(បរទេស)៖ សហស្ថាបនិកក្រុមហ៊ុន Microsoft លោក Bill Gates ជឿជាក់ថាកម្មវិធី Chat GPT ដែលជាប្រភេទ Chatbot និងកំពុងទទួលបានប្រជាប្រិយភាពជុំវិញពិភពលោក នឹងអាចមកជំនួសការងារមនុស្សបាននាពេលអនាគត បន្ទាប់ពីក្រុមហ៊ុនបច្ចេកវិទ្យាជាច្រើនកំពុងនាំគ្នាប្រជែងលើសេវាកម្មនេះ។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី១៣ ខែកុម្ភៈ ឆ្នាំ២០២៣។ នៅក្នុងបទសម្ភាសន៍មួយជាមួយកាសែត Handelsblatt របស់ប្រទេសអាឡឺម៉ង់លោក Bill Gate បាននិយាយថា «លោកជឿជាក់ទៅលើកម្មវិធី ChatGPT ដែលមានសមត្ថភាពឆ្លើយតបដូចមនុស្សបានយ៉ាងអស្ចារ្យចំពោះសំណួររបស់អ្នកប្រើប្រាស់ នឹងក្លាយជាបច្ចេកវិទ្យាដ៏សំខាន់បំផុតនាពេលអនាគតដូចទៅនឹងប្រព័ន្ធអ៊ីនធឺណិតនាពេលបច្ចុប្បន្នដែលមនុស្សមិនអាចខ្វះបាន»។ លោកបានបន្ថែមទៀតថា «រហូតមកទល់ពេលនេះបញ្ញាសិប្បនិមិត្ត (AI) អាចអាន និសរសេរបាន ប៉ុន្តែមិនអាចយល់ខ្លឹមសារបានទេ» «ដូច្នេះសេវាកម្ម AI ថ្មីដូចជាកម្មវិធី ChatGPT នឹងធ្វើឱ្យការងារការិយាល័យជាច្រើនកាន់តែមានប្រសិទ្ធិភាពជាជាងការងារប្រើមនុស្សនាពេលបច្ចុប្បន្ន ខណៈវាអាចជួយសរសេរវិកក្កយបត្រ (Invoice) ចំណូល ចំណាយរបស់ក្រុមហ៊ុន ឬអាចសរសេរជាអត្ថបទបានថែមទៀតផង»។ បច្ចុប្បន្ននេះ មិនមែនមានតែ Microsoft មួយប៉ុណ្ណោះទេ ដែលបានបង្កើត ChatGPT នោះ គឺមានច្រើនក្រុមហ៊ុនទៀត ដែលបានបង្កើតរួច និងកំពុងបង្កើត […]

នាយកប្រតិបត្តិក្រុមហ៊ុន Walt Disney ថ្មីៗនេះបានប្រកាសពីផែនការរៀបចំរចនាសម្ព័ន្ធក្រុមហ៊ុនកម្សាន្តដ៏ធំបំផុតរបស់ពិភពលោក រួមទាំងកាត់បន្ថយការងារចំនួន ៧,០០០កន្លែង។ យោងតាម ​​CNBC ការបញ្ឈប់ការងារនឹងប៉ះពាល់ដល់បុគ្គលិកប្រហែល ៣.