(បរទេស)៖ ទីបំផុត Apple នឹងបើកដំណើរការហាងលក់រាយដំបូងបង្អស់របស់ខ្លួនជាផ្លូវការនៅក្នុងប្រទេសឥណ្ឌានៅចុងខែនេះហើយ បន្ទាប់ពីរង់ចាំអស់ជាច្រើនឆ្នាំ។ នេះបើយោងតាមការចេញផ្សាយរបស់សារព័ត៌មាន GSMArena នៅថ្ងៃទី០៦ ខែមេសា ឆ្នាំ២០២៣។ ប្រភពខាងលើបានឱ្យដឹងថា នៅថ្ងៃពុធសប្តាហ៍នេះ Apple បានលើកវាំងននបង្ហាញពីផ្នែកខាងមុខនៃហាងថ្មីរបស់ខ្លួនដែលមានទីតាំងនៅទីក្រុង Mumbai ក្នុងផ្សារទំនើប Jio World Drive Mall។ នេះជាលើកទី១ ហើយដែល Apple ត្រៀមនឹងបើកសម្ពោធហាងលក់រាយថ្មីរបស់ខ្លួនក្នុងប្រទេសឥណ្ឌា ដែលមានឈ្មោះថា Apple BKC តំណាងឱ្យឈ្មោះក្រុមហ៊ុន Apple និងឈ្មោះសង្កាត់របស់ប្រទេសឥណ្ឌា Bandra Kurla Complex។ គួរជម្រាបដែរថា ការទៅដល់នៃហាងដំបូងនៅក្នុងប្រទេសឥណ្ឌាត្រូវបានសម្គាល់ដោយក្រុមហ៊ុន Apple ជាមួយនឹងការបញ្ចេញផ្ទាំងរូបភាពថ្មីមួយចំនួនសម្រាប់ iPhone, iPad និង Mac នៅលើគេហទំព័ររបស់ក្រុមហ៊ុនផ្ទាល់។ តែបើតាមការបង្ហាញទម្រង់ Logo របស់ Apple នៅទីក្រុង Mumbai ហាក់ប្លែកនឹងត្រូវបានឌីហ្សាញឡើងជាពិសេសជាមួយពណ៌ចម្រុះ ខុសពី Logo របស់ Apple នៅតាមបណ្តាហាងលក់រាយផ្សេងទៀត៕ ផ្តល់សិទ្ធិដោយ៖ […]

(ប៉េកាំង)៖ ប្រធានាធិបតីបារាំង លោក អែមម៉ានុយអែល ម៉ាក្រុង (Emmanuel Macron) បានចាប់ផ្តើមកិច្ចប្រជុំជាបន្តបន្ទាប់ ជាមួយមេដឹកនាំចិននៅទីក្រុងប៉េកាំង នាថ្ងៃព្រហស្បតិ៍នេះក្នុងដំណើរទស្សនកិច្ចរួមគ្នា ជាមួយប្រធានគណៈកម្មការសហភាពអឺរ៉ុប លោកស្រី អ៊ួរស៊ូឡា វ៉ុនឌឺ ឡេយិន (Ursula von der Leyen) ដែលអាចកំណត់ផ្លូវសម្រាប់ទំនាក់ទំនងនាពេលអនាគតរបស់ប្លុកនេះ និងប្រទេសចិន។ នេះបើយោងតាមការចុះផ្សាយដោយទីភ្នាក់ងារសារព័ត៌មាន AFP នៅថ្ងៃព្រហស្បតិ៍ ទី៦ ខែមេសា ឆ្នាំ២០២៣។ នាយករដ្ឋមន្ត្រីចិន លោក លី ឈាំង បានទទួលស្វាគមន៍លោក ម៉ាក្រុង នៅឯសាលវិមានប្រជាជនចិន ដែលស្ថិតនៅភាគខាងលិចទីលានធានអានមិន (Tiananmen) មុនពេលជួបប្រជុំជាមួយប្រធានាធិបតី លោក ស៉ី ជិនពីង នៅពេលក្រោយ ក្នុងថ្ងៃដដែលនេះ។ ក្រោយពេលទៅដល់ទីក្រុងប៉េកាំង កាលពីល្ងាចថ្ងៃពុធសប្តាហ៍នេះ លោក ម៉ាក្រុង បាននិយាយថា អឺរ៉ុបមិនត្រូវកាត់បន្ថយទំនាក់ទំនងការទូតនិងពាណិជ្ជកម្មនោះទេ ជាមួយទីក្រុងប៉េកាំង ដែលកំពុងមានវិវាទជាមួយលោកខាងលិច ជុំវិញបញ្ហាមួយចំនួន រួមទាំងតៃវ៉ាន់ ផ្នែកបច្ចេកវិទ្យា ក៏ដូចជាទំនាក់ទំនងជិតស្និទ្ធរវាងចិន និងរុស្ស៊ី។ […]

