(ប៉េកាំង)៖ វិស័យអាកាសចរណ៍របស់ប្រទេសចិន បានបង្ហាញការស្ទុះងើបឡើងវិញ គួរឱ្យកត់សម្គាល់នៅឆ្នាំនេះ ជាមួយនឹងការធ្វើដំណើរក្នុងស្រុកកើន លើសពីកម្រិតមុនពេលមានជំងឺរាតត្បាត។ នេះបើយោងតាមកាសែត Channel News Asia។ កាសែត Channel News Asia បានរាយការណ៍ថា ខណៈពេលដែលផ្លូវហោះហើរអន្តរជាតិនៅតែមិនទាន់ល្អ ប្រទេសចិនរំពឹងថា ការធ្វើដំណើរតាមផ្លូវអាកាសរបស់ខ្លួន នឹងឈានដល់កម្រិតខ្ពស់បំផុតនៅឆ្នាំនេះ។ យោងតាមទិន្នន័យផ្លូវការបានបង្ហាញថា ប្រទេសចិនបានទទួលអ្នកដំណើរតាមផ្លូវអាកាសជិត ៣៥០លាននាក់នៅក្នុងឆមាសទីមួយឆ្នាំនេះ កើនឡើង ២៤ភាគរយបើធៀបនឹងរយៈពេលដូចគ្នាក្នុងឆ្នាំ២០២៣។ អ្នកស្រី Zoey Wang នាយកផ្នែកហេដ្ឋារចនាសម្ព័ន្ធសកល និងហិរញ្ញវត្ថុ គម្រោងនៅក្រុមហ៊ុន Fitch Ratings ក្នុងទីក្រុងហុងកុងបាននិយាយថា៖ «វិស័យអាកាសចរណ៍របស់ប្រទេសចិន បានជួបប្រទះនឹងការងើបឡើងវិញយ៉ាងខ្លាំងបន្ទាប់ពីមានជំងឺរាតត្បាត។ វិស័យនេះបានទទួលបានអត្ថប្រយោជន៍យ៉ាងច្រើន ពីតម្រូវការក្រោយអំឡុងពេលកើតមានជំងឺកូវីដ»។ អ្នកស្រីបានបន្ថែមថា អ្នកដំណើរតាមផ្លូវអាកាសក្នុងស្រុកនៅក្នុងត្រីមាសទីពីរ បានកើនលើសពីតួលេខមុនពេលមានជំងឺរាតត្បាតចំនួន ១០ភាគរយ។ ទោះបីជាយ៉ាងណា ទាំងការធ្វើដំណើរចូលក្នុងប្រទេសនិងចេញក្រៅប្រទេស មិនទាន់បានវិលត្រលប់ពេញលេញ ទៅរកកម្រិតមុនពេលមានជំងឺរាតត្បាតនៅឡើយទេ ពោលគឺមានតែជាងប្រហែល ៨៥ភាគរយប៉ុណ្ណោះបើធៀបនឹងចរាចរណ៍ មុនពេលព្រំដែនពិភពលោកត្រូវបានបិទខ្ទប់ប្រហែលកាលពី ៤ឆ្នាំមុន។ ទោះបីជាចំនួនការធ្វើដំណើរតាមផ្លូវអាកាសអន្តរជាតិ មានភាពយឺតយ៉ាវក៏ដោយ ក៏ក្រុមមន្ត្រីបាននិយាយថា ប្រទេសចិនអាចរំពឹងថានឹងមើលឃើញការធ្វើដំណើរ តាមអាកាសក្នុងកម្រិតខ្ពស់ថ្មីមួយនៅឆ្នាំនេះ ដោយឈានដល់ ៧០០លាននាក់ដោយសារតម្រូវការក្នុងស្រុកខ្លាំង។ នេះបើយោងតាមកាសែត […]

