(បរទេស)៖ ប្រធានាធិបតីសហរដ្ឋអាមេរិកលោក Donald Trump បាននិយាយនៅថ្ងៃសុក្រ​ថា លោកនឹងចាប់ផ្តើមការពិភាក្សាជាមួយចិន នៅថ្ងៃចន្ទ ឬថ្ងៃអង្គារខាងមុខ ​អំពីកិច្ចព្រមព្រៀងដែលអាចធ្វើទៅបានស្ដីពីកម្មវិធី TikTok។ នេះបើតាមការចេញផ្សាយដោយសារព័ត៌មាន Reuters នៅថ្ងៃទី០៥ ខែកក្កដា ឆ្នាំ២០២៥។ លោកបាននិយាយថា សហរដ្ឋអាមេរិកជិតសម្រេចបានកិច្ចព្រមព្រៀងសម្រាប់ការលក់កម្មវិធីវីដេអូខ្លី TikTok ហើយ។ លោកថា «ខ្ញុំគិតថា យើងនឹងចាប់ផ្តើមថ្ងៃចន្ទ ឬថ្ងៃអង្គារ… ដើម្បីពិភាក្សាជាមួយចិន ប្រហែលជានឹងជាមួយប្រធានាធិបតី Xi ឬអ្នកតំណាងរបស់គាត់… យើងជិតមានកិច្ចព្រមព្រៀងហើយ»។ លោក Trump បានប្រាប់អ្នកសារព័ត៌មានក្នុងយន្តហោះ Air Force One។ កាលពីខែមុន លោក Trump បានពន្យាពេលសម្រាប់ការបិទ TikTok ទៅដល់ថ្ងៃទី១៧ ខែកញ្ញា ដើម្បីឱ្យក្រុមហ៊ុន ByteDance ដែលមានមូលដ្ឋាននៅចិន សម្រេចលក់ TikTok នៅសហរដ្ឋអាមេរិក ទៅឲ្យក្រុមហ៊ុនណាមួយរបស់អាមេរិក។ រហូតមកទល់នឹងពេលនេះ មានកិច្ចព្រមព្រៀងកំពុងត្រូវរៀបចំ ដើម្បីបែងចែកប្រតិបត្តិការរបស់ TikTok នៅសហរដ្ឋអាមេរិកទៅឲ្យក្រុមហ៊ុនថ្មីដែលមានមូលដ្ឋាននៅសហរដ្ឋអាមេរិក ហើយមានម្ចាស់ជាជនជាតិអាមេរិក។ ប៉ុន្តែកិច្ចព្រមព្រៀងនេះត្រូវបានផ្អាកបណ្តោះអាសន្ន បន្ទាប់ពីចិនបានបង្ហាញថា […]

(Reuters)៖ ប្រធានាធិបតីអាមេរិក លោក ដូណាល់ ត្រាំ បាននិយាយថារូបលោកបានចុះហត្ថលេខាលើលិខិតជូនដំណឹងទៅកាន់ប្រទេសចំនួន១២ ពីអត្រាពន្ធគយដែលពួកគេនឹងត្រូវបង់លើ មុខទំនិញដែលពួកគេនាំចេញទៅកាន់សហរដ្ឋអាមេរិក នៅថ្ងៃចន្ទដើមសប្ដាហ៍ក្រោយនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ថ្លែងទៅកាន់ក្រុមអ្នកសារព័ត៌មាននៅលើយន្ដហោះ Air Force One ក្នុងដំណើរផ្លូវឆ្ពោះទៅកាន់រដ្ឋ New Jersey កាលពីថ្ងៃសុក្រ ទី៤ ខែកក្កដា លោក ត្រាំ មិនបានបង្ហើបឱ្យដឹងពីឈ្មោះប្រទេស ទាំង១២ ដែលនឹងត្រូវទទួលបានលិខិតជូនដំណឹងលើអត្រាពន្ធគយពីសហរដ្ឋអាមេរិកនោះទេ។ លោក ត្រាំ កាលពីថ្ងៃព្រហស្បតិ៍កន្លងទៅ បានប្រាប់ក្រុមអ្នកសារព័ត៌មានថាលោករំពឹងថាលិខិត ក្នុងកញ្ចប់ទី១នឹងត្រូវផ្ញើនៅថ្ងៃសុក្រសប្ដាហ៍នេះ ចំថ្ងៃបុណ្យឯករាជ្យជាតិរបស់សហរដ្ឋអាមេរិក។ តែកាលបរិច្ឆេទនៃការផ្ញើលិខិតត្រូវបានផ្លាស់ប្ដូរ។ គួរបញ្ជាក់ថា ការផ្អាកការយកពន្ធគយកម្រិតខ្ពស់រយ​ៈពេល ៩០ថ្ងៃ របស់រដ្ឋបាលលោក ត្រាំ នឹងត្រូវបិទបញ្ចប់នៅថ្ងៃទី៩ ខែកក្កដា ហើយកាលពីថ្ងៃសុក្រ លោកប្រធានាធិបតីអាមេរិកក៏បានព្រមាន ដែរថាអត្រាយកពន្ធអាចនឹងខ្ពស់ជាងការប្រកាសនាពេលកន្លងមក ឬអាចដល់ ៧០ភាគរយលើបណ្ដាប្រទេសមួយចំនួនដែលគ្រោងនឹងចូលជាធរមាននៅថ្ងៃទី១ ខែសីហា៕ ផ្ដល់សិទ្ធិដោយ៖ Freshnews

(អាមេរិក)៖ អាជ្ញាធរនៅសហរដ្ឋអាមេរិក បានឱ្យដឹងថា តួលេខចុងក្រោយបង្អស់នៃចំនួនមនុស្សបាត់បង់ជីវិត ក្រោយការវាយប្រហារ​នៃគ្រោះទឹកជំនន់កើតឡើងភ្លាមៗ នៅភាគកណ្តាលរដ្ឋ Texas បានកើនដល់យ៉ាងហោច៥០នាក់ហើយ ខណៈក្រុមសង្រ្គោះកំពុងបន្តស្វែងរក​អ្នកដែលបាត់ខ្លួន។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃអាទិត្យ ទី៦ ខែកក្កដា ឆ្នាំ២០២៥។​ តំបន់ដែលមានអ្នកបាត់បង់ជីវិតច្រើនជាងគេ គឺ Kerr County ចំនួន៤៣នាក់ ហើយមានអ្នកបាត់ខ្លួនយ៉ាងហោច២៧នាក់។ ចំណែកនៅ Burnet County មនុស្ស៣នាក់ ត្រូវរាយការណ៍ថាស្លាប់ និង២នាក់បាត់ខ្លួន ខណៈនៅ Travis County វិញ មនុស្សយ៉ាងតិច​៤នាក់ក៏បានបាត់បង់ជីវិតផងដែរ ហើយ១៣នាក់បាត់ខ្លួន។ អាជ្ញាធររដ្ឋ Texas បាននិយាយថា មកទល់ពេលនេះ មនុស្សជាង៨៥០នាក់ ត្រូវបានជួយសង្រ្គោះ ដោយមានអ្នកខ្លះនៅតោងនឹងដើមឈើ ហើយតួលេខអ្នកស្លាប់ អាចនឹងបន្តកើនខ្ពស់ថែមទៀត។ គួរបញ្ជាក់ថា គ្រោះទឹកជំនន់ខាងលើបានកើតឡើងភ្លាមៗ នៅពេលដែលភ្លៀងបានធ្លាក់យ៉ាងខ្លាំងលើសការព្យាករ បណ្តាលឱ្យទឹកនៅទន្លេ Guadalupe ហក់ឡើងកម្ពស់ប្រមាណ៨ម៉ែត្រ ក្នុងរយៈពេលត្រឹមជាង៤០នាទី កាលពីថ្ងៃសុក្រសប្តាហ៍នេះ ជាហេតុធ្វើឱ្យ​អាជ្ញាធរក៏ដូចជាប្រជាជននៅក្នុងតំបន់ មិនបានត្រៀមខ្លួនប្រុងប្រយ័ត្នទុកជាមុន។ វាត្រូវបានចាត់ទុកជា គ្រោះទឹកជំនន់ដ៏អាក្រក់បំផុតមួយ សម្រាប់រដ្ឋ […]