(បាងកក)៖ គណបក្សភឿថៃ ដែលជាគណបក្សប្រឆាំងធំបំផុតមួយក្នុងប្រទេសថៃ បានប្រកាសទទួលស្គាល់ជាផ្លូវការហើយថាកូនស្រីពៅរបស់អតីតនាយករដ្ឋមន្ត្រីថៃ លោក ថាក់ស៊ីន គឺអ្នកនាង ផែថងថាន ស៊ីណាវ៉ាត់ (Paetongtarn Shinawatra) ជាបេក្ខជននាយករដ្ឋមន្ត្រីម្នាក់នៅក្នុងចំណោមបេក្ខជន៣រូបតំណាងឱ្យគណបក្ស។ នេះបើតាម ការដកស្រង់ចេញផ្សាយពីសារព័ត៌មាន​ Bloomberg នៅថ្ងៃព្រហស្បតិ៍ ទី៦ ខែមេសា ឆ្នាំ២០២៣។ អ្នកនាង ផែថងថាន ស៊ីណាវ៉ាត់ ត្រូវបានគណបក្សភឿថៃ ប្រកាសទទួលស្គាល់ជាបេក្ខជននាយករដ្ឋមន្ត្រី រួមជាមួយបេក្ខជន ២នាក់ផ្សេងទៀត គឺសេដ្ឋីអចលនទ្រព្យ លោក Srettha Thavisin និងអតីតរដ្ឋមន្ត្រីយុត្តិធម៌ លោក Chaikasem Nitisiri នៅឯព្រឹត្តិការណ៍រៀបចំឡើងក្នុងទីក្រុងបាងកក កាលពីថ្ងៃពុធសប្ដាហ៍នេះ។ មានអាយុ ៣៦ឆ្នាំ អ្នកនាង ផែថងថាន បានក្លាយជាបេក្ខជននាយករដ្ឋមន្ត្រីនាំមុខគេ នៅក្នុងការស្ទង់មតិជាច្រើនកន្លងមក តាមពីក្រោយដោយនាយករដ្ឋមន្ត្រីថៃសព្វថ្ងៃ លោក ប្រាយុទ្ធ ចាន់អូចា និងឧបនាយករដ្ឋមន្ត្រី លោក ប្រាវីត វ៉ុងសូវ៉ាន់ (Prawit Wongsuwan)។ ប៉ុន្តែ អ្នកវិភាគខ្លះយល់ថាវាជារឿងពិបាកណាស់ដែលអ្នកនាង អាចនឹងក្លាយជានាយករដ្ឋមន្ត្រីថៃ […]

ជប៉ុន៖ ការសិក្សាមួយបានរកឃើញថា មានពលរដ្ឋជប៉ុនចំនួន ១នាក់ក្នុងចំណោម ៥០នាក់កំពុងរស់នៅដោយការកាត់ផ្តាច់ខ្លួនឯងចេញពីសង្គម នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅថ្ងៃពុធ ទី៥ ខែមេសានេះ។ ការសិក្សាមួយនេះត្រូវបានធ្វើឡើងដោយអាជ្ញាធរជប៉ុន តាមរយៈការស្ទង់មតិទៅលើពលរដ្ឋដែលមានអាយុចន្លោះពី ១០ ទៅ ៦៩ឆ្នាំ ចំនួន ៣០,០០០នាក់។ ​ប្រភពខាងលើបានប​ន្តថា កត្តាដែលជំរុញឲ្យពលរដ្ឋជប៉ុនមួយចំនួនត្រូវរស់នៅដោយការកាត់ផ្តាច់ខ្លួនឯងចេញពីសង្គមដូចនេះ គឺដោយសារពួកគេទទួលរងនូវសម្ពាធអវិជ្ជមានផ្សេងៗបង្កឡើងដោយការរាតត្បាតនៃជំងឺកូវីដ-១៩។ លទ្ធផលនៃការសិក្សាបានបង្ហាញទៀតថា នៅក្នុងចំណោមពលរដ្ឋជប៉ុនដែលកំពុងរស់នៅដោយការផ្តាច់ខ្លួនឯងចេញពីសង្គមទាំងអស់នោះគឺមាន ៦នាក់ក្នុងចំណោម ១០នាក់គឺជាបុរស។ ក្នុងការសិក្សាដដែលនេះក៏បានបង្ហាញផងដែរថា ចំពោះរយៈពេលដែលពលរដ្ឋជប៉ុនត្រូវរស់នៅដាច់ដោយឡែកតែឯងពីសង្គមនេះគឺអាចមានរយៈពេលចន្លោះពី ៦ខែ រហូតដល់ ៣ឆ្នាំ៕ ផ្តល់សិទ្ធិដោយ៖ ខ្មែរណូត

