(ព្រំដែន)៖ នៅវេលាម៉ោង៣៖៣០នាទីរសៀល ថ្ងៃទី១៣ ខែធ្នូ ឆ្នាំ២០២៥នេះ យោធាថៃបានប្រើយន្ដហោះចម្បាំង F16 បន្ដទម្លាក់គ្រាប់បែកចំនួន៤គ្រាប់បន្ថែមទៀត នៅស្ពានមេទឹក (ស្ពានជ័យជម្នះ) ស្រុកវាលវែង ខេត្តពោធិ៍សាត់ ក្នុងគោលដៅកម្ទេចស្ពានទាំងស្រុង។ * ម៉ោង១៥ៈ៣០នាទី កងទាហានថៃបានប្រើប្រាស់យន្តហោះF-16 បាញ់កម្ទេចគោលដៅស្ពានជ័យជំនះចំនួន ១គ្រាប់ទៀត* ម៉ោង១៥ៈ៣៤នាទី កងទាហានថៃបានប្រើប្រាស់យន្តហោះF-16 បាញ់កម្ទេចគោលដៅស្ពានជ័យជំនះចំនួន ១គ្រាប់ទៀត* ម៉ោង១៥ៈ៤១នាទី កងទាហានថៃបានប្រើប្រាស់យន្តហោះF-16 បាញ់កម្ទេចគោលដៅស្ពានជ័យជំនះចំនួន ១គ្រាប់ទៀត* ម៉ោង១៥ៈ៤៤នាទី កងទាហានថៃបានប្រើប្រាស់យន្តហោះF-16 បាញ់កម្ទេចគោលដៅស្ពានជ័យជំនះចំនួន ១គ្រាប់ទៀត៕

(ភ្នំពេញ)៖ សម្តេចមហាប​វរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា តាមបណ្តាញសង្គម នៅល្ងាចថ្ងៃទី១៣ ខែធ្នូ ឆ្នាំ២០២៥នេះ បានប្រកាសស្វាគមន៍គំនិតផ្តួចផ្តើមរបស់ នាយករដ្ឋមន្ត្រីម៉ាឡេស៊ី លោក អានវ៉ា អ៉ីប្រាហ៉ីម ដែលស្នើឱ្យមាន «បទឈប់បាញ់ជាបន្ទាន់» នៅម៉ោង១០យប់នេះ។ តាមបណ្តាញសង្គម សម្តេចបវរធិបតី បានប្រកាសទាំងស្រុងដូច្នេះថា៖ «កម្ពុជាស្វាគមន៍និងគាំទ្រគំនិតផ្តួចផ្តើមរបស់ឯ.ឧ Anwar Ibrahim នាយករដ្ឋមន្ត្រីម៉ាឡេស៊ី សម្រាប់ការឈប់បាញ់នាយប់នេះ ដោយមានការតាមដានត្រួតពិនិត្យដោយ ក្រុមត្រួតអ្នកសង្កេតការអាស៊ាន (AOT) និងចូលរួមដោយសហរដ្ឋអាមេរិក»។ ផ្ដល់សិទ្ធិដោយ៖ Fresh News

