SEA GAMES

ទោះចប់កាតព្វកិច្ច លោកគ្រូ ហុងដា នៅបន្តជួយកម្ពុជាលើរឿងនេះ ដើម្បីគាំទ្រគម្រោងបើកមជ្ឈមណ្ឌលវេជ្ជសាស្ត្រកុមារនៅតំបន់អាស៊ី ផ្តល់ការថែទាំសុខភាពដោយឥតគិតថ្លៃនៅកម្ពុជា

Khmerpress May 27, 2023 27/05/2023

លោក Keisuke Honda ទើបតែបានចុះចេញពីតំណែងជាគ្រូបង្គោលឱ្យក្រុមបាល់ទាត់ជម្រើងជាតិកម្ពុជា កាលពីពេលថ្មីៗនេះ ក្រោយមិនអាចជួយក្រុមលេងបានល្អ និងអស់ភារកិច្ចក្នុងការដណ្ដើមយកមេដាយ ពីព្រឹត្តិការណ៍ស៊ីហ្គេមលើកទី៣២ ដែលប្រទេសកម្ពុជាគឺជាម្ចាស់ផ្ទះ។ យ៉ាងណាក៏ដោយ លោកគ្រូនៅតែមិនបោះបង់ប្រជាជនកម្ពុជា ដោយកាលពីពេលថ្មីៗនេះ គាត់បាននិយាយថា គាត់កំពុងគាំទ្រអង្គការ Japan Heart ក្នុងនាមជាឯកអគ្គរដ្ឋទូតរបស់អង្គការមួយនេះ ដើម្បីជំរុញដល់ការបើកមជ្ឈមណ្ឌលវេជ្ជសាស្ត្រកុមារអាស៊ី សម្រាប់ការព្យាបាលកុមារដោយឥតគិតថ្លៃ។ លោកបានសរសេរនៅលើបណ្ដាញសង្គមថា៖«Japan Heart ចាប់ផ្តើមផ្តល់មូលនិធិមហាជន នៅថ្ងៃទី២៦ ខែឧសភា ដើម្បីបើកមជ្ឈមណ្ឌលវេជ្ជសាស្ត្រកុមារអាស៊ីរបស់ខ្លួន ដែលផ្តល់ការថែទាំសុខភាពដោយឥតគិតថ្លៃនៅកម្ពុជា។ ក្នុងនាមជាឯកអគ្គរដ្ឋទូតរបស់មន្ទីរពេទ្យថ្មីនេះ ខ្ញុំ Keisuke Honda កំពុងគាំទ្រគម្រោងនេះ។ ក្នុងឆ្នាំ២០១៨ Japan Heart បានចាប់ផ្តើមផ្តល់ការព្យាបាលដោយឥតគិតថ្លៃ សម្រាប់ជំងឺមហារីករបស់កុមារនៅប្រទេសកម្ពុជា ដែលមានស្តង់ដារវេជ្ជសាស្ត្រទាបជាពិសេស ដោយសារតែប្រវត្តិជូរចត់របស់កម្ពុជា ហើយសូម្បីនៅក្នុងចំណោមប្រទេសអាស៊ីផ្សេងទៀត។ បច្ចុប្បន្ននេះ ចំនួនអ្នកជំងឺ គឺអាចប្រៀបធៀបទៅនឹងមន្ទីរពេទ្យកុមារឈានមុខគេរបស់ប្រទេសជប៉ុន។ តាមរយៈការពង្រីកសកម្មភាពទាំងនេះបន្ថែមទៀត និងផ្តោតលើការអភិវឌ្ឍបុគ្គលិកពេទ្យ មន្ទីរពេទ្យថ្មីនេះនឹងក្លាយជាមជ្ឈមណ្ឌលវេជ្ជសាស្ត្រកុមារដោយឥតគិតថ្លៃអន្តរជាតិ ដែលតំណាងឱ្យតំបន់អាស៊ី។ នេះគឺជាគម្រោងដែលមានគោលបំណងកាត់បន្ថយគម្លាតរស់រានមានជីវិតនៅអាស៊ីឱ្យធ្លាក់ជិតដល់សូន្យ តាមដែលអាចធ្វើទៅបាន។ សូមគាំទ្រគម្រោងនេះ ដើម្បីឱ្យកុមារទាំងអស់អាចទទួលបានការថែទាំវេជ្ជសាស្រ្តកម្រិតខ្ពស់ មិនថាពួកគេកើតនៅទីណា»៕ ផ្តល់សិទ្ធិដោយ៖ ខ្មែរណូត