ជប៉ុន៖ ប្រទេសជប៉ុនកំពុងប្រឈមនឹងការរាតត្បាតនៃជំងឺផ្តាសាយបក្សីក្នុងកម្រិតដ៏ធ្ងន់ធ្ងរបំផុតមួយនេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅថ្ងៃពុធ ទី៥ ខែមេសានេះ។ ជំងឺឆ្លងដ៏គ្រោះថ្នាក់មួយនេះបានផ្តើមរាតត្បាតនៅក្នុងប្រទេសជប៉ុនចាប់តាំងពីខែតុលា ឆ្នាំ ២០២២ មកម្ល៉េះ ខណៈគិតត្រឹមពេលនេះគឺមានសត្វមាន់ងាប់ដោយជំងឺប្រមាណជា ១៧លានក្បាលហើយនៅក្របខណ្ឌទូទាំងប្រទេស។ ប្រភពខាងលើបានបន្តថា នៅចំពោះមុខនៃការងាប់សត្វមាន់ក្នុងចំនួនដ៏ច្រើនខាងលើនេះគឺវា​បានជម្រុញឲ្យអាជ្ញាធរជប៉ុនត្រូវជួបប្រទះនូវបញ្ហាមួយផ្សេងទៀត នោះគឺគ្មានកន្លែងគ្រប់គ្រាន់សម្រាប់កប់សាកសពសត្វមាន់ទាំងអស់នោះ។ គួរបញ្ជាក់ជូនផងដែរថា ទន្ទឹមនឹងកើតមានបញ្ហាខាងលើនេះ ការរាតត្បាតនៃជំងឺផ្តាសាយបក្សីក៏បានជំរុញឲ្យតម្លៃស៊ុតមាន់​ និងសាច់មាន់នៅក្នុងទីផ្សារជប៉ុនត្រូវឡើងថ្លៃយ៉ាងខ្ពស់ផងដែរ៕ ផ្តល់សិទ្ធិដោយ៖ ខ្មែរណូត

(បរទេស)៖ រដ្ឋាភិបាលប្រទេសឥណ្ឌូនេស៊ី បានទម្លាក់ពន្ធលើតម្លៃដាក់លក់រថយន្តអគ្គិសនីបន្ថែមទៀតពី ១១ភាគរយមកនៅត្រឹមតែ ១ភាគរយប៉ុណ្ណោះ ដើម្បីលើកទឹកចិត្តដល់ការអនុម័តរថយន្តអគ្គិសនី ស្របពេលដែលរដ្ឋាភិបាលកំពុងប្រឹងប្រែងទាក់ទាញការវិនិយោគទៅក្នុងផលិតកម្មក្នងស្រុក។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី០៤ ខែមេសា ឆ្នាំ២០២៣។ រដ្ឋាភិបាលឥណ្ឌូនេស៊ីបាននិយាយនៅក្នុងសេចក្តីថ្លែងការណ៍មួយថា ការលើកទឹកចិត្តនេះនឹងចូលជាធរមានក្នុងខែនេះ ហើយនឹងបន្តដំណើរការរហូតដល់ដំណាច់ឆ្នាំឯណោះ។ ដោយឡែកការទម្លាក់ពន្ធនេះក៏ត្រូវបានរៀបចំសម្រាប់ឡានក្រុងអគ្គិសនីមួយចំនួនផងដែរ។ គួរជម្រាបដែរថា ប្រទេសឥណ្ឌូនេស៊ីកំពុងបង្កើនកិច្ចខិតខំប្រឹងប្រែងដើម្បីទាក់ទាញការវិនិយោគទៅក្នុងការផលិតអាគុយអគ្គិសនី ក៏ដូចជាការដំឡើងរថយន្តអគ្គិសនីក្នុងស្រុកតាមរយៈការប្រើប្រាស់ទុនបម្រុងនីកែលដ៏សម្បូរបែបរបស់ខ្លួន ដែលត្រូវបានកែច្នៃសម្រាប់ផលិតអាគុយ។ បន្ថែមពីនេះទៅទៀតប្រទេសឥណ្ឌូនេស៊ីក៏ធ្លាប់បាននិយាយនៅខែមុនដែលថា ខ្លួនបែងចែកថវិការដ្ឋចំនួន ៤៦៦.៧០លានដុល្លារ ដើម្បីឧបត្ថម្ភដល់ការលក់រថយន្តអគ្គិសនីរហូតដល់ឆ្នាំ២០២៤ ខាងមុខ៕ ផ្តល់សិទ្ធិដោយ៖ freshnews​

