យោងតាមរបាយការណ៍ប្រចាំឆ្នាំរបស់ក្រុមហ៊ុនវិភាគអាមេរិក Gallup ដែលជាអ្នកស្រាវជ្រាវដ៏លេចធ្លោមួយ ដែលវាស់ស្ទង់បទពិសោធន៍វិជ្ជមាន និងអវិជ្ជមានរបស់មនុស្សជុំវិញពិភពលោក បានបង្ហាញនូវលទ្ធផលស្ទង់មតិចុងក្រោយនៃ «ប្រទេសអាស៊ីអាគ្នេយ៍ដែលពោរពេញទៅដោយស្នាមញញឹម» សម្រាប់ឆ្នាំ២០២២ កន្លងទៅនេះ។ កម្ពុជាបានជាប់ចំណាត់ថ្នាក់លេខ២ ចំណែក​ថៃ ដែល​ធ្លាប់តែស្គាល់ថាជា «​ទឹកដី​នៃ​ស្នាមញញឹម​» គឺជាប់​ចំណាត់​ថ្នាក់​លេខ៩ នៅបាតតារាង។ ស្ថិតិនេះត្រូវបានធ្វើឡើងលើអ្នកឆ្លើយសំណួរចំនួន ១,០០០ នាក់ ដែលមានអាយុពី ១៥ឆ្នាំឡើងទៅ មកពីជាង ១០០ ប្រទេសចន្លោះឆ្នាំ២០២១ ដល់ដើមឆ្នាំ២០២២។ ការស្ទង់មតិបានរកឃើញថា ប្រទេសអាស៊ានដែលមានភាពរួសរាយរាក់ទាក់ និងផ្តល់ស្នាមញញឹមច្រើនជាងគេ គឺប្រទេសឥណ្ឌូនេស៊ី ដែលមាន ៩០% បន្ទាប់មកគឺកម្ពុជា ដែលមាន ៨៩% និងឡាវ ដែលមាន ៨៨%៕ ផ្តល់សិទ្ធិដោយ៖ ខ្មែរណូត

(បាងកក)៖ កូនស្រីរបស់អតីតនាយករដ្ឋមន្រ្តីថៃ លោក ថាក់ស៉ីន ស៉ីណាវ៉ាត់ (Thaksin Shinawatra) បានអះអាងនៅថ្ងៃសៅរ៍នេះថា រូបលោកគ្រោងវិលត្រឡប់ចូលប្រទេសថៃវិញ នៅថ្ងៃអង្គារសប្តាហ៍ក្រោយនេះ គឺចំថ្ងៃដែលសភាថៃនឹងបោះឆ្នោត ដើម្បីជ្រើសរើសនាយករដ្ឋមន្រ្តីថ្មី ដែលអាចនឹងបិទបញ្ចប់ភាពជាប់គាំងផ្នែកនយោបាយ ដែលអូសបន្លាយពេលជាច្រើនខែមកនេះ។ នេះបើតាមការចេញផ្សាយយដោយ ទីភ្នាក់ងារព័ត៌មាន AFP នៅថ្ងៃសៅរ៍ ទី១៩ ខែសីហា ឆ្នាំ២០២៣។ អតីតនាយករដ្ឋមន្រ្តីថៃវ័យ៧៤ឆ្នាំខាងលើ ត្រូវបានគេទម្លាក់ពីអំណាចក្នុងរដ្ឋប្រហារយោធា កាលពីឆ្នាំ២០០៦ ហើយរូបលោកបានរស់នៅ​ក្រៅប្រទេស អស់រយៈពេលប្រមាណជា១៥ឆ្នាំមកហើយ។ កន្លងមក លោក ថាក់ស៉ីន បាននិយាយ លោកមានបំណងចង់វិលចូលស្រុកវិញណាស់ និងធ្លាប់បានសន្យាជាច្រើនលើកថានឹងធ្វើយ៉ាងដូច្នោះ ប៉ុន្តែរូបលោកប្រឈមនឹងការចោទប្រកាន់បទល្មើសមួយចំនួន