(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នៅរសៀលថ្ងៃទី១៩ ខែមីនា ឆ្នាំ២០២៥ បានចេញសារណែនាំឲ្យរៀបចំមេដាយជូនមន្ត្រីតាមបណ្តាក្រសួង-ស្ថាប័នថ្នាក់ជាតិ និងរដ្ឋបាលថ្នាក់ក្រោមជាតិករណីពិសេស ដែលសម្តេចបានប្រគល់ការងារជូនលោក វង្សី វិសុត្ស ឧបនាយករដ្ឋមន្ដ្រីប្រចាំការ រដ្ឋមន្ដ្រីទទួលបន្ទុកទីស្ដីការគណៈរដ្ឋមន្ដ្រី ដើម្បីដឹកនាំរៀបចំការងារនេះ។ ខាងក្រោមនេះជាសារសំឡេងណែនាំរប​ស់សម្តេចមហាបវរធិបតី ហ៊ុន ម៉ាណែត៖ ផ្ដល់សិទ្ធិដោយ៖ Fresh News

(ភ្នំពេញ)៖ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ​បានគូសបញ្ជាក់ថា ចាប់ពីពេលនេះទៅ ​អ្នកបង្កើតមាតិកានៅកម្ពុជា ដែលមានខ្លឹមសារល្អ និងមានភាពទាក់ទាញអ្នកទស្សនាច្រើន​នៅលើបណ្តាញសង្គម TikTok នឹង​អាចរកចំណូលបានហើយ​ ដែលនេះជាការផ្តល់ឱកាសរបស់ក្រុមហ៊ុន TikTok ដល់អ្នកបង្កើតមាតិកា​នៅកម្ពុជា។ លោក ជា វ៉ាន់ដេត គូសបញ្ជាក់បែបនេះ នៅក្នុងសិក្ខាសាលាផ្សព្វផ្សាយស្តីពីសុវត្ថិភាពលើប្រព័ន្ធអនឡាញ និងគោលការណ៍ណែនាំជាមួយក្រុមហ៊ុន TikTok នា​ថ្ងៃទី១៩ ខែមីនា ឆ្នាំ២០២៥នេះ។ លោកបាន​បញ្ជាក់បន្ថែមថា ​កាលពី​ពេលកន្លងមក អ្នកបង្កើតមាតិកាជាច្រើននៅកម្ពុជា បានស្នើទៅសម្តេចនាយករដ្ឋមន្រ្តី ដើម្បីឱ្យក្រុមហ៊ុន TikTok ហ្វេសប៊ុក និងបណ្តាញសង្គមផ្សេងទៀតផ្តល់ឱកាសក្នុងការរកចំណូលបានពីការបង្កើតមាតិកាផ្សព្វផ្សាយនៅលើបណ្តាញសង្គមទាំងនោះផងដែរ។ ហើយនាពេលខាងមុខ ក្រសួងនឹងបន្តខិតខំសម្របសម្រួលបន្ថែមទៀត ដើម្បីឱ្យអ្នកបង្កើតមាតិកានៅបណ្តាញសង្គមហ្វេសប៊ុកនៅកម្ពុជាអាចរកចំណូលបាន​។ យ៉ាងនេះក្តី លោកលើកទឹកចិត្តឱ្យអ្នក​បង្កើតមាតិកាទាំងអស់ ប្រឹងបង្កើតមាតិកាឱ្យកាន់តែល្អ បម្រើដល់សង្គមជាតិ បរិស្ថាន មនុស្សជាតិ សេដ្ឋកិច្ច និងមានភាពទាក់ទាញដល់អ្នកស្តាប់ និងអ្នកទស្សនា ប៉ុន្តែកុំបង្កើតមាតិកាណាដែលធ្វើឱ្យមនុស្សភ័យខ្លាច បំផ្លាញបរិស្ថាន រំលេចនូវរូបភាពបែបសាហាវ ដែលមាតិកាទាំងនេះនឹងធ្វើឱ្យប៉ះពាល់ដល់អារម្មណ៍ទស្សនិកជន ហើយអាចនឹងមិនទទួលបានចំណូលផងដែរ​៕ ផ្ដល់សិទ្ធិដោយ៖ Fresh News