(បរទេស)៖ ថ្មីៗនេះទទួលបានដំណឹងលេចធ្លាយមកថា ក្រុមហ៊ុនកូរ៉េខាងត្បូង Samsung Electronic កំពុងពិភាក្សាជាមួយនឹងក្រុមហ៊ុន Nokia ក្នុងគម្រោងទិញយកអាជីវកម្ម​បណ្តាញ​ទូរស័ព្ទ​ ដែលមានតម្លៃប្រមាណ ១០ពាន់លានដុល្លារ។ ប្រកាសនេះត្រូវបានគេឱ្យដឹងថា ក្រុមហ៊ុនកូរ៉េខាងត្បូងមានបំណងពង្រីកអាជីវកម្មរបស់ខ្លួន ហើយប្រសិនបើរឿងនេះក្លាយជាការពិត នោះ Samsung Electronic នឹងក្លាយជាក្រុមហ៊ុនទូរគមនាគមន៍ដ៏លេចធ្លោបំផុតនៅលើពិភពលោក។ នេះបើយោងតាមការចេញផ្សាយដោយ Sammobile នៅថ្ងៃទី៣០ ខែសីហា ឆ្នាំ២០២៤។ ប្រភពពីសារព័ត៌មាន Bloomberg បានរាយការណ៍មកថា Samsung Electronic បានបង្ហាញចំណាប់អារម្មណ៍ក្នុងការទិញយកអាជីវកម្ម​បណ្តាញ​ទូរស័ព្ទ​របស់ Nokia ដើម្បីកែលម្អផ្នែក Radio Access Network (RAN) របស់ខ្លួន។ ប្រភពបានគូសបញ្ជាក់ថា ឥឡូវនេះ Nokia កំពុងស្ថិតក្នុងការពិភាក្សាអំពីជម្រើសដែលអាចធ្វើបានទាំងអស់ជាមួយនឹងទីប្រឹក្សារបស់ខ្លួន ដែលក្នុងនោះរួមមានការលក់ផ្នែកខ្លះ ឬទាំងអស់ ឬការរួមបញ្ចូលគ្នាជាមួយគូប្រជែងណាមួយរបស់ខ្លួន។ តែយ៉ាងណា ជុំវិញព័ត៌មានលម្អិតអំពីរបាយការណ៍នេះ Nokia នៅមិនទាន់មានការឆ្លើយតបណាមួយនៅឡើយនោះទេ។ គួរជម្រាបដែរថា បច្ចុប្បន្នក្រុមហ៊ុនកូរ៉េខាងត្បូង Samsung Electronic បានកាន់កាប់ចំណែកទីផ្សារ RAN ប្រមាណ ២៥.៦ភាគរយ ប៉ុន្តែក្រុមហ៊ុននេះនៅតែជួបបញ្ហាប្រឈមខ្លាំងជាមួយនឹងដៃគូរប្រកួតប្រជែងដូចជា Ericsson […]

(កៀវ)៖ អ៊ុយក្រែន នៅថ្ងៃសុក្រនេះបានជំរុញឱ្យម៉ុងហ្គោលីចាប់ខ្លួនប្រធានាធិបតីរុស្ស៊ីលោក វ្ល៉ាឌីមៀ ពូទីន តាមដីការបស់តុលាការឧក្រិដ្ឋកម្មអន្តរជាតិ (ICC) នៅពេល លោក ពូទីន ធ្វើទស្សនកិច្ចប្រទេសនេះ នៅថ្ងៃទី០៣ ខែកញ្ញា ប៉ុន្តែវិមានក្រឹមឡាំងបាននិយាយថា មិនមានការព្រួយបារម្ភអំពីដំណើរទស្សនកិច្ចនេះទេ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuter នៅថ្ងៃទី៣០ ខែសីហា ឆ្នាំ២០២៤។ តុលាការឧក្រិដ្ឋកម្មអន្តរជាតិ (ICC) បានចេញដីកាចាប់ខ្លួនកាលពីខែមីនាឆ្នាំមុនប្រឆាំងនឹង លោក ពូទីន ដោយចោទប្រកាន់លោកថា បានប្រព្រឹត្តឧក្រិដ្ឋកម្មសង្គ្រាម នៃការនិរទេសកុមាររាប់រយនាក់ដោយខុសច្បាប់ពីអ៊ុយក្រែន។ វិមានក្រឹមឡាំងបានច្រានចោលការចោទប្រកាន់នេះ ដោយនិយាយថា វាជាហេតុផលនយោបាយ។ ដីកាចាប់ខ្លួនរបស់ ICC តម្រូវឱ្យរដ្ឋសមាជិកទាំង ១២៣ រួមទាំងម៉ុងហ្គោលីត្រូវចាប់ខ្លួនលោក ពូទីន