(ភ្នំពេញ)៖ គណៈសង្ឃនាយកនៃព្រះរាជាណាចក្រកម្ពុជា បានប្រគេន និងជូនដំណឹងដល់ សម្ដេចព្រះសង្ឃ ព្រះមេគណរាជធានី ខេត្ត ព្រះគ្រូអនុគណ ព្រះចៅអធិការគ្រប់វត្ត រៀបចំពិធីប្រកាសសច្ចករិយា និងផ្សាយមេត្តាធម៌ ក្នុងគោលបំណងដើម្បីលើកកម្ពស់ស្មារតីសាមគ្គីជាតិ ជាធ្លុងមួយរបស់ព្រះសង្ឃ និងប្រជាពលរដ្ឋ ចូលរួមលើកទឹកចិត្តដល់វីរៈកងទ័ព និងប្រជាពលរដ្ឋភៀសសឹក សូមឱ្យមានសុខសន្តិភាព កើតមានដល់ប្រទេសកម្ពុជា។ សូមជម្រាបថា កម្មវិធីនេះនឹងចាប់ផ្ដើមពីថ្ងៃសៅរ៍ ៨រោច ខែមិគសិរ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី១៣ ខែធ្នូ ឆ្នាំ២០២៥ វេលាម៉ោង៥និង៣០នាទី ដល់ម៉ោង៨និង០០នាទីយប់តទៅ។ នេះបើតាមសេចក្តីប្រគេន និងជូនដំណឹង របស់គណៈសង្ឃនាយក នៃព្រះរាជាណាចក្រកម្ពុជា ដែល Fresh News ទទួលបាននៅរសៀលនេះ។ សេចក្តីប្រគេន និងជូនដំណឹងរបស់គណៈសង្ឃនាយកនៃព្រះរាជាណាចក្រកម្ពុជា បានបញ្ជាក់យ៉ាងដូច្នោះថា៖ «គណៈសង្ឃនាយក នៃព្រះរាជាណាចក្រកម្ពុជា សូមទូលថ្វាយ ប្រគេន និងជូនដំណឹងដល់ សម្តេចព្រះសង្ឃ ព្រះមេគណរាជធានី ខេត្ត ព្រះគ្រូអនុគណ ព្រះចៅអធិការគ្រប់វត្ត មេត្តាជ្រាបថា យោង ស្មារតីអង្គប្រជុំចុះថ្ងៃទី១២ ខែធ្នូ ឆ្នាំ២០២៥ របស់គណៈសង្ឃនាយក […]

(គូឡាឡំាពួ)៖ នាយករដ្ឋមន្ត្រីម៉ាឡេស៊ី លោក អាន់វ៉ា អ៉ីប្រាហ៊ីម បាននិយាយនៅថ្ងៃសៅរ៍ ទី១៣ ខែធ្នូថានៅបន្ទាប់ពីបើកកិច្ចសន្ទនាតាមទូរស័ព្ទជាមួយ ប្រធានាធិបតីអាមេរិក លោក ដូណាល់ ត្រាំ និងនៅចំពោះមុខជម្លោះព្រំដែនជាមួយកម្ពុជា និងថៃ លោកបានសន្ទនាតាមទូរស័ព្ទដាច់ដោយឡែក ជាមួយនាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត និងនាយករដ្ឋមន្ត្រីថៃ លោក អានុទីន។ ក្នុងកិច្ចសន្ទនា លោក អាន់វ៉ា បានឱ្យដឹងថារូបលោកបានបង្ហាញការព្រួយបារម្ភរបស់ម៉ាឡេស៊ី និងជំរុញឱ្យភាគីទាំង២ អត់ធ្មត់ជាអតិរមា បញ្ឈប់រាលអរិភាព និងបញ្ចៀសរាល់ការធ្វើសកម្មភាពយោធាដែលនាំ ឱ្យជម្លោះកើនឡើង ក្នុងនោះរួមមានទាំងការប្រើប្រាស់កម្លាំងបាយ ឬការចល័តកងកម្លាំងប្រដាប់អាវុធ ដែលនឹងត្រូវចូលជាធរមាននៅម៉ោង ១០យប់ ថ្ងៃទី១៣ ខែធ្នូ ឆ្នាំ២០២៥។ ផ្ដល់សិទ្ធិដោយ៖ Fresh News

