(ញូដេលី)៖ ប្រទេសឥណ្ឌា កាលពីថ្ងៃសុក្រសប្ដាហ៍នេះ បានចាប់ផ្តើមការនាំចេញវ៉ាក់សាំងបង្ការជំងឺ COVID-19 ឡើងវិញហើយ ទៅកាន់កម្មវិធីចែកចាយវ៉ាក់សាំងសកល COVAX ដែលវាជាលើកដំបូងគិតចាប់តាំងពីខែមេសាមក ខណៈវិទ្យាស្ថានសេរ៉ូមឥណ្ឌា (Serum Institute of India ឬ SII) ដែលជាវិទ្យាស្ថានផលិតវ៉ាក់សាំងធំជាងគេបំផុតលើពិភពលោក បានព្យាករថា ការផ្គត់ផ្គង់នឹងមានការកើនឡើងយ៉ាងច្រើន ចាប់ពីដើមឆ្នាំ២០២២ខាងមុខនេះតទៅ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃសៅរ៍ ទី២៧ ខែវិច្ឆិកា ឆ្នាំ២០២១។ វិទ្យាស្ថាន SII បាននិយាយថា ខ្លួនអាចចាប់ផ្តើមការនាំចេញឡើងវិញ បន្ទាប់បានសម្រេចគោលដៅ ក្នុងការផលិតវ៉ាក់សាំង AstraZeneca ឬ Covishield ចំនួន១ពាន់លានដូស មុនពេលកំណត់។ ឥណ្ឌាបានបានផ្អាកការនាំចេញវ៉ាក់សាំង អស់រយៈពេល ០៨ខែ ដើម្បីផ្តោតទៅផ្គត់ផ្គង់ ជូនដល់ប្រជាជនក្នុងស្រុក នៅពេលដែលករណីឆ្លងបានកើនឡើងយ៉ាងខ្លាំង។ ការផលិតវ៉ាក់សាំង Covishield របស់វិទ្យាស្ថាន SII បានកើនឡើងជិត៤ដង រហូតដល់ទៅ ២៤០លានដូសក្នុងមួយខែ ចាប់តាំងពីបានផ្អាកការនាំចេញ។ វិទ្យាស្ថានសេរ៉ូមឥណ្ឌាបានបន្ថែមថា «ការផ្គត់ផ្គង់វ៉ាក់សាំងរបស់ខ្លួនតាមរយៈយន្តការណ៍អន្តរជាតិ COVAX […]

សមាគមភ្នាក់ងារទេសចរណ៍ថៃ (ATTA) កំពុងអំពាវនាវឱ្យរដ្ឋាភិបាលទម្លាក់ផែនការរបស់ខ្លួនក្នុងការកំណត់ថ្លៃថ្មី លើជនបរទេសដែលចូលមកក្នុងប្រទេសថៃ យ៉ាងហោចណាស់រហូតដល់ឧស្សាហកម្មទេសចរណ៍ងើបឡើងវិញទាំងស្រុង។ រំលឹកឡើងវិញ កាលពីថ្ងៃទី២ ខែតុលា កន្លងទៅ មជ្ឈមណ្ឌលគ្រប់គ្រងស្ថានការណ៍សេដ្ឋកិច្ចបានអនុម័តសំណើរបស់ក្រសួងទេសចរណ៍ និងកីឡា ដើម្បីគិតថ្លៃចូលទស្សនាលើទេសចរបរទេសម្នាក់ ៥០០បាត (ប្រមាណជាង ១៤ដុល្លារ) ចាប់ពីថ្ងៃទី០១ ខែមករា ឆ្នាំ២០២២ តទៅ។ ពាក់ព័ន្ធទៅនឹងផែនការនេះ ប្រធាន (ATTA) លោក Sisdivachr Cheewarattanaporn បាននិយាយកាលពីថ្ងៃសុក្រថា៖ “ការប្រមូលថ្លៃបន្ថែមនឹងបង្កើនថវិកាធ្វើដំណើររបស់ភ្ញៀវអន្តរជាតិ ដែលអាចបង្ខំឱ្យពួកគេរំលងការមកទស្សានា និងកម្សាន្តនៅប្រទេសថៃ ខណៈឧស្សាហកម្មទេសចរណ៍នៅតែងើបឡើងវិញពីផលប៉ះពាល់នៃការបិទដោយសារជំងឺកូវីដ-១៩ ហើយយើងត្រូវទាក់ទាញភ្ញៀវទេសចរបរទេសឱ្យបានច្រើនតាមដែលអាចធ្វើទៅបានបន្ទាប់ពីប្រទេសនេះបានបើកដំណើរការឡើងវិញទាំងស្រុង”។ លើសពីនេះលោក Sisdivachr បានបន្ថែមថា ប្រទេសជាច្រើនទៀតក៏កំពុងបង្កើនផែនការស្តារឡើងវិញរបស់ពួកគេផងដែរ ដោយបន្ធូរបន្ថយការរឹតបន្តឹងការចូលសម្រាប់អ្នកធ្វើដំណើរចូល។ ជាមួយនឹងការកើនឡើងនៃការប្រកួតប្រជែងនៅក្នុងទីផ្សារទេសចរណ៍អន្តរជាតិ វាមិនមែនជាពេលវេលាដ៏ល្អបំផុតសម្រាប់ប្រទេសថៃក្នុងការកំណត់ថ្លៃបន្ថែមលើភ្ញៀវទេសចរនោះទេ៕ ដោយ៖ ខ្មែរណូត

(អាមេរិក)៖ ក្រុមហ៊ុនផលិតឱសថជីវសាស្ត្រអាមេរិក Novavax ដែលមានមូលដ្ឋាននៅរដ្ឋ ម៉ារីលែន (Maryland) បានប្រកាសនៅថ្ងៃសុក្រសប្តាហ៍នេះ (ពេលវេលានៅអាមេរិក) ថា ក្រុមហ៊ុនកំពុងតែធ្វើកំណែប្រែមួយ ទៅលើវ៉ាក់សាំងបង្ការ COVID-19 របស់ខ្លួន ដើម្បីឲ្យវាអាចទប់ទល់នឹងវីរុសបំប្លែងខ្លួនថ្មី អូមីក្រន់ (Omicron) ដែលត្រូវបានរកឃើញដំបូងគេ នៅក្នុងប្រទេសអាហ្វ្រិកត្បូង។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នារសៀលថ្ងៃសៅរ៍ ទី២៧ ខែវិច្ឆិកា ឆ្នាំ២០២១។ បើតាមក្រុមជំនាញរបស់ Novavax វ៉ាក់សាំងដែលខ្លួនបានអភិវឌ្ឍកន្លងមក គឺជាកំណែប្រែមួយផ្សេងពីប្រភេទវ៉ាក់សាំង ចាក់បញ្ចូលវីរុស-ប្រូតេអ៊ីនតម្ពក់ (virus’ spike protein), ដូច្នេះវាមិនអាចបង្ករការឈឺថ្កាត់នោះឡើយ ប៉ុន្តែអាចជំរុញប្រព័ន្ធភាពសុំាក្នុងខ្លួនមនុស្សបាន។ ដោយឡែកសម្រាប់លើកនេះ ក្រុមអ្នកអភិវឌ្ឍវ៉ាក់សាំង Novavax បានអះអាងថា ពួកគេបានចាប់ផ្តើមបង្កើត វ៉ាក់សាំងចាក់បញ្ចូល virus’ spike protein ជាពិសេសតែម្តង ដោយផ្អែកលើលំដាប់ហ្សែន ដែលគេស្គាល់ពីវីរុសបំប្លែងថ្មី B.1.1.529 (Omicron) នោះ។ គួរបញ្ជាក់ថា អង្គការសុខភាពពិភពលោក (WHO) ក្រោយបញ្ចប់កិច្ចប្រជុំបន្ទាន់មួយ កាលពីថ្ងៃសុក្រសប្តាហ៍នេះ […]

ប្រទេសព័រទុយហ្គាល់បាននិយាយថា ខ្លួននឹងតម្រូវឱ្យអ្នកដំណើរទាំងអស់ដែលហោះហើរចូលប្រទេសខ្លួន ត្រូវបង្ហាញក្រដាសតេស្តជំងឺ COVID-19 ជាមួយនឹងលទ្ធផល «អវិជ្ជមាន» នៅពេលមកដល់ ចាប់ពីថ្ងៃទី០១ ខែធ្នូ ឆ្នាំ២០២១។ រដ្ឋាភិបាលព័រទុយហ្កាល់បានធ្វើសេចក្តីប្រកាសនេះកាលពីថ្ងៃព្រហស្បតិ៍ ចំពេលមានការផ្ទុះឡើងនៃករណីឆ្លងជំងឺ ​COVID-19 នៅក្នុងបណ្តាប្រទេសនៅអឺរ៉ុប ដូចជាប្រទេសអាល្លឺម៉ង់ និងប្រទេសបារាំង។ រដ្ឋាភិបាលនឹងផាកពិន័យក្រុមហ៊ុនអាកាសចរណ៍ចំនួន ២០ ០០០ អឺរ៉ូ ឬប្រហែល ២២ ០០០ ដុល្លារ សម្រាប់អ្នកដំណើរម្នាក់ ប្រសិនបើពួកគេដឹកជញ្ជូនជនណាដែលមិនមានភស្តុតាងនៃការធ្វើតេស្តអវិជ្ជមាន។ ប្រទេសព័រទុយហ្គាល់បានណែនាំជំហានដើម្បីកំណត់ការរីករាលដាលនៃជំងឺរាតត្បាត បើទោះបីជាជិត ៨៧% នៃប្រជាជនរបស់ខ្លួន ត្រូវបានចាក់វ៉ាក់សាំងពេញលេញក៏ដោយ។ នាយករដ្ឋមន្ត្រី Antonio Costa បានប្រាប់សន្និសីទសារព័ត៌មានថា រដ្ឋាភិបាលរបស់លោកត្រូវតែបន្តភ្នាល់លើការចាក់វ៉ាក់សាំង ដើម្បីគ្រប់គ្រងជំងឺរាតត្បាត។ រដ្ឋាភិបាល​មាន​បំណង​ផ្តល់​ការ​បង្កើន​ការ​ចាក់ដូសជំរុញ​ដល់​ ១ ​ភាគ​ ៤ ​នៃ​ចំនួន​ប្រជាជន​របស់​ខ្លួន​នៅ​ចុង​ខែ​មករា៕ ដោយ៖ ខ្មែរណូត

(វ៉ាស៊ីនតោន)៖ រដ្ឋបាល ឱសថ និងចំណីអាហារ (FDA) នៃសហរដ្ឋអាមេរិក បានឲ្យដឹងនៅថ្ងៃសុក្រសប្តាហ៍នេះថា ថ្នាំគ្រាប់ព្យាបាល COVID-19 ដែលត្រូវបានអភិវឌ្ឍឡើងដោយក្រុមហ៊ុន Merck ពិតជាមានប្រសិទ្ធភាព ក្នុងការព្យាបាលជំងឺនេះមែន។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នាព្រឹកថ្ងៃសៅរ៍ ទី២៧ ខែវិច្ឆិកា ឆ្នាំ២០២១។ យ៉ាងណាក៏ដោយ របាយការណ៍បឋមរបស់ក្រុមទីប្រឹក្សា FDA ខាងលើនេះ ក៏បានព្រមានផងដែរថា ស្ត្រីមានផ្ទៃពោះមិនគួរប្រើប្រាស់ថ្នាំគ្រាប់របស់ក្រុមហ៊ុន Merck ដែលមានឈ្មោះថា ម៉ុលនូភីរ៉ាវៀ (molnupiravir) នេះឡើយ ដោយសារតែគុណសម្បត្តិ មានមិនច្រើនជាងគុណវិបត្តិប៉ុន្មាននោះឡើយ ចំពោះអ្នកជំងឺ។ គួរបញ្ជាក់ថា របាយការណ៍បឋមនេះ ពិតជាមានសារៈសំខាន់ខ្លាំងណាស់ សម្រាប់ឲ្យស្ថាប័នជំនាញរបស់ FDA បើកការពិគ្រោះយោបល់មួយ នៅថ្ងៃអង្គារសប្តាហ៍ក្រោយ ថាតើគួរអនុម័តឲ្យប្រើប្រាស់ថ្នាំគ្រាប់ molnupiravir របស់ក្រុមហ៊ុន Merck ខាងលើនេះជាផ្លូវការក្នុងករណីបន្ទាន់ ដែរឬមួយក៏យ៉ាងណា។ ថ្នាំគ្រាប់របស់ក្រុមហ៊ុន Merck ដែលបណ្តាប្រទេសលើពិភពលោក ជាពិសេសគឺប្រទេសក្រីក្រ កំពុងរង់ចាំយ៉ាងអន្ទះសានេះ ត្រូវបានគេមើលឃើញថា ជាអាវុធដ៏សំខាន់ថ្មីមួយទៀត ក្នុងការទប់ទល់ការរាតត្បាតជំងឺ […]

យោងតាមការចុះផ្សាយរបស់សារព័ត៌មាន The Nation បានឱ្យដឹងថា រដ្ឋមន្ត្រីសុខាភិបាល Khairy Jamaluddin បាននិយាយថា ចាប់ពីថ្ងៃនេះតទៅ ប្រជាជនម៉ាឡេស៊ីត្រូវបានហាមប្រាមមិនអោយទៅលេងប្រទេសនៅអាហ្វ្រិកខាងត្បូងចំនួន ៧រួមមាន៖ បូតស្វាណា អេវ៉ាធីនី ឡេសូតូ ម៉ូសំប៊ិក ណាមីប៊ី និងហ្ស៊ីមបាវ៉េ។ ជាមួយគ្នានេះនោះដែរ ជនបរទេសដែលមានប្រវត្តិធ្វើដំណើរទៅកាន់ប្រទេសទាំងប្រាំពីរក្នុងរយៈពេល ១៤ថ្ងៃចុងក្រោយនេះ ក៏មិនត្រូវបានអនុញ្ញាតឱ្យចូលប្រទេសម៉ាឡេស៊ីដែរ។ ដោយឡែក ប្រជាជនម៉ាឡេស៊ី និងអ្នករស់នៅអចិន្ត្រៃយ៍នៅក្នុងប្រទេសដែលបានរៀបរាប់ខាងលើដែលត្រឡប់ទៅប្រទេសម៉ាឡេស៊ីវិញបន្ទាប់ពីការទៅទស្សនាគោលដៅទាំងនេះ ត្រូវបានអនុញ្ញាតឱ្យចូល ប៉ុន្តែត្រូវឆ្លងកាត់ការចត្តាឡីស័កដាច់រយៈពេល ១៤ថ្ងៃជាចាំបាច់។ លើសពីនេះទៅទៀត បើតាមការបញ្ជាក់ពី រដ្ឋមន្ត្រីសុខាភិបាល Khairy Jamaluddin អ្នកធ្វើដំណើរដែលត្រូវធ្វើចត្តាឡីស័ក មិនអាចធ្វើចត្តាឡីស័កនៅផ្ទះបានទេ ពោលគឺត្រូវស្នាក់នៅទីតាំងសម្រាប់ធ្វើចត្តាឡីស័ក ដោយមិនគិតពីស្ថានភាពនៃការចាក់វ៉ាក់សាំងនោះទេ៕ ដោយ៖ ខ្មែរណូត

យោងតាមការចុះផ្សាយរបស់បណ្តាញសារព័ត៌មាន Reuters នៅព្រឹកថ្ងៃសៅរ៍ ទី២៧ ខែវិច្ឆិកានេះ បានឲ្យដឹងថា ពិភពលោកហាក់កំពុងមានការព្រួយបារម្ភយ៉ាងខ្លាំងចំពោះមេរោគនៃជំងឺកូវីដ ១៩ បំំប្លែងខ្លួនទម្រង់ថ្មីមួយប្រភេទទៀត ដែលអង្គការសុខាភាពពិភពលោកទើបដាក់ឈ្មោះឲ្យថា “Omicron”។ ក្រោយមានការទាញសញ្ញាអាសន្នអំពីមេរោគកូវីដ ១៩​ ប្រភេទ Omicron នេះ ប្រទេសជាច្រើនបានសម្រេចបិទជើងហោះហើរពីប្រទេសអាហ្វ្រិកខាងត្បូងដែលជាប្រទេសរកឃើញមេរោគនេះដំបូងគេនិងបណ្តាប្រទេសមួយចំនួនដែលនៅជាប់អាហ្វ្រិខាងត្បូងផងដែរ។ ប្រទេសដែលបានសម្រេចធ្វើការរឹតបន្តឹងជើងហោះហើរនេះដំបូងគេគឺអង់គ្លេស សហគមន៍អឺរ៉ុប កាណាដា និងសហរដ្ឋអាមេរិក ខណៈវិធានការតឹងរឹងនេះបានធ្វើឲ្យភាគហ៊ុនរបស់ក្រុមហ៊ុនដ៏ធំមួយនៅអាមេរិកគឺក្រុមហ៊ុន Atlantic ត្រូវធ្លាក់ចុះយ៉ាងគំហុកផងដែរនៅថ្ងៃនេះ។ យោងតាមការសិក្សាជាបឋមរបស់ក្រុមអ្នកជំនាញមកពីអង្គការសុខភាពពិភពលោកបានបញ្ជាក់ថា អ្វីដែលគេអាចដឹងអំពីមេរោគ Omicron