(ឧត្តរមានជ័យ)៖ បន្ទាប់ពីទទួលព័ត៌មានថាមានអ្នកសារព័ត៌មាន២នាក់បានដឹកគ្រាប់មីនតោនមួយគ្រាប់ ចេញពីតំបន់បន្ទាត់ព្រំដែនកម្ពុជា-ថៃ (តំបន់ស) មកទុកនៅប៉ុស្តិ៍នគរបាលអូរស្មាច់រួចមក នៅថ្ងៃទី៨​ ខែកុម្ភៈ​ ឆ្នាំ២០២៥នេះ កម្លាំងជំនាញអង្គភាពស៉ីម៉ាក់បានទៅទទួលគ្រាប់មីនតោននោះយករក្សានៅកន្លែងមានសុវត្ថិភាពហើយ។ សូមបញ្ជាក់ថា បើតាមការបញ្ជាក់ពីស្នងការដ្ឋាននគរបាលខេត្តឧត្តរមានជ័យ កាលពីថ្ងៃទី៦ ខែកុម្ភៈ ឆ្នាំ២០២៥ មានអ្នកសារព័ត៌មាន២នាក់ ម្នាក់ឈ្មោះ ទឺ ពិទូ ម្នាក់ទៀតឈ្មោះ ពែក ពុយ បាននាំយកគ្រាប់មីនតោនពីតំបន់ស ដែលអាជ្ញាធរទំនាក់ទំនងព្រំដែនប្រទេសទាំងពីរកម្ពុជា-ថៃចាត់ទុកជាតំបន់ហាមឃាត់ មកទុកនៅលើតុរបស់នគរបាលនៃប៉ុស្តិ៍នគរបាលអូរស្មាច់ ខេត្តឧត្តរមានជ័យ ដែលបង្កការភ្ញាក់ផ្អើលពីសំណាក់សមត្ថកិច្ច និងប្រជាពលរដ្ឋ។ ក្រោយទទួលបានព័ត៌មាននេះហើយ លោក ហេង រតនា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកស៊ីម៉ាក់ បានចាត់បញ្ជូនកម្លាំងជំនាញអង្គភាពស៉ីម៉ាក់ឱ្យទៅទទួលយកគ្រាប់មីនតោននោះ ដើម្បីរក្សានៅកន្លែងមានសុវត្ថិភាព។ លោកថា គ្រាប់មីនតោននេះជាប្រភេទ M6 ផលិតនៅសហរដ្ឋអាម៉េរិក​។ លោកអគ្គនាយកក៏បានសម្ដែងការអរគុណចំពោះអ្នកសារព័ត៌មាន ដែលបានចូលរួមយ៉ាងសកម្មក្នុងផ្សព្វផ្សាយជូនប្រជាពលរដ្ឋ ឱ្យបានយល់ដឹងពីគ្រោះថ្នាក់ដោយសារគ្រាប់មីននិងគ្រាប់យុទ្ធភណ្ឌមិនទាន់ផ្ទុះសំណល់សង្គ្រាម។ តែទោះជាយ៉ាងណា លោកក៏បានអំពាវនាវជាថ្មី​ដល់ប្រជាពលរដ្ឋសូមកុំប៉ះពាល់​ ឬបោសសម្អាត​ឬលើកដាក់គ្រាប់មីននិងគ្រាប់យុទ្ធភណ្ឌមិនទាន់ផ្ទុះសំណល់សង្គ្រាម​ ព្រោះអាចបង្កគ្រោះថ្នាក់ដល់ខ្លួនឯង​ និងអ្នកដទៃ​ ក៏ដូចជាសន្តិសុខសង្គមជាតិ។ បើតាមលោកអគ្គនាយក ហេង រតនា បច្ចុប្បន្ននេះ កម្ពុជាមានកម្លាំងស្ម័គ្រចិត្តអង្គភាពស៉ីម៉ាក់ជាង១ម៉ឺននាក់នៅទូទាំងប្រទេស​ និងកម្លាំងនគរបាលប៉ុស្តទាំងអស់​ ជាភ្នាក់ងារទទួលនិងផ្តល់ព័ត៌មានមកអង្គភាពស៉ីម៉ាក់ ដើម្បីចាត់បញ្ជូនអ្នកបច្ចេកទេសឆ្លើយតបតាមសំណូមពរ។ ពាក់ព័ន្ធនឹងករណីដែលអ្នកសារព័ត៌មាន២នាក់ខាងលើ […]