សម្តេចពិជ័យសេនា ទៀ បាញ់៖ ទោះអាស៊ានប៉ារ៉ាហ្គេមមិនមានអត្តពលិកច្រើនដូចស៊ីហ្គេម ប៉ុន្តែនៅតែមានភាពអស្ចារ្យដូចគ្នា

Khmerpress May 26, 2023 26/05/2023

រាជធានីភ្នំពេញ៖ យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធាន គណៈកម្មាធិការជាតិ CAMSOC-CAMAPGOC មានប្រសាសន៍ថា «ព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ គឺមាន១១ប្រទេសចូលរួមប្រកួតដូចស៊ីហ្គេមដែរ ប៉ុន្តែចំនួនប្រតិភូ អត្តពលិកពិការមានចំនួនតិចជាង ហើយអាស៊ានប៉ារ៉ាហ្គេម នៅតែមានភាពអស្ចារ្យ។ នៅក្រោយកិច្ចប្រជុំ នៅព្រឹកថ្ងៃទី២៦ ខែឧសភា ឆ្នាំ២០២៣ នៅសាលនៃពហុកីឡដ្ឋានជាតិមរតកតេជោ សម្តេចពិជ័យសេនា ទៀ បាញ់ បានគូសបញ្ជាក់ថា ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ នៅកម្ពុជា គឺនឹងមានប្រតិភូ កីឡាករ កីឡាការិនីពិការសរុបមានប្រមាណ ២ ៦០០ នាក់ប៉ុណ្ណោះ ក្នុងនោះអត្តពលិកសរុបប្រមាណ ១ ៤០០ នាក់ (ស៊ីហ្គេម លើកទី៣២ ជាង ១៥ ០០០ នាក់)។ សម្ដេចពិជ័យសេនាបានបញ្ជាក់ថា ទោះជាចំនួននេះមិនច្រើនដូចស៊ីហ្គេមក៏ពិតមែន ប៉ុន្តែភាពអស្ចារ្យនៃព្រឹត្តិការណ៍នេះ នៅតែមានភាពអស្ចារ្យ ដោយសារអត្តពលិកពិការប្រឹងប្រែងហ្វឹកហាត់ និងការប្រកួតកីឡាពិការក៏អស្ចារ្យដូចគ្នា។ […]

កាសែតអាមេរិក New York Times ចុះផ្សាយថា កីឡាការិនី​កម្ពុជា ប៊ូ សំណាង ដែលតស៊ូរត់ក្រោមដំណក់ទឹកភ្លៀងក្នុងការរត់ចម្ងាយ ៥,០០០ម៉ែត្រ នៅឯព្រឹត្តិការណ៍ស៊ីហ្គេម បានឆក់យកបេះដូងប្រជាជន

Khmerpress May 26, 2023 26/05/2023

(ភ្នំពេញ)៖ វីដេអូកីឡាការិនី​កម្ពុជា ប៊ូ សំណាង ដែលតស៊ូរត់ក្រោមដំណក់ទឹកភ្លៀង ក្នុងការរត់ចម្ងាយ ៥,០០០ម៉ែត្រ នៅឯព្រឹត្តិការណ៍ស៊ីហ្គេម លើកទី៣២ បានក្លាយជាចំណាប់អារម្មណ៍របស់សារព័ត៌មានធំៗនៅលើពិភពលោក។ ជាក់ស្តែង នៅថ្ងៃទី២៥ ខែឧសភា ឆ្នាំ២០២៣ កាសែតអាមេរិក New York Times ក៏បានបន្តផ្សព្វផ្សាយអំពី បូ​ សំណាង ផងដែរ ដោយលើកឡើងថា កីឡាករិនីកម្ពុជារូបនេះបានឆក់យកបេះដូង ប្រជាជនកម្ពុជា។ New York Times បានផ្សាយថា ប៊ូ សំណាង ត្រូវបានគេរាយការណ៍ថា មានជំងឺខ្វះឈាម អំឡុងពេលកំពុងប្រកួត តែនាងមិនបានបោះចោលគោលដៅរបស់ខ្លួន។ នាងបានគូសបញ្ជាក់ប្រាប់ New York Times ដូច្នេះថា «ខ្ញុំដឹងថា ខ្ញុំនឹងមិនទទួលបានជ័យជម្នះឡើយ តែខ្ញុំបានប្រាប់ខ្លួនឯងថាខ្ញុំមិនត្រូវឈប់ទេ»។ បូ សំណាង បានបញ្ចប់ ការរត់របស់ខ្លួនក្នុងរយៈពេល ២២នាទី និង៥៤វិនាទី ពោលគឺរត់ពីក្រោយអ្នកជាប់លេខ១ ដែលជាកីឡាការិនីវៀតណាមដល់ទៅជិត ៦នាទីឯណោះ។ New York Times […]

