(សេអ៊ូល)៖ ប្រព័ន្ធផ្សព្វផ្សាយក្នុងប្រទេសកូរ៉េខាងត្បូង បានរាយការណ៍នៅថ្ងៃពុធនេះថា អាជ្ញាធរនៅក្នុងរដ្ឋធានីព្យុងយ៉ាងរបស់កូរ៉េខាងជើង បានបញ្ជាឲ្យបិទទីក្រុងរយៈពេល៥ថ្ងៃ ដោយសារតែការកើនឡើងនៃករណីជំងឺផ្លូវដង្ហើមធ្ងន់ធ្ងរមួយ តែមិនបានបញ្ជាក់ព័ត៌មានលម្អិតនោះទេ។ នេះបើយោងតាមការចុះផ្សាយដោយទីភ្នាក់ងារសារព័ត៌មាន AFP នៅថ្ងៃពុធ ទី២៥ ខែមករា ឆ្នាំ២០២៣។ ដោយដកស្រង់សេចក្តីជូនដំណឹងរបស់រដ្ឋាភិបាលកូរ៉េខាងជើង ទីភ្នាក់ងារសារព័ត៌មាន NK News ដែលមានមូលដ្ឋាននៅទីក្រុងសេអ៊ូល បានរាយការណ៍ដោយមិនបានលើកឡើង ឲ្យច្បាស់អំពីជំងឺកូវីដ១៩ នោះទេ ប៉ុន្តែបានឲ្យដឹងថា អ្នករស់នៅក្នុងទីក្រុងព្យុងយ៉ាង ត្រូវតម្រូវឲ្យស្នាក់នៅក្នុងផ្ទះរបស់ពួកគេ រហូតដល់ថ្ងៃអាទិត្យសប្តាហ៍នេះ ហើយត្រូវទទួលការ ពិនិត្យកំដៅជាច្រើនដងក្នុងមួយថ្ងៃ។ កាលពីថ្ងៃ អង្គារសប្តាហ៍នេះ NK News បានរាយការណ៍ថាប្រជាជនក្នុងទីក្រុងក្រុងព្យុងយ៉ាង ទំនងជាកំពុងទិញទំនិញស្តុកទុកក្នុងការប្រមើលមើលពីវិធានការតឹងរ៉ឹង របស់រដ្ឋាភិបាល ខណៈមិនច្បាស់ទេថាតើតំបន់ផ្សេងទៀតនៃប្រទេសត្រូវបានបិទឬអត់។ គួរបញ្ជាក់ថា កូរ៉េខាងជើង បានទទួលស្គាល់ពីការផ្ទុះឡើងជាលើកដំបូងនូវជំងឺកូវីដ១៩ ក្នុងប្រទេសរបស់ខ្លួនកាលពីឆ្នាំ២០២២ ហើយនៅខែសីហា ឆ្នាំដដែល កូរ៉េខាងជើង បានប្រកាសពីជ័យជម្នះទាំងស្រុងលើបញ្ហាជំងឺកូវីដ១៩។ កូរ៉េខាងជើងត្រូវបានគេរាយការណ៍ថាមានអ្នកឆ្លងកូវីដ១៩ ប្រហែលជា ៤.៧៧លាននាក់ នៅក្នុងចំណោមប្រជាជន សរុប២៥លាននាក់។ ប៉ុន្តែ ទីក្រុងព្យុងយ៉ាងបានបញ្ឈប់ការរាយការណ៍ពីករណីឆ្លង និងស្លាប់ដោយសារកូវីដ១៩ តាំងតែពីថ្ងៃទី២៩ ខែកក្កដា ឆ្នាំ២០២២មកម្ល៉េះ៕ ផ្តល់សិទ្ធិដោយ៖ […]