(ភ្នំពេញ)៖ ក្រសួងបរិស្ថាន ជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី៨ ខែកុម្ភៈ ឆ្នាំ២០២៥ ចាប់ពីម៉ោង ៦ ល្ងាច ដល់ម៉ោង ៦ ព្រឹក ថ្ងៃទី៩ ខែកុម្ភៈ ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង ២៦.៧៩ µg/m3 ធៀបនឹងស្តង់ដា ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ «ល្អ»។ ពណ៌ខៀវៈ គុណភាពខ្យល់ល្អណាស់មានខេត្តបន្ទាយមានជ័យ ខេត្តបាត់ដំបង ខេត្តកំពង់ឆ្នាំង ខេត្តកំពង់ស្ពឺ ខេត្តកែប ខេត្តកំពត ខេត្តព្រៃវែង ខេត្តស្វាយរៀង ខេត្តសៀមរាប ខេត្តក្រចេះ រាជធានីភ្នំពេញ ខេត្តកំពង់ចាម ខេត្តកំពង់ធំ ខេត្តព្រះវិហារ ខេត្តរតនគិរី ខេត្តឧត្តរមានជ័យ ខេត្តមណ្ឌលគីរី និងខេត្តត្បូងឃ្មុំ, ពណ៌បៃតងៈ គុណភាពខ្យល់ល្អមាន ខេត្តកណ្តាល ខេត្តព្រះសីហនុ ខេត្តតាកែវ ខេត្តស្ទឹងត្រែង និងខេត្តប៉ៃលិន, ពណ៌ទឹកក្រូចៈ ខេត្តកោះកុង និងខេត្តពោធិ៍សាត់៕ ផ្ដល់សិទ្ធិដោយ៖ […]

(ភ្នំពេញ)៖ លោក ឃួង ស្រេង អភិបាលរាជធានីភ្នំពេញ បានណែនាំឱ្យក្រុមការងារមន្ទីរសុខាភិបាល សហការជាមួយអាជ្ញាធរសង្កាត់ខណ្ឌ និងប្រជាពលរដ្ឋ បន្តបាញ់ថ្នាំសម្លាប់មូសចូលដល់ក្នុងផ្ទះប្រជាពលរដ្ឋតែម្តង។  លោកស្រី ដោ សម្ផស្ស នាយិការរងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ បានឱ្យដឹងនៅព្រឹកថ្ងៃទី៨ ខែកុម្ភៈ ឆ្នាំ២០២៥ថា គិតពីខែមករា ដល់ខែកុម្ភៈ ឆ្នាំ២០២៥មក យុទ្ធនាការបាញ់ថ្នាំសម្លាប់មូស បានធ្វើឡើងជាលើកទី២ហើយ ដោយយុទ្ធនាការបាញ់ថ្នាំសម្លាប់មូសលើកទី១ បានបញ្ចប់កាលពីថ្ងៃទី២៩ ខែមករា ឆ្នាំ២០២៥ ដោយប្រើប្រាស់រយៈពេលបាញ់ចំនួន១៦ថ្ងៃ។ ប៉ុន្តែនៅពេលថ្មីៗនេះ ដោយសារមូសបានកើតមានឡើងវិញ និងមានចំនួនច្រើន ដែលអាចបង្កហានិភ័យដល់សុខមាលភាពប្រជាពលរដ្ឋទើបលោក ឃួង ស្រេង ណែនាំឱ្យលោកវេជ្ជបណ្ឌិត ងី មានហេង ប្រធានមន្ទីរសុខាភិបាល រាជធានីភ្នំពេញ បើកយុទ្ធនាការបាញ់ថ្នាំសម្លាប់មូសនៅក្នុងមូលដ្ឋានរាជធានីភ្នំពេញ ជាលើកទី២ទៀត។ ការណែនាំរបស់លោក ឃួង ស្រេង ខាងលើនេះ ធ្វើឡើងក្នុងកិច្ចប្រជុំដកបទពិសោធន៍ នៃដំណើរសាកល្បងផ្លូវថ្មើរជើងមាត់ទន្លេ កាលពីថ្ងៃទី៧ ខែកុម្ភៈ ឆ្នាំ២០២៥ នៅសាលារាជធានីភ្នំពេញ។ លោកស្រីអ្នកនាំពាក្យបន្តទៀតថា លោក ឃួង ស្រេង តែងបានគិតគូរពីបញ្ហាសុខភាពសាធារណៈប្រជាពលរដ្ឋរស់នៅក្នុងរាជធានីភ្នំពេញ ដោយនៅដើមខែមករា […]

