(ភ្នំពេញ)៖ កីឡាការិនីជឺជីតស៊ូ ខាន់ ចេសា បានបង្ហាញមោទនភាពជាយ៉ាងខ្លំាងដែលបានប្រកួតស៊ីហ្គេមលើកទី៣២ នៅក្នុងប្រទេសកម្ពុជា ដែលចាប់ផ្តើមពីថ្ងៃទី៥ ខែឧសភា ឆ្នាំ២០២៣ ខាងមុខនេះ។ ក្នុងនាមជាកូនខ្មែរកាត់ ៣សាសន៍ កីឡាការិនីដ៏ល្បីរូបនេះ បាននិយាយថា «នៅពេលដែលខ្ញុំប្រកួត​ ប្រជាជាតិទាំងមូល នឹងនៅជាមួយខ្ញុំជានិច្ច»។ ខាន់ ចេសា ជាកីឡាការិនីកូនកាត់ ផ្នែកកីឡាជឺជីតស៊ូ ដែលមានឪពុកជាជនជាតិខ្មែរ និងម្ដាយជាជនជាតិម៉ិកសិចកូកាត់អាមេរិក។ កើតនៅថ្ងៃទី០៨ ខែតុលា ឆ្នាំ២០០១ នៅរដ្ឋ Texas, ខាន់ ចេសា បានសិក្សាផ្នែកកីឡាដោយបានហាត់លើ កីឡាការ៉េតេដូ រាបាំបាលេ កីឡាបាល់ទាត់ និងបានហាត់រៀនកីឡា ជឺជីតស៊ូនៅអាយុ១២ ឆ្នាំរហូតដល់បច្ចុប្បន្ន។ Jessa Khan «លោកប៉ា និងម៉ាក់របស់ខ្ញុំ ធ្លាប់ប្រាប់រឿងរ៉ាវពីកម្ពុជាជាច្រើន ប៉ុន្តែស្គាល់មិនច្បាស់រហូតដល់ខ្ញុំមកដល់ទីនេះ។ កម្ពុជា ខ្ញុំនៅទីនេះជាមួយអ្នក។ ខ្ញុំសង្ឃឹមថា ខ្ញុំនឹងធ្វើឲ្យអ្នកមានមោទកភាពចំពោះខ្ញុំ ដូចខ្ញុំមានមោទកភាពចំពោះអ្នក។ ខ្ញុំសឹងតែមិនជឿថា ពេលនេះខ្ញុំអាចកាន់ទង់ជាតិចេញទៅប្រកួត វាគឺជាក្តីស្រមៃក្លាយជាការពិត។ ទោះខ្ញុំនៅទីណាក៏ដោយ ខ្ញុំនៅតែជាខ្មែរ ហើយខ្ញុំដឹងថា នៅពេលដែលខ្ញុំប្រកួតប្រជាជាតិទាំងមូល […]

(ភ្នំពេញ)៖ លោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា នៅថ្ងៃទី២៥ ខែមេសា ឆ្នាំ២០២៣ បានស្នើសូមអ្នកគាំទ្រដែលមិនមានសំបុត្រ មេត្តាកុំផ្លោះរបងចូលមើលការប្រកួតបាល់ទាត់ នៅកីឡដ្ឋានជាតិអូឡាំពិក។ អគ្គលេខាធិការសហព័ន្ធកីឡាបាល់ទាត់កម្ពុជាបានឲ្យដឹងថា សមត្ថកិច្ចជាច្រើននាក់ នឹងត្រូវដាក់ការពារតាមរបង ដើម្បីការពារបាតុភាពបែបនេះ។ សហព័ន្ធកីឡាបាល់ទាត់កម្ពុជាបានឲ្យដឹងថា សំបុត្រឥតគិតថ្លៃទាំងអស់ សម្រាប់សាធារណជនទស្សនាការប្រកួតកីឡាស៉ីហ្គេម វិញ្ញាសាបាល់ទាត់បុរស នៅថ្ងៃទី២៩ ខែមេសា ឆ្នាំ២០២៣ ត្រូវបានចែកអស់ហើយ។ លោក កែវ សារ៉េត បានបញ្ជាក់ប្រាប់បណ្តាញ Fresh News ថា ពហុកីឡដ្ឋានជាតិអូឡាំពិក មានកៅអីប្រមាណ ២៩,០០០កន្លែង ក្នុងនោះនៅទីតាំងម្លប់មានតែ ៥,០០០កន្លែង ហេតុនេះហើយទោះបីជាអ្នកគាំទ្រ ដែលមិនមានសំបុត្រ ផ្លោះរបងចូលមើលបាល់ទាត់ ក៏មិនមែនកន្លែងអង្គុយដែរ។ លោកបានរំលឹកព្រឹត្តិការណ៍មិនគប្បីមួយ នៅពេលកន្លងមក ដែលអ្នកគាំទ្រដែលមិនមានសំបុត្រ ផ្លោះរបងចូលមើលបាល់ទាត់។ «យើងមិនចង់ឲ្យមានទិដ្ឋភាពបែបហ្នឹងទេ។ សមត្ថកិច្ចជាច្រើន នឹងត្រូវដាក់ការពារ ក្រោយការប្រជុំនៅពេលខាងមុខនេះ។ សម្តេចតេជោ ក៏ព្រួយបារម្ភដែរ ចំពោះរឿងផ្លោះរបង។ បើអត់មានសំបុត្រទេ សូមបងប្អូនមើលតាមទូរទស្សន៍ និងតាមផ្ទាំងបញ្ចាំង (slide) ដែលត្រូវរៀបចំដោយអាជ្ញាធរ»។ […]

(ភ្នំពេញ)៖ សំបុត្រសម្រាប់ការប្រកួតនៅថ្ងៃទី២៩ ខែមេសា ឆ្នាំ២០២៣ រវាងក្រុម U22 ឥណ្ឌូនេស៊ី និងហ្វីលីពីន និងការប្រកួតរវាងម្ចាស់ផ្ទះកម្ពុជា ជួបទីម័រខាងកើត នៅពហុកីឡដ្ឋានជាតិអូឡាំពិក ត្រូវបានចែកអស់ហើយ។ នេះបើយោងតាមការបង្ហោះរបស់សហព័ន្ធបាល់ទាត់កម្ពុជា នៅព្រឹកថ្ងៃទី២៥ ខែមេសា ឆ្នាំ២០២៣។ សហព័ន្ធបាល់ទាត់កម្ពុជា បានឱ្យដឹងថាសម្រាប់បងប្អូនដែលមិនមានសំបុត្រចូលរួមគាំទ្រក្រុមជម្រើសជាតិកម្ពុជាដោយផ្ទាល់នៅពហុកីឡដ្ឋានជាតិនោះទេ បងប្អូនក៏អាចរង់ចាំតាមដានទស្សនាតាមការផ្សាយផ្ទាល់លើកញ្ចក់ទូរទស្សន៍បានផងដែរ៕

(ភ្នំពេញ)៖ សំបុត្រសម្រាប់ការប្រកួតនៅថ្ងៃទី២៩ ខែមេសា ឆ្នាំ២០២៣ រវាងក្រុម U22 ឥណ្ឌូនេស៊ី និងហ្វីលីពីន និងការប្រកួតរវាងម្ចាស់ផ្ទះកម្ពុជា ជួបទីម័រខាងកើត នៅពហុកីឡដ្ឋានជាតិអូឡាំពិក ដែលត្រូវបានចែកចាប់ពីថ្ងៃចន្ទ ទី២៤ ខែមេសា ឆ្នាំ២០២៣ វេលាម៉ោង ១២ថ្ងៃត្រង់នេះបានអស់ហើយ សម្រាប់ទីតាំងចែកនៅមុខពហុកីឡដ្ឋានជាតិអូឡាំពិក។ នេះបើតាមសេចក្តីរាយការណ៍ពីភ្នាក់ងារ Fresh News ដែលបានចុះទៅដល់ទីតាំងផ្ទាល់។ ទោះជាសំបុត្រនៅពហុកីឡដ្ឋានជាតិអូឡាំពិកនៅថ្ងៃនេះ ត្រូវបានចែកអស់ក៏ដោយ លោកអ្នកអាចទៅរកនៅ The Blue Sports Center, Fan Sport Store, Double H Sport និង Sport Castle Sornthomok បានដែរដោយពុំមានគិតថ្លៃអ្វីទេ។ បើតាមសេចក្តីរាយការណ៍ដដែល សំបុត្រនឹងត្រូវបន្តចែកនៅថ្ងៃទី២៥ ខែមេសា ឆ្នាំ២០២៣ ស្អែកនេះ ចាប់ពីវេលាម៉ោង ១០ព្រឹក។ សូមបញ្ជាក់ថា ក្នុង ១នាក់អាចទទួលបាន ២សំបុត្រ ហើយសំបុត្រ ១សន្លឹកអាចប្រើប្រាស់បាន ២ប្រកួតផងដែរ៕ ផ្តល់សិទ្ធិដោយ៖ […]