ហើយបញ្ជូនទៅកាត់ទោសនៅទីក្រុងឡាអេ ប្រសិនបើលោក ពូទីន ចូលមកក្នុងទឹកដីរបស់ប្រទេសទាំងនោះ។ ក្រសួងការបរទេសអ៊ុយក្រែន បានអំពាវនាវតាម Telegram ឱ្យអាជ្ញាធរម៉ុងហ្គោលីអនុវត្តតាមដីកាចាប់ខ្លួន និងបញ្ជូនលោក ពូទីន ទៅ ICC នៅទីក្រុងឡាអេ។ អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកសារព័ត៌មានថា […]

(មូស្គូ)៖ កាលពីថ្ងៃសុក្រសប្តាហ៍នេះ វិមានក្រឹមឡាំងបាននិយាយថា ខ្លួនមិនបារម្ភខ្លាច ម៉ុងហ្គោលីអាចនឹងចាប់ខ្លួន ប្រធានាធិបតីរុស្ស៉ី លោក វ៉្លាឌីមៀ ពូទីន អំឡុងការបំពេញទស្សនកិច្ចរបស់លោកនៅទីនោះ នាសប្តាហ៍ក្រោយឡើយ បើទោះបីជាតុលាការព្រហ្មទណ្ឌអន្តរជាតិ ICC និយាយថា ប្រទេសទាំងអស់ដែលជាសមាជិក មានកាតព្វកិច្ចត្រូវអនុវត្តដីកាឃាត់ខ្លួនរូបលោក ក៏ដោយ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃសៅរ៍ ទី៣១ ខែសីហា ឆ្នាំ២០២៤។ លោក ពូទីន នឹងធ្វើដំណើរទៅកាន់ប្រទេសម៉ុងហ្គោលី នាថ្ងៃអង្គារសប្តាហ៍ក្រោយ។ វានឹងជាដំណើរទស្សនកិច្ចដំបូងបំផុតរបស់លោក ទៅកាន់​ប្រទេសដែលជាសមាជិករបស់ ICC គិតចាប់តាំងតែពីតុលាការអន្តរជាតិមួយនេះ បានចេញដីកាបង្គាប់ឱ្យចាប់ខ្លួនរូបលោក កាលពីខែមីនា ឆ្នាំមុន ជុំវិញការចោទប្រកាន់​ឧក្រិដ្ឋកម្មសង្រ្គាម ពាក់ព័ន្ធវិបត្តិសង្រ្គាមឈ្លានពាននៅអ៊ុយក្រែន។ អ្នកនាំពាក្យវិមានក្រឹមឡាំង លោក Dmitry Peskov បាននិយាយដូច្នេះថា «វាគ្មានអ្វីត្រូវបារម្ភឡើយ។ យើងមានកិច្ចសន្ទនាល្អណាស់ជាមួយមិត្តយើង នៅម៉ុងហ្គោលី»។ គួរបញ្ជាក់ថា កាលពីថ្ងៃសុក្រ អ្នកនាំពាក្យតុលាការ ICC បានប្រាប់ក្រុមអ្នកសារព័ត៌មានថា ប្រទេសទាំងអស់ ដែលបានចុះហត្ថលេខាលើ ​លក្ខន្តិកៈទីក្រុងរ៉ូមរបស់តុលាការ មានកាតព្វកិច្ចត្រូវតែសហការ។ ទោះជាបែបនេះក្តី តុលាការ […]

(អ៉ីស្លាម៉ាបាដ)៖ ភ្លៀងខ្លាំង ​និងខ្យល់ព្យុះ បង្ខំឱ្យអាជ្ញាធរនៅក្នុងរដ្ឋធំជាងគេរបស់ប្រទេសប៉ាគីស្ថាន គឺរដ្ឋ Karachi បិទសាលារៀននានា នៅថ្ងៃសុក្រនេះ បន្ទាប់ពីមានប្រព័ន្ធសម្ពាធទាប​នៅ​សមុទ្រ​អារ៉ាប់ អាច​វិវត្តទៅ​ជា​ព្យុះ​ស៉ីក្លូន។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃសុក្រ ទី៣០ ខែសីហា