(សៀមរាប)៖ សមាគមចុងភៅកម្ពុជា នៅរសៀលថ្ងៃទី១០ ខែកញ្ញា ឆ្នាំ២០២៤ បានរៀបចំពិធីដើម្បីអបអរ ដែលសមាជិករបស់សមាគម បានប្រឡងជាប់ជ័យលាភីលេខ១ នៅមុខម្ហូប (អាម៉ុក) ក្នុងកម្មវិធីការប្រកួតចម្អិនម្ហូបដ៏ធំ សម្រាប់ចុងភៅវ័យក្មេងក្រោមអាយុ២៤ឆ្នាំ ក្នុងកម្មវិធី (Thailand World Junior Chef Battle 2024) កាលពីថ្ងៃទី២៨ -៣១ ខែសីហា ឆ្នាំ២០២៤ កន្លងទៅ នៅប្រទេសថៃ។ ការប្រកួតលំដាប់អន្តរជាតិនេះ រៀបចំឡើងដោយសមាគមចុងភៅថៃ និងសមាគមចុងភៅពិភពលោក (WAC) ដែលមានបេក្ខភាពចំនួន ១៦ក្រុម (មកពី ១៣ប្រទេស) រួមមាន៖ ប្រទេសកម្ពុជា អូស្ត្រាលី ចិន ក្រិច ឥណ្ឌូនេស៊ី ម៉ាឡេស៊ី ម៉ាឌីវ ម៉ុងហ្គោលី សិង្ហបុរី កូរ៉េខាងត្បូង សហរដ្ឋអាមេរិក វៀតណាម និងថៃ (៤ តំបន់)។ ចំពោះសមាសភាពដែលចូលរួម មានដូចជា៖ លោកស្រី ប៉ុល គឹមសាន (ប្រធានសមាគមចុងភៅកម្ពុជា) ជាគណៈកម្មការតំណាងកម្ពុជា, […]

(ភ្នំពេញ)៖ ក្រសួងសេដ្ឋកិច្ច និងហិរញ្ញវត្ថុ បានចេញសេចក្ដីណែនាំ ស្តីពី ការអនុគ្រោះពន្ធកាត់ទុក និងអាករពិសេស ចំពោះក្រុមហ៊ុនអាកាសចរណ៍។ សេចក្ដីណែនាំដែលបណ្តាញព័ត៌មាន Fresh News ទទួលបាននៅថ្ងៃទី១១ ខែកញ្ញា ឆ្នាំ២០២៤នេះបានឲ្យដឹងថា​ ក្នុងគោលបំណងជួយសម្រាលបន្ទុក របស់ក្រុមហ៊ុនអាកាសចរណ៍ ចំពោះការជួលយន្តហោះ ពីក្រុមហ៊ុនក្រៅប្រទេស ក៏ដូចជាដើម្បីជួយសម្រាលបន្ទុក របស់ប្រជាពលរដ្ឋ ក្នុងការធ្វើដំណើរតាមផ្លូវអាកាស ក្រសួងសេដ្ឋកិច្ច និងហិរញ្ញវត្ថុ សូមធ្វើការណែនាំ អំពីការអនុវត្តពន្ធកាត់ទុក និងអាករពិសេស ដូចខាងក្រោម៖ ១៖ បន្ថយអត្រាពន្ធកាត់ទុកពី ១៤ភាគរយ មកត្រឹម១០ភាគរយ ចំពោះការជួលយន្តហោះ ពីក្រៅប្រទេសមកប្រកបអាជីវកម្មរបស់ក្រុមហ៊ុនអាកាសចរណ៍ក្នុងស្រុក។២៖ បន្ថយអត្រាអាករពិសេសពី១០ភាគរយ មកត្រឹម៥ភាគរយ ចំពោះសេវាដឹកជញ្ជូនអ្នកដំណើរ តាមផ្លូវអាកាស ដោយពុំគិតថា ការដឹកជញ្ជូនអ្នកដំណើរធ្វើឡើង ដោយក្រុមហ៊ុនអាកាសចរណ៍ក្នុងស្រុក ឬក្រុមហ៊ុនអាកាសចរណ៍បរទេសឡើយ។៣៖ ការអនុគ្រោះដូចមានចែងក្នុងចំណុចទី១ និងចំណុចទី២ ខាងលើនេះ មានរយៈពេល ៣ឆ្នាំ គិតចាប់ពីថ្ងៃទី១ ខែមិថុនា ឆ្នាំ២០២៤ ដល់ ថ្ងៃទី៣១ ខែឧសភា ឆ្នាំ២០២៧៕ ផ្ដល់សិទ្ធិដោយ៖ Fresh News