(ភ្នំពេញ)៖ ស្របពេលសល់តែ១១ថ្ងៃទៀតទេ ព្រឹត្តិការណ៍ស៊ីហ្គេម បានឈានចូលមកដល់ កម្ពុជា នឹងចំណាយបន្ថែមប្រមាណ ៧លានដុល្លារបន្ថែម សម្រាប់ការស្នាក់នៅ និងហូបចុករបស់គណៈប្រតិភូកីឡាស៊ីហ្គេម។ នេះបើយោងតាមប្រសាសន៍ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញជាអធិបតីពិធីកាត់ប្ញសសីមា ព្រះវិហារ ព្រះពុទ្ធ បដិមា និងសមិទ្ធផលនានា​ក្នុងវត្តព្រះបារមីវង្កតបុរី នៅព្រឹកថ្ងៃចន្ទ ទី២៤ ខែមេសា ឆ្នាំ២០២៣នេះ។ សម្តេចតេជោ បានមានប្រសាសន៍ថា «យើងធ្វើម្ចាស់ផ្ទះឆ្នាំនេះ ឥតគិតថ្លៃទាំងអស់ ការដែលធ្វើបែបនេះធ្វើឱ្យគេស្គាល់បេះដូងខ្មែរពិតប្រាកដ យើងចំណាយប្រមាណជា៧លានដុល្លារថែមទៀត ដើម្បីចិញ្ចឹមកីឡាករ កីឡាការិនី ដែលមកប្រកួត តាមធម្មតា​គឺត្រូវបង់ឱ្យម្ចាស់ផ្ទះមួយថ្ងៃ៥០ដុល្លារ។ ឯយើងមិនឱ្យបង់ទេ យើងទទួលបន្ទុកចិញ្ចឹមគេ ប៉ុន្តែអ្នកដែលមកគាំទ្ររកសណ្ឋាគារខ្លួនឯង យើងទទួលបន្ទុកតែកីឡាករ កីឡាការិនី គ្រូបង្វឹក»។ គួរបញ្ជាក់ថា ដើម្បីផ្តល់ភាពកក់ក្តៅបន្ថែមដល់ប្រតិភូកីឡាស៊ីហ្គេម និងអាស៊ានប៉ារ៉ាហ្គេម ជាប្រវត្តិសាស្ត្រដំបូងរបស់កម្ពុជាឲ្យទទួលបានជោគជ័យ ជាកំណត់ត្រាថ្មីមួយ ម្ចាស់ផ្ទះកម្ពុជានឹងមិនតម្រូវឲ្យប្រតិភូកីឡាអាស៊ីអាគ្នេយ៍ទាំងអស់ បង់ថ្លៃហូបចុក-ស្នាក់នៅ ដែលក្នុងម្នាក់ៗ មានតម្លៃ ៥០ដុល្លារអាមេរិក ក្នុង១ថ្ងៃៗនោះឡើយ។ ប្រតិភូកីឡា អត្តពលិកអាស៊ានទាំងអស់ នឹងទទួលបានការហូបចុក-ស្នាក់នៅ ដោយឥតគិតថ្លៃ ដែលជាហេតុការណ៍មួយ […]

(ភ្នំពេញ)៖ លោក វ៉ាត ចំរើន អគ្គលេខាធិការ CAMSOC បានបញ្ជាក់ថា សំបុត្រសម្រាប់ចូលមើលកីឡាក្នុងព្រឹត្តិការណ៍ស៉ីហ្គេម អាចយកតាមរយៈ ២ជម្រើស គឺយកតាមអេប Cambodia 2023 ក៏បាន ឬទៅយកផ្ទាល់ក៏បាន។ មន្ត្រីរូបនេះបានបញ្ជាក់បែបនេះ មកកាន់បណ្តាញ Fresh News នៅថ្ងៃទី២១ ខែមេសា ឆ្នាំ២០២៣ បន្ទាប់ពីមានមហាជនជាច្រើន នៅតែមិនច្បាស់លាស់ ពាក់ព័ន្ធនឹងការទៅយកសំបុត្រសម្រាប់ទស្សនាកីឡា ក្នុងព្រឹត្តិការណ៍ស៉ីហ្គេម ដោយមិនគិតថ្លៃ ដែលមានកម្ពុជាធ្វើជាម្ចាស់ផ្ទះ។ លោក វ៉ាត ចំរើន