(ភ្នំពេញ)៖ ទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា តាមរយៈបណ្តាញសង្គមនៅថ្ងៃទី១៣ ខែធ្នូ ឆ្នាំ២០២៥នេះ បានគូសបញ្ជាក់ថា អានុទីន ឆាន់វីរៈគុល បានគូសបញ្ជាក់ថា សម្តីបានបង្ហាញថាគាត់ជាមនុស្សគ្មានមេត្តាធម៌ ជាមនុស្សព្រៃផ្សៃ ជាមនុស្សមិនគោរព និងឱ្យតម្លៃទៅលើជីវិតរបស់មនុស្ស។ ការចេញមកបញ្ជាក់បែបនេះរបស់ប្រធានគណៈកម្មាធិការសិទ្ធិមនុស្សកម្ពុជា បានធ្វើឡើងក្រោយពីលោក អានុទីន ឆាន់វីរៈគុល ដែលជានាយករដ្ឋមន្ត្រីរត់ចោលកៅអី បានបង្ហោះលើបណ្តាញសង្គមថា​យោធាថៃ នឹងបន្តអនុវត្តសកម្មភាពយោធា មកលើកម្ពុជារហូតដល់លែងមានអារម្មណ៍ថាមានគ្រោះថ្នាក់ និងការគំរាមកំហែងដល់ទឹកដី និងប្រជាជនរបស់ថៃ។ ត្រង់ចំណុចនេះ ទេសរដ្ឋមន្ត្រី កែវ រ៉េមី បានថ្លែងថា ពាក្យសម្តីរបស់អានុទីន គឺបានឆ្លុះបញ្ចាំងពីការគិតរបស់មេដឹកនាំចាំផ្ទះរូបនេះ និងក្រុមរបស់ពួកគេចង់ឃើញកម្ពុជាធ្លាក់ខ្លួនជាប្រទេសទន់ខ្សោយ និងក្រីក្រ។ ទេសរដ្ឋមន្ត្រី កែវ រ៉េមី បានគូសបញ្ជាក់យ៉ាងដូច្នេះថា៖ «សម្តីបានបង្ហាញថាគាត់ជាមនុស្សគ្មានមេត្តាធម៌ ជាមនុស្សព្រៃផ្សៃ ជាមនុស្សមិនគោរព និងឱ្យតម្លៃទៅលើជីវិតរបស់មនុស្ស។ ចំណែកខាងកម្ពុជាវិញ, យើងធ្លាប់ជាប្រទេសខ្លាំង ធ្លាប់ជាប្រទេសមួយដែលមានភាពចំណាស់ជាងគេក្នុងចំណោមប្រទេសមួយចំនួនតូចនៅអាសុី នារាប់សតវត្សរ៍កន្លងមក។ ចក្រភពខ្មែរ ធ្លាប់មានគុណបំណាច់ និងមានមេត្តាធម៌ឱ្យកុលសម្ព័ន្ធតូចមួយធ្វើការដាំដុះនៅជុំវិញក្រុងអង្គរដែលសព្វថ្ងៃបានក្លាយជាប្រទេសមួយកំពុងមានអំនួតបង្កើតសត្រូវជុំទិស»។ ប្រធានគណៈកម្មាធិការសិទ្ធិមនុស្សកម្ពុជា បានបន្ថែមថា សម្តីអានុទីនរូបនេះ បាននិងកំពុងដុតកំហឹងដល់កូនចៅខ្មែរគ្រប់ជំនាន់ក្រោកឈរឡើងតស៊ូដោយមិនខ្លាចបាត់បង់ជីវិតក្នុងបុព្វហេតុការពារគ្រួសារ និងទឹកដីពីការឈ្លានពានរបស់សត្រូវប្រវត្តិសាស្ត្រ។ ហេតុដូច្នេះ ប្រជាជននៃប្រទេសទាំងពីរគ្មានថ្ងៃអាចរស់នៅក្នុងសន្តិភាពបានទេ។ […]

(ភ្នំពេញ)៖ ក្រសួងសាធារណការ និងដឹកជញ្ជូន នាថ្ងៃទី១៣ ខែធ្នូ ឆ្នាំ២០២៥នេះ បានចេញសេចក្តីជូនដំណឹងស្តីពីការបញ្ចៀសចរាចរណ៍គ្រប់ប្រភេទ នៅត្រង់ចំណុចស្ពានជ័យជំនះ (ស្ពានមេទឹក) តភ្ជាប់កំណាត់ផ្លូវជាតិលេខ៥៥ ស្ថិតនៅក្នុងភូមិសាស្ត្រខេត្តពោធិ៍សាត់ ដោយសារយោធាថៃ បានប្រើប្រាស់យន្តហោះចម្បាំងប្រភេទ F-16 ចំនួន ២គ្រឿង បានវាយប្រហារដោយទម្លាក់បែក កាត់ផ្តាច់ស្ពាននេះ៕ ខាងក្រោមនេះជាសេចក្តីជ​ូនដំណឹងរបស់ក្រសួងសាធារណការ៖ ផ្ដល់ សិទ្ធិដោយ៖ Fresh News