ដែលលោកអះអាងថា ធ្វើឡើងក្រោមចេតនានយោបាយ។ នៅថ្ងៃសៅរ៍នេះ កូនស្រីលោក ថាក់ស៉ីន គឺអ្នកនាង ផែថោងថាន ស៉ីនណាវ៉ាត់ ដែលជាសមាជិកជាន់ខ្ពស់ម្នាក់នៅក្នុងគណបក្ស Pheu Thai បានបង្ហោះសារនៅលើបណ្តាញសង្គម Instagram យ៉ាងដូច្នេះថា «នៅថ្ងៃអង្គារ ទី២២ ខែសីហា ម៉ោង៩ព្រឹក ខ្ញុំនឹងទៅទទួល​លោកប៉ាខ្ញុំ គឺលោក ថាក់ស៉ីន នៅឯព្រលានយន្តហោះដូនមឿង […]

(បរទេស)៖ ថ្មីៗនេះទទួលបានរបាយការណ៍មកថា ទីផ្សារកុំព្យូទ័រក្នុងប្រទេសឥណ្ឌាកំពុងបន្តធ្លាក់ចុះក្នុងរយៈពេល ៤ត្រីមាសជាប់ៗគ្នាចាប់តាំងពីពាក់កណ្តាលឆ្នាំ២០២២។ ពោលគឺ ត្រីមាសទី២ ឆ្នាំ២០២៣ នេះទីផ្សារកុំព្យូរទ័រសរុបរបស់ឥណ្ឌាបានធ្លាក់ចុះប្រមាណ ១៥.៣ភាគរយឯណោះ។ នេះបើយោងតាមការចេញផ្សាយរបស់សារព័ត៌មាន GSMArena នៅថ្ងៃទី១៩ ខែសីហា ឆ្នាំ២០២៣។ យោងតាមក្រុមហ៊ុនវិភាគទីផ្សារកុំព្យូទ័រ IDC បានបង្ហាញពីក្រុមហ៊ុនផលិតកុំព្យូទ័រចំនួន ៥ ដែលសុទ្ធតែជាក្រុមហ៊ុនកំពូលៗក្នុងប្រទេសឥណ្ឌាដែលបានបន្តធ្លាក់ចុះក្នុងត្រីមាសទី២ កន្លងទៅរួមមាន Lenovo និង Dell Technologies បានបាត់បង់ចំណែកទីផ្សារខ្លាំងជាងគេបើធៀបនឹងក្រុមហ៊ុនផ្សេងក្នុងប្រទេសឥណ្ឌា រហូតដល់ ៣០.២ភាគរយ និង ៣៩.២ភាគរយរៀងគ្នា។ ខណៈដែលក្រុមហ៊ុន HP Inc, Acer Group និង Asus បានបាត់បង់ចំណែកទីផ្សារក្នុងកម្រិតមធ្យមប្រមាណ ១៤.៤ភាគរយ, ៨.២ភាគរយ និង ០.៥ភាគរយរៀងគ្នា។ ជុំវិញមូលហេតុដែលធ្វើឱ្យទីផ្សារកុំព្យូទ័រឥណ្ឌាបន្តធ្លាក់ចុះបែបនេះ អ្នកវិភាគបានឱ្យដឹងថា គឺដោយសារតែកត្តាសេដ្ឋកិច្ច និងកត្តាកើនឡើងថ្លៃដើមផលិត។ ក្នុងរយៈ ៦ឆ្នាំចុងក្រោយនេះ សេដ្ឋកិច្ចឥណ្ឌាបានរីកចម្រើនក្នុងល្បឿនយឺតបំផុត ដែលបណ្តាលឱ្យការចំណាយផ្នែកសាជីវកម្មបច្ចេកវិទ្យាបន្តធ្លាក់ចុះពីមួយឆ្នាំទៅមួយឆ្នាំ ខណៈដែលតម្លៃកុំព្យូទ័រកើនឡើងខ្ពស់តម្រូវឱ្យអ្នកប្រើប្រាស់ត្រូវកាត់បន្ថយចំណាយ ទាំងនេះបណ្តាលមកពីការឡើងថ្លៃគ្រឿងបន្លាស់ និងការធ្លាក់ចុះនៃប្រាក់រូពីឥណ្ឌា។ យ៉ាងណាមិញតាមការគូសបញ្ជាក់ពីអ្នកវិភាគ ថ្វីត្បិតតែទីផ្សារកុំព្យូទ័រទាំងមូលក្នុងប្រទេសឥណ្ឌាបានបន្តធ្លាក់ចុះក៏ពិតមែន ប៉ុន្តែទីផ្សារក្នុងប្រទេសនេះនៅតែអាចបន្តឈរជើងបានដោយសារតែការជួយជ្រោមជ្រែងពីជួររដ្ឋាភិបាល […]

វៀតណាម៖ បុរសវៀតណាមម្នាក់ស្ទើរតែស្លាប់បាត់បង់ជីវិតក្រោយបរិភោគក្តាមស្រស់ដែលមានផ្ទុកមេរោគ នេះបើយោងតាមការចុះផ្សាយរបស់បណ្តាញសារព័ត៌មាន The Thaiger។ បុរសជនរងគ្រោះមានអាយុ ៣១ឆ្នាំ​ បច្ចុប្បន្នកំពុងរស់នៅតំបន់ភាគខាងជើងប្រទេសវៀតណាម ដែលជាតំបន់មួយមានការនិយមទទួលទានអាហារឆៅដូចជា ក្តាមឆៅឬបង្គាឆៅ យ៉ាងខ្លាំងបំផុត ហើយកាលពីប៉ុន្មានសប្តាហ៍កន្លងទៅនេះរូបគាត់បានទៅញ៉ាំភ្លាក្តាមសមុទ្រស្រស់អស់ជាច្រើនក្បាលនៅផ្ទះមិត្តភក្តិរបស់គាត់។ ក្រោយទទួលទានក្តាមស្រស់នេះរួច បុរសជាជនរងគ្រោះបានកើតមានអាការៈធ្ងន់ធ្ងរមួយចំនួនដូចជា ស្រកទម្ងន់ ក្អក​ ក្អួត អស់កម្លាំង ឈឺក្បាជាប្រចាំ ពិបាកដកដង្ហើម និងពេលខ្លះថប់ដង្ហើមស្ទើរតែស្លាប់ទៀតផង។ ក្រោយបញ្ជូនទៅដល់មន្ទីរពេទ្យក្រុមវេជ្ជបណ្ឌិតបានរកឃើញថា បុរសជនរងគ្រោះមានជំងឺ Paragonimiasis ដែលជាប្រភេទជំងឺបង្កឡើងដោយសារសួតមានបញ្ហាធ្ងន់ធ្ងរ ដូចជារលាកសួតឬទងសួតកម្រិតធ្ងន់ជាដើម។ ជាទូទៅជំងឺប្រភេទនេះបង្កឡើងដោយបាក់តេរី Paragonimus​ ដែលមានតោងជាប់នៅលើក្តាម ឬបង្គាស្រស់ ប្រសិនបើលោកអ្នកមិនបានចម្អិនវាឲ្យឆ្អិនល្អនោះទេមុនពេលទទួលទាន។ ដើម្បីចៀសវាងបញ្ហាខាងលើនេះ លោកអ្នកគួរចម្អិនអាហារគ្រប់មុខឲ្យបានឆ្អិនល្អគ្រប់ពេល ហើយបើក្នុងករណីចង់បរិភោគឆៅលោកអ្នកត្រូវលាងសម្អាតវាឲ្យបានស្អាតល្អដើម្បីឲ្យអស់មេរោគ៕  ផ្តល់សិទ្ធិដោយ៖ ខ្មែរណូត