(ភ្នំពេញ)៖ ក្រសួងសាធារណការ និងដឹកជញ្ជូន គណៈកម្មាធិការដឹកនាំការត្រួតពិនិត្យ យានយន្តដឹកជញ្ជូនលើសទម្ងន់កម្រិតកំណត់ បានចេញសេចក្តីជូនដំណឹងប្រកាសដោះលែងរថយន្ត ១០៨គ្រឿង ដែលបានដឹកលើសទម្ងន់កម្រិតកំណត់ ក្រោយពីអនុវត្តទោសដោយឃាត់រក្សាទុកមួយឆ្នាំ និងបានបង់ពិន័យរួចរាល់។ នៅក្នុងសេចក្តីជូនដំណឹង ដែលបណ្តាញព័ត៌មាន Fresh News ទទួលបាននៅថ្ងៃទី១៩ ខែមីនា ឆ្នាំ២០២៥នេះគណៈកម្មាធិការដឹកនាំការត្រួតពិនិត្យយានយន្ត ដឹកជញ្ជូនលើសទម្ងន់កម្រិតកំណត់ សូមអញ្ជើញ ម្ចាស់ក្រុមហ៊ុន និងម្ចាស់រថយន្តទាំងអស់ដែលមានរថយន្ត ត្រូវបានឃាត់ទុកនាពេលកន្លងមក ដោយមន្ត្រីមានសមត្ថកិច្ចប្រចាំស្ថានីយជញ្ជីងអចល័ត និងក្រុមការងារ ជញ្ជីងចល័តនៃក្រសួងសាធារណការ និងដឹកជញ្ជូន ហើយបានបង់ប្រាក់ពិន័យរួចរាល់ គិតត្រឹមថ្ងៃទី៣ ខែមីនា ឆ្នាំ២០២៥ មកចូលរួមដោះស្រាយដូចខាងក្រោម៖ ១៖ ម្ចាស់ក្រុមហ៊ុន និងម្ចាស់រថយន្តដឹកជញ្ជូនលើសទម្ងន់កម្រិតកំណត់ ដែលមានរថយន្តត្រូវបានឃាត់ទុក និងបានបង់ប្រាក់ពិន័យរួចរាល់ អាចមកទទួលរថយន្តនៅតាមទីតាំងរក្សាទុក ចាប់ពីថ្ងៃជូន ដំណឹងនេះរហូតដល់ថ្ងៃទី៤ ខែមេសា ឆ្នាំ២០២៥ ដោយតម្រូវឱ្យមានការធ្វើកិច្ចសន្យាលែងប្រព្រឹត្តបទល្មើស ដឹកជញ្ជូនលើសទម្ងន់កម្រិតកំណត់បន្តទៀត។ ២៖ ក្រសួងសាធារណការ និងដឹកជញ្ជូន នឹងបន្តអនុវត្តច្បាប់យ៉ាងតឹងរ៉ឹង ចាប់ពីថ្ងៃទី១៦ ខែមេសា ឆ្នាំ២០២៥ តទៅ ដោយបន្ថែមវិធានការចំពោះយានយន្តល្មើស ដែលដឹកលើសទម្ងន់កម្រិតកំណត់ ដោយ ត្រូវពិន័យទាំងការផ្ទុកលើសទម្ងន់សរុប និងការផ្ទុកលើសទម្ងន់នៃភ្លៅនីមួយៗទាំងពីរករណីព្រមគ្នា […]

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ បានចេញសេចក្តីជូនដំណឹងស្តីពី ការបើកផ្តល់ប្រាក់ឈ្នួល និងប្រាក់បំណាច់ផ្សេងៗជូនដល់បងប្អូនកម្មករនិយោជិត នៃក្រុមហ៊ុន ប៊ូហ្វាស (ខេមបូឌា) ឯ.