(ប៉េកាំង)៖ នៅថ្ងៃចន្ទនេះ ប្រទេសចិនបានប្រកាសថា ប្រជាជននឹងត្រូវអនុញ្ញាតឲ្យចាប់ផ្តើមមានកូនបានដល់ ៣នាក់ក្នុងមួយគ្រួសារ ដែលវាគឺជាការផ្លាស់ប្តូរធំមួយ ពីគោលនយោបាយកំណត់ការយកកូនបានត្រឹម២នាក់ នាពេលបច្ចុប្បន្ន បន្ទាប់ពីទិន្នន័យថ្មីៗនេះបង្ហាញឲ្យឃើញ ពីការថយចុះយ៉ាងគំហុកនៃអត្រាកំណើតទារក នៅក្នុងប្រទេសដែលមានប្រជាជនច្រើនបំផុត លើលោកមួយនេះ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នៅថ្ងៃចន្ទ ទី៣១ ខែឧសភា ឆ្នាំ២០២១។ យោងតាមប្រភពព័ត៌មានដើមពីទីភ្នាក់ងារព័ត៌មានចិន ស៉ីនហួរ ការកែប្រែយ៉ាងសំខាន់ខាងលើនេះ ត្រូវបានអនុម័តកំលុងកិច្ចប្រជុំមួយនៃ ការិយាល័យនយោបាយ របស់គណបក្សកុម្មុយនិស្តចិន ក្រោមអធិបតីភាពរបស់ប្រធានាធិបតីចិន លោក ស៉ី ជីនពីង។ កាលពីពេលកន្លងទៅ ក្នុងខែឧសភានេះ ចិនបានចេញរបាយការណ៍ជំនឿន ដែលធ្វើឡើងមួយទសវត្សរ៍ម្តងរបស់ខ្លួន។ ក្នុងនោះបានបង្ហាញថា កំណើនប្រជាជនចិន បានកើនឡើងក្នុងអត្រាដ៏យឺតបំផុត កំលុងទសវត្សរ៍ទៅ បើគិតចាប់តាំងពីទសវត្សរ៍ឆ្នាំ១៩៥០មក។ គួរបញ្ជាក់ថា កាលពី២០១៦ ចិនបានសម្រេចលុបចោលគោលនយោបាយរាប់ទសវត្សរ៍របស់ខ្លួន ដែលកំណត់ឲ្យប្រជាជនចិនអាចមានកូន បានត្រឹមម្នាក់ក្នុងមួយគ្រួសារ ក្រោមគោលដៅព្យាយាមទប់ស្កាត់កំណើនប្រជាជន ហើយអនុញ្ញាតឲ្យមានកូនបាន២នាក់៕ ផ្តល់សិទ្ធិដោយ៖ freshnews

យោងតាមការចុះផ្សាយរបស់សារព័ត៌មាន BBC បានរាយការណ៍ថា ប្រទេសវៀតណាមកំពុងបើកការធ្វើតេស្ដសាកល្បងប្រជាជននៅទីក្រុងហូជីមិញទាំងមូល និងដាក់ចេញនូវវិធានការណ៍រក្សាគម្លាតនានា ដើម្បីទប់ស្កាត់ការផ្ទុះឡើងនៃជំងឺ COVID-19 ជាពិសេសគឺការបំប្លែងខ្លួនថ្មីមួយទៀត ដែលខ្លួនទើបតែបានរកឃើញនាពេលថ្មីៗនេះ។ រំលឹកផងដែរថាកាលពីប៉ុន្មានថ្ងៃមុននេះ ប្រទេសវៀតណាមបានរកឃើញជំងឺ COVID-19 បំប្លែងខ្លួនថ្មី ដែលជាប្រភេទកូនកាត់រវាងការបំប្លែងមកពីចក្រភពអង់គ្លេស និងប្រទេសឥណ្ឌា ដែលមិនទាន់មានប្រទេសណាមានវត្តមានជំងឺ COVID-19 ប្រភេទនេះនៅឡើយ។ រដ្ឋាភិបាលវៀតណាមបាននិយាយថា ការបំប្លែងខ្លួនថ្មីនេះរួមបញ្ចូលគ្នានូវលក្ខណៈពិសេសនៃប្រភេទ ដែលបានកំណត់ដំបូងនៅក្នុងប្រទេសឥណ្ឌា និងចក្រភពអង់គ្លេស ហើយគឺងាយចម្លងតាមខ្យល់ទៀតផង។ ជារួមប្រទេសវៀតណាមមានការឆ្លងសរុបជាង ៧,០០០ នាក់ និងមានអ្នកស្លាប់ចំនួន ៤៧ នាក់ ប៉ុន្តែចំនួនកើនឡើងក្នុងរលកថ្មីចុងក្រោយ គឺមានច្រើនជាងពាក់កណ្តាលនៃចំនួនករណីសរុបតាំងតែពីឆ្នាំមុន។ ការផ្ទុះឡើងចុងក្រោយបង្អស់នៅទីក្រុងហូជីមិញ គឺជាប់ទាក់ទងនឹងបេសកកម្មគ្រិស្តសាសនាមួយ ដែលយ៉ាងហោចណាស់មានករណីវិជ្ជមានចំនួន ១២៥ ករណី ត្រូវបានគេកត់ត្រា ហើយភាគច្រើនជាករណីឆ្លងនៅក្នុងទីក្រុងផ្ទាល់។ អ្នកដែលរស់នៅតំបន់ជុំពាក់ព័ន្ធត្រូវបានសាកល្បងរួចហើយ និងកំពុងត្រូវបានបិទខ្ទប់។ ឥឡូវនេះក្រុមមន្រ្តីគ្រោងនឹងសាកល្បងប្រជាជនចំនួន ១៣ លាននាក់ នៅទីក្រុងហូជីមិញ ក្នុងអត្រាសាកល្បង ១០០,០០០ ក្នុងមួយថ្ងៃ ដែលនឹងត្រូវចំណាយពេលជាង ៤ ខែ ដើម្បីបំពេញការងារនេះ៕ អត្ថបទ៖ លីដា ប្រភព៖ BBC

(ហាណូយ)៖ ប្រធានាធិបតីវៀតណាមលោក ង្វៀន សួនហ្វុក បានសរសេរលិខិតមួយច្បាប់ ផ្ញើទៅកាន់ប្រធានាធិបតីសហរដ្ឋអាមេរិក លោក ចូ បៃដិន ដើម្បីស្នើសុំជំនួយជាវ៉ាក់សាំងបង្ការ COVID-19 ខណៈវៀតណាមត្រូវបានគេមើលឃើញថា កំពុងប្រយុទ្ធតស៊ូនឹងរលកថ្មី នៃការឆ្លងរាតត្បាតជំងឺដ៏កាចសាហាវនេះ ជាពិសេសគឺនៅក្រោយការរកឃើញវីរុស COVID-19 បំប្លែងថ្មីកាត់ឥណ្ឌា-អង់គ្លេស ជាលើកដំបូង។ នេះបើតាមការចេញផ្សាយ ដោយសារព័ត៌មាន The Nation នារសៀលថ្ងៃចន្ទ ទី៣១ ខែឧសភា ឆ្នាំ២០២១។ ក្រៅពីការស្នើសុំជំនួយ ប្រធានាធិបតីវៀតណាមរូបនេះ ក៏បានថ្លែងអំណរគុណដល់សហរដ្ឋអាមេរិក ចំពោះការប្តេជ្ញាចិត្តរបស់ប្រទេសមហាអំណាចលេខ ១ លើលោកមួយនេះ ក្នុងការផ្តល់ថវិកា ៤ពាន់លានដុល្លារ គាំទ្រដល់កម្មវិធីចែកចាយវ៉ាក់សាំង COVID-19 អន្តរជាតិ COVAX ផងដែរ ព្រោះកន្លងមកនេះវៀតណាម បានទទួលវ៉ាក់សាំងប្រមាណ ២.៥លានដូសរួចមកហើយ។ បន្ថែមពីខាងលើនេះទៀត ប្រធានាធិបតីវៀតណាមលោក ង្វៀន សួនហ្វុក បានស្វាគមន៍ចំពោះសេចក្តីសម្រេច នៃរដ្ឋបាលលោក ចូ បៃដិន ក្នុងការផ្តល់វ៉ាក់សាំងបង្ការ COVID-19 ចំនួន ៨០លានដូស ទៅកាន់អន្តរជាតិ […]