(ប៉េកាំង)៖ អាជ្ញាធរចិននៅល្ងាចថ្ងៃសុក្រនេះ បានចេញការប្រកាសអាសន្នកម្រិតពណ៌លឿង ក្នុងការប្រមើលមើលពីគ្រោះមហន្តរាយភូមិសាស្ត្រ ដែលអាចកើតមាននៅតំបន់មួយចំនួន នៅភាគនិរតីនៃប្រទេសចិន ដែលបណ្តាលមកពីភ្លៀងធ្លាក់ខ្លាំង។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នៅថ្ងៃទី១៨ ខែសីហា ឆ្នាំ២០២៣។ ក្រសួងធនធានធម្មជាតិ និងឧតុនិយមរបស់ប្រទេសចិន បានព្រមានពីហានិភ័យនៃគ្រោះមហន្តរាយភូមិសាស្ត្រ ដែលបណ្តាលមកពីភ្លៀងធ្លាក់ខ្លាំងនៅតំបន់មួយចំនួន ដូចជានៅតំបន់ភាគខាងត្បូងនៃខេត្តស៊ីឈួន ភាគឦសាននៃខេត្តយូណាន និងភាគអាគ្នេយ៍នៃតំបន់ទីបេ ចាប់ពីម៉ោង​៨យប់ថ្ងៃសុក្រនេះ​ដល់ម៉ោង​ ៨យប់ថ្ងៃសៅរ៍។ ប្រជាពលរដ្ឋត្រូវបានណែនាំឲ្យមានការប្រុងប្រយ័ត្ន ជាពិសេសនៅតំបន់ដែលមានហានិភ័យដែលអាចកើតមាន។ គួរបញ្ជាក់ថា ប្រទេស​ចិន​មាន​ប្រព័ន្ធ​ប្រកាសអាសន្នចំនួន៤​ពណ៌​ ​សម្រាប់ការព្រមានអំពី​គ្រោះ​មហន្តរាយ​ភូមិសាស្ត្រ ដោយ​ពណ៌​ក្រហម​ជា​ការ​ព្រមាន​ធ្ងន់ធ្ងរ​បំផុត ដោយ​តាម​ពីក្រោយ​ដោយ​ពណ៌​ទឹកក្រូច លឿង និង​ខៀវ៕ ផ្តល់សិទ្ធិដោយ៖ freshnews

(វែលីងតោន)៖ រដ្ឋាភិបាលនូវែលសេឡង់នៅថ្ងៃសុក្រនេះ បានប្រកាសថា បុរសជនជាតិនូវែលសេឡង់ម្នាក់ ដែលបានចំណាយពេលសរុបអស់ជិត១៨ឆ្នាំ នៅក្នុងពន្ធនាគារសម្រាប់អំពើឃាតកម្មដែលខ្លួនមិនបានប្រព្រឹត្ត នឹងទទួលបានប្រាក់សំណងខ្ទង់លានដុល្លារ។ នេះបើតាមការ​ចេញផ្សាយដោយ ទីភ្នាក់ងារព័ត៌មាន AFP នៅថ្ងៃសុក្រ ទី១៨ ខែសីហា ឆ្នាំ២០២៣។ បុរសខាងលើដែលមានឈ្មោះថា អាលែន ហល (Alan Hall) ត្រូវបានផ្តន្ទាទោសដាក់ពន្ធនាគារមួយជីវិត កាលពីឆ្នាំ១៩៨៦ បន្ទាប់ពី​បុរសម្នាក់ទៀត ត្រូវបានគេចាក់សម្លាប់ អំលុងហេតុការណ៍ចូលឈ្លានពានលំនៅឋានមួយកន្លែង ស្ថិតក្នុងទីក្រុង អ៊ុកលែន (Auckland)។ តាមពិតទៅ គឺមិនមានភស្តុតាងផ្នែកវិទ្យាសាស្រ្ត ដែលអាចបង្ហាញថា លោក Hall