កីឡាករ-កីឡាការិនីកងយោធពលខេមរភូមិន្ទ ទទួលបានការសរសើរពីថ្នាក់ដឹកនាំ ក្រោយឈ្នះមេដាយស៊ីហ្គេមសរុប ១០២គ្រឿង

Khmerpress May 26, 2023 26/05/2023

(ភ្នំពេញ)៖ ក្រុមកីឡាករ-កីឡាការិនី នៃកីឡាកងយោធពលខេមរភូមិន្ទ ដណ្ដើមបានមេដាយសរុប ១០២គ្រឿង នៅក្នុងការប្រកួតកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា កាលពីថ្មីៗ ។ សមិទ្ធផលនេះ បានធ្វើឲ្យថ្នាក់ដឹកនាំកីឡាងយោធពលខេមរភូមិន្ទ មានការកោតសរសើរ និងវាយតម្លៃខ្ពស់ ចំពោះការខិតខំប្រឹងប្រែងរបស់កីឡាករ-កីឡាការិនីទាំងអស់។ លោក តែម ម៉ឺន អគ្គលេខាធិការក្រុមប្រឹក្សាកីឡាងយោធពលខេមរភូមិន្ទ និងជានាយកមជ្ឈមណ្ឌលកីឡាងយោធពលខេមរភូមិន្ទ បានបញ្ជាក់ថា ក្នុងព្រឹត្តិការណ៍ប្រវត្តិសាស្ដ្រខាងលើ ក្រសួងការពារជាតិ បានបញ្ជូនថ្នាក់ដឹកនាំ មន្ដ្រីបច្ចេកទេស គ្រូបង្វឹក និងកីឡាករ-កីឡាការិនីសរុប ៣៥២នាក់ចូលរួម លើ ២៣ប្រភេទកីឡា ។ ជាលទ្ធផល កីឡាករ-កីឡាការិនីរបស់ខ្លួន ដណ្ដើមបានមេដាយសរុប ១០២គ្រឿង រួមមានមេដាយមាស ៣១ ប្រាក់ ២៥ និងសំរឹទ្ធ ៤៦ ។ ជាមួយជោគជ័យជូនជាតិខាងលើ លោកនាយឧត្តមសេនីយ៍ ឃឹម ប៊ុនសុង រដ្ឋលេខាធិការក្រសួងការពារជាតិ និងជាប្រធានក្រុមប្រឹក្សាកីឡាងយោធពលខេមរភូមិន្ទ បានធ្វើការកោតសរសើរ និងវាយតម្លៃខ្ពស់ ចំពោះភាពរីកចម្រើន ប្រកបដោយវឌ្ឍនភាពល្អប្រសើរ ទាំងគុណភាព និងគុណផល […]

រួមគ្នាបន្ដគាំទ្រកីឡាជនពិការភាព! កម្ពុជានឹងរៀបចំកីឡាអាស៊ានប៉ារ៉ាហ្គេម ឲ្យលើសពីការរំពឹងទុក ដូចស៊ីហ្គេមដែរ

Khmerpress May 25, 2023 25/05/2023

(ភ្នំពេញ)៖ នៅសល់ ៩ថ្ងៃទៀតប៉ុណ្ណោះ ការប្រកួតកីឡាអាស៊ានប៉ារ៉ាហ្គេម លើកទី១២ នៅកម្ពុជា នឹងមកដល់ ពោលគឺនឹងបើកការប្រកួតផ្លូវការ នាថ្ងៃទី០៣ ខែមិថុនា ឆ្នាំ២០២៣ ខាងមុខ នៅពហុកីឡដ្ឋានជាតិមរតកតេជោ ដោយកម្ពុជានឹងរៀបចំព្រឹត្តិការណ៍កីឡាជនពិការប្រចាំតំបន់ដ៏ធំនេះ ឲ្យទទួលលទ្ធផលលើសពីការរំពឹងទុក ដូចព្រឹត្តិការណ៍កីឡាស៊ីហ្គេម លើកទី៣២ នៅកម្ពុជា កាលពីថ្មីៗកន្លងទៅដែរ ។ លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ (CAMAPGOC) ក្រោយបញ្ចប់បេសកកម្មទី១ (រៀបចំស៊ីហ្គេម លើកទី៣២) ប្រកបដោយជោគជ័យដ៏ត្រចះត្រចង់ជាប្រវត្តិសាស្ដ្រ គឺឈានដល់បេសកកម្មទី២ នៃការរៀបចំកីឡាជនពិការអាស៊ាន ឬអាស៊ានប៉ារ៉ាហ្គេម លើកទី១២ ដែលជាព្រឹត្តិការណ៍មួយ គេតែងរៀបចំឡើង ដើម្បីលើកកិត្តិយស សមត្ថភាព និងគោរពសិទ្ធរបស់ជនមានពិការភាព ។ លោកថា «កីឡាអាស៊ានប៉ារ៉ាហ្គេម ដែលយើងត្រៀមរៀបចំនេះ ក៏យើងបានប្រមូលធនធានទាំងអស់ពីស៊ីហ្គេមដែរ ។ អ៊ីចឹងអ្វីដែលយើងមានក្នុងស៊ីហ្គេម យើងប្រមែប្រមូល និងរក្សាកម្លាំងនៅដដែល គ្រាន់តែផ្លាស់ប្ដូររូបភាព និងភាពពិសេសរបស់កីឡាករ-កីឡាការិនីមានពិការភាព ដែលត្រូវការការយកចិត្តទុកដាក់ជាពិសេស ។ យើងត្រូវតែរុញទិដ្ឋភាពយុទ្ធសាស្ដ្រស្រដៀងគ្នា នៅក្នុងស៊ីហ្គេម […]

ម្ចាស់មេដាយមាសស៊ីហ្គេម ឈុន ប៊ុនថន ប្ដេជ្ញាខំប្រឹងហាត់ឲ្យឈានដល់កម្រិតអូឡាំពិក ដើម្បីបញ្ជាក់ថា កម្ពុជាក៏មានអ្នកខ្លាំង ក្រោមម្លប់នៃសន្ដិភាព

Khmerpress May 23, 2023 23/05/2023

(ភ្នំពេញ)៖ ម្ចាស់មេដាយមាសកីឡាស៊ីហ្គេម លើកទី៣២ កីឡាករ ឈុន ប៊ុនថន ដែលដណ្ដើមបានលើប្រភេទកីឡាអត្តពលកម្ម រត់ចម្ងាយ ៨០០ម៉ែត្រ បានប្ដេជ្ញា និងតាំងចិត្តបន្ដការខិតខំប្រឹងប្រែងហ្វឹកហាត់ឲ្យកាន់តែខ្លាំង ឲ្យឈានដល់ការប្រជែងកម្រិតអូឡាំពិក ដើម្បីបង្ហាញថា កម្ពុជាក៏មានអ្នកខ្លាំង ក្រោមម្លប់នៃសន្ដិភាព។ ក្រោយបញ្ចប់បេសកកម្មស៊ីហ្គេម ប៊ុនថន នឹងមានភារកិច្ចចំពោះមុខជាច្រើន ដូចជាការត្រៀមប្រកួតកម្រិតអាស៊ី(Open Asian Games) នាថ្ងៃទី១១ ខែកក្កដា មុនបន្ដចេញទៅហ្វឹកហាត់នៅចិន នាថ្ងៃទី៥ ខែសីហា និងត្រៀមការប្រកួតកីឡាអាស៊ី (Asian Games) នាខែតុលា ឆ្នាំ២០២៣ ខាងមុខ ។ លើសពីនេះ គេគ្រោងស្នើហ្វឹកហាត់បន្ដនៅចិន ដើម្បីត្រៀមការប្រកួតកីឡាអូឡាំពិក នៅប៉ារីស ប្រទេសបារាំង នាឆ្នាំ២០២៤ ផងដែរ។ កូនកំព្រាឪពុក-ម្ដាយមានដើមកំណើតពីខេត្តព្រៃវែងរូបនេះ បន្ដថា ផ្អែកលើថិរវេលាល្អបំផុត ខ្លួនធ្វើបានកំឡុងពេលហ្វឹកហាត់នៅចិន សម្រាប់ការរត់ ៨០០ម៉ែត្រ គឺប្រើពេល ១នាទី និង ៤៨ ឬ ៤៩វិនាទី។ ប៉ុន្ដែគេជឿជាក់ថា បើសិនខ្លួនខំប្រឹង និងអាចហ្វឹកហាត់បានច្រើនឆ្នាំទៀត […]