(ភ្នំពេញ)៖ លោកស្រីបណ្ឌិត ជា សិរី ទេសាភិបាលធនាគារជាតិនៃកម្ពុជា បានថ្លែងឲ្យដឹងថា ការរក្សាបានស្ថិរភាពតម្លៃប្រាក់រៀល របស់ធនាគារជាតិនៃកម្ពុជា បានរួមចំណែក ក្នុងការរក្សាស្ថិរភាពថ្លៃទំនិញ និងសេវាទូទៅលើទីផ្សារ។ អត្រាប្តូរប្រាក់មានកម្រិតជាមធ្យម ៤ ០៧១ រៀលក្នុងមួយដុល្លារអាមេរិក នៅឆ្នាំ២០២៤។ ការលើកឡើងរបស់លោកស្រីបណ្ឌិត ជា សិរី ធ្វើឡើងក្នុងឱកាសលោកស្រីបណ្ឌិតបានអញ្ជើញចូលរួមក្នុងកម្មវិធី សន្និបាតបូកសរុបលទ្ធផលការងារប្រចាំឆ្នាំ២០២៤ និងទិសដៅការងារឆ្នាំ២០២៥ របស់ ធនាគារជាតិនៃកម្ពុជា រៀបចំឡើងនៅថ្ងៃទី៨ ខែកុម្ភៈ ឆ្នាំ២០២៤។ លោកស្រីបណ្ឌិត ជា សិរី បានថ្លែងឲ្យដឹងថា «ការរក្សាបានស្ថិរភាពតម្លៃប្រាក់រៀល ក៏បានរួមចំណែកក្នុងការរក្សាស្ថិរភាពថ្លៃទំនិញ និងសេវាទូទៅលើទីផ្សារផងដែរ។ អត្រាប្តូរប្រាក់មានកម្រិតជាមធ្យម ៤.០៧១ រៀលក្នុងមួយដុល្លារអាមេរិក ដោយបានឡើងថ្លៃប្រមាណ០,៩% ធៀបនឹងឆ្នាំ២០២៣ ដែលធ្វើឱ្យអត្រាប្តូរប្រាក់វិលទៅរកកម្រិតមុនវិបត្តិកូវីដ-១៩ វិញ»។ លោកស្រីបណ្ឌិតបន្ដថា បច្ចុប្បន្នបច្ចេកវិទ្យាមានការរីកចម្រើន យ៉ាងឆាប់រហ័សនៅគ្រប់វិស័យ ស្របតាមនវានុវត្តន៍បច្ចេកវិទ្យា និងគោលនយោបាយរបស់រាជរដ្ឋាភិបាល ក្នុងការជំរុញសេដ្ឋកិច្ច និងសង្គមឌីជីថល ប្រព័ន្ធទូទាត់សងប្រាក់ទាំងតម្លៃរាយ និងតម្លៃធំត្រូវបានធ្វើទំនើបកម្មជាលំដាប់ ហើយត្រូវបានទទួលស្គាល់ដោយមជ្ឈដ្ឋានជាតិ និងអន្តរជាតិ ក្នុងការផ្តល់ភាពងាយស្រួល ឆាប់រហ័ស និងសុវត្ថិភាព ព្រមទាំងបានរួមចំណែកលើកកម្ពស់ការប្រើប្រាស់ប្រាក់រៀល និងបរិយាបន្នហិរញ្ញវត្ថុ។ […]