(បរទេស)៖ អ្នកស្រាវជ្រាវនៅសាកលវិទ្យាល័យ Johns Hopkins បានបង្កើតបច្ចេកវិទ្យាដ៏អស្ចារ្យមួយ គឺការធ្វើតេស្តឈាមដែលអាចកំណត់អត្តសញ្ញាណជំងឺមហារីកបានរហូតដល់ទៅ ៣ឆ្នាំ មុនពេលរោគសញ្ញាលេចឡើង។ បច្ចេកវិទ្យាដ៏ទំនើបនេះដំណើរការដោយការរកឃើញការផ្លាស់ប្តូរ DNA (DNA mutations) ដែលកើតចេញពីដុំសាច់មហារីក ដែលចរាចរនៅក្នុងចរន្តឈាម។ ការរកឃើញនេះត្រូវបានចាត់ទុកថាជាឧបករណ៍ដ៏មានឥទ្ធិពលមួយសម្រាប់ការពិនិត្យរកជំងឺមហារីកជាមុន (proactive cancer screening) ដែលមានសក្តានុពលក្នុងការផ្លាស់ប្តូររបៀបដែលជំងឺមហារីកត្រូវបានធ្វើរោគវិនិច្ឆ័យ និងព្យាបាល។ ការសិក្សាស្រាវជ្រាវនេះត្រូវបានបោះពុម្ពផ្សាយនៅក្នុងទស្សនាវដ្តី Cancer Discovery ដោយបានវិភាគលើគំរូប្លាស្មា (plasma samples) ដែលបានប្រមូលផ្ដុំទុកប៉ុន្មានឆ្នាំមុន សម្រាប់ការសិក្សាផ្សេងៗ។ តាមរយៈការពិនិត្យបំណែក DNA ដែលអណ្ដែតដោយសេរី អ្នកវិទ្យាសាស្ត្រអាចរកឃើញ «សញ្ញាព្រមាន» នៃជំងឺមហារីក រហូតដល់ ៣.៥ឆ្នាំ មុនការធ្វើរោគវិនិច្ឆ័យព្យាបាល។ លទ្ធផលនៃការសិក្សានេះពិតជាមានសក្តានុពលខ្ពស់ ដោយសារការរកឃើញជំងឺមហារីកបានឆាប់រហ័សជាទូទៅនាំឱ្យលទ្ធផលព្យាបាលកាន់តែល្អប្រសើរសម្រាប់អ្នកជំងឺ។ ខណៈពេលដែលវិធីសាស្ត្រពិនិត្យរកជំងឺមហារីកបច្ចុប្បន្នមានសារៈសំខាន់ ជំងឺមហារីកជាច្រើនមិនត្រូវបានរកឃើញទេ រហូតដល់រោគសញ្ញាលេចឡើង ដែលនៅពេលនោះជំងឺអាចនឹងរីករាលដាលខ្លាំង ហើយពិបាកព្យាបាល។ ការធ្វើតេស្តឈាមថ្មីនេះ និងការធ្វើតេស្តរកជំងឺមហារីកច្រើនប្រភេទ (MCED) ស្រដៀងគ្នា មានគោលបំណងផ្លាស់ប្តូរគំរូនេះ ដោយកំណត់អត្តសញ្ញាណជំងឺមហារីកក្នុងទម្រង់ម៉ូលេគុលដំបូងបំផុតរបស់វា៕ ផ្ដល់សិទ្ធិដោយ៖ Freshnews