(បរទេស)៖ នាយកប្រតិបត្តិក្រុមហ៊ុន Tesla និង SpaceX លោក Elon Musk ត្រូវបានទម្លាក់តំណែងពី «តារាងមហាសេដ្ឋី» ដែលមានទ្រព្យសម្បត្តិច្រើនជាងគេបំផុតប្រចាំឆ្នាំរបស់ទស្សនាវដ្តី Forbes ដោយលោកនឹងឈរនៅលេខរៀងបន្ទាប់ពីកំពូលមហាសេដ្ឋីលោក Bernard Arnault។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី០៥ ខែមេសា ឆ្នាំ២០២៣។ ក្នុងសន្ទស្សន៍មហាសេដ្ឋីរបស់ Forbes ឥឡូវនេះ Musk គឺជាមហាសេដ្ឋីដែលមានបំផុតទីពីររបស់ពិភពលោកដែលទ្រព្យសម្បត្តិប៉ាន់ស្មានចំនួន ១៨០ពាន់លានដុល្លារ ដែលតិចជាងទ្រព្យសម្បត្តិកាលពីឆ្នាំ២០២២ កន្លងទៅរហូតដល់ទៅ ៣៩ពាន់លានដុល្លារឯណោះ។ ចំណាត់ថ្នាក់កំពូលនៅឆ្នាំនេះគឺ បានទៅប្រធានក្រុមហ៊ុនលក់ទំនិញប្រណិតរបស់បារាំង LVMH លោក Bernard Arnault ដែលទ្រព្យសម្បត្តិសុទ្ធរបស់លោកបានកើនឡើងជាង ៥០ពាន់លានដុល្លារកាលពីឆ្នាំមុន ដែលឈានដល់ទ្រព្យសម្បត្តិសរុបចំនួន ២១១ពាន់លានដុល្លារអាមេរិក។ នេះមិនមែនជាលើកទី១ ដែល Musk បានធ្លាក់ពីតំណែងកំពូលមហាសេដ្ឋីពិភពលោកនោះទេ ដោយកន្លងមក Musk និង Arnault តែងតែផ្លាស់ប្តូរកន្លែងគ្នា។ ទស្សនាវដ្តី Forbes បានពន្យល់ថា ទ្រព្យសម្បត្តិរបស់ Musk បានធ្លាក់ចុះដោយសារតែការទិញយក Twitter […]

(បរទេស)៖ រដ្ឋាភិបាលអូស្រ្តាលីនឹងដកកម្មវិធីកម្សាន្តវីដេអូខ្លីៗ TikTok ចេញពីឧបករណ៍ដែលគ្រប់គ្រងដោយរដ្ឋាភិបាលសហព័ន្ធទាំងអស់ ជុំវិញការព្រួយបារម្មអំពីសុវត្ថិភាព ខណៈអូស្តា្រលីនឹងក្លាយជាប្រទេសសម្ព័ន្ធមិត្តចុងក្រោយបង្អស់របស់សហរដ្ឋអាមេរិកដែលចាប់ផ្តើមសកម្មភាពប្រឆាំងនឹងកម្មវិធីដែលគ្រប់គ្រងដោយចិន។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី០៤ ខែមេសា ឆ្នាំ២០២៣។ ការផ្លាស់ប្តូរនេះបានគូសបញ្ជាក់អំពីការព្រួយបារម្មកាន់តែខ្លាំងឡើងថារដ្ឋាភិបាលរបស់ប្រទេសចិនអាចប្រើប្រាស់ក្រុមហ៊ុនដែលមានមូលដ្ឋាននៅទីក្រុងប៉េកាំងដែលជាកម្មសិទ្ធ ByteDance Ltd ដើម្បីប្រមូលទិន្នន័យរបស់អ្នកប្រើប្រាស់ដើម្បីជំរុញរបៀបវារៈនយោបាយរបស់ខ្លួន