(ត្បូងឃ្មុំ)៖ នារសៀលថ្ងៃសៅរ៍ ទី០៨ ខែកុម្ភៈ ឆ្នាំ២០២៥ នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បានដឹកនាំ​ប្រតិភូកងរាជអាវុធហត្ថ អញ្ជើញគោរព​វិញ្ញាណក្ខន្ធសពលោក ឈឿង ប៊ុនធឿន និងលោកស្រី អោក ចាន់សាទ ដែលជាជនរងគ្រោះ​ដោយសារករណីបាញ់សម្លាប់បង្កឡើងដោយឈ្មោះ ហ៊ីង សុវណ្ណារិទ្ធិ កាលពីល្ងាចថ្ងៃទី៧ ខែកុម្ភៈ ឆ្នាំ២០២៥ នៅភូមិអំពុក ឃុំក្រែក ស្រុកពញាក្រែក ខេត្តត្បូងឃ្មុំ។ ក្នុងឱកាសនោះ នាយឧត្តមសេនីយ៍ មេបញ្ជាការ បានចូលរួបច្ច័យបុណ្យ ១០,០០០,០០០ រៀល, អង្ករ ២០បេ និងទិកបរិសុទ្ធ២០កេស អ្នករបួស ៣នាក់ ក្នុងម្នាក់ៗ ២,០០០,០០០រៀល។ សូមបញ្ជាក់ថា មន្ដ្រីអាវុធហត្ថខេត្តក្រចេះម្នាក់ ប្រដាប់ដោយអាវុធ AK ស្វាយបត់ បានបាញ់ប្រហារទៅលើសមាជិកគ្រួសាររបស់ខ្លួនបណ្ដាលឲ្យស្លាប់ចំនួន២នាក់ និងរងរបួសធ្ងន់ចំនួន៣នាក់ រួចខ្មាន់កាំភ្លើងបាញ់សម្លាប់ខ្លួនឯង តាមក្រោយ។ ហេតុការណ៍នេះបានកើតឡើងនៅព្រលប់ថ្ងៃទី៧ ខែកុម្ភៈ ឆ្នាំ២០២៥ នៅចំណុចផ្ទះរបស់ជនរងគ្រោះ ស្ថិតក្នុងភូមិអំពុក ឃុំក្រែក […]

(កណ្ដាល)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញអនុក្រឹត្យផ្លាស់ប្ដូរប្រធានមន្ទីរសាធារណការ និងដឹកជញ្ជូនខេត្តកណ្ដាល ដោយលោក ម៉ឹង យូឡេង ត្រូវទៅកាន់តំណែងជាប្រធានមន្ទីរ សាធារណការខេត្តព្រះសីហនុ រីឯប្រធានមន្ទីរសាធារណការ និងដឹកជញ្ជូនខេត្តព្រះសីហនុ លោក បូរី វង្សសានិត្យ ត្រូវទៅកាន់ជាប្រធានមន្ទីរសាធារណការខេត្តកណ្ដាលវិញ។ នេះបើតាមអនុក្រឹត្យដែលអង្គភាព Fresh News ទទួលបាននៅថ្ងៃទី៨ ខែកុម្ភៈ ឆ្នាំ២០២៥នេះ។ ខាងក្រោមនេះជាអនុក្រឹត្យ៖ ផ្ដល់សិទ្ធិដោយ៖ Fresh News

(ភ្នំពេញ)៖ ឧកញ៉ា ចាន់ សុឃាំង ប្រធានសហព័ន្ធស្រូវអង្ករ បានលើកឡើងថា នៅក្នុងឆ្នាំ២០២៥នេះ ការនាំចេញអង្ករកម្ពុជា ក៏មានការរងសម្ពាធ ប៉ុន្ដែសហព័ន្ធស្រូវអង្ករ មិននៅស្ងាត់នោះទេ ហើយស្របគ្នានេះ ក៏មានឱកាសទីផ្សារជាច្រើន ក្នុងការនាំចេញផងដែរ។ ការបញ្ជាក់ឲ្យដឹងបែបនេះ ធ្វើឡើងក្នុងឱកាសដែលឧកញ៉ា ចាន់ សុឃាំង អញ្ជើញចូលរួម ក្នុងកិច្ចពិភាក្សាលើប្រធានបទ៖ «ការតម្រង់ទិសផលិតកម្មស្រូវរបស់កម្ពុជា, តើប្រភេទស្រូវអ្វី ដែលមានឱកាសទីផ្សារល្អ?» ក្នុងកម្មវិធី FRESH