នៅត្រឹមពេលនេះគឺវាអាចចម្លងបានលឿនជាងមេរោគ Delta អាចផ្តល់ហានិភ័យនៃការរាតត្បាតទ្រង់ទ្រាយធំឡើងវិញ ខណៈគេត្រូវការពេលប្រមាណជា ១សប្តាហ៍ទៀតទើបអាចសិក្សាឲ្យច្បាស់ថា មេរោគ Omicron ពិតជាអាចយកឈ្នះលើវ៉ាក់សាំងនាពេលបចច្ចុប្បន្ននេះបានមែនឬអត់។ តាមរបាយការណ៍ចុងក្រោយមួយបានបង្ហាញាថា គិតត្រឹមពេលនេះមេរោគ Omicron បានធ្វើដំណើរទៅដល់ប្រទេសបែលហ្សិក បូតស្វាណា អ៊ីស្រាអែល និងហុងកុងហើយ ខណៈក្រុមអ្នកជំនាញផ្នែកជំងឺឆ្លងមួយចំនួនបាននិយាយាថា វិធានការរឹតបន្តឹងការធ្វើដំណើររបស់ប្រទេសមួយចំនួនខាងលើនេះទំនងជាយឺតពេលទៅហើយ ពោលគឺមេរោគនេះទំនងជាបានឆ្លងចូលទៅក្នុងបណ្តាប្រទេសទាំងអស់នោះរួចទៅហើយ៕ ដោយ៖ ខ្មែរណូត

យោងតាមការចុះផ្សាយរបស់សារព័ត៌មាន BBC បានរាយការណ៍ថា អង្គការសុខភាពពិភពលោក (WHO) បានសម្រេចដាក់ឈ្មោះជំងឺ COVID-19 បំប្លែងខ្លួនថ្មីថា «Omicron» ហើយចាត់ថ្នាក់វាជាវ៉ារ្យ៉ង់ «គួរឱ្យបារម្ភ» ដែលមានន័យថា ជាវ៉ារ្យ៉ង់មួយ ដែលមានហានិភ័យខ្ពស់ជាងគេក្នុងចំណោមវ៉ារ្យ៉ង់ទាំងអស់។ WHO បាននិយាយថា វាមានការផ្លាស់ប្តូរហ្សែន (Mutations) មួយចំនួនធំ ហើយក៏មានភស្តុតាងដំបូង ដែលបានបង្ហាញពីការលើនឡើង នៃការឆ្លងឡើងវិញរបស់មេរោគផងដែរ។ វ៉ារ្យ៉ង់ Omicron ត្រូវបានរាយការណ៍ជាលើកដំបូងទៅកាន់ WHO ពីអាហ្វ្រិកខាងត្បូងនៅថ្ងៃទី២៤ ខែវិច្ឆិកា ឆ្នាំ២០២១ ហើយត្រូវបានគេកំណត់អត្តសញ្ញាណផងដែរ នៅក្នុងប្រទេស បូតស្វាណា បែលហ្សិក ហុងកុង និងអ៊ីស្រាអែល។ ឥឡូវនេះប្រទេសមួយចំនួន បានសម្រេចចិត្តហាមឃាត់ ឬរឹតបន្តឹងការធ្វើដំណើរទៅ និងមកពីអាហ្វ្រិកខាងត្បូង។ អ្នកធ្វើដំណើរមកពីអាហ្វ្រិកខាងត្បូង ណាមីប៊ី ហ្ស៊ីមបាវ៉េ បូតស្វាណា ឡេសូថូ និងអេវ៉ាធីនី នឹងមិនអាចចូលចក្រភពអង់គ្លេសបានទេ លុះត្រាតែពួកគេជាជនជាតិអង់គ្លេស ឬអៀរឡង់ ឬអ្នករស់នៅចក្រភពអង់គ្លេស។ ចំណែកមន្ត្រីអាមេរិកបាននិយាយថា ជើងហោះហើរពីអាហ្វ្រិកខាងត្បូង បូតស្វាណា ហ្ស៊ីមបាវ៉េ ណាមីប៊ី ឡេសូថូ […]