ដែលអាចបំផ្លាញផលប្រយោជន៍សន្តិសុខលោកខាងលិច។ ទាំងនេះត្រូវបានគេលើកឡើងថា វាទំនងជាប្រថុយនឹងភាពតានតឹងកាទូតជាថ្មីរវាងទីក្រុងកង់បេរ៉ា ប្រទេសអូស្រ្តាលី និងទីក្រុងប៉េកាំង ប្រទេសចិនបន្ទាប់ពីរដ្ឋាភិបាលការងារដែលស្ថិតក្រោមការគ្រប់គ្រងរបស់នាយករដ្ឋមន្ត្រីលោក Anthony Albanese បានវិលមកកាន់តំណែងវិញ។ បើតាមមេធាវីកំពូលលោក Mark Dreyfus បាននិយាយនៅក្នុងសេចក្តីថ្លែងការណ៍មួយថា ការហាមប្រាមនេះនឹងចូលជាធរមាន «ឱ្យបានឆាប់តាមដែលអាចអនុវត្តបាន» ដោយបន្ថែមថា ការលើកលែងនឹងត្រូវបានផ្តល់ឱ្យតែលើករណីនីមួយៗ និងជាមួយនឹងវិធានការសន្តិសុខសមស្រប។ ជាមួយនឹងការហាមប្រាមរបស់ប្រទេសអូស្ត្រាលី សមាជិកទាំងអស់នៃបណ្តាញចែករំលែកការស៊ើបការណ៍សម្ងាត់ Five Eyes ដែលរួមមានអូស្ត្រាលី កាណាដា សហរដ្ឋអាមេរិក ចក្រភពអង់គ្លេស និងនូវែលសេឡង់ បានហាមឃាត់កម្មវិធីនេះពីឧបករណ៍របស់រដ្ឋាភិបាលរួចទៅហើយ។ ចំណែកឯ ប្រទេសបារាំង បែលហ្សិក និងគណៈកម្មការអឺរ៉ុប ក៏បានប្រកាសហាមប្រាមស្រដៀងគ្នានេះផងដែរ។ បើយោងតាមការផ្តល់សក្ខីកម្មរបស់នាយកប្រតិបត្តិ (CEO) TikTok លោក Shou Zi Chew […]

(វ៉ាស៊ីនតោន)៖ អតីតប្រធានាធិបតីអាមេរិក លោក ដូណាល់ ត្រាំ​ បានធ្វើដំណើរទៅដល់ទីក្រុងញូវយ៉កហើយនៅថ្ងៃចន្ទសប្ដាហ៍នេះ (ពេលវេលានៅអាមេរិក) សម្រាប់ការបង្ហាញខ្លួន ជាលើកដំបូងចំពោះមុខតុលាការ ដើម្បីប្រឈមនឹងការចោទប្រកាន់ ពាក់ព័ន្ធនឹងការសូកលុយបំបិតមាត់តារាថតកុនកូនជ្រូកម្នាក់ កុំឱ្យនិយាយពីរឿងអាស្រូវផ្លូវភេទ នៅមុនការបោះឆ្នោត ប្រធានាធិបតីអាមេរិក កាលពីឆ្នាំ២០១៦។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃអង្គារ ទី៤ ខែមេសា ឆ្នាំ២០២៣។ យន្ដហោះដឹកលោក ដូណាល់ ត្រាំ បានចុះចតនៅឯអាកាសយានដ្ឋាន LaGuardia Airport ក្នុងទីក្រុងញូវយ៉ក កាលពីរសៀលថ្ងៃចន្ទ។ នៅក្នុងសារមួយបង្ហាញលើបណ្ដាញទំនាក់ទំនងសង្គម Truth Social មុនចាកចេញដំណើរ អតីតប្រធានាធិបតីអាមេរិក បានសរសេរយ៉ាងដូច្នេះថា «ធ្វើដំណើរឆ្ពោះទៅកាន់ទីក្រុងញូវយ៉ក ដើម្បីធ្វើឱ្យសហរដ្ឋអាមេរិកអស្ចារ្យម្ដងទៀត»។ បន្ថែមពីលើនេះ លោក ត្រាំ ក៏បានបង្ហោះរូបភាពមួយចំនួនផងដែរ ដែលបង្ហាញពីសកម្មភាពអ្នកគាំទ្រជូនដំណើររូបលោក