មានជាប់ពាក់ព័ន្ធនឹងកន្លែងឃាតកម្មឡើយ ហើយ​ជនដៃដល់ក៏ត្រូវគេអះអាងថា ហាក់មានកម្ពស់ខុសពីលោក និងជាជនជាតិផ្សេងឯណោះផងដែរ។ ទោះជាបែបនេះក៏ដោយ រូបលោកនៅតែ​ត្រូវបានតុលាការសម្រេចសេចក្តីថា ពិតជាមានទោសក្នុងករណីនោះ។ លោក Allan Hall ត្រូវបានដោះលែងដោយមានលក្ខខណ្ឌកាលពីឆ្នាំ១៩៩៤ ប៉ុន្តែក្រោយមក លោកត្រូវបានបញ្ជូនចូលពន្ធនាគារវិញ នៅឆ្នាំ២០១២ ដោយសារល្មើសនឹងលក្ខខណ្ឌនៃការដោះលែង។ ទីបំផុត រូបលោកក៏ត្រូវបានដោះលែងឱ្យមានសេរីភាពពេញលេញ កាលពីឆ្នាំ២០២២ ហើយការផ្តន្ទាទោស ត្រូវបានលុបចោលទាំងស្រុង។ តុលាការកំពូលនូវែលសេឡង់ បានទទួលស្គាល់ថា ការជំនុំជម្រះក្តីនាពេលដំបូងនោះ […]

កូរ៉េខាងត្បូង៖ ប្រទេសកូរ៉េខាងត្បូងនឹងអនុវត្តគោលការណ៍ផ្តល់សិទ្ធឲ្យគ្រូបង្រៀនអាចធ្វើការរឹបអូសទូរស័ព្ទដៃពីកូនសិស្ស និងមានសិទ្ធដកកូនសិស្សចេញពីថ្នាក់រៀនបានក្នុងករណីសិស្សទាំងនោះមិនខិតខំរៀននិងបង្កការរំខានដល់សិស្សផ្សេងទៀត។ តាមគម្រោងគឺគោលការណ៍ផ្តល់សិទ្ធពិសេសដល់គ្រូបង្រៀនេះនឹងផ្តើមអនុវត្តចាប់ពីថ្ងៃខែក្រោយតទៅ និងអនុវត្តនៅចំពោះថ្នាក់បឋមសិក្សា ថ្នាក់អនុវិទ្យាល័យ និងថ្នាក់វិទ្យាល័យ។ បើតាមក្រសួងអប់រំកូរ៉េខាងត្បូងបានបញ្ជាក់ថា នៅក្នុងការអនុវត្តគោលការណ៍ខាងលើនេះគ្រូបន្ទុកថ្នាក់ក៏មានសិទ្ធអាចរាយការណ៍អំពីបញ្ហាសិស្សទៅកាន់ថ្នាក់ដឹកនាំជាន់ខ្ពស់របស់សាលាផងដែរ ក្នុងករណីដែលកូនសិស្សនៅតែមិនព្រមស្តាប់ឬធ្វើតាមការណែនាំរបស់គ្រូក្នុងអំឡុងពេលនៅក្នុងថ្នាក់រៀន។ ចំពោះករណីនេះត្រូវបានចាត់ទុកជា ជាករណីធ្ងន់ធ្ងរដែលខាងសាលានឹងចាត់វិធានការតឹងរឹងមួយចំនួនបន្ថែមទៀតទៅកាន់ក្រុមកូនសិស្សទាំងនោះ ឬអាចឈានដល់ការព្យួរការសិក្សារបស់ពួកគេតែម្តង៕ ​ផ្តល់សិទ្ធិដោយ៖ ខ្មែរណូត