(ហ្សឺណែវ)៖ អ្នកនាំពាក្យម្នាក់នៃ អង្គការសុខភាពពិភពលោក (WHO) បានឲ្យដឹងថា អង្គការនេះកំពុងកោះប្រជុំក្រុមអ្នកជំនាញ នៅឯទីស្នាក់កណ្តាលរបស់ខ្លួនក្នុងទីក្រុងហ្សឺណែវ នៅពេលថ្ងៃត្រង់ថ្ងៃសុក្រនេះតែម្តង (ត្រូវនឹងម៉ោង ៦៖០០នាទីល្ងាចនេះ ម៉ោងនៅកម្ពុជា) ដើម្បីវាយតម្លៃចំពោះវីរុស COVID-19 បំប្លែងខ្លួនថ្មី «B.1.1.529» ស្របពេលដែលពិភពលោកទាំងមូល កំពុងមានការព្រួយបារម្ភកាន់តែខ្លាំងឡើង។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាល្ងាចថ្ងៃសុក្រ ទី២៦ ខែវិច្ឆិកា ឆ្នាំ២០២១។ វីរុស COVID-19 បំប្លែងខ្លួនថ្មី B.1.1.529 ត្រូវបានរកឃើញដំបូង នៅក្នុងប្រទេសអាហ្វ្រិកខាងត្បូង នៅក្នុងសប្តាហ៍នេះតែម្តង ហើយវាបានរីករាលដាល ទៅកាន់ប្រទេសចំនួន ០៤ ទៀតដែលនៅក្បែរខាងដូចជា បុតស្វាណា (Botswana) ព្រមទាំងប្រទេសចំនួន ៣ ទៀតដូចជា ណាមីបៀ (Namibia), ហ្ស៊ីមបាបវ៉េ (Zimbabwe), ឡេសូថូ (Lesotho) និងអេស្វាទីនី (Eswatini)។ ប្រទេសជាបណ្តើរៗហើយ បានដាក់ការរឹតត្បិតចំពោះអ្នកដំណើរមកពីប្រទេសទាំង ៥ នៅតំបន់អាហ្វ្រិកខាងត្បូងនេះ ខណៈទីក្រុងហុងកុងគឺជាដែនដីអាស៊ីដំបូងគេ ដែលបានរកឃើញវត្តមានវីរុសនេះ លើបុរសពីរនាក់មកពីអាហ្វ្រិកខាងត្បូង។ […]

ក្រសួងសុខាភិបាលរបស់សិង្ហបុរី (MOH) នៅថ្ងៃសុក្រ ទី២៦ ខែវិច្ឆិកា ឆ្នាំ២០២១ បាននិយាយថា ប្រទេសរបស់ខ្លួននឹងដាក់កំហិតការចូល របស់អ្នកធ្វើដំណើរដែលមានប្រវត្តិធ្វើដំណើរថ្មីៗ ទៅកាន់ប្រទេសនៅតំបន់អាហ្វ្រិកចំនួន ៧ បន្ទាប់ពីមានរបាយការណ៍ថ្មីមួយដែលថា ជំងឺ COVID-19 បំប្លែងខ្លួនថ្មី ដែលអាចឆ្លងខ្លាំងជាងបច្ចុប្បន្ន អាចនឹងចរាចរនៅទីនោះ។ ចាប់ពីម៉ោង ១១ និង ៥៩ នាទីយប់ថ្ងៃសៅរ៍ អ្នកកាន់លិខិតឆ្លងដែនរយៈពេលវែង និងអ្នកទស្សនារយៈពេលខ្លីទាំងអស់ ដែលមានប្រវត្តិធ្វើដំណើរក្នុងរយៈពេល ១៤ ថ្ងៃចុងក្រោយ ទៅកាន់ប្រទេស Botswana, Eswatini, Lesotho, Mozambique, Namibia, South Africa និង Zimbabwe នឹងមិនត្រូវបានអនុញ្ញាតឱ្យចូលសិង្ហបុរី ឬឆ្លងកាត់ទីនេះទេ។ . ការរឹតបន្តឹងនេះក៏អនុវត្តចំពោះអ្នកដែលទទួលបានការយល់ព្រមជាមុន សម្រាប់ការចូលប្រទេសសិង្ហបុរីផងដែរ។ ពលរដ្ឋសិង្ហបុរី និងអ្នករស់នៅអចិន្ត្រៃយ៍ដែលត្រឡប់មកពីប្រទេសទាំងនេះ នឹងត្រូវធ្វើការជូនដំណឹងអំពីការស្នាក់នៅផ្ទះរយៈពេល ១០ថ្ងៃ នៅឯកន្លែងជាក់លាក់ណាមួយ៕ ដោយ៖ ខ្មែរណូត