(ភ្នំពេញ)៖ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា ការចូលរួមព្រឹត្តិការណ៍កីឡាស៊ីហ្គេម លើកទី៣៣ ឆ្នាំ២០២៥ គឺដើម្បីបញ្ជាក់នូវគោលបំណង និងឆន្ទៈរបស់កម្ពុជា គឺចង់បានសេចក្តីសុខសន្តិភាព មិត្តភាពពិតប្រាកដ តាមរយៈស្មារតីនៃព្រឹត្តិការណ៍ប្រកួតកីឡាជាអន្តរជាតិនេះ។ ការគូសបញ្ជាក់នេះ បន្ទាប់ពីលោក បានអញ្ជើញជាតំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ជួបសំណេះសំណាលជាមួយប្រតិភូកីឡាកម្ពុជា នៅថ្ងៃទី២៤ ខែវិច្ឆិកានេះ មុនចេញទៅចូលរួមការប្រកួតកីឡាស៊ីហ្គេម លើកទី៣៣ នៅថៃ ចាប់ពីថ្ងៃទី៩-២០ ខែធ្នូ ឆ្នាំ២០២៥ ខាងមុខ ដោយមានប្រតិភូ មន្ដ្រី គ្រូបង្វឹក និងកីឡាករ-កីឡាការិនីសរុប ៣៣៣នាក់។ តាងនាមរាជរដ្ឋាភិបាលកម្ពុជា លោកឧបនាយករដ្ឋមន្ត្រី បានពាំនាំនូវការសួរសុខទុក្ខយ៉ាងជ្រាលជ្រៅបំផុតពីសម្ដេចធិបតីនាយករដ្ឋមន្ដ្រី ជូនចំពោះគ្រូបង្វឹក ភាគីពាក់ព័ន្ធ និងកីឡាករ-កីឡាការិនីទាំងអស់។ ការចូលរួមស៊ីហ្គេមលើកនេះ ក្រសួងបានយកចិត្តទុកដាក់ និងអនុញ្ញាតឲ្យមជ្ឈមណ្ឌលជាតិហ្វឹកហ្វឺនកីឡា រៀបចំការប្រមូលផ្តុំក្រុមជម្រើសជាតិហាត់ហ្វឹកហ្វឺន ចាប់ពីខែមេសា ឆ្នាំ២០២៥ ទាំងកីឡាករថ្នាលវ័យក្មេង សម្រាប់ការកួតកីឡាយុវជនអាស៊ី និងកីឡាករពេញវ័យ សម្រាប់ត្រៀមប្រកួតកីឡាស៊ីហ្គេម។ បើទោះបីស្ថានការណ៍ព្រំដែននៅមានភាពតានតឹងខ្លះៗ ប៉ុន្តែសុភនិច្ឆ័យដ៏ត្រឹមត្រូវ […]

(ភ្នំពេញ)៖ លោកស្រីសាស្ដ្រាចារ្យ អ៉ឹម សិទ្ធិការ្យ រដ្ឋលេខាធិការក្រសួងសុខាភិបាល បានថ្លែងថា គិតត្រឹមខែតុលា ឆ្នាំ២០២៥ ករណីមរណភាពមាតាចំនួន៤១ ដែលមានការថយចុះបើប្រៀបធៀបក្នុងឆ្នាំ២០២៤ ចំនួន៧៩ករណី និង មរណភាពទារកជុំវិញកំណើតចំនួន១១៥។ ការថ្លែងយ៉ាងដូចច្នេះរបស់លោកស្រីសាស្ដ្រាចារ្យ ក្នុង«វគ្គបណ្តុះបណ្តាលគ្រូបង្គោលស្តីពីការពិនិត្យមរណភាពមាតា និងទារកជុំវិញកំណើត និងការឆ្លើយតប សម្រាប់ថ្នាក់រាជធានី-ខេត្ត» ដែលប្រព្រឹត្ដទៅចំនួន ៥ថ្ងៃទី២៤-២៨ ខែវិច្ឆិកា ឆ្នាំ២០២៥ នៅមជ្ឈមណ្ឌលជាតិគាំពារ មាតានិងទារក។ លោកស្រីសាស្ដ្រាចារ្យបានថ្លែងបន្ដថា វគ្គបណ្តុះបណ្តាលគ្រូបង្គោល ស្តីពីការពិនិត្យមរណភាពមាតានិងទារកជុំវិញកំណើតនិងការឆ្លើយតប (MPDSR) សម្រាប់ថ្នាក់រាជធានី-ខេត្តទាំង៥ បានរៀបចំដោយក្រសួងសុខាភិបាល តាមរយៈមជ្ឈមណ្ឌលជាតិគាំពារ មាតានិងទារក ដែលគាំទ្រថវិកា និងបច្ចេកទេសដោយអង្គការ UNFPA និងរដ្ឋាភិបាលអូស្ត្រាលី ។ ក្នុងវគ្គបណ្តុះបណ្តាលនាថ្ងៃនេះក៏ជាលើកទី៤ហើយ ដើម្បីអភិវឌ្ឍន៍សមត្ថភាពរបស់គណៈកម្មការ MPDSR ថ្នាក់រាជធានី-ខេត្តទាំង៥ ស្តីពីការពិនិត្យមរណភាពមាតា និងទារក ជុំវិញកំណើត និងការឆ្លើយតប ដើម្បីពន្លឿនការកាត់បន្ថយអត្រាមរណភាពមាតា និងលើក កម្ពស់គុណភាពនៃសេវាសុខភាពមាតា និងទារកនៅកម្ពុជា។ លោកស្រីបានថ្លែងបន្ដថា ការបណ្តុះបណ្តាលនេះនឹងធ្វើឱ្យសម្រេចនូវគោលដៅក្នុងការអនុវត្តប្រព័ន្ធ MPDSR ថ្មីនៅទូទាំងប្រទេសចាប់ពីឆ្នាំ២០២៥ នេះតទៅ ខណៈដែលក្រុមការងារបានធ្វើឱ្យមានវឌ្ឍនភាពក្នុងការពង្រឹងប្រព័ន្ធ MPDSR […]

(ប៉េកាំង)៖ នាថ្ងៃចន្ទនេះ ចិនបានថ្កោលទោសការសម្រេចចិត្តរបស់ជប៉ុន ក្នុងការបន្តទៅមុខនូវផែនការដាក់ពង្រាយប្រព័ន្ធមីស៉ីល នៅលើកោះមួយរបស់ខ្លួន ដែលនៅកៀកនឹងកោះតៃវ៉ាន់ ស្របពេលដែលប្រទេសទាំងពីរ កំពុងស្ថិតក្នុងជម្លោះការទូតយ៉ាងតានតឹង ​អស់រយៈពេលប៉ុន្មានសប្តាហ៍មកនេះ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃចន្ទ ទី២៤ ខែវិច្ឆិកា ឆ្នាំ២០២៥។ កាលពីថ្ងៃអាទិត្យ ប្រព័ន្ធផ្សព្វផ្សាយក្នុងស្រុករបស់ជប៉ុន បានស្រង់សម្តីរដ្ឋមន្រ្តីការពារជាតិ លោក Shinjiro Koizumi ដែលបាននិយាយថា ផែនការដាក់ពង្រាយប្រព័ន្ធមីស៉ីលនៅកោះ Yonaguni ដែលមានចម្ងាយនៅកៀកនឹងកោះតៃវ៉ាន់ កំពុងបន្តទៅមុខដោយមិនមានបញ្ហាអ្វីទេ។ លោក Koizumi បានបន្ថែមទៀតថា ការដាក់ពង្រាយនេះ អាចកាត់បន្ថយលទ្ធភាព នៃការវាយប្រហារប្រដាប់អាវុធមកលើប្រទេសជប៉ុន។ នាថ្ងៃចន្ទនេះ ក្រសួងការបរទេសចិន បាននិយាយថា ការដាក់ពង្រាយមីស៉ីលរបស់ជប៉ុន គឺជាការប៉ុនប៉ងដោយចេតនា ដើម្បីបង្កើត​ភាពតានតឹងនៅក្នុងតំបន់ ហើយបង្កហេតុឱ្យមានការប្រឈមមុខគ្នាផ្នែកយោធា។ អ្នកនាំពាក្យក្រសួងការបរទេសចិន លោកស្រី Mao Ning បានបន្តថា បូករួមជាមួយការអត្ថាធិប្បាយដ៏ខុសឆ្គងស្តីពីតៃវ៉ាន់ របស់នាយករដ្ឋមន្រ្តីជប៉ុន លោកស្រី Sanae Takaichi និន្នាការនេះមានភាពគ្រោះថ្នាក់ជាខ្លាំង ហើយទាមទារឱ្យមានការប្រុងប្រយ័ត្នខ្ពស់ពីបណ្តាប្រទេសជិតខាង ក៏ដូចជា​ពី​សហគមន៍អន្តរជាតិ។ គួរបញ្ជាក់ថា កន្លងមក ទីក្រុងតូក្យូធ្លាប់បានប្រកាសអំពីផែនការ […]