ក្នុងគោលបំណងដើម្បីទប់ស្កាត់ការមានគភ៌ដែលមិនចង់បាន ជំងឺកាមរោគ និងមេរោគអេដស៍ រដ្ឋាភិបាលថៃកំពុងផ្តល់ជូនស្រោមអនាម័យដោយឥតគិតថ្លៃ ដល់អ្នកកាន់ប័ណ្ណថែទាំសុខភាពសកល (30-Baht Health-Care Scheme)។ ការិយាល័យសន្តិសុខសុខភាពជាតិ (NHSO) មានបំណងចែកចាយស្រោមអនាម័យប្រហែល ១០០ លាន ទៅឱ្យអ្នកកាន់ប័ណ្ណថែទាំសុខភាព រួមជាមួយនឹងជែលរំអិល ដែលនឹងត្រូវបានចែកចាយតាមរយៈកម្មវិធី Paotang ចាប់ពីថ្ងៃទី០១ ខែកុម្ភៈ នេះបើយោងតាមកាសែត Bangkok Post។ អ្នកកាន់ប័ណ្ណថែទាំសុខភាពសកលក្នុងម្នាក់ៗ មានសិទ្ធទទួលបានស្រោម ១០ ក្នុងមួយសប្ដាហ៍។ អង្គការ NHSO ចាត់ទុកស្រោមអនាម័យជាឧបករណ៍ដ៏មានប្រសិទ្ធភាពមួយ ប្រឆាំងនឹងការមានផ្ទៃពោះដែលមិនចង់បាន និងជំងឺកាមរោគ ដូចជារោគស្វាយ មហារីកអូវែ កើតពីវីរុស papillomavirus (HPV), gonorrhoea, Chlamydia និងជំងឺអេដស៍។ ដូច្នេះនៅឆ្នាំ២០២៣ អង្គការ NHSO បានរៀបចំជាបឋមនូវស្រោមអនាម័យចំនួន ៩៤,៥៦៦,៦០០ រួមជាមួយនឹងជែលរំអិល សម្រាប់អ្នកកាន់ប័ណ្ណសុខភាព។ ស្រោម​អនាម័យ​នឹង​មាន​ទំហំ​បួន ​គឺ ៤៩, ៥២, ៥៤ និង ៥៦ មិល្លីម៉ែត្រ។ អ្នកកាន់ប័ណ្ណអាចចុះឈ្មោះនៅលើកម្មវិធីស្មាតហ្វូន Paotang […]

ប៉ុន្មានថ្ងៃចុងក្រោយនេះ មានរឿងចម្រូងចម្រាសជាច្រើនពាក់ព័ន្ធនឹងការសម្រេចប្រើពាក្យ «គុនខ្មែរ» របស់កម្ពុជាដែលជាម្ចាស់ផ្ទះ សម្រាប់វិញ្ញាសារប្រដាល់សេរី ប៉ុន្តែភាគីថៃបានកើតទុកមិនសុខចិត្ត ដោយសារកន្លងមកពួកគេប្រើពាក្យ «ម៉ឺយថៃ» ។ គួរឱ្យដឹងដែរថា កម្ពុជាគ្រោងនឹងធ្វើជាម្ចាស់ផ្ទះស៊ីហ្គេមនៅឆ្នាំ២០២៣ ហើយកម្ពុជាបានសម្រេចប្រើពាក្យថា «គុនខ្មែរ» នៅក្នុងវិញ្ញាសារប្រដាល់សេរី ដែលធ្វើឱ្យភាគីថៃបធិសេធលើការសម្រេចចិត្តនេះ ហើយថែមទាំងព្រមាននឹងមិនបញ្ជូនអ្នកតំណាងរបស់ពួកគេ មកប្រកួតនៅក្នុងវិញ្ញាសារនេះ នៅព្រឹត្តិការណ៍ស៊ីហ្គេមឆ្នាំ២០២៣ ដែលកម្ពុជានឹងត្រូវធ្វើជាម្ចាស់ផ្ទះទៀតផង។ យោងតាម ក្រសួងព័ត៌មាន បានឱ្យដឹងថា ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡា អាស៊ី អាគ្នេយ៍ លើកទី៣២ ឆ្នាំ២០២៣ (CAMSOC) បានអះអាងថា ក្នុងនាមជាម្ចាស់ផ្ទះស៊ីហ្គេមលើកទី៣២ ឆ្នាំ២០២៣ កម្ពុជាបានជម្រាបដំណឹងពាក់ព័ន្ធនឹងការប្រើប្រាស់ពាក្យគុនខ្មែរ ជំនួសឱ្យពាក្យម៉ឺយ ជូនដល់គណៈកម្មាធិការ អូឡាំពិកនៃប្រទេសអាស៊ានទាំងអស់។ ឯកឧត្តមបានបន្ថែមថា នេះជាការប្រកាសជំហររបស់កម្ពុជា ក្នុងការសម្រេចប្រើប្រាស់ឈ្មោះ «ប្រដាល់គុនខ្មែរ» ដើម្បីកុំឱ្យមានភាពច្របូកច្របល់ ឬការប្រកាន់ក្នុងការប្រើពាក្យ «ម៉ឺយ» ។ វាក៏ជាកិត្តិយសរបស់ ម្ចាស់ផ្ទះកម្ពុជា ស្របនឹងឆន្ទៈរួមរបស់ប្រជាពលរដ្ឋកម្ពុជា ដែលម្ចាស់ក្បាច់ប្រដាល់គុនខ្មែរផងដែរ។ ថៃតែងតែគិតថា ម៉ឺយថៃគឺជាក្បាច់គុនបុរាណពីដូនតារបស់ពួកគេ ក៏ប៉ុន្តែក្បាច់គុននេះ គឺមានដើមកំណើតចេញពីល្បុកតោរបស់ខ្មែរ ហើយសូម្បីកាសែតដ៏ធំមួយរបស់ចិន ក៏ធ្លាប់បានបកស្រាយលម្អិតពីវាផងដែរ។ […]

ថ្មីៗនេះ ក្រុមហ៊ុនរថយន្តទំនើប Porsche និង Recaro បានសហការដាក់លក់នូវកៅអីអង្គុយលេងហ្គេម (gaming chair) ដែលមានឈ្មោះថា Porsche 911 GT3 R។ យោងតាមព័ត៌មានពីក្រុមហ៊ុន Porsche ម៉ូដែលកៅអីនេះត្រូវបានផលិតមានកំណត់ ហើយមានតែ៩១១គ្រឿងប៉ុណ្ណោះ។ កៅអីមានការរចនាជាមួយនឹងពណ៌៣រួមបញ្ជូលគ្នាគឺ ក្រហម ស និងខ្មៅ។ ផ្នែកខាងក្រោយប៉ាក់ដោយផ្លាកសញ្ញា Porsche ។ កៅអីមានសមត្ថភាពទ្រទម្ងន់រហូតដល់ ១៥០គីឡូក្រាម។ ម៉ូដែលនេះមានតម្លៃ ២,៤៩៩ ដុល្លារ ប៉ុន្តែនេះនៅតែជាតម្លៃដ៏សមរម្យមួយ ដោយសារតែក្រុមហ៊ុនរថយន្តពីមុនបានលក់កៅអីការិយាល័យ Office Chair RS ក្នុង តម្លៃរហូតដល់ ៦,៧៥០ ដុល្លារ ៕ ប្រភព​៖ motor1

យោងតាមការរាយការណ៍របស់ទីភ្នាក់ងារ​ព័ត៌មាន​ចិន Xinhua និង​ស្ថានទូត​ចិន​ប្រចាំ​ទីក្រុង​បាងកក បានឱ្យដឹងថា ក្រសួងវប្បធម៌ និងទេសចរណ៍ចិនកាលពីថ្ងៃសុក្រ បានអនុញ្ញាតឱ្យក្រុមហ៊ុនទីភ្នាក់ងារទេសចរណ៍ ចាប់ផ្ដើមដំណើរការកញ្ចប់ដំណើរទេសចរណ៍ទៅកាន់ប្រទេសចំនួន ២០។ យោងតាមទំព័រ Facebook របស់ស្ថានទូត ប្រទេសចំនួន ២០ក្នុងគម្រោងសាកល្បងនេះរួមមាន៖ មានប្រទេសកម្ពុជា