(បាងកក)៖ មជ្ឈមណ្ឌលគ្រប់គ្រងជំងឺ COVID-19 នៃប្រទេសថៃ (CCSA) នៅថ្ងៃចន្ទ ទី៣១ ខែឧសភា ឆ្នាំ២០២១នេះបានរាយការណ៍ពីការរកឃើញករណី ឆ្លងជំងឺ COVID-19 ថ្មីៗក្នុងចំនួនច្រើនរហូតដល់ ៥,៤៨៥ករណីទៀត នៅក្នុងរយៈពេល ២៤ម៉ោងចុងក្រោយនេះ។ នេះបើតាមការចេញផ្សាយ ដោយសារព័ត៌មានថៃ Bangkok Post។ CCSA បានគូសបញ្ជាក់ថា ក្នុងចំណោមករណីឆ្លងថ្មីៗខាងលើនេះមាន ៣,៥៣២ករណីជាករណីឆ្លង ក្នុងចំណោមប្រជាជនទូទៅ និង ១,៩៥៣ករណីទៀតជាករណីឆ្លង នៅតាមពន្ធនាគារ។ CCSA បានឲ្យដឹងទៀតថា ក្រៅពីការរកឃើញករណីឆ្លងថ្មីៗខាងលើ អ្នកជំងឺចំនួន ១៩នាក់បន្ថែមទៀត ក៏ត្រូវបានរាយការណ៍ថាស្លាប់ នៅក្នុងរយៈពេល ២៤ម៉ោងកន្លងទៅដូចគ្នាដែរ។ គួរបញ្ជាក់ថា បើគិតចាប់តាំងពីជំងឺ COVID-19 បានឆ្លងរីករាលដាលចូលមកដល់ជាលើកដំបូង កាលពីដើមឆ្នាំ២០២០ រហូតមកទល់ពេលនេះ ប្រទេសថៃបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេស ១៥៩,៧៩២ករណី ក្នុងនោះមានអ្នកស្លាប់ ១,០៣១នាក់ និងអ្នកជាសះស្បើយ ១០៨,៣៤៥នាក់។ ដោយឡែកសម្រាប់យុទ្ធនាការចាក់វ៉ាក់សាំងបង្ការ COVID-19 វិញនោះ ប្រទេសថៃដែលមានប្រជាជនសរុបជិត ៧០លាននាក់ សម្រេចបានចំនួន […]

(ញូដេលី)៖ អត្រាឆ្លងជំងឺ COVID-19 ប្រចាំថ្ងៃនៅទូទាំងប្រទេសនេះ ត្រូវបានគេមើលឃើញថា បង្ហាញសញ្ញាធ្លាក់ចុះជាបន្តបន្ទាប់ ប៉ុន្តែបើពិនិត្យទៅលើតួលេខជាក់ស្តែងវិញនោះ វានៅតែស្ថិតក្នុងកម្រិតខ្ពស់ជាងគេ នៅលើពិភពលោកដដែល។ នេះបើតាមការចេញផ្សាយ ដោយទីភ្នាក់ងារព័ត៌មានចិនស៊ីនហួរ នារសៀលថ្ងៃចន្ទ ទី៣១ ខែឧសភា ឆ្នាំ២០២១។ នៅក្នុងរយៈពេល ២៤ម៉ោងកន្លងទៅនេះ ឥណ្ឌាបានរកឃើញអ្នកឆ្លង COVID-19 ប្រមាណ ១៥២,៧៣៤នាក់ទៀត ធ្វើឲ្យចំនួនករណីឆ្លងសរុបកើនដល់ ២៨,០៤៧,៥៣៤ករណី។ នេះជាអត្រាឆ្លងប្រចាំធ្លាក់ចុះទាបបន្ថែមទៀត បើគិតនៅអំឡុងប៉ុន្មានសប្តាហ៍ចុងក្រោយនេះ។ សម្រាប់រយៈពេលដូចគ្នា អ្នកជំងឺប្រមាណ ៣,១២៨នាក់ទៀតបានបាត់បង់ជីវិត ធ្វើឲ្យចំនួនអ្នកស្លាប់ដោយសារ COVID-19 សរុបនៅទូទាំងប្រទេសឥណ្ឌាកើនដល់ ៣២៩,១០០នាក់។ ដោយឡែកអ្នកជំងឺ ២៥.