៦% នៃបុគ្គលិកចំនួនសរុប ២២០,០០០ របស់ Disney នៅទូទាំងពិភពលោក ។ យោងតាមផែនការ ក្រុមហ៊ុននេះនឹងរៀបចំរចនាសម្ព័ន្ធឡើងវិញជា ៣ ផ្នែក ទីមួយគឺការកម្សាន្ត – ទូរទស្សន៍ – អនឡាញ; ទី២ អង្គភាព ESPN ដែលផ្តោតលើកីឡា; ហើយទី៣គឺ អាជីវកម្មសួនកម្សាន្ត Disney ។ លោក Bob Iger នាយកប្រតិបត្តិក្រុមហ៊ុន Walt Disney បាននិយាយថា «ការរៀបចំរចនាសម្ព័ន្ធឡើងវិញនឹងជួយឱ្យក្រុមហ៊ុនដំណើរការកាន់តែមានប្រសិទ្ធភាព និងបែងចែកការចំណាយទៅក្នុងផ្នែកដែលសមស្របជាងមុន»។ លោកក៏បានសង្កត់ធ្ងន់លើប្រតិបត្តិការអនឡាញ នៅតែជាអាទិភាពកំពូលសម្រាប់ Disney អមដោយការអភិវឌ្ឍន៍ម៉ាកយីហោ សិទ្ធិអាជីវកម្ម និងការកម្សាន្ត។ លើសពីនេះ បើតាមលោក Iger ក្រុមហ៊ុន Disney ក៏មានគម្រោងកាត់បន្ថយចំនួនកម្មវិធីទូរទស្សន៍ និងភាពយន្តទូទៅផងដែរ […]

(វ៉ាស៊ីនតោន)៖ ប្រធានាធិបតីអាមេរិក លោក ចូ បៃដិន នឹងរំលឹកខួបមួយឆ្នាំនៃសង្រ្គាមឈ្លានពានរបស់រុស្ស៉ីនៅអ៊ុយក្រែននៅខែកុម្ភៈនេះ ជាមួយការបំពេញទស្សនកិច្ចទៅកាន់ប្រទេសប៉ូឡូញ ដែលជាសម្ព័ន្ធមិត្ត NATO។ នេះបើតាមការប្រកាសរបស់សេតវិមាន ដកស្រង់ចេញផ្សាយដោយទីភ្នាក់ងារសារព័ត៌មាន AFP នៅថ្ងៃសៅរ៍ ទី១១ ខែកុម្ភៈ ឆ្នាំ២០២៣។ អ្នកនាំពាក្យសេតវិមាន លោកស្រី ការីន ហ្សង់ព្យែរ (Karine Jean-Pierre) បានឱ្យដឹងទៀតថាលោក បៃដិន នឹងបំពេញទស្សនកិច្ចទៅកាន់ប្រទេសប៉ូឡូញ ចាប់ពីថ្ងៃទី២០ ដល់ថ្ងៃទី២២ ខែកុម្ភៈ ហើយនឹង ត្រូវជួបពិភាក្សាការងារជាមួយប្រធានាធិបតីប៉ូឡូញ លោក អាន់ហ្ស៉ិច ឌូដា (Andrzej Duda) ព្រមទាំងមេដឹកនាំបណ្ដាប្រទេសជាសមាជិក NATO​ មួយក្រុម ក្នុងតំបន់អឺរ៉ុបខាងកើតដែលគេហៅថាសមាជិក ប៊ុយការ៉េស ៩ (Bucharest Nine)។ លោកស្រី បានគូសបញ្ជាក់ដូច្នេះថា «លោកប្រធានាធិបតី បៃដិន នឹងពិភាក្សាពីកិច្ចសហប្រតិបត្តិការទ្វេភាគីរបស់យើង រួមទាំងកិច្ចប្រឹងប្រែងសមូហភាពដើម្បីគាំទ្រ អ៊ុយក្រែន និងពង្រឹងសមត្ថភាពកំញើញរបស់ NATO»។ លោកស្រី ហ្សង់ព្យែរ បន្ថែមទៀតថាលោក […]