(យ៉ាំងហ្គោន)៖ មីយ៉ាន់ម៉ារំពឹងថា ការនាំចេញអង្កររបស់ខ្លួននឹងកើនឡើងនៅក្នុងប៉ុន្មានខែខាងមុខ ដោយសារការទប់ស្កាត់ការលក់ចេញរបស់ឥណ្ឌា និងការកើនឡើងតម្លៃអង្កររបស់ប្រទេសថៃ និងវៀតណាមបង្ខំឱ្យអ្នកទិញស្វែងរកប្រភពផ្សេងទៀត។ ទីភ្នាក់ងារព័ត៌មាន Bloomberg បានរាយការណ៍ដោយដកស្រង់សម្ដីរបស់លោក Ye Min Aung ប្រធានសហព័ន្ធស្រូវអង្ករមីយ៉ាន់ម៉ា ខណៈថ្លែងក្នុងបទសម្ភាសមួយកាលពីសប្តាហ៍មុនថា ការរឹតបន្តឹងការផ្គត់ផ្គង់អង្ករពិភពលោកគួរតែជួយស្តារឡើងវិញនូវការនាំចេញអង្កររបស់មីយ៉ាន់ម៉ា ដែលបានធ្លាក់ចុះ ៥៦% ក្នុងរយៈពេល ៤ខែដំបូងនៃឆ្នាំសារពើពន្ធនេះ និងនាំឱ្យប្រទេសអាស៊ីអាគ្នេយ៍មួយនេះខិតទៅជិតដល់គោលដៅប្រចាំឆ្នាំរបស់ខ្លួនក្នុងការរកប្រាក់ចំណូលបាន ១ពាន់លានដុល្លារពីការនាំចេញអង្ករ។ យោងតាមទិន្នន័យពីសហព័ន្ធស្រូវអង្ករមីយ៉ាន់ម៉ាបានឱ្យដឹងថា ប្រទេសមីយ៉ាន់ម៉ាបាននាំចេញប្រហែល ៣២០ ០០០ តោនចាប់ពីខែមេសាដល់ខែកក្កដា ដោយទទួលបានប្រាក់ចំណូលត្រឹមតែ ១៣៨លានដុល្លារប៉ុណ្ណោះ បន្ទាប់ពីរដ្ឋាភិបាលមីយ៉ាន់ម៉ាបានសម្រេចចិត្តផ្តល់អាទិភាពដល់ការលក់អង្ករគុណភាពខ្ពស់។ ប៉ុន្តែចក្ខុវិស័យមានភាពប្រសើរឡើងកាលពីខែមុន នៅពេលឥណ្ឌាដែលជាប្រទេសនាំចេញអង្ករធំបំផុតក្នុងពិភពលោក បានហាមឃាត់ផ្នែកមួយចំនួនធំនៃការលក់នៅក្រៅប្រទេសរបស់ខ្លួន ដើម្បីរក្សាស្ថិរភាពតម្លៃក្នុងស្រុកនៅមុនការបោះឆ្នោតសកលដែលនឹងធ្វើឡើងនៅដើមឆ្នាំក្រោយ។ ការហាមឃាត់នេះបានជំរុញឱ្យតម្លៃអង្ករកើនឡើងនៅក្នុងប្រទេសដែលជាដៃគូប្រកួតប្រជែងក្នុងតំបន់មួយចំនួនរបស់មីយ៉ាន់ម៉ា។ លោក Ye Min Aung បានមានប្រសាសន៍ថា៖ «យើងសង្ឃឹមថានឹងទទួលបានអត្ថប្រយោជន៍ ទោះបីជាយើងនឹងរក្សាការយកចិត្តទុកដាក់របស់យើងលើការនាំចេញតែប្រភេទអង្ករគុណភាពខ្ពស់ក៏ដោយ»។ មីយ៉ាន់ម៉ាគឺជាប្រទេសដែលជួបបញ្ហាអសន្តិសុខស្បៀង ពោលគឺជាស្ថានភាពមួយដែលកាន់តែអាក្រក់ឡើងដោយអស្ថិរភាពនយោបាយគិតចាប់តាំងពីមានរដ្ឋប្រហារយោធាក្នុងឆ្នាំ២០២១ ហើយគោលនយោបាយនាំចេញរបស់វាត្រូវបានបង្កើតឡើងដើម្បីការពារការផ្គត់ផ្គង់ក្នុងស្រុក។ យោងតាមលោក Ye Min Aung បើទោះជាការលក់អង្ករគុណភាពល្អអាចទទួលបានតម្លៃរហូតដល់ទៅ ៧០០ដុល្លារក្នុងមួយតោន បើធៀបនឹង ៣០០ ដុល្លារ ឬ ៤០០ដុល្លារក្នុងមួយតោនសម្រាប់អង្ករប្រភេទគុណភាពទាបក៏ដោយ […]

(បាងកក)៖ ប្រធានរដ្ឋសភាថៃ លោក វ៉ាន់ មហាំម៉ាត់ នួរម៉ាថា (Wan Muhamad Noor Matha) បានប្រកាសថាសមាជិកសភាថៃ​នឹងបោះឆ្នោតជ្រើសរើស នាយករដ្ឋមន្ត្រីថ្មីនៅសប្ដាហ៍ក្រោយ ដើម្បីបិទបញ្ចប់ភាពជាប់គាំង។ នេះបើតាមការដកស្រង់ចេញផ្សាយពីទីភ្នាក់ងារសារព័ត៌មាន AFP នៅថ្ងៃព្រហស្បតិ៍ ទី១៧ ខែសីហា ឆ្នាំ២០២៣។ ការប្រកាសខាងលើរបស់លោក វ៉ាន់ មហាំម៉ាត់ ធ្វើឡើងក្នុងថ្ងៃតែមួយដែលតុលាការធម្មនុញ្ញនៃប្រទេសថៃ កាលពីថ្ងៃពុធសប្ដាហ៍នេះ បានសម្រេចបដិសេធ ចំពោះសំណើរបស់គណបក្ស Move Forward ដែលចង់​ឱ្យមានការត្រួតពិនិត្យឡើងវិញ ទៅលើការសម្រេចចិត្តរបស់សភានាពេលកន្លងមកនេះ ដែលបាន រារាំងមិនឱ្យបេក្ខជនរបស់ខ្លួនអាចត្រូវឈរឈ្មោះសាជាថ្មីនានាយករដ្ឋមន្រ្តី។ ការសម្រេចខាងលើរបស់តុលាការធម្មនុញ្ញថៃនាពេលនេះ គឺជាការរំលាយ ទាំងស្រុងនូវក្តីសង្ឃឹមរបស់គណបក្ស Move Forward ក្នុងការ​បង្កើតរដ្ឋាភិបាលថ្មី។ ថ្លែងប្រាប់អ្នកសារព័ត៌មានដោយប្រកាសថាការបោះឆ្នោតជ្រើសរើសនាយករដ្ឋមន្ត្រីថ្មីរបស់ថៃ នឹងធ្វើឡើងនៅថ្ងៃទី២២ ខែសីហា លោក វ៉ាន់ មហាំម៉ាត់ បានគូសបញ្ជាក់ដូច្នេះថា «ថាតើការជ្រើសរើសនាយករដ្ឋមន្ត្រីអាចសម្រេចបានជោគជ័យ ឬក៏យ៉ាងណា គឺអាស្រ័យលើសម័យប្រជុំនេះ»។ គួរបញ្ជាក់ថា គណបក្ស ​ភឿថៃ (Pheu Thai) ដែលជាបក្សជាប់ចំណាត់ថ្នាក់លេខទី២ ក្នុងការបោះឆ្នោតសកលកាលពីខែឧសភា […]