(ភ្នំពេញ)៖ បណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និងជាប្រធានក្រុមការងារជំរុញការវិនិយោគក្នុងខេត្តព្រះសីហនុ នាព្រឹកថ្ងៃទី ២៤ ខែវិច្ឆិកា ឆ្នាំ២០២៥ នៅទីស្តីការក្រសួងសេដ្ឋកិច្ច និងហិរញ្ញវត្ថុ បានដឹកនាំកិច្ចប្រជុំក្រុមការងារ ដើម្បីពិនិត្យលើការស្នើការលើកទឹកចិត្ត ការអនុគ្រោះ ការសម្រួលនីតិវិធី និងការសម្របសម្រួលដោះស្រាយវិវាទ របស់គម្រោងវិនិយោគ និង ធុរកិច្ចក្នុងខេត្តព្រះសីហនុ។ កិច្ចប្រជុំនេះមានការអញ្ជើញចូលរួមពីរដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង តំណាងក្រសួងស្ថាប័ន និង រដ្ឋបាលខេត្តព្រះសីហនុ ព្រមទាំងមន្ត្រីជំនាញពាក់ព័ន្ធ ។ ជាលទ្ធផល, អង្គប្រជុំបានសម្រេចជាគោលការណ៍ ផ្តល់ការលើកទឹកចិត្តពិសេស ជូនគម្រោងចំនួន ១៩ ដែលមានទុនវិនិយោគប៉ាន់ស្មានសរុប ២៧៦ លានដុល្លារអាមេរិក និង អាចបង្កើតការងារប្រមាណ ១ ៨៤៥ កន្លែង ក្នុងនោះ គម្រោងពាក់ព័ន្ធនឹងអគារកំពុងជាប់គាំង ចំនួន ៧ និង គម្រោងថ្មី ចំនួន ១២។ គម្រោងទំាងនេះ រួមមានគម្រោងសណ្ឋាគារ, អគារពហុមុខងារ, រោងចក្រផលិតឧបករណ៍ជួសជុលរថយន្ត, សិប្បកម្មផលិតក្តារបន្ទះ, រោងច្រកផលិតគ្រឿងសង្ហារឹម, […]

(ភ្នំពេញ)៖ យោងតាមប្រភពមន្ត្រីជំនាញផ្នែកយោធា បានថ្លែងថា សេចក្តីថ្លែងការណ៍របស់កងទ័ពថៃនៅថ្ងៃទី២៤ ខែវិច្ឆិកា ឆ្នាំ២០២៥ នេះដោយសំអាងថា យោងតាមរបាយការណ៍របស់អ្នកសង្កេតការណ៍អាស៊ានភាគីថៃ (AOT-Th) ថា គ្រាប់មីនដែលយោធាថៃបានជាន់កាលពីថ្ងៃទី១០ ខែវិច្ឆិកា ឆ្នាំ២០២៥ ពេលដើរចូលតំបន់ចម្ការមីនចាស់ក្នុងខេត្តព្រះវិហារ ជាគ្រាប់មីនដាក់ថ្មី ជាសេចក្តីថ្លែងការណ៍ដែលមិនឆ្លុះបញ្ចាំងពីការពិតឡើយ។ របាយការណ៍របស់អ្នកសង្កេតការណ៍អាស៊ាន ត្រូវតែជារបាយការណ៍រួមរវាងអ្នកសង្កេតការណ៍អាស៊ាននៅកម្ពុជា និងអ្នកសង្កេតការណ៍អាស៊ាននៅថៃ ទើបយកជាការណ៍បាន គឺមិនមែនផ្តោតលើរបាយការណ៍ជាឯកតោភាគីនោះទេ។ រហូតមកដល់ពេលនេះ មិនទាន់មានរបាយការណ៍ណាមួយរបស់អាស៊ាន បញ្ជាក់ថា គ្រាប់មីនដែលទាហានថៃដើរជាន់នោះជាមីនថ្មីដែរ។ កម្ពុជាសូមបញ្ជាក់អះអាងសាជាថ្មីថា គ្រាប់មីនដែលនៅតាមតំបន់ព្រំដែនកម្ពុជា-ថៃជាគ្រាប់មីនចាស់បន្សល់ទុកពីជំនាន់សង្គ្រាមស៊ីវិលកម្ពុជា ហើយគ្មានកម្លាំងទាហានកម្ពុជាណាដាក់គ្រាប់មីនថ្មីឡើយ ហើយការអះអាងអំពីរូបភាពនៃការដាក់គ្រាប់មីនដែលយកចេញពីទូរស័ព្ទ គឺគ្មានភាពរឹងមាំក្នុងការចោទប្រកាន់មកលើកងទ័ពកម្ពុជាទេ អាចជាភស្តុតាងប្រឌិតឡើង ហើយជាការចាំបាច់ណាស់ដែលត្រូវមានការស៊ើបអង្កេតរួមគ្នាមួយ ដើម្បីបញ្ជាក់ភស្តុតាងឱ្យច្បាស់លាស់ មុននឹងធ្វើសេចក្តីសន្និដ្ឋានណមួយ៕ ផ្ដល់សិទ្ធិដោយ៖ Fresh News

(ភ្នំពេញ)៖ គណៈកម្មាធិការប្រតិបត្តិ និងមហាសន្និបាត នៃអង្គការអ្នកប្រជាធិបតេយ្យនិយមកណ្តាលអន្តរជាតិ (CDI-IDC) ដែលមានសមាជិក១០៥គណបក្ស មកពី៨២ប្រទេស បានចេញសេចក្តីថ្លែងការណ៍រួម គាំទ្រ «បទឈប់បាញ់និងកិច្ចព្រមព្រៀង សន្តិភាពកម្ពុជា-ថៃ» និងអំពាវនាវឱ្យមានការដោះលែងទាហានកម្ពុជាទាំង១៨រូប ដោយគ្មានលក្ខខណ្ឌ! សេចក្តីថ្លែងការណ៍រួមនេះ បានធ្វើឡើងនៅក្នុងកិច្ចប្រជុំរបស់ខ្លួន នៅទីក្រុងសៅប៉ៅឡូ ប្រទេសប្រេស៊ីល នៅថ្ងៃទី២០-២៣ ខែវិច្ឆិកា ឆ្នាំ២០២៥។ តាមរយៈសេចក្ដីប្រកាសព័ត៌មាន ដែលបណ្ដាញព័ត៌មាន Fresh News ទទួលបាននៅថ្ងៃទី២៤ ខែវិច្ឆិកា ឆ្នាំ២០២៥នេះ បានបញ្ជាក់ថា កិច្ចប្រជុំបានដាក់ចេញនូវសេចក្តីថ្លែងការណ៍ ទីក្រុងសៅប៉ៅឡូ ដោយបានធ្វើការត្រួតពិនិត្យឡើងវិញនូវស្ថានភាព នៃលទ្ធិប្រជាធិបតេយ្យនិយមកណ្តាល ដែលកំពុងស្ថិតនៅលើចំណុចរបត់ដ៏សំខាន់មួយ និងត្រូវការកំណែទម្រង់។ CDI-IDC ក៏បានបញ្ជាក់អំពីការប្តេជ្ញាចិត្ត ចំពោះការលើកកម្ពស់ និងការការពារលទ្ធិប្រជាធិបតេយ្យ សិទ្ធិមនុស្ស សេរីភាពជាមូលដ្ឋាន នីតិរដ្ឋ និងប្រព័ន្ធអភិបាលកិច្ចពហុបក្ស និងការចូលរួមរបស់ប្រជាពលរដ្ឋ តាមរយៈការបោះឆ្នោតដោយសេរី យុត្តិធម៌ និងតម្លាភាព ការលើកកម្ពស់កិច្ចសហប្រតិបត្តិការ ការឯកភាព ក្នុងចំណោមសមាជិក CDI-IDC និងការទទួលស្គាល់នូវគុណតម្លៃ នៃភាពចម្រុះវប្បធម៌ ភូមិសាស្ត្រ និងប្រវត្តិសាស្ត្រ។ គណបក្សប្រជាជនកម្ពុជា ក្រោមការដឹកនាំរបស់ […]