បានឲ្យដឹងតាមទូរសព្ទថា «គេអាចយកបានទាំង ២មធ្យោបាយ ប៉ុន្តែ វាមានកំណត់។ ឧបមាថា គេកក់តាមអនឡាញ បានប៉ុន្មានសន្លឹកហើយ សល់ពីនោះគេយកទៅចែកនៅបញ្ជរ ដែលបានរៀបចំ»។ គួរជម្រាបថា ក្រៅពីលើអេប Cambodia 2023 មហាជនអាចយកសំបុត្រសម្រាប់ចូលទស្សនាកីឡា ក្នុងព្រឹត្តិការណ៍ស៉ីហ្គេម នៅតាមបញ្ជរនានា ឯផ្សារទំនើបអ៉ីអន១ អ៉ីអន២ និងអ៉ីអន៣ និងនៅពហុកីឡដ្ឋានអូឡាំពិក ក៏ដូចជានៅពហុកីឡដ្ឋានមរតកតេជោ ជាដើម។ ចំពោះជនជាតិខ្មែរ […]

ភ្នំពេញ៖ យោងតាមការចុះផ្សាយរបស់ CAMBODIA 2023 បន្ទាប់ពីទទួលបានការជូនដំណឹងពីគណៈកម្មាធិការជាតិ CAMSOC-CAMAPGOC ស្តីពីការស្នាក់នៅ-ហូបចុក ដោយឥតគិតថ្លៃ អំឡុងពេលប្រកួតកីឡាស៊ីហ្គេម-អាស៊ានប៉ារ៉ាហ្គេម ២០២៣ ម្ចាស់ផ្ទះកម្ពុជាទទួលបានការកោតសរសើរយ៉ាងខ្លាំងថា មានសណ្តានចិត្តល្អ ពីបណ្តាប្រទេសនានា ក្នុងអាស៊ីអាគ្នេយ៍ទាំងមូល។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC-CAMAPGOC កាលពីល្ងាចថ្ងៃទី១៩ ខែមេសា ឆ្នាំ២០២៣ នៅក្រោយកិច្ចប្រជុំនៅពហុកីឡដ្ឋានជាតិមរតកតេជោ។ ឯកឧត្តម វ៉ាត់ ចំរើន មានប្រសាសន៍ថា៖ «ក្រោយទទួលបានការសម្រេចចិត្តដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុនសែន ក្នុងការមិនយកកម្រៃ សម្រាប់ការហូបចុក-ស្នាក់នៅ របស់ប្រតិភូ អត្តពលិក អាស៊ីអាគ្នេយ៍ទាំងអស់ ក្នុងអំឡុងពេលប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ យើងបានផ្សព្វផ្សាយជូនដល់គណៈកម្មាធិការជាតិអូឡាំពិកនៃបណ្តាប្រទេសអាស៊ីអាគ្នេយ៍ទាំងអស់រួចហើយៗគ្រាន់តែបណ្តាប្រទេសទាំងអស់ទទួលបានដំណឹងស្តីការហូបចុក-ស្នាក់នៅ ដោយឥតគិតថ្លៃ នេះភ្លាមៗ ពួកគាត់បានបង្ហាញក្តីរីករាយជាខ្លាំង ដោយសម្តែងក្តីត្រេកអរ ព្រមទាំងថ្លែងអំណរគុណយ៉ាងជ្រាលជ្រៅបំផុត ចំពោះម្ចាស់ផ្ទះកម្ពុជា ដោយបានចាត់ទុកថា កម្ពុជាពិតជាអស្ចារ្យ មានសណ្តានចិត្តល្អ»។ «អ្វីដែលចាប់អារម្មណ៍បំផុត គឺគណៈកម្មាធិការជាតិនៃបណ្តាប្រទេសអាស៊ីអាគ្នេយ៍ជាច្រើន ជាពិសេសគឺអគ្គលេខាធិការគណៈកម្មាធិការជាតិអូឡាំពិកឡាវ បានផ្ញើអបអរសាទរ និងកោតសរសើរចំពោះការរៀបចំធ្វើម្ចាស់ផ្ទះ ស៊ីហ្គេម លើកទី៣២ ឆ្នាំ២០២៣ […]