(ភ្នំពេញ)៖ គ្រឹះស្ថានអង្គរ បានចេញសេចក្តីជូនដំណឹង ស្តីពី ការកែទម្រង់ប្រតិបត្តិការលក់បណ្ណ និងត្រួតពិនិត្យបណ្ណរបស់គ្រឹះស្ថានអង្គរ។ នេះ​បើតាមសេចក្ដីជូនដំណឹង ដែលបណ្ដាញព័ត៌មាន Fresh News ទទួលបាននៅថ្ងៃទី១១ ខែកញ្ញា ឆ្នាំ២០២៤។ សេចក្ដីជូនដំណឹងបានឲ្យដឹងថា ដើម្បីសម្រួលដល់ភ្ញៀវទេសចរបរទេស មកទស្សនារមណីយដ្ឋានអង្គរ ឲ្យកាន់តែប្រសើរឡើង រាជរដ្ឋាភិបាល នឹងប្រកាសដាក់ឲ្យអនុវត្តការកែទម្រង់ ប្រតិបត្តិការលក់បណ្ណ និងការត្រួតពិនិត្យបណ្ណរបស់គ្រឹះស្ថានអង្គរ នៅថ្ងៃទី០៩ ខែតុលា ឆ្នាំ២០២៤ ខាងមុខនេះ ដែលការកែទម្រង់ដំណាក់កាលទី១នេះ មានដូចខាងក្រោម៖ * លុបចោលទាំងស្រុងនូវព័ត៌មានតម្រូវពីភ្ញៀវទេសចរអន្តរជាតិ ដូចជា រូបថត សញ្ជាតិ ក្រុមអាយុ និងភេទ សម្រាប់បណ្ណចូលទស្សនារមណីយដ្ឋានអង្គរ រយៈពេល ០១ថ្ងៃ* សម្រាប់បណ្ណទស្សនា រយៈពេល៣ថ្ងៃ និង៧ថ្ងៃ រក្សារូបថត និងលុបចោលនូវព័ត៌មាន សញ្ជាតិ ក្រុមអាយុ និងភេទ ដោយអនុវត្តរហូតដល់ថ្ងៃទី៣១ ខែធ្នូ ឆ្នាំ២០២៤* ផ្លាស់ប្តូរការត្រួតពិនិត្យបណ្ណ ពីរមណីយដ្ឋានអង្គរទាំងមូល មកធ្វើការត្រួតពិនិត្យនៅតាមច្រកចូល ប្រាសាទវិញ។ គ្រឹះស្ថានអង្គរ បានឲ្យដឹងទៀតថា ក្នុងន័យដូចបានជម្រាបជូនខាងលើ សូមគ្រប់ប្រតិបត្តិករទេសចរណ៍ទាំងអស់ […]

(តាកែវ)៖ លោក វ៉ី សំណាង អភិបាលខេត្តតាកែវ បានថ្លែងឲ្យដឹងថា អាជ្ញាធរខេត្តតាកែវគ្រោងរៀបចំបំពាក់ប្រព័ន្ធកាមេរ៉ាសុវត្ថិភាពនិងភ្លើងបំភ្លឺផ្លូវ នៅតាមទីប្រជុំជន សួនច្បារ និងទីសាធារណៈនានាក្នុងក្រុង និងទីប្រជុំជន ដើម្បីកាត់បន្ថយបាននូវអំពើអសន្ដិសុខផ្សេងៗដែលបង្កផលប៉ះពាល់ដល់សុខសណ្ដាប់ធ្នាប់សង្គម។ នៅក្នុងកិច្ចប្រជុំក្រុមប្រឹក្សាខេត្ត នៅព្រឹកថ្ងៃទី១១ ខែកញ្ញា ឆ្នាំ២០៤ អភិបាលខេត្តតាកែវ បានថ្លែងថា កន្លងមកនេះយើងសង្កេតឃើញថា នៅតាមបណ្ដាទីតាំងមួយចំនួនក្នុងក្រុងរបស់យើង មានផ្លូវខ្លះមានភ្លើងបំភ្លឺគ្រប់គ្រាន់ និងផ្លូវខ្លះទៀតមិនទាន់មានភ្លើងបំភ្លឺផ្លូវទេ ដែលបង្កការលំបាក និងហានិភ័យដល់ពលរដ្ឋធ្វើដំណើរនៅពេលយប់។ ទន្ទឹមនឹងនេះ អាជ្ញាធរនឹងរៀបចំបំពាក់ភ្លើងបំភ្លឺផ្លូវបន្ថែមទៀត ដោយភ្ជាប់ជាមួយកាមេរ៉ាសុវត្ថិភាព ដើម្បីលើកកម្ពស់សោភ័ណភាព និងធានាបាននូវសុខសុវត្តិភាពជូនប្រជាពលរដ្ឋ ពិសេសងាយស្រួលដល់កម្លាំងសមត្ថកិច្ច តាមដានសកម្មភាព ទីតាំង និងចុះបង្ក្រាប ក្រុមក្មេងទំនើង ចោរលួចឆក់ប្លន់ និងករណីគ្រឿងញៀនជាដើម បានទាន់ពេលវេលា។ លោក វ៉ី សំណាង បានថ្លែងបន្តថា រាជរដ្ឋាភិបាលកម្ពុជា អាណត្តិទី៧ ក្រោមការដឹកនាំប្រកបដោយថាមពល និងប៉ិនប្រសប់របស់សម្ដេចធិបតី ហ៊ុន  ម៉ាណែត នាយករដ្ឋមន្រ្តីនៃកម្ពុជា ក៏ដូចជាក្រសួងមហាផ្ទៃ បានយកចិត្តទុកដាក់ខ្ពស់លើកិច្ចការងារសង្គម ពិសេសការអនុវត្តគោលនយោបាយភូមិឃុំ-សង្កាត់មានសុវត្ថិភាព ស្របពេលប្រទេសជាតិមានសុខសន្ដិភាពពេលលេញ។ អាជ្ញាធរមូលដ្ឋាន សមត្ថកិច្ចពាក់ព័ន្ធគ្រប់លំដាប់ថ្នាក់ ត្រូវបង្កើនការយកចិត្តទុកដាក់ ពង្រឹងយន្តការភូមិឃុំសង្កាត់មានសុវត្ថិភាព […]

(សៀមរាប)៖ លោក ហោ សារុន រដ្ឋលេខាធិការក្រសួងទេសចរណ៍ បានលើកឡើងថា ការធ្វើបដិសណ្ឋារកិច្ចចំពោះភ្ញៀវទេសចរ គឺជាកាតព្វកិច្ច របស់ប្រជាពលរដ្ឋខ្មែរ គ្រប់រូបជាម្ចាស់ផ្ទះ ដែលជាធាតុផ្សំដ៏សំខាន់ នៃភាពទាក់ទាញរបស់កម្ពុជា និងជាការបង្កើតអនុស្សាវីយ៍គួរជាទីចងចាំសម្រាប់ភ្ញៀវទេសចរ។ ការលើកឡើងបែបនេះ ធ្វើឡើងក្នុងឱកាសដែល លោក ហោ សារុន តំណាងលោក សុខ សូកេន រដ្ឋមន្ដ្រីក្រសួងទេសចរណ៍ អញ្ជើញជាអធិបតីភាព ក្នុងពិធីបើកសិក្ខាសាលា ស្ដីពី «បដិសណ្ឋារកិច្ចល្អ ទេសចរណ៍មានសុវត្ថិភាព» នៅខេត្ដសៀមរាប នាថ្ងៃទី១០ ខែកញ្ញា ឆ្នាំ២០២៤។ លោក ហោ សារុន បានបញ្ជាក់យ៉ាងដូច្នេះថា «ជាការពិតណាស់ ការធ្វើបដិសណ្ឋារកិច្ចចំពោះភ្ញៀវទេសចរ គឺជាកាតព្វកិច្ច របស់ប្រជាពលរដ្ឋខ្មែរគ្រប់រូបជាម្ចាស់ផ្ទះ ដែលមិនត្រឹមតែផ្តល់ ភាពកក់ក្តៅជូនភ្ញៀវ ទេសចរប៉ុណ្ណោះទេ ប៉ុន្តែថែមទាំងបានឆ្លុះបញ្ចាំងពីវប្បធម៌ដ៏ល្អផូរផង់ និងប្រពៃណី របស់ខ្មែរយើងផងដែរ»។ បន្ថែមពីនោះទៀត លោក ហោ សារុន បានគូសបញ្ជាក់ថា សកម្មភាពទាំងនេះ គឺជាធាតុផ្សំដ៏សំខាន់ នៃភាពទាក់ទាញរបស់កម្ពុជា និងជាការបង្កើតអនុស្សាវីយ៍គួរជាទីចងចាំសម្រាប់ភ្ញៀវទេសចរ។ បើតាមលោក ហោ […]