(តាកែវ៖ រោងចក្រចំនួន២បន្ថែមទៀត នឹងបើកដំណើរការឆាប់ៗខាងមុខនេះ នៅក្នុងស្រុកគីរីវង់ ជាប់ព្រំដែនជាមួយប្រទេសវៀតណាម ដែលរោងចក្រទាំង២នេះ អាចនឹងស្រូបទាញកម្លាំងកម្មករឲ្យចូលមកបម្រើការងារ បានចំនួនជាង៦ពាន់នាក់។ លោក វ៉ី សំណាង អភិបាលខេត្តតាកែវ បានថ្លែងប្រាប់ភ្នាក់ងារព័ត៌មាន Fresh News ថា «នេះគឺជាឱកាសការងារសម្រាប់បងប្អូនប្រជាពលរដ្ឋក្នុងស្រុកគិរីវង់ ខេត្តតាកែវ រួមនិងបងប្អូនប្រជាពលរដ្ឋស្រុកអង្គរជ័យ ខេត្តកំពត ដែលនៅក្បែខាងផងដែរ»។ បើតាមលោកអភិបាលខេត្តតាកែវ ក្រុមការងាររបស់រដ្ឋបាលខេត្ត បានចុះពិនិត្យទីតាំងដីស្នើសុំសាងសង់រោងចក្រចំនួន២ទីតាំងរួចរាល់ហើយ ដោយរោងចក្រកាត់ដេរសម្លៀកបំពាក់ទី១ ស្ថិតនៅភូមិត្រើយទន្លាប់ ឃុំព្រះបាទជាន់ជុំ ស្រុកគិរីវង់ ដែលរោងចក្រនេះមានតម្រូវការកម្មករនៅចន្លោះពី ១០០០ ទៅ ១៥០០នាក់ និងរោងចក្រកាត់ដេរសម្លៀកបំពាក់មួយទៀត ស្ថិតនៅភូមិព្រៃអំពក ឃុំព្រៃអំពក ស្រុកគិរីវង់ ខេត្តតាកែវ ដែលមានតម្រូវការកម្មករ ចាប់ពី ៥០០០នាក់ទ្បើងទៅ៕ ផ្ដល់សិទ្ធិដោយ៖ Fresh News

(ហាណូយ)៖ ក្រសួងសុខាភិបាលវៀតណាម បានអនុម័តការចុះបញ្ជីប្រើប្រាស់ Pembroria ជាថ្នាំចាក់ព្យាបាលជំងឺមហារីកផលិតដោយរុស្ស៉ីដែលមានផ្ទុកសារធាតុថ្នាំ pembrolizumab ដើម្បីផ្ដល់ជម្រើសព្យាបាលថ្មីសម្រាប់ប្រជាជនវៀតណាម។ នេះបើតាមដកស្រង់ចេញផ្សាយពីសារព័ត៌មានវៀតណាម VN Express។ តាមរដ្ឋបាលថ្នាំនៃក្រសួងសុខាភិបាលវៀតណាម Pembroria ស្ថិតនៅក្នុងចំណោមវ៉ាក់សាំង និងផលិតផលថ្នាំពេទ្យចំនួន១៤ ដែលទទួលបានអាជ្ញាបណ្ណសម្រាប់ចរាចរកាលពីដំណាច់ខែតុលា កន្លងទៅ។ Pembroria ដែលត្រូវបានផលិតដោយក្រុមហ៊ុនរុស្ស៉ី Limited Liability “PK-137” និងចុះបញ្ជីដោយរោងចក្រមួយនៅក្នុងប្រទេសអេមីរ៉ាតអារ៉ាប់រួម មានផ្ទុកសារធាតុថ្នាំ pembrolizumab ១០០មីលីក្រាម ក្នុងចំណុះ៤មីលីលីត្រ។ Pembroria ត្រូវបានណែនាំសម្រាប់ការប្រើប្រាស់ក្នុងការព្យាបាលជំងឺមហារីកជាច្រើនប្រភេទដូចជាជំងឺមហារីកសួត មហារីកស្បែក មហារីកពោះវៀនធំ មហារីកមាត់ស្បូន និងជំងឺមហារីសុដន់។ គួរបញ្ជាក់ថា Pembroria មិនទាន់ស្ថិតនៅក្រោមប្រព័ន្ធធានារ៉ាប់រងសុខភាពរបស់វៀតណាមនៅឡើយទេ។ ថ្នាំនេះមួយដបតូចមានតម្លៃជាង ៧០០ដុល្លារ ហើយអ្នកជំងឺតម្រូវឱ្យចាក់ ២ដបតូច សម្រាប់ការព្យាបាលមួយលើក៕ ផ្ដល់សិទ្ធិដោយ៖ Fresh News