ឆ្នាំ ២០២៤។ ការិយាល័យឧតុនិយមតំបន់ បានឱ្យដឹងថា ផ្នែកខ្លះនៃរដ្ឋ Karachi ទទួលរងភ្លៀងធ្លាក់កម្រិត ១៤៧មីលីម៉ែត្រ ហើយអ្នកស្រុកនៅក្នុងទីក្រុងធំ Murtaza Wahab ត្រូវបានណែនាំឱ្យចៀសវាងការធ្វើដំណើរ ដែលមិនចាំបាច់។ តាមការិយាល័យឧតុនិយមឥណ្ឌា ប្រព័ន្ធសម្ពាធទាប ដែលស្ថិតនៅលើតំបន់ Rann of Kutch នៃរដ្ឋ Gujarat អាចវិវត្តទៅជាព្យុះស៉ីក្លូន នៅថ្ងៃសុក្រនេះ ហើយផ្លាស់ទីទៅ ភាគពាយព្យលើសមុទ្រអារ៉ាប់ ក្នុងរយៈពេលពីរថ្ងៃបន្ទាប់។ អាជ្ញាធរក្នុងប្រទេសប៉ាគីស្ថាន បានស្នើដល់អ្នកនេសាទ និងនាវិកកុំឱ្យចេញដំណើរទៅកាន់សមុទ្រ ហើយព្រមានថា ព្យុះទំនងជាបណ្តាលឱ្យមានទឹកជំនន់ នៅក្នុងទីក្រុងនានា ក៏ដូចជាទឹកជំនន់ភ្លាមៗនៅតំបន់ភ្នំ នាប៉ុន្មានថ្ងៃខាងមុខ។ គួរបញ្ជាក់ថា អាជ្ញាធរគ្រប់គ្រងគ្រោះមហន្តរាយ បានឱ្យដឹងកាលពីថ្ងៃព្រហស្បតិ៍សប្តាហ៍នេះថា មនុស្សប្រមាណ ២៨នាក់បានស្លាប់ និងប្រហែល […]

(យូអិន)៖ មន្ត្រីជាន់ខ្ពស់ម្នាក់របស់អង្គការសុខភាពពិភពលោក WHO កាលពីថ្ងៃព្រហស្បតិ៍ ទី២៩ ខែសីហា បាននិយាយថាយោធាអ៉ីស្រាអែល និងក្រុមហាម៉ាសបានយល់ព្រមផ្អាក ការវាយប្រយុទ្ធគ្នារយៈពេល៣ថ្ងៃ នៅតាមតំបន់ ៣ដាច់ដោយឡែកពីគ្នា ក្នុងតំបន់ហ្កាហ្សា ដើម្បីសម្រួលដល់យុទ្ធនាការចាក់វ៉ាក់សាំងបង្ការជំងឺ​ស្វិត​ដៃ​ជើង ​ឬ​ Polio ក្នុងជុំទី១ សម្រាប់ កុមារ ៦៤០ ០០០នាក់។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ លោក Rik Peeperkorn ជាតំណាង WHO ប្រចាំដែនដីប៉ាឡេស្ទីន បានឱ្យដឹងថាការផ្អាកបាញ់រយៈពេល៣ថ្ងៃ នឹងត្រូវធ្វើឡើងនៅថ្ងៃអាទិត្យចុងសប្ដាហ៍នេះ ចាប់ពីម៉ោង ៦ព្រឹក ដល់ម៉ោង ៣រសៀល (ម៉ោងក្នុងតំបន់) នៅតាមតំបន់ចំនួន៣ ក្នុងតំបន់ហ្កាហ្សា។ លោកបានបន្ថែមថាយុទ្ធនាការចាក់វ៉ាក់សាំងនឹងធ្វើឡើងក្នុងតំបន់ភាគកណ្ដាល នៅភាគខាងត្បូង និងភាគខាងជើងនៃតំបន់ហ្កាហ្សា ជាមួយការផ្អាកបាញ់រយៈពេល៣ថ្ងៃដាច់ដោយឡែកពីគ្នា ហើយការផ្អាកបាញ់នេះទៀតសោតអាចនឹងពន្យារដល់៤ថ្ងៃ ក្នុងករណីចាំបាច់។ គួរបញ្ជាក់ថា ក្រុមហាម៉ាសបានប្រាប់ Reuters ថាពួកគេស្វាគមន៍ព័ត៌មានខាងលើ ហើយថានឹងធ្វើការជាមួយបណ្ដាអង្គការអន្តរជាតិ ដើម្បីជួយសម្រួលដល់យុទ្ធនាការចាក់វ៉ាក់សាំង។ រីឯ ខាងអ៉ីស្រាអែលវិញបាននិយាយថាយុទ្ធនាការចាក់វ៉ាក់សាំងនឹងត្រូវធ្វើឡើងក្រោមកិច្ចសហប្រតិបត្តិការជាមួយយោធារបស់ខ្លួន ក្រោមក្របខណ្ឌនៃការផ្អាកបាញ់មនុស្សធម៌ដែលនឹង អនុញ្ញាតឱ្យប្រជាជនប៉ាឡេស្ទីនចូលទៅកាន់មន្ទីរពេទ្យ ឬមណ្ឌលសុខភាពជាទីដែលយុទ្ធនាការចាក់វ៉ាក់ត្រូវធ្វើឡើង៕ ផ្ដល់សិទ្ធិដោយ៖ Fresh […]

(បរទេស)៖ ប្រិយមិត្តប្រាកដជាជ្រាបច្បាស់រួចមកហើយថាក្រុមហ៊ុន Apple នឹងរៀបចំមហាព្រឹត្តិការណ៍ប្រកាសចេញ​ត្រកូល iPhone 16 នៅថ្ងៃទី០៩ ខែកញ្ញាខាងមុខនេះ ពោលគឺនៅសស់តែជាង ១០ថ្ងៃទៀតតែប៉ុណ្ណោះ។ ទន្ទឹមនឹងនេះ Apple ត្រូវ​បាន​គេ​ព្យាករ​ណ៍ថា​នឹង​សម្រេច​បាន​ប្រាក់​ចំណូល​លើស​ពី ៤០០ពាន់​លាន​ដុល្លារ​ក្នុង​ឆ្នាំ ២០២៤ ដែល​ភាគ​ច្រើន​ត្រូវ​បាន​ជំរុញ​ដោយ​ការ​រំពឹង​ទុក​នៃ​ការ​ចេញ​លក់​ស៊េរី iPhone 16 និង​ផលិតផល​ថ្មី​ផ្សេង​ទៀត។ នេះបើយោងតាមការចេញផ្សាយដោយ Apple Insider នៅថ្ងៃទី២៨ ខែសីហា ឆ្នាំ២០២៤។ តាមការប៉ាន់ប្រមាណនៅពេលដែល Apple ចាប់ផ្តើមដំណើរការជាលើកដំបូងក្នុងឆ្នាំ១៩៧៧ ប្រាក់ចំណូលសម្រាប់ឆ្នាំដំបូងរបស់ខ្លួនគឺមានប្រហែល ៧៧៥,០០០ដុល្លារប៉ុណ្ណោះ។ ប៉ុន្តែជិត ៥០ឆ្នាំក្រោយមក លទ្ធផលហិរញ្ញវត្ថុផ្លូវការចុងក្រោយរបស់ក្រុមហ៊ុនយក្សនេះ បានបង្ហាញថាខ្លួនរកបានរហូតដល់ ៨៤.៧៨ ពាន់លានដុល្លារក្នុងត្រីមាសទី៣ នៃឆ្នាំ២០២៤។ យ៉ាងណាមិញ សម្រាប់ឆ្នាំ២០២៤ ទាំងមូល បើយោងតាមក្រុមហ៊ុនស្រាវជ្រាវ Counterpoint Research ឥឡូវនេះក្រុមហ៊ុន Apple ទំនងជាអាចរកប្រាក់ចំណូលបានច្រើនជាង ៤០០ពាន់លានដុល្លារ។ តាមរយៈការព្យាករណ៍ពីការកើនឡើងនេះ គឺបន្ទាប់ពី Apple បានជួបវិបត្តិធ្លាក់ចុះប្រាក់ចំណូលក្នុងឆ្នាំ២០២៣ ហើយការកើនឡើងថ្មីនេះ ត្រូវបានកំណត់លក្ខណៈសម្បត្តិមិនត្រឹមតែ iPhone ប៉ុណ្ណោះទេ ប៉ុន្តែក្នុងនោះក៏ត្រូវបានចូលរួមយ៉ាងសំខាន់ដោយផ្នែក […]