ចេញពីរដ្ឋផ្ល័រីដា និងបានស្នើឱ្យអ្នកគាំទ្របរិច្ចាគប្រាក់សម្រាប់ យុទ្ធនាការឃោសបោះឆ្នោត របស់លោក។ គួរបញ្ជាក់ថា លោក ដូណាល់ ត្រាំ បានក្លាយជាអតីតប្រធានាធិបតីដំបូងគេបំផុតនៅក្នុងប្រវត្តិសាស្ត្រអាមេរិក ដែលត្រូវបានចោទប្រកាន់ជាផ្លូវការពីបទល្មើសព្រហ្មទណ្ឌ ​​ដោយគណៈវិនិច្ឆយនៃសង្កាត់ Manhattan ទីក្រុងញូវយ៉ក […]

(ហ្ព្រុចសែល)៖ ក្រុមមន្ត្រីបាននិយាយថា ប្រទេសហ្វាំងឡង់នឹងចូលរួមជាមួយអង្គការសន្ធិសញ្ញាអាត្លង់ទិកខាងជើង (ណាតូ) នៅថ្ងៃអង្គារ ទី០៤ ខែមេសានេះ ដែលជាការបញ្ចប់នៃដំណើរការដ៏លឿនមួយចូលទៅក្នុងសម្ព័ន្ធមិត្តយោធាសម្រាប់ប្រទេស Nordic បន្ទាប់ពីការលុកលុយរបស់រុស្ស៊ីលើអ៊ុយក្រែន។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃចន្ទ ទី០៣ ខែមេសា ឆ្នាំ២០២៣។ ប្រទេសហ្វាំងឡង់មានព្រំដែន ១,៣០០ គីឡូម៉ែត្រជាមួយរុស្ស៊ី ដែលមាន​ន័យ​ថា ព្រំដែន​របស់​អង្គការណាតូ​ជាមួយ​រុស្ស៊ី​នឹង​មាន​ប្រវែង​ទ្វេ​ដង ដែលជាការផ្លាស់ប្តូរមួយបាននាំឱ្យទីក្រុងម៉ូស្គូបានសន្យា ពង្រឹងកងទ័ពរបស់ខ្លួននៅតាមព្រំដែន។ អគ្គលេខាធិការអង្គការណាតូ លោក Je​ns Stoltenberg បានប្រាប់អ្នកយកព័ត៌មាននៅទីក្រុងព្រុចសែល ដោយសាទរថា «ថ្ងៃស្អែក យើងនឹងស្វាគមន៍ប្រទេសហ្វាំងឡង់ ក្នុងនាមជាសមាជិកទី៣១ នៃអង្គការណាតូ ដែលនឹងធ្វើឱ្យប្រទេសហ្វាំងឡង់មានសុវត្ថិភាព និងសម្ព័ន្ធភាពរបស់យើងកាន់តែរឹងមាំផងដែរ»។ លោក Stoltenberg បាននិយាយថា «យើងនឹងហោះហើរទង់ជាតិហ្វាំងឡង់នៅទីស្នាក់ការកណ្តាលរបស់អង្គការណាតូជាលើកដំបូង។ វានឹងក្លាយជាថ្ងៃដ៏អស្ចារ្យសម្រាប់សន្តិសុខនៃប្រទេសហ្វាំងឡង់ សន្តិសុខនៃភាគខាងជើង និងសន្តិសុខរបស់អង្គការណាតូទាំងមូលផងដែរ»។ ការិយាល័យរបស់ប្រធានាធិបតីហ្វាំងឡង់បានឱ្យដឹងថា​ លោកប្រធានាធិបតីហ្វាំងឡើង Sauli Niinistö នឹងធ្វើដំណើរទៅកាន់ទីក្រុងព្រុចសែល ដើម្បីចូលរួមពិធីនេះ។ គួរបញ្ជាក់ថា ការឈ្លានពានរបស់រុស្ស៊ីលើអ៊ុយក្រែនកាលពីខែកុម្ភៈឆ្នាំមុន បានជំរុញឱ្យប្រទេសហ្វាំងឡង់ និងស៊ុយអែតដែលនៅជិតខាងគ្នា បានដាក់ពាក្យសុំចូលរួមជាមួយអង្គការណាតូ ដោយបោះបង់ចោលគោលនយោបាយមិនចូលបក្សសម្ព័ន្ធយោធារបស់ខ្លួនជាច្រើនទសវត្សរ៍។ […]