(ភ្នំពេញ)៖ លោក ហួត ហាក់ រដ្ឋមន្ត្រីក្រសួងទេសចរណ៍បានអនុញ្ញាតជូនលោក Joseph Lin ប្រធានក្រុមហ៊ុន HQ Footwear (Cambodia) Co., Ltd. និងសហការី ចូលជួបសម្ដែងការគួរសម និងពិភាក្សា ពីកិច្ចសហប្រតិបត្តិការលើវិស័យទេសចរណ៍ នៅថ្ងៃទី២៣ ខែវិច្ឆិកា ឆ្នាំ២០២៥ នាទីស្តីការក្រសួងទេសចរណ៍។ ក្នុងជំនួប ភាគីក្រុមហ៊ុន សន្យាចូលរួមចំណែកឱ្យសកម្មក្នុងការជួយផ្សព្វផ្សាយសក្តានុពលទេសចរណ៍ និងកាលានុវត្តន៍ភាពវិនិយោគកម្ពុជា ជាពិសេសគឺកត្តាសុខសន្តិភាព សិ្ថរភាពនយោបាយ សណ្តាប់ធ្នាប់សាធារណៈល្អប្រសើរ ការរីកចំរើនគ្រប់វិស័យ យន្តការលើកទឹកចិត្ត និងការធានាដល់វិនិយោគិន ក្រោមការដឹកនាំដ៏ត្រឹមត្រូវ និងប្រកបដោយការគតិបណ្ឌិតរបស់រាជរដ្ឋាភិបាលកម្ពុជា ទៅដល់បណ្តាញវិនិយោគរបស់ខ្លួននៅប្រទេសចិន និងជុំវិញពិភពលោក ពិសេសដល់អ្នកបញ្ជាទិញរបស់ខ្លួន។ ឆ្លៀតក្នុងឱកាសនោះ លោករដ្ឋមន្រ្តី បានកោតសរសើរ វាយតម្លៃខ្ពស់ និងថ្លែងអំណរគុណដ៏ជ្រាលជ្រៅចំពោះគំនិតផ្តួចផ្តើមដ៏ល្អរបស់ក្រុមហ៊ុន និងស្នើឱ្យក្រុមហ៊ុន ជួយសហការផ្តល់ព័ត៌មានពិតៗ ពីកម្ពុជា ក៏ដូចជាពិនិត្យពិចារណារៀបចំការឈប់សម្រាកប្រចាំរបស់បុគ្គលិក និងថ្នាក់ដឹកនាំរបស់ក្រុមហ៊ុននៅប្រទេសកម្ពុជា។ ការរៀបចំដំណើររបស់អ្នកបញ្ជាទិញ មកទស្សនាស្វែងយល់ពីសភាពការណ៍ពិត ការរីកចំរើនគ្រប់វិស័យ សក្តានុពលទេសចរណ៍ដ៏សំបូរបែប និងបទពិសោធន៍បដិសណ្ឋារកិច្ចដ៏កក់ក្តៅរបស់ប្រជាជនកម្ពុជា៕ ផ្ដល់សិទ្ធិដោយ៖ Fresh News

(ស្វាយរៀង)៖ ជនសង្ស័យចំនួនចំនួន ២៨នាក់ ក្នុងនោះស្ត្រី០៣នាក់ ត្រូវបានកម្លាំងសមត្ថកិច្ចចម្រុះឃាត់ខ្លួន ក្នុងប្រតិបត្តិការចុះត្រួតពិនិត្យឆែកឆេរ ទីតាំងចំនួន ២ទីតាំង នៅបុរី CK នៅផ្ទះលេខ M47 និងផ្ទះលេខ M29 ស្ថិតក្នុងភូមិតាពៅ សង្កាត់បាវិត ក្រុងបាវិត ខេត្តស្វាយរៀងក្រោមការសង្ស័យថា មានការលបលួចប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scam)។ ជាមួយគ្នានេះ សមត្ថកិច្ចបានរឹបអូសសម្ភារៈជាវត្ថុតាងរួមមាន កុំព្យូទ័រលើតុ ៤៧គ្រឿង, ទូរសព្ទដៃ ២៥រឿង, ដុំ Mobile Tri Band Repeater ០១, ដុំ WiFi ចំនួន ៤គ្រឿង, កាត ១សន្លឹក, រថយន្ត ១គ្រឿង ម៉ាក Lexus RX400h ពណ៌ស ផ្លាកលេខ ភ្នំពេញ 2BZ-4107, ម៉ូតូ ៤គ្រឿង, ឯកសណ្ឋានសមត្ថកិច្ច, លិខិតឆ្លងដែន ១២ក្បាល, អត្តសញ្ញាណបណ្ណ ២៤សន្លឹក, បណ្ណបើកបរ […]