លោក ហ៊ុន ម៉ានី អំពាវនាវពលរដ្ឋរួមគ្នាគាំទ្រភាពជាម្ចាស់ផ្ទះរបស់កម្ពុជា ក្នុងការរៀបចំការប្រកួតកីឡាអាស៊ានប៉ារ៉ាហ្គេម លើកទី១២ ឲ្យបានផុសផុល

Khmerpress May 22, 2023 22/05/2023

(ភ្នំពេញ)៖ នៅព្រឹកថ្ងៃទី២២ ខែឧសភា ឆ្នាំ២០២៣នេះ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាអនុប្រធានក្រុមប្រឹក្សាភិបាលគណៈកម្មាធិការជាតិប៉ារ៉ាឡាំពិកកម្ពុជា បានបង្ហោះសារលើទំព័រផ្លូវការរបស់ខ្លួន ស្របជាមួយនឹងទំព័រផ្លូវការ ស.ស.យ.ក. ដែលបង្ហាញពីភាពជា ម្ចាស់ផ្ទះរបស់កម្ពុជា ក្នុងការរៀបចំការប្រកួតកីឡាអាស៊ានប៉ារ៉ាហ្គេមលើកទី១២ នៅកម្ពុជាដែលនឹងប្រព្រឹត្តទៅនាពេលដ៍ខ្លីខាងមុខ។ ជាមួយនឹងការបង្ហោះខ្លឹមសារភ្ជាប់ជាមួយរូបភាពជាច្រើនសន្លឹករបស់អត្តពលិកប៉ារ៉ាឡាំពិកកម្ពុជា អំឡុងពេលប្រកួត លោក ហ៊ុន ម៉ានី បានសរសេរថា «ខណៈដែលពួកគាត់ មិនចង់ធ្វើខ្លួនឲ្យក្លាយជាបន្ទុករបស់សង្គម យើងត្រូវផ្តល់លទ្ធភាពគ្រប់បែបយ៉ាងដល់ពួកគាត់ដើម្បីសម្រេចនូវបំណងដ៏ពិសិដ្ឋនោះ»។ លោកបានបញ្ជាក់បន្ថែមថា ការដណ្តើមបានភាពជាម្ចាស់ផ្ទះក្នុងការរៀបចំការប្រកួតកីឡាអាស៊ានប៉ារ៉ាហ្គេម លើកទី១២ នៅពេលនេះ ជារឿងចាំបាច់ដែលយើងត្រូវធ្វើ ដើម្បីបង្ហាញពីការគាំទ្ររបស់យើងទាំងអស់គ្នា ដល់បំណងដ៏ពិសិដ្ឋរបស់ពួកគាត់ បន្ថែមពីលើគោលនយោបាយ និងសកម្មភាពគាំទ្រនានាដល់ជនដែលមានពិការភាព ដែលរាជរដ្ឋាភិបាលបានអនុវត្តនាពេលកន្លងមក។ ទន្ទឹមនេះ លោកផ្ទាល់ក៏បានអំពាវនាវឲ្យទាំងអស់គ្នា រួមគ្នាគាំទ្រភាពជាម្ចាស់ផ្ទះរបស់កម្ពុជា ក្នុងការរៀបចំការប្រកួតកីឡាអាស៊ានប៉ារ៉ាហ្គេម លើកទី១២ នៅកម្ពុជា។ លើសពីនេះទៀត ខ្លឹមសារដែលបានចេញផ្សាយលើទំព័រ ស.ស.យ.ក. នាព្រឹកថ្ងៃនេះដូចគ្នា ក៏បានរំលេចពីការចូលរួមសាទរភាពម្ចាស់ផ្ទះ នៃព្រឹត្តិការណ៍កីឡាដ៏ពិសេសនេះផងដែរ ដោយបានបង្ហាញពីអត្ថន័យ នៃភាពជាម្ចាស់ផ្ទះរបស់កម្ពុជា លើពីការរៀបចំការប្រកួត។ តាមរយៈខ្លឹមសារនេះ បានគូសបញ្ជាក់ថា អ្វីដែលកម្ពុជានឹងទទួលបានពីភាពជាម្ចាស់ផ្ទះ នៃព្រឹត្តិការណ៍កីឡាម្តងទៀតនេះ មិនមែនត្រឹមតែជាការទទួលស្គាល់ពីពិភពលោក […]