(តូក្យូ)៖ ខណៈភ្ញៀវទេសចរសម្រុកទៅទស្សនាប្រទេសជប៉ុន ដោយសារប្រទេសនេះ មានបដិសណ្ឋារកិច្ចដ៏ល្បីល្បាញ នៅលើពិភពលោក មានអាហារស៊ូស៊ីពិសេស និងទីសក្ការបូជាបុរាណគួរឱ្យចង់គយគន់ ក្រុមហ៊ុនអាកាសចរណ៍ជប៉ុន កំពុងប្រឈមនឹងកង្វះអ្នកបើកបរយន្តហោះយ៉ាងខ្លាំង ហើយការស្វែងរកអ្នកបើកបរ មកបំពេញបន្ថែមអាចមិនងាយស្រួល។ ទីភ្នាក់ងារព័ត៌មាន Bloomberg បានរាយការណ៍ថា បច្ចុប្បន្នប្រទេសជប៉ុន មានអ្នកបើកយន្តហោះប្រហែល ៧ ១០០នាក់ ហើយរដ្ឋាភិបាលជប៉ុនមានផែនការត្រូវការ ១ពាន់នាក់បន្ថែមទៀតនៅឆ្នាំ២០៣០ ដើម្បីជួយឱ្យសម្រេចបានទិសដៅរបស់ខ្លួន ក្នុងការទាក់ទាញភ្ញៀវទេសចរឱ្យបាន ៦០លាននាក់នៅឆ្នាំដដែល។ បើយោងតាម Bloomberg ជប៉ុនអាចសម្លឹងរកមើលអ្នកបើកបរយន្តហោះ ពីក្រៅប្រទេសពោល គឺវិធានការមួយដែលកំពុងត្រូវបានពិចារណា ដោយក្រុមការងារដែលបង្កើតឡើង ដោយក្រសួងដឹកជញ្ជូនកាលពីដើមឆ្នាំនេះ។ វិធានការនេះរួមមានទាំងការបំប្លែងអាជ្ញាប័ណ្ណរបស់អ្នកបើកបរយន្តហោះបរទេស ទៅជាអាជ្ញាធរប័ណ្ណរបស់ជប៉ុន ក្នុងល្បឿនឱ្យបានកាន់តែលឿន និងចំណាយកាន់តែទាប។ ប៉ុន្តែមានហេតុផលមួយចំនួន ដែលការជួលអ្នកបើកបរយន្តហោះ មកពីបរទេសមិនងាយស្រួលទេ។ មានការប្រឆាំងពីសហជីពក្នុងស្រុក និងក្រុមហ៊ុនអាកាសចរណ៍ក្នុងស្រុក ដែលជាធម្មតាចំណាយលើប្រាក់ខែ អ្នកបើកបរតិចជាងក្រុមហ៊ុនអាកាសចរណ៍ នៅក្នុងប្រទេសផ្សេងទៀត។ យោងតាមក្រសួងដឹកជញ្ជូនជប៉ុនបានឱ្យដឹងថា ក្រៅពីកង្វះអ្នកបើកបរយន្តហោះ កាពីទែនបើកបរយន្តហោះជាច្រើន របស់ក្រុមហ៊ុនអាកាសចរណ៍ ដែលបច្ចុប្បន្នមានអាយុច្រើនជាង ៥០ឆ្នាំ គ្រោងនឹងចូលនិវត្តន៍នៅឆ្នាំ២០៣០។ លោក Nobuhito Abe ដែលជាដៃគូ និងជាអ្នកដឹកនាំតំបន់អាស៊ីប៉ាស៊ីហ្វិក ផ្នែកអាកាសចរណ៍ និងឧស្សាហកម្មនៅក្រុមហ៊ុន […]

(វ៉ាស៉ីនតោន)៖ អ្នកនាំពាក្យទីប្រឹក្សាសន្តិសុខជាតិនៃសេតវិមាន លោក John Kirby បាននិយាយកាលពីថ្ងៃអង្គារសប្តាហ៍នេះថា សហរដ្ឋអាមេរិកនៅតែរក្សាការប្តេជ្ញាចិត្ត ដើម្បីការពារអ៉ីស្រាអែល ក្នុងករណីដែលរងការវាយប្រហារណាមួយពីអ៉ីរ៉ង់ ហើយនៅតែមានក្តីសង្ឃឹមចំពោះលទ្ធភាពនៃការសម្រេចបាន នូវកិច្ចព្រមព្រៀងបទឈប់បាញ់សម្រាប់តំបន់ហ្កាហ្សា។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី២៨ ខែសីហា ឆ្នាំ ២០២៤។ លោក Kirby បានប្រាប់ប៉ុស្តទូរទស្សន៍ Channel 12 របស់អ៉ីស្រាអែលថា