(តូក្យូ)៖ រដ្ឋាភិបាលជប៉ុន នៅថ្ងៃសៅរ៍ ទី៥ ខែកក្កដា បានព្រមានថាអាចនឹងមានគ្រោះរញ្ជួយដីកម្រិតធ្ងន់បន្ថែមទៀតនៅក្នុងដែនទឹកភាគនិរតីនៃទីប្រជុំកោះសំខាន់របស់ខ្លួន ប៉ុន្តែបានជំរុញឱ្យប្រជាជន របស់ខ្លួនកុំជឿលើពាក្យចចាមអារ៉ាម ឬការព្យាករគ្មានមូលដ្ឋានអំពីមហាគ្រោះមហន្តរាយនៃថ្ងៃអវសានរបស់ពិភពលោក។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ អាជ្ញាធរជប៉ុន កាលពីថ្ងៃសុក្រ បានជម្លៀសប្រជាជនមួយចំនួនចេញពីកោះដាច់ស្រយាលនានាស្ថិតនៅជិតនឹងចំណុចកណ្ដាលនៃរញ្ជួយដីកម្រិត ៥.៥រ៉ិចទ័រនៅឯចុងភាគខាងត្បូងបំផុតនៃកោះ Kyushu។ គ្រោះរញ្ជួយដី ៥.៥រ៉ិចទ័នេះបានកើតឡើងកាលពីថ្ងៃព្រហស្បតិ៍ និងមានកម្រិតរំញ័រខ្លាំងបំផុតមួយក្នុងចំណោមរំញ័រច្រើនជាង ១០០០លើក នៅលើខេត្ត Kagoshima ក្នុងពេល២សប្ដាហ៍មកនេះ ជាហេតុនាំឱ្យមានពាក្យចចាមអារ៉ាម និងការព្យាករថាអាចនឹងមានមហាគ្រោះរញ្ជួយដីវាយប្រហារជប៉ុននៅក្នុងខែកក្កដានេះ។ យ៉ាងណាក៏ដោយ លោក Ayataka Ebita ជានាយកអង្គភាពតាមដានគ្រោះរញ្ជួយដី និងរលកស៊ូណាមិរបស់ទីភ្នាក់ងារឧតុនិយមជប៉ុន បានលើកឡើងថា «តាមការសិក្សាពីវិទ្យាសាស្ត្រក្នុងពេលបច្ចុប្បន្ន វាពិតជាពិបាកក្នុងការព្យាករពីពេលវេលាជាក់លាក់ ទីតាំង ឬទំហំនៃគ្រោះរញ្ជួយដី»។ លោកបន្តថា «យើងស្នើឱ្យប្រជាជនមានមូលដ្ឋានចំណេះដឹងផ្អែកលើភស្តុតាងវិទ្យាសាស្ត្រ»។ គួរបញ្ជាក់ថា ពាក្យចចាមអារ៉ាមអំពីគ្រោះមហន្តរាយធម្មជាតិបានជំរុញឱ្យភៀវទេសចរមួយចំនួនចៀសវាងការធ្វើដំណើរទៅកាន់ប្រទេសជប៉ុន។ ក្នុងនោះភ្ញៀវទេសចរមកពីហុងកុងជាទីដែល ពាក្យចចាមអារ៉ាម កំពុងរីកសុសសាយ បានធ្លាក់ចុះ១១ភាគរយ ក្នុងខែឧសភាកន្លងទៅនេះ៕ ផ្ដល់សិទ្ធិដោយ៖ Freshnews

(បាងកក)៖ ប្រភពមួយពីមន្ត្រីសន្តិសុខថៃ បានឱ្យដឹងថាគ្រាប់បែកបង្កៃដែលត្រូវបានរកឃើញកាលពីពេលថ្មីៗនេះនៅក្នុងខេត្ត Phuket, Phangnga និងខេត្ត Krabi ត្រូវបានជឿថាជាយុទ្ធសាស្ត្រមួយរបស់ក្រុមឧទ្ទាមក្នុងតំបន់ភាគខាងត្បូង ក្នុងគោលបំណងបំផ្លាញទំនុកចិត្តរបស់ភ្ញៀវទេសចរ និងធ្វើឱ្យខូចខាតដល់ សេដ្ឋកិច្ចរបស់ថៃ ជាពិសេសគឺវិស័យទេសចរណ៍តែម្ដង។ នេះបើតាមការចេញផ្សាយដោយកាសែតថៃ Bangkok Post។ ក្រុមអ្នកជំនាញខាងសន្តិសុខ បាននិយាយថាការបង្កៃគ្រាប់បែក គឺជាយុទ្ធសាស្ត្រថ្មីរបស់ចលនា Barisan Revolusi Nasional (BRN) ដែលជាក្រុមឧទ្ទាម ផ្ដាច់ខ្លួនដ៏សំខាន់មួយនៅក្នុងតំបន់ភាគខាងត្បូងថៃ។ ផ្ទុយពីឧបទ្ទវហេតុកន្លងមក ការបង្កៃគ្រាប់ត្រូវបានធ្វើឡើងដោយមនុស្សមួយក្រុមដែលត្រូវបានក្រុមឧទ្ទាម នេះជ្រើសរើសឱ្យធ្វើជាសមាជិកថ្មីរបស់ពួកគេ ហើយអ្នកទាំងនេះមិនមានកំណត់ត្រាបទល្មើស ឬក៏កំណត់ក្នុងព័ត៌មានស៊ើបការណ៍សម្ងាត់នោះទេ ដែលនេះធ្វើ ឱ្យអាជ្ញាធរពិបាកកំណត់មុខសញ្ញា។ គួរបញ្ជាក់ថា កាលពីថ្ងៃទី២៦ ខែមិថុនា ប៉ូលិសថៃបង្ហើបឱ្យដឹងពីការចាប់ខ្លួន​បុរស២នាក់មកពីទីក្រុង Pattani ក្នុងខេត្ត Phangnga កាលពីថ្ងៃទី២៤ ខែមិថុនា ដោយរកឃើញសម្ភារៈផលិតគ្រាប់បែក។ ការចាប់ខ្លួនបុរស២នាក់នេះបានជួយឱ្យអាជ្ញាធរថៃទប់ស្កាត់ការប៉ុនប៉ងបំផ្ទុះគ្រាប់បែកក្នុងខេត្ត Phuket ហើយពួកគេ បានសារភាពថាបានធ្វើសកម្មភាពតាមបញ្ជារបស់មេដឹកនាំក្រុមឧទ្ទាម BRN ដោយមានគោលដៅវាយប្រហារលើខេត្តសំខាន់ៗដូចជា Phuket, Phangnga និងខេត្ត Krabi ជាដើម៕ ផ្ដល់សិទ្ធិដោយ៖ Fresh News

(បាងកក)៖ អតីតនាយករដ្ឋមន្ត្រីថៃ លោក Thaksin Shinawatra នាថ្ងៃពុធ ទី២ ខែកក្កដា បានបន្តចូលបង្ហាញខ្លួន នៅតុលាការព្រហ្មទណ្ឌ ដើម្បីចូលរួមក្នុងសវនាការជំនុំជម្រះថ្ងៃទី២ លើការចោទប្រកាន់ប្រឆាំងនឹងរូបលោកថា បានប្រមាថ ព្រះមហាក្សត្រថៃ ធ្វើឡើងអំឡុងកិច្ចសម្ភាសន៍ជាមួយប្រព័ន្ធផ្សព្វផ្សាយកូរ៉េខាងត្បូងកាលពីជាង១០ឆ្នាំមុន។ នេះបើតាមកាសែត The Nation។ សវនាការជំនុំជម្រះខាងលើ បានចាប់ផ្តើមបើក កាលពីថ្ងៃអង្គារសប្តាហ៍នេះ។ តុលាការព្រហ្មទណ្ឌថៃ នឹងបន្តបើកសវនាការរយៈពេលសរុប៣ថ្ងៃជាប់ៗគ្នា។ លោក Thaksin ត្រូវបានអនុញ្ញាតឱ្យនៅក្រៅឃុំ ជាមួយប្រាក់តម្កល់ ៥០០ ០០០បាត បន្ទាប់ពីត្រូវបាន