រាជធានីភ្នំពេញ៖​ នៅថ្ងៃទី២០ ខែមេសា ឆ្នាំ២០២៣ យោងតាមការចុះផ្សាយរបស់ Cambodia 2023 បានឱ្យដឹងថា ឯកឧត្ដមបណ្ឌិត ថោង ខុន រដ្ឋមន្រ្តីក្រសួងទេសចរណ៍ និងអនុប្រធានអចិន្រ្តៃយ៍គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) បានមានប្រសាសន៍ថា កម្ពុជាបានត្រៀមចំនួន៣,០០០កន្លែង សម្រាប់បងប្អូនប្រជាពលរដ្ឋខ្មែរ ដែលរស់នៅក្រៅប្រទេសហើយមានបំណងចង់មកទស្សនាដោយផ្ទាល់ពិធីបើក និងបិទព្រឹត្តិការណ៍កីឡាស៊ីហ្គេមនៅកម្ពុជា ដែលការលើកឡើងនេះ ធ្វើឡើងក្នុងកិច្ចប្រជុំរៀបចំសណ្ដាប់ធ្នាប់ពិធីបើក-បិទ ព្រឹត្តិការណ៍ស៊ីហ្គេម កាលពីថ្ងៃទី១៩ ម្សិលមិញនេះ នៅពហុកីឡដ្ឋានជាតិមរតកតេជោ។ ឯកឧត្ដមបណ្ឌិតបានមានប្រសាសន៍បែបនេះថា៖ «… រាល់ការប្រកួតកីឡា និងការចូលមើលពិធីបើក-បិទស៊ីហ្គេម អត់មានគិតថ្លៃទេ។ អ៊ីចឹងមានប្រព័ន្ធមួយដែលបងប្អូនប្រជាពលរដ្ឋអាចចូលទៅចុះឈ្មោះយកសំបុត្រតាមប្រព័ន្ធអ៊ីនធឺណិត។ អាហ្នឹងគឺខាងគណៈកម្មការកីឡា គេបានរៀបចំ។…ដោយឡែកចំពោះពិធីបើក-បិទ ចំពោះបងប្អូនដែលនៅក្រៅប្រទេស ក៏អាចមកទស្សនាបានដែរ ប៉ុន្តែដល់ថ្ងៃទី២៤ ខែមេសា ទើបយើងបើកឲ្យចូលវេបសាយបាន។ អ៊ីចឹង បងប្អូននៅក្រៅប្រទេស បងប្អូនគ្រាន់តែ Apply តាមអនឡាញមក ហើយមកឆែកយកសំបុត្រនៅមុខពហុកីឡដ្ឋានមរតកតេជោ ចាប់ពីថ្ងៃទី២៤ តទៅ។ អ៊ីចឹង បងប្អូនអាចពឹងអ្នកនៅនេះផ្ទាល់ ឲ្យមកយកសំបុត្រនៅខាងមុខពហុកីឡដ្ឋានបាន ដោយគ្រាន់តែបង្ហាញលិខិតឆ្លងដែនតាមរយៈអ្នកមកយកហ្នឹង»។ ឯកឧត្ដមបានសង្កត់ធ្ងន់ថា៖ «…បើអត់មានបងប្អូន ពេលមកដល់បង្ហាញលិខិតឆ្លងដែនមកថា […]

(វៀតណាម)៖ ការមិនយកថ្លៃហូបចុក និងស្នាក់នៅពីម្ចាស់ផ្ទះកម្ពុជា នៅ SEA GAMES 2023 ធ្វើឱ្យគណៈកម្មការស៊ីហ្គេមរបស់វៀតណាម អាចសន្សំបានជាង៤០ម៉ឺនដុល្លារអាមេរិក នេះបើយោងតាមការចុះផ្សាយសារព័ត៌មាន Zing News របស់ វៀតណាម។ លោក Dang Ha Viet ប្រធានគណៈប្រតិភូកីឡាវៀតណាមបានប្រាប់ Zing News ថា «ការដែលកម្ពុជា ដែលជាម្ចាស់ផ្ទះមិនយកថ្លៃការស្នាក់នៅ និងអាហារសម្រាប់គណៈប្រតិភូកីឡាជួយវៀតណាមកាត់បន្ថយការចំណាយយ៉ាងច្រើន» លោកបានបន្តថា «នេះជាដំណឹងល្អសម្រាប់គណៈប្រតិភូកីឡាវៀតណាម