លោក វ៉ាត់ ចំរើន៖ ស៊ីហ្គេម ២០២៣ នឹងត្រូវកត់ត្រាក្នុងប្រវត្តិសាស្ដ្រអូឡាំពិក ចំពោះការរៀបចំមិនយកកម្រៃទាំងអស់ ដូចកីឡាអូឡាំពិកបុរាណ នៅក្រិច កាលពីជាង ២ពាន់ឆ្នាំមុន គ.ស

Khmerpress May 22, 2023 22/05/2023

(ភ្នំពេញ)៖ ទោះបីព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា បានបញ្ចប់ទៅហើយក្ដី ប៉ុន្ដែទស្សនីយភាពដ៏អស្ចារ្យ នៃពិធីបើក-បិទ និងដំណើរការប្រកួតប្រកបដោយជោគជ័យដ៏ត្រចះត្រចង់ នៅតែដក់ជាប់ក្នុងចិត្តរបស់ប្រជាពលរដ្ឋកម្ពុជា ក៏ដូចជាក្នុងតំបន់ និងពិភពលោក ។ ក្រៅពីជោគជ័យដ៏សម្បើម និងស្ទើរមិននឹកស្មាននេះ ក្នុងនាមម្ចាស់ផ្ទះ កម្ពុជាបានធ្វើរឿងរ៉ាវជាច្រើន ដើម្បីផ្ដល់ភាពកក់ក្ដៅដល់ប្រតិភូ អត្តពលិក និងមន្ដ្រីបច្ចេកទេសអន្ដរជាតិ កំឡុងពេលមកចូលរួម និងរួមចំណែករៀបចំការប្រកួតកីឡាស៊ីហ្គេម លើកទី៣២ ។ អ្វីដែលពិសេស គឺការមិនយកកម្រៃគ្រប់បែបយ៉ាង ដោយរាជរដ្ឋាភិបាលកម្ពុជា បានសម្រេចមិនឲ្យមានការលំបុត្រចូលទស្សនា មិនលក់សិទ្ធផ្សាយបន្ដផ្ទាល់ និងការមិនតម្រូវឲ្យប្រតិភូ និងអត្តពលិកគ្រប់បណ្ដាប្រទេសបង់ថ្លៃស្នាក់នៅ-ហូបចុកជាដើម ។ ការណ៍នេះ បានធ្វើឲ្យពិភពលោក មានការភ្ញាក់ផ្អើលជាខ្លាំង ចំពោះប្រទេសកម្ពុជា ដែលជាប្រទេសតូច តែមានបេះដូងធំ ក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលបានដាក់ចេញនូវយុទ្ធសាស្ដ្រ និងគោលការណ៍រួមខាងលើ ក្នុងព្រឹត្តិការណ៍ដែលរៀបចំឡើងក្រោមពាក្យស្លោក «កីឡារស់ក្នុងសន្ដិភាព» ។ លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) បានបញ្ជាក់ថា […]

ឥណ្ឌូណេស៊ីរៀបចំក្បួនដង្ហែយ៉ាងធំ ទទួលស្វាគមន៍ជម្រើសជាតិ U-22 ដែលឈ្នះមេដាយមាសពីព្រឹត្តិការណ៍ស៊ីហ្គេម ក្រោយរង់ចាំអស់រយៈពេល ៣២ សម័យកាល

