សម្តេចតេជោ ហ៊ុន សែន នាយករដ្ឋមន្រ្តីកម្ពុជា តាមរយៈសារសម្លេងកាលពីយប់ថ្ងៃទី១៦ ខែមេសា ឆ្នាំ២០២៣ ​លើកឡើងថាកីឡាករគុនខ្មែរដែលត្រូវចូលប្រកួតសុីហ្គេម មិនគួរចូលប្រកួតនៅក្នុងព្រឹត្តិការណ៍ប្រកួតផ្សេងៗញឹកញាប់ពេកទេ ត្រូវរង់ចាំការប្រកួតស៊ីហ្គេមបានចប់។ សម្តេចបានមានប្រសាសន៍ថា​ «កីឡាករដែលត្រូវចូលប្រកួតសុីហ្គេម មិនគួរឱ្យមានការចូលប្រកួតនៅក្នុងព្រឹត្តិការណ៍ណានោះទេ ត្រូវរង់ចាំការប្រកួតស៊ីហ្គេមដល់បានចប់ បើមិនដូច្នេះទេកីឡាករដែលបានផ្គូរផ្គងសម្រាប់ចូលស៊ីហ្គេមនឹងត្រូវបាត់បង់ឱកាសនៅពេលនោះ បើសិនមានហេតុការណ៍កើតឡើង ដូចជាករណី ឈឿង ល្វៃ ដែលជើងរបស់គាត់អាចនឹងជាសះស្បើយមុនការប្រកួតសុីហ្គេមបានឬទេ»។ សម្តេចក៏បានបន្តថា «សហព័ន្ធកីឡាប្រដាល់ត្រូវយកចិត្តទុកដាក់កុំឱ្យមានការថ្លោះថ្លោយណាមួយទាក់ទងនឹងគូដែលត្រូវចូលប្រកួតនៅក្នុងសុីហ្គេមនាពេលខាងមុខ ចូលធ្វើការប្រកួតសង្វៀនកន្លែងនេះនោះ បើមិនចឹងទេយើងអាចមានបញ្ហាទាក់ទងកម្រិតជាតិ»។ សម្តេចតេជោ ហ៊ុន សែន ក៏បានអំពាវនាវសូមឱ្យបងប្អូនដែលគាំទ្រវិស័យកីឡាប្រដាល់ សូមបញ្ចប់ការរិះគន់ និងវាយប្រហាគ្នាទាក់ទិន នឹងការប្រកួតកីឡាប្រដាល់នៅខេត្តសៀមរាបកន្លងទៅ រវាង កីឡាករឈឿង ល្វៃ និង កីឡាករថៃ៕

(ភ្នំពេញ)៖ ពិធីដង្ហែព្រះអគ្គិជ័យកីឡា និងភ្លើងគប់ នៃព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ នៅប្រទេសម៉ាឡេស៊ី បានចាប់ផ្ដើមពិធីដង្ហែហើយ នៅព្រឹកថ្ងៃទី១១ ខែមេសានេះ នៅទីក្រុង Putrajaya ដែលជាទីក្រុងថ្មី នៃប្រទេសម៉ាឡេស៊ី ដោយមានអ្នកចូលរួមប្រមាណ ៣០០នាក់។ ពិធីដង្ហែនេះ ធ្វើឡើងក្រោមវត្តមានលោក ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស CAMSOC អមដំណើរដោលោកបណ្ឌិត សេង ប៊ុនសុង ទីប្រឹក្សាជាន់ខ្ពស់ NOCC, លោកស្រី Hannah Yeoh Tseow Suan រដ្ឋមន្ដ្រីក្រសួងយុវជន និងកីឡាម៉ាឡេស៊ី, លោក អ៊ុក ចាន់ដារ៉ា ឯកអគ្គរាជទូតកម្ពុជាប្រចាំប្រទេសម៉ាឡេស៊ី ព្រមទាំងថ្នាក់ដឹកនាំកីឡាអូឡាំពិក និងប៉ារ៉ាឡាំពិកម៉ាឡេស៊ី មន្ដ្រីទូតបណ្ដាប្រទេសនៅម៉ាឡេស៊ី និស្សិតខ្មែរ និងកីឡាករ-កីឡាការិនីឆ្នើមៗរបស់ម៉ាឡេស៊ីជាច្រើនផងដែរ។ ឆ្លៀតឱកាសនោះ ក្រៅពីថ្លែងអំណរគុណអាជ្ញាធរម៉ាឡេស៊ី សម្រាប់កិច្ចសហការប្រតិបត្តិការរៀបចំពិធីដ៏មានអត្ថន័យនេះ លោក ហោ សារុន បានលើកឡើងថា គិតត្រឹមថ្ងៃនេះ នៅសល់ ២៤ថ្ងៃទៀតប៉ុណ្ណោះ នឹងឈានដល់ពិធីបើកការប្រកួតផ្លូវការកីឡាស៊ីហ្គេម […]

រាជធានីភ្នំពេញ៖ នៅថ្ងៃទី១០ ខែមេសា ឆ្នាំ២០២៣ យោងតាមការចុះផ្សាយរបស់ Cambodia 2023 បានឱ្យដឹងថា ខេត្តព្រះសីហនុ បានត្រៀមខ្លួនរួចរាល់ហើយសម្រាប់ទទួលធ្វើម្ចាស់ផ្ទះការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣។ នេះបើតាមការបញ្ជាក់ ដោយឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ។ ខេត្តដែលមានឆ្នេរសមុទ្រដ៏ស្រស់ស្អាត និងជាសមាជិកក្លិបឆ្នេរសមុទ្រស្អាតបំផុតលើលោកមួយនេះ នឹងត្រូវទទួលរៀបចំការប្រកួតកីឡា៣ប្រភេទរួមមានកីឡាទូកក្ដោង កីឡាបាល់ទះលើឆ្នេរខ្សាច់ និងកីឡាប្រណាំងម៉ូតូទឹក។ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ បានមានប្រសាសន៍ថា គ្រប់ការរៀបចំគឺបានត្រៀមរួចរាល់អស់ហើយទាំងហេដ្ឋារចនាសម្ព័ន្ធ សន្តិសុខ សណ្ដាប់ធ្នាប់ ដ្បិតកន្លងមកខេត្តព្រះសីហនុ ធ្លាប់ទទួលរៀបចំការប្រកួតកីឡាទាំង ៣ប្រភេទរួចមកហើយ។ ទោះបីជាយ៉ាងណាឯកឧត្តមមានការព្រួយបារម្ភខ្លះៗជុំវិញអាកាសធាតុ។ ឯកឧត្តម គួច ចំរើន មានប្រសាសន៍ថា ៖«ពិតប្រាកដណាស់ ក្រោមការសម្រេចចិត្តរបស់ CAMSOC និងការចាត់ចែងនាពេលកន្លងមក ខេត្តព្រះសីហនុ ក៏ទទួលបានឱកាសក្នុងការធ្វើជាម្ចាស់ផ្ទះ ៣ប្រភេទកីឡា។ ទី១ គឺម៉ូតូទឹក ទី២ ទូកក្ដោង ហើយទី៣ គឺបាល់ទះឆ្នេរខ្សាច់។ ពិតហើយថា ប្រភេទកីឡាទាំងនេះ ក៏ពាក់ព័ន្ធនឹងសក្ដានុពលខេត្តរបស់យើង គឺមានឆ្នេរ […]