ឥណ្ឌូនេស៊ី ថៃ ម៉ាល់ឌីវ ស្រីលង្កា ហ្វីលីពីន ម៉ាឡេស៊ី សិង្ហបុរី ឡាវ អារ៉ាប់រួម អេហ្ស៊ីប កេនយ៉ា អាហ្រ្វិកខាងត្បូង រុស្ស៊ី ស្វីស ហុងគ្រី នូវែលសេឡង់ ហ្វីជី គុយបា និងអាហ្សង់ទីន។ ជាមួយគ្នានេះដែរ ស្ថានទូតបាននិយាយនៅក្នុងសេចក្តីប្រកាសរបស់ខ្លួនថា ក្រសួងទេសចរណ៍ និងវប្បធម៌របស់ប្រទេសចិន បានណែនាំដល់រដ្ឋបាលខេត្ត ដើម្បីធានាថា អ្នកធ្វើដំណើរចិនទាំងអស់មានសុវត្ថិភាព និងអនុវត្តតាមការណែនាំអំពីជំងឺកូវីដ-១៩៕ ផ្តល់សិទ្ធិដោយ៖ ខ្មែរណូត

(ប៉ារីស)៖ រដ្ឋមន្ត្រីការបរទេសអាល្លឺង់ លោកស្រី អាណាឡេណា ប៊ែរបក់ស៍ (Annalena Baerbock) បាននិយាយកាលពីថ្ងៃអាទិត្យចុងសប្តាហ៍កន្លងទៅនេះថា រដ្ឋាភិបាលរបស់លោកស្រីនឹងមិនរារាំងនោះទេប្រសិនបើប្រទេសប៉ូឡូញចង់បញ្ជូនរថក្រោះ Leopard 2 របស់ខ្លួនទៅកាន់អ៊ុយក្រែន។ នេះបើយោងតាមការចុះផ្សាយដោយទីភ្នាក់ងារសារព័ត៌មាន AFP នៅថ្ងៃចន្ទ ទី២៣ ខែមករា ឆ្នាំ២០២៣។ អស់រយៈពេលជាច្រើនខែមកហើយ អ៊ុយក្រែនបានអំពាវនាវឲ្យសម្ព័ន្ធមិត្តលោកខាងលិចផ្គត់ផ្គង់នូវរថក្រោះទំនើបផលិតដោយអាល្លឺម៉ង់ ប៉ុន្តែរហូតមកដល់ពេលនេះនៅមិនទាន់មានការបើកភ្លើងខៀវណាមួយពីទីក្រុងបែរឡាំង ឬអនុញ្ញាតឲ្យប្រទេសជាសមាជិកណាតូផ្សេងទៀតធ្វើដូច្នេះទេ។ នៅពេលសួរថាតើនឹងមានអ្វីកើតឡើងប្រសិនបើប៉ូឡូញឈានមួយជំហានទៅមុខហើយបញ្ជូនរថក្រោះ Leopard 2 របស់ខ្លួនដោយគ្មានការយល់ព្រមពីអាល្លឺង់ លោកស្រី ប៊ែរបក់ស៍ បានប្រាប់ទូរទស្សន៍ LCI របស់ប្រទេសបារាំង យ៉ាងដូច្នេះថា «សម្រាប់ពេលនេះសំណួរមិនត្រូវបានសួរទេ ប៉ុន្តែប្រសិនបើយើងត្រូវបានគេសួរបែបនេះមែននោះ យើងនឹងមិនរារាំងផ្លូវនោះទេ»។ គួរបញ្ជាក់ថា ការកត់សម្គាល់របស់រដ្ឋមន្រ្តីការបរទេសអាល្លឺម៉ង់ខាងលើនេះ ហាក់ដូចជាមានការរីកចម្រើនជាងការអត្ថាធិប្បាយរបស់អធិការបតីអាល្លឺម៉ង់ លោក អូឡាហ្វ សូលហ៍ (Olaf Scholz) នៅឯកិច្ចប្រជុំកំពូលនៅទីក្រុងប៉ារីសដែលថា ការសម្រេចចិត្តទាំងអស់លើការផ្តល់អាវុធនឹងត្រូវធ្វើឡើងនៅក្នុងការសម្របសម្រួលជាមួយសម្ព័ន្ធមិត្តរួមទាំងសហរដ្ឋអាមេរិកផងដែរ៕ ផ្តល់សិទ្ធិដោយ៖ freshnews