(ព្យុងយ៉ាង)៖ កូនស្រីរបស់មេដឹកនាំកូរ៉េខាងជើង លោក គីម ជុងអ៊ុន បានចូលរួមជាមួយឪពុក និងម្តាយរបស់នាង នៅក្នុងព្រឹត្តិការណ៍យោធាដ៏សំខាន់ក្នុងសប្តាហ៍នេះ ខណៈដែលនាងបានរួមតុទទួលទានអាហារ ភេសជ្ជៈជាមួយមេដឹកនាំយោធាកំពូលៗរបស់ប្រទេស។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃសុក្រ ទី១០​ ខែកុម្ភៈ ឆ្នាំ២០២៣។ វត្តមាន​របស់​នាង​ក្នុងព្រឹត្តិការណ៍ដ៏សំខាន់នេះ បាន​បង្កើន​ការ​រំពឹង​ទុក​ថា​ នាង​អាច​ជាអ្នកស្នងតំណែង​ក្នុង​របប​ផ្តាច់ការ​តំណពូជ​របស់​ប្រទេស​ ដែល​ប្រដាប់​ដោយ​អាវុធ​នុយក្លេអែរមួយនេះ។ កាលពីថ្ងៃពុធ នាងបានបង្ហាញខ្លួនជាមួយ លោក គីម ក្នុងក្បួនដង្ហែរយោធាដ៏ធំ ខណៈដែលរូបនាង និងឪពុកម្តាយរបស់នាងបានដើរនាំមុខមេបញ្ជាការយោធាកំពូលៗប្រទេស។ នៅឯតុអាហារពួកគេបានផ្តាស់ប្តូរភេសជ្ជៈទឹកផ្លែឈើ និងនិយាយខ្សឹបដាក់ត្រចៀកគ្នាទៅវិញទៅមក នៅពេលពួកគេកំពុងមើលការសម្តែង។ កម្មវិធីនេះបានកត់សម្គាល់ការបង្ហាញខ្លួនជាសាធារណៈ លើកទីប្រាំរបស់នាង Kim Joo-ae ជាកូនទីពីររបស់ លោក គីម ជុងអ៊ុន ដែលត្រូវបានគេជឿថា ទើបតែមានអាយុប្រហែល ១០ឆ្នាំប៉ុណ្ណោះ។ គួរបញ្ជាក់ថា ព្រឹត្តិការណ៍ខាងលើជាការប្រារព្ធខួបលើកទី៧៥ នៃការបង្កើតកងទ័ពរបស់កូរ៉េខាងជើង ជាមួយនឹងមានការត្រៀមរៀបចំកងទ័ព និងជនស៊ីវិលដ៏ច្រើនសន្ធឹកសន្ធាប់ដើម្បីលើកតម្កើងការគ្រប់គ្រងរបស់លោក គីម និងការជំរុញឥតឈប់ឈររបស់លោក ដើម្បីពង្រឹងឋានៈរបស់ប្រទេសជាមហាអំណាចនុយក្លេអ៊ែរ៕ ផ្តល់សិទ្ធិដោយ៖ freshnews

(អង់ការ៉ា)៖ ចំនួនអ្នកស្លាប់បានបន្តកើនដល់លើស ២៣,៧០០នាក់ហើយ ក្នុងរយៈពេលជាង៥ថ្ងៃមកនេះ បន្ទាប់ពីគ្រោះរញ្ជួយផែនដីដ៏សាហាវខ្លាំងក្លាបំផុតមួយកម្រិត ៧.៨រ៉ិចទ័រ បានវាយប្រហារលើ​ប្រទេសតួកគី និងស៉ីរី កាលពីវេលាទាបភ្លឺ ថ្ងៃចន្ទដើមសប្ដាហ៍កន្លងទៅនេះ។ នេះបើតាមការចេញផ្សាយដោយទីភ្នាក់ងារព័ត៌មាន AFP នៅថ្ងៃសៅរ៍ ទី១១ ខែកុម្ភៈ ឆ្នាំ២០២៣។ អាជ្ញាធរនៅក្នុងប្រទេសតួកគី កាលពីយប់ថ្ងៃសុក្រសប្ដាហ៍នេះ បានឱ្យដឹងថាចំនួនអ្នកស្លាប់បានកើនដល់ ២០,២១៣នាក់ ខណៈនៅស៊ីរី ចំនួនអ្នកស្លាប់ក៏ត្រូវបានគេរាយការណ៍ដែរថាបានកើនដល់ ៣,៥០០នាក់ ហើយបូកបញ្ចូលតួលេខទាំងនេះចូលគ្នាធ្វើឱ្យចំនួនអ្នកស្លាប់កើនដល់ ២៣,៧១៣នាក់។ ក្រៅពីមនុស្សស្លាប់យ៉ាងរង្គាលបែបនេះ អគាររាប់ពាន់ ខ្នងបានដួលរំលំកម្ទេចខ្ទី នៅក្នុងប្រទេសទាំងពីរ ហើយមនុស្សរាប់ម៉ឺននាក់នៅក្នុងប្រទេសទាំង២បានរងរបួសដោយសារគ្រោះរញ្ជួយដីនេះ។ រីឯក្រុមអ្នកជួយសង្រ្គោះក្នុងប្រទេសទាំង២ នៅតែបន្តប្រតិបត្តិការរបស់ពួកគេ នៅឡើយ។ គួរបញ្ជាក់ថា យោងតាមទីភ្នាក់ងារតាមដានគ្រោះរញ្ជួយដីអាមេរិក USGS ចំណុចរំញ័ររបស់គ្រោះរញ្ជួយដីខាងលើស្ថិតនៅក្បែរទីក្រុងមួយឈ្មោះ ហ្កាហ្សៀនតិប (Gaziantep) របស់តួកគីស្ថិត នៅក្បែរព្រំដែន ស៊ីរី ដែលមានមនុស្សរស់នៅប្រហែល២លាននាក់ ហើយវាមានជម្រៅប្រហែល១៨គីឡូម៉ែត្រក្រោមផ្ទៃដី។ ហេតុការណ៍នោះ បានកើតឡើងនៅវេលាម៉ោងខ្ទង់ជាង ៤ទាបភ្លឺថ្ងៃចន្ទ ហើយប៉ុន្មានម៉ោង​ក្រោយមក ក៏មានរញ្ជួយដីធំមួយទៀតកម្រិត ៧.៦រ៉ិចទ័រកើតឡើងផងដែរ រួមជាមួយការញ័ររញ្ជួយកម្រិតតូចៗបន្តបន្ទាប់ទៀតជាច្រើន។ លើកចុងក្រោយបំផុត ដែលគ្រោះរញ្ជួយដីកម្រិត ៧.៨រ៉ិចទ័រ បានវាយប្រហារចំម្តុំតំបន់នេះ […]

ហាណូយ៖ យោងតាមការចុះផ្សាយរបស់ Cambodia 2023 នៅថ្ងៃទី១០ ខែកុម្ភៈ ឆ្នាំ២០២៣ បានឱ្យដឹងថា វៀតណាម កំណត់គោលដៅយ៉ាងហោចណាស់ ត្រូវដណ្ដើមឱ្យបានមេដាយមាស ចំនួន ១០០គ្រឿង និងបញ្ចប់នៅក្នុងចំណាត់ថ្នាក់កំពូលទាំង៣ នៃព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជា ត្រូវធ្វើជាម្ចាស់ផ្ទះ នាខែឧសភាខាងមុខនេះ។ ខណៈពេលដែលគោលដៅនេះ មើលទៅហាក់បីដូចជាខ្ពស់ វាជារឿងសំខាន់ដែលត្រូវកត់សម្គាល់ថា វាគ្រាន់តែជាចំនួនពាក់កណ្តាល បើប្រៀបធៀបទៅនឹងចំនួនមេដាយមាស ដែលវៀតណាម សម្រេចបាននៅក្នុងព្រឹត្តិការណ៍កីឡាស៊ីហ្គេម លើកទី៣១ ធ្វើឡើងនៅទីក្រុងហាណូយ កាលពីខែឧសភាកន្លងទៅ ដោយសារតែចំនួនប្រភេទកីឡាតិចជាងអត្តពលិកវៀតណាមដែលនឹងចូលរួមលើកនេះ ត្បិតអីប្រភេទកីឡាដែលវៀតណាម មានសក្ដានុពលដូចជា បាញ់កាំភ្លើង, ជិះទូកកាណូ, គូរ៉ាស (Kurash) និងកីឡាកាយវប្បកម្ម