៧លាននាក់បានជាសះស្បើយ និងជាង ២លាននាក់កំពុងបន្តសម្រាកព្យាបាល។ គិតត្រឹមថ្ងៃទី៣០ ខែឧសភា ឆ្នាំ២០២១ ឥណ្ឌាដែលមានប្រជាជនសរុបជាង ១,៣០០លាននាក់ បានចាក់វ៉ាក់សាំងបង្ការ COVID-19 សរុបចំនួន ២០៧លានដូសហើយជូនប្រជាជន ដោយក្នុងមនុស្សជាង ១៦៤លាននាក់ បានចាក់យ៉ាងហោចណាស់ ១ដូស (១២% នៃចំនួនប្រជាជនសរុប) និងជិត ៤៣លាននាក់បានចាក់គ្រប់ដូស (៣.១% នៃចំនួនប្រជាជនសរុប)៕ […]

(ម៉ុងតេវីដេអូ)៖ អត្រាស្លាប់ដោយសារជំងឺ COVID-19 ក្នុងចំណោមមនុស្សពេញវ័យនៅអ៊ុយរ៉ាហ្គាយ មានអាយុចន្លោះពី ១៨-៧០ឆ្នាំ ក្រោយពីទទួលបានការចាក់វ៉ាក់សាំងបង្ការជំងឺ COVID-19 ខូរ៉ូណាវ៉ាក់ (CoronaVac) របស់ក្រុមហ៊ុនផលិតឱសថចិន Sinovac ក្នុងរយៈពេល ១៤ថ្ងៃ បានធ្លាក់ចុះរហូតដល់ ៩៧ភាគរយឯណោះ។ នេះបើតាមការចេញផ្សាយ ដោយសារព័ត៌មានចិនស៉ីនហួរ នៅព្រឹកថ្ងៃចន្ទ ទី៣១ ខែឧសភា ឆ្នាំ២០២១។ បន្ថែមពីខាងលើនេះ បើតាមរបាយការណ៍ដែលត្រូវបានចេញផ្សាយ ដោយក្រសួងសុខាភិបាលអ៊ុយរ៉ាហ្គាយ កាលពីចុងសប្ដាហ៍មុនបានឱ្យដឹងទៀតថា សម្រាប់មនុស្សដែលបានចាក់វ៉ាក់សាំងបង្ការ COVID-19 របស់ក្រុមហ៊ុនចិន Sinovac រួចរាល់ អត្រានៃការចូលសម្រាកព្យាបាលនៅតាមមន្ទីរពេទ្យ បានធ្លាក់ចុះជាង ៩៥ភាគរយ ហើយករណីឆ្លងក៏បានធ្លាក់ចុះ ៥៧ភាគរយផងដែរ។ របាយការណ៍នេះ គឺបានមកពីការធ្វើតេស្តទៅលើមនុស្ស ៧១២,៧១៦នាក់ ក្នុងរយៈពេល ១៤ថ្ងៃ ដោយគិតចាប់ពីថ្ងៃទី០១ ខែមីនា រហូតដល់ថ្ងៃទី២៥ ខែឧសភា បន្ទាប់ពីពួកគេបានទទួលការចាក់វ៉ាក់សាំងបង្ការជំងឺ COVID-19 ពេញលេញ។ គិតត្រឹមថ្ងៃអង្គារសប្ដាហ៍មុន ប្រជាជនអ៊ុយរ៉ាហ្គាយប្រមាណ ២៨ភាគរយហើយដែលបានទទួលការចាក់វ៉ាក់សាំងបង្ការជំងឺ COVID-19 ពេញលេញ។ គួរបញ្ជាក់ថា រហូតមកទល់ពេលនេះប្រទេសអ៊ុយរ៉ាហ្គាយ […]