ក (MOVEFAST (CAMBODIA) CO., LTD.) ដែលទទួលរងឧបទ្ទវហេតុអគ្គិភ័យ មានទីតាំងស្ថិតនៅភូមិបាញ់កង្កែប ឃុំត្រពាំងគង ស្រុកសំរោងទង ខេត្តកំពង់ស្ពឺ។ នេះបើតាមសេចក្តីជូនដំណឹង ដែលបណ្តាញព័ត៌មាន Fresh News ទទួលបាននៅថ្ងៃទី១៩ ខែមីនា ឆ្នាំ២០២៥នេះ។ ក្រសួង នឹងសហការជាមួយ ក្រុមហ៊ុនចាប់ផ្តើមបើកប្រាក់ឈ្នួល និងប្រាក់បំណាច់ផ្សេងៗ ជូនដល់បងប្អូនកម្មករនិយោជិតនៅទីតាំងក្រុមហ៊ុន ម៉ូហ្វាស (ខេមបូឌា) ឯ.ក (MOVEFAST (CAMBODIA) CO., LTD.) ចាប់ពីម៉ោង ១៤៖០០នាទីរសៀល ថ្ងៃពុធ ទី១៩ ខែមីនា ឆ្នាំ២០២៥ នេះតទៅ។សូមបងប្អូនកម្មករនិយោជិតភ្ជាប់មកជាមួយនូវឯកសារមួយចំនួនដូចខាងក្រោម៖១៖ បណ្ណ (កាត) សម្គាល់ខ្លួនកម្មករនិយោជិត (ច្បាប់ដើម) ឬកិច្ចសន្យាការងារ និងសៀវភៅការងារ កម្មករនិយោជិត ឬបណ្ណសមាជិក ប.ស.ស. ឬអត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន។២៖ […]

(ភ្នំពេញ)៖ មានផ្ទាំងគំនូរដ៏អស្ចារ្យល្អឯក ដែលរចនាឡើងពីថ្មម៉ាប ជាង៧០ប្រភេទ យកពីច្រើនប្រទេស កាត់ចេញជាបន្ទះតូចៗ ចំនួនជាង ២ម៉ឺនបន្ទះ ផ្គុំបញ្ចូលគ្នាចេញជារចនាប័ទ្មបែបបុរាណអច្ឆរិយៈ របស់ខ្មែរ ហើយត្រូវបានដាក់តាំងក្នុងពិព័រណ៍ថ្មអន្តរជាតិ ទីក្រុងហ្សាមែន ប្រទេសចិន លើកទី២៥ (The 25th China Xiamen International Stone Fair)។ បើតាមឧកញ៉ា បណ្ឌិត កែវ មុំ ដែលបានចូលរួមពិព័រណ៍ថ្មអន្តរជាតិខាងលើ។ ពិព័រណ៍ថ្មអន្តរជាតិ ទីក្រុងហ្សាមែន ប្រទេសចិន លើកទី២៥ ត្រូវបានប្រារព្ធធ្វើឡើងនៅមជ្ឈមណ្ឌលពិព័រណ៍ និងសន្និសីទអន្តរជាតិ ទីក្រុងហ្សាមែន ខេត្តហ៊្វូជៀន សាធារណរដ្ឋប្រជាមានិតចិន (Xiamen International Conference & Exhibition Center) ចាប់ពីថ្ងៃទី ១៦-១៩ ខែមីនា ឆ្នាំ២០២៥។ ក្នុងឱកាសតាំងពិព័រណ៍ថ្មអន្តរជាតិ ហ្សាមែន លើកទី២៥ ឆ្នាំ២០២៥ មានក្រុមហ៊ុនសមាជិកសមាគមថ្មអារកម្ពុជា បាននាំយកផលិតផលថ្មអារធម្មជាតិ របស់ប្រទេសកម្ពុជា ទៅចូលរួមមានចំនួន ០៤ ក្រុមហ៊ុន រួមមាន៖ […]