ខណៈដែលប្រទេសចិនកំពុងរៀបចំខ្លួនដើម្បីស្វាគមន៍ឆ្នាំទន្សាយ ប៉ុន្តែសម្រាប់ប្រទេសវៀតណាមឯណោះវិញ គឺពួកគេកំពុងត្រៀមស្វាគមន៍ឆ្នាំឆ្មា ដោយសារតែឆ្នាំទាំង ១២ របស់ប្រទេសទាំង ២ មានភាពខុសប្លែកគ្នាបន្តិចបន្តួច។ នៅទូទាំងប្រទេសវៀតណាម គេឃើញនៅតាមដងផ្លូវនានា មានរូបសំណាកសត្វឆ្មា ហើយហាងនានាផ្ទុកទៅដោយគ្រឿងតុបតែងលម្អដោយរូបឆ្មា ដើម្បីអបអរឆ្នាំថ្មីវៀតណាម ឬហៅថាបុណ្យតេត (Tet)។ ភាពខុសគ្នានេះ គឺដោយសារប្រទេស​វៀតណាម និង​ប្រទេសចិនមានឆ្នាំ (zodiac) ចំនួន ១០ ដូចគ្នា​គឺ៖ កណ្តុរ ខ្លា នាគ ពស់ សេះ ពពែ ស្វា មាន់ ឆ្កែ និង​ជ្រូក។ ប៉ុន្តែ​មានឆ្នាំចំនួន ២ ដែលផ្ទុយគ្នា គឺវៀតណាមគោរព​ឆ្មា ​ជំនួសឱ្យ​ទន្សាយ ហើយ​ក្របី ​ជំនួសឱ្យ​គោ។ ការគោរពសត្វឆ្មារបស់ប្រជាជនវៀតណាម ក៏មានប្រវត្តិរបស់វាផងដែរ ដោយលោក Nguyen Hieu Tin អ្នកជំនាញខាងវប្បធម៌ប្រពៃណីវៀតណាម បានមានប្រសាសន៍ថា វាពាក់ព័ន្ធស្រែចម្ការដ៏មានតម្លៃរបស់កសិករវៀតណាម។ គាត់បានប្រាប់ថា៖«អង្ករគឺជាផ្នែកមួយដ៏ធំ នៃកសិកម្មរបស់ប្រទេសវៀតណាម ប៉ុន្តែជាមួយនឹងការគំរាមកំហែងពីសត្វកណ្តុរជាច្រើននៅក្នុងវាលស្រែ សត្វឆ្មា គឺជាសត្វដ៏ពេញនិយមសម្រាប់ជនជាតិវៀតណាម»។ លោកបន្ថែមថា វៀតណាមក៏មិនចង់គោរពសត្វស្រដៀងគ្នានោះដែរ ដោយពួកគេមើលឃើញថា […]

(វែលីងតោន)៖ លោក គ្រីស ហ៉ីបគីន (Chris Hipkins) ដែលបានដើរតួនាទីយ៉ាងសំខាន់ នៅក្នុងកិច្ចប្រឹងប្រែងឆ្លើយតបរបស់នូវែលសេឡង់ ចំពោះវិបត្តិជំងឺកូវីដ១៩ កំពុងត្រៀមក្លាយជានាយករដ្ឋមន្រ្តីថ្មី ជំនួសលោកស្រី ចាស៉ីនដា​ អាដឺន (Jacinda Ardern) បន្ទាប់ពីរូបលោកគឺជា​បេក្ខជនតែមួយគត់ ដែលត្រូវបានគាំទ្រឱ្យឈរឈ្មោះ ដើម្បីដឹកនាំគណបក្សកាន់អំណាច។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃសៅរ៍ ទី២១ ខែមករា ឆ្នាំ២០២៣។ លោក ហ៉ីបគីន ដែលមានអាយុ៤៤ឆ្នាំ ត្រូវគេរំពឹងថានឹងទទួលបាន ការអនុម័តជាផ្លូវការឱ្យឡើងធ្វើជាមេដឹកនាំថ្មី កំលុងកិច្ចប្រជុំមួយនៃសមាជិកសភាទាំង៦៤រូប របស់គណបក្សពលករ (Labour) ដែលជាបក្សកាន់អំណាច នៅថ្ងៃអាទិត្យចុងសប្តាហ៍នេះ។ នៅពេលគណបក្សពលករ ប្រកាសរូបលោកជាបេក្ខជនតែម្នាក់គត់ សម្រាប់តំណែងជាប្រធានថ្មី លោក ហ៉ីបគីន​ ផ្ទាល់ បានបង្ហាញក្តីត្រេកអរក៏ដូចជា​កិត្តិយស ក្នុងការដឹកនាំប្រទេសនូវែលសេឡង់។ អនាគតនាយករដ្ឋមន្រ្តីនូវែលសេឡង់រូបនេះ ពុំបានបង្ហើបឱ្យដឹងពីផែនការគោលនយោបាយរបស់ខ្លួនឡើយ។ បើតាមការអះអាងរបស់លោក គម្រោងរុះរើគណៈរដ្ឋមន្រ្តីដែលស្នើឡើងដោយ លោកស្រី​ អាដឺន គឺនឹងត្រូវអនុវត្ត ប៉ុន្តែរដ្ឋមន្រ្តីហិរញ្ញវត្ថុ លោក ហ្ក្រេន រ៉ូបឺតសុន (Grant […]

សាកលវិទ្យាល័យ Silpakorn របស់ប្រទេសថៃ បានរចនាធូបដែលដុតឆាប់អស់ជាងមុន ដើម្បីកាត់បន្ថយការបំពុលបរិយាកាស រួមទាំងខ្យល់ពុល PM2.5 នៅក្នុងឱកាសបុណ្យចូលឆ្នាំចិន ដែលនឹងចាប់ផ្ដើមនៅថ្ងៃអាទិត្យ នេះបើតាមការចុះផ្សាយរបស់សារព័ត៌មាន The Nation Thailand ។ ជារៀងរាល់ឆ្នាំនៅក្នុងឱកាសបុណ្យចូលឆ្នាំចិន ពលរដ្ឋថៃ​កាត់ចិននឹង​ទៅកាន់ទីសក្ការៈនានា ដើម្បី​អុជ​ធូបគោរព​ដល់​ព្រះ និង​វិញ្ញាណក្ខន្ធ​ដូនតា​របស់​ពួកគេ។ ជាលទ្ធផល ទីសក្ការៈបូជារបស់ចិននៅទីក្រុងបាងកក និងទីក្រុងផ្សេងទៀត គឺត្រូវគ្របដណ្ដប់ជិតដោយផ្សែងធូប។ សាស្ត្រាចារ្យលោក Ratthaphol Onchaeng បាននិយាយថា៖«ធូបបែបបុរាណជាធម្មតាឆេះអស់ក្នុងរយៈពេល ២០-៣០ នាទី ដែលបង្កើតជាផ្សែងបង្កឱ្យមានការបំពុលបរិយាកាស ពិសេសនៅតាមតំបន់ដែលមានអ្នកទស្សនាច្រើនដូចជាវត្ត Mangkon Kamalawat (វត្ត Leng Noei Yi) នៅក្នុង Chinatown ទីក្រុងបាងកក»។ លោកបានបន្ថែមថា ផ្សែងមកពីការដុតធូបមានផ្ទុកនូវលោហធាតុ និងសារធាតុអាឡែហ្ស៊ី