ពុំត្រូវបានដាក់បញ្ចូលទៅក្នុងព្រឹត្តិការណ៍ស៊ីហ្គេម នៅកម្ពុជាឡើយ។ អនុរដ្ឋមន្ត្រីក្រសួងវប្បធម៌ កីឡា និងទេសចរណ៍វៀតណាម លោក Hoang Dao Cuong បានស្នើឱ្យថ្នាក់ដឹកនាំកីឡាជំរុញការរៀបចំ និងកម្មវិធីហ្វឹកហាត់ ដើម្បីបង្កើតលក្ខខណ្ឌល្អបំផុតសម្រាប់អត្តពលិកក្នុងព្រឹត្តិការណ៍កីឡា។ ជាមួយគ្នានេះ លោក Dang Ha Viet […]

(បាងកក)៖ មន្ត្រីថៃ បានបញ្ជាក់ជាថ្មីកាលពីម្សិលមិញថានឹងមិនបញ្ជូនអត្តពលិកទៅប្រកួតគុនខ្មែរនៅស៊ីហ្គេមឆ្នាំនេះនៅកម្ពុជាទេ។ នេះបើយោងតាមការចុះផ្សាយរបស់សារព័ត៌មាន BANGKOK POST នៅថ្ងៃទី០៩ ខែកុម្ភៈ ឆ្នាំ២០២៣។ លោក Sakchye Tapsuwan ប្រធានសហព័ន្ធអន្តរជាតិនៃសមាគម«Muay Thai»(IFMA) បានប្រាប់សន្និសីទសារព័ត៌មានថា ប្រទេសថៃមិនអាចចូលរួមប្រកួតក្នុងប្រដាល់«គុនខ្មែរ»បានទេ ព្រោះវាផ្ទុយនឹងច្បាប់របស់គេ។ លោក Sakchye បាននិយាយថា៖ «យើងមានការគោរពចំពោះគុនខ្មែរ។ ប៉ុន្តែយើងមិនអាចបញ្ជូនអត្តពលិកទៅប្រកួតបានទេ ព្រោះវាខុសនឹងច្បាប់របស់ IFMA ហើយថៃមិនមានសមាជិកនៅក្នុងសមាគមគុនខ្មែរ។ យើងបានពិភាក្សាជាមួយមន្ត្រីនៅគណៈកម្មាធិការជាតិអូឡាំពិកថៃ ហើយពួកគេបានយល់ព្រមជាមួយយើងជាគោលការណ៍»។ ប្រធាន IFMA បានព្រមានថែមទៀតថា ប្រទេសដែលចូលរួមប្រកួតកីឡាគុនខ្មែរនៅស៊ីហ្គេមលើកទី៣២ នៅកម្ពុជា ចាប់ពីថ្ងៃទី៥ ដល់ថ្ងៃទី១៧ ខែឧសភា នឹងមិនត្រូវបានអនុញ្ញាតឱ្យចូលរួមក្នុងការប្រកួត Asian Indoor and Martial Arts Games នៅប្រទេសថៃនៅចុងឆ្នាំនេះទេ។ លោក Stephan Fox អគ្គលេខាធិការរបស់ IFMA បានប្រាប់សន្និសីទសារព័ត៌មានកាលពីម្សិលមិញថា សមាគមគុនខ្មែរមានសមាជិកតិចជាង ៤០ប្រទេស ហើយមិនបានរៀបចំព្រឹត្តិការណ៍អន្តរជាតិយ៉ាងហោចណាស់បីទេ។ លោក Fox បានបន្តថា៖ […]