(ភ្នំពេញ)៖ ក្រសួងពាណិជ្ជកម្ម នៅថ្ងៃទី១១ ខែកញ្ញា ឆ្នាំ២០២៤នេះ បានចេញសេចក្តីជូនដំណឹង ប្រកាសពីតម្លៃលក់រាយប្រេងឥន្ធនៈ នៅតាមស្ថានីយនានាដោយចាប់ពីថ្ងៃនេះ ដល់ថ្ងៃទី២០ ខែកញ្ញា ឆ្នាំ២០២៤ ត្រូវលក់សាំងធម្មតាតម្លៃ ៣,៩០០រៀល និងម៉ាស៊ូតត្រូវលក់ ៣,៧៥០រៀល ក្នុង១លីត្រ៕ ផ្ដល់សិទ្ធិដោយ៖ Fresh News

(ភ្នំពេញ)៖ ស្ដ្រីម្នាក់ពាក់ព័ន្ធករណីប្រើប្រាស់អំពើហិង្សាលើស្ដ្រីម្នាក់ទៀត នៅចំណុចខុនដូរមួយកន្លែង ស្ថិតក្នុងមូលដ្ឋានខណ្ឌឫស្សីកែវ ត្រូវបានកម្លាំងនគរបាលរាជធានីភ្នំពេញ ស្រាវជ្រាវចាប់ខ្លួន។ ការចាប់ខ្លួននេះ ក្រោយឃើញការចែកចាយវីដេអូនៅលើបណ្ដាញសង្គម ពាក់ព័ន្ធករណីហិង្សា និងអនុវត្តតាមបទបញ្ជារបស់ លោកឧត្តមសេនីយ៍​ឯក​ ជួន​ ណារិន្ទ​ អគ្គស្នងការរង​ និងជាស្នងការនគរបាលរាជធានីភ្នំពេញ។ ដោយអនុវត្តតាមបទបញ្ជានេះ នៅថ្ងៃទី១០ ខែកញ្ញា ឆ្នាំ២០២៤ កម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងអធិការដ្ឋាននគរបាលខណ្ឌឫស្សីកែវ បានស្រាវជ្រាវឃាត់ខ្លួនស្ដ្រីជនសង្ស័យឈ្មោះ លីម សុខលាប នៅចំណុចមុខផ្ទះលេខ ៣៦B ផ្លូវ៩៩ សង្កាត់បឹងត្របែក ខណ្ឌចំការមន ពាក់ព័ន្ធហិង្សាដោយចេតនា ប្រព្រឹត្តល្មើសនៅចំណុចខុនដូរ Parkland ផ្លូវ១៩២៨ ភូមិ គង្គាផុស សង្កាត់ទួលសង្កែទី២ ខណ្ឌឫស្សីកែវ ថ្ងៃទី១១ ខែសីហា ឆ្នាំ២០២៤។ បច្ចុប្បន្នជនសង្ស័យខាងលើ សមត្ថកិច្ចកំពុងសាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕ ផ្ដល់សិទ្ធិដោយ៖ Fresh News