(ភ្នំពេញ)៖ ក្រសួងការពារជាតិ នៅថ្ងៃទី១៣ ខែធ្នូ ឆ្នាំ២០២៥នេះ បានចេញមកទាត់ចោលចំពោះការផ្សព្វផ្សាយរបស់ផេក Army Military Force Wassana Nanuam និងកងទ័ពទាន់ហេតុការណ៍ គឺជាព័ត៌មានក្លែងក្លាយ បំភ្លៃកាពិត។ ការផ្សព្វផ្សាយរបស់ផេកArmy Military Force Wassana Nanuam កងទ័ពទាន់ហេតុការណ៍ និងRoyal Thai Army ជាសារព័ត៌មានគ្មានវិជ្ជាជីវៈ ផ្សព្វផ្សាយព័ត៌មានមិនពិត។ សូមគូសបញ្ជាក់ផងដែរថា វីរកងទ័ពកម្ពុជាបាននឹងកំពុងបន្តឈរជើងយ៉ាងរឹងមាំ ស្វាហាប់ មោះមុត និងនៅតែ តស៊ូប្រយុទ្ធយ៉ាងស្វិតស្វាញតតាំងជាមួយសត្រូវឈ្លានពាន និងប្រុងប្រយ័ត្នខ្ពស់ជានិច្ច ក្នុងការ បំពេញតួនាទីរបស់ខ្លួន ដើម្បីការពារបូរណភាពទឹកដីរបស់កម្ពុជា។ កម្ពុជានឹងមិនចុះចាញ់នឹងការបង្ខិតបង្ខំ ឬការបំភិត បំភ័យទោះក្នុងទម្រង់ណាមួយឡើយ៕ ផ្ដល់សិទ្ធិដោយ៖ Fresh News

(ភ្នំពេញ)៖ ប្រមុខចលនាអូឡាំពិកកម្ពុជា បានចាត់ទុកការដកខ្លួនពីស៊ីហ្គេម លើកទី៣៣ របស់ប្រតិភូកីឡាកម្ពុជា ស្របតាមគោលនយោបាយ និងធម្មនុញ្ញអូឡាំពិកអន្ដរជាតិ ដែលមជ្ឍដ្ឋានជាតិ និងអន្ដរជាតិ មិនអាចរិះគន់ ឬចោទប្រកាន់លើការសម្រេចចិត្តដកខ្លួននេះឡើយ ដ្បិតកម្ពុជា បានបំពេញកាតព្វកិច្ចរបស់ខ្លួនរួចរាល់ ក្នុងនាមសមាជិកក្រុមប្រឹក្សាកីឡាអាស៊ីអាគ្នេយ៍។ នេះបើយោងតាមសំណេរលោកបណ្ឌិត ថោង ខុន ទេសរដ្ឋមន្ដ្រី និងប្រធានគណៈកម្មាធិការជាតិអូឡាំពិកកម្ពុជា(NOCC) ក្រោយកម្ពុជា សម្រេចដកខ្លួនពីព្រឹត្តិការណ៍ស៊ីហ្គេម ឆ្នាំ២០២៥ នៅប្រទេសថៃ កាលពីថ្មីៗ ហើយលោកក៏រំលេចផងដែរថា កាលពី ៦៦ឆ្នាំមុន ពោលគឺកាលពីឆ្នាំ១៩៥៩ កម្ពុជាក៏ធ្លាប់ធ្វើពហិការមិនចូលរួមការប្រកួតកីឡាឧបទ្វីបអាស៊ីអាគ្នេយ៍ ដែលបច្ចុប្បន្នប្ដូរមកជាកីឡាស៊ីហ្គេម នេះផងដែរ ក្រោមមូលហេតុដូចគ្នា ដោយសារការព្រួយបារម្ភពីសុវត្ថិភាព។ លោកទេសរដ្ឋមន្ដ្រីបានគូសបញ្ជាក់ថា «ក្នុងនាមប្រធានគណៈកម្មាធិការជាតិអូឡាំពិកកម្ពុជា ខ្ញុំសូមអរគុណចំពោះមតិទាំងឡាយ ដែលបានគាំទ្រក្នុងការសម្រេចចិត្តដកថយ ហើយវិលត្រលប់មកប្រទេសជាតិវិញ របស់ប្រតិភូ និង អត្តពលិកយើងទាំងអស់ចេញពីព្រឹត្តិការណ៍កីឡាស៊ីហ្គេម លើកទី៣៣ នៅថៃ។ តាមពិត NOCC គឺជាសមាជិកមួយ នៃក្រុមប្រឹក្សាសហព័ន្ធកីឡាអាស៊ីអាគ្នេយ៍ ក្នុងចំណោម ១១ ប្រទេសជាសមាជិក។ NOCC ធ្វើសកម្មភាពដើម្បីចលនាអូឡាំពិក ដោយមានកិច្ចសហការ ជាមួយសហព័ន្ធកីឡាជាតិ និង ក្រសួងអប់រំ យុវជន […]

