំពេញចិត្តមនុស្សគ្រប់គ្នាបានទេ»។ សម្តេចតេជោ បន្ថែមថា «ខ្ញុំព្រះករុណា ខ្ញុំ សូមចិត្តបងប្អូនយោគយល់​ចំពោះការ​លំបាក​មួយនេះ ដែលរាជរដ្ឋាភិបាលគ្មានលទ្ធភាពនឹងដោះស្រាយនោះទេ។ អ្នកដែលទទួលបាន គឺសប្បាយចិត្ត អ្នកមិនបានទទួល មិនសប្បាយចិត្ត»។ សម្តេចតេជោ ហ៊ុន សែន សូមឱ្យប្រជាពលរដ្ឋខ្មែរបញ្ឈប់ការវាយប្រហារលើអ្នក​រៀប​ចំ ពាក់ព័ន្ធនឹងបញ្ហាសំបុត្រនេះ […]

(ភ្នំពេញ)៖ អ្នកទទួលបន្ទុកដឹកនាំក្រុមអត្តពលិក នៃប្រទេសសិង្ហបុរី និងជាសមាជិកក្រុមប្រឹក្សាកីឡាអូឡាំពិកសិង្ហបុរី(SNOC) សម្រាប់ការប្រកួតស៊ីហ្គេម លើកទី៣២ នៅកម្ពុជា លោក Hing Siong Chen បានសម្ដែងការពេញចិត្តជាខ្លាំង ចំពោះការស្វាគមន៍ និងការរៀបចំរបស់កម្ពុជា បន្ទាប់ពីលោកបានដឹកនាំក្រុមជម្រើសជាតិរបស់ខ្លួនមកដល់កម្ពុជាប៉ុន្មានថ្ងៃប៉ុណ្ណោះ ។ នេះបើតាមយោងតាមការចុះផ្សាយរបស់សារព័ត៌មាន CNA ។ ថ្លែងប្រាប់ CNA នៅថ្ងៃពុធ ទី០៣ ខែឧសភា បន្ទាប់ពីពិធីស្វាគមន៍ក្រុមកីឡា នៅពហុកីឡដ្ឋានជាតិមរតកតេជោ ក្នុងរាជធានីភ្នំពេញ លោក Hing Siong Chen បាននិយាយថា ប្រទេសម្ចាស់ផ្ទះធ្វើបានល្អហើយ។ លោកថា «យើងបានទៅពីរបីកន្លែងនៅភ្នំពេញ យើងបានទៅប្រកួតកីឡាគ្រីឃីត យើងបានទៅកន្លែងប្រកួតកីឡាវាយកូនគោល ពួកយើងក៏បានដើរមើលកម្សាន្តជុំវិញអាងហែលទឹក។ ពួកគេមានកន្លែងហាត់ប្រាណថ្មីមួយ ដែលពួកគេបានសាងសង់ ដែលជាកន្លែងហាត់ប្រាណដ៏ធំសម្រាប់អត្តពលិក ។ ដូច្នេះពួកគេអាចធ្វើការហ្វឹកហាត់របស់ពួកគេផងដែរ» ។ ប្រធានសហព័ន្ធកីឡាទោចក្រយានសិង្ហបុរីដដែលបន្ដថា «ពួកគេ(ប្រទេសកម្ពុជា) បានដឹងពីអ្វីដែលអត្តពលិកត្រូវការ។ ពួកគេក៏ជាអត្តពលិកដែលឥឡូវនេះ បានក្លាយជាអ្នករៀបចំ។ ពួកគេបានគ្រោងទុកវាយ៉ាងល្អ ហើយវានឹងមានច្រើនជាងនេះទៅទៀតសម្រាប់ការប្រកួត។ ពួកគេបានធ្វើការងារបានល្អ»។ នេះជាលើកដំបូងរបស់កម្ពុជាដែលធ្វើជាម្ចាស់ផ្ទះព្រឹត្តិការណ៍ថ្នាក់តំបន់។ ស៊ីហ្គេមលើកទី៣២ ដោយមាន […]