(វ៉ាស៊ីនតោន)៖ ប្រធានាធិបតីរុស្ស៉ី លោក វ្ល៉ាឌីមៀ ពូទីន កាលពីថ្ងៃអង្គារ ទី១៨ ខែមីនា បានយល់ព្រមបញ្ឈប់ការវាយប្រហារលើហេដ្ឋារចនាសម្ព័ន្ធថាមពលរបស់អ៊ុយក្រែន ជាបណ្ដោះអាសន្ន តែមិនបានទទួលយកបទឈប់បាញ់ពេញលេញមួយមានរយៈពេល៣០ថ្ងៃ ដែលលោកប្រធានាធិបតីអាមេរិក ដូណាល់ ត្រាំ សង្ឃឹមថានឹងក្លាយជាជំហានដំបូង ដើម្បីឆ្ពោះទៅរកកិច្ចព្រមព្រៀងសន្តិភាពអចិន្ត្រយ៍មួយ នោះឡើយ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ អ៊ុយក្រែន បាននិយាយថាខ្លួននឹងគាំទ្រដល់បទឈប់បាញ់មិនពេញលេញខាងលើ ដែលនឹងតម្រូវឱ្យទាំងរុស្ស៉ី និងអ៊ុយក្រែនបញ្ឈប់ការវាយប្រហារលើហេដ្ឋរចនាសម្ព័ន្ធថាមពលគ្នា ទៅវិញទៅមករយៈពេលមួយខែ។ ក្រុមអ្នកជំនាញយល់ថាលោក ពូទីន មិនព្រមទទួលយកបទឈប់បាញ់ពេញលេញរយៈពេល៣០ថ្ងៃស្នើឡើងដោយសហរដ្ឋអាមេរិក គឺអាចជា ចេតនាមួយក្នុងការកេងចំណេងពេលវេលា ក្នុងពេលដែលកងទ័ពរុស្ស៉ីកំពុងមានភាពរីកចម្រើននៅតំបន់ភាគខាងកើតអ៊ុយក្រែន។ សេតវិមាន ក៏បានឱ្យដឹងដែរថាកិច្ចចរចាស្ដីពីផែនការសន្តិភាពនឹងត្រូវចាប់ផ្ដើមភ្លាមៗ បន្ទាប់ពីមានកិច្ចសន្ទនាតាមទូរស័ព្ទរវាងលោក ត្រាំ និងលោក ពូទីន កាលពីថ្ងៃអង្គារ។ តែមិនទាន់ច្បាស់ថាតើកិច្ចចរចាទាំងនោះនឹងមានវត្តមានអ៊ុយក្រែនចូលរួមដែរឬក៏យ៉ាងណានោះទេ។ ចំណែក វិមានក្រឹមឡាំងវិញបាននិយាយថាលោក ពូទីន បានចេញបញ្ជាឱ្យ យោធារុស្ស៉ីបញ្ឈប់ការវាយប្រហារលើហេដ្ឋារចនាសម្ព័ន្ធថាមពលរបស់អ៊ុយក្រែន ក្រោយឈានដល់ការឯកភាពគ្នាជាមួយលោក ត្រាំ។ ប៉ុន្តែព្រមពេលជាមួយគ្នា វិមានក្រឹមឡាំង បានលើកឡើងពីការព្រួយបារម្ភថាបទឈប់បាញ់បណ្ដោះអាសន្នមួយអាចនឹងអនុញ្ញាតឱ្យអ៊ុយក្រែនបំពាក់អាវុធឡើងវិញ និងកែនកងទ័ព បន្ថែម ហើយថែមទាំងសង្កត់ធ្ងន់ពីសំណើរបស់លោក ពូទីន ដែលទាមទារឱ្យមានការបញ្ឈប់ការផ្ដល់ជំនួយយោធា និងព័ត៌មានស៊ើបការណ៍សម្ងាត់សម្រាប់អ៊ុយក្រែនផងដែរ៕ ផ្ដល់សិទ្ធិដោយ​៖ Fresh […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានក្តុកក្តួល​រំជួល​ចិត្ត និងសោកស្តាយឥតឧបមា ចំពោះមរណភាពលោក ស្វាយ ដូត ដែលជាជំនួយការ​របស់សម្តេច។ តាមរយៈសារលិខិតចូលរួមរំលែកមរណទុក្ខផ្ញើជូនភរិយារបស់លោក ស្វាយ ដូត, សម្តេចមហាបវរធិបតី បានចាត់ទុកមរណភាពរបស់លោក ស្វាយ ដូត គឺជាការបាត់​បង់​ស្វាមី