វាពិបាកក្នុងព្យាករអំពីពេលវេលានៃការវាយប្រហារមួយ ប៉ុន្តែសេតវិមានយកចិត្តទុកដាក់ខ្លាំងចំពោះសេចក្តីថ្លែងការណ៍របស់អ៉ីរ៉ង់។ លោកគូសបញ្ជាក់ថា «យើងជឿថា ពួកគេនៅអាច និង​ត្រៀមខ្លួន​ដើម្បី​បើក​ការវាយប្រហារ ប្រសិនបើ​ពួកគេ​ចង់​ ហើយវា​ជា​មូលហេតុ​ដែល​យើង​ត្រូវពង្រឹង​កងកម្លាំង​ ​នៅក្នុង​តំបន់។ សាររបស់យើងទៅកាន់អ៉ីរ៉ង់នោះគឺ ទី ១ វាគ្មានហេតុផលអ្វីត្រូវបង្កើនភាពតានតឹង និងធ្វើឱ្យជម្លោះរាលដាលចេញពីតំបន់នោះទេ។ ទី ២ យើងកំពុងត្រៀមលក្ខខណៈដើម្បីការពារអ៉ីស្រាអែល ប្រសិនបើមានការវាយប្រហារមែននោះ»។ គួរបញ្ជាក់ថា អ៉ីរ៉ង់ បានប្តេជ្ញាសងសឹកចំពោះការធ្វើឃាតមេដឹកនាំនយោបាយរបស់ក្រុមហាម៉ាស នៅក្នុងទីក្រុងតេហេរ៉ង់ កាលពីខែកក្កដា ដោយចោទប្រកាន់ថាជាស្នាដៃរបស់អ៉ីស្រាអែល ទោះជាអ៉ីស្រាអែល មិនបានបដិសេធ ឬទទួលស្គាល់ក្តី។ សហរដ្ឋអាមេរិក កំពុងរក្សាវត្តមានកងនាវាចម្បាំង ២ក្រុម នៅតំបន់មជ្ឈិមបូព៌ា ក៏ដូចជាវត្តមាននៃកងយន្តហោះចម្បាំង […]

(បរទេស)៖ បើទោះបីជាត្រកូល iPhone 16 នឹងបង្ហាញខ្លួននៅថ្ងៃទី០៩ ខែកញ្ញា ខាងមុខនេះក្តី តែអ្វីដែលគេតែងតែលើកយកមកនិយាយច្រើនដងនៅពេលនេះ គឺ iPhone SE ដែលគ្រោងនឹងប្រកាសចេញជាផ្លូវការនៅរដូវផ្ការីកឆ្នាំ២០២៥ខាងមុខ។ បើតាមការទម្លាយចេញពីលោក Mark Gurman ដែលជាអ្នកវិភាគរបស់សារព័ត៌មាន Bloomberg ក៏បានបញ្ចេញនូវព័ត៌មានថ្មីៗរបស់ស្មាតហ្វូននេះផងដែរ។ បើតាមការចេញផ្សាយដោយសារព័ត៌មាន Tech Hindustan Time បានឲ្យដឹងថា ស្មាតហ្វូន iPhone SE ខាងមុខនឹងមាន៣ម៉ូដែល ដែលត្រូវបានក្រុមហ៊ុនបង្ហាញនៅក្នុងខែមីនាជារៀងរាល់ឆ្នាំ ដូច្នេះសម្រាប់ឆ្នាំថ្មីនេះ ស្មាតហ្វូនម៉ូដែលទី៤ នៃត្រកូល SE ក៏អាចនឹងមានការប្រកាសចេញនៅខែមីនា ឆ្នាំ២០២៥ ខាងមុខនេះដូចគ្នា។ បើមើលទៅលើឡើងរបស់លោក Ming-Chi Kuo ដែលជាវិភាគប្រចាំក្រុមហ៊ុន Apple និងជាអ្នកជំនាញផ្នែកបច្ចេកវិទ្យា បាននិយាយថា ស្មាតហ្វូនជំនាន់ថ្មីនៃត្រកូល iPhone SE នឹងមានការប្រកាសចេញនៅត្រីមាស១ ឆ្នាំ២០២៥ ខាងមុខ។ គួរជម្រាបថា ជាមួយនឹងដំណឹងប្រកាសចេញ iPhone SE នេះ សម្រាប់តម្លៃរបស់វាក៏ត្រូវបានបង្ហើបផងដែរ ដោយលោក Gurman […]