ស៊ីរី៖ មនុស្សរាប់ពាន់នាក់ត្រូវបានគេផ្តល់ឱកាសឲ្យទទួលយកទារិកាម្នាក់ទៅចិញ្ចឹម ខណៈទារិការូបនេះត្រូវបានគេចាត់ទុកថា ជាមនុស្សដែលមានអាយុថ្លៃបំផុតឬមានសំណាងបំផុត ត្បិតរូបនាងបានកើតនៅក្រោមគំនរបាក់បែកដែលបង្កឡើងដោយគ្រោះរញ្ជួយដីនៅក្នុងប្រទេសតួកគី និងប្រទេសស៊ីរីកាលពីប៉ុន្មានថ្ងៃមុននេះ។ បើយោងតាមការចុះផ្សាយរបស់បណ្តាញសារព័ត៌មាន Strait Times នៅព្រឹកថ្ងៃសុក្រ ទី១០ ខែកុម្ភៈនេះបានឲ្យដឹងថា ទារិការូបនេះត្រូវបានគេដាក់ឈ្មោះឲ្យថា Aya ដែលនៅក្នុងភាសាអារ៉ាប់មានន័យថា “អព្ភូតហេតុ”។ ប្រភពខាងលើបានបន្តថា ទារិកា Aya បានចាប់កំណើតនៅក្រោមគំនរបាក់បែកនៅក្នុងតំបន់ភាគខាងជើងនៃប្រទេសស៊ីរី ខណៈម្តាយឪពុកនិងបងប្អូនរបស់នាងចំនួន ២នាក់ផ្សេងទៀតបានស្លាប់បាត់បង់ជីវិតអស់ហើយ។ អ្វីដែលជារឿងគួរឲ្យកត់សម្គាល់មួយទៀតនោះគឺនៅពេលដែលគេបានរកឃើញទារិកា Aya គឺរូបនាងកំពុងនៅមានទងផ្ចិតជាប់នៅជាមួយម្តាយនាងនៅឡើយ។ គួរបញ្ជាក់ជូនថា គិតត្រឹមពេលនេះចំនួនអ្នកស្លាប់ដោយគ្រោះរញ្ជួយដីនៅក្នុងប្រទេសតួកគី និងស៊ីរីបានកើនឡើងដល់ជាង ២០,០០០នាក់ហើយ ខណៈប្រតិបត្តិការណ៍ស្វែងរកជនរងគ្រោះនៅមិនទាន់បិទបញ្ចប់នៅឡើយទេ៕ ផ្តល់សិទ្ធិដោយ៖ ខ្មែរណូត

ឥណ្ឌា៖ យុវសិស្សជនជាតិឥណ្ឌាម្នាក់បានដួលសន្លប់ក្នុងម៉ោងប្រលងនិងត្រូវបញ្ជូនទៅកាន់មន្ទីរពេទ្យជាបន្ទាន់ ក្រោយរូបគេបានកើតមានអារម្មណ៍តានតឹងនិងភ័យខ្លាច ដ្បិតត្រូវអង្គុយប្រលងក្នុងនាមជាសិស្សប្រុសតែម្នាក់ឯងនៅក្នុងចំណោមសិស្សស្រីចំនួន ៥០០នាក់ផ្សេងទៀតនៅក្នុងបន្ទប់តែមួយ។ បើយោងតាមការចុះផ្សាយរបស់បណ្តាញសារព័ត៌មាន World of Buzz បានឲ្យដឹងថា ហេតុការណ៍នេះបានកើតឡើងនៅក្នុងសាកលវិទ្យាល័យ Allama Iqbal​​ ស្ថិតនៅក្នុងទីក្រុង​ Biharsharif ភាគខាងជើងនៃប្រទេសឥណ្ឌា។ យុវសិស្សដែលបានដួលសន្លប់និងត្រូវខកខានអត់បានប្រលងនោះមានឈ្មោះថា Manish Shankar Prasad ហើយមុខវិជ្ជាដែលរូបគេកំពុងប្រលងនោះគឺមុខវិជ្ជាគណិតវិទ្យា​ ខណៈការប្រលងមួយនេះគឺជាការប្រលងដ៏សំខាន់មួយផងដែរសម្រាប់ការសិក្សាថ្នាក់មហាវិទ្យាល័យរបស់គេ។ ប្រភពខាងលើបានបន្តថា យុវសិស្សវ័យ  ១៧ឆ្នាំរូបនេះត្រូវបានគេរៀបឈ្មោះដោយច្រឡំដាក់ភេទជាស្រី