នារីម្នាក់អះអាងថាខ្លួនជាប្អូនស្រីតារាសម្តែង ហ៊ិន ចាន់នីរ័ត្ន ទម្លាយរឿងថាបងស្រីមិនទទួលស្គាល់ម្តាយបង្កើតរបស់ខ្លួន
កាលពីពេលថ្មីៗនេះតារាសម្តែងនិងជាពិធីការនីល្បីឈ្មោះប្រចាំស្ថានីយ៍ទូរទស្សន៍បាយ័ន គឺកញ្ញា ហ៊ិន ចាន់នីរ័ត្ន ត្រូវបាននារីម្នាក់អះអាងថាខ្លួនជាប្អូនស្រីបង្កើតរបស់នាង ហើយទម្លាយរឿងរ៉ាវដែលបងស្រីមិនទទួលស្គាល់ម្តាយបង្កើតរបស់ខ្លួននោះឡើយ។
ម្ចាស់គណនីឈ្មោះថា Zeii Pov បានរៀបរាប់នៅលើ Facebook ដោយភ្ជាប់រូបថតម្តាយ និងកញ្ញា ហ៊ិន ចាន់នីរ័ត្ន ថា៖ “ខ្ញុំមិនជឿថា រយៈពេលច្រើនឆ្នាំមកនេះ បងធ្វើដូចជាមិនដឹងរឿងអីនោះទេ បងអាចលាក់បាំងភ្នែកមហាជនបាន អាចកុហកអ្នកគាំទ្របងបាន តែបងមិនអាចលាក់បាំងការពិត នឹងប្រវត្តិរបស់ខ្លួនឯងបានមួយជីវិតនោះបានទេ រឹតតែមិនអាចកុហកខ្លួនឯងទៀត។ មិនមែនបំពុលចង់ល្បីទេ តែបងបើកនេត្រាមើលម្តាយយើងផង ហើយគិតមើលម្តងទៀតថាម្តាយរបស់គាត់ចំណាស់ប៉ុន្មានហើយ តើគាត់អាចនៅជាមួយយើងបានប៉ុន្មានឆ្នាំទៀត?។”
ទោះជាយ៉ាងណាក្តីកញ្ញា ហ៊ិន ចាន់នីរ័ត្ន ហាក់មិនប្រតិកម្មចំពោះការលើកឡើងនេះឡើយ រហូតម្ចាស់គណនីដដែលបានបង្ហោះសារបន្ថែមទៀតថា៖ “ទោះម៉ែមិនល្អសំរាប់អ្នកដ៏ទៃ ទោះជាគេមេីលមិនឃេីញពីទឹកចិត្តម៉ែ តែម៉ែនៅតែជាម្តាយដ៏ល្អសំរាប់កូនៗ ស្តាយដែលម្តាយខ្ញុំនៅខេត្ត បេីគាត់នៅភ្នំពេញឥលូវនេះ ទ្បាយអោយគាត់បកស្រាយការពិតអោយបងប្អូនបានដឹងពីរដំណេីរដេីមទងអោយកាន់តែច្បាស់ជាងនេះ កុំអោយថាខុសតែម្ខាង ហេីយម្ខាងទៀតមិនដឹងអី “៕ ដោយ៖ ខ្មែរណូត
អត្ថបទទាក់ទង