(ភ្នំពេញ)៖ ដើម្បីផ្តល់ភាពងាយស្រួលដល់ភ្ញៀវទេសចរបរទេស ដែលចូលទស្សនារមណីយដ្ឋានអង្គរ, គ្រឹះស្ថានអង្គរ ដែលជាសហគ្រាសសាធារណៈរបស់រដ្ឋ ទទួលបន្ទុកប្រមូលចំណូលពីការលក់បណ្ណចូលទស្សនា តំបន់រមណីយដ្ឋានអង្គរ នឹងដាក់ឱ្យដំណើរការម៉ាស៉ីនស្វ័យប្រវត្តិ លក់សំបុត្រជូនភ្ញៀវទេសចរ សម្រាប់ការទស្សនារយៈពេល ១ថ្ងៃ។ ភ្ញៀវទេសចរដែលចូលទស្សនាតំបន់អង្គរ សម្រាប់រយៈពេល ១ថ្ងៃ នឹងលែងត្រូវការឈរតម្រង់ជួរទិញសំបុត្រ ដូចមុនទៀតហើយ។ ភ្ញៀវអាចទិញសំបុត្រតាមរយៈម៉ាស៉ីនស្វ័យប្រវត្តិ ដែលគ្រឹះស្ថានអង្គរ គ្រោងដាក់នៅ ៣ទីតាំង៖ ទី១ គ្រឹះស្ថានអង្គរ (ទីតាំងលក់សំបុត្របច្ចុប្បន្ន), ទី២-នៅមុខប្រាសាទអង្គរតូច និង៣-នៅក្នុងទីក្រុងសៀមរាប ដែលងាយឱ្យភ្ញៀវទិញសំបុត្របាន។ ថ្លែងប្រាប់បណ្តាញព័ត៌មាន Fresh News នៅព្រឹកថ្ងៃទី១១ ខែកញ្ញា ឆ្នាំ២០២៤នេះ លោក លី សែ អគ្គនាយកគ្រឹះស្ថានអង្គរ បានបញ្ជាក់ថា «បើគ្មានអ្វីប្រែប្រួលទេ ឯកឧត្តមឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នឹងមកប្រកាសដាក់ឱ្យប្រើប្រាស់ម៉ាស៉ីនស្វ័យប្រវត្តិនេះ នៅថ្ងៃទី៩ ខែតុលា ឆ្នាំ២០២៤ខាងមុខនេះ។ ដូច្នេះសម្រាប់ភ្ញៀវទេសចរ ដែលទិញសំបុត្រទស្សនាអង្គរសម្រាប់រយៈពេល១ថ្ងៃ អាចទិញតាមម៉ាស៉ីនស្វ័យប្រវត្តិនេះបាន ដោយមិនចាំបាច់តម្រូវឱ្យមានរូបថត ឬត្រូវបំពេញព័ត៌មានអ្វីនោះទេ។ ដោយឡែកសម្រាប់បណ្ណចូលទស្សនារយៈពេល៣ថ្ងៃ និង៧ថ្ងៃ គឺនៅរក្សាលក់ក្នុងបញ្ជរដដែល ប៉ុន្តែនៅពេលខាងមុខ យើងធ្វើការកែសម្រួលឱ្យមានភាពទន់ភ្លន់ជាងនេះ»។ […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា នៅឆ្នាំ២០២៥ រាជរដ្ឋាភិបាលនឹងរើសមន្ត្រីកសិកម្មចុះតាមមូលដ្ឋានឱ្យបាន ១,០០០នាក់ ដើម្បីជួយដល់កសិករនៅមូលដ្ឋានឃុំទូទាំងប្រទេស សំខាន់គឺជួយទាំងបច្ចេកទេសដាំដុះឱ្យបានផលច្រើនជាងមុន កាត់បន្ថយថ្លៃដើម និងបង្កើនប្រាក់ចំណូល។ ការថ្លែងបែបនេះរបស់សម្ដេចធិបតី ហ៊ុន ម៉ាណែត ធ្វើឡើងក្នុងពិធីបិទវេទិកាស្រូវអង្ករកម្ពុជាលើកទី៧ ឆ្នាំ២០២៤ នារសៀលថ្ងៃថ្ងៃទី១០ ខែកញ្ញា ឆ្នាំ២០២៤ នៅសណ្ឋាគារ សូហ្វីតែល ភ្នំពេញ ភូកេត្រា។ សម្ដេចធិបតីបានថ្លែងថា រាជរដ្ឋាភិបាលតែងតែផ្ដល់ការយកចិត្តទុកដាក់ខ្ពស់ចំពោះវិស័យកសិកម្ម ជាក់ស្ដែង រាជរដ្ឋាភិបាលនីតិកាលទី៧ ក៏បានកំណត់និងដាក់ចេញផែនការយុទ្ធសាស្ត្រអាទិភាពចំនួន៣៖ * ផែនការយុទ្ធសាស្ត្រទី១៖ ការលើកស្ទួយផលិតកម្មកសិកម្ម រកទីផ្សារ និងលំនឹងថ្លៃផលិតផល និងតាមរយៈកម្មវិធីហិរញ្ញប្បទានជូនដល់ប្រជាកសិករ។ * ផែនការយុទ្ធសាស្ត្រទី២៖ ផែនការយុទ្ធសាស្ត្រសំខាន់មួយទៀត គឺការដាក់ពង្រាយមន្ត្រីកសិកម្មនៅតាមឃុំ-សង្កាត់ ដែលបានរៀបចំប្រឡងជ្រើសរើស២៥០នាក់ ហើយក៏គ្រោងរៀបចំការប្រឡងជ្រើសរើសបន្ថែម ១,០០០នាក់ ដើម្បីពន្លឿនមន្ត្រីកសិកម្មចុះទៅជួយកសិករនៅតាមឃុំ ព្រោះកសិករត្រូវការជំនួយបច្ចេកទេស។ សម្ដេចធិបតី ហ៊ុន ម៉ាណែត បានថ្លែងយ៉ាងដូច្នេះថា «ការបញ្ជូនមន្ត្រីកសិកម្មទៅកាន់មូលដ្ឋានឃុំនេះ គឺដើម្បីកាត់បន្ថយថ្លៃដើមនៃការផលិត ផលិតទិន្នផលឱ្យច្រើនជាងមុន ព្រោះដីអត់រីកទេ តែដែលសំខាន់គឺធ្វើឱ្យចំណូលប្រជាពលរដ្ឋ កាត់បន្ថតម្លៃដើម ហើយជួយរក្សានូវចំណូលរបស់ប្រជាកសិករឱ្យបានច្រើន»។ * […]

(ភ្នំពេញ)៖ ក្រុមជម្រើសជាតិកម្ពុជា បានអស់ឱកាសឡើងទៅជុំទី៣ នៃពានរង្វាន់ប្រចាំទ្វីបអាស៊ី AFC Asian Cup Saudi Arabia 2027 បន្ទាប់ពីប្រជែងចាញ់ក្រុមជម្រើសជាតិស្រីលង្កា ដោយលទ្ធផលការស៊ុតបាល់ ១១ម៉ែត្រកាត់សេចក្តី ២-៤ ក្រោយចំណាយពេល ១២០នាទី លេងស្មើគ្នា ២-២ នៅរាត្រីថ្ងៃទី១០ ខែកញ្ញានេះ ក្នុងជំនួបកាត់សេចក្ដីជើងទី២ នៅពហុកីឡដ្ឋានជាតិអូឡាំពិក បន្ទាប់ពីលេងជើងទី១ ស្មើគ្នា ០-០ នៅទឹកដីស្រីលង្កា ។ ស្ថិតក្នុងជំនួបកាត់សេចក្ដីនេះ ដែលមានអ្នកទស្សនាផ្ទាល់ ១៤,១៧៨នាក់នេះ វគ្គទី១ ក្រុមគោព្រៃកម្ពុជា បានបង្ហាញទម្រង់លេងបានយ៉ាងល្អនឹងទាក់ទាញ បើធៀបកាលពីជើងទី១ ជាមួយការព្យាយាមដាក់សម្ពាធលើគូប្រកួត តែមិនអាចទម្លាយសំណាញ់ទីក្រុមភ្ញៀវបានឡើយ ។ ផ្ទុយទៅវិញ ក្រុមស្រីលង្កា បានរកគ្រាប់បាល់នាំមុខ ១គ្រាប់មុន នៅវគ្គទី១ ដែលធ្វើសម្រេចដោយខ្សែប្រយុទ្ធ K. Oliver James នៅនាទី៣៧ ។ ចូលវគ្គទី៥ បន្ទាប់ពីលេងបាន ៥នាទី កម្ពុជា ក៏វាយបកតាមស្មើវិញ នៅនាទី៥០ តាមរយៈការទាត់បាល់ពីលើប្រអប់គ្រោះថ្នាក់របស់ខ្សែប្រយុទ្ធវ័យក្មេង ញាណ […]