Khmerpress May 19, 2023 19/05/2023

ក្រោយត្រឡប់ទៅដល់មាតុភូមិកំណើតវិញ ក្រុមបាល់ទាត់ជម្រើសជាតិឥណ្ឌូណេស៊ី U22 (Garuda Nusantara) ទទួលបានការស្វាគមន៍យ៉ាងកក់ក្ដៅបំផុត ក៏ដូចជាការហែហមយ៉ាងសម្បើមពីប្រជាជនឥណ្ឌូណេស៊ីពាសពេញដងផ្លូវ ​ក្រោយពួកគេ​​ដណ្តើម​បាន​មេដាយ​មាស ពីព្រឹត្តិការណ៍​ស៊ីហ្គេម​ឆ្នាំ​២០២៣ ក្រោយការរង់ចាំអស់រយៈពេល ៣២ សម័យកាល។ ការដង្ហែក្បួនសម្រាប់ក្រុម Garuda Nusantara ត្រូវបានធ្វើឡើងនៅទីក្រុងហ្សាកាតា នៅថ្ងៃសុក្រ ទី១៩ ខែឧសភា ឆ្នាំ២០២៣ ដោយចាប់ផ្តើមនៅម៉ោង ៨ព្រឹក ចេញពីអាគារ Kemenpora និងទីតាំងមួយចំនួនទៀត រហូតដល់ពហុកីឡដ្ឋាន Gelora Bung Karno៕ ផ្តល់សិទ្ធិដោយ៖ ខ្មែរណូត

កម្ពុជាត្រៀមខ្លួនរួចរាល់ ដើម្បីធ្វើម្ចាស់ផ្ទះកីឡាអាស៊ានប៉ារ៉ាហ្គេម លើកទី១២ ក្រោយបញ្ចប់ព្រឹត្តិការណ៍ស៊ីហ្គេមដោយជោគជ័យដ៏ត្រចះត្រចង់

Khmerpress May 19, 2023 19/05/2023

(ភ្នំពេញ)៖ លោក យី វាសនា អគ្គលេខាធិការគណៈកម្មការជាតិប៉ារ៉ាឡាំពិកកម្ពុជា និងជាអគ្គលេខាធិការរងគណៈកម្មាធិការជាតិរៀបចំការប្រកួតកីឡាអាស៊ានប៉ារ៉ាហ្គេម លើកទី១២ (CAMAPGOC) បានបញ្ជាក់ពីការត្រៀមខ្លួនរួចរាល់ ដើម្បីទទួលរៀបចំការប្រកួតកីឡាជនពិការប្រចាំតំបន់អាស៊ាននេះ ចាប់ពីថ្ងៃទី០៣-០៩ ខែមិថុនា ឆ្នាំ២០២៣ ខាងមុខ បន្ទាប់ពីព្រឹត្តិការណ៍កីឡាស៊ីហ្គេម លើកទី៣២ បានបញ្ចប់ដោយជោគជ័យដ៏ត្រចះត្រចង់ កាលពីរាត្រីថ្ងៃទី១៧ ខែឧសភាម្សិលមិញ ។ ការបញ្ជាក់នេះ ធ្វើឡើងក្នុងជំនួបសំណេះសំណាល និងលើកទឹកចិត្តរបស់លោក វង សូត រដ្ឋមន្ដ្រីក្រសួងសង្គមកិច្ច អតីតយុទ្ធជន និងយុវនីតិសម្បទា អនុប្រធានគណៈកម្មាធិការជាតិប៉ារ៉ាឡាំពិកកម្ពុជា និងជាអនុប្រធាន CAMAPGOC នៅមជ្ឈមណ្ឌលជាតិជនពិការតេជោសែន នៅថ្ងៃទី១៨ ខែឧសភា ឆ្នាំ២០២៣ នេះ ។ មន្ដ្រីបច្ចេកទេសខាងលើ បានបញ្ជាក់ថា ក្រោយស៊ីហ្គេម ថ្ងៃនេះគឺជាការចាប់ផ្ដើមកសាង ក៏ដូចជាប្រមូលកម្លាំងសរុប ដើម្បីត្រៀមរៀបចំការប្រកួតកីឡាអាស៊ានប៉ារ៉ាហ្គេម លើកទី១២ ឲ្យទទួលបានជោគជ័យ ដូចសមិទ្ធផលដែលសម្រេចបានដ៏អស្ចារ្យក្នុងការរៀបចំការប្រកួតកីឡាស៊ីហ្គេមលើកដំបូងនៅកម្ពុជា កាលពីថ្មីៗ ។ លោកបន្ដថា សម្រាប់ការប្រកួតកីឡាអាស៊ានប៉ារ៉ាហ្គេម នៅរាជធានីភ្នំពេញ នាដើមខែក្រោយ គឺមានកីឡា ១៣ប្រភេទ បូករួមទាំងកីឡាអេឡិចត្រូនិក(E-Sport) […]