ហើយអាចបណ្តាលឱ្យកើតមហារីកបន្ទាប់ពីការស្រូបចូលខ្លួនរយៈពេលយូរ។ វា​ជា​គ្រោះថ្នាក់​ធ្ងន់ធ្ងរ​ដល់​សុខភាព ជាពិសេស​ក្នុងចំណោម​មនុស្ស​ចាស់​ដែល​ចូលចិត្ត​បន់ស្រន់​​។ ក្រុមស្រាវជ្រាវរបស់លោក Ratthaphol បានបង្កើតការរចនាថ្មី និងមានសុវត្ថិភាពជាងមុន ដែលពួកគេហៅថា «Silapakorn Rangsan Incense Stick» ដែលមានល្បាយធូបតិចជាងមុន ដូច្នេះហើយធូបនឹងឆេះអស់ត្រឹមតែ […]

យោងតាមការចុះផ្សាយរបស់សារព័ត៌មាន VNExpress បានរាយការណ៍ថា សាកសពក្មេងប្រុសអាយុ ១០ឆ្នាំម្នាក់ ដែលស្លាប់នៅក្នុងគ្រឹះបេតុងជម្រៅ ៣៥ម៉ែត្រ ត្រូវបានគេយកចេញពីក្រោមដីរួចរាល់ហើយ នៅព្រឹកថ្ងៃសុក្រនេះ។ សមាជិកក្រុមសង្គ្រោះ ២នាក់ មកពីនាយកដ្ឋាននគរបាលខេត្ត Dong Thap បំពាក់ដោយអុកស៊ីសែន បានចុះទៅក្រោមដីជម្រៅ ២៤ម៉ែត្រ ដែលក្មេងប្រុស Thai Ly Hao Nam បានជាប់គាំងនៅក្នុងគ្រឹះបេតុងនោះ ហើយបានប្រើប្រាស់ឧបករណ៍ជំនាញ ដើម្បីនាំយកសាកសពក្មេងប្រុសឡើងមកលើដី ដោយចំណាយ​ពេល​ជិត ២ ម៉ោង។ សាកសព​ក្មេងប្រុស Nam ត្រូវ​បានដាក់ក្នុងមឈូស និងដឹកតាម​រថយន្ត​​យក​មក​ផ្ទះ​ ដែលមានចម្ងាយ​​មួយ​គីឡូម៉ែត្រពីកន្លែងកើតហេតុ ដើម្បី​​ប្រគល់​ទៅឱ្យ​ក្រុម​គ្រួសារ​យក​ទៅធ្វើបុណ្យ។ អនុ​ប្រធាន​ខេត្តលោក Doan Tan Buu បានឱ្យដឹងថា ផ្អែក​តាម​លទ្ធផល​នៃ​ការ​ស៊ើបអង្កេត ​រួម​នឹង​ការ​ធ្វើ​កោសល្យ​វិច្ច័យ​នៅ​កន្លែង​កើតហេតុ មូលហេតុ​បឋម​បាន​កំណត់​ថា កុមារា Nam បានស្លាប់​ដោយសារ​របួស​ច្រើនកន្លែង​ពេលប៉ះនឹងរបស់​រឹង ខណៈ​ធ្លាក់​ចូល​ទៅក្នុងគ្រឹះបេតុងនោះ។ លោក​បាន​បន្ថែម​ថា បន្ទាប់​ពី​​សព​ក្មេង​ប្រុសត្រូវបានធ្វើបុណ្យរួចរាល់ អាជ្ញាធរ​ខេត្ត​នឹង​បញ្ជាឱ្យមាន​ការ​ស៊ើប​អង្កេត​ដើម្បី​បញ្ជាក់​ពី​មូលហេតុ និង​ដោះស្រាយលទ្ធភាពនៃការបំពានច្បាប់ណាមួយ។ រំលឹកផងដែរថា កុមារា Nam និងក្មេងចំនួន ៣នាក់ទៀត បានទៅការដ្ឋានសាងសង់ស្ពានក្នុងខេត្ត Dong Thap […]