(បរទេស)៖ នៅក្នុងកម្មវិធី «Awe Dropping» ថ្ងៃទី០៩ ខែកញ្ញា ឆ្នាំ២០២៥ ក្រុមហ៊ុន Apple បានបង្ហាញផលិតផលថ្មីៗដែលអាចទាក់ទាញចិត្តអ្នកប្រើជាច្រើន។ ក្នុងនោះរួមមានការបង្ហាញ iPhone 17 Air មានរាងស្តើងបំផុត, AirPods និងនាឡិកាជំនាន់ថ្មីជាដើម។

iPhone 17 Air មានរាងស្តើមបំផុតក្នុងប្រវត្តិសាស្ត្ររបស់ Apple
• iPhone 17 Air គឺស្តើងបំផុតដែល Apple បានផលិត កម្រាស់ត្រឹមតែ 5.6 មីល្លីម៉ែត្រ និងមានថ្លៃចាប់ពី ៩៩៩ដុល្លារនៅទីផ្សារអាមេរិក។
• iPhone 17 Air បង្ហាញពីកងបិត corp Titanium និងមានភាពទាន់សម័យដោយមានល្បឿន 120Hz, មានស្រោប Ceramic Shield, និងមាន N1 networking chip លេខថ្មី និង C1X modem ដែលផ្តល់ Wi-Fi 7, Bluetooth 6 និង Thread ។
• iPhone Air បំពាក់ប្រព័ន្ធកាមេរ៉ា 48 MP Dual-Fusion ខាងក្រោយ និង 18 MP Center Stage ថ្មី សម្រាប់ចាប់បង្វិលទិស និងបង្ហាញពីទិដ្ឋភាពស្វ័យប្រវត្តិ។ វាដំណើរការជាមួយ iOS 26 ។
• ស្មាតហ្វូនសេរីថ្មីនេះមានជម្រើសពណ៌ថ្មីៗដូចជាពណ៌ខ្មៅ (Space Black), ពណ៌ស Cloud White, ពណ៌មាស (Light Gold) និង និងពណ៌ខៀវ (Sky Blue)។

iPhone 17 និង iPhone 17 Pro
• iPhone 17 មានអេក្រង់ធំជាងមុនរហូតដល់ 6.3-អ៊ីញ, មានល្បឿន 120Hz ទំហំ 256 GB និងប្រព័ន្ធកាមេរ៉ា 48MP និង Dual Capture ជាមួយជម្រើស៥ពណ៌។ iPhone 17 ដំណើរការដោយឈីបថ្មីបំផុត A19 ដែលផលិតដោយបច្ចេកវិទ្យា ៣ណាណូម៉ែត្រ និងត្រូវបានរចនាឡើងដើម្បីដំណើរការប្រតិបត្តិការបែប AI នៅលើឧបករណ៍បានច្រើនជាងមុន។
• iPhone 17 Pro ចាប់ពី ១,០៩៩ដុល្លារ (តម្លៃនៅអាមេរិក) ខណៈដែលម៉ូដែល Pro Max ផ្ដល់សមត្ថភាពផ្ទុករហូតដល់ 2 terabytes ជាលើកដំបូង។

AirPods Pro 3
• Apple បញ្ចេញ AirPods Pro third-generation មានការប្រើប្រាស់ advanced noise cancellation, live translation និងមានសមត្ថភាពវាស់ចង្វាក់បេះដូង (heart-rate sensing), ដំណើរការបានរហូតដល់៨ម៉ោង និងមានតម្លៃ ២៤៩ដុល្លារ។

Apple Watch ថ្មីៗ
• Apple Watch Series 11 ផ្តល់នូវឧបករណ៍ត្រួតពិនិត្យសំពាធឈាម, Apple Watch SE 3 មានម៉ូឌុល Always-On display និង Apple Watch Ultra 3 បំពាក់សមត្ថភាព satellite connectivity និងថាមពលបានយូរ។

ក្នុងការចេញឧបករណ៍ជំនាន់ថ្មីនេះ Apple មិនបានតំឡើងថ្លៃ ចរើនទេបើប្រៀបធៀបនឹងឆ្នាំមុន ប៉ុន្តែ Apple បានដកជម្រើសទំហំ 128 GB ចេញ ផលិតផលទាំងអស់នឹងចេញលក់ដល់ដៃអ្នកប្រើនៅថ្ងៃ១៩ ខែកញ្ញា ឆ្នាំ២០២៥៕ ផ្ដល់សិទ្ធិដោយ៖ Fresh News