(ភ្នំពេញ)៖ ក្រសួងការពារជាតិ នៅថ្ងៃទី១២ ខែធ្នូ ឆ្នាំ២០២៥នេះ បានចេញមកទាត់ចោលចំពោះការផ្សព្វផ្សាយរបស់ផេកផ្លូវការកងទ័ពជើងអាកាសថៃ ដែលបានចោទប្រកាន់ថាកម្ពុជាបានបន្ថែមទ័ពនៅចន្ទបុរី-ត្រាត វាយប្រហារគំរាមកំហែងថៃ។ ក្រសួងការពារជាតិកម្ពុជា សូមទាត់ចោលយ៉ាងដាច់អហង្ការនូវខ្លឹមសារដែលបានចុះផ្សាយក្នុងផេកផ្លូវការកងទ័ពជើងអាកាសថៃខាងលើនេះ និងសូមអះអាងថាជាព័ត៌មានភូតកុហុក និងជាព័ត៌មានប្រឌិត ក្លែងក្លាយ និងលាបពណ៌មកលើកម្ពុជាតែប៉ុណ្ណោះ។ បន្ថែមពីនេះ ក្រសួងការពារជាតិ បានបញ្ជាក់ថា កម្ពុជាប្រកាន់ខ្ជាប់នូវការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ ក៏ដូចជាសន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ហើយប្រឆាំងនឹងការគំរាម ឬការប្រើប្រាស់កម្លាំង សំដៅស្វែងរកដំណោះស្រាយមួយដែលយុត្តធម៌ ត្រឹមត្រូវ យូរអង្វែង និងស្របតាមច្បាប់ អន្តរជាតិ។ កម្ពុជាទាមទារឱ្យភាគីថៃបញ្ឈប់រាល់ការផ្សព្វផ្សាយព័ត៌មានមិនពិតដោយចេតនា ក្នុងគោលដៅបង្វែរការចាប់អារម្មណ៍អំពីការរំលោភបំពានច្បាប់អន្តរជាតិរបស់ខ្លួនដោយលាបពណ៌កម្ពុជា ដើម្បីយកលេសប្រើប្រាស់អាវុធកាន់តែសាហាវ និងពង្រីកការរំលោភបំពានមកលើកម្ពុជា៕ ផ្ដល់សិទ្ធិដោយ៖ Fresh News

(សៀមរាប)៖ សេចក្តីរាយការណ៍ពីសមត្ថកិច្ចបានបញ្ជាក់ថា នៅម៉ោង១២៖៤០នាទី រសៀលថ្ងៃទី១១ ខែធ្នូ ឆ្នាំ២០២៥ ឃាត់ខ្លួនបានចារកម្មថៃម្នាក់ នៅភូមិស្លក្រាម សង្កាត់ស្លក្រាម ក្រុងសៀមរាប ខេត្តសៀមរាប ដែលប្រមូលព័ត៌មានបញ្ជូនឱ្យយោធាថៃ៕ ផ្ដល់សិទ្ធិដោយ៖ Fresh News