BUSINESS។ ឧកញ៉ា ចាន់ សុឃាំង បានបញ្ជាក់យ៉ាងដូច្នេះថា «នៅក្នុងឆ្នាំ២០២៥នេះ យើងឃើញថា មានចំណុចវិជ្ជមាន និងចំណុចអវិជ្ជមាន […] ការនាំចេញរបស់កម្ពុជា ពីមួយពេលទៅមួយពេល យើងបានទៅដល់គោលដៅថ្មី ទៅដល់ទីផ្សារ និងបានពង្រឹងនូវទីផ្សារចាស់ ឲ្យមានភាពរស់រវើក ប្រកួតប្រជែង»។ ឧកញ៉ា ចាន់ សុឃាំង បានឲ្យដឹងទៀតថា នៅក្នុងឆ្នាំ២០២៤ កម្ពុជាបាននាំចេញអង្ករ រហូតដល់៩៥គោលដៅ នៃទីផ្សាពិភពលោក ដែលមានន័យថា អង្ករកម្ពុជា បន្ដការទទួលស្គាល់ និងមានទំនាក់ទំនងជាច្រើន ដើម្បីចង់ស្វែងរកឱកាស និងចង់ដឹងចង់លឺ អំពីគុណភាពអង្ករកម្ពុជា […]

(ភ្នំពេញ)៖ ឧកញ៉ា ចាន់ សុឃាំង ប្រធានសហព័ន្ធស្រូវអង្ករ បានបន្តអំពាវនាវដល់ប្រជាកសិករ ងាកមកដាំដុះពូជស្រូវរបស់ខ្មែរឱ្យបានច្រើន ដើម្បីបង្កើនឯករាជ្យភាពនៃការនាំចេញ។ ការលើកឡើងរបស់លោកឧកញ៉ា ចាន់ សុឃាំង ធ្វើឡើងក្នុងកម្មវិធី FRESH BUSINESS: កិច្ចពិភាក្សាលើប្រធានបទ៖ «ការតម្រង់ទិសផលិតកម្មស្រូវរបស់កម្ពុជា, តើប្រភេទស្រូវអ្វី ដែលមានឱកាសទីផ្សារល្អ?»។ លោកឧកញ៉ា ចាន់ សុឃាំង បានថ្លែងថា «ក្នុងនាមសហព័ន្ធស្រូវអង្ករ ខ្ញុំសូមអំពាវនាវដល់ប្រជាកសិករងាកមកដាំដុះពូជស្រូវរបស់ខ្មែរឱ្យបានច្រើន ដើម្បីបង្កើនឯករាជ្យភាពនៃការនាំចេញ»។ លោកឧកញ៉ាបានបន្ថែមថា ក្នុងនោះពូជរបស់កម្ពុជា មានស្រូវសែនក្រអូបដែលជាពូជ ដែលធ្លាប់ជាប់ជាប្រភេទអង្ករដែលល្អចំនួន២លើក ពូជផ្ការំដួលដែលជាប្រភេទស្រូវធ្ងន់ ពូជស្រូវចំប៉ឺស៧០ ដែលជាប្រភេទពូជក្រអូប និងពូជមួយទៀត គឺស្រងែ ដែលជាពូជស្រូវមួយដែលប្រជាកសិករឧស្សាហ៍ និងចូលចិត្តដាំដុះ និងជាប្រភេទដែលធននឹងជំងឺផងដែរ។ លោកឧកញ៉ាបានបញ្ជាក់ថា នេះជាជម្រើសមួយជូនប្រជាកសិករ ដែលគួរជ្រើសរើសពូជមិនឲ្យជាន់គ្នា តាមតំបន់នោះទេ។ ចំពោះការដាំដុះទាំងនៅសហគមន៍ និងប្រជាកសិករទាំងខ្នាតធំ ខ្នាតតូច អាចក្រងគ្នាជាក្រុមធ្វើកិច្ចសន្យាកសិកម្មបាន ជាមួយរោងម៉ាស៊ីនកិនស្រូវ អ្នកទិញស្រូវ ដើម្បីធានានូវទីផ្សារដែលមានស្រាប់ កាត់បន្ថយហានិភ័យជាដើម៕ សូមស្តាប់ការលើកឡើងរបស់លោកឧកញ៉ា ចាន់ សុឃាំង៖