(ហាណូយ)៖ ប្រភពចំនួនពីរបានឱ្យដឹងថា ក្រុមហ៊ុននាំចេញរបស់វៀតណាម បានចរចាដំឡើងតម្លៃសម្រាប់កិច្ចសន្យាទិញលក់អង្ករប្រហែល ៥សែនតោន ខណៈដែលតម្លៃអង្ករពិភពលោក បានកើនឡើងដល់កម្រិតខ្ពស់ក្នុងរយៈពេល ១៥ឆ្នាំបន្ទាប់ពីឥណ្ឌាបានហាមឃាត់នាំចេញ អង្ករកាលពីខែមុន។ នេះបើយោងតាមទីភ្នាក់ងារព័ត៌មានរ៉យទ័រ។ នេះជាការបញ្ជាក់លើកដំបូងហើយ អំពីតម្លៃអង្ករនេះដែលឡើងថ្លៃ បន្ទាប់ពីមានការហាមឃាត់ដ៏គួរឱ្យភ្ញាក់ផ្អើល ពីសំណាក់ប្រទេសឥណ្ឌា ដែលបណ្តាលឱ្យប្រទេសនាំចូលត្រូវបង់ថ្លៃបន្ថែម សម្រាប់គ្រាប់ធញ្ញជាតិ ដែលជាអាហារចម្បងយ៉ាងទូលំទូលាយបំផុតរបស់ពិភពលោកមួយនេះ ក្នុងគ្រាដែលមានការរឹតបន្តឹងការផ្គត់ផ្គង់។ ប្រភពទាំងពីរដែលជាពាណិជ្ជករ មានមូលដ្ឋាននៅប្រទេសសិង្ហបុរី បានប្រាប់ទីភ្នាក់ងារព័ត៌មានរ៉យទ័រថា ប្រទេសនាំចូលនានា រួមទាំងឥណ្ឌូនេស៊ី និងហ្វីលីពីនបានបង់ថ្លៃបន្ថែមចន្លោះពី ៣០ដុល្លារទៅ ៨០ដុល្លារក្នុងមួយតោន ពីលើតម្លៃកិច្ចព្រមព្រៀង ដែលបានចុះហត្ថលេខារួមហើយក្នុងតម្លៃប្រហែល ៥៥០ដុល្លារក្នុងមួយតោន សម្រាប់អង្ករក្រអូបវៀតណាមមុនពេលឥណ្ឌា បានហាមឃាត់ការនាំចេញអង្ករសក្នុងខែកក្កដា។ ការបន្ថែមតម្លៃនេះផ្តល់ឱ្យអ្នកលក់អង្ករ នូវប្រាក់ចំណូលបន្ថែមប្រហែល ១៥លានទៅ ៤០លានដុល្លារបើធៀបនឹងតម្លៃ ដែលបានព្រមព្រៀងគ្នាមុនពេលមានការហាមឃាត់ការនាំចេញ ពីសំណាក់ប្រទេសឥណ្ឌា។ ពាណិជ្ជករម្នាក់ មកពីក្រុមហ៊ុនពាណិជ្ជកម្មអន្តរជាតិមួយ បានប្រាក់រ៉យទ័រថា៖ «អ្នកទិញបានយល់ព្រមបង់ថ្លៃខ្ពស់ សម្រាប់អង្ករមួយចំនួនដែលពួកគេបានទិញ សម្រាប់ការចែកចាយនៅខែសីហា»។ លោកបានបន្ថែមថា ក្នុងខែនេះ អង្ករប្រមាណ ២០ម៉ឺនតោន ត្រូវបានចែកចាយ ខណៈពេលដែល ៣០ម៉ឺនតោនទៀតនៅមិនទាន់ត្រូវបានលើកដាក់ នៅលើកប៉ាល់នៅកំពង់ផែវៀតណាមនៅឡើយ។ តម្លៃអង្ករពិភពលោកបានកើនឡើង ប្រហែល ២០ភាគរយដែលធ្វើឱ្យតម្លៃកើនឡើងដល់កម្រិតខ្ពស់រយៈពេល ១៥ឆ្នាំគិតចាប់តាំងពីប្រទេសឥណ្ឌា […]