(ភ្នំពេញ)៖ គណៈកម្មាធិការជាតិ រៀបចំការប្រកួតកីឡាស៉ីហ្គេម លើកទី៣២ (CAMSOC) បានចំណាយថវិកាប្រហែល៥០ម៉ឺនដុល្លារ ដើម្បីបំពាក់ WiFi សាធារណៈដោយឥតគិតថ្លៃ (Public WiFi) នៅពហុកីឡដ្ឋានជាតិមរតកតេជោ និងពហុកីឡដ្ឋានជាតិអូឡាំពិក នៃព្រឹត្តិការណ៍ស៊ីហ្គេម។ នេះបើតាមការបញ្ជាក់ឲ្យដឹងពីលោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍។ ការបញ្ជាក់ឲ្យដឹងបែបនេះ របស់លោក ជា វ៉ាន់ដេត ធ្វើឡើងក្នុងពីធីចុះហត្ថលេខា លើអនុស្សរណៈនៃការយោគយល់ សម្រាប់កិច្ចសហប្រតិបត្តិការ ដាក់ឲ្យប្រើថ្នាលផ្ទៀងផ្ទាត់ ឯកសារ verfy.gov.kh ការរៀបចំប្រព័ន្ធបច្ចេកវិទ្យាឌីជីថល និងការរៀបចំហេដ្ឋារចនាសម្ព័ន្ធ និងការតភ្ជាប់អ៊ីនធឺណេត រវាងក្រសួងប្រៃសណីយ៍ និងក្រសួងកសិកម្ម នៅរសៀលថ្ងៃទី២ ខែឧសភា ឆ្នាំ២០២៣នេះ។ លោក ជា វ៉ាន់ដេត បានបញ្ជាក់យ៉ាងដូច្នេះថា «ព្រឹត្តិការណ៍ស៊ីហ្គេមនេះ យើងមាន២កន្លែងធំៗ សំខាន់ៗ ទី១៖ ពហុកីឡដ្ឋានជាតិមរតកតេជោ និងទី២៖ ពហុកីឡដ្ឋានជាតិអូឡាំពិក, ក្រសួងបានបំពាក់ Public WiFi ដែលប្រើប្រាស់ថវិកា ប្រហែល៥០ម៉ឺនដុល្លារ សម្រាប់អ្នកប្រើប្រាស់»។ លោក […]

(ភ្នំពេញ)៖ សហព័ន្ធកីឡាអុកចត្រង្គកម្ពុជា (COF) បានទទួលថវិកាឧបត្ថម្ភពីលោកស្រី សាល រីណា ចំនួន ១០០ដុល្លារ ជូនលោកតា ហាក់ ស៊ាងឡាយ នៅស្រុកស្នួល ខេត្តក្រចេះ។ នេះបើតាមការបញ្ជក់របស់សហព័ន្ធកីឡាអុកចត្រង្គ។ លោកតា ហាក់ ស៊ាងឡាយ ជន្មាយុ ៨៦ឆ្នាំ បានជិះម៉ូតូពីស្រុកស្នួល ខេត្តក្រចេះ ដើម្បីមកមើលការប្រកួតស៉ីហ្គេម កីឡាអុកចត្រង្គ។ លោកតា ហាក់ ស៊ាងឡាយ បានសម្តែងភាពសប្បាយចិត្ត ដែលបានមកភ្នំពេញម្តងទៀត ដើម្បីមកមើលកីឡានេះផ្ទាល់។ គាត់នឹងត្រឡប់ទៅវិញដោយជិះម៉ូតូដដែល។ លោកតាបានប្រាប់ដល់លោក ឃាង ពីវ អនុប្រធានសហព័ន្ធកីឡាអុកចត្រង្គថា ទោះជាជិះម៉ូតូមកដល់ជាដង្ហើមចុងក្រោយ ក៏គាត់ត្រូវមើលការប្រកួតអុកខ្មែរនៅក្នុងស៊ីហ្គេម ដែលខ្មែរធ្វើជាម្ចាស់ផ្ទះឲ្យបានដែរ។ និមិត្តរូបរបស់លោកតា គឺកីឡាករ ឈាវ បូរ៉ា។ សូមជម្រាបថា កីឡាអុកចត្រង្គ បាននិងកំពុងដំណើរការនៅសាកលវិទ្យាល័យភូមិន្ទភ្នំពេញ តាំងពីព្រឹកថ្ងៃទី២៩ ខែមេសា ឆ្នាំ២០២៣។ ប្រទេសដែលចូលរួមស៉ីហ្គេម លើប្រភេទកីឡាអុកចត្រង្គ មាន៧ គឺឡាវ ហ្វីលីពីន ថៃ ម៉ាឡេស៉ី វៀតណាម […]