ក្រោយមហាជនថៃតាមរករឿងកីឡាករប្រដាល់ប្រេស៊ីល Thiago Teixeira ឥតមានពេលសម្រាក អស់ពីរឿងមួយចូលរឿងមួយ និងសូម្បីតែការសាក់ពាក្យ «Muay Thai» កាលពីពេលថ្មីៗនេះគាត់បានបញ្ជាក់យ៉ាងច្បាស់ហើយថា គាត់នឹងលុបសាក់នោះចេញពីខ្នងរបស់គាត់ នេះបើតាមការបង្ហោះនៅលើគណនីហ្វេសប៊ុកឈ្មោះ Sorn Sopheak-ស៊ន សុភក្រ្ត។ នៅក្នុងការបង្ហោះនោះលោក ស៊ន សុភក្រ្ត បានសរសេរថា៖«កីឡាករ Thiago បានបញ្ជាក់ថា លោកនឹងលុបសាក់ពាក្យ មួយថៃ ចេញពីខ្នងរបស់លោក!» កីឡាករប្រដាល់ប្រេស៊ីល Thiago Teixeira បានបញ្ជាក់បែបនោះ គឺដោយសារមានអ្នកលេងបណ្ដាញសង្គមថៃម្នាក់ បានចោទសួរថា៖«ហេតុអ្វីបានជាមិនលុបសាក់ Muay Thai ចេញពីខ្នងរបស់អ្នក? វាជាការមិនគោរពដល់ប្រជាជនថៃគ្រប់គ្នា ហើយអ្នកពេលនេះ គឺល្បីខ្លាំងណាស់នៅស្រុកថៃ»។ លោក Thiago Teixeira ក៏បានតបទៅវិញថា៖«ខ្ញុំនឹងលុបវាចេញឆាប់ៗនេះ ខ្ញុំស្រឡាញ់ប្រទេសកម្ពុជា»៕ ផ្តល់សិទ្ធិដោយ៖ ខ្មែរណូត

នៅថ្ងៃទី០៦ ខែមេសា ឆ្នាំ២០២៣ យោងតាមការចុះផ្សាយរបស់ ទូរទស្សន៍ជាតិកម្ពុជា ទទក បានឱ្យដឹងថា គណៈប្រតិភូ បេសកជនពិសេសដែលដឹកនាំដោយ ឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស នៃគណៈកម្មាធិការជាតិរៀបចំកីឡាអាស៊ីអាគ្នេយ៍លើកទី៣២ និង កីឡាប៉ារ៉ាហ្គេមលើកទី១២ និងសហការី បានអញ្ជើញធ្វើដំណើរមកដល់ទីក្រុងកូឡាឡាំពួរ ប្រទេសម៉ាឡេស៊ី កាលពីយប់ថ្ងៃទី៥ ខែមេសា ឆ្នាំ២០២៣ ដោយមានការអញ្ជើញទទួលបដិសណ្ធាកិច្ច យ៉ាងកក់ក្តីពីសំណាក់ ឯកឧត្តម អ៊ុក ចាន់ដារ៉ា ឯកអគ្គរាជទូតព្រះរាជាណាចក្រកម្ពុជា ប្រចាំនៅប្រទេសម៉ាឡេស៊ី និងសហការី មន្រ្តីជាន់ខ្ពស់គណៈកម្មាធិការអូឡាំពិកម៉ាឡេស៊ី និងសហការី ។ ព្រះអគ្គិជ័យកីឡា និងភ្លើងគប់ត្រូវបានឯកឧត្តម ហោ សារុន បេសកជនពិសេស និងសហការី បានអញ្ជើញដង្ហែទៅតម្កល់ទុកនៅឯស្ថានទូតព្រះរាជាណាចក្រកម្ពុជា ប្រចាំនៅប្រទេសម៉ាឡេស៊ី ដោយមានការអញ្ជើញអមដំណើរដោយ ឯកឧត្តម ឯកអគ្គរាជព្រះរាជាណាចក្រកម្ពុជា ប្រចាំនៅប្រទេសម៉ាឡេស៊ី មន្រ្តីជាន់ខ្ពស់គណៈកម្មាធិការអូឡាំពិកម៉ាឡេស៊ី អមដោយម៉ូតូស៊ីរ៉ែន ចំនួន២គ្រឿង។ ចំពោះការដង្ហែព្រះអគ្គិជ័យកីឡា និងភ្លើងគប់ នឹងត្រូវប្រារព្ធធ្វើនៅទីក្រុង Putrajaya ប្រទេសម៉ាឡេស៊ី នៅថ្ងៃទី១១ […]

(ភ្នំពេញ)៖ ម្ចាស់ផ្ទះកម្ពុជា ទទួលបានភាពជោគជ័យយ៉ាងអស្ចារ្យ ដណ្តើមបានមេដាយច្រើនជាងគេ ដោយសរុបមានចំនួន ៣៣គ្រឿង ពីការប្រកួតកីឡាគុនល្បុក្កតោជ្រើសរើសជើងឯកអាស៊ីអាគ្នេយ៍ លើកទី១ ឆ្នាំ២០២៣ ដែលមាន ៤ប្រទេសចូលរួម។ បានបញ្ចប់ដោយជោគជ័យក្រោយឆ្លងកាត់ការប្រកួតរយៈពេល ៣ថ្ងៃ ចាប់តាំងពីថ្ងៃទី០១-០៣ ខែមេសា ឆ្នាំ២០២៣ ដែលធ្វើឡើងនៅវិទ្យាល័យភូមិន្ទភ្នំពេញ។ ស្ថិតក្នុងការប្រកួតកីឡាគុនល្បុក្កតោជ្រើសរើសជើងឯកអាស៊ីអាគ្នេយ៍ លើកទី១ ឆ្នាំ២០២៣ ម្ចាស់ផ្ទះកម្ពុជា ដណ្តើមបានមេដាយមាសច្រើនជាងគេដល់ទៅ ១១គ្រឿង ក្នុងនោះមានមេដាយប្រាក់ ១០គ្រឿង និងមេដាយសំរិទ្ធ ១២គ្រឿង។ ដែលការប្រកួតនេះមានការចូលរួមជាអាជ្ញាកណ្តាលកាត់សេចក្តីមកពីប្រទេសបារាំង អាមេរិក កូរ៉េ និងអ៊ឺរ៉ង់ ផងដែរ។ ស្ថិតក្នុងពិធីបិទការប្រកួត មានការអញ្ជើញចូលរួមពីឯកឧត្តមបណ្ឌិតសភាចារ្យ ច័ន្ទ សារុន ប្រធានសហព័ន្ធកីឡាគុនល្បុក្កតោកម្ពុជា រួមជាមួយឯកឧត្តម កែវ រ៉េមី អនុប្រធានសហព័ន្ធ និងប្រតិភូដឹកនាំកីឡាគុនល្បុក្កតោ ដែលមកពីតំបន់អាស៊ានរួមមាន វៀតណាម, ឡាវ, ហ្វីលីពីន, ថៃ, មីយ៉ាន់ម៉ា, ឥណ្ឌូនេស៊ី។ លោក ច័ន្ទ សារុន ប្រធានសហព័ន្ធ ប្រធានសហព័ន្ធកីឡាគុនល្បុក្កតោកម្ពុជា បានថ្លែងថា […]

(ភ្នំពេញ)៖ គណៈកម្មាធិការជាតិរៀបចំការប្រកួតកីឡាអាស៉ីអាគ្នេយ៍ លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ប្រកាសជាផ្លូវការ ពីការអនុញ្ញាតប្រជាពលរដ្ឋខ្មែរ នឹងបរទេសទាំអស់អាចូលទស្សានដោយសេរី ជាមួយការលុបចោលការបង់ថ្លៃលើការស្នើសុំសិទ្ធផ្សាយបន្តផ្ទាល់, នេះបើតាមសេចក្តីប្រកាសចេញផ្សាយនាថ្ងៃទី០១ ខែមេសា ឆ្នាំ២០២៣។ ការចេញលិខិតប្រកាសនេះធ្វើឡើងស្ថិតក្រោមការអនុវត្តតាមអនុសាសន៍ណែនាំដ៏ខ្ពងខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅក្នុងសម័យប្រជុំពេញអង្គគណៈរដ្ឋមន្ត្រីកាលពីថ្ងៃទី៣១ ខែមីនា ឆ្នាំ២០២៣។ ខាងក្រោមនេះជាសេចក្តីប្រកាសព័ត៌មានរបស់ គណៈកម្មាធិការជាតិរៀបចំការប្រកួតកីឡាអាស៉ីអាគ្នេយ៍ លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣។ បញ្ជាក់ផងថា សម្រាប់ព្រឹត្តិការណ៍កីឡាស៊ីហ្គេម នឹងចាប់ផ្តើមពីថ្ងៃទី០៥-១៧ ខែឧសភា ឆ្នាំ២០២៣ និង ASEAN Para Games: ចាប់ផ្តើមពីថ្ងៃទី០៣-០៩ ខែមិថុនា ឆ្នាំ២០២៣៕ ផ្តល់សិទ្ធិដោយ៖ freshnews

(ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅព្រឹកថ្ងៃទី៣១ ខែមីនា ឆ្នាំ២០២៣នេះ ក្នុងកិច្ចប្រជុំគណៈរដ្ឋមន្ដ្រី បានប្រកាសឲ្យអ្នកដែលបានទិញសំបុត្រចូលទស្សនាព្រឹត្តិការណ៍ស៉ីហ្គេម ទៅប្ដូរយកលុយមកវិញ ខណៈការចូលទស្សនានេះមិនត្រូវឲ្យមានការបង់ប្រាក់អ្វីទាំងអស់។ នេះបើតាមការឲ្យដឹងពី លោក ផៃ ស៉ីផាន រដ្ឋមន្ដ្រីប្រតិភូអមនាយករដ្ឋមន្ដ្រី និងជាប្រធានអង្គភាពអ្នកនាំពាក្យរាជរដ្ឋាភិបាល ថ្លែងប្រាប់បណ្ដាញព័ត៌មាន Fresh News នៅមុននេះបន្ដិច ដោយដកស្រង់នូវប្រសាសន៍របស់សម្ដេចតេជោ ហ៊ុន សែន ក្នុងឱកាសដឹកនាំកិច្ចប្រជុំគណៈរដ្ឋមន្ដ្រីនៅព្រឹកមិញនេះ។ លោក ផៃ ស៉ីផាន បានថ្លែងយ៉ាងដូច្នេះថា «ក្នុងកិច្ចប្រជុំពេញអង្គគណៈរដ្ឋមន្ដ្រី សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានប្រកាសប្រាប់ដល់អ្នកដែលបានទិញសំបុត្រចូលទស្សនាព្រឹត្តិការណ៍ប្រកួតកីឡាស៉ីហ្គេម និងអាស៊ានប៉ារ៉ាហ្គេម ដែលកម្ពុជាធ្វើជាម្ចាស់ផ្ទះនោះ ឲ្យយកសំបុត្រទៅប្ដូរយកប្រាក់មកវិញ។ ហើយអ្នកដែលលក់សំបុត្រត្រូវទទួលខុសត្រូវ សងលុយជូនប្រជាពលរដ្ឋវិញ»។ សូមរំលឹកថា នៅថ្ងៃទី៣០​ ខែមីនាម្សិលមិញ សម្តេច​តេជោ ហ៊ុន សែន ទើបនឹងប្រកាសលុបចោលការយកថ្លៃសំបុត្រសម្រាប់ការ​ចូល​ទស្សនា​គ្រប់វិញ្ញាសារប្រកួតទាំងអស់។ សម្តេចតេជោនាយករដ្ឋមន្ត្រី បានសម្តែងការប្រតិកម្មជាខ្លាំងចំពោះ​ការលក់សំបុត្រ​នេះ។ សម្តេចតេជោ បានចាត់ទុកទង្វើនេះ ជាការបំផ្លាញនូវកិច្ចខិតខំប្រឹងប្រែងរបស់រាជ​រដ្ឋា​ភិបាលក្នុងការរៀបចំព្រឹត្តិការណ៍នេះ។ ជាមួយគ្នានេះ គណៈកម្មាធិការជាតិ […]