យើងនឹងសន្សំប្រាក់មួយចំនួនធំប្រហែលជាង ១០ពាន់លានដុង ( ប្រមាណជាង៤០ម៉ឺនដុល្លារ) លោក Dang Ha Viet ប្រធានគណៈប្រតិភូកីឡាវៀតណាមបានប្រាប់សារព័ត៌មាន Zing ថា ឥឡូវនេះ គណៈប្រតិភូត្រូវចំណាយតែថ្លៃធ្វើដំណើរ សំបុត្រយន្តហោះ និងការចំណាយផ្សេងៗទៀត។ យោងតាមការផ្សាយរបស់ VNEXPRESS ការសម្រេចរបស់កម្ពុជានឹងជួយ គណៈប្រតិភូកីឡាវៀតណាមដែលមានអត្តពលិកប្រកួតចំនួន១,០០៣នាក់នឹងសន្សំបានជាង ៥ម៉ឺនដុល្លារក្នុងមួយថ្ងៃ។ សូមបញ្ជាក់ថា អត្តពលិក និងប្រតិភូកីឡាចូលរួមស៊ីហ្គេម-អាស៊ានប៉ារ៉ាហ្គេមនៅកម្ពុជា ទទួលបានការលើកលែងលើការបង់ប្រាក់៥០ដុល្លារក្នុង១​ថ្ងៃ ដែលនេះជារឿងមិនធ្លាប់មានក្នុងប្រវត្តិសាស្ត្រស៊ីហ្គេម។ ក្រៅពីការហូបចុក និងកន្លែងស្នាក់នៅដោយឥតគិតថ្លៃ កម្ពុជាក៏បានប្រកាសមិនគិតថ្លៃសម្រាប់សំបុត្រចូលរួមពិធីបើក […]

(ភ្នំពេញ)៖ ព្រឹត្តិការណ៍កីឡាថ្នាក់តំបន់អាស៊ីអាគ្នេយ៍ ស៊ីហ្គេម លើកទី៣២ ឆ្នាំ២០២៣ ដែលឈានចូលមកដល់ឆាប់ៗនេះ មហាជនជាច្រើននៅមានចម្ងល់ទាក់ទងនឹងការបើកឱ្យចូលទស្សនាដោយសេរី ថាតើពួកគេអាចនឹងទទួលយកសំបុត្រទស្សនាតាមវិធីណាខ្លះ។ យោងតាមហ្វេសប៊ុកផេក CAMBODIA 2023 បានជូនដំណឹងថា ព្រឹត្តិការណ៍ស៊ីហ្គេមបេីកឱ្យចូលទស្សនាដោយឥតគិតថ្លៃ​ ប៉ុន្តែដេីម្បីរក្សាសណ្តាប់ធ្នាប់​ និងតាមបរិមាណទីលានប្រកួតមួយៗ គឺតម្រូវឱ្យមានការកក់សំបុត្រ។ គណៈកម្មាធិការជាតិរៀបចំការប្រកួត បានឱ្យដឹងថាការកក់សំបុត្រឥតគិតថ្លៃសម្រាប់ព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ នឹងមាននៅលើកម្មវិធីទូរស័ព្ទដៃ (App) ក្នុងពេលឆាប់ៗនេះ។ ចំពោះលោកអ្នកដែលមិនទាន់បានទាញយកកម្មវិធីទូរស័ព្ទដៃ (App) សូមទាញយកតាមរយៈ App ឈ្មោះ SEAGames 2023៖ – សម្រាប់ iOS https://apps.apple.com/us/app/sea-games-2023/id1661626031 – សម្រាប់ Android  SEAGames 2023 » ។ ទោះជាយ៉ាងណា ចំពោះការបើកឱ្យកក់សំបុត្រ និងកាលវិភាគនានា នៅមិនទាន់បញ្ចេញនោះទេ សម្រាប់ព័ត៌មានបន្ថែម គណៈកម្មាធិការជាតិរៀបចំការប្រកួតកីឡា​អាស៊ីអាគ្នេយ៍ នឹងមានសេចក្តីជូនដំណឹងផ្លូវការក្នុងពេលឆាប់ៗនេះ៕