(វ៉ាស៉ីនតោន)៖ នៅក្នុងរយៈពេល ២៤ម៉ោងកន្លងទៅនេះ មនុស្សសរុប ៧,៧៥០នាក់ទៀតបានឆ្លងជំងឺ COVID-19 ខណៈអ្នកជំងឺ ១២៤នាក់បានស្លាប់នៅក្នុងរយៈពេលដូចគ្នា នៅទូទាំងសហរដ្ឋអាមេរិក។ នេះបើតាមការដកស្រង់ទិន្នន័យ ចេញពីគេហទំព័រ Worldometers នាព្រឹកថ្ងៃចន្ទ ទី៣១ ខែឧសភា ឆ្នាំ២ ០២១។ ក្រោយការបូកសរុបទិន្នន័យបន្ថែមខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ៣៤,០៤៣,០៦៨ករណី ក្នុងនោះមានអ្នកស្លាប់សរុបចំនួន ៦០៩,៥៤៤នាក់ និងជាសះស្បើយឡើងសរុប ២៧,៨៤០,៨៨៤នាក់។ សម្រាប់ចំនួនប្រជាជនសរុប ដែលកំពុងរស់នៅលើទឹកដីសហរដ្ឋអាមេរិកគឺជាង ៣៣២លាននាក់។ ដោយមើលអត្រាឆ្លង និងស្លាប់ដោយសារ COVID-19 ធ្លាក់ចុះជាបន្តបន្ទាប់ រដ្ឋកាន់តែច្រើននៅសហរដ្ឋអាមេរិក កំពុងត្រៀមបើកទ្វារទាំងស្រុងឡើងវិញ។ តែពួកគេក៏កំពុងលើកទឹកចិត្ត ឲ្យប្រជាជនមកចូលរួមទទួល ការចាក់វ៉ាក់សាំងបង្ការ COVID-19 ផងដែរ ដោយសារតែអត្រានៃការចាក់បានធ្លាក់ចុះ។ កន្លងមកនេះ សហរដ្ឋអាមេរិកបានអនុម័តឲ្យមនុស្សវ័យចាប់ពី ១២ឆ្នាំឡើងទៅ អាចទទួលការចាក់វ៉ាក់សាំង។ គួរបញ្ជាក់ថា គិតត្រឹមថ្ងៃទី៣០ ខែឧសភា ឆ្នាំ២០២១ សហរដ្ឋអាមេរិកបានចាក់វ៉ាក់សាំងបង្ការជំងឺ COVID-19 សរុបជាង ២៩៤លានដូសហើយ ជូនដល់ប្រជាជនទូទាំងប្រទេស ក្នុងនោះមនុស្សសរុបជិត […]

(វីលមីងតុន)៖ ប្រធានាធិបតីអាមេរិក លោក ចូ បៃដិន បានសន្យានឹងប្រាប់ប្រធានាធិបតីរុស្ស៊ី លោក វ្លាឌីមៀ ពូទីន នៅឯកិច្ចប្រជុំកំពូលរបស់មេដឹកនាំទាំងពីរ ដែលនឹងប្រព្រឹត្តទៅនៅខែមិថុនាខាងមុខនេះថា ទីក្រុងវ៉ាស៊ីនតោននឹងមិនអនុញ្ញាតឱ្យទីក្រុងម៉ូស្គូ «រំលោភបំពាន» លើសិទ្ធិមនុស្សឡើយ។ នេះបើតាមការចេញផ្សាយ ដោយសារព័ត៌មាន Reuters នៅព្រឹកថ្ងៃចន្ទ ទី៣១ ខែឧសភា ឆ្នាំ២០២១។ ជំនួបទល់មុខគ្នាជាមួយប្រធានាធិបតីរុស្ស៊ី នឹងកើតឡើងជាលើកដំបូង ចំពេលមហាអំណាចយោធាទាំងពីរ កំពុងមានភាពតានតឹងរវាងគ្នា