ដែលប្រកបដោយសង្គហធម៌ដ៏ឧត្តុង្គឧត្តម ចំពោះភរិយា និងជាការបាត់បង់ឪពុក ដែលប្រកបដោយព្រហ្មវិហារធម៌ចំពោះកូនៗ និងសាច់ញាតិជិតឆ្ងាយទាំងអស់។ ជា​ពិ​សេសជា​ការបាត់បង់មន្ត្រីដ៏ល្អឆ្នើមមួយរូប បានរួមចំណែកធ្វើពលិកម្មគ្រប់បែបយ៉ាង ប្រកបដោយឆន្ទៈ និងមនសិការមោះមុត ដើម្បីចូលរួមបម្រើជាតិ សាសនា ព្រះមហា​ក្សត្រ និងបម្រើឱ្យឧត្តមប្រយោជន៍មាតុភូមិ និងប្រជាជនជារៀងរហូតមក។ សម្តេចមហាបវរធិបតី ហ៊ុន ម៉ាណែត បួងសួងឱ្យដួងវិញ្ញាណក្ខន្ធ ស្វាយ ជូត ឆាប់បាន​យោនយកកំណើតកើតក្នុងសុគតិភពកុំបីឃ្លៀងឃ្លាតឡើយ។ សូមបញ្ជាក់ថា លោក ស្វាយ ដូត បានទទួលមរណភាពដោយសារបញ្ហាបេះដូង ពេល​កំពុង​​ចូល​រួម​ទាត់បាល់ក្នុងកម្មវិធីប្រកួតបាល់ទាត់មិត្តភាពយុវជនអន្តរក្រសួង-ស្ថាប័ន នៅល្ងាចថ្ងៃអង្គារ ទី១៨ ខែមីនា ឆ្នាំ២០២៥នេះ។ លោក ស្វាយ ដូត មានអាយុ៥៦ឆ្នាំ ជាជំនួយការសម្តេចមហាបវរធិបតី ហ៊ុន […]

(តាកែវ)៖ ព្រះធម្មវិជ្ជា ជួន កក្កដា ព្រះវិន័យធរគណខេត្តតាកែវ​ និងជាព្រឹទ្ធបុរសរងនៃពុទ្ធិកសកលវិទ្យាល័យព្រះសីហនុរាជ​ នាយកសាលាពុទ្ធិកប្រាសាទនាងខ្មៅ បានលាចាកសិក្ខាបទ នៅព្រឹកថ្ងៃទី១៩ ខែមីនា ឆ្នាំ២០២៥នេះ។ ព្រះធម្មវិជ្ជា ជួន កក្កដា បានសាងផ្នួសជាសង្ឃ ក្នុងវ័យ១៣ឆ្នាំ កាលពីឆ្នាំ១៩៩៨ ដែលមកដល់ពេលនេះមានរយៈពេល២៧ឆ្នាំហើយ៕ ផ្ដល់សិទ្ធិដោយ៖ Fresh News

(ភ្នំពេញ)៖ ​សម្តេចបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានណែនាំដល់ក្រសួងស្ថាប័នពាក់ព័ន្ធ ទាំងថ្នាក់ជាតិ និងថ្នាក់ក្រោមជាតិ ត្រូវអនុវត្តការរើសមន្រ្តី «រើសឱ្យចំ បំពេញឱ្យត្រូវ​ រក្សាឱ្យនៅ» ​ដើម្បី​​ធ្វើឱ្យការចំណាយថវិកាលើបន្ទុកបុគ្គលិក និងការគ្រប់គ្រងមន្រ្តីនៅមូលដ្ឋាន​ ​កាន់តែមានប្រសិទ្ធិភាព។ សម្តេចមហាបវរធិបតី ហ៊ុន ម៉ាណែត លើកឡើងបែបនេះ ធ្វើឡើងក្នុងឱកាសដែលសម្តេចអញ្ជើញដឹកនាំវេទិកា​វាងរាជរដ្ឋាភិបាល និងរដ្ឋបាលថ្នាក់ក្រោមជាតិ នាថ្ងៃទី១៨ ខែមីនា​ឆ្នាំ២០២៥នេះ។ ផ្អែក​លើផែនការតម្រូវការបុគ្គលិក សម្តេចបវរធិបតី ​បានណែនាំឱ្យក្រសួងមុខងារសាធារណៈ ក្រសួងមហាផ្ទៃ និងក្រសួងស្ថាប័នពាក់ព័ន្ធត្រូវរៀបចំគោលការណ៍ និងនិតិវិធី ដើម្បីអនុវត្តវិធានការចាំបាច់ ​ដែលរួមមាន វិធានការទី១. សិក្សាលទ្ធភាពផ្តល់គោលនយោបាយលើកទឹកចិត្ត និងផ្តល់ឱកាសតាមការស្ម័គ្រចិត្ត និងការផ្ទេរបុគ្គលិកដែលមានជំនាញវិជ្ជាជីវៈ ពីមន្ទីរ ក្រសួងស្ថាប័ន​ឱ្យទៅនៅបម្រើការ តាមរដ្ឋបាលក្រុង ស្រុក ​ពោលគឺពីថ្នាក់ជាតិទៅថ្នាក់ក្រោមជាតិក្នុងករណីដែលមាន។ វិធានការទី២. គឺផ្តល់ការណែនាំដល់ការគាំទ្រដល់រដ្ឋបាលក្រុង/ស្រុក ក្នុងការជ្រើសរើសបុគ្គលិក ផ្អែកលើកិច្ចព្រមព្រៀង ដើម្បីបំពេញមុខដំណែង វិជ្ជាជីវៈដែលត្រូវការចាំបាច់ ឈរលើគោលការកុណាធិបតេយ្យតម្លាភាព និងយុត្តិធម៌ និងគោលការណ៍រើសឱ្យចំ បំពេញឱ្យត្រូវ រក្សាឱ្យនៅ។ ​ សម្តេចបវរធិបតី បានគូសបញ្ជាក់ថា ការជ្រើសរើសមន្រ្តីតាមគោលការណ៍នេះ ដើម្បីធានាពីលទ្ធភាពនៃការចំណាយថវិកាលើបន្ទុកបុគ្គលិក និងការគ្រប់គ្រងមន្រ្តីនៅមូលដ្ឋានឱ្យបានឱ្យបានត្រឹមត្រូវ និងមានប្រសិទ្ធិភាព។ […]

(ពោធិ៍សាត់)៖ លោក ខូយ រីដា អភិបាលខេត្តពោធិ៍សាត់ នាថ្ងៃទី១៧ ខែមីនា ឆ្នាំ២០២៥ នៅសាលបន្ទប់រងចាំអគាររដ្ឋបាលខេត្ត បានអនុញ្ញាតឱ្យប្រតិភូ ក្រុមហ៊ុន Danong Agriculture Development និងក្រុមហ៊ុន Tianguan Global Cassava Processing Trading របស់ចិន ដឹកនាំដោយលោក Zhao ShuJie និងលោក YU YU ចូលជួបសម្ដែងការគួរសម និងពិភាក្សាការងារ ជុំវិញគម្រោងបោះទុនវិនិយោគ រោងចក្រកែច្នៃ និងដាំដុះដំណាំដំឡូងមីនាំចេញ ក្នុងទឹកដីខេត្តពោធិ៍សាត់។ ក្នុងជំនួបនោះ លោក Zhao ShuJie នាយកប្រតិបត្តិក្រុមហ៊ុន Danong Agriculture Development បានឱ្យដឹងថា ក្រុមហ៊ុនរបស់លោក និងក្រុមហ៊ុន Tianguan Global Cassava Processing Trading មានឱកាសបានចូលជួបសម្តែងការគួរសមជាមួយលោកអភិបាលខេត្ត គឺដើម្បីជម្រាបជូនអំពីគោលបំណងចង់វិនិយោគ ប្រមូលទិញដំឡូងមី ពីសំណាក់បងប្អូនប្រជាពលរដ្ឋក្នុងខេត្តពោធិ៍សាត់ ព្រមទាំងសាងសង់រោងចក្រមួយ ធ្វើការកែច្នៃដំឡូងមី ជាឥន្ទនៈអេតាណុល […]