ទើបបានជារូបគេត្រូវទៅអង្គុយប្រលងក្នុងចំណោមសិស្សស្រី ៥០០នាក់ដូចនេះ ខណៈរូបគេគឺជាមនុស្សដែលមានអារម្មណ៍អៀនជាមួយនិងមនុស្សស្រីជាទីបំផុត ហើយអារម្មណ៍អៀននេះហើយដែលជាមូលហេតុធ្វើឲ្យគេមានអារម្មណ៍តានតឹងរហូតដល់សន្លប់តែម្តង៕ ផ្តល់សិទ្ធិដោយ៖ ខ្មែរណូត

(អង់ការ៉ា)៖ ចំនួនអ្នកស្លាប់បានបន្តកើនដល់លើស ២១,០០០នាក់ហើយ បន្ទាប់ពីគ្រោះរញ្ជួយផែនដីដ៏សាហាវខ្លាំងក្លាបំផុតមួយកម្រិត ៧.៨រ៉ិចទ័រ បានវាយប្រហារលើ​ប្រទេសតួកគី និងស៉ីរី កាលពីវេលាទាបភ្លឺ ថ្ងៃចន្ទដើមសប្ដាហ៍កន្លងទៅនេះ។ នេះបើតាមការចេញផ្សាយដោយទីភ្នាក់ងារព័ត៌មាន AFP នៅថ្ងៃសុក្រ ទី១០ ខែកុម្ភៈ ឆ្នាំ២០២៣។ យោងតាមទីភ្នាក់ងារតាមដានគ្រោះរញ្ជួយដីអាមេរិក USGS ចំណុចរំញ័ររបស់គ្រោះរញ្ជួយដីខាងលើស្ថិតនៅក្បែរទីក្រុងមួយឈ្មោះ ហ្កាហ្សៀនតិប (Gaziantep) របស់តួកគីស្ថិត នៅក្បែរព្រំដែន ស៊ីរី ដែលមានមនុស្សរស់នៅប្រហែល២លាននាក់ ហើយវាមានជម្រៅប្រហែល១៨គីឡូម៉ែត្រក្រោមផ្ទៃដី។ ហេតុការណ៍នោះ បានកើតឡើងនៅវេលាម៉ោងខ្ទង់ជាង ៤ទាបភ្លឺថ្ងៃចន្ទ ហើយប៉ុន្មានម៉ោង​ក្រោយមក ក៏មានរញ្ជួយដីធំមួយទៀតកម្រិត ៧.៦រ៉ិចទ័រកើតឡើងផងដែរ រួមជាមួយការញ័ររញ្ជួយកម្រិតតូចៗបន្តបន្ទាប់ទៀតជាច្រើន។ លើកចុងក្រោយបំផុត ដែលគ្រោះរញ្ជួយដីកម្រិត ៧.៨រ៉ិចទ័រ បានវាយប្រហារចំម្តុំតំបន់នេះ គឺកាលពីឆ្នាំ១៩៣៩ ដែលបានសម្លាប់មនុស្សរហូតដល់ ៣៣,០០០នាក់ នៅក្នុងប្រទេសតួកគី។ អាជ្ញាធរនៅក្នុងប្រទេសតួកគី កាលពីយប់ថ្ងៃព្រហស្បតិ៍សប្ដាហ៍នេះ បានឱ្យដឹងថាចំនួនអ្នកស្លាប់បានកើនដល់ ១៧,៦៧៤នាក់ ខណៈនៅស៊ីរី ចំនួនអ្នកស្លាប់ក៏ត្រូវបានគេរាយការណ៍ ដែរថាបានកើនដល់ ៣,៣៧៧នាក់ ហើយបូកបញ្ចូលតួលេខទាំងនេះចូលគ្នាធ្វើឱ្យចំនួនអ្នកស្លាប់កើនដល់ ២១,០៥១នាក់។ ក្រៅពីមនុស្សស្លាប់យ៉ាងរង្គាលបែបនេះ អគាររាប់ពាន់ ខ្នងបានដួលរំលំកម្ទេចខ្ទី នៅក្នុងប្រទេសទាំងពីរ ហើយមនុស្សរាប់ម៉ឺននាក់នៅក្នុងប្រទេសទាំង២បានរងរបួសដោយសារគ្រោះរញ្ជួយដីនេះ។ […]