ដែលមិនធ្លាប់បានជួបប្រទះជាយូរមកហើយ ដោយទីក្រុងវ៉ាស៊ីនតោនបានបង្ហាញមហិច្ឆតា ចង់គាបសង្កត់រុស្ស៊ីបន្ថែម ជាជាងការស្តារទំនាក់ទំនង និងវិស័យនានាដែលប្រេះស្រាំនោះ ឲ្យប្រសើរឡើងវិញ។ លោកប្រធានាធិបតី ចូ បៃដិន បានគូសបញ្ជាក់នៅក្នុងសុន្ទរកថាមួយ នៅមុនកិច្ចប្រជុំកំពូល ដែលនឹងប្រព្រឹត្តទៅនៅថ្ងៃទី១៦ ខែមិថុនាខាងមុខនេះថា «ខ្ញុំនឹងជួបជាមួយលោកប្រធានាធិបតី ពូទីន ក្នុងរយៈពេលពីរទៅបីសប្តាហ៍ខាងមុខទៀត នៅទីក្រុងហ្សឺណែវ ប្រទេសស្វីស ដើម្បីបញ្ជាក់ឲ្យច្បាស់ថា យើងនឹងមិនឈរនូវស្ងៀម និងអនុញ្ញាតឱ្យមានការរំលោភបំពាន ទៅលើសិទ្ធិមនុស្សនោះឡើយ»។ គួរបញ្ជាក់ថា ចាប់តាំងពីចូលកាន់តំណែង លោក ចូ បៃដិន បានដាក់ទណ្ឌកម្មថ្មីៗប្រឆាំងនឹងទីក្រុងម៉ូស្គូ ជុំវិញអ្វីដែលសហរដ្ឋអាមេរិកបានចាត់ទុកថា ប្រទេសរុស្ស៊ីបានបើកការវាយប្រហារផ្នែកព័ត៌មានវិទ្យា […]

(គូឡាឡាំពូ)៖ រដ្ឋាភិបាលម៉ាឡេស៊ីបាននិយាយនៅថ្ងៃអាទិត្យនេះថា រាល់ផ្សារទំនើប (Mall) ទាំងអស់នឹងត្រូវបិទទ្វារ ខណៈវិស័យសេវាកម្មចាំបាច់ចំនួន១៧ ប៉ុណ្ណោះ ដែលនឹងត្រូវបានអនុញ្ញាតឱ្យដំណើរការធម្មតាក្នុងកំឡុងពេលពីរសប្តាហ៍ខាងមុខនេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃអាទិត្យ ទី៣០ ខែឧសភា ឆ្នាំ២០២១។ វិស័យទាំងនេះ រួមមានវិស័យសុខាភិបាល ទូរគមនាគមន៍ ប្រព័ន្ធផ្សព្វផ្សាយ ម្ហូបអាហារ ក៏ដូចជាធនាគារជាដើម។ រដ្ឋាភិបាលក៏នឹងអនុញ្ញាតឱ្យក្រុមហ៊ុនក្រោមវិស័យឧស្សាហកម្មចំនួន១២ បន្តប្រតិបត្តិការផងដែរ ដូចជារោងចក្រផលិតចំណីអាហារ និងភេសជ្ជៈ ឧបករណ៍វេជ្ជសាស្ត្រ វាយនភ័ណ្ឌ និងប្រេងឧស្ម័ន។ វិស័យទាំងនេះនឹងត្រូវបើកប្រតិបត្តិការតែ ៦០ភាគរយ។ ការប្រកាសនៅថ្ងៃអាទិត្យនេះបានធ្វើឡើង បន្ទាប់ពីការិយាល័យរបស់នាយករដ្ឋមន្រ្តីបានប្រកាសកាលពីថ្ងៃសុក្រសប្តាហ៍នេះថា ប្រទេសម៉ាឡេស៊ីនឹងត្រូវអនុវត្តវិធានការបិទខ្ទប់ទាំងស្រង់ នៅទូទាំងប្រទេស ដោយចាប់ផ្តើមពីថ្ងៃទី១ ខែមិថុនារហូតដល់ថ្ងៃទី១៤ខែមិថុនា។ គួរបញ្ជាក់ថា