ចោទប្រកាន់ជាផ្លូវការពីព្រះរាជអាជ្ញាថៃ កាលពីខែសីហា ឆ្នាំ២០២៤។ លោកត្រូវបានហាមឃាត់ចេញក្រៅប្រទេស ដោយមិនមានការអនុញ្ញាតពីតុលាការ។ គួរបញ្ជាក់ថា សវនាការជំនុំជម្រះ៣ថ្ងៃក្នុងសប្តាហ៍នេះ គឺជាសវនាការសម្រាប់ឱ្យសាក្សីរបស់ខាងព្រះរាជអាជ្ញាថៃ ចូលផ្តល់សក្ខីកម្ម ខណៈខាងសាក្សីរបស់ចុងចោទ ត្រូវបានរំពឹងថា នឹងចូលផ្តល់សក្ខីកម្ម ក្នុងសវនាការដាច់ដោយឡែកមួយទៀត មានរយៈពេល៤ថ្ងៃ ដែលគ្រោងធ្វើឡើងចាប់ពីថ្ងៃទី១៥ ខែកក្កដា។ បទល្មើសពាក់ព័ន្ធនឹង ការប្រមាថព្រះមហាក្សត្រ ដែលគេចោទប្រកាន់ប្រឆាំងលោក Thaksin កើតឡើងមានអំឡុងបទសម្ភាសន៍ ជាមួយប្រព័ន្ធផ្សព្វផ្សាយកូរ៉េខាងត្បូង ឈ្មោះ Chosun កាលពីឆ្នាំ២០១៥៕ ផ្ដល់សិទ្ធិដោយ៖ […]

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ កាលពីថ្ងៃអង្គារ ទី១ ខែកក្កដា បានជំរុញ​ឱ្យក្រុមហាម៉ាសទទួលយកអ្វីដែលលោកហៅថា «សំណើចុងក្រោយ» សម្រាប់បទឈប់បាញ់រយៈពេល ៦០ថ្ងៃជាមួយអ៉ីស្រាអែល នៅក្នុងតំបន់ហ្កាហ្សា ហើយដែលសំណើនេះនឹងត្រូវប្រគល់ឱ្យហាម៉ាសតាមរយៈក្រុមមន្ត្រីមកពីកាតា និងអេហ្ស៉ីប។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ក្នុងការបង្ហោះលើបណ្ដាញទំនាក់ទំនងសង្គម លោក ត្រាំ បាននិយាយថាក្រុមអ្នកតំណាងរបស់លោកបានបើកកិច្ចប្រជុំដ៏វែងអន្លាយ និងប្រកបដោយផ្លែផ្កាជាមួយ ក្រុមមន្ត្រីអ៉ីស្រាអែលអំពីតំបន់ហ្កាហ្សា។ លោកមិនបានបង្ហើបពីអត្តសញ្ញាណក្រុមមន្ត្រីតំណាងរបស់លោកទេ តែបេសកជនពិសេសអាមេរិក លោក Steve Witkoff រដ្ឋមន្ត្រីការបរទេស លោក Marco Rubio និងអនុប្រធានាធិបតី លោក JD Vance បានជួបពិភាក្សាជាមួយលោក Ron Dermer ជាទីប្រឹក្សាជាន់ខ្ពស់ម្នាក់របស់នាយករដ្ឋមន្ត្រីអ៉ីស្រាអែល លោក Benjamin Netanyahu។ តាមលោក ត្រាំ អ៉ីស្រាអែលបានយល់ព្រមទទួលយកបទឈប់បាញ់រយៈពេល ៦០ថ្ងៃ ហើយអំឡុងបទឈប់បាញ់នេះសហរដ្ឋអាមេរិកនឹងធ្វើការជាមួយគ្រប់ភាគីទាំងអស់ ដើម្បីបិទបញ្ចប់សង្រ្គាម។ លោក ត្រាំ បន្ថែមថាអ្នកតំណាងមកពីកាតា និងអេហ្ស៉ីប នឹងប្រគល់សំណើចុងក្រោយទៅឱ្យក្រុមហាម៉ាស។ គួរបញ្ជាក់ថា លោក ត្រាំ ក្នុងថ្ងៃអង្គារដដែលនោះ […]