(ភ្នំពេញ)៖ សហព័ន្ធកីឡាប្រដាល់សកលកម្ពុជា បានបញ្ជូនគ្រូបង្វឹក និងកីឡាករ-កីឡាការិនីសរុប១៩រូបទៅហ្វឹកហាត់នៅប្រទេសកាហ្សាក់ស្ថានរយៈពេល១ខែ ដើម្បីពង្រឹងសមត្ថភាព និងបច្ចេកទេសត្រៀមការប្រកួតកីឡាស៊ីហ្គេម លើកទី៣២ នៅកម្ពុជា។ លោក ប៊ុយ សុភ័ណ្ឌ អគ្គលេខាធិការសហព័ន្ធបានបញ្ជាក់ថា ការបោះជំរំហ្វឹកហាត់ត្រៀមស៊ីហ្គេមនេះ ធ្វើឡើងពីថ្ងៃទី៣០ ខែមីនា ដល់ថ្ងៃទី៣០ ខែមេសា ដោយមានគ្រូបង្វឹក ៣រូប កីឡាករ ១១រូប និងកីឡការិនី ៥រូប ហើយមុនចេញដំណើរ ក៏មានជំនួបសំណេះសំណាល និងមតិផ្ដាំផ្ញើពីប្រធានសហព័ន្ធលោកវេជ្ជបណ្ឌិត ឆឹង យ៉ៅយ៉េន ក៏ដូចជាអនុប្រធានសហព័ន្ធលោក ខេស៊ី បាណេត ជាដើម។ ក្នុងនាមសហព័ន្ធ លោក ខេស៊ី បាណេត បានផ្ដល់ការលើកទឹកចិត្តដល់ប្រតិភូ គ្រូបង្វឹក និងកីឡាករ-កីឡាការិនី ពិសេសលោកបានផ្ដាំផ្ញើដល់កីឡាករ-កីឡាការិនីទាំងអស់ ត្រូវយកចិត្តទុកដាក់ហ្វឹកហាត់ឲ្យបានខ្លាំងក្លា ដើម្បីសម្រួចសមត្ថភាពត្រៀមការប្រកួតកីឡាស៊ីហ្គេម និងដណ្ដើមមេដាយជូនជាតិ។ លើសពីនេះ ក៏មានការឧបត្ថម្ភថវិកាដល់គ្រូបង្វឹក និងកីឡាករ-កីឡាការិនីសរុបចំនួន ៨,៥០០ដុល្លារផងដែរ៕ ផ្តល់សិទ្ធិដោយ៖ Fresh News

(ភ្នំពេញ)៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅព្រឹកថ្ងៃទី៣១ ខែមីនា ឆ្នាំ២០២៣ បានឱ្យដឹងថា ក្នុងកិច្ចប្រជុំពេញអង្គគណៈរដ្ឋមន្រ្តី សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាមិនឱ្យយកលុយពីទូរទស្សន៍បរទេសនានាដែលផ្សាយពីស៊ីហ្កេម លើកទី៣២ ដែលកម្ពុជាធ្វើជាផ្ទះ។ កាលពីម្សិលមិញ សម្តេចតេជោ ហ៊ុន សែន ប្រកាសឱ្យសាធារណជនចូលមើលកីឡា ស៊ីហ្កេម ដោយមិនបង់លុយទាំងអស់ រួមទាំងពិធីបើក-បិទផងដែរ។ សូមរំលឹកថាការលក់សិទ្ធិផ្សាយព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ សម្រេចបានប្រមាណ ៥០ភាគរយ ក្នុងចំណោមសមាជិកទាំង១០ប្រទេស៕