តួលេខអ្នកឆ្លងនៅម៉ាឡេស៊ីបានកើនឡើងយ៉ាងគំហុក។ កាលពីថ្ងៃសៅរ៍មានឆ្លងថ្មីរហូតដល់ ៩,០២០នាក់ និងស្លាប់ ៩៨នាក់។ នៅថ្ងៃអាទិត្យនេះមានអ្នកឆ្លងថ្មី ៦,៩៩៩នាក់បន្ថែមទៀត ដែលនាំឲ្យករណីឆ្លងសរុបនៅទូទាំងប្រទេសកើនលើស ៥៦០,០០០នាក់៕ ផ្តល់សិទ្ធិដោយ៖ freshnews

(ហាណូយ)៖ អាជ្ញាធរក្រុងហូជីមិញនឹងអនុវត្តវិធានការបិទខ្ទប់តំបន់មួយចំនួន និងវិធានការរក្សាគម្លាតសុវត្ថិភាពនៅតាមតំបន់ផ្សេងទៀតក្នុងទីក្រុង រយៈពេល ២សប្តាហ៍ ដោយចាប់ផ្តើមពីម៉ោង០០ ថ្ងៃចន្ទ ទី៣១ ខែឧសភានេះក្រោមសារាចរណ៍ណែនាំរបស់រដ្ឋាភិបាល។ នេះបើយោងតាមការចេញផ្សាយដោយ សារព័ត៌មានវៀតណាមនៅយប់ថ្ងៃអាទិត្យ ទី៣០ ខែឧសភា ឆ្នាំ២០២១។ សេវាកម្មមិនចាំបាច់នានា ក៏ដូចជាសកម្មភាពកំសាន្ត និងកីឡាផ្សេងៗនៅតាមទីសាធារណៈនឹងត្រូវហាមឃាត់។ ការប្រមូលផ្តុំនៅតាមទីសាធារណៈ ដែលមានមនុស្សលើសពីប្រាំនាក់ នឹងត្រូវហាមឃាត់។ ចំណែកឯព្រឹត្តិការណ៍នានា និងការប្រជុំគ្នាក្នុងបន្ទប់តែមួយដែលមានមនុស្សជាង២០ ក៏មិនត្រូវបានអនុញ្ញាតដែរ។ ប្រជាជនត្រូវរក្សាគម្លាតពីគ្នាចម្ងាយ ២ម៉ែតនៅទីសាធារណៈ ហើយការធ្វើដំណើរពីតំបន់ដែលរងការវាយប្រហារដោយសារកូវីដ១៩ធ្ងន់ធ្ងរ ក៏នឹងត្រូវបានកំណត់ផងដែរ។ ទន្ទឹមនឹងនេះ សារាចរលេខ១៦ របស់រដ្ឋាភិបាលវៀតណាម ដែលសំដៅអនុវត្តចំពោះតំបន់ Gấp និង ThạnhLộc សង្កាត់ទី១២ ជាពិសេសនោះ គឺតម្រូវឲ្យប្រជាជនស្នាក់នៅតែក្នុងផ្ទុះ លើកលែងតែករណីចំបាច់បំផុតប៉ុណ្ណោះ។ គួរបញ្ជាក់ថា ចង្កោមចម្លងនៅទីក្រុងហូជីមិញ ដែលពាក់ព័ន្ធនឹងព្រះវិហារគ្រឹស្តសាសនា នៅតែបន្តកើនឡើងជាលំដាប់ ដោយមានអ្នកឆ្លងថ្មីចំនួន ៥៩នាក់បានបញ្ជាក់ក្នុងចំណោម ២៥០ករណីនៅថ្ងៃអាទិត្យនេះ ដែលធ្វើឲ្យទីក្រុងភាគខាងត្បូងមួយនេះក្លាយជាកន្លែងផ្ទុះឆ្លងជំងឺកូវីដ១៩ ធ្ងន់ធ្ងរជាងគេទី២ បន្ទាប់ពីខេត្ត Bắc Giang ដែលស្ថិតភាគខាងជើងប្រទេសនាពេលបច្ចុប្បន្ន។ រហូតមកទល់ពេលនេះវៀតណាមមានករណីឆ្លង ៧,១០៧ករណី ក្នុងនោះស្លាប់៤៧នាក់ និងជាសះស្បើយ […]