(បាងកក)៖ តុលាការធម្មនុញ្ញថៃ នៅថ្ងៃអង្គារ ទី១ ខែកក្កដា បានសម្រេចចិត្តព្យួរលោកស្រី Paetongtarn Shinawatra ពីតំណែងនាយករដ្ឋមន្ត្រីជាបណ្ដោះអាសន្ន ជុំវិញរឿងអាស្រូវបែកធ្លាយកិច្ចសន្ទនា តាមទូរស័ព្ទជាមួយប្រធានព្រឹទ្ធសភាកម្ពុជាសម្ដេចតេជោ ហ៊ុន សែន។ នេះបើតាមកាសែតថៃ The Nation។ ការសម្រេចចិត្តខាងលើរបស់តុលាការធម្មនុញ្ញថៃ ធ្វើឡើងតាមរយៈការទទួលយកញត្តិមួយពីសមាជិកព្រឹទ្ធសភា៣៦រូប ដែលបានចោទប្រកាន់លោកស្រីថាគ្មានភាពស្មោះត្រង់ និងបំពានក្រមសីលធម៌ស្ដង់ដារ ដោយបំពានលើរដ្ឋធម្មនុញ្ញ ជុំវិញការបែកធ្លាយកិច្ចសន្ទនាតាមទូរស័ព្ទជាមួយប្រធានព្រឹទ្ធសភាកម្ពុជា សម្ដេចតេជោ ហ៊ុន សែន៕ ផ្ដល់សិទ្ធិដោយ៖ Fresh News

(បាងកក)៖ លោកស្រី Paetongtarn Shinawatra នឹងត្រូវកាន់តំណែង២ ក្នុងពេលតែមួយគឺជានាយករដ្ឋមន្ត្រី និងរដ្ឋមន្ត្រីក្រសួងវប្បធម៌ នៅក្នុងគណៈរដ្ឋមន្ត្រីថ្មីមួយដែលត្រូវបានប្រកាសនៅក្នុងព្រឹត្តិប័ត្រ​របស់​រាជវាំងថៃ​ Royal Gazette នៅថ្ងៃអង្គារ ទី១ ខែកក្កដា។ នេះបើតាមកាសែត Bangkok Post។ សមាសភាពគណៈរដ្ឋមន្ត្រីថ្មីរបស់លោកស្រី Paetongtarn ទទួលបានការអនុម័តយល់ព្រមពីព្រះមហាក្សត្រថៃ ហើយពិធីស្បថចូលកាន់តំណែងនឹងត្រូវធ្វើឡើងនៅថ្ងៃព្រហស្បតិ៍សប្ដាហ៍នេះ។ តាមព្រឹត្តិប័ត្រ​របស់​រាជវាំងថៃ​ Royal Gazette លោកស្រី Paetongtarn នឹងកាន់តំណែងជានាយករដ្ឋមន្ត្រី បន្ថែមពីលើតំណែងជារដ្ឋមន្ត្រីក្រសួងវប្បធម៌។ ក្រុមអ្នកតាមដាននយោបាយថៃ​ បាននិយាយថាការសម្រេចចិត្តរបស់លោកស្រី Paetongtarn ក្នុងការកាន់តំណែងជារដ្ឋមន្ត្រីក្រសួងវប្បធម៌ គឺដើម្បីអាចបន្តស្ថិតនៅក្នុងជួរគណៈរដ្ឋមន្ត្រីថៃ ក្នុងករណីដែល តុលាការធម្មនុញ្ញព្យួរលោកស្រីពីតំណែងជានាយករដ្ឋមន្ត្រី នៅថ្ងៃអង្គារនេះ៕ ផ្ដល់សិទ្ធិដោយ៖ Fresh News