(ភ្នំពេញ)៖ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យតែងតាំង នាយឧត្តមសេនីយ៍ កែវ វណ្ណថន ជារដ្ឋលេខាធិការក្រសួងមហាផ្ទៃ។ នេះបើតាមព្រះរាជក្រឹត្យដែលបណ្តាញព័ត៌មាន Fresh News ទទួលបាននៅថ្ងៃទី៧ ខែកុម្ភៈ ឆ្នាំ២០២៥នេះ។ ព្រះរាជក្រឹត្យនេះ​ធ្វើឡើងតបតាមសំណើទូលថ្វាយរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ មុនទទួលបានតំណែងនេះ, នាយឧត្តមសេនីយ៍ កែវ វណ្ណថន ជាអគ្គនាយករងអន្តោប្រវេសន៍ និងជាអ្នកនាំពាក្យអគ្គនាយកដ្ឋានអន្តោប្រវេសន៍៕ ផ្ដល់សិទ្ធិដោយ៖ Fresh News

(ឧត្តរមានជ័យ)៖ អ្នកនាំពាក្យ និងក្រុមការងារប្រតិកម្មរហ័ស នៃស្នងការដ្ឋាននគរបាលខេត្តឧត្តរមានជ័យ នៅព្រឹកថ្ងៃទី៨ ខែកុម្ភៈ ឆ្នាំ២០២៥នេះ បានចេញសេចក្ដីបំភ្លឺមួយឆ្លើយតបចំពោះការលើកឡើងនៅតាមបណ្ដាញសង្គម ពាក់ព័ន្ធការឃាត់ខ្លួនអ្នកកាសែត២នាក់ បន្ទាប់ពីពួកគេយកមីនតោនមកប្រគល់ឲ្យសមត្ថកិច្ច។ ដើម្បីកុំឲ្យមានការភាន់ច្រឡំ ស្នងការដ្ឋាននគរបាលខេត្ត បានធ្វើការបំភ្លឺជូនថា នៅថ្ងៃទី៦ ខែកុម្ភៈ ឆ្នាំ២០២៥ នៅចំណុចភូមិអូរស្មាច់ សង្កាត់អូរស្មាច់ ក្រុងសំរោង មានករណីលួចយកមីនតោនពីតំបន់ស ដែលអាជ្ញាធរទំនាក់ទំនងព្រំដែនប្រទេសទាំងពីរ កម្ពុជា-ថៃ ចាត់ទុកជាតំបន់ហាមឃាត់ បង្កឡើងដោយជនសង្ស័យចំនួន២នាក់ គឺឈ្មោះ ទឺ ពិទូ អាយុ៤៥ឆ្នាំ មុខរបរអ្នកសារព័ត៌មាន មានទីលំនៅភូមិចំការ ចេក សង្កាត់អូរស្មាច់ ក្រុងសំរោង និងឈ្មោះ ពែក ពុយ អាយុ៤៤ឆ្នាំ មានទីលំនៅភូមិគិរីមង្គល សង្កាត់អូរស្មាច់ ក្រុងសំរោង ខេត្តឧត្តរមានជ័យ។ ជនសង្ស័យទាំងពីរនាក់ខាងលើ មានចេតនាយ៉ាងពិតប្រាកដ ក្នុងការប្រព្រឹត្តបទល្មើសនាំយកគ្រាប់មីនតោនចេញពីទីតាំងតំបន់ស រវាងព្រំដែនប្រទេសទាំងពីរ ដោយហេតុថា កន្លងមកឈ្មោះ ទឺ ពិទូ ធ្លាប់បានដឹង និងបានចុះទៅថតផ្សព្វផ្សាយអំពីរឿងមីនតោននេះ ហើយត្រូវបានអាជ្ញាធរមានសមត្ថកិច្ច ពន្យល់បកស្រាយរួចហើយដែរ ប៉ុន្តែជនសង្ស័យនៅតែគឃ្លីន ពុំស្ដាប់តាមការណែនាំរបស់អាជ្ញាធរមានសមត្ថកិច្ច និងហ៊ានរហូតដល់